COLUMN
DEUR HENT VAN DE SCHIELEKE DRAEJ
Goejedag same, Mins, wat hadde wi-j schik. Op de 11e van de 11e naor Keule en ’t mooiste van alles was dat ’t ook nog gewoon deur ging. Now, zo gewoon was ’t nie, want Frau Burgermeister Henriëtte Reker had op 5 November nog extra Massnahmen aangekondig. Veur heel Keule gold op de 11e november 2G. Ook op straot moessie ’n mondkapje veur. Wi-j hadde ’t der allemaol veur aover. Azzie de controles deur was veur de QR-code, entreepas en legitimatie, mochtie ow vri-j en gemuutelek beweage, zo as ’t altied ging. Wi-j hemme ’n heavig mooie dag gehad. Op de trugweg in de Zug hadde ’n paar feestende ’t mondkapje niet veur. Wi-j wiere zo had toegeschreeuwd deur de Ordnungsbeamte, MUNDKAPSEL AUF, dat ’n paar lu-j van schrik ’n tweede mondkapje oaver de eerste trokke. In Keule was ’t Klar. Carnaval viere kon, maor enkel en alleen onder 2G. Nicht vacciniert? Dan wier ie Herzlich eingeladen um Zuhause Karneval te viere veur de TV. In ’t weekend nao Keule wier onze eige pronkzitting afgeblaoze, vanweage Corona. Oaver de beslissing wazze de meninge verdeeld. Op Facebook zaggie duumkes, maor ook verdrietige köpkes. “Waorum de pronkzitting niet naor de middag verplaats?? Ook de jeugdpronkzitting van de Waskupe was ’s-middags”. Zeg ’t maor. Volges de RIVM-richlijne had ’t wel gekönd. De situatie was nie vol anders dan met ’t plaats bespreake, alleen zollie now met de pronkzitting al met ’t aovendeate thuus zun. Veur alles is altied wat te zegge. Laote we hoape dat ’t rap de goeje kant op geet. Veur de vereniginge, maor veural veur de minse die de onder li-je, op wat veur manier dan ook. Fijne Kesdage, goeje Roets en blief gezond. Dat zeit Hent. december 2021 | De Zandhaas
37
