58
За време на изборите, уапсен е претседателот на Изборната комисија поради претходно сторено кривично дело обид за убиство189. По пуштањето на слобода, тој е киднапиран, па пуштен на слобода90. На овие избори се прегласува на неколку факултети поради забележани нерегуларности. Наредните циклуси на студентски избори (2009/2012год.) поминуваат помирно од претходните, без поголеми инциденти. Сепак, во 2012 година, Изборната комисија објавува правилник за избори составен врз непостоечки член во Статутот на УКИМ91. Истата година, студенти од МОФ ги мониторираа изборите на матичните факултети и забележаа низа нерегуларности како задоцнето отворање на гласачки места, непостоење на избирачки список, повеќекратно гласање, довикување на студентите да гласаат за одредени кандидати, присуство на неовластени лица итн. Забележително е дека двајца претседатели не го почитуваат предвиденото времетраење на мандатот и го продолжуваат својот мандат за сериозно долг временски период. Еден од најголемите проблеми кој се јавува на досегашните студентски избори е дека излезноста за гласање е на многу ниско ниво. Така, процентот на излезност се движи околу 10 % од вкупниот број на студенти на УКИМ, што го поттикнува прашањето колку претседателите на СПУКМ се легитимни претставници на студентите на УКИМ. Според, истражувањата од 2014, студентите на УКИМ генерално не знаат кој е нивни претседател, т.е. Претседател на СПУКМ. Така, 69% од испитаниците одговориле дека не знаат кое е името на Претседател на СПУКМ. Само 22% од студентите го препознаваат името на Претседателот на СПУКМ во 2014 година во прашалникот. Студентите не се запознаени и со процедурите за студентските избори, па така не знаат на колкав временски период се одржуваат изборите. Дури 76,6% од студентите на УКИМ одговараат дека не знаат на колкав временски период се одржуваат избори за студентски Претседател на УКИМ. Само 2% од испитаниците знаат дека изборите се одржуваат на секои две години 92.
ПРЕТСЕДАТЕЛСТВО НА СПУКМ Претседателството на парламентот при Универзитетот е извршното тело на СПУКМ. Се работи за орган кој ги спроведува одлуките на парламентот, но и кој носи важни акти и одлуки во поглед на работењето на организацијата и студентското организирање на УКИМ.
Структура Членовите на Претседателството на СПУКМ ги предложува претседателот на парламентот. Имено, секој претседател, откога ќе биде изгласан, на првата седница од почнувањето на неговиот мандат, предлага тим на свои соработници со кои ќе работи во текот на наредните две години. За разлика од точно познатиот број членови на претседателството на парламентот на факултетот, овде тоа не е случај. Правните документи на СПУКМ не предвидуваат колку членови брои ова тело93. Претседателот на СПУКМ е член на ова тело и заседава со седниците. Од редот на Претседателството, се бираат три потпретседатели на СПУКМ.
Надлежност и носење одлуки Претседателството оддржува седници по потреба94. Седниците ги свикува претседателот на парламентот. Надлежност на Претседателството е донесување на годишни програми за работа; правилници на СПУКМ; донесува одлуки за награди, пофалници и признанија на истакнати членови, активисти и поддржувачи на Студентскиот парламент;
Автор: непознат, „Претседателот на студентската изборна комисија обвинет за обид за убиство“, Телевизија А1, 1 март, 2007 http:// bit.ly/1nJWWHI 90 Јовановска, Билјана, „Тажен циркус со изборот на студентски лидер“, Утрински весник, 2 март, 2007 http://www.utrinski.mk/?ItemID=133BF479990CFB49B28C5A1B3C200836 91 Автор: непознат, „Изборниот правилник на СПУКМ почива врз непостоечки членови од Статутот на УКИМ“, 10 октомври, 2012 година http://www.radiomof.mk/spukm-part-2-ovoj-pat-go-barame-chlenot-392-i-395/ 92 Живковиќ А., „Истражување за перцепцијата на студентите на УКИМ за студентското организирање”, (работна верзија). ФЕС, 2014 93 Од достапните записници, се согледува дека последното претседателство на СПУКМ (2012‒2014 година) броело дваесет и два членови. Види: СПУКМ, Записник од седница на Студентски парламент на Универзитетот „Св. Кирил и Методиј“, одржана на 19 октомври, 2012; 94 Член 5, Деловник за работа на Претседателството на Студентскиот парламент на Универзитетот „Св. Кирил и Методиј“ – Скопје, 2008 89