2017 poesiaren nazioarteko eguna

EPAI-MAHAIAREN 1. SARIA ITSASO BAT MALKOZ BETEA AIMAR SAN MARTIN LARRAÑAGA – DBH 2A

1. Itsaso zabal-zabal dena malkoz betea dena umorez betea 2. Euria negarra bezala lainoak egiten dutena itsasaldi gogorren ostean beti dator barea eta euri eta haizeak puskatutako dena beti datoz onera negarra baino hobeto beti barrea 3.Negarra barrearen kontrakoa malkoz bete betea maitasunaren etsaia bikote bat puskatzerakoan gertatzen dena 4. Negarra barrearen kontrakoa begien ura eta jendearentzako maitasuna ez dena eta askorentzat sufrimendua dena

IKASLEEN 1. SARIA

MALKO MAITEAK MARKEL ARISTI LÓPEZ – DBH 1D

Malko asko ditut bakarrik ez sentitzeko nire lagun bakarrak dira eta behar ditudanean nirekin egoten dira baina zerbait falta zait.

“Benetako laguna” hori esan eta gero nire malkoak ez ziren ateratzen eta konturatu nintzen ez nituela behar orduan hasi nintzen lagun hori bilatzen.

Lehenago, irria baina gutxitan ateratzen zen Ondoren, haserrea, gaiztoegia zen ezta seriotasunak ere ez zidan laguntzen azkenik, pena geratzen zitzaidan.

Eta esan zidan lagun hobea zegoela “zein?” galdetu nion eta erantzuna begien malkoa zen negarrez hasi nintzen eta malkoak agertu ziren.

Esan nien “maite zaituztet “guk ere maite zaitugu” eta konturatu nintzen beraiek zirela benetako lagun lau haizetara oihukatu nuen askotan: ”Maite zaitut, Maite zaitut …”

EPAI-MAHAIAREN 1. SARIA MALKOEKIN BATERA NEREA SASIAIN URANGA – DBH 4B

Begiak dirdirka ikusten zaitudanean Begiak umelduta nire ondotik igarotzean Begietan malko bat nigandik urruntzen zarenean Begiak ur gaziz beteta jada nire ondoan sentitzen ez zaitudanean Badoaz masailetatik behera noraezean Aurpegitik alde egin nahian denagandik ihesi Buruak ez du nahi bihotzak ez dit besterik eskatzen baina ezin dut ezin naiz beregana hurbildu bera ukitzen, usaintzen ausartu Eduki zintudan, eta orain, orain nire malkoekin batera, bazoaz, joan zara.

Betirako.

IKASLEEN 1. SARIA

MALKOAK BEGIETAN ALAITZ CORTABERRIA ANTIA – DBH 4A

Egun ilun hartan malkoak nituen dantzan Ospitale horretako gela txikian erantzun bat jasotzeko desioan.

Aita nuen alboan Ez zegoen inor bere ondoan Bera eta ni bakarrik Zer egin jakin ezinik Minbizi nazkagarria zu zara denen artean gaitzetsia Egun batetik bestera agertu Eta oroitzapen maiteak egiten dira desagertu Beldurra nuen medikua gelara sartzea Eta ez nuena nahi entzutea Baina bai, horrela izan zen Malkoak besterik ez zitzaizkidan erortzen Ama , amatxo maitea zu zinen inor baino hobea Beti egongo zara gure bihotzetan oroitzapen eta ametsik goxoenetan.

EPAI-MAHAIAREN 1. SARIA KONTUZ SUAREKIN NAIARA MANTZIZIDOR BARINAGARREMENTERIA – BATX 2C

Amak esan zidan hainbat aldiz: “Suarekin ibil hadi kontu handiz”; baina ez dakit su indartsua ote zen benetan arriskutsua.

Alde batetik epela, maitasuna bezala; bestetik mingarria, mingotsa, ez al da antzekoa erdibitzea bihotza?

Lehenengo musua, hortxe sortzen da sua, zenbat momentu ero elkarrekin bero-bero.

Erantzule delarik denbora sua itzaltzen omen da gerora, baina su horren ahultzeak zergatik dakartza atsekabeak?

Itzuliz amaren esanera kontraesan bat neure barrenera: su indartsua bazen arriskutsua ezin da izan mingarria indarrik gabeko sua.

Su indartsuak mina ala ahulak samina?

Hortxe nire zalantza, non dagoen bien arteko balantza.

Guztiok dugu maitasunaren beharra, nahitaezkoa haren sugarra, ez indartu ez ahuldu gehiegi ez baduzu nahi zaitzala eri.