четврток, 22 мај 2014, Бр. 180
БИЗНИС ИНФО
35
САЕМИ, СЕМИНАРИ, ФОРУМИ, ПРЕЗЕНТАЦИИ
„INELEX 2104“ ВО ИЗМИР
Од 22 до 25 мај 2014 година Меѓународен саем за лифтови и технологија за лифтови во Измир Република Турција
Оваа саемска манифестација е најзначајно стопанско и технолошко случување во сферата на т.н. „индустрија за вертикален транспорт“ на Блискиот Исток и во Југоисточна Европа, која ги обединува производителите на лифтови и компоненти за лифтови, градежни фирми, менаџери и консултанти на проекти, инженери, архитекти, разни инвестициски фондови и корпорации итн. Организаторите на Саемот предвидуваат како главна цел да биде поттикнување вмрежување на компаниите, запознавање со состојбите на пазарите од регионот и партнерства кои ќе влезат во нови договорни односи. Со цел да ги привлечат најреномираните компании и експерти, тие интензивно го промовираат Саемот низ Турција, Блискиот Исток, Африка, Европа и Азија. Овој саем се организира на секои две години и во 2012 година истиот го посетиле компании од повеќе индустрии од 29 земји. Покрај презентирањето на најнова технологија и производи, овој настан ќе придонесе и за создавање платформа за зголемување на извозот и производството во конкретните дејности. Подетални информации за Саемот на: http://www.inelex.com/ • • • • •
За посета на Саемот, Стопанската комора на Македонија во соработка со организаторот обезбедува: 3 ноќевања (со појадок во хотел со 4*); локален транспорт (Аеродром – Измир - Аеродром); тридневна влезница за Саемот; преведувачи за олеснување на комуникацијата со турските компании; можност за организирање деловни средби со учесниците на Саемот.
Цената на аранжманот по лице од компанија-членка на Стопанската комора на Македонија изнесува 3.540,00 денари (со вклучен ДДВ). За останатите цената е 4.720,00 (со вклучен ДДВ). Напомена: Во цената не е вклучен транспортот до Измир, за што Стопанската комора на Македонија може да посредува за обезбедување авионски билет.
Пријавување до 14.05.2014 Аплицирај електронски / on-line Контакт: Снежана Камиловска Тел: ++ 389 2 3244061 Факс:++ 389 2 3244088 Контакт Центар : (02) 15015 E-адреса: snezana@mchamber.mk
Контакт: Војкан Николовски Тел: ++ 389 2 3244068 Факс:++ 389 2 3244088 Контакт Центар : (02) 15015 E-адреса: vojkan@mchamber.mk