پەیڤێکی مێژووی: ئافرەتی کورد ،شان بەشانی پیاوی کورد ئەرکی زەحمەتی و مەینەتییەکانی ژیانی کۆمەڵگای کوردستانی ھەر لە دێرزەمانەوە کەوتۆتە سەرشان و گەلێ جاریش زیاتر لە پیاو بەرگەی چەرمەسەرییەکانی ڕۆژانی تاڵ و نەھامەتییەکانی گرتوە .خۆگەر باس لەو ئافرەتە سەرکردانەی خۆمان بکەین کەلەبوارەکانی بەرێوەبردنی خاوخێزان و کۆمەڵگا و میرنیشین و داھێنانی ئەدەبی و رۆشنبیری دا ڕۆڵی کارامەییان گێڕاوە خۆمان لەباسێکی مێژووی فرەوانی ھەمەالیەنە دەدەین و لەباسەکەشمان دوور دەکەوینەوە، وەلێ ناوھێنانی خاتوو خانزادی میری سوران و مەستورە خانی ئەردەالنی تەنیا وەک دوو سیمبوڵی ئافرەتی کوردی دوێنێی نێو قۆناغە کەونەرا کانی بوارەکانی خۆیان دا کارامایی ولێوەشاوەیی ئافرەتی کوردمان پێشانی ئەورۆ دەدات و ئەو راستیمان بۆدەسەلمێنی کە ئافرەتانیشمان لەمێژووی بنیات نانی کۆمەڵگای کوردستان دا ڕۆڵی کاریگەرییان بینیوە. لەالپەرەکانی مێژووی خەبات و تێکۆشانی گەلەکەمان لەسەدەی بیستەمی رابردوووەوە راستەوخۆ ئافرەتی کورد ئەرک و قورسایی شۆرشە یەک لە دوایەکەکانی کەتۆتە سەر شان و مەردانەش بەرگەی نەھامەتییەکانی گرتووە جا بە شێوەیەکی رێکخراوەیی بووبێ یا نارێکخراوەیی .مەبەستیش لە رێکخراوەیی کاری پیشەیی شۆڕشگێری رێکخراوەیی یە لە نێو یەکەمین رێکخراوی پیشەیی ھونەری لەسەردەمی شورشی ئەیلولی ١٩٧٥-١٩٦١ و پاشان لەقۆناغی شورشی گواڵنی ١٩٧٦کە ئەویش رێکخراوی (یەکێتی ئافرەتانی کوردستان)ە. ئەم رێکخراوە پیشەگەرە شۆڕشگێرە پێشەنگە لەمێژووی شۆڕشگێری کوردستان دا چ لەنێوچیاکانی کوردستانی عێراق دا یا لە ئاوارەیی لە کوردستانی ئێران و شارەکانی ئێران لەباروودۆخی دژواری پڕاوپڕ لەنائومێدی چرای ئومێدیان بۆڕۆشن کردنەوەی ژیان داگیرساندووە ،و وێنەیەکی جوانی کۆڵنەدانیان بۆ ئەمرۆی نەتەوەکەمان خستۆتە بەر چاو ،کە مایەیی شانازی و رێزگرتن و باس کردنە ھەروا ھەڵسەنگاندنی کارو پیشەکانییان ،بەتایبەتیش لەبواری رۆژنامەگەری دا کەمەبەستی ئەو باسەمانە. گۆڤاری دەنگی ئافرەت: رێکخراوی یەکێتیی ئافرەتانی کوردستان لەقۆناغی دووەمی خەبات وتێکۆشانی چەکداری پارتی دیموکراتی کوردستان دا لەساڵی ١٩٧٦وە کەخەباتی شۆرشی گواڵنی نیشتمانی نەتەوەیی یە ،جا لەچیاکانی کوردستانی عێراق بووبێ یا لە ئێران ڕۆڵ وکاریگەری خۆی بینیوە. لەگەڵ رێکخراوی ئافرەتان و ژنانی کوردستانی حزبە شۆرگێڕەکانی نێوگۆڕەپانی تێکۆشانی کوردستان لەنێوچیاسەرکەشەکانی کوردستان دا وەک رێکخراوەکانی یەکێتیی نیشتمانی کوردستان ،حزبیی شوعیی کوردستان ،شوسیالیستی کوردستان ،حزبی زەحمەتکێشانی کوردستان و حزب و الیەنەسیاسیەکانی دیکەی کوردستانیش با لەدوای یەکێتی ئافرەتانی کوردستانیش ،دامەزرابن ھەریەکەیان بەگوێرەی شوێن پێ یان ڕۆڵ Analytical, academic, quarterly Magazine
11 12
107
پاییز و زستانی ٢٠١٥