Zapoteco
Nasiá racaladxe’ / Azul anhelo
Yuria Cuxhui’lua’ lalu’ cá lu ti xquiapadiidxa’ Lu stidxi ti binnirucaa diidxaguie’ ni qui ñunibiou’ ne ziuu dxi guidxaagu’ lana ni bicaa ti ziuu ti nguiiu ni guni guidxelazaneu’ gui’chi’ libilisaa ne diidxa’ ni cuyubi gaca’ diidxanaxhi guicou’ zanu’ dxicá Nuu stiidxa’ guendaranaxhii ga’chi’ ra ruxidxu’ Cadisi ra bidxaaga ti nguiiu ne ti gunaa ni bidii lii guendanabani Zanu’ biuu dxi bixhozelu’ nisi cayuuyadxi qui gana xi neza guicaa pa caa canazá nandasi biguiidi’ huadxi de ra bedandá lalu’ Yuria ne gucalu’ neza lube’ ti ba’du’ bacuzaguí ni qui ziuu dxi gusuí xpiaani’
106