Ársfrásøgn 2014 - Felagið Føroysk Træseglskip

Felagið Føroysk Træseglskip Ársfrásøgn og Regattaroknskapur 2014

(5. roknskaparár)

1

KUNNING UM FELAGIÐ: Felagið:

Felagið Føroysk Træseglskip v/Hans Eli Hansen, nevndarformanni Traðagøta 27, 700 Klaksvík.

Tlf.: 456661 & 756661 – teldup.: heh@post.olivant.fo Stovningardagur: Roknskaparár: V-tal: Heimasíða: Facebook Teldupostur: Peningastovnar:

20. November 2009 1. oktober til 30. September.

591.777 www.traeseglskip-fo.com www.facebook.com/foroyaregatta ein av nevndarlimunum, sí niðanfyri BANKNORDIK 6460-0003605290 NORÐOYA SPARIKASSI 9865-9865726

Nevndin:

Hans Eli Hansen, formaður Tlf.: 456661 & 756661 – teldup.: heh@post.olivant.fo Gudmund Jacobsen, næstformaður Tlf.: 374486 & 230500 - teldup.: vagsship@post.olivant.fo Arnbjørn Egholm Tlf.: 585837 - teldup.: arnbjorn@thor.fo Jens Marius Poulsen Tlf.: 210185 – teldup.: jens@torshavn.fo Emil Simonsen Tlf.: 361640 & 217823 – teldup.: emilsim@outlook.com

Tiltakslimir:

Bjarni Heinesen Tlf.: 283776 – teldup.: bjarni.heinesen@skulin.fo Jóannes Eidesgaard Tlf.: 599800 – teldup.: joanneseidesgaard@gmail.com

Kassameistari:

Jens Marius Poulsen, kassameistari Emil Simonsen, vara kassameistari

Grannskoðarar:

Bjarni Heinesen Hávarður Enni, – teldup.: havard@enniway.com

Skrivari:

Jens Marius Poulsen

Ársfrásøgn framløgd og góðkend á aðalfundi tann 28. november 2014.

Jens Marius Poulsen fundarstjóri 2

NEVNDARFRÁGREIÐING 2014 Endamál felagsins: Er at virka fyri at eldri træseglskip og eldri føroyskir bátar, - eldri enn 50 ár, - sum hava serstakt siðsøguligt eyðkenni og virði, og sum ætlanin er at sigla við í framtíðini - verða varðveitt við atliti til tann siðsøguliga mentanararv tey eru. Ásannast má, at tey í veruleikanum eru flótandi fornminni fyri okkara samfelag sum fiskivinnutjóð, hvørs lívsgrundarlag hevur verið og framvegis er á sjónum.

Felagið virkar fyri, at ung sum gomul læra at fremja góðan sjómansskap umborð á eldri træseglskipi ella føroyskum báti, har dentur verður lagdur á gott viðlíkahald og góða kunning um trygd á sjónum.

Felagið vegleiðir og stuðlar teimum limum, sum sjálvbodnir arbeiða við at varðveita eldri træseglskip ella eldri føroyskar bátar.

Umbyggingar eiga í mest møguligan mun at verða førdar aftur til tað upprunaliga og lúka krøv frá Føroya Skipaeftirliti. Dentur skal leggjast á, at tað er gott handverksarbeiði, sum gjørt verður.

Limir: Limatalið er umleið 800 kring landið.

Felagið hevur teldusamband við áleið ein fjórðing av limunum. Teldusambandið verður brúkt til at senda limunum kunning og boð, og tað er sjálvandi óheppið, at vit ikki náa øllum limunum, men tað ber til at fáa boð og kunning til allar limir, um teir lata nevndini teldupostadressur og minnast til at boða frá, tá adressur verða broyttar.

Heimasíða Heimasíðan – www.traeseglskip-fo.com Skal nytta fáast úr heimasíðu, skulu góð fólk røkja hesa. Vit í nevndini ivast ikki í, at vit hava limir, ið vilja átaka sær røktina!

Virksemi/hendingar í ár: Tíðin, tá skip og deksbátar hava loyvi at sigla við ferðafólki, er frá apríl/mei til endan á september.

Hetta er tíðin, har størsti parturin av inntøkunum skulu vinnast. Ymiskt er, hvussu hevur vignast. Í summar var Johanna túr í Oslo, Dragin í Hetlandi og Orknoyggjum og Westward Ho í Orknoyggjum og Norra. Túrarnir vóru sera væleydnaðir.

Annars hava skip og bátar siglt smátúrar í heimasjógvi við ferðafólki og skúlabørnum.

Nevndarfundir: Nevndin hevur síðan síðsta aðalfund havt fýra nevndarfundir, 22. november, 9. januar, 5. februar og 22. oktober í Tórshavn. Frásagnir eru sendar limunum.

3

Føroya Regatta 2014: Fyrireikingin: Nevndin hevði fund við Hvalbiar Kommunu, Sunda Kommunu, Runavíkar Kommunu og Tórshavnar Kommunu (Nólsoy) um tilrættalegging av regattaini í 2014. Í ár gav Miðlahúsið eitt Regattablað út, sum varð lagt inn í Vikublaðið, og sum kom í hvørt hús í Føroyum. Eisini vórðu stórir bannarar hongdur tvørtur um Tórsgøtu, Niels Finsensgøtu og Áarvegin í Havn – tað riggaði bara væl. Annars vóru tær vanligu plakatirnar hongdar upp á kunningarstovum og øðrum egnaðum støðum kring alt landið.

VisitTórshav (Tórshavnar Kunningarstova) gjørdi okkum eina heimasíðu á facebook við nógvum myndum frá Føroya Regatta. Tey stóðu eisini fyri søluni av ferðaseðlum. Hetta lætti nógv um fyrreikingararbeiði hjá nevndarlimum.

Siglingin: Regattasiglingin 2014 var frá 3. til 6. juli; siglt varð fram við bygdum øki.

Byrjað varð við komu á Hvalba, hósdagin 4. juli, haðani siglt varð til Hvalvíkar dagin eftir, fríggjadagin 5. juli. Leygardagin 6. juli varð siglt á Runavík, men ávegis varð steðgað í Nólsoy kl.

13 til kl. 16.

Regattasigling varð aftur í ár nakað darvað av illveðri – væl av vindi áðrenn siglingina. Illveðrið hevði við sær, at nakrir av smáu deksbátunum ikki hættaðu sær um Suðuroyarfjørð og at okkurt skip kom seinri.

Annars kann sigast, at verðið var við okkum restina av regattasiglingini, nærmast stilli.

Langi túrurin av Hvalba til Hvalvíkar gekk væl, teir staðkendu í Suðuroyarfirði komu fyrst á Dalsfles. Siglt varð norður um Skálhøvda, áðrenn lagt varð móti Borðini, har restin av regattaflotanum kom uppí.

Siglingin norður á Hvalvík eydnaðist væl. Bilar á sundalagsvegnum steðgaði á, myndatólini vórðu nógv brúkt, hetta sást á nógvu blitsunum.

4

Hornorkestur spældi meðan skip og bátar løgdu at í trongu havnini í Hvalvík, men hjálparbátarnir fingu flotan væl at og frá bryggju.

Stuttu túrarnir til Nólsoyar og Runavíkar gingu væl. Í Nólsoy hjálpti Skúmarin flotanum at og frá bryggju. Kl. 16 var siglt norður á Skálafjørðin.

Regattaflotin lá serliga væl í formatión, tá komi varð inn um Saltnes, siglt varð inn á fjørðin, har harmonikuleikararnir Sverri & Bjarti komu umborð á fremsta skipið og spældu við millumbilum, meðan siglt varð til bryggju. Nevnast skal, at Johanna, sum hevði øll 6 segl uppi, var serliga flott á at líta.

Skipini løgdu at í Runavík kl. 19, meðan hornorkestur spældi. Tað var ein vøkur sjón, at síggja øll skipini liggja ”på rad og række” við longu bryggjuna í Runavík.

Siglt varð heim í besta veðri, - skip og bátar byrjaðu at loysa um 10 tíðina, kl. 11 vórðu øll farin.

Allar kommunurnar høvdu gjørt nágreinilga atløguætlan og skipa havnarløgini avbera væl. Í regattaroknskapinum sæst hvørji skip luttóku. Á bryggjunum: Í Hvalba beyð borgarstjórin, Trúgvi Gudmundarson, vælkomin, hóast nógvi vindurin hevði blást tjaldið á bryggjuni um koll kvøldið fyri, so neyðugt var at flyta alt tiltakið vestur í Roynhøllina, høvdu vit eitt sera hugnaligt kvøld í Hvalba. Tey sum tóku av tilboðnum um at vitja í kolaminuni, fingu eitt stórt upplivilsi.

5

Í Hvalvík beyð Heðin Zachariasen, borgarstjórin vælkomin. Í stóra tjaldinum bar til at keypa mat og drykkivørur, har varð skipað fyri felagssangi og føroyskum dansi, har Eysturoyar dansifelag skipaði. Regattatiltakið enda við dansi, har Bridge spældi.

Í Nólsoy beyð Jógvan Arge, formaður fyri mentamálanevndi, vælkomin. Tá øll skipini høvdu lagt at, varð skipa fyri ymiskum á bryggjuøkinum, mikil gangur var, tá sjórænarar royndi at ræna konufólk. Men seinri bóru sjórænarar og konufólk skipunum matpakkar og okkurt leskiligt afturvið.

Góður tónleikur frá Kim Hansen, band ljóðaði um alt økið.

Steðgurin vardi bert 3 tímar, men tað var avgjørt ein sera hugnalig løta í góðveðrinum. Í Runavík beyð Arnfinn Langgaard, formaður í vinnu- og havnanevnd, vælkomin. Dan Reinert Petersen, lærari og sjómaður, flutti fram røðu. Fólkasangarin Kári Sverrisson undirhelt við sangi, togtogan var á bryggjuni, har Johanna, sum ikki einaferð, vann steyp til ognar. Í stóra tjaldinum spældu Fourmen til dans, men inn í millum var “PrixRunavík” – sangkapping ímillum manningarnar, her vann Johanna eisini steyp til ognar.

6

Lýsingar: Regattatiltakið varð lýst á ymiskan hátt í og á: Nemakalendaranum.

VisitFaoeIslands.

Plakatum um alt landið.

Bannarum í Tórshavn.

Heimasíðu - www.traeseglskip-fo.com.

Facebook - www.facebook.com/foroyaregatta.

Lýsingum í fjølmiðlum, sum kommunurnar stóðu fyri.

Við samrøðum í útvarpssendingum.

Beinleiðis samrøðum í tíðindasendingum, meðan siglt varð.

Við millumsendingum í Sjónvarpinum. Í Vikublaðnum, mánadagin fyri regattasiglingina, varð ljós varpað á Føroya Regatta tiltakið, við greinum um skipini og deksbátarnar. Innsløgum frá borgarstjórum um kommunurnar, tiltøk o.a. Lýsingin av nær siglt var, var pakkað inn í tær ymsu greinirnar, og harvið heldur ringt at fáa samling á. Hetta royna vit at fáa betur, annars eru vit øll fegin um tiltakið í Vikublaðnum, sum reiðiliga fekk boðini um regattasiglingina í hvørt húsarhald.

Stuðlar: Aftur í ár stuðlaðu kommunur við at keypa ferðaseðlar ella veita stuðul. Úr Suðuroynni fingu vit stuðul frá Hvalbiar-,og Tvøroyrar kommunum. Úr Streymoynni og Eysturoynni fingu vit stuðul frá Tórshavnar-, Sunda- og Runavíkar kommunum.

Herumframt seldu vit ferðaseðlar í kunningarstovum og á bryggjum. Ásannandi, at nøkur skip og bátar skulu sigla langt fyri at luttaka, mælir nevndin til at býta avlopið millum skip og bátar soleiðis, at øll brenniolja verður endurgoldin av óbýttum, og at restin verður býtt í mun til stødd/longd og siglingartein millum regattahavnir, eins og gjørt er higartil.

Vit takka hjartaliga fyri veittan stuðul. Í roknskapinum sæst, hvussu nógv hvørt luttakandi far fær.

Endi: Á øllum bryggjum var hópur av fólki, sum tóku ímóti og vitjaðu umborð, opið skip var í tveir tímar.

Skipað varð fyri spurnakapping fyri børn, vinningur var ein fløga við hóskandi tónleiki og sangi.

Ein fekk tað kenslu, at vit eiga at vera ernir av og gleðast yvir, at vit eiga so frægt av gomlum bátum og seglskipum, og hetta styrkir okkara sannføring um, at vit eiga at royna at varðveita hendan mentanararv fyri komandi ættarliðum í Føroyum.

Vit takka Jonhard Danielsen fyri myndir.

Samanumtikið kunnu vit siga, at tað var ein sera væleydnað regatta í 2014.

Føroya Regatta 2015: Ætlanin er at samla skip og deksbátar til regattasigling fríggjadagin 3. og leygardagin 4. juli á Eiði og í Sørvági. Fyrireikandi fundir hava verið við umboð fyri kommunurnar.

7

Á veg norður eftir er ætlanin, at okkurt av skipunum leggur inn í Leirvík, so ferðafólk kunnu sigla við norður til Eiðis.

Eiði fær vitjan úr grannalondum, hetta er afturvendandi vinbýarsamstarv gjøgnum Norrøna Felagi.

Tey fara at virka fyri, at hava hetta tiltakið um sama mundið sum Føroya Regatta.

Sørvágur skipar fyri tiltøkum næsta ár – 2015 - , nú 100 ár eru liðin síðan kommunan gjørdist sjálvstøðug. Í Sørvági ætla tey, at Føroya Regatta skal verða eitt av fólksligu tiltøkunum.

Fyribils er skráin hendan: Fríggjadagin 3. juli: Skip og bátar sigla norður til Eiðis. Okkurt av skipunum leggur at í Leirvík eftir ferðafólki.

Møtast út fyri Tjørnuvík áleið kl. 18. Sigla í formatión inn til Eiðis og leggja at bryggju kl 19.

Leygardagin 4. juli: Siglt verður vestur á Sørvág, - leggja at bryggju kl. 19.

Sunnudagin 5. juli: Møguliga verður okkurt norðurlendskt tiltak í Tórshavn, - so møguliga verður lagt inn á Havnina í nakrar tímar, áðrenn skipini stevna heim aftur.

Føroya Sjómannadagur 2014 og 2015: 2014 Dragin bjóðaði aftur í ár øllum træseglskipaflotanum vælkomnum til Føroya Sjómannadag, har træskipini settu sín serliga dám á hátíðarhaldið.

Skip og bátar vóru sum vanligt opin fyri gestum at vitja umborð. Klaksvíkingar vóru, sum vant, blíðir at vitja.

Um kvøldi skipaðu dragamenn fyri samkomu fyri øllum træskipamanningunum. Har varð borreitt við góðari suppu, sungið varð úr Draga-sangheftinum og sagt varð frá stuttligum hendingum, m.a. greiddi Arni Brattaberg frá túrinum hjá Johannu til Nordisk Kystkulturstevnuna í Oslo.

2015 Á fyrireikandi fundum við Klaksvíkar kommunu og umboðum fyri Føroya Sjómannadegi hava vit umrøtt, at best er, at seglskipini í framtíðini sum vanligt koma á Klaksvík til árliga Sjómannadagin og vera víst fram fyri almenninginum. Óneyðugt er tí bæði at hava Føroya Regatta og Føroya Sjómannadag í Klaksvík, tí tað verður ov nógv; hetta eru partarnir samdir um.

Arbeitt verður fyri, at skipini framyvir skulu fáa stuðul til olju og rakstur frá Føroya Sjómannadegi, tí hetta kemur í staðin fyri Føroya Regatta, sum fær stuðul til regattasiglingina.

Tiltøk í vetur: Meðan skipini liggja í vetur fara menn og kvinnur aftur í holt við umvælingar o.a.

Nøkur skip skipa fyri hugnaløtum, har limir/stuðlar hittast til góðan kaffimunn, hugnaligt prát o.a.

Tann sosiala samveran hevur eisini stóran týdning fyri tað sjálvbodna arbeiðið uppá skipini um veturin, - tað skal bæði verða hugnaligt og stuttligt at hava hetta sum frítíðarítriv.

Aðrar ætlanir 2015: Onkur skip ella bátar hava óivað ætlanir um at fara túr til eitt av grannalondunum – dragamenn skjóta upp, at fleiri skip gera túr til Ålesund, har Tall Ships Race skip vitja 15. juli. Westward Ho fer til Reykjavíkar fyrsta vikuskifti í juni, har Hátíð Hafsins er, og avtala millum Reykjavík og Tórshavn er um at koma 3. hvørt ár.

8

Limir eru vælkomnir við hugskotum í sambandi við endamálsgrein felagsins, sum styrkja samanhaldið og forstáilsi millum limir, myndugleikar o.o.

Uppskot um býti av stuðli millum umvæling og rakstur í 2014: Á nevndarfundi 9. januar 2014 viðgjørdi nevndin løgtingsstuðulin og var samd um at mæla mynduleikunum til at býta stuðulin soleiðis, at fullur stuðul (40%) verður latin til rakstur, tí hetta er besta loysnin fyri skipini.

Viðvíkjandi umvælingum, metti nevndin, at kunngerðin ”vendir” skeivt. Savnsmynduleikarnir skulu sjálvandi lata stuðul til dokumenteraðar útreiðslur, men hvør torir at fara í holt við umvælingar uppá væntaðan stuðul? Vit, ið varða av flotanum, vita at roknast kann ikki við stuðli, fyrr enn Løgtingið hevur samtykt fíggjarlógina. Tí mæla vit staðiliga til, at stuðul til umvæling verður latin til tað, ið gjørt er í 2014 og kann skjalprógvast, tí lítið og einki er gjørt í 2013 vegna væntandi eginpening og stuðul.

Uppgávan hjá Felagnum Føroysk Træseglskip i hesum sambandi er, at at fáa ” reiðaríini” at samskipa umvælingar soleiðis, at kostnaðurin fyri umvælingar samsvarar við fíggjarmøguleikarnar, t.e. eginfígging og landsstuðul.

Samtykt varð eisini á fundinum at gera eina lýsing av, hvørjar umvælingar skulu gerast, og nær tað ber til at seta hesi í verk. Formaðurin hevur gjørt eitt uppskot til skjal, ið lýsir tørvin hjá hvørjum skipið sær, og at samskipa innkomnar upplýsingar.

Stuðulslógin: Løgtingsstuðulin er hækkaður til 600.000 kr. Áftan á aðalfundin í fjør fingu vit tey góðu tíðindi, at løgtingið hevðið viðtikið at hækka stuðulin til mentanarsøgulig skip við 200.000 kr, t.v.s. at samlaða jattanin fyri 2014 fór at vera íalt 600.000 kr.

Tíðindaskriv var sent út til limir felagsins umhækkaða løgtingsstuðulin. Í skrivi frá Søvn Landsins (Andras Mortensen) hin 19. septe,ber 2014 verður sagt frá, hvussu stuðulin skal býtast í 2014 (dokumenteraðar umvælingarútreiðslur): M/B Thorshavn fær 40.721, - kr (60%) til Sprýd, klyvara og fokku.

M/B Amadeus fær 25.800, - kr til tilfar til útskifting av rotskaddum bondum.

M/B Norðlýsið fær 130.206, - kr. Til fokkumastur (formastur) og rigning.

Tilsamans 196.726, - kr.

Verndarætlan fyri hvørt skip: Ætlanin er at nýta verndarætlanina, sum er gjørd fyri M/B Thorshavn, sum fyrimynd. T.v.s. at gerast skal ein støðulýsing og raðfesting fyri hvørt skip, sum er í verndarskipanini. Ætlanin er, at Gudmund Jacobsen og Sjúrður Samuelsen saman við Søvn landsins sum skjótast skulu gera eitt skema, sum kann nýtast til eina fyribils støðulýsing.

Bíligari tryggingar: Nevndin hevur roynt at kanna møguleikan fyri at fáa bíligari tryggingar fyri gomlu skipini.

Upprunaliga stuðlaði Tryggingarfelag Føroyar varðveitingarverdu skipunum tryggingum, men so uml. 2003 broyttu teir tað til at krevja fult tryggingargjald.

við

ókeypis

9

Vit hava havt fund við Tryggingarfelag Føroya og greiddu teimum frá okkara støðu, og um møguleiki var hjá tryggingini aftur at stuðla skipumun, antin við bíligari trygging ella fíggjarligum stuðli á annan hátt. Teir lovaðu at vit skuldu fáa eitt skrivligt svar.

Vit hava ikki fingið nakað skrivligt svar frá teimum enn.

Nordisk Kystkultur:´ Í døgunum frá 17. – 20. juli skipaðu teir fyri seglskipastevnu v.m. í Oslo. Hendan stevnan var í Húsavík í Íslandi í 2011, í Ebeltoft í 2012, í Karlskrona í 2013 og í Oslo í ár. Hini árini hevur hendan stevnan verið, tá vit hava havt regattasigling, - so tað hevur passa illa hjá okkara skipum. Ætlanin er, at stevnan skal vera í Álandi í 2015, møguliga í Føroyum í 2016, og í Grønlandi í 2017.

Meira kunning um hetta verður á aðalfundinum.

10

NEVNDARÁTEKNING: Nevndin, ið hevur ábyrgdina av ársfrágreiðingini, hevur í dag viðgjørt og samtykt ársfrásøgnina við leiðslufrágreiðingini fyri 2014 hjá Felagnum Føroysk Træseglskip. Ársfrágreiðingin er sett upp samsvarandi ásetingum í viðtøkum felagsins.

Regattaroknskapurin er uppsettur sambært skjølum felagsins.

Tað er okkara fatan, at nýtti roknskaparháttur er hóskandi fyri virksemið felagsins viðvíkjandi regattatiltakinum.

Eftir okkara fatan lýsir ársfrágreiðingin rættvísandi tey viðurskifti, ið verða umrødd.

Umborð á Westward Ho, 28. november 2014.

Nevnd:

Hans Eli Hansen, formaður

Gudmund Jacobsen, næstformaður

Jens Marius Poulsen, skrivari/kassameistari

Arnbjørn Egholm, nevndarlimur

Emil Simonsen, nevndarlimur

11

Átekning frá valdu grannskoðarunum: Til limirnar í Felagnum Føroysk Træseglskip Vit hava grannskoðað ársroknskapin hjá Felagnum Føroysk Træseglskip fyri 1. oktober 2013 til 30. september 2014 við leiðsluátekning, rakstrarroknskapi og fíggjarstøðu, roknskapurin er førdur á excel rokniarki.

Ábyrgd nevndarinnar av ársfrásøgnini: Nevndin hevur ábyrgdina av at gera ein ársroknskap, ið gevur eina rættvísandi mynd av inntøkum, útreiðslum og ogn & skuld felagsins.

Okkara ábyrgd: Okkara ábyrgd er at gera eina niðurstøðu um ársroknskapin, sum ikki er umfatandi. Vit hava kannað inntøku- og útreiðsluskjøl, kontoavrit frá peningastovnum og kassapening.

Tað er okkara fatan, at vit hava fingið nøktandi grannskoðaraprógv, ið kann vera grundarlag undir okkara niðurstøðu.

Grannskoðanin hevur ikki givið orsøk til fyrivarni.

Niðurstøða: Tað er okkara fatan, at ársroknskapurin gevur eina rættvísandi mynd av felagsins ognum, skyldum og fíggjarligu støðu 30. september 2014, og av úrslitinum av regattasiglingini.

Tórshavn, tann 28. november 2014

Bjarni Heinesen

Hávarður Enni

12

REGATTAROKNSKAPUR 1. oktober 2013 til 30. september 2014

RAKSTRARROKNSKAPUR 2014

t.kr.

2013

Inntøkur: Kommunur - keyp av ferðaseðlum og stuðul Ferðaseðlar - seldir á Kunningarstovum og umborð Vinnurekandi – stuðul Inntøkur tilsamans

59.200 7.650 0 66.850

60 4 10 74

Útreiðslur: Skrivstovuhald/bankakostnaður Heimasíða Marknaðarføring - videoupptøkur/myndir o.a.

Annað Útreiðslur tilsamans

1.249 987 8.753 1.643 12.632

0 0 2 0 2

Avlop

54.218

72

4.218

2

Nevndin mælir til hetta býti: Marknaðarføring og annað Býta til brenniolju av óbýttum sambært mettari nýtslu.

Býta restina í mun til skipastødd/longd/sigling.

Hvørt skip/bátur fær: Johanna Westward Ho Norðlýsið Dragin Thorshavn Norðan Fram Heimdal Fifie of Sand Høgna Jákup

8.773 7.946 6.607 5.567 6.515 3.413 2.079 2.413 4.387 2.300

50.000 54.218

70 72

13

Status 30. 09. 2014 OGN Kassi Banknordik - 6460-0003605290 NORÐOYA SPARIKASSI - 9865-9865726 Ágóði hjá stuðlum Ágóði hjá Norðlýsinum Ogn samantalt

2014

t.kr.

2013

766 50.473 45.519 9.750 0

3 33 58 16 2

106.508

112

Skyldur Lagt út fyri rokningar Avsett til útlutan: Framflutt primo Avroknað stuðul Avsett

70.035 68.262 50.000

51.738

70

Eginogn: Framflutt primo Avlop ÷ útlutan

41.709 4.219

45.928

42

106.508

112

8.842

Skyldur samantalt Skipanavn Johanna Westward Ho Norðlýsið Dragin Thorshavn Norðan Fram Heimdal Fifie of Sand Høgna Jákup

Skipslongd 26 26 21 19 20 13 13 11 16 11

Regattasigling Allan teinin Allan teinin Allan teinin Allan teinin Allan teinin Allan teinin Nólsoyarfjørður – Runavík Nólsoyarfjørður – Runavík Allan teinin Nólsoyarfjørður – Runavík

Skipanavn Johanna Westward Ho Norðlýsið Dragin Thorshavn Norðan Fram Heimdal Fifie of Sand Høgna Jákup

Brenniolja 4.646 3.819 3 274 2.552 3.341 1.350 518 1.091 1.848 979 23.418

Stuðul 4.126 4.126 3.333 3.015 3.174 2.063 1.562 1.322 2.539 1.322 26.582

Íalt 8.772 7.945 6.607 5.567 6.515 3.413 2.080 2.413 4.387 2.301 50.000

14