KOMINN Í LAND EFTIR 50 ÁR HJÁ GÆSLUNNI
Opnunartími mán.–fös. frá 9–20 lau.–sun. frá 11–18
10-11
Krossmóa 4 | Reykjanesbæ
STÆRSTA FRÉTTA- OG AUGLÝSINGABLAÐIÐ Á SUÐURNESJUM Vígalegur í Lionsgöngu Íslenskt Lionsfólk lætur ekki Suðurnesjarigningu stoppa sig í að fara í skrúðgöngu á setningarathöfn Fjölumdæmisþings Lionsmanna sem fram fór í Reykjanesbæ um síðustu helgi. Lionsmenn hreiðruðu um sig á Ásbrú og þinguðu bæði í Háaleitisskóla og Yfirmannaklúbbnum. Einnig ferðaðist Lionsfólkið um Suðurnes og heimsótti fyrirtæki og stofnanir. Myndin var tekin í skrúðgöngunni þegar hún fór framhjá Phantom-þotunni við skólahús Keilis. Víkurfréttamynd: Hilmar Bragi Bárðarson
fimmtudagur 26. apríl 2018 // 17. tbl. // 39. árg.
Fjórir buðu í endurbyggingu stálþils í Sandgerðishöfn Fjórir aðilar buðu í endurbyggingu stálþils á Suðurgarði Sandgerðishafnar en tilboð voru opnuð þann 10. apríl sl. Lárus Einarsson sf. í Kópavogi bauð lægst í verkið eða tæpar 106 milljónir króna. Það eru 84,7% af kostnaðaráætlun sem hljóðaði upp á tæpar 125 milljónir króna. Lárus Einarsson skilaði einnig inn frávikstilboði. Aðrir sem buðu í verkið voru Ísar ehf. með tilboð upp á rúmar 129 milljónir, Ístak hf með tilboð upp á rúmar 143 milljónir og Hagtak hf. með tilboð upp á 162,5 milljónir króna. Helstu verkþættir eru rif á núverandi þekju, 1.350 m2, og kantbita, 138 m. Sprengja þilskurð fyrir 46 stálþilsplötur, um 58 m. Rekstur á 116 stk. tvöföldum stálþilsplötum, frágangur á stagbitum og stögum. Jarðvinna, fylling aftan stálþils. Steypa 146 m langan kantbita með pollum, kanttré, stigum og þybbum. Verkinu skal lokið eigi síðar en 1. október 2018.
Sandgerðishöfn. Suðurgarður fyrir miðri mynd.
Dýr hraðakstur Erlendur ferðamaður sem var nýverið á hraðferð á Reykjanesbraut þurfti að greiða 97.500 krónur í sekt þar sem bifreið hans mældist á 153 km hraða þar sem hámarkshraði er 90 km á klukkustund. Auk hans hafa 14 ökumenn verið sektaðir fyrir of hraðan akstur í umdæmi lögreglunnar á Suðurnesjum á síðustu dögum. Þá voru átta ökumenn teknir úr umferð vegna gruns um fíkniefnaaksturs, þrír þeirra voru án ökuréttinda.
Vogar þrefaldast -150 íbúða hverfi að fara í byggingu í nýjum miðbæ. Framkvæmdir við aðrar 800 íbúðir hefjast á næsta ári Gera má ráð fyrir að íbúafjöldi þrefaldist á næstu árum og áratug í Vogum á Vatnsleysuströnd. Ásgeir Eiríksson, bæjarstjóri segir Vogamenn finna fyrir mikilli eftirspurn eftir húsnæði og vinnuafli. Framkvæmdir við byggingu 150 íbúða í nýjum miðbæjarkjarna er að hefjast en gatnagerð er nýlokið. „Við gerum ráð fyrir því að það hverfi byggist hratt upp en í kjölfarið fylgir risaverkefni þar sem gert er ráð fyrir byggingu 800 íbúða,“ segir Ásgeir. Í því byggingarátaki sem verður á gamalli bújörð sem hét Grænaborg, sem fjárfestar og aðilar í byggingageiranum hafa keypt, verða þær íbúðir byggðar á næstu árum eða áratug.
AÐALSÍMANÚMER 421 0000
Þar er búið að skipuleggja 450 íbúðir sem verða í byggingu á næstu árum en með breytingu á deiliskipulagi er gert ráð fyrir byggingu allt að 800 íbúða. Sú uppbygging muni hefjast á næsta ári og stefna verktakar á að gera það í áföngum á næsta áratug. Þá verði íbúafjöldi búinn að þrefaldast frá því sem nú er en um 1200 manns búa í Vogum um þessar mundir. „Það eru auðvitað margar og ánægjulegar áskoranir sem bíða okkar varðandi þessa uppbyggingu. Við höfum eytt miklu púðri í undirbúning vegna þessara framkvæmda og ljóst að verkefnið er nokkuð ærið varðandi innviði,“ segir Ásgeir. Um 400 íbúðir eru í sveitarfélaginu núna en
■
AUGLÝSINGASÍMINN 421 0001
SAMLOKUR & SALÖT
RJÚKANDI HEITT KAFFI
BAKAÐ Á STAÐNUM
MIKIÐ ÚRVAL, FÍNT Í HÁDEGISMATINN
NÝMALAÐ ILMANDI KAFFI
KLEINUHRINGIR, RÚNSTYKKI OG FLEIRA
staðsetning Voga hefur heillað marga en hún er um það bil mitt á milli höfuðborgarsvæðisins og Keflavíkurflugvallar. Þar liggja miklir vaxtamöguleikar. Í Vogum eru nokkur öflug fyrirtæki í matvælaframleiðslu, eggjabú, svínakjötframleiðsla auk fiskeldis og fiskvinnslu en í síðustu viku opnaði Ísaga, 99 ára gamalt fyrirtæki nýja súrefnis- og köfnunarefnisverksmiðju og mun færa alla starfsemi í sveitarfélagið á næstu árum. „Það hefur verið gróska í þessum fyrirtækjum og síðan var ánægjulegt að sjá Ísaga opna í sveitarfélaginu. Þannig að það er óhætt að segja að það sé vöxtur í Vogunum þessa stundina,“ sagði Ásgeir bæjarstjóri.
■
FRÉTTASÍMINN 421 0002
HRINGBRAUT REYKJANESBÆ AFGREIÐSLUTÍMAR:
VIRKA DAGA
ALLTAF OPIÐ HELGAR
ALLTAF OPIÐ
S U Ð U R N E S J A
MAGASÍN fimmtudagskvöld kl. 20 á Hringbraut og vf.is