Табере сќриськыны Со уз быгаты ноку но.
Кыџе ке куронме сыџе мыдланьтћсько, Палэнысен возьдаськыны кутскисько.
ИЖ ТЫМЕТ ДУРЫСЬ УЧЫР Огпол љомыт куазен потћ вал Иж тымет дуре, Ву, корт кадь, чиль-чиль, Ќжытак вогыръяське. Шуак тымет пыдсысь азям љутскиз меџкыт гурезь, Учки но – со вуын улћсь изьвер: выжыкылысь шимес кыйлэн выллем йырыз, позыръяськись завод муръё кадь чыртыез, синмыз гинэ адямилэн кадь лыз, визьмо. Ижлэн Лулыз ассэ нимаз со, вазиськиз Удмурт кылын: «Тодматскеме потћз тонэн. Мон џем адњылћсько кылдысинэз, кудћз Куке коньы вал, чорыглы пќрмиз бќрысь… Огпол тонэ но вайимы вал тодамы». Мон шонерски: иське, монэ уг витьы на бырон. «Шумпотћсько тон понна, берло дыре буйгад, Лякыт луид; озьы ке но уйвќтъёсыд Азьвыл кадь ик лекесь. Кыџе муген озьы?» Уг тодскы, мар мон вазьылћ курдаменым. Нош со: «Я мар уг тырмы на? Ваньзэ радъяй мон тћ понна. Асьме понна! Дћсьтћсь лу! Ужа кужмогес! Эн тэргаськы эшъёсыныд. Иське…» Татын ќй чида ни: «Кытын тон вал азьло… Малы вуттћд монэ таџе шимес калозь но – табере Мынам вылам ик вуиськод; йырыд шат кур, Татчыозь ќй погра на шуыса? асме ќй вуза на шуыса? Бен, мон тќрнам яра ини. Нош тон сыџе бадњым ке…» Соку вуысь љутскиз мукет чырты но йыр, Эшшо но бадњымгес – со мугорысь ик, Иськем кемын быжыз но сэзъялскиз кадь. Љутскиз пилем дорозь, маке но шиетћз, Шорам ќз поты учкемез (тэй шор шат?!). Кыкез ик чыртыос губырскыса, Позыр кариськыса выйтћськизы. Мон шымырски… Синме усьтэм берам: тымет вуос Выльысь азьло интыязы. Нокин ќй вал кадь. Ву, корт кадь, чиль-чиль, ќжытак вогыръяське. ВОЗЬЫТЛЫК Пќйшур сьќры пќйшур сямен, Шунды сьќры толэзь музэн, Куддыр мон ветлћсько ачим сьќры. Милям вискамы ог дасо шокчем, Милям вискамы ог дасо вамыш. Сьќрласянь учконо ке, Мон аслым туж паймисько: Верано кылме интыяз уг вераськы,
72
Удмурт ПЕН-клублэн альманахез
Кин ке џектоз: Мон но ачим интыенызы воштћськыны кулэ ук! Кин мынэ берпалан, солы дас шокчемлы азьпала потоно, дыр. Шонер. Но соку со мон уг луы ни.
* * *
компьютерен меџак гожтэм кылбур – со корт дћсен чеберъяськем нылмурт выллем озьы ке но калык пќлы потэмез потэ егит пиослэсь йырзэс берыктыны йќндыре КЫЗЬПУ ТУЙ ВЫЛЫСЬ ШЕДЬТЭМ ГОЖТОС Сергей Завьяловлы ..…………..инмысь тыл сутћз ……………выжы… ……………кизы астэ жалятэк ……..инмарлэс… ………узычерыкйаскизы пиналйосно кышнойос ….вир ………………………отысен…………. кылдсинлыв…………..удморт калыкедно……. НЫРЫСЕТЋ ЛЫДЊОН (кызьпу туез шедьтон аре ик) <Тушмон вуиз> инмысь <сямен (шуак)>, тыл сутћз <вань> выжы<ез>. <Ожчиос ожмась>кизы, асьсэды жалятэк, <ќз ву> инмарлэсь <юрттэт>. <Виылык>узы черыкйаськизы пиналъёс но кышноос. <Уно> вир <кисьтћськиз>. Соку <сьќсь> шуиз, медам кыле (дунне вылэ)> Кылдсинлы вќсяськись удморт калыкед но вуоно выжыосыз. КЫКЕТЋ ЛЫДЊОН (кык толэзь ортчыса)
<Васькиз> инмысь тыл (синсьќр ракета), сутћз <писпу> выжы<ез ик>. <Черен нюръясь>кизы, асьсэды жалятэк, <со вал> инмарлэсь <юрттэт>. <Бурмык>узы черекъяськизы пиналъёс но кышноос. <Пож> вир <чылкытомиз>. Со дырысен <вќлмиз> Кылдсинлы <вќсяськон вань> удморт калыкед но <пќлы>.