Spergilkálssúpa

Þessi rjómalagaða spergilkálssúpa er meinholl og tekur innan við klukkustund að hrista fram úr erminni. Súpan er ekki bara stútfull af vítamínum, því hún er líka bragðgóð.

Hráefni:

4 msk. smjör

2 stilkar saxað sellerí

1 lítill laukur í teningum

3 saxaðir hvítlauksgeirar

8 bollar spergilkálsblóm (hafðu stilkana með ef þú vilt)

4 bollar kjúklinga- eða grænmetiskraftur

1 tsk. ítalskt krydd

1 bolli rjómi (má vera meira)

¼ bolli rifinn parmesanostur salt og pipar eftir smekk

Berið fram með: sítrónusafa brauðteningum ólífuolíu

Aðferð: ferskum kryddjurtum eins og basilíku eða steinselju

Bræðið smjörið í stórum potti við meðalhita. Bætið selleríinu og lauknum út í og steikið þar til grænmetið er mjúkt (2-3 mínútur). Bætið hvítlauk út í og eldið í 30 sekúndur í viðbót.

Þvoið spergilkálið og bætið því út í með stönglum (ef þeir eru notaðir). Hellið kjúklinga- eða grænmetiskrafti yfir. Kryddið með ítölsku kryddi, setjið lokið lauslega á pottinn og látið malla þar til spergilkálið er orðið mjúkt.

Bætið rjómanum út í og látið malla þar til rjóminn hefur hitnað. Notið töfrasprota þar til súpan er orðin mjúk.

Hrærið parmesanosti út í þar til hann hefur bráðnað. Kryddið eftir smekk og berið fram með ögn af sítrónusafa, ólífuolíu, brauðteningum og skreytið með ferskum kryddjurtum.

Síðast,

Verðbólga . Stýrivextir. Seðlabankastjóri. Heimilin í landinu. Verðhækkanir. Frost. Fasteignamarkaður. Verðtryggingar. Greiðslumat. Stýrivaxtahækkanir. Óverðtryggt á föstum og/eða breytilegum vöxtum. Ekkert er fast í hendi. Allt er breytingum háð. Íbúðalán og leiguverð. Kjarabarátta . Efling. Verkföll. Samtök atvinnulífsins. Verkbann Ríkissáttasemjari. Allir sáttir. Allir vinna. Illu er bestu aflokið. Skattaskil. Skattaskýrsla. Framtalskvíði. Formannslagur. VR. Hann sagði, hún sagði. Enginn sagði neitt. Dómsmálaráðherra selur líkkistur.

Taugalæknir sagði ekki neitt. Virti beiðnir sjúklings að vettugi. Tími. Landspítali Háskólasjúkrahús . Veikindi. Bálstofur. Bálreiðir. Samkeppni. Dauðinn er dýr. Eins manns dauði er annars brauð. Enginn sagði neitt. Dómsmálaráðherra selur líkkistur

Streptókokkar . Covid og kossageit. Inflúensa. Innlagnir og spítalinn fullur. Nýr spítali. Ekkert pláss fyrir sjúklinga.

Veika einstaklinga. Týndir einstaklingar. Lögreglan. Sérsveitin. Leitað í fjörum og í sjó. Hvað er að frétta af samningum við sjómenn? Eskifjörður . Dýraníð og drekkjanir. Enginn vissi neitt. Dómsmálaráðherra selur líkkistur. Sjónvarpið. Söngakeppni sjónvarpsins. Fyrsta sætið í Júróvísjon . Djammið. Byssuskot og árásir. Miðbærinn og haglabyssur. Skaut , skotið föstum skotum. Handbolti. Karlalandsliðið. Undankeppni í Evrópumótið. Ósætti. Hauslaus her. Her hér. Íslenskur her. Stríð í Evrópu. Dómsmálaráðherra Íslands selur líkkistur. Twitter . Hamagangur. Rifrildi. Ríkir menn rífast. Ísland best í heimi. Nú verða lesnar dánartilkynningar. Samt bannað að skrifa um minningargreinar. Morgunblaðið. Að jörðu ertu komin/n að jörðu skaltu aftur verða. Enginn má neitt. Dómsmálaráðherra selur líkkistur. Lindarhvoll . Leyndarhyggja. Leyndarmál. Enginn má sjá. Falið að fela ekki. Greinargerð. Greinarskil. Dómsmálaráðherra faldi hagsmunaárekstur. Enginn sá neitt; Dómsmálaráðherra Íslands selur líkkistur.

Veður. Sól. Frost . Það birtir alltaf til.