Cymorth ariannol ychwanegol Bydd y rhai sy’n gadael gofal yn cael bwrsariaeth gwerth £1,000 yn y flwyddyn gyntaf, £750 dros y blynyddoedd dilynol a £500 yn ystod tymor olaf y flwyddyn olaf (mae telerau ac amodau’n berthnasol). Mae bwrsariaethau ac ysgoloriaethau ychwanegol ar gael yn amodol ar statws, gweler: www.caerdydd.ac.uk/scholarshipsandbursaries Cymorth gyda gofal plant Mae cymorth ariannol ychwanegol ar gael ar gyfer gofal plant drwy’r Gronfa Ariannol Wrth Gefn. Cymorth Gyrfa • Mae Gwasanaeth Gyrfaoedd y Brifysgol yn cynnig cefnogaeth eang i fyfyrwyr wrth ystyried eu gyrfa yn y dyfodol. • Os ydych yn chwilio am waith fel myfyriwr mae Siop Swyddi Prifysgol Caerdydd a leolir yn Undeb y Myfyrwyr yn cynorthwyo myfyrwyr i ddod o hyd i waith rhan amser. Mae’r gwasanaeth Anabledd hefyd yn recriwtio ac yn hyfforddi myfyrwyr i weithio rhan amser, yn cynorthwyo myfyrwyr ag anableddau fel rhan o Gynllun Cymorth I Weithwyr.
Prifysgol Cymru, Casnewydd www.newport.ac.uk/careleavers GWOBRWYWYD Â MARC ANSAWDD BUTTLE UK Enw cysywllt ar gyfer plant sy’n derbyn gofal a phobl sy’n gadael gofal Lena Crooke, Cynghorydd Cyllid Myfyrwyr Ffôn 01633 432064 E-bost lena.crooke@newport.ac.uk Gweithgareddau allgymorth gyda phlant sy’n derbyn gofal Mae Campws Cyntaf yn bartneriaeth rhwng Sefydliadau Addysg Uwch, colegau Addysg Bellach, grwpiau cymunedol ac ysgolion yn Ne Ddwyrain Cymru. Mae Campws Cyntaf yn gweithio gydag amrywiaeth o bobl ac yn eu cynnwys mewn digwyddiadau a gweithgareddau o oed ysgol hyd at oedolion sy’n dychwelyd ac yn eu hannog o ran pwysigrwydd dysgu. Nod y prosiect yw codi ymwybyddiaeth, dyheadau a’r cyfleoedd i Addysg Uwch ar gyfer y grwpiau yma. Mae Campws Cyntaf yn cyfrannu taflenni gweithgaredd i becyn dosbarthu Blwch Llythyrau’r Awdurdod Lleol (http:// www.letterboxclub.org.uk/). Mae pob dosbarthiad yn para 6 mis. Thema brifysgol sydd i’r taflenni gweithgaredd, ac maen nhw hefyd yn cynnwys offer ysgrifennu sy’n berthnasol i’r gweithgaredd, e.e. aroleuwyr i’w defnyddio gyda’r chwilair. Ar ddiwedd cyfnod dosbarthiad y pecynnau Blwch Llythyrau, caiff y Plant sy’n Derbyn Gofal a’u Gofalwyr eu gwahodd i Ddiwrnod Agored ym Mhrifysgol Cymru, Casnewydd, i gael taith o amgylch y campws, cinio am ddim a chyfle i wneud rhyw weithgaredd. Yn y gorffennol, mae’r gweithgareddau wedi cynnwys animeiddio gan ddefnyddio modelau o glai, dylunio gêm fwrdd ac ymweliad gan awdur lleol. Mae’n fwriad parhau â’r gweithgareddau hyn ac mae Campws Cyntaf yn awyddus i ddatblygu cysylltiadau pellach â Phlant sy’n Derbyn Gofal a’u Gofalwyr er mwyn ysgogi eu dyheadau tuag at Addysg Uwch. Mae’r cymorth sydd ar gael i bobl sy’n gadael gofal yn cynnwys: • • • • • •
Cyngor ac arweiniad cyn cyflwyno cais Cysylltir â myfyrwyr yn ystod y cyfnod ymgeisio i gyflwyno cynghorydd a’r gwasanaethau sydd ar gael Dod o hyd i gymorth ariannol Dod o hyd i waith rhan amser Cyngor astudio cyn mynediad Cyngor meddygol cyn mynediad
Gwybodaeth ar gyfer 2012/2013
23