ཁྱབ་བསྒྲགས།
ཤུགས་སྣོན་དངོས་སྦྱོང་ལས་གཞི།
ཀུན་ཕན་ཐེབས་རྩ་ཚོགས་པས་ཉེ་ཆར་ཀྲུང་གོའ་ི བོད་ཁུལ་ནས་ཕེབས་པའི་འབུར་དུ་ཐོན་པའི་མི་ སྣ་རྣམས་ལ་རང་ཉིད་ཀྱི་སློབ་སྦྱོང་དང་མདུན་ལམ་གཉིས་ཐད་ནས་མདུན་སྐྱོད་བྱེད་པའི་གོ་སྐབས་ ༷ ི་ཞེས་པ་ཞིག་འགོ་བརྩམས་ཡོད། ལོ་ངོ་ གསར་པ་ཞིག་སྤྲོད་ཆེད། ཤུགས་སྣོན་དངོས་སྦྱོང་ལས་གཞ གཅིག་གི་རིང་ལ་དབྱིན་ཡིག་འཛིན་གྲྭར་ཞུགས་པ་དང་དེའི་ཤེས་བྱ་ལག་ལེན་དུ་འབེབས་པའི་གོ་ སྐབས་བཅས་ཚུད་པའི་ལས་གཞི་འདི་ནི། འབུར་དུ་ཐོན་པའི་མི་སྣ་ཚོས་ཨ་རིའི་ནང་དུ་འཚོ་བ་སྐྱེལ་ བ་དང་དབྱིན་ཡིག་སློབ་པའི་ཉམས་མྱོང་གསོག་པར་དམིགས་པ་ཞིག་ཡིན། དངོས་སྦྱོང་འདི་གྲོང་ཁྱེར་ ནེའུ་ཡོག་ཏུ་རྟེན་གཞི་བྱས་པ་ཡིན་ལ་དུས་ཡུན་ལོ་གཅིག་གི་རིང་ཡིན། ལས་གཞི་གསར་པ་འདི་ལམ་ལྷོངས་ཡོང་བར་ཁག་ཐེག་བྱ་ཆེད་ང་ཚོར་ང་ཚོའི་མཐའ་འཁོར་གྱི་ མང་ཚོགས་ཀྱི་རྒྱབ་སྐྱོར་དང་མཉམ་ཞུགས་དགོས་པ་ཡིན། ང་ཚོས་བལྟས་ན་ང་ཚོའི་འབུར་དུ་ཐོན་ པའི་མི་སྣ་རྣམས་བདམས་རྗེས། ཁོང་ཚོ་རིག་གནས་གསར་པ་ཞིག་གི་ནང་དུ་ཡོངས་སུ་སིམ་སྟེ་དེའི་ སྐད་ཡིག་སྦྱོང་བའི་ཐབས་ལམ་ལེགས་ཤོས་ནི། ཁོང་ཚོ་གྲོང་ཁྱེར་ནེའུ་ཡོག་ནང་གི་མགྲོན་བདག་ཁྱིམ་ ཚང་རེ་རེའི་ཁྱིམ་དུ་འདུག་ཏུ་འཇུག་རྒྱུ་དེ་རེད་སྙམ། འདུག་པའི་དུས་ཡུན་ཡང་ཁོང་ཚོ་འདིར་སྡོད་ རིང་གི་དུས་ཡུན་གྱི་ཆ་ཤས་ཀྱི་རིང་ཡིན་ཆོག་ལ་དུས་ཡུན་ཧྲིལ་བོར་ཡང་ཡིན་ཆོག ང་ཚོས་ང་ཚོའི་དངོས་སྦྱོང་མཁན་ཚོ་བདེ་འཇགས་ཡིན་ཞིང་རྒྱབ་སྐྱོར་བྱེད་སེམས་ཡོད་པ། རིག་ གནས་ཀྱི་ཐོག་ནས་ཚོར་བ་སྐྱེན་པའི་ཁྱིམ་ཚང་རེར་ཁ་གཏུགས་འདོད་ཡོད་ལ། ཁྱིམ་ཚང་འདི་དག་ གིས་ཁོང་ཚོར་དབྱིན་སྐད་བེད་སྤྱོད་ཀྱི་གོ་སྐབས་བླ་ན་མེད་པ་ཞིག་སྤྲོད་ངེས་ཡིན་ཏེ། རྒྱུ་མཚན་ནི་ ཁྱིམ་ཚང་འདི་དག་ཏུ་བཤད་བཞིན་པ་ནི་དབྱིན་སྐད་ཁོ་ན་ཡིན་པས་སོ།། འདི་ལྟར་བྱས་པ་ཡིན་ན་ དངོས་སྦྱོང་མཁན་ཚོས་ཉིན་རེར་ཨ་མེ་རི་ཁའི་ཟ་མ་བཟའ་བ་དང་ས་གནས་ཀྱི་བྱེད་སྒོ་ཁག་ལ་ཞུགས་ པ། དེ་བཞིན་ཨ་རི་བའི་ཁྱིམ་ཚང་ཞིག་གི་ཉིན་ཧྲིལ་བོའ ་ི བཟའ་བཏུང་སྤྱོད་གསུམ་དང་འབྲེལ་འདྲིེས་ བྱེད་པ་ཡིན་པས། འདི་ནི་ཁོང་ཚོར་མཚོན་ན་ཨ་མེ་རི་ཁའི་རིག་གནས་ཐད་ཀར་ཉམས་སུ་མྱོང་བའི་ གོ་སྐབས་ཤིག་ཀྱང་རེད། འདི་ནི་དངོས་སྦྱོང་མཁན་ཚོར་མཚོན་ན་ཁེ་གཉེར་མ་ཡིན་པའི་སྒྲིག་བཀོད་ ཅིག་གི་ཉམས་མྱོང་གསོན་པོ་ཐོབ་པའི་གོ་སྐབས་ཤིག་ཡིན་ལ། ཉམས་མྱོང་འདིས་ཁོང་ཚོའི་མདུན་ ལམ་ཡར་རྒྱས་དང་ལྟ་བ་རྒྱ་སྐྱེད་དུ་གཏོང་བར་ཕན་ངེས་ཅན་ཐོགས་ངེས། འདི་ནི་དངོས་སྦྱོང་མཁན་ཚོར་གོ་སྐབས་རྩ་ཆེན་ཞིག་ཡིན་པ་མ་ཟད་མགྲོན་བདག་ཚོ་ལ་མཚོན་ ནའང་གོ་སྐབས་རྩ་ཆེན་ཞིག་རེད། གལ་སྲིད་ཁྱེད་རང་གིས་བོད་ཀྱི་རིག་གནས་ལ་རྒྱུས་ལོན་བྱེད་ འདོད་ཡོད་ཚེ། འདི་ནི་ཁྱེད་ཀྱི་ཁྱིམ་མི་ཚོ་བོད་པ་དངོས་སྦྱོང་མཁན་ཞིག་དང་འཚོ་བ་མཉམ་རོལ་ བྱས་ཏེ་ཁྱིམ་མིའི་འཚོ་བར་བྲོ་བ་གསར་པ་སྣོན་པའི་གོ་སྐབས་བླ་ན་མེད་པ་ཞིག་ཡིན། འདིས་ཁྱེད་ལ་ དངོས་སྦྱོང་མཁན་ཞིག་ལ་ཨ་རི་བའི་རིག་གནས་དང་རིན་ཐང་ལྟ་བ་བཅས་ཁྲིད་པའི་གོ་སྐབས་སྤྲོད་ པ་དང་ཆབས་ཅིག ཁྱེད་ཀྱིས་ཀྱང་ཁོང་ཚོའི་རྒྱབ་ལྗོངས་ལོ་རྒྱུས་དང་རིག་གནས། ཆོས་དད་བཅས་ཀྱི་ སྐོར་སྦྱོང་བའི་གོ་སྐབས་ཀྱང་སྤྲོད་པ་ཡིན། ཁྱེད་ཀྱིས་ཕྱི་རྒྱལ་གྱི་རིག་གནས་ཤིག་ལ་རྒྱུས་ལོན་བྱེད་པ་ དང་ཆབས་ཅིག ཁྱེད་ཀྱིས་རང་ཉིད་ཀྱི་རིག་གནས་ལ་མིག་ཟུང་གསར་པ་ཞིག་བརྒྱུད་ནས་བལྟ་བའི་ མྱོང་བ་ཕུན་སུམ་ཚོགས་པ་ཞིག་ཐོབ་ངེས། འདི་ལྟ་བུའི་བརྗེ་རེས་ཀྱི་བྱེད་སྒོ་ནི་འཛུལ་ཞུགས་པ་ཡོངས་ ལ་མཚོན་ན་དོན་སྙིང་ཡོད་པ་ཞིག་ཡིན་ཞིང་འདིས་མི་ཚེ་གཅིག་གི་རིང་ལ་གནས་ཐུབ་པའི་མཛའ་ འབྲེལ་བཟོ་ཐུབ་ངེས། ཀུན་ཕན་གཏམ་གསར།
༢༠༡༠ དཔྱིད་ཀ་ — དབྱར་ཁ།
31