Paunang Salita

Isang pagbati mula sa aming kainan!

Iba’t ibang putahe halina’t subukan.

Matamis, mapait, maasim, matabang, l

ahat sa buhaynati’y iya’y matitikman

Sa pagbuklit nitong pahina ay isang paalala,

Dito sa amin ang tadhana ang tagasaing,

Kapalaran ay minsa’y mapaglaro kung maituring

Kung hiling mo’y asukal, ibibigay ay asin.

Sapagkat atin mang piliin ang nais nating ihain,

ang ibibigay ay ang nararapat para sa atin.

Ang mundo ay isang malaking hapag-kainan

At tadhana ang namamahala ng ating lalakaran.

Halu-halong karanasan, iba’t-ibang kahahantungan

Habambuhay na maghahabol at nangangarap,

habambuhay na manghuhula sa magandang hinaharap.

Para sa iyo, ano kaya ang ihahain? Sa mga pahina’y tuklasin.

Pagkai’y naka-hain na, halina’t ikaw ay kumain.