צוגעוואוינט געווען דערצו. פאר אים האט שטארק נישט געשמעקט אז איך בין זיין נייער באלעבאס וואס טיילט אים איין דעות אין לעבן ,און ער האט דאס זייער אפן ארויסגעוויזן און געזאגט ,ער האט פשוט נישט געהאלטן ביים זיך צושטעלן .טראצדעם וואס איך האב אים באמת פארשטאנען און רחמנות געהאט אויף אים ,האט עס מיר שטארק פארדראסן און איך האב געוואלט אז ער זאל זיך מער צושטעלן און ארויסווייזן געפיל צו דער מצב.
א תפילה צום באשעפער איך מיט מיין ווייב זענען ביידע געווען באוואוסטזיניג צו דעם פראבלעם .נאכמער ,מיר האבן דאס געהאט אויסגעשמועסט פון פריער און מיר האבן פארשטאנען אז אזעלכע פראבלעמען קענען זיך מאכן .פארט איז דאס נישט געווען די גרעסטע סגולה פאר שלום-בית ,מיר האבן ביידע פראבירט צו טון וואס מיר קענען, אבער אין שטוב האט געהערשט א געוויסע סארט אנגעצויגנקייט צוליב די קינדער ,און מיר האבן געוואלט האפן אז דאס איז נישט קיין דראאונג חלילה אויף דעם גאנצן שטוב. זיך געפינענדיג אין דעם קלעם ,האב איך רעאליזירט אז קיינער קען מיר אצינד נישט העלפן אויסער דער רבונו-של-עולם אליין, נאר ער איז דער וואס קען מיר העלפן און ארויסנעמען פון דעם פראבלעם .איך האב דעמאלס געשמועסט מיט מיין ווייב און איין אויפדערנאכט ,ווען יעדער איז שוין געשלאפן ,האבן מיר זיך ארויסגעלאזט צום קבר פון דעם הייליגן ריבניצער צדיק .א גאנצע נאכט זענען מיר דארט געשטאנען ,איך ביי די מענער זייט און זי ביי די פרויען זייט ,מיר האבן זיך ביידע אויסגעגאסן דאס הארץ פארן אויבערשטן .איך האב אויסגעזאגט גאנץ תהילים מיט בכיות און שטארק געבעטן ביים אויבערשטן. עס איז שוין געווען פרי פארטאגס ,ווען מיר זענען אוועקגעגאנגען פון דארט ,מיט הערצער פול מיט האפענונג אז דער אויבערשטער האט אויסגעהערט אונזערע תפילות און מיר זענען שוין געהאלפן געווארן דארט.
אהיים אהיים אז א איד איז מתפלל צום באשעפער ,הערט אים דער אויבערשטער אויס .די ישועה איז טאקע אנגעקומען פיל שנעלער ווי ערווארטעט .מיין מיידל האט געמוזט ארויסגיין פון שטוב אויף א קורצע וויילע ,זי האט זיך אריבערגעצויגן צו איר זיידע און באבע, און מיר האבן שוין אפילו אנגעהויבן צו פלאנען וואו מיר קענען איר פארשיקן אויף שטענדיג ,פארשטייענדיג אז דאס איז נישט קיין תועלת אויף דעם וועג און קיינער וועט נישט בענעפיטירן אז זי וועט זיך געפינען אין שטוב. איין טאג ווען איך בין אהיימגעקומען פון די ארבעט ,ענטפאגט מיר מיין ווייב מיט א בשורה ,אז מיין טאכטער האט איר גערופן. "זי האט דיר גערופן"? האב איך זיך געוואונדערט. איך האב פארשטאנען אז אויב זי וואלט עפעס געדארפט, וואלט זי מיר דירעקט גערופן .עס איז געווען א וואונדער אז זי האט דווקא גערופן מיין אשת-חיל. "וואס האט זי געוואלט" ,האב איך געפרעגט.
"זי וויל אהיימקומען"! דאס איז שוין געווען פאר מיר א באמבע ,איך האב עס פשוט נישט געווואלט גלייבן .מיין טאכטער האט גערופן איר שטיף- מאמע אז זי וויל אהיימקומען צו אונזער שטוב? -דווקא מיין פרוי האט דאס אנגענומען מיט א פשטות" ,מיר האבן דאך מתפלל געווען פאר א ישועה און די ישועה איז געקומען ,נישט אזוי"? – זי האט דאס אנגענומען אלס דבר פשוט מאוד. עס האט נישט גענומען לאנג און מיין טאכטער איז געווען צוריק ביי אונז אין שטוב. אנגעהויבן האט זיך פון דאן א נייע מסכתא .די באציאונגען צווישן זיי צוויי זענען געווארן נאנטער און נאנטער ,עס האט זיך כמעט נישט דערקענט די אלע טענות און ווייטאגן וואס איינער האט געהאט אויפן אנדערן ,זיי האבן זיך איינגעלעבט בשלום ובשלוה ,אן קיין שפיר פון די אלטע צייטן. וואס עס איז געשען אינמיטן און ווי אזוי דער טויש איז געווארן, האב איך נישט קיין אהנונג ,און איך האב קיינמאל נישט געעפנט דעם שמועס מיט מיין טאכטער .אבער איין זאך איז זיכער ,אז ווען א איד איז מתפלל צום אויבערשטן ,הערט מען אים אויס פון אויבן און מען ערפילט זיין בקשה.
בנים האהובים מיין בחור'ל האב איך גראדע יא געדארפט פארשיקן אין א ווייטע ישיבה ,אבער זייענדיג פון דער ווייט האב איך אנגעקניפט מיט אים נאנטע באציאונגען .איך פלעג אים פארן באזוכן פון צייט צו צייט און ער פלעגט אהיימקומען אויף שבתים .במשך די יארן האט ער אנגעהויבן מיט מיר אן אפענעם קשר ,ער פלעגט זיך דורכרעדן מיט מיר אויף יעדן ענין און געטרויעט מיין מיינונג .ווען ער האט געהאט פראבלעמען אין ישיבה ,האב איך אים ארויסגעהאלפן און מייעץ געווען אויף טריט און שריט. דער אויבערשטער האט מיר געהאלפן ,אז איך האב ווידער געקענט אוועקשטעלן מיין שטוב אויף די ריכטיגע רעלסן .מיין טאכטער איז א כלה געווארן אין א מזל'דיגע שעה ,טוענדיג א הערליכן שידוך מיט וועמען זי האט אויפגעשטעלט א אידישע שטוב .אויך מיין שטיף-זוהן איז ב"ה א חתן געווארן בשעטו"מ ,מען האלט שוין אצינד א יאר נאך די חתונה און זיי לעבן ב"ה גליקליך און צופרידן. במשך די יארן האב איך זיך אויסגעלערנט צו זען סייעתא דשמיא אויף טריט און שריט ,זעענדיג ווי אזוי דער אויבערשטער נעמט ארויס מענטשן פון די שווערסטע מצבים .אמאל קוקט עס אויס ווי עס איז ממש עק וועלט און מען האט נישט קיין השגה ווי אזוי זאכן קענען בעסער ווערן און ווי אזוי מען קען ארויסקריכן דערפון ,אבער ווען מען איז מתפלל צום אויבערשטן זעט מען גרויסע ישועות ,און סוף הכבוד לבוא – דער אויבערשטער מאכט ליכטיג ארום און מען זעט די חסדים פונעם אויבערשטן. איך וועל צוענדיגן מיט א ברכה פאר אלעמען ,איר זאלט קיינמאל נישט וויסן פון קיין צרות ,אבער אין פאל חלילה וחס אז א איד גייט דורך שווערע מצבים ,זאל ער וויסן אז עס איז נישט פארפאלן ,דער אויבערשטער קען אלעמאל העלפן ,אפילו עס קוקט נישט אויס קיין ישועה אויפן האריזאנט .אין דער ריכטיגער מינוט העלפט דער אויבערשטער און די ישועה קומט צו גיין שנעל און גיך.
110 / THE BORO PARK VIEW / December 4, 2019 www.thebpview.com / 718.408.8770