DIABIERNA 17 JANUARI 2014
PAGINA 9
DIARIO
Plataforma Herencia Cultural Aruba ta continua cu su trabao durante 2014 ORANJESTAD (AAN): Diaranzon 15 di januari 2014, Plataforma Herencia Cultural Aruba a tene su prome reunion pa e aña aki cu bendicion di e Dande canta pa Grupo Alegre Noord y brindando hunto cu cucuy y boyo riba un bon aña nobo. Plataforma a lanta despues cu diferente organizacion,
grupo y persona a uni pa mustra nan desacoerdo cu e forma cu gobierno di Aruba kier implementa e Tratado di UNESCO cu ta trata Salbaguardia di Herencia Cultural di Aruba. Hunto a manda un carta di protesta pa Conseho di ministronan, Minister di Cultura, Parlamento di Aruba, Departamento di Cul-
tura Aruba, UNESCO Aruba y UNOCA. Alavez a tene un conferencia di prensa y diferente medionan di comunicacion a publika y a dedica atencion na e protesta aki. Plataforma Herencia Cultural a keda invita tambe na programanan di varios medionan di comunicacion. Plataforma Herencia Cultural Aruba a haya hopi reaccion positivo y tambe preguntanan relaciona cu e protesta. Despues di e carta aki Plataforma Herencia Cultural Aruba a reuni diferente biaha pa hunto dicidi con y na kico ta bay traha. Prioridad pa e aña aki ta entre otro pa yega na concretisacion di
un ‘Combenio di Cooperacion’ entre e organizacionnan, gruponan y personanan cu ta formando parti di e movemento aki. Cada organizacion y grupo, formando parti di e Plataforma, tin nan metanan na cua nan ta traha. Den e Plataforma ta intercambia di idea y ta dicidi kico por haci hunto cu e meta pa salbaguardia e herencia cultural Arubano. Asina a bin dilanti pa forma gruponan di trabao cu ta bay haci cierto trabaonan, por ehempel traha na inventarisacion di nos herencia cultural inmaterial. Den curso di aña, comunidad lo tende mas di e trabao aki. Intencion ta pa acerca y en-
volvi mas tanto hende, grupo y organizacion pa haya sa kico nos na Aruba ta haya importante y necesario pa salbaguardia nos herencia cultural inmaterial. Plataforma Herencia Cultural Aruba ta desea henter pueblo di Aruba un aña yena di Salud, Felicidad y Amor y cu Aruba lo sigui tuma pasonan grandi pa salbaguardia, promove y traspasa su herencia cultural.
Telefonnan di DIARIO 582-6747 Fax 582-8551