DIAMARS 31 DECEMBER , 2013
Mediador di Gobierno sr. Anselmo Pontilius
Pa 2014 lo bay tin mas negociacion di Contracto Colectivo cu 2013 Mester atende asunto preocupante di “drop out” y criminalidad Mediador di Gobierno sr. Anselmo Pontilius a presenta un panorama di e gestion cu su oficina a realisa durante henter 2013, y tambe el a expresa su mensahe di bon deseo enconexion cu aña nobo 2014. Sr. Pontilius a señala cu 2013 compara cu 2012 a registra menos conflicto laboral cu oficina di Mediador di Gobierno mester atende. Encuanto e tereno laboral tabatin menos paro of accion di trabou, aunke tabatin algun accion. Pa loke ta referendum a ser celebra un total di 14 peticion di sindicato FTA Y STA di cual por lo menos 12 a tuma lugar. Sr. Pontilius a bisa cu mayoria di e referendum tambe e trahadonan a haya representacion sindical dor di e lei cu ta salvaguardia e instrumento legal aki. El a splica cu e hecho cu e referendum a ser celebra esaki no kiermen cu necesariamente nan a negosha mesora Contracto Colectivo (CAO). E aña aki FTA ta esun cu mas a negosha CAO sigui pa STA, en cual oficina di Mediador di Gobierno a intermedia den algun caso. Algun di nan e sindicato STA a haci e solicitud ey. PERSPECTIVA 2014 Igualmente el a presenta un perspectiva di locual oficina di Mediador di Gobierno tin plania pa 2014. Sr. Pontilius ta premira cu pa e aña cu ta bay habri ta ser mira cu tanto sindicato FTA y STA, y tanto na SETAR como na Hospital, e sindicatonan cu ta representa e respectivo trahadonan ta bay negosha tambe un contracto colectivo. “Pues bo ta mira mas negociacion di Contracto Colectivo pa 2014”, asina el a bisa. E ta agrega cu esaki no ta nifi-
ca cu tur e negociacion aki ta bay bati den porta di oficina di Mediador di Gobierno, ya cu tin un tendencia cu mas y mas e sindicatonan hunto cu e dunadonan di trabou nan mes ta yega na acuerdo. Esaki no kiermen cuy lo bay tin un paz laboral total, ya cu den e proceso di negociacion cosnan lo por pasa. Pero e ta mira cu mayoria di e organisacionnan sigur ta negoshando den e realidad cu nos tur ta bibando aden. Sinembargo e ta laga sa cu ta logico cu si Mediador di Gobierno ta wordo pidi of si Mediador di Gobierno por sinti cu e por yuda resolve e problema cu lo por surgi durante e negociacion di e Contracto Colectivo, “nos lo haci esey cu placer”, el a indica. Pues Mediador di Gobierno ta premira cu pa 2014 nos lo bay mira mas actividad di negociacion di CAO, pasobra tin un cantidad di Contracto Colectivo cu ta vence entrante 2014, y otronan cu lo wordo negosha. Igualmente el a agrega cu ta keda retonan nos dilanti pa nos pais entre nan situacion di refineria cu ainda ta cera. Na final di su declaracion na ArubAwe, Mediador di Gobierno sr. Anselmo Pontilius a bisa cu pa 2014 nan deseo ta cu nos por como pais percura cu menos hoben ta drop out. E ta señala cu e fenomeno aki ta un problema ora cu nos por lesa cu un porcentahe hopi halto di nos hobennan no ta caba scol secundario cual sigur sigur ta afecta e mercado laboral. Tocando otro punto di importancia e ta haya cu gobierno no solamente den e Dialogo Social cu nan tin cu e partnernan ta atende cu e puntonan di urgencia manera tabata e caso di e seguro general y asunto di pensioen (AOV). Pero e ta kere cu un tema manera criminali-
dad ta un tema cu Gobierno no mester keda sin atende. Otro punto importante ta e tema di educacion, specialmente e asunto cu tin di haber cu un cantidad di hobennan cu no ta caba scol cu mester di atencion serio, ya cu no solamente lo afecta e mercado laboral sino cu e hoben ey su futuro mes den cualkier posicion lo ta bastante limita.
Mediador di Gobierno sr. Anselmo Pontilius
5