Diahuebs December 19 2013
Accidente entre brommer cu pickup riba caminda di Mahuma
Pagina 3
Ley pa aumento di edad di pensioen pa 65 y prima!
GOBIERNO A PASA MANTECA NA BOCA DI PUSHI (LESA: SINDICATONAN UNI!)
TOPA y STA a bandona e reunion! Sindicatonan a acepta pa aproba e ley y despues lo bin discuti posibel cambionan! Awe mainta pa 8’or Parlamento lo trata e ley pa aumenta e edad y prima di pensioen y despues lo bay discuti cu tur gremio pa waak si mester bin cambio si ta necesario. Apesar di e cantidad di apelacion di sindicatonan pa wanta e tratamento di ley, gobierno no ta honra esaki, pero a indica cu si no pasa e cambio den e ley di AOV, instancianan internacional lo declara Aruba bancarota pa motibo di e situacion financiero di gobierno. Promer Minister Mike Eman y demas minister a reuni cu sindicatonan y a keda para ariba
--Diarazon atardi central di Polis a haya melding cu riba caminda di Mahuma a tuma lugar un accidente basta serio. Ora Polis a yega na e sitio, a resulta cu un pick-up shinishi a bira riba e caminda grandi net ora un brommer tabata pasa. E impacto a pone e brommer baha for di caminda unda e manehador a cay for di su brommer. Personal di Ambulance a atende cu e coredor di brommer cu a
resulta di a sali herida pero no di e grave cu nan tabata teme na promer instante. Polis a tuma dato di ambos partido pa compila esey den nan rapport. Mirando cu fin di aĂąa ta yegando y manera semper den temporada di fiesta e trafico sa bira mas druk, nos di Solo di Pueblo ta haci un suplica na tur participante den trafico pa por fabor, ban core mas trankilo y cu atencion pa asina evita cualkier desgracia.
cu no por wanta e ley aki y mester trat’e awe. Despues lo por bay discuti un posibel introduccion di mas aumento di invoerrechten y reintroduccion di BBO. Sindicatonan TOPA y STA no a bay di acuerdo cu esaki y a bandona reunion. Aki por mira claramente cu al final gobierno a pasa Manteca na boca di pushi manera nos grandinan ta bisa. Nota di redaccion: Segun gobierno Aruba ta bay bancarota si no aumenta e edad y TOCH ta bin cu dos minister mas?