Issuu on Google+


WWW MEP

E aumento di loonbelasting no ta legal ni moral

Bo ta interesa den Solar panels? Manda nos un mail na solar@elmar.aw CELEBRANDO 33 AÑA CU PUEBLO Aña 36 ▪ No. 9913 • 1,50 Florin

Parlamento di Aruba a acepta unanimamente ley presenta pa Minister Juan David Yrausquin

Gobierno ta traha pa logra aumenta nivel di cumplimento di pago di impuesto 

18 Douanero a bira Hoofdkommies

DIAMARS 28 JANUARI 2014

GRANDINAN

Pronto lo tin ley y regla nobo pa casnan di anciano rond di Aruba INFRASTRUCTURA

Ex edificio di Voogdijraad na Emanstraat lo bira un Museo pa Mucha SOGA

ORANJESTAD (AAN): Diadomingo cu a pasa den cuadro di e celebracion diadomingo di Dia Internacional di Douane, Cuerpo di Aduana Aruba a tene un celebracion den Renaissance Convention Center dialuna merdia. E dia aki a entrega na 18 douanero e Decreto Gubernamental (Landsbesluit LB) cu ta promove nan pa Hoofdkommies for di prome di april, di 2012.  Tabata trata di un grupo di 18 miembro di Cuerpo di Aduana Aruba. Mientras cu e mandatario a entrega e LB-nan, e director interino nobo di e departamento sr. Julian Lopez Ramirez y demas miembronan di Management Team a pone e insignianan na e 15 Douaneronan promovi cu tabata presente. Nan ta: Lillian Albertus; Arlinda van der Biezen (no presente); Mildred Croes; Profilio Croes; Adries Hijmering; Carol Hodge; Alexander Geerman; Riley Jansen (No presente);  Johan Lopez; Ryan Lopez; Giovanny Nicolaas; Jessica Rivero (No presente); Marlon Ruiz; Jason Schmidt; Aileen sierra; Ivan Werleman; Roland Wernet y Oliver Wever.

Polis pidiendo cooperacion di pueblo

Ta buscando identidad di homber haya morto na San Nicolas ORANJESTAD (AAN): Siman pasa Polisnan di San Nicolas a bin topa cu un curpa sin bida na altura di The Food Center. Ta trata aki di un hende homber color scur, cabey krul, barba shinishi, di edad medio, largura di 1.66m, delega, bisti cu un carson color kaki, camisa manga largo strepia color cla y bisti cu sapato preto. Investigacion preliminar ta mustra cu e curpa tabatin por lo menos dos siman tira den e mondi y tabata den estado di descomposicion. Dokter sinembargo a constata cu e morto tabata natural. Den saco di carson di e defunto a topa cu un medayon, cu lo por duna indicacion cu e por ta di nacionalidad Latino, pero esey no ta sigur. Departamento di Recherche di San Nicolas ta haci un apelacion riba tur esunnan cu lo por tin mas informacion, pa yuda Polis haya sa

Arellano ta e compania cu e miho scoring pa proyecto HOH BELASTING

Gobierno a anuncia plan pa cumpli cu restitucion di impuesto atrasa POLIS

Ainda no tin solucion pa warda di polis Playa ken e defunto aki tabata. Aunke ta trata aki di un morto natural, autoridad lo kier sa ken e ta pa por entrega e restonan mortal na su famia. Por yama libremente na Warda di Polis di San Nicolas pa papia cu Departamento di Recherche. Tambe por yama den forma anonimo na tipline di Polis, na number 11141.

Cuerpo Policial Aruba ta gradici di antemano pa e yudansa di comunidad, cu sin duda mester por sa di un hende homber cu desde dos siman caba no a yega cas of no a yega trabao. Tur tip por duna yuda den e caso aki. Varios persona ta pidi si acaso Polis por a sikiera mustra potret di e medayon.

RIU

Kier evita di bay corte pa retiro y ta prefera di yega na un areglo cu tur trahador di Westin


PAGINA 2

DIARIO

DIAMARS 28 JANUARI 2014

Evelyn Wever-Croes

E aumento di loonbelasting no ta legal, ni moral! ORANJESTAD (AAN): Den Parlamento lider di MEP Evelyn Wever-Croes a expresa e preocupacion cu ta biba bao di miles di hende cu e luna aki a cobra menos placa di nan salario. Ta hopi hende a acerca e politiconan cu e critica ey. Tur esaki despues cu sin anuncia e minister a pasa e medida di tarifa di loonbelasting. Hendenan a comenta cu nan a bay atras cu 55 florin, 200 florin of te hasta 400 florin den un solo luna. Y ta di comprende ya cu fin di luna aki pueblo a haya 3 medida pareu: aumento prima AOV, aumento di prima di pensioen obligatorio y aumento di loonbelasting.  Minister di finansas no por kere esaki, pasobra segun e e belasting a subi cu 50 cen so. Sinembargo realidad ta cu hopi hende a bai atras cu mas di 100 florin. Si e minister cana de pueblo e tambe lo tende esey. Den esaki líder di MEP a referi na un comunicado di ATIA di 22 januari ultimo “ahustacion y aumento di impuesto a pasa den puro silencio”.  Mescos cu ATIA nos tambe ta decepciona den partido AVP cu ta bisa un cos y hasi otro cos. Pasobra ta na varios ocasion den media, y tambe den e programa di partido di AVP a splica cu un manera pa sanea e finanzas publico di Aruba no ta pa hisa entrada pa gobierno door di aumenta impuesto sino genera entrada door di reforma y stimula nos economia. Y según ATIA te ainda e economia local no ta wordo stimula debidamente pa asina comercio por crea mas cupo di trabou. Lider di MEP kier mira prueba si e aumento di belasting aki ta hasi legalmente, esta si e decreto cu ta anuncia e aumento a wordo traha prome cu 1 di december 2013.  E decreto cu ta publica riba website ta fecha 10 di januari 2014. Y e minister no kier a duna ningún otro prueba, segun e minister e por hisa e tarifa sin publica esaki prome cu 1 di december. E fracción ta keda cu su dudanan si e aumento aki ta legal, y si e ta legal mes, e no ta moral.  Kiko mas nos por spera di un gobierno asina, cu ta bisa un cos, y hasi otro cos. Den apenas 3 luna e gobierno nobo aki a pasa

cantidad di medida:   car rental tax entrante 1-1-2014, Aumento di prima di AOV cu 1% entrante 1-1-2014 pa esnan cu no tin dunado di trabou, Aumento di prima di AOV cu 0.5% entrante 1-1-2014 pa trahadornan, Aumento di prima di AOV cu 0.5% entrante 1-1-2014 pa doñonan di trabou, Aumento di edad di AOV pa 65 aña entrante 1-1-2015 (reparti den periodo di 10 aña), Aumento di base pa calcula prima di AOV (premieloongrens pa Afl. 85.000) entrante 1-12014, Aumento di “korting” riba pensioen di biehes pa añanan cu bo biba den exterior, Eliminacion di tarifa reduci di 15% riba pakete di retiro, y aumenta esaki bek na 25% entrante 1-1-2014, Aumento di prima di pensioen obligatorio 1 januari 2014 di 2% pa 3% pa trahador y doño di trabou, Aumento di tarifa di Arubus den preparación, Aumento di Airport Tax den preparación, Aumento di tarifa di inkomsten- y loonbelasting entrante 1-1-2014. SIN HUSTIFICACION Con e gobierno aki lo hustifica e medidanan aki? Ken nan lo culpa awor? Gabinete Mike Eman no por usa ni gastonan di abogado, ni gastonan di huur como hustificacion, pasobra e gobierno di AVP a gasta mucho mas cu gobierno di MEP na abogado y na huur. Tampoco por culpa 8 aña MEP mas, pasobra partido AVP a brasa algún di esnan responsabel pa e 8 añanan MEP, pues dje malo ey MEP no por a traha. Y e medidanan no tabata necesario si acaso e gobierno a para su gastonan di luho, y no a amplia e cantidad di ministernan di 7 pa 9. “Nos lo no sosega te mira e inhusticia aki wordo coregi. Mi ta lamenta cu minister di finansas a hasi mofa cu dolor di hende, y hasi manera cu no ta ningun problema cu hendenan a bai atras asina den nan entrada” tabata palabranan di líder di MEP Evelyn WeverCroes.

Telefonnan di DIARIO 582-6747 Fax 582-8551


DIAMARS 28 JANUARI 2014

PAGINA 3

DIARIO

Parlamento di Aruba a acepta unanimamente ley presenta pa Minister Juan David Yrausquin Gobierno ta traha pa logra aumenta nivel di cumplimento di pago di impuesto

ORANJESTAD (AAN): Minister di Finanza y “Overheidspersoneel”, a haya sosten di Parlamento completo pa aproba introduccion di e ley “aansprakelijkheid belasting en premies volksverzekering (Invoeringsverordening lv. aansprakelijkheid belasting en premies). Na momento cu e mandatario a presenta e proyecto di ley na Parlamento dia 20 di januari, el a bisa: “Nos kier percura cu tur ciudadano, compania y instancianan cu tin cu paga impuesto, ta cumpli cu esaki tambe.”   E ley aki, Sr. Yrausquin a enfatisa, “ta un ley cu ta bin pa protege e trahadonan di doñonan di trabou cu no ta cumpli pa paga belasting y primanan.” E tabata un proyecto di ley cu ta data di aña 2008, cu Minister di Finanza Juan David Yrausquin, a haci varios adaptacion riba dje pa e cumpli cu tur regla y por a wordo entrega na Parlamento. E aprobacion unanime a bay sin cu mester a vota den forma individual. “Husto no ta bay paga pa pecador,” e mandatario a bisa na final di e reunion. Awor Gobierno ta bay concentra pa percura cu tur esnan cu mester paga belasting ta cumpli, evitando cu otronan innecesariamente ta bay paga mas belasting.  Un amienda di fraccion di AVP, cu a keda acepta tambe, ta duna tur esnan concerni mas tempo pa adapta nan mes na e ley nobo y

probablemente e lo drenta na vigor pa prome di juni awor.  E proyectonan di ley cu Parlamento a aproba ta encera tres aspecto importante: 1) Ketenaansprakelijkheid. Esaki ta encera cu e contractant principal cu tin e trabou ta wordo poni responsabel si su subcontractant no cumpli cu Departamento di Impuesto pa pago di impuesto y primanan;

2) Companianan cu ta haci uzo di Uitzendbureaunan ta para responsabel pa e pago di impuesto y prima di e servicio cu nan ta cumpra; 3) director di companianan tambe ta wordo poni

responsabel pa cumplimento di pago di impuesto y prima, manera ley ta prescribi.  E mandatario a splica cu Gobierno no solamente kier pa tur ciudadano y instancia cumpli cu Departamento

di Impuesto, pero e departamento aki tambe mester haya e hermentnan pa por funciona debidamente y e conceptonan di ley cu aworaki ta den Parlamento ta brinda esaki.

Abogado di Riu:  

Kier evita di bay corte pa retiro y ta prefera di yega na un areglo cu tur trahador di Westin ORANJESTAD (AAN): E proceso di entrega di pakete social na trahadornan di Westin a cuminsa. Tin dos aspecto di e entrega di pakete social. Tin uno di henter e splicacion general y individual. E entrega individual ta pasobra cada persona tin un formula diferente mirando e añanan di servicio etc. Na comienzo tabata tin un eror den e calculacion segun abogado mr Ronny Wix cu ta representa RIU. Ora tabata tin 100 pakete entrega a constata e eror. A manda un notificacion mesora pa notifica e trahadornan cu e pakete ta robez. E eror den e prome pakete ora a corigi esaki e tabata tin un grupo di trahador cu a bai atras na placa, otro a keda mescos, tin cu a bai dilanti den placa. E tabata un eror bisto. E ta un eror y esaki mester a wordo coregi. E gevoel ta cu e ta un situacion dificil aunke e

ta bayendo rustig segun mr Ronny Wix. Tin hendenan presente atendiendo e sesionnan general cu e trahadornan pero tambe tin e parti unda tin hende atendiendo e trahadornan individualmente.  E pakete ta uno basicamente cu ta depende bo edad, edad di servicio y perdida di trabou. Mirando cu nan ta perde nan entrada ta spera cu nan por wordo compensa pa esaki. Tin hende cu a yega 60 aña. E hotel mes den CAO tabata tin trahador tin derecho

riba un otro pensioen cu nan ta pagando pe tambe. Tin un bonus pa esnan cu bay di acuerdo cu a pakete y ta conta pa tur trahador. A mustra e abogado cu tin keho cu a calcula e pakete a base di cierto aña di servicio te na un maximo di 18 aña di servicio mientras cu tin trahador cu tin trahador cu tin 30 aña trahando.    Ya tin hende cu a cuminsa firma nan pakete caba. Ta cuestion pa negocia y esnan cu no firma lo mira con lo cana pa bai departamento di labor pa

termina e relaciona di trabou of bai corte pa huez dicidi riba esaki. Ta algo cu kier evita y ta prefera di yega na un areglo cu tur hende. Nan ta habri pa cualkier sugerencia y si tin un contra proposal nan ta willing pa sinta papia riba dje y atende cu e doño di trabou. E intencion ta pa termina contrato di trabou cu tur hende. E renovacion ta bay mas extenso di loke nan a kere prome. Tin mas cos cu mester wordo haci. Mr Ronny Wix a splica cu e compania aki Hotel Enterprises di 2006 pa 2012 a perde 180 miyon florin. Ningun compania na Aruba a sobrevivi e perdida aki. Door cu e doño tabata un banco grandi nan a mantene habri. Nan por a kies pa sera e hotel y tur hende lo  a  perde trabou. E hotel tabata riba caminda pa un dead end segun e abogado Ronny Wix.


PAGINA 4

DIAMARS 28 JANUARI 2014

DIARIO

Inspector Eric Lake:

JZP kier papia cu e mama di e baby bandona na Parkietenbos E palabra “robot” a ser usa pa prome biaha na a¤a 1920, den un obra teatral “R.U.R.” E inicialnan ey kier meen “Rossum’s Universal Robots”. E obra a ser skirbi pa e dramaturgo Checoslovaco, Karel Capek. Na aña 1964 un grupo a Chino a subi d ultimo monta¤a halto ainda pa ser conquista. Ta trata di Gosalinthan, cerca di Mount Everest, cu ta 4.98 miya (26.291 pia) halto. Den e 100 añanan cu a sigui e liberacion di Bolivia for di gobierno di Spaña na 1825, Bolivia tabata tin mas si 40 Presidente, 6 di cual a ser asesina siendo presidente. Den e mes 100 añanan ey (1825-1925) Bolivia a conoce 187 revolucion y 9 constitucion diferente. Galileo Galilei (1564-1642): “Nunca mi ta topa un persona asina ignorante cu mi no por a siña algo di dje”. Na aña 1716 Italia a mira e nacimento di su prome corant: Diario di Roma. Tribon blanco ta e unico criatura den lamar cu no tin enemigonan natural. Hasta bayenanan asesino ta evite. Bo tabata sa cu e Sueconan ta bebe mas hopi cofi cu cualke otro pueblo na mundo? Mas di un tercera parti di e piñanan comercial cu mundo ta come ta bin di Hawai. Di un baraja cu 52 carta ta posible deal 2,598,960 diferente man di poker. Di esakinan, 1,088,240 lo tin un par. Wega di domino a ser inventa pa monhenan Frances. Su nomber ta bin di un frase den servicionan Vesper: Dixit Dominus Domineo Meo. Colecciona stampia ta e hobby mas popular na mundo. Ultimo palabranan di Voltaire (ora cu e lampi di su camber a cende fuerte, na aña 1778): “Ya e vlamnan a yega?” Tin un enfermedad cu ta haci cuero bira manera cu scam, mescos cu pisca. E yama “loctiosis”. No tin ningun evidencia pa proba cu Adolf Hitler tabata un colgador di papel. Na e corte di Louis XIV, prestigio tabata ser midi segun e haltura di e stul den cual tabata permiti e noble sinta. Solamente e Rey y Reina por a sinta den stulnan cu braza. Di acuerdo cu Time Magazine, un victima di radiacion por biba si e no saca despues di contaminacion. E streya “Zeta Thauri”, un Supernova, tabata asina briyante tempo cu el a explota na aña 1054 cu e por a ser mira den dia. E soldatnan “Hessiano”, contrato pa e Inglesnan pa bringa contra colonialnan den e Guera di Revolucion, na Merca, tabata haya un pago di 25 cent pa dia. Ta e astronomo Johannes Kepler a realiza cu e aparato visual di ser humano ta construi di tal manera cu e por produci solamente imagennan inverti.

ORANJESTAD (AAN): Den un entrevista cu Eric Lake inspector di polis hefe di e departamento di Jeugd en Zeden Politie el a splica un tiki riba e trabaonan haci relaciona cu e baby cu a wordo haya. Tacticamente a haci investigacion necesario den e barrio pa mira si por haya informacion. E contacto cu ministerio publico ta constant riba e caso aki.

Caminda mester ta yama mesora ministerio publico. A haya diferente tip di hendenan necesario pa yega na e mama y hende cu ta traha riba dump cu lo tabata na estado. A haya tur y e baby di e dama trahando riba Dump  a nace sano y salvo cerca su mama. A check tur dama biba den e area di Parkietenbos cu por tabata na estado y aki tur baby a nace sano y salvo cerca nan mama.  Ta pensa hopi cos den e caso aki. Kizas e persona por ta illegal of no tin manera di cria e yiu. Polis mes no sa ta ken y kico por a sosode. Tin hende cu ta haci e cos aki cu miedo pa nan mayornan no haya sa cu nan ta haya yiu. Cuerpo Policial ta pidi pa e mama pasa man na su curazon. Mama ta un tin y na Jeugd en

Zeden Politie nan ta willing pa yuda e mama y papia cune pa dune sosten con bida ta sigui. Mas pronto cu ta posibel e por yega cerca nan y sali dilanti pa splica kico a pasa pa sera e caso aki. E baby ta cerca un famia cu ta cuide bon pero sin e calor di e mama real.  Tin hopi cos cu por haci ora un hende muher sali na estado. Den un caso di abuso sexual cu sali na estado, un caso caminda e mama no por cria e yiu e por yega cerca un instancia y haya ayudo. No mester tuma un decision abrupto y laga e baby den porta di hende. E mama por a coy e yiu hibe na Hospital, WGK of otro instancia pa asina nan cuida e baby. Ta hopi posibilidad tin segun Eric Lake hefe di JZP.


DIAMARS 28 JANUARI 2014

DIARIO

PAGINA 5


PAGINA 6

DIAMARS 28 JANUARI 2014

DIARIO

Lo duna espacio, pero si no cumpli portanan por wordo sera

Pronto lo tin ley y regla nobo pa casnan di anciano rond di Aruba cana. Minister di salubridad ta kere cu actualmente e trato y e calidad no ta esun di mas adecuado. E comision mester bin cu puntonan dilanti pa asina drecha e calidad di cuido den tur sentido pa nos grandi nan debi cu nan merece. Nos grandi nan mester ta bon cuida unda cu mester hiba un bida content y trankil. Banda di ley tambe ta bay tin e parti di inspection unda cu mester controla cu e cas nan di cuido ta mantene nan mes na e leynan stipula. E cas nan di cuido pa nos grandi nan cu tin rond di Aruba mester bay atende nan mes un lista di exigencianan cu ta cana den e mes un nivel di e cas nan di cuido manera SABA y pavilion. E banjo, camber, vloer, espacio pa cana, mesa stoel tur ta regal nan cu lo wordo poni den ley pa por habri un cas di cuido pa nos grandinan mester por cumpli cu nan. Internacionalmente e reglanan aki ta existi caba, nan ta reglanan basico cu mester tene cuenta cu ne na momento

ORANJESTAD(AAN): Pa hopi a単a largo no tin un ley cu ta regla e reglanan di diferente cas nan cu ta wordo lanta pa cuida nos grandi nan. Actualmente no tin un ley, pero si tin algun reglanan. Minister Alex Schwengle ta duna di conoce cu actualmente e regla nan cu tin no ta adecuado, pero e ini-

ciativa cu e hende nan ta bin cu ne si ta cay den bon tera seca gobierno. E centronan di cuido pa hende grandi cu ta atende cu hende grandi ta centronan cu nan mes por wak pa nan mes. Esunnan cu ta habri tipo di centronan asina ta un iniciativa hopi bon debi cu gobierno no por paga tur cos.

Sinembargo minister di salubridad ta kere cu falta un ley cu mester trece reglanan nobo y na unda cu ta trahando riba un concepto nobo banda di e ley cu mester wordo traha ainda. Minister Schwengle ta deseya di lanta un comision den luna di februari pa asina sa den cua rumbo nos mester

cu bo kier habri un cas di anciano. No ta conoci ainda ki tempo lo manda e ley parlamento , pero si tin un comision cu ta trahando duro pa trece esaki nan hunto pa asina prepara pa e ley bay parlamento. Actualmente tin 3 ley cu ta casi cla pa bay parlamento un di nan ta cualiteitsverordering inspectie, BIG y separacion di volksgezondheid cu inspactie ta hayando proioridad actualmente pa bay parlamento. Sinembargo e cas nan cu ta operand caba lo duna nan espacio pa asina nan drecha nan luga na e reglanan nobo cu lo bin. Gobierno lo percura di duna e cas nan di nos grandi nan cu ta existi caba uno espacio. Den e tempo cu nan haya, nan lo mester drecha tur cosy si nan no pone nan mes na e regal nan stipula e risico ta grandi cu nan lo wordo sera. Ta conseha pa tur e cas nan di anciano ta na altura di e normanan basico cu un cas di anciano mester tin pa asina poco poco drecha e espacio pa ta carga e reglanan cu ta pronto na caminda.


DIAMARS 28 JANUARI 2014

PAGINA 7

DIARIO

Warda di mas importante no ta hayando prioridad

Ainda no tin solucion pa warda di polis playa ORANJESTAD (AAN): Pa basta tempo caba e situacion di warda di polis na playa ta hopi di lamenta. Den pasado a bin varios problema cu e edificio den wilhelminastraat caminda cu e no ta esun di mas adecua. Sinembargo mayoria di e departamento a bay na e edificio di judra na Dakota pa asina den corto plazo bin cu un solucion pa un edificio pa warda di playa. Minister di husticia ta duna di conoce cu mester bin cu un solucion permanente pa e warda di playa debi cu e edificio mester haci diferente cambionan na dje. Sinembargo esaki ta trata di contricion y placa unda cu minister raad e decisionnan mester wordo tuma sea cu ta renoba e edificio pa sigui use of tin cu traha un otro edificio pa asina cambia di localidad pa

warda di playa. Gobierno ta na altura di e situacion pero ainda no a tuma un decision di kico ta bay ta e destino pa loke ta trata e edificio di warda di polis playa. Minister di husticia ta duna di conoce cu a cuminsa mira rond y wak diferente luga y evalua cua lugar ta mas apto pa por bin cu un warda di polis playa y alaves mester por tin acceso pa yega tur caminda mas lihe cu ta posible. Warda di playa

ta e warda di mas uza debi cu nan tin e district unda cu mas atencion tin mester. E intencion tabata pa bay den prome instante na e edificio di ex DOW , pero e edificio a wordo poni na disposicion di Registro civil CENSO pa futuro y e no ta un opcion pa warda di playa mas. Minister di husticia ta kere cu mester busca un bon edificio grandi pa pone tur e departamento nan cu e warda di playa

mester tin, pero actualmente no tin yun caminda den playa mes cu tin un espacio pa por pone un warda di polis na playa. Sinembargo e warda di playa lo mester keda pa algun tempo mas na Dakota te na e momento cu bin cu un solucion definitivo pa e warda. Minister di husticia ta kere cu dentro di e 4 a単a nan aki lo trata di haci su maxi-

mo esfuerzo pa asina haya un luga adecuado. Ministerio di infrastructura, minister di husticia y tambe polis a sinta na mesa y a papia riba diferente posibilidad nan caba pero ainda no tin un solucion. E polisnan mester keda opera den e proximo a単a den e mes un situacion cu nan ta te na momento cu por haya un otro solucion pa nan.


PAGINA 8

DIAMARS 28 JANUARI 2014

DIARIO

Arellano ta e compania cu e miho scoring pa proyecto HOH Pesey ta negociando cune pa baha prijs

ORANJESTAD (AAN): John Hodgson, kende ta presidi SOGA (Stichting Onroerend Goed Aruba), den un declaracion duna ta splica con e procedura a bay pa otorga e proyecto di renobacion y expansion di dr. Horacio Oduber. Esaki como reaccion riba acusación di Parlamentario Glenbert Croes cu tin un diferencia di 42 miyon florin entre e oferta di e compania contrata y esun cu a perde e bid. Den e caso di e proyecto aki a sigui e procedura di tendering, mandando invitacion pa contractistanan di e ramo cu despues di evaluacion a keda tres compania interesa. Sinembargo, un di nan a dicidi di hala atras y no kier a participa mas, cual tabata Ballast Nedam. A keda unicamente  Bouygues Construction y Arellanos. SOGA den e siguiente fase tabatin reunion cu cada un di e dos companianan apart, unda cu nan por a splica con nan ta bay ehecuta e proyecto. E rapportnan cu a keda traha a wordo hiba den reunion cu SOGA a tene cu nan steering committee (esun cu ta evalua e ofertanan), pa hunto realisa e procedura di scoring. Den e fase aki, Arellano tabata e compania cu a score mas halto, pero tabatin e problema cu e suma cu nan ta papia di

Arellano no sa ningun detaye di su rival ni cuanto e scoring tabata. E unico cu nan ta sa con e scoring ta bay tuma luga. E otro compania cu a keda afo, a wordo informa cu e no a score bon y tur

dje ta demasiado halto. Hunto cu stakeholdernan a dicidi pa combersa cu Arellano y negocia e prijs cu e proyecto por wordo ehecuta toch. Den e reunion aki a logra basta leu pero no na e nivel cu SOGA tabata desea, cual ta 100 miyon dollar. “Ainda nos no a finalisa cu e negociacionnan. Nos ta studiando aworaki ki cambio nos por haci den e specs, sin afecta e bon funcionamento di e hospital of e scope, kizas usando otro material pa baha e prijs. Nos a yega basta leu pero ainda nos no ta cla,” Hodgson a splica. Den e declaracion a bini dilanti tambe cu despues di e reunion cu e compania Arellano, a palabra cu no por keda draai y cu den luna di

februari un decision mester cay, ya cu SOGA kier pa cuminsa cu e proyecto den e di dos kwartaal di 2014. “Nos ta bay sigui y nos ta bay logra pasobra tur e partnernan di Arellano den e procedura aki ta cooperando hopi bon; contratistanan local a coopera tremendo pa baha nan prijs. Door di esey nos por yega na e prijs cu nos tin den nos presupuesto.” El a sigura cu

cos a bay segun regla di e tendering, Hodgson a splica. “Nos decision ta basa riba e scoring di e compania. E no tin motibo ni base ....,” e Presidente di SOGA a duna di conoce.


DIAMARS 28 JANUARI 2014

PAGINA 9

DIARIO

GKMB a spuit e dos barionan completo relaciona cu e casonan probable di Chikunguya

ORANJESTAD (AAN) – E director interino di GKMB, seùor Clayton Croes, ken alavez ta supervisa tur loke tin di haber cu investigacion y control den e departamento aki, a hiba palabra den conferencia di prensa, unda enfatiza riba e tres casonan di probable Chikunguya y e pasonan cu GKMB a tuma. El a menciona cu e noticia no a tuma nan di sorpresa pasobra

nan tabata expect pasobra e ta den henter Caribe, y nan tabata wardando cualkier eventualidad. Diasabra atardi nan tabata tin dos grupo bon prepara. Un pa maneha e aspecto di e casnan, y otro pa trata e bario completo como un stap preventivo extra. Normalmente, den caso di dengue nan ta controla e cas y ta tuma un distancia di cien

meter pa controla tur e casnan y elimina e criadero, splica e hendenan cu por tin hemchi cu awa pa pone boca abao, y tur informacion cu generalmente nan ta duna tur famia con pa preveni criadero rond di cas. Pero den e casonan di probable Chikunguya, nan a tuma un medida hopi preventivo pa duna ni un chens pa sangura pica e personanan sospechoso di ta cargando e virus. Asina GKMB a fumiga e bario completo. Nan a bishita dos cas un na Rooi Hundo na San Nicolas y otro na Sabana Liber, y den e trayecto aki a haya tres criadero tipico cu nan por haya rond di un cas den un hemchi of un bari. Mirando den e bario mes nan por a constata cu casi no tabata tin criadero. Nan a controla diescinco cas un pa un, y e populacion di sangura den e area por ta hopi abao. Encuanto Sabana Liber, tambe nan a controla e cas cu tabata hopi nechi sin ningun criadero den dje. Mesun strategia nan uza di pasa den un radio di cien meter pa controla cada cas, y nan a haya rond basta criadero den cercania di e cas, cu no tabata menos cu diez. Aki por a mira un populacion di sangura adulto bulando den e bario. El a agrega cu nan a haya criadero den diferente obheto cu GKMB tin hopi aĂąa alertando e comunidad, pidiendo e hendenan pa wak rond di nan cas, y si wak criadero elimine, pasobra sin criadero no tin sangura y sin sangura no tin dengue y aworaki sin criadero no tin dengue ni chikungunya. Den e caso di e control aki nan a tuma un radio di 500 meter pa un kilometer, y nan a spuit pa baha e cantidad di sangura adulto cu ta bulando den e area aki como un medida preventivo. Sr. Croes a subraya cu for di Dialuna caba nan ta controlando henter Aruba y nan ta premira cu nan lo tarda un tiki mas cu un siman, y nan lo haya un bista di con un parti di Aruba ta y a base di esey con Aruba completo ta. No obstante cu nan a spuit e barionan completo unda e personanan cu ta sospechoso di tin Chikungunya ta biba, y a elimina tur sangura adulto pa no pica nan, pero ta keda na e barionan mes pa esaki keda asina, door di e habitantenan mes no tin criadero.


PAGINA 10

Cambio di trafico den Weststraat y Kruisweg

ORANJESTAD (AAN): Departamento di Obra Publico ta informa pueblo di Aruba en general y specialmente nos automobilistanan, cu diamars awor dia 28 di januari lo haci un cambio den direccion di trafico den un parti di Weststraat. Ta asina cu awor tin trafico di ambos direccion entre e entrada di stacion di Arubus y e crusada T di Weststraat cu Schelpstraat. Diamars binidero e pida caminda aki lo bira un di un solo direccion. Trafico riba e pida caminda aki por bay solamente den e direccion noord. Trafico cu ta biniendo di noord lo mester desvia na altura di Aruba Trading bira man robes drenta John G. Emanstraat. Ademas Departamento di Obra Publico ta informa cu ta cera Kruisweg pa trafico den forma permanente. Ta pidi tur automobilista y doñonan di negoshi y otro usuarionan pa tene cuenta cu e inconveniencianan cu lo por surgi pa cual DOW ta pidi su disculpa.

Kick cultural ta completamente bendi ORANJESTAD (AAN): E peticionnan pa Kick Cultural tabata y ta hopi keto bay! Y tur hende cu a cumpra kaarchi tin nan piyama cla pa bula y jump! Pero pa esnan cu ta tin pensa di bay cumpra kaarchi, lamentablemente mester informa cu no tin kaarchi mas ya cu espacio ta limita. Carchinan ta ful ful bendi. Nan ta spera pa tur hende tuma nota y pa no core bay school di Arte por nada. Ki dia e siguiente Kick Cultural ta? Esey ta depende di e ambiente.

Ladron awor ta hasta horta plachi number “D” ORANJESTAD (AAN) Ultimo tempo tin varios denuncia entrega relaciona cu hortamento di plachi number for di auto. Na warda di polis Dakota e homber inicial K a entrega denuncia, cu e plachi number D-433 pega patras di e auto a worde horta. Mientras e señora inicial O. a denuncia tambe na warda di polis Dakota cu e plachi number A-44245 cual ta pega patras di su auto staciona banda di Local store altura di Royal Plaza, desconoci nan a horta esaki.

Telefonnan di DIARIO 582-6747 Fax 582-8551

DIAMARS 28 JANUARI 2014

DIARIO

Compara cu 2012...

Placa cu turistanan ta laga atras a aumenta cu 5.26% den e promer tres cuartal 2013

ORANJESTAD (AAN): Banco Central a presenta cifranan di e promer dos kwartalnan y e tres kwartalnan di 2013 pa loke ta trata tourism receipts, es decir e placa cu turistanan ta laga atras den nos economia. Minister Otmar Oduber ta sumamente contento di por a mira un crecemento positivo riba e crecemento cu nos a conoce comparando 2011 cu 2012 y cu ta ilustra tambe cu nos isla no solamente a crece den cantidad di bishitante, pero tambe den cantidad di placa cu e turistanan ta laga atras. Si compara e cifranan di e

promer dos kwartalnan di 2011 y 2012 por mira un crecemento di 2.93% y pa e mesun periodo comparando 2012 cu 2013 por ripara un crecemento di 6%. Si inclui e di tres kwartal tambe por mira un crecemento significativo comparando 2011 cu 2012 y 2012 cu 2013 di 3.17% y 5.25% respectivamente. Minister di Turismo ta gradici y felicita tur e stakeholders cu a haci di e resultado aki uno exitoso pa nos isla, pa nos economia y pa nos hendenan. El a bisa cu ta trata aki di un trabao en conhunto, un trabao y un logro cu solamente por a worde

logra danki e bon relacionnan y cooperacion entre tur actor den e ramo, pero tambe en especial na cada un di esnan cu ta labora den e industria cu ta haci cu nos isla ta un di e mihornan y mas gusta den e region. Pa e aña aki lo sigui traha fuertemente pa mantene e posicion privilegia cu nos isla tin y lo sigui enfoca riba calidad pa asina e placa cu nos turistanan ta laga atras por aumenta. Den e cuadro ey no solamente lo continua cu e trabaonan pa mehora Producto Aruba cu a bin ta tumando lugar caba, pero lo bay mas leu y enfoca riba haci di San Nicolas e di dos capital turistico di nos isla, e lugar caminda nos bishitantenan por haya loke awendia nan ta buscando mas y mas, esta cultura, historia y herencia di nos dushi Aruba.


DIAMARS 28 JANUARI 2014

PAGINA 11

DIARIO

Prome Minister a splica:

Ex edificio di Voogdijraad na Emanstraat lo bira un Museo pa Mucha ORANJESTAD (AAN) – Dilanti di ex-Haven Kantor, cu tambe a wordo ocupa un tempo pa Oficina di Turismo, y despues pa un of otro Minister, Prome Minister mr. Mike Eman a referi na e proyecto di renovacion di e edificio aki, den e di dos parti di e conferencia semanal di prensa di gobierno. E dignatario a menciona cu aña a habri y e restauracion di e edificio aki ta bayendo cu hopi rapidez, y ta sumamente importante, dentro di e vision total cu gobierno tin di renovacion di centro di ciudad, pa mira con e edificionan aki un pa un ta wordo restaura y revitaliza y cada un ta contribui cu e restauracion y revitalizacion di henter nos pais. E mandatario ta convenci cu e proyectonan aki ta encurasha sector priva pa drecha nan edificionan sea propio, cu nan ta huur, of cu nan ta interesa pa participa den renovacion den centro di ciudad, pa nan bira proactivo. E dignatario a mustra contento cu den Caya Grandi poco, poco e fachadanan di tienda

ta wordo mehora, of edificionan completo, y tanto na parti pazuid como panoord por mira e desaroyonan aki manera Edificio di Corte di Husticia y Watertoren. E mandatario a indica cu el a tuma nota den prensa cu e edificio di famia Fingal lo wordo transforma den un bunita oficina, den e contexto di arkitectura similar na esun di Corte di Husticia y un tiki mas pariba CMB lo construi su oficina nobo, pues esaki kiermen un momento hopi grandi cu Gobierno ta encurasha tambe, tanto den e aspecto directo for di fondonan di FDA, SOGA of gobierno mes, y awor lo pone un plataforma nobo cu ta Renovacion Aruba NV. El a reitera e proyecto na Emanstraat cu ta e edificio di Voogdijraad cu ta e contribucion di gobierno na Renovacion Aruba NV, cu ta bay bira un Museo pa Mucha, unda cu Stan Kuiperi ta trahando duro riba e concepto, y hunto cu Fundacion Museo pa Mucha tin e plan hopi desaroya caba, y tin contactonan internacional

cu otro museonan pa mucha y awor su soño, cu contribucion di gobierno y sector priva, ta bay wordo realiza y otro edificio lo wordo restaura. E mandatario a duna di conoce cu documentacionnan cu gobierno por a comparti cu specialistanan durante e conferencia special cu tabata tin pa anuncia e proyecto Watty Vos Boulevard, expertonan a bisa cu na momento cu cambia e condicionnan di bida den un school of un bario, ta eleva e condicionnan di bida di e habitantenan. Premier Eman a pone como ehemplo e gestion di e Alcalde di Medellin, na Colombia, sr. Fajardo, ken a haci trabaonan grandi den su ciudad, unda a construi den areanan completamente deteriora un cantidad di biblioteca y school y awor a areanan aki a revitaliza y tin un calidad di bida di mehor nivel, y esnan cu prome tabata wordo isola y no tabata participa den e economia, a pone hasta un teleferico den e barionan mas aleha den ceronan y awor e ciudadanonan aki ta bin den centro di

ciudad y participa den e bida economico di Medellin, y e barionan cu antes tabata tin miedo pa bishita a bira cen-

tronan di recreacion. Esaki ta prueba cu ora tin gobernantenan cu tin e curashi di tuma bon decisionnan.

Southwest Airlines di Merca a sorprende tur hende door di anuncia vuelo pa Aruba

ORANJESTAD (AAN): Un noticia sumamente alentador a drenta e siman aki, indicando cu e low-fares airlines di mas famoso na Merca, esta “Southwest Airlines”, ta bay cuminza pa prome biaha bula rutanan internacional, y a escoge Caribe pa haci esaki. Nan tin tres destinacion den mente, y esey ta Aruba, Jamaica, y Bahamas. Entrante 1 di Juli 2014, nan lo cuminza cu e vuelonan. Southwest Airlines a cuminza bende pasashi Dialuna caba pa Aruba, Bahamas, y Jamaica for di Atlanta, Baltimore y Orlando. E rutanan aki ta worde bula actualmente pa AirTran Airways, cu Southwest a cumpra na 2011. Southwest ta transporta mas pasahero na Merca compara cu tur otro aerolinea. Pero e no ta bula pafor di Merca. Pa hopi aña caba Southwest tabata planea pa bula internacionalmente, pero a keda wanta atras debi na limitenan tecnologico di su sistema di reservacion, cu e tabata upgrade tambe. Mas despues den 2014, Southwest ta spera di tuma over cuatro destinacion di AirTran na Mexico y Republica Dominicana. Eventualmente e lo planea pa agrega vuelonan internacional for di Houston, Fort Lauderdale, y posiblemente otro ciudadnan Mericano. Pero kizas nan lo anuncia esey te na aña 2015. AirTran su vuelonan internacional nifica menos di 1% di e capacidad di transporta pasahero di e compania, y esaki lo no cambia cu e anuncio Dialuna encuanto algun vuelo cambiando di avionnan AirTran pa Southwest. Chief Commercial Officer Bob Jordan a bisa, cu vuelonan internacional ta un “parti grandi di nos strategia di crecimento”, y un dia lo envolvi 70 pa 80 avion di Southwest. Southwest tin planea pa stop di usa e nomber di AirTran pa fin di e aña aki. Southwest Airlines ta e unico aerolinea cu semper a haci ganashi, hasta den tempo dificil. Nunca e no mester a bay bancarota, y semper a logra produci placa danki na algun concepto basico. Nan ta usa solamente avionnan Boeing 737, pues Maintenance ta facil pa tur nan avion. E aerolinea no ta transporta carga. Aruba lo beneficia hopi unavez cu pasaheronan haya pasashi cumpra na prijs abao cu Southwest. E isla aki lo ta atractivo bek pa hopi pasahero. Otro aerolineanan kizas lo haya nan obliga di bay cuminza reduci nan prijs tambe pa bula pa Aruba.


PAGINA 12

DIAMARS 28 JANUARI 2014

DIARIO

Sindicalista Magay Brito di SEPPA:

“Overtolligheidspoel” tin di haber cu politica! ORANJESTAD (AAN) – E sindicalista Magaly Brito di Sindicato Trahadornan Publico y Priva Aruba (SEPPA) ta asocia e situacion di “Overtolligheidspoel” directamente cu politica, y e ta considera esaki un abuso di marca mayor! Den entrevista cu Matutino DIARIO, sra. Magaly Brito a duna di conoce cu tin mas cu cien persona na cas cobrando nan salario, locual kiermen cu bao e gobierno na mando tin mas hende cu a wordo manda cas cu pago. Despues cu e tabata hopi halto a logra bahe bao di cien pero aworaki ta riba cien atrobe y tin miembro di SEPPA cu pa motibo di reorganizacion tambe a wordo manda cas, pendiente di un ubicacion den otro funcion. “T’asina cu bo tin cu para keto riba e tema aki. Nos di SEPPA ta bisa cu locual cu a sosode cu e trahadornan aki ta un abuso di marca mayor. Prome, pasobra e trahadornan aki ta wordo tilda como grupo di sinberguenza, simplemente pasobra nan ta cobra un salario, pero ningun hende ta para keto wak kico por a sosode cu nan, cu nan a wordo manda cas”, e dama a señala. Sra. Brito a agrega cu tin di e personanan aki a bay cas pa motibo di cambio di gobierno. Tin directornan di departamento cu a wordo manda cas cu pago, pa motibo cu nan no ta di mesun color politico di e gobierno na turno. “ E hendenan aki hamas ta wordo ofreci un funcion den otro departamento. Tin hendenan cu pa motibo di reorganizacion den un departamento nan no mester di dje mas, pero tin otro departamentonan cu nan por wordo ubica, locual no ta sosode”, sra. Brito a subraya. El a expresa cu e politiconan tin cu warda e funcionnan aki habri pa otro hendenan, kizas pa esnan cu a campaña of pa simpatizantenan. “SEPPA en todo caso ta contento ora un di nan ta haya trabao, solamente cu

mester wak si prome, si e politiconan mes cu ta sinta duna trabao, cu ta haci e compra y bentanan aki den campaña, ta e mesun cu ta culpa esnan cu ta na cas, di lo ta haciendo algo malo”, e sindicalista a comenta. Sra. Brito a acentua cu mester analiza tambe kico gobiernonan ta haci cu e personanan cu ta na cas, como hende. “E no tin perspectiva di carera mas, tur su plannan, con el a pensa, con el a cana den su carera na trabao a wordo kibra, y no ta haya su promocionnan. Kiermen tur cos a tranca para eynan y di otro banda loke nos ta yama e ‘social isolatie” tambe ta bin”, e dama a señala. Kiermen tur e consecuencianan cu esaki ta trece cune ta cu e persona ta demotiva, y no ta wak nada mas den bida pe. “ E situacion aki ta basta delicado y nos a trece tambe den un discusion den Dialogo unda cu nos a mustra gobierno cu mester watch out bon kico

e ta papia, y sin wak su mes kico ta e erornan cu el a haci como dunador di trabao, kico e mes a causa y laga nos sigui papia con pa soluciona e problema aki, cu SEPPA ta di acuerdo cu mester solucione, pero e mester wordo haci na un manera husto pa un y tur”,

sra. Magaly Brito a indica. Tin otro grupo di trahador cu tambe a wordo perhudica, despues di a pasa den un proceso disciplinario nan a pidi pa traha back, pero nan ta wordo nenga pasobra nan funcion a wordo yena. “Asina aki tin diferente ehemplo cu

nos por duna, y cu nos ta kere cu gobierno mester ta mas habri pa scucha y pa yega na solucionnan berdadero, y no bin culpa ni amenaza trahadornan pasobra e lo haci e problema bira peor”, sra. Brito a enfatiza.

Ladron a horta como 56 cervez di KFC ORANJESTAD (AAN); Polis di Oranjestad a worde dirigi na Kentucky Fried Chicken situa den Hendrikstraat relaciona cu kiebro. Na yegada di e patruya nan a constata cu no tabatin ningun persona presente y ademas alarma no ta funciona. Central di polis a yama e compania Benjamin Security y a pone nan na altura. Pasa di 3’or di marduga a presenta personal di seguridad di e compania en cuestion y e guardia a keda na e lugar te ora cu e persona encarga cu yabi di e empresa worde localiza y presenta. Algo pasa di 4’or di mar-

Telefonnan di DIARIO 582-6747 Fax 582-8551

duga central di polis a worde yama y notifica cu e persona encarga a acudi na e lugar. E homber inicial K. a declara na polis di diaranzon pa 12’ or a cera e localidad y a laga esaki intacto atras. Den careda di 3:30’or el a ricibi yamada di Benjamin Security relaciona cu e kiebro y K. a declara cu mas o menos 56 boter di cervez a worde horta

pa desconoci nan. E sistema di alarma no ta funciona, parce e restaurant a caba di worde reconstrui y aparentemente e compania di construccion no a pone e sistema di alarma back, patruya a tuma e denuncia y relaciona cu investigacion tecnico a solicita presencia di Recherche tecnico na Kentucky Fried Chicken.


DIAMARS 28 JANUARI 2014

PAGINA 13

DIARIO

Premier Eman: Aña di construccion a cuminza

“Bloki pa bloki con e vision di gobierno pa renovacion di nos ciudad ta tumando forma!”

ORANJESTAD (AAN) – Dialuna mainta, e conferencia semanal di prensa di gobierno tabata na encargo di Prome Minister mr. Mike Eman, sr. Benny Sevinger, Titular di Infrastructura, Ark. Yvonne Webb- Kock, Ark. Jouel Croes

y Ark. Thijsen. Esaki a tuma lugar prome dilanti e edificio antes Museo Arkeologico, cu a cumpli caba cien aña, y despues dilanti edificio di antes Oficina di Turismo. Ambos edificio ta den pleno renovacion.

Prome Minister a inicia e rueda di prensa, indicando cu e aña di construccion a cuminza cu hopi actividad. E dignatario a señala cu siman pasa gobierno a otorga e proyecto di construccion di e edificio multifuncional (MFA) di Noord, unda cu e helpbestuurskantoor lo wordo acomoda, mientras cu Ark. Jouel Croes ta preparando pa e MFA di Paradera, cu tambe ta cla pa bay destaho publico. “Cada dia nos ta mira bloki pa bloki, con e vision grandi cu nos tabata tin di renovacion di centro di ciudad ta hayando su forma”, e dignatario a subraya. E mandatario a agrega cu bao vigilancia di Ark. Yvonne Webb-Kock, cu semper ta pone reglanan skerpi, poco poco nan ta restaurando e edificio antes Museo Arkeologico, den concordancia cu e reglanan vigente di monumentonan. Pa gobierno ta importante di tin e momento aki pa duna empuhe tambe na inversionnan local cu mester bin pa por canaliza e cambionan cu gobierno ta bezig cu nan. “ Nos por mira un cantidad di inversionnan importante cu gobierno a tuma liderazgo aden, nos por mira e edificio cu a bira un parti integral di e Bestuurskantoor, cu ta Cocolishi cu na e momentonan aki ta cla. Diferente minister ya caba a tuma oficina den e edificio y algun ainda falta”, e dignatario a expresa. Awor, el a agrega, tanto e Bestuurskantoor original a acopla como un parti funcional na e edificio nobo aki cu tambe ta hayando su conteni-

do total pa bira un centro di gobernacion integral. “Henter e desaroyo dilanti Bestuurskantoor y Parlamento bay pariba te Linear Park ta engrandeciendo tur e aspectonan fisico di Pais Aruba. Tur dia nos por mira cu nos propio wowo cuanto di nos hendenan ta haciendo uso di Linear Park, y e ta aumentando tur dia”. E dignatario a agrega cu e luz cu a paga nan cende back y awor tin cuater luz. E mandatario a reitera cu awor ta e edificio antes Museo Arkeologico ta den renovacion, cual a cumpli cien aña di existencia caba y a logra rescate. El a menciona cu e otro edificio “Haven Master Kantor” tambe tin 75 aña cu tambe ta wordo restaura. Premier mr. Eman a referi tambe na e iniciativa importante, particular, cu ta tumando lugar den centro di ciudad. E dignatario a indica cu sr. Serge Mansur a cumpra un edificio cu ta un di e casnan di mas bieu di Aruba y ta restaurando esaki den e condicionnan original, y tur e inversionnan aki ta un contribucion importante pa crea e calidad di bida y structura cu

gobierno kier pa nos hendenan por yega na tin un pais cu nos tur ta orguyoso di dje, cu tin tur aspecto di calidad den bario, acomodacion den areanan publico pa por recrea y haci deporte, y e centro di ciudad cu ta refleha e revitalizacion di henter nos pais. Minister Presidente a agrega cu siman pasa tambe a pone prome piedra como un instrument nobo importante, pa duna empuhe na renovacion, y tabata na Aruba na e momento ey sr. Kamp, cu tabata presidente di un instancia hopi grandi na Amsterdam y a bin pa traha hunto cu gobierno riba e renovacion di “Aruba NV”, cu ta un instancia cu gobierno a haya autorizacion di Parlamento, pa incorpore y participa den dje cu e edificio di Voogdijraad na Emanstraat, cual lo wordo restaura y lo bira un museo pa mucha. Di parti di sector priva nan ta capitalizando e compania aki pa por cuminza cumpra edificionan cu balor historico pa cuminza restaura nan, den forma di “Public Private Partnership” (PPP). Esaki ta duna un empuhe adicional na e desaroyo. “Un pais cu cuater aña pasa tabata den un situacion tristo, di deterioro di schoolnan, barionan, centro di ciudad, awe ta un pais den completo renovacion y revitalizacion, y manera nos ta bisa ‘ainda falta…’ y cada paso cu nos tuma ta den direccion di mehora e calidad di bida di nos conciudadanonan”, Premier mr. Eman a expresa y finalmente el a gradici tur esnan envolvi y cu ta trahando duro den e proyectonan aki y prensa cu ta transmiti pa pueblo e sentido nobo aki di optimismo y confianza den e futuro di Aruba!


PAGINA 14

DIAMARS 28 JANUARI 2014

DIARIO

Specialista den Neumologia Dra. Esther Soto:

OMS ta proyecta cu pa 2010 EPOC lo ocupa e di cinco lugar den causanan di mortalidad ora e pacient ta muri, door di autopsia unda nos ta tuma un pida chikito di pulmon y nos ta mire via microscop”, Dra. Soto a subraya. El a agrega cu afortunadamente, awendia tin tomografia di halto resolucion, na unda e specialista por haci su diagnostico na tempo y trata e pacient mas eficientemente y dune un mehor calidad di bida, cual ta e meta di e docternan: ta sigur cu e pacient ta bon! Malesa di e vianan chikito: ORANJESTAD (AAN) – E “alveolo” ta e ultimo parti di e aparato respiratorio cu cual nos ta hala rosea y unda tin e intercambio di oxigeno den sanger cu Dioxido di Carbon. Den su charla tocante e malesa “Obstruccion Pulmonar Cronico” EPOC, Dra. Esther Soto, specialista den Neumologia, a pasa diferente diapositivo den cual el a mustra un pulmon cu ta funciona normal, y ora tin cambionan alveolar, manera dilatacion di e pulmon, produci pa EPOC. Bronkitis Cronico: Dra. Soto a referi na e sintomanan di Bronkitis Cronico. “E pacient ta keha cu e tin mas cu tres luna cu tosamento continuo. E ta tuma medicamento y stropi tras di otro y te hasta antibiotica, pero e ta sigui mescos. Tin pacient cu ta yama esaki ‘griep’ cu no ta kita nunca, y e ta bay docter despues di dos aña cu tin e problema y ta haya

slijm”. Enfisema Pulmonar: E specialista a menciona cu e malesa aki ta mas dificil pa determina den e pacientnan. “Sinembargo, den practica diario no ta haya un bronkitico puro ni un enfisematoso puro. Semper nan tin un componente di e otro; tin mezcla, generalmente e ta mixto. E malesa aki no ta wordo mira cu facilidad. Nos mester haci inclusive un tomografia di torax, pa nos wak cu e pulmon ey ta dilata. Generalmente, e diagnostico aki ta wordo haci

Dra. Esther Soto a indica cu esaki ta un otro malesa cu no ta presenta indicacionnan na prome bista. “ Tin biaha e pacient ta yega na consulta, pero e testnan no ta mustra nada, ni rx ni tomografia, pero e pacient ta malo. E vianan ta asina chikito cu ni sikiera por wak nan via microscop, pero nan ta malo. Aki nos tin cu trata e pacient di acuerdo na locual e ta bisa nos, y trata di mehora e sintomanan, pero nos no por cure, pasobra e malesa aki no tin curacion pe. E ta no reversible, pero si por wordo frena, y yuda e pacient biba mehor”.

Industria mundial: Dra. Soto a haci e pregunta: “Den ki pais no tin humamento?” Ningun! El a comenta cu humamento a surgi tambe despues di e revolucion industrial. “Esaki no ta di aworaki, e ta data di siglo y siglonan for di momento cu e tabaco a wordo introduci den e industria y e tin un distribucion mundial. “ E tin un prevalencia di 2.5 pa 3.5 porciento den e poblacion adulto. Nos no por keda sin menciona e muchanan pasobra den nos profesion, nos ta haya algun sorpresa. Nos muchanan cu ta huma cigaria, y nan ta esnan cu ta bay cumpra cigaria pa nan tata, nan mama, nan omo, etc., y nos a

mira y comproba esey”, Dra. Soto a subraya. El a agrega cu EPOC ta un malesa cu por wordo detecta te despues di 40 aña di edad. Tin hende cu ta tume como chiste, pero nan ta matando nan mes sin cu nan mes ta ripara esey, y e ta haya necesario pa no permiti nos muchanan pa manipula cu cigaria. “Ta wordo stima cu e prevalencia lo yega entre siete pa diez porciento di e poblacion. Organizacion Mundial di Salud a raporta na 1990 tres miyon di morto pa causa di e malesa aki. Pa e periodo aki a ocupa e di siete lugar den e causanan di mortalidad. OMS ta haci conexion den tempo, y su proyeccion pa aña 2020 ta cu e lo ocupa e di cinco lugar”, Dra. Soto a duna di conoce.


DIAMARS 28 JANUARI 2014

DIARIO

Telefonnan di DIARIO582-6747 Fax 582-8551

PAGINA 15

Coredornan di Aruba den e Miami Marathon y ½ Marathon 2014

ORNAJETSAD (AAN): Dia 2 februari proximo lo tuma lugar na Miami e famoso Miami Marathon y ½ marathon. Esaki lo ta e di 12 edicion. E aña aki un biaha mas un grupo di coredornan di Aruba lo ta participando na e Marathon aki. Un total di 11 coredornan cu ta forma parti di e grupo “Run for your heart” y I-Run Aruba, lo ta bayendo e marathon aki. E 2 grupo nan aki ta hopi anima, motiva y cu gran passion pa e deporte di coremento. E grupo aki mayoria biaha ta concentra nan mes riba coremento di distancia largo manera un marathon.

Mas o menos un total di 26.000 coredornan rond mundo lo forma parti na e Marathon y ½ marathon aki. Esunan cu lo bay pa full marathon lo ta: Dr. Johnny Cheng, Eugene Martis, Mario Nooijen, Michel Roos y Alrric Kock. Pa e Half Marathon lo bay: Dr. Joaquin van Trigt, Melvin Dabian, Romar Arendsz, Koos Veel, Tracey Nicolaas y Shariska Winterdal Pa participa na un Marathon (42.2 Km) ta exigi hopi disiplina, dedicashon y determinashon y sigur will power. Entrenamentonan duro y intensivo, cu e gruponan aki a forma parti di dje y cu awor ta cla pa e reto. Na unda cu den siman y tambe den weekend tin cu lanta 4:00 di mainta pa por cumpli cu nan entrenamento. Pero cu hopi motivashon y animashon e gruponan aki ta mantene nan mes uni y asina cada un ta motiva otro. Y nan ta determina y sigur di nan mes cu nan lo haci sigur un bon papel den e Marathon aki. Esaki sigur ta un manera di hiba un bida mas saludabel posibel tambe. I-Run team Aruba kier a gradici Runners Aruba Multisport Store pa nan bunita running shirt cu nan a ricibi. E biaha aki tambe nan lo ta coriendo cu un t-shirt cu nomber di Aruba y asina tambe promoviendo nos dushi isla ARUBA.


PAGINA 16

DIARIO

DIAMARS 28 JANUARI 2014

Minister Yrausquin a entrega LB na 18 Douanero cu a bira Hoofdkommies

ORANJESTAD (AAN): Den cuadro di e celebracion diadomingo di Dia Internacional di Douane, Cuerpo di Aduana Aruba a tene un celebracion den Renaissance Convention Center dialuna merdia. E celebracion aki a tuma luga den presencia di Minister encarga cu Departamento di Douane, Juan David Yrausquin. E mandatario no solamente tabatin honor di hiba un discurso dirigi na e miembronan di e Cuerpo di Douane, pero tambe a entrega riba e merdia aki e Decreto Gubernamental (Landsbesluit LB) na 18 Douanero cu a wordo promovi pa Hoofdkommies for di prome di april, di

2012.   Tabata trata di un grupo di 18 miembro di Cuerpo di Aduana Aruba. Mientras cu e mandatario a entrega e LBnan, e director interino nobo di e departamento sr. Julian Lopez Ramirez y demas miembronan di Management Team a pone e insignianan na e 15 Douaneronan promovi cu tabata presente. Nan ta: Lillian Albertus; Arlinda van der Biezen (no presente); Mildred Croes; Profilio Croes; Adries Hijmering; Carol Hodge; Alexander Geerman; Riley Jansen (No presente);  Johan Lopez; Ryan Lopez; Giovanny Nicolaas; Jessica Rivero (No presente); Marlon Ruiz; Jason Schmidt; Aileen sierra; Ivan Werleman; Roland Wernet y Oliver Wever.

Shoplifter den Da a keda deteni ORANJESTAD (AAN): Polis a haya sa cu algo a pasa na Da De Drogist situa riba Smith Boulevard. Diabierna atardi gerente a pidi presencia di polis debi cu nan a gara un tipo cu a horta den e localidad. Polis a acudi na DA y a resulta cu personal a atrapa cu algun articulo den su saco di carson. E homber inicial R.C. di 42 aña, a worde aresta y polis a hiba na warda, pa e duna cuenta na husticia di su hazaña pa a tira para den “DA”.


DIAMARS 28 JANUARI 2014

PAGINA 17

DIARIO

Riba Dia di Betico

Academia Policial E.J. “Watty” Vos tabata anfitrion di un tremendo Open Dag

ORANJESTAD (AAN): E Open Dag di school pa Polis ta un evento organiza prome biaha tres aña pasa, entretanto ya a bira un tradicion pa hopi famia bishita y ta capta cada aña mas atencion di grandi y chikito. Riba “Dia di Betico” e organiza e evento un biaha mas na Academia Policial E.J. “Watty” Vos, hunto cu nan rumannan den e cadena di husticia. A habri nan portanan y brinda un caluroso bonbini na comunidad di Aruba pa cera conoci mas cu e trabao di husticia. Na e Open Dag publico general tabatin e oportunidad pa topa cu miembronan di Cuerpo Policial, Brandweer, CEA, KIA y Kustwacht y inscribi pa e cursonan cu school pa Polis ta ofrece pa bira Polis, miembro di CEA y cuidador di preso na KIA. Ademas, e diferente unidadnan di Cuerpo Policial a percura pa entretenimento for di momento cu e portanan a habri te na ceramento di e evento cu un cantidad grandi di demostracion

interactivo di nan trabao y tareanan. E accion tabata non-stop y esunnan presente a gosa di un dia hopi interesante. Alto Comisario di Cuerpo Policial, Adolfo “Dolfi” Richardson a expresa “Mi ta hopi orguyoso di mi Cuerpo. Keep up the good job.” E evento aki a nace for di Cuerpo Policial, specificamente school pa Polis y e hefe di Polis ta sumamente contento cu e resultadonan, tanto pa loke ta crea union entre e otro organizacionnan den e cadena hudicial, como e rol cu e evento aki ta hunga den trece polis mas cerca di comunidad y den demostra e diversidad di e trabao di polis cu diferente simulacro. Hefe di school pa Polis, mr. Jeannette Richardson-Baars a splica cu na momento di organiza un Open Dag nan ta nan partnernan husticia y ta coordina hunto kico cada un por ofrece pa loke ta simulacro y otro elementonan cu ta worde organiza durante e dia. Y, tur instancia, basa riba nan oferta pa ta anfitrion di un actividad of demostracion cu ta interesante pa grandi y chikito, ta haya su luga den e programa. Richardson-Baars a splica cu mescos cu añanan anterior, nan a ricibi hopi inscripcion pa e diferente careranan cu school pa Polis ta ofrece. E carera nobo, cual ta e screening y curso pa traha na CEA (Cuerpo Especial Arubano) a atrae hopi atencion y ta spera cu por cera un klas pa cuminsa e curso proximamente.


PAGINA 18

DIARIO

DIAMARS 28 JANUARI 2014

FTA bringando pa retiro cu bon pakete di siete trahado na ARVEFA

ORANJESTAD (AAN): Den un entrevista cu Rudy Geerman presidente di Sindicato FTA el a splica y aclarea e informacion encuanto retiro di siete trahador na Arvefa. E trahadornan di e compania aki ta wordo representa pa FTA. Rudy Geerman a splica cu pa añanan caba y sigur cinco ultimo aña Arvefa kier a bay den direccion caminda kier a haci Arvefa Aruba solamente un outlet. Ta ricibi verf di Curacao den Magazijn y bende. Asina mes a keda purba pa evita esaki. Door cu tin un otro grupo a cumpra nan a bin dicido y tuma e decision pa kita e trahadornan a base di un pakete. Ainda e trahadornan tey. E maneho prome a faya pasobra e intencion tabata pa haci un fabrica na Aruba pero nunca esaki Arvefa a concretiza. E forma di maneha ta pa mustra cu Arvefa ta bay malo na Aruba. Gerencia a pidi e trahadornan pa termina e acuerdo. E compania a ofrece un pakete cu FTA a rechaza y abogado di FTA a traha un pakete y mande pa e compania. Nan ta dispuesto pa sinta y si e oferta cu tin e trahadornan por biba cune por termina e relacion di

trabou. Dos trahador ta keda na pia di trabou pa atende cu e verf cu ta bin di Curacao.

Tin trahadornan cu tin riba 50 aña y nan ta dificil pa haya trabou. FTA ta buscando unda tin miembro pa mira si por haya trabou pa e otronan cu ta keda sin trabou. Tin trahador cu tin 30 aña trahando cu ta perde trabou pasobra Arvefa a mustra cu e compania no ta produci loke nan a spera pa Aruba.

Pakete social pa trahadornan di Westin ta core den 20 miyon florin ORANJESTAD (AAN): E pakete social cu a wordo entrega si tur hende acepta esaki na Westin ta costa Riu alrededor di 20 miyon florin. E abogado mr Ronny Wix a splica cu nan tin contacto cu abogado TEAM y mediador. Lo reuni cu nan tambe. Tin contacto cu minister y otro gruponan di interes pa tur cos bai mas rustig y organiza posibel. E negociacion ta andando y kier pa esaki bai mas trankil posibel. Den principio e ultimo dia cu e guest ta chek out ta 26 di February. Den cuanto trabou nan lo cuminsa no ta conoci. Tin construccion cu mester pidi permiso pe y tin caminda cu contratista mester move riba dje tambe. Infinity a firma un acuerdo cu Riu y e lo bira un

Polis a gara hoben den piscina di cas na venta

ORANJESTAD (AAN): Un hoben a keda deteni ora a drenta cas di hende y bay landa den pool cu no ta di dje hunto cu su amigonan. Diahuebs atardi bisiña atento a bati alarma cu tin grupo di hoben a bula cura di cas cu ta na benta. Polis a yega bin haya e hobennan ta pasa bon den e pool di cas. Asina a wak Polis e hobennan a sali na careda. Polis a logra detene un di e hobennan. E otronan a logra huy.

all inclusive. Abogado mr Ronny Wix a splica e minister riba e beneficio di All Inclusive y e deseo di Riu. E hotel tin permiso caba y no mester un permiso pa all inclusive segun abogado mr Ronny Wix.  Mr Ronny Wix a splica cu tin un lider sindical cu a grita varios cos. Si berdad a bisa esaki e sindicato ta papia cosnan cu no ta berdad. Aki e a referi na sindicato STA. Esun cu firma ta a base voluntario. E mesun sindicato STA lo a bisa na radio cu e inversionista mester donder op. Algo cu no mester sosode. Un sindicalista mester midi su palabranan segun abogado mr Ronny Wix. E version di e sindicato STA encuanto e pakete mas halto ta di 47 mil florin no ta berdad. E cifranan ta varios unda tin hende ta haya 300 mil florin, tin ta haya 200 mil, tin ta yega na suma rond di 100 mil y tin ta haya menos tambe. E unico sindicato cu nan  a sinta cune ta TEAM. Segun mr Ronny Wix nan a tende di STA cu kier drenta a base di referendum pero ta sindicato cu a perde mas cu un referendum purbando di drenta hotelnan.  Pero e no a sinta cu STA sino cu TEAM cu ta e unico sindicato. Na final segun e abogado ta cu e trahador mes nan ta sinta personalmente ora di firma un pakete finalmente.


DIAMARS 28 JANUARI 2014

PAGINA 19

DIARIO

Obhetivo nan pa aña 2014 ta determina y den accion

Crecemento di turismo no mester ta un esfuerso di ATA so, sino di tur ORANJESTAD (AAN): Como e instancia cu ta percura pa tur faceta di mercadeo pa nos turismo, Aruba Tourism Authority (ATA) tin diferente obhetivo fiha pa aña 2014, pa cual e organizacion, su partnernan y stakeholders tin procesonan den accion continuamente. Turismo ta un industria sumamente dinamico y pa medio di monitor e trendnan, como tambe haci analisis continuamente, ATA ta determina e mercadonan mas atractivo, cu mas potencial y cu Aruba mas lo beneficia di dje pa un tempo largo. Pa loke ta aña 2013, estadisticonan ta mustra cu Aruba a destaca y a sobrepasa e meta di 6% di crecemento pa loke ta e total di bishitante ‘stay over’ pa e aña aki. E resultado final tabata un crecemento di 8.33%. Ademas, den e segmento di turismo crucero tambe Aruba a conoce un tremendo desaroyo, registrando un crecemento di 18.23%. Aña 2013 tabata un aña di record pa Aruba su industria turistico y ATA ta sigui cu bista bon fiha riba desaroyonan positivo, progreso y mas crecemento pa 2014. “Nos ta comparti nos obhetivo nan pa aña 2014 cu nos comunidad pasobra nos esfuersonan ta envolve henter e comunidad di Aruba. Nos bishitantenan ta yega den practicamente tur skina di nos isla. Nos isla y cada un

di nos ta biba di turismo. Nos tur, di un forma of otro, directamente of indirectamente ta contribui na e industria y cu esaki na economia di Aruba. Metanan cu ATA ta pone su dilanti y e trabaonan duro di ATA tin cu bay man den man cu esfuersonan di cada habitante riba nos isla. E compromiso mester biba den nos tur,” asina e C.E.O di ATA, Ronella Tjin AsjoeCroes a expresa. “Si nos tur traha hunto na e desaroyo positivo di nos turismo, e industria lo sigui florece den e direccion desea, atrayendo e tipo y segmento di turismo cu nos ta desea pa nos isla. Enfoke riba calidad, mas cu djis cantidad ta exigi mehoracion di entre otro producto Aruba y e nivel di servicio,” e ta añadi. ATA lo ta intensivando esfuersonan pa atrae bishitantenan di calidad, pues cu lo laga mas atras den nos economia, mientras cu ta percura cu e volumen necesario pa sostene entradanan necesario pa pais Aruba ta keda un prioridad. E dos puntonan di enfoke aki mester bay man

den man. Den cuadro di esaki, e Business Plan cu ATA ta trahando y lo ta finalisando pronto, unda lo delinea kico lo haci e proximo tres añanan, sigur ta mustra un nivel intensiva di enfoke riba e calidad di turismo cu ta atrae. Den structura di ATA Sui Generis, lo incorpora e punto di atencion aki tambe. Pa loke ta e factor “airlift”, ATA tin como obhetivo pa mantene y/of aumenta servicio aereo for di mercadonan clave pa apoya e crecemento desea. ATA lo sigui cultiva su relacion cu companianan di aviacion y aloca atencion y esfuersonan pa crea strategianan, obhetivo nan y programanan pa mantene y aumenta airlift tur unda cu esaki ta posibel. Expansion di e inventario di camber den Caribe durante 2014 lo resulta den un demanda mas grandi pa capacidad di stoel pa e region di Caribe, y ta rekeri pa ATA y su partnernan ta mas agresivo den e proceso pa sigura e airlift necesario pa e destinacion. E obhetivo pa turismo crucero, despues di un aña 2013 sumamente exitoso, unda e reestablece y resalta e rol di e segmento aki, ta dirigi riba su mantencion. ATA ta dirigi pa mantene e cantidad anual di bishitante crucero a lo menos na e nivel di 2013, cual tabata un aña record pa Aruba. E destinacion lo sigui cu su esfuersonan pa atrae yegadanan adicional pa 2014, unda por, pero ta enfocando ya caba riba 2015 y 2016. Enfoca lo keda riba temporada di Mei pa September banda di temporada halto. Tambe lo enfoca riba locual nos bishitantenan crucero ta gasta y aumenta esaki unda por, mientras cu lo duna atencion tambe na converti esunnan cu ta bishita cu barco pa bishita pa un estadia mas largo. Clave ta keda pa establece y mantene comunicacion cu e liñanan crucero, ehecutivonan den e industria crucero, y asociacionnan relaciona na e industria pa asina

sigura e “calls” (yegadanan) pa 2014 y den futuro. Lo monitor y traha riba crecemento di "Tourism Receipts" (registra door di banco central), lo monitor y optimalisa e esfuersonan pa recobra cada Dollar cu ATA ta hinca den promocion, lo monitor y contribui na metanan pa diferente otro indicadornan por ehempel e “RevPar”, esta e rendimento pa camber, sin kita bista for di e meta cu turismo mester beneficia tur segmento / tur participante den nos economia; acomodacionnan, "retail", "activities providers", taxistanan, otro modo di transporte, restaurantnan, etc. Clave den esaki ta pa bay back na e nocion cu un aumento significante den calidad di locual ta atrae, pero tambe den locual nos bishitantenan ta gasta, mester ta resultado di un esfuerso di tur! No solamente ATA! Por pensa entre otro na nivel di

servicio en general, na nos infrastructura, na nos nivel di siguridad, na calidad di nos beachnan, na upgrading di e oferta di acomodacionnan, restaurantnan, "activities providers", "retail". Ta solamente hunto por logra haci e "vertaalslag" aki na un aumento significante den e calidad di bishitante y e cantidad di locual ta gasta. “Resultadonan di ultimo añanan pa Aruba ta sobrepasa resultadonan di otro destinacionnan clave. Un pabien y danki!!! Aruba ta sigui sobresali, pero awor kier eleva su competitive edge aun mas den linea cu e enfokenan ya menciona”, asina Ronella Tjin Asjoe-Croes a enfatisa. “Pa esaki e ekipo Aruba, cu ta consisti di nos tur, mester ta cu nanishinan den un solo direccion y mester traha cu e mesun meta na bista, esta eleva calidad di e experiencia y oferta teniendo na cuenta cu locual ta atrae e bishitante di e perfil cu por gasta mas, lo simplemente exigi mas”.

Mensahe di Evelyn WeverCroes pa Dia di Aduana

ORANJESTAD (AAN): Aduana ta e departamento cu ta trece miyones pa gobierno, un ader principal di entrada di gobierno. Trabao di douanero ta trabao pisa, den cual integridad y honestidad di e Douanero ta worde poni na prueba tur dia, varios biaha pa dia. Apeasr di tur cos, e Douanero ta un empleado publico fimre, profesional y na e forma aki ta percura pa entradanan di gobierno. Pesey nos mester pone hopi atencion na e departamento aki. Pa nos protehe nos duaneronan y pa sostene nan den nan trabao. Y ta pesey un biaha pa aña nos ta tuma tempo pa reflecciona riba e dia aki y gradisi cada Douanero pa nan labor grandi pa gobierno. Cu Dios bendiciona tur Douanero cu e trabao dificil cu nan tin, pa por eherse na mihor forma, den bienestar di nos pais, ta palabranan di lider di MEP Evelyn Wever-Croes.


PAGINA 20

DIAMARS 28 JANUARI 2014

DIARIO

ALMANAC Lista di Crusero di bishita na Aruba

Bahada y salida di solo na Aruba —28 Januari 2014 Solo ta baha: 6:40 p.m. —29 Januari 2014 Solo ta sali: 7:06 a.m.

Sorteo

—Diamars 28 Jan 2014: Celebrity Eclipse: (08:00 - 20:00) Thomson Dream: (10:00 - 22:00) —Diaranzon 29 Jan 2014: Vision of the Seas: (07:00 - 18:00) Seven Seas Mariner: (08:00 - 16:00) Freewinds:

101 MOTIBO... TELEFON PRIJS: 1,50 Florin ehemplar ABONO: 35 Florin pa luna EDITOR Agencia Arubano di Noticia DIRECTOR Jossy M. Mansur DIRECTOR ASISTENTE Luis M. Mansur Jossy E. Mansur Eduardo Mansur Damilice Mansur HEFE DI REDACCION Jossy M. Mansur REDACTOR Coordinativo Aureen Werleman REDACTOR Ehecutivo Hubert Naar Nilton Laclé Yorleny Oduber REDACTOR Mercedes Abdul-Hamid Josefina Croes Django Simoons Giovanni Lane Tania Cunha (International) Mary Vrolijk REDACTOR DEPORTE Robby Burleson Ricardo Jimenez REPORTERO Nelson Andrade Hubert Tiel Marianellys Berry Gina Burleson AVISOS Y ARTE Franklin Peña (Hefe) Susy Maduro (Project Manager) Miguel Garcia Glenn Gonzaga Robert Simoons Charlene Croes Vivian Jeand'or DISTRIBUCION Yvonne Tromp (hefe) ADMINISTRACION Miriam Alders (hefe) Freddy Barreto (hefe di personal) Irene Croes Susette Croes Astrid Petrochi Jeandella Croes RECEPCIONISTA Vivian Maduro LAYOUT Alex Croes Julien Tromp Silvestre Quimper IMPRESION Carlos Montañez (hefe) William Quiceno Raul Valencia SUPERVISOR TECNICO Michael Kock ADRES Engelandstraat 29 P.O. Box 577, P.O. Box 695 Telefon: 582-6747 SUCURSAL Wilhelminastraat 81 INTERNACIONAL Agence France Presse ® The Associated Press ® via Satelite

Polis Central 100 Bombero 911 Polis Oranjestad 102 Polis San Nicolas 104 Polis Santa Cruz 105 Polis Noord 107 Tipline di Polis 11141 Hospital 527-4000 Dificultad di Bida 582-3145 Veterinario 585-0400 NV Elmar 582-1521 WEB Aruba NV 585-4600 Taxi (TAS) 587-5900 Taxi (ATT&T) 582-2010 Taxi (PTS) 588-0035 Taxi (Diamond) 587-2300 Kankerbestrijding 582-0412 Stichting SAMBA 582-0903 —ORANJESTAD— Ambulance 582-1234 BGD Oranjestad 527-2782 Clinica Veterinario 582-1720 Animal Shelter 582-1623 —SAN NICOLAS— Ambulance 584-5050 Centro Medico 524-8833 BGD San Nicolas 527-2782 Serlimar 584-5080 —BOTICA— 4 Centro Medico 584-5794 Aloë 584-4606 Central 585-1965 Dakota 588-7364 Del Pueblo 582-1253 Eagle 587-9011 Ferguson 583-0702 Kibrahacha 583-4908 Maria 585-8145 Noord 586-4606 Oduber 582-1780 Paradera 588-6638 Ponton 583-5334 San Lucas 584-5119 San Nicolas 584-8186 Santa Anna 586-8181 Santa Cruz 585-8028 Seroe Preto 584-4833 Trupiaal 583-8560 —FUNERARIAS— Ad Patres 584-2299 Aurora 588-6699 Del Pueblo 565-2475 Mementomori 583-3358 Olive Tree 584-8888 Zepp Wever 582-1612 —FUNDACION— Fundacion Anti-Droga Aruba (FADA) 583-2999 Fundacion Respetami

582-4433

Na estado? Fundacion CIZKA 583-0331 Fundacion Diabetico 593-0507 Arubano 593-4928 Twelve Step Meetings AA NA AL ANON OA 583-8989 Fundacion Amor Pa Prohimo 568-4739 / 564-8849 NA Acceptance Group 565-7500 Fundacion Centro Ecologico Aruba 562-4161 Bureau Sostenemi 588-1010 Abuso y maltrato contra menor Fundacion C.V.A. pa prevencion y cuido di Stroke 567-7004

Falt a...

Pa cria bo Baby na Pecho Presenta pa Fundacion Pro Lechi Mama Telefon 593-2682 • 594-9678

INTERNET: www.prolechimama.com

— 4 dia Pa Festival di Tumba na Aruba. — 34 dia Pa festeha Parada Grandi di Carnaval 60. — 80 dia Pa observa Diabierna Santo na Aruba. — 1310 dia Pa eleccion general di Aruba na 2017.

Criamento di Baby na Pecho ta proteha baby contra defectonan di bista. Den un estudio na Bangladesh, criamento na pecho tabata un factor protectivo pa reduci cu muchanan pre-school tin dificultad pa mira anochi, tanto den areanan rural como den area pobla. Lechi di pecho humano ta generalmente e principal (si no ta e unico) fuente di Vitamina A durante e prome 24 luna di un mucha su bida (of pa e duracion di e criamento di baby na pecho).

TIPLINE DIARIO

Bisti bo Seatbelt semper!

EMERGENCIA

Seatbelts ta evita esnan sinta dilanti den accidente pa no dal den windshield.

 58-222-39 Diamars 28 Jan 2014

# 033

DOCTER NA WARDA SAN NICOLAS: Dr. Luchmun Pa emergencia yama 911 NOTA: Servicio noturno di docter ta conta di 7'or di anochi te cu 7'or mainta. ORANJESTAD: Dr. Yagua-Fingal Pa emergencia yama 911 NOTA: Huisartsenpost na Eagle, Docter tey di 7:00 p.m. te cu 11:00 p.m.

BOTICA NA WARDA PARIBA DI BRUG: Botica Sero Preto NV Weg Sero Preto 25 Telefon 584-4833 PABAO DI BRUG: Botica Santa Anna NV Noord 41-B Telefon 586-8181 Contents ©2014 Matutino DIARIO COPYRIGHT: Nada den DIARIO mag di worde copia sin permiso di Agencia Arubano di Noticia.

e-CONTACT E-mail Redaccion: noticia@diario.aw E-mail Deporte: deporte@diario.aw E-mail Avisos: aviso@diario.aw

Aviso Garage Centraal Cuida nos Shoco!

Kizas nan tin un neishi traha den e sero di santo di granit na bo cas! INFORMACION PA PUBLICACION REMITIDO E exigencianan di DIARIO pa publicacion di cualkier remitido ta cu esaki mester bin den forma electronico (sea riba USB Drive, CD-ROM, DVD-ROM of E-mail), incluyendo nomber, adres, telefon, y firma di e remitente. Mester presenta cu un cedula of ID valido pa verifica e nomber y adres. DIARIO lo saca fotocopia di bo cedula of rijbewijs! Bo mester enfatiza di antemano, si acaso bo no kier pa bo nomber worde menciona como remitente! (Atencion: Ora cu bo no kier pone bo nomber bao di un remitido, anto automaticamente den e texto bo NO POR menciona nomber di hende of entidad). Remitidonan manda via E-Mail mester tin nomber completo di e remitente, tambe su adres, telefon y firma pa asina e worde verifica prome cu publicacion. Textonan por ser edita segun espacio, y gramatica tambe lo ser drecha. No tin garantia cu e Remitido lo sali mesora den e proximo edicion! Tuma bon nota cu e Remitidonan lo ser publica segun espacio disponible den e edicion. CUMPLEAÑOS Pa publicacion di felicitacion pa cumpleaños di 1 aña bay ariba, NO ta acepta foto traha via di fotocopia, tampoco caricatura, ni pa animal. Manda foto na ‘noticia@diario.aw’ Contents ©2013 Matutino DIARIO COPYRIGHT: Nada den DIARIO mag di worde copia sin permiso di Agencia Arubano di Noticia. Fotonan di The Associated Press no por worde re-publica na TV of otro medio sin previo autorizacion di AP.


Xiomara Maduro di MEP a cay den trampa di noticianan falso cu e ta robez, tog pa no perde cara el a keda zapatea riba e tema sin mustra un fuente real di prensa di Colombia cu lo a publica e noticia. Cu otro palabra ta e site di noticianan falso ta esun cu Xiomara Maduro a gara pa bin presenta como e issue principal pa e conferencia di MEP. Xiomara Maduro ta un hoben politico bon studia. El a traha na MOT cu ta netamente un lugar caminda informacionnan importante riba labamento di placa ta ORANJESTAD (AAN): Xiomara Maduro di MEP tambe a coy e rumbo di purba daña nomber di pais Aruba. Ora mira politiconan asina papia ta parce hende cu ta odia Aruba. Un hende manera Xiomara Maduro cu ta coy noticianan falso haya riba internet y purba pasa prensa un fastball of usa prensa pa gaña y saca informacion falso pa pueblo bo ta hopi di mala fe. Kico ta meta di coy un noticia di un fake account y presenta esaki como e noticia principal di conferencia di MEP no ta conoci. Xiomara Maduro di MEP a haya bon di te hasta bisa cu prensa Colombiano a publica

PAGINA 21

DIARIO

DIAMARS 28 JANUARI 2014

noticia encuanto Aruba su link como pais di narcotrafico y narcotraficantenan. Un barbaridad completo. Ora a puntra Xiomara Maduro pa mustra cual media Colombiano a publica e noticia el a cuminsa draai y keda draai sin menciona cual medio di comunicacion of corant Colombiano a publike. A mustra e politico di MEP cu ora kier haci politica pa usa cosnan berdad. Xiomara Maduro kier pa e minister Benny Sevinger bin aclarea e publicacion cu ta mas bien un fake account cu ta saca noticianan falso. Asina mes cu mas miembro di prensa a keda mustra Xiomara Maduro

wordo atendi. Awor pa un simpel publicacion falso cu a circula tur caminda riba Blackberry y Iphone den weekend bo ta gare y purba presente como noticia principal dialuna mainta den conferencia di MEP, anto nifica cu tur bo inteligencia of estudio a cay na awa. Mesun noticianan manera esaki ta loke ta wordo publica tambe riba e BBA Bank na Arulex Building. Esakinan tambe ta noticianan falso. Noticianan Candela ta publica e noticianan aki y mandanan rond mencionando Aruba desde tempo cu MEP tabata na mando acusando te hasta prome minister Nelson Oduber e tempo aya. Pa

colmo Evelyn Croes lider di MEP sa mihor di e cosnan aki pero el a bisa cu antes un corant tabata publica esaki tog. Kiermen loke MEP sa cu ta falso tog nan ta presenta y cuestionando cu prensa di Aruba no a publica e noticia aki. Mescos cu Xiomara a haya e news riba su telefon manda tur rond, prensa di Aruba tambe a haya esaki y ta pesey mes varios miembro di prensa a cuestione mesora durante nan conferencia. E diferente ta cu prensa di Aruba no a cay den trampa manera su persona. E realidad ta cu Xiomara Maduro kier haci politica barata cu e publicacion cu ta falso.

SETAR cu e prome App di Carnaval den Carnaval 60 download SETAR su App for di Apple Store, Play Market y pronto for di App World di Blackberry. Keda up to date cu loke ta pasando rond den e temporada

ORANJESTAD (AAN): SETAR inovando continuamente ta introduci un aplicacion (App) di Carnaval 60 pa smartphones completamente GRATIS. E App aki ta obtenibel pa tanto Android como iPhone. Dentro di poco e lo ta obtenibel tambe pa usuarionan di BlackBerry. E App ta hopi interactivo y e usuario ta haya tur informacion di Carnaval 60. E app ta duna bo e facilidad di por vota pa bo candidata preferi pa elecion di Reina of pa e participante faborito pa Caiso & Soca Monarch. Tambe bo por wak

e standing di cada candidata of participante. Primi riba Promotions y wak tur e ofertanan cu SETAR tin pa ofrece durante e temporada di Carnaval 60. Un otro “feature” di e app ta cu bo por “check in” na tur actividad di Carnaval riba Facebook. Pa download e App ta masha facil, simplemente scan e QR code y sigui e instrucion. E QR code ta aparece den varios corant, riba SETAR su website, facebook Fan Page y tambe riba e parti patras di SETAR su T-shirt di Carnaval 60. Den caso cu no por scan e QR code por

di Carnaval 60 y keda bon informa cu SETAR su App nobo cu tur e ofertanan fabuloso di SETAR pa e temporada di Carnaval 60. Cu e App di Carnaval di SETAR “Check in” na cualkier lugar riba Facebook y vota pa bo candidata of participante preferi mientras ta disfruta di Carnaval 60 grandemente!

Marihuana y artefactonan pa su uso haya den auto ORANJESTAD.(AAN); Un patruya di polis riba caminda tin como tarea principal pa e ta atento entre otro pa hiba control y vigilancia. E ta pa ademas frena violacion di ley locual “Comunidad” ta exigi di su cuerpo di polis Aruba. Diadomingo ultimo, un unidad di polis, encarga cu vigilancia y seguridad den

area di hotel y vecindario, durante cu nan tabata riba L.G. Smith Boulevard, nan a wak un Nissan Sentra color berde, coriendo sospechoso. Polis a dicidi pa para e auto y e agentenan a controla un que otro. Parce cu e chofer y e ocupantenan tabata huma marihuana y polisnan a

confisca un poco marihuana y mas artefacto pa uso di marihuana. Un biaha mas a keda constata cu berdaderamente control tin su efecto.


PAGINA 22

DIARIO

DIAMARS 28 JANUARI 2014


PAGINA 23

DIARIO

DIAMARS 28 JANUARI 2014

Skirbi pa: Eddy Oduber,

E mihor suplementonan pa abo e hende muher

homber tambe) y asina por E hende muher di grandi te dushi, pisca ..etc pero asina ehempel cuida boso wesonan preveni osteoporosis, chiki y no ta importa e nivel mes ta super dificil pa sa cu y suficiente vitamina pa ta fertil di actividad, tin mester di aunke comiendo tur eseinan, y cuida e cintura. cierto nutriente cu e curpa si ta haya suficiente vitamina, mes no ta traha pero cu si ta mineral y e nutrientenan Aki un lista di vitaminan, un necesidad pa e salud. nesecario pa salud. E mihor conseho ta come Pesei ta bon pa uza mineralnan y suplementonan kisas abo mester cuminda solido y saludabel suplementonan (pa hende cu suplementa cu ne: manera fruta, berdura, batata *Heru *Omega 3 *Calcium *Melatonin *Magnesium *Probiotics *Vitamin A * Coenyzyme Q10 *Folate *Green Tea *Biotin *Extracto di GrapeSeed *Otro B Complex Vitaminanan *Reservatrol *Vitamina C *Flaxseed *Vitamina D *Multivitamina          



    





       

    

  

Hypnotherapista Certifica

Hypnosis Forensico Na 1976 na Chowchilla, California, un bus cu 26 mucha y e chauffeur a wordo secuestra. E secuestradonan a dera e grupo bou tera. Despues di tabata atrapa pa 16 ora e chauffeur di e bus, Ed Ray, y e muchanan a logra scapa. Ray y e muchanan tabata asina traumatisa cu nan no por a corda ningun di e detayenan di esunnan cu a secuestra nan. Den un sesion di hypnosis forensico Ray a logra corda e plachi number di e vehiculo cu a wordo uza den e secuestro. Loke hypnosis a pone Ray corda tabata suďŹ ciente pa polis por a captura e malhechornan net prome cu nan a purba scapa pa Canada. E dos secuestradonan a wordo haya culpabel y a wordo sentencia na bida largo den prizon. Un otro ehempel mas recien ta un caso cu ta envolve e departamento di hypnosis di New York City Police Department. E unidad di hypnosis a wordo pidi pa investiga un matamento door cu ta tin un solo pista. Un testigo a wak un auto huy for di e escena pero por a corda solamente un number di e plachi di number di e auto. E testigo tabata gago cual tabata haci e investigacion ainda mas diďŹ cil. Den hypnosis no solamente e stotter a disparce pero e homber por a corda tur e numbernan ariba e plachi, mas detaye di e tiramento, e por a te hasta describi e sospechoso y un combersacion cu e no a ni corda cu e la tende. E investigado a veriďŹ ca tur e informacion independientemente y a logra soluciona e caso danki na hypnosis. Hopi biaha ora un suceso traumatico sosode nos mente ta blokia e suceso desagradabel aki cu ta pone cu e victima of esunnan cu a wak kico a pasa no por corda e detaye y ta solamente haciendo hypnosis e victima ta logra corda esaki. Hypnosis ta permiti e parti critico di e mente di e victima di ta menos critico y acepta pa corda e suceso traumatico bek. Hypnosis uza pa autoridadnan ta wordo yama hypnosis forensico y a bira un herment masha importante pa resolve casonan caminda cu esunnan envolvi no por corda detaye di loke a pasa nan. Tur cos cu a yega di pasa cu nos den nos bida ta warda den nos mente subconsciente pero no semper nos tin acceso na informacion aki. Pa por logra haya e informacion aki cu hypnosis no ta facil ya cu e imaginacion tambe ta parti di e mente subconsciente y si nos no haci e preguntanan corecto nos mente por inventa storianan cu no ta real. E preguntanan durante di hypnosis mester ta di tal forma cu nan no ta crea opinion den e mente di e persona. Por ehempel un pregunta fout lo ta: “ki color e mustashi di e atracado tabata?â€? E ta fout door cu e ta asumi cu e atracado tin un mustashi siendo cu esey no necesariamente ta berdad y por crea e pensamento falso cerca e victima. Un miho pregunta lo ta: “describi e atracado den detaye?â€? Na cierto estado na Merca un declaracion haci durante un sesion di hypnosis no ta wordo acepta pa e mesun motibonan aki. Pa hypnosis forensico ta valido e mester wordo haci manteniendo cierto regla importante. Aunke cu mi ta certiďŹ ca den hypnosis forensico nunca mi no a wordo pidi pa asisti den ningun caso. Si a pasa cu un persona a perde su camara masha cara y no por a haya esaki y a pidi mi yude cu hypnosis. E proceso pa haya algo perdi ta masha facil. Ta bay bek den tempo na momento cu e persona ta tin su camara y ta keda bin dilanti poco poco te ora cu yega na e momento cu e persona a pone un caminda cu e ta corda. No ta nada straĂąo pa durante di un sesion asina e cliente para e sesion prome cu e termina y lanta bula bisa: “mi tin cu bay, mi a corda unda mi camara ta!â€? y core bay. Mi no a tende mas si e cliente a haya su camara pero ta supone cu si. Na Merca y Europa hypnosis forensico (y e uzo di hypnotherapia) ta aumentando masha hopi. Na Suisa un colega di mi a certiďŹ ca mas cu 300 hypnotherapista den menos di un aĂąa y hypnotherapia ta wordo masha hopi uza ayanan.


PAGINA 24

DIARIO

DIAMARS 28 JANUARI 2014

Cosnan cu por ta causa bo gana di come cos dushi -SITUACION PERSONAL Y EMOCIONAL. Si bo no ta feliz den bo relacion of bo programa di ehercicio no ta un cu ta duna resultado of bo ta fada, stressed, sin inspiracion, malcontento cu bo trabao of spiritualmente falta algo, esakinan por ta causa cu bo ta comiendo emocionalmente. Comemento por wordo substitui den cierto casonan!

-AWA Falta di awa ta manda un señal

cu bo tin sed y di ta na punto di ta deshydrata. Esaki por indica e curpa di tin hamber, pues e prome cos cu bo tin di haci den caso di deshydratacion ta bebe un glas di awa.

pone bo come mas di esaki. Busca e balansa den e sentido di treat bo mes algo dushi pero controla.

-COME BALANSA

Cu esaki mi kiermen por ehempel envez di come un ice cream…come un frozen yogurt of sorbet. Envez di come e rabo cu Tan Tan of Madushi tabata traha, cambia e carni porco pa galiña….laga e boonchi si!!!

Soru pa bo cumindanan ta saludabel y balansa. Por ehempel un saco di chips ta contene hopi salu (sodio) y esaki por causa cu bo lo kier come mas y mas chips te come full e saco. Otro ehempel ta si bo come algo cu hopi sucu, por

-SUBSTITUI

-TEMPORADA Ta den nos cultura pa come cu temporada….e ham y ajaka

Pasku….bolo pa Ricibimento….disfruta di e temporada pero NO abusa. Keda riba bo plan saludabel y aki aya come e cuminda di temporada.

Por ehempel…si e curpa no haya suficiente mineral, e curpa por pidi pa cosnan sala!

FALTA DI NUTRIENTENAN (saludabel)

Ora e hende muhe haya su menstruacion of ora e ta na estado, hormonanan ta bula aki y aya …y ta causa cravings (gana di come algo dushi)

-HORMONAL.


PAGINA 25

DIARIO

DIAMARS 28 JANUARI 2014

Cancer di Cuero na Aruba ta alarmante cu ta exihi su precaucion

hancho, bril di solo y usa Neutrogena®suproteccion solar ("sunscreen") cu un factor di proteccion contra di solo (SPF) di por lo menos 15 SPF. Neutrogena su protector solar ta traha door di absorbe, reflecta of plama e rayonan solar for di e cuero. Aconsehabel ta pa e wordo aplica cu frecuencia. E temporadaaki ta trese cune cu Carnavalistanan ta permanece

oranan largo den solo cu tur su consecuencianan. Sea conciente. Cuida bo mes. Preveni lo peor. Proteha bo mes cu sunblock di Neutrogena®prome y durante bo permanencia den solo. Durante tur parada “look out” pa nos Neutrogena® Sunguard Team cu lo tey pa ofrece bo proteccion solar gratuitamente.

PUDDING DI MAISHI dI Frederika Croes chens di cancer di cuero. Ta recomendabel Exceso di solo ta e causa di e cancer nr 1 na Aruba cu ta cancer di cuero. Bibando riba un isla manera Aruba e ta inevitable pa nos wordo exponi na e rayonan ultra violeta produci pa nos solo cayente. Rayonan cu ta alcansa bo cuero hasta sibo ta sinta den auto cu bentana sera cu airco sendi. E rayonan aki ta sumamente fuerte y ta penetra hasta bo paña. Awor imagina bo mesora bo ta na lama bronzeando bo mes. Koningin Wilhelmina Kankerfonds(KWF) a publica un booklet di informacion respecto e topico aki produci pa nos dermatologo Dr.John.H.Kock pa concientisa Aruba di e necesidad di precaucion y prevencion. Un pueblo informa ta un pueblo protehi. Manrique Capriles & Sons cu suproductonan di Neutrogena®a uniforsa cu Koningin Wilhelmina Kankerfonds pa asina na nive lnacional den cooperacion conhunto trese un concientisacion masal na pueblo di Aruba. “E solo ta produci tanto rayonan visibel como invisibel. E rayonan invisibel conoci como rayonan ultravioleta A (rUV-A) y rayonan ultravioleta B (rUV-B), mas tanto ta ocasiona e problemanan. Tur dos di e rayonan aki ta haci cu e cuero ta cambia di color (“suntan”), por kima (“sunburn”) y daña e cuero (“sun damage”). No ta existi un luz ultravioleta cu no ta peligroso”, segunDr.Kock. Usando proteccion contra solo, por yuda na preveni dañonan na e cuero y reduci e

pa evita di tuma bañonan di solo hopi extenso. Si ta den solo bisti un sombre cu rand

1 bleki di lechi condens 1 bleki grandi di maishi di crema 1 bleki chikiito di maishi gewoon 1/2 telep di baking powder 2 cuchara di hariña blanco 1 paki di margarina di 1/4 liber 3 webo y un tiki lechi y vanilia Bati tur cos den osterizer y bashe den un forma hunta cu Crisco yun tiki hariña blanco basha rond. Hinke den forno na 350 grado pamei ora y despues subi e forno pa 500 grado pa 5 minuut. Sakie for di forny y lage fria.

Manda bo receta na espectaculo@diario.aw y si e wordo publica bo ta un ganador di Afls. 25,=.


PAGINA 26

DIARIO

DIAMARS 28 JANUARI 2014


PAGINA 27

DIARIO

DIAMARS 28 JANUARI 2014

a bebe mucho awa mescla cu jack Hammer y riba trailer di carosa plat drumi mester a wordo transporta pa Playa pa saca wayaba.

SAMBA

TUMBERITO E fin di siman di tumberito ta tras di lomba. POPO a perde e festival e aña aki ya cu POPO tabata ArbeidsOngesteld (AO). Pero mirando e actividad via DiarioTV POPO a goza e hobencito Xenon Daal cu su “ban celebre”. El a defende e sexo masculino cu broche de oro. Esun cu a sorprende POPO tabata Sendy Loefstop cu su Hiep hiep hoera

bin resulta tambe pasobra POPO a mirando Franksjen cosechando exito na Corsou caba den algun aña y den e prome 5 finalistanan.

TOB tabata tin e grupo di mas grandi y a presenta tambe cu un carosa di kasteel cu nan reinasitanan y roadpiece bunita di corona cu musica di Youth X-Treme. E parada a cera cu grupo combina JollyKids – Pedevesa y patras cu Whizzkids acompaña pa OREO.

BLAASNAN

SCOLNAN

Nos a pasa atrobe den otro parada di blaas. Si a scucha promocionnan na emisoranan, esaki mester tabata esun di mas grandi y mas bunita, y ta net e exageracionan a cay den awa ayera. E promedio di pasada di e parada tabata 45 minuut y e mas di 2000 participante tabata poco mas di 1000.

POPO ta felicita e hoben-

HISTORIA

60 aña nos tey celebra. POPO di: “ata un veterano mucha aki!” Pero Thahirah Wever a laga POPO boca habri cu su “Hasa bo keda hasa” y Rupi a haci bon trabao aki. Un pabien ta na su lugar pa Thahirah. Cerca e hubenilnan POPO a bisa esnan na cas na e momento ey. “ sin scucha mes, den e categoria aki e corona ta sperando Franksjen Vos”. Esaki a

nia, Silvio Muller tabata percura pa cos pa refresca curpa. Danki na Sa Aponte nan a haya e bari grandi di palo cu nan a corta ariba, hinca

Despues di 60 aña nos a bin haya un parada di carnaval ta habri cu un brassband di samba. Eynan ta mira con a laga nos Asambeho cay. Nos asambeho cu a wordo crea y naci na Aruba y asina cu el a cuminza gatea a sake for di cas pa busca su porvenir rond mundo. El a biaha

tle Groovers a presenta cu Le Groove pa nan animacion y tabata tin tambe un roadpiece di blaas. Deja Kids tabata e grupo di mas chikito den parada y cu musica di XC Lance. Nan tabata tin si un roadpiece den e grupo.

Ora POPO mira e cosnan aki POPO su pensamento semper ta pasa pa pasado. POPO ta corda dia cu Grupo di Sidonia a bay balia na Aruba Caribbean Hotel pa prome biaha na 1960. E prome biaha aki tabata algun luna despues cu e hotel a habri su portanan. Esaki a pone cu pa varios aña e grupo ta bay hotel e mainta di carnaval y di eynan ta sali pa Playa pa participa den parada despues di sosiego bao di matanan di coco. POPO a corda con Sitchi Wong y esposo di Sido-

cranchi den dje, yen’e cu ijs y despues basha awa aden. Naturalmente e awa ta trek tur e sabor di rom cu a keda den e palo di bari y esaki tabata e bebida mas refrescante di e grupo durante parada. “awa rom” of po bisa “rom-awa” friu friu y di mas refrescante y cu hasta e publico canto di

rond mundo y no kier tende nada mas di su isla natal pasobra tur caminda rond mundo tabata y ta wordo papia awe di “a Caribbean Rhythm”. Nada ta wordo menciona di Aruba.

MUSICA

PA TEMPORADA DI CARNAVAL

Wilheminastraat # 81 • Tel: 582-2207 Savaneta # 326-A • Tel: 584-9968

caminda tabata gusta un mundo. Ta dos chabalito di e grupo, Mario R. y un ruman di mi , awe d.f.m.,

Hot Ones a cay aden pa compaña grupo di YMCA cu a habri e parada. Lit-

nan cu a hinca eleccion di Reina di Scol den otro despues di 14 aña y cu den Club Caiquetio a logra yena e sala den un ambiente masha festivo. Diez candidata di cualnan 6 ta hubenil y 4 grandi a participa y cerca e hubenilnan Sammy van Edelnaam di Filomena Collega MAVO a bira reina, y tabata tin tambe Best show, mientras cu pa reina grandi di scol a keda eligi Xiena del Rosario di IPA. Xiena tambe a gana premio di Best Speech. Por mira awe dos foto di e eleccion aki den e columna aki.


PAGINA 28

DIARIO

nan ta circula di problemanan cu cantantenan ta haya nan mes cune. Tin cantantenan cu gana pa participa den e concursonan pero no ta haya oportunidad. E motibo cu ta wordo duna ta cu e bandanan ta laga sa di ta yen di cantante caba. Segun un di e cantantenan, e motibo principal cu el a haya su mes confronta cune ta cu dirigente di e banda kier pa ta su composicionnan y su areglonan tuma parti. Si su banda cay den clasificacion pa anochi

DIAMARS 28 JANUARI 2014

final, ta mas placa e banda ta haya. Ademas mas composicion y areglo e tin den anochi final, mas placa e tin chens di gana si su cancionnan cay den premiacion. Si e mes canta y cay den premiacion, e tin placa pa ricibi pa su banda, pa su mes como cantante, pa su mes como e areglista y pa su mes como compositor. Si otronan gana di su grupo e tin chens di ta e compositor of e areglista di e cancion y atrobe ta cobra pa esaki. El a laga sa cu hendenan

cu no por skirbi ni lesa un nota musical diripiente ta bira areglista y compositor tambe den e concursonan aki.

SPONSOR

aki.

HOPI

POPO no por keda sin manda un felicitacion pa Bacchanal pa e gesto bunita di yuda tur grupo di mucho cu un patrocinio e anja aki. Esnan

INFANTIL

Loke POPO ta anticipando, scuchando tur e kehonan cu tin actualmente, ta cu lo bin haya algun agrupacion musical cu lo presenta cu un batayon di 8 pa 10 y

cu a ricibi un patrocinio di e revista di carnaval ta Baby Champagne, T.O.B. Kids, Jolly-Wizz Kids, Deja Kids, Grupo Don Flip y Little Groovers . Por mira riba foto sr. Chibi v.d. Hanst di Bacchanal cu su lidernan y muchanan na e ocasion

A saca lot pa secuencia di eleccion di reina infantil dia 31 di e luna aki den Entertainment Center. 1 ta Alysia Breta di Jolly WhizzKids, 2 ta Zairey Colmenares di Pierrewietje, 3 ta Cherry Ann Martes di San Nicolas, 4 ta Xeandra Blanco di Grupo Champagne, 5 ta Jayna Alvarez di Dakota, 6 ta Jada van Heyningen di Sta. Cruz, 7 ta Shakienne Coffi di Little Groovers . 8 ta Jeanylaine Boekhoudt di TOB sigui pa 9 , Sheqaylil Asencion di Companashi/Oranjestad y 10 ta candidata di Noord, Tamara Vrolijk.

PREMIO Pa e concurso di Kaiso y Soca ya tin comentario-


PAGINA 29

DIARIO

DIAMARS 28 JANUARI 2014

senta atrobe, ya cu ta wordo papia cu nan ta peparando den scondi pa un comeback pisa e aña aki den carnaval. Tin cantantenan cu popularidad di calypso y roadmarch cu ta wordo menciona y cu lo ta cu BMW

un batayon di 8 pa 10 y kizas mas cantante pa e festival . Si bay tras di loke a wordo skirbi aki riba caba, esaki lo por spera tambe pasobra mas composicion y areglo un banda y su dirigente tin den competencia, ta mas chens di clasifica y gana premionan (en efectivo) e tin. Ta e conciertonan aki mes ta haci cu e anochinan ta bira hopi largo y kizas hasta lo mester bay na mas anochi pa tur esnan inscribi haya nan chens di canta y competi.

cierto di cantidad di cantante. Otro cu ta wordo menciona ta N.B.O. cu tambe ta conoci pa concierto di mas o menos

e banda, pero nan por cay tambe masha fastioso pa e publico cu por fada na dado momento y kier mira cambio. Si

8 cantante y Youth Extreme su nomber tambe a cay pa un concierto e aña aki riba escenario. Otro cu a wordo menciona ta Hot ones, y esaki tambe ta un grupo cu lo por presenta un concierto e aña aki di 5 pa 10 cantante. Conciertonan por ta divertido segun

loke a skirbi di e rumornan aki resulta, por ripara cu esakinan so ta suficiente pa yena dos anochi di concierto den e competencia y peor ainda si cada cantante presenta cu un calypso y un soca.

FLASHBACK den preparacion. No a menciona D’Licious, ni si nan lo ta den e con-

CONCIERTO POPO no a haya confirmacion, pero segun e rumornan cu ta yega na POPO su oido, tin bandanan cu ta cla caba cu 8 pa 10 cantante. POPO a tende rumor cu e aña aki Failures mes ta subi escenario cu un concierto di mas o menos 10 cantante. Esaki ta conta tambe pa Le Groove cu ta conoci caba pa su con-

OTRONAN Ademas di esnan menciona aki riba, no a menciona nomber di kico lo por spera si BMW pre-

tey sigur. No a tende di Dushi Band, pero como un di esnan atractivo den e competencianan lo por pera cu Dushi Band no ta keda afo. Lo por spera si agrupacionnan nobo cu ta lanta cabez tirando un para pa clasificacion final y si nan perde, pa resto di aña lo no tende mas di nan. Pa e concurso di tumba no tin problema mas pasobra tur banda y tur cantante ta conoci caba y ta pa Kaiso y Soca ta sperando awor kende lo subi escenario cu kende(nan).

curso e aña aki. E espectativa ta cu D’Licous lo

Tin un otro grupo pa participa den parada di San Nicolas, segun informacionnan cu ayega na POPO. Ta trata di e grupo “Flashback Carnival Group” cu un tributo na Mary Simon. Musica pa e grupo lo ta di DJ African Choice. Tema di e grupo ta relaciona cu creatividad di e participantenan. Nan ta inscribi y presenta cu nan trahe carnavalesco cu tin cu mustra nan cultura di carnival. . Inscripcion pa participa ta 75 florin cu a inclui snack y bebida y por haci esaki cerca Bito na 565-3351, Janine na 597-5264 y Terry na 567-0938


PAGINA 30

DIARIO

DIAMARS 28 JANUARI 2014

Minister Sevinger a anuncia pronto inicio di proyecto Plaza Padu ORANJESTAD (AAN) – Den conferencia semanal di prensa, cu a tuma lugar dialuna mainta, den dos area rond di Bestuurskantoor cu ta den proceso di renovacion,

Minister di Infrastructura señor Benny Sevinger, a hiba palabra. E dignatario a expresa cu aña di construccion a habri, y gobierno ta hopi contento

mirando con e trabaonan a cuminza. “Nos tabata tin basta reunion caba den e luna aki, pa wak riba e proyectonan di gobierno y awe nos ta situa na unda

Huez no ta permiti fiscal pasa grabacion di atraco riba RBC, den corte O R A N J E S TA D ( A A N ) : Dialuna sospechosonan J.S.O, M.D, S.T.R, J.P.B, E.P.S, J.C.A, J.L.G.B, Y.M.G, G.V.D.S y G.V.D.S a presenta dilanti di huez na corte di husticia. Ta trata di 4 Arubiano y 6 Venezolano. E grupo aki ta wordo acusa di a comete un atraco arma riba RBC Palm Beach riba prome di Februari 2013, unda cu nan lo a menaza y obliga clientenan di e banco tambe pa entrega nan pertenencianan, poniendo arma na nan cabez. Banda di esaki nan a wordo acusa di planea un atraco riba Aruba Bank. Ademas di esaki tin algun di e sospechosonan cu a wordo acusa di comete un atraco arma riba joyeria Shiva’s riba 6 di November 2012, mientras cu otronan a wordo acusa di comete un atraco arma riba otro joyeria na December 2012. Mas ainda, algun di e sospechosonan a wordo acusa di forma parti di un organizacion criminal. Ultimo biaha cu e grupo a aparece na corte, nan a haya cu tabata mucho frieu y huez tabata di acuerdo. Awor cu e airco a wordo paga, e acusadonan a haya cu tabata hasi calor den corte. Pa seguridad tabata tin 10 miembro di CEA presente den sala di corte, mientras cu full e edificio di corte tabata rondona pa agentenan policial. Ultimo biaha cu e caso a bin dilanti, el a wordo posponi, pasobra e abogadonan a pidi fiscal pa e bin cu mas informacion riba entre otro e motibo specifico dicon a dicidi di tap cierto telefonnan y con a yega na e decision aki. Huez a indica Dialuna cu abogado Edwin Duijneveld a mande y fiscal un carta den cual e ta indica cu e kier wak e ‘machtiging’ oficial pa loke ta e tapnan. Banda di esaki Duijneveld a splica huez cu el a haya informacion for di O.M di e tapnan, pero ta dia 23 el a haya e documentonan y e no a haya suficiente tempo pa e prepara su mes cu su cliente.

El a indica cu O.M tabata tin for di dia 7 pa entrega e documentonan y nan a tarda. Duijneveld a pidi huez pa pospone tratamento di e caso pa e por prepara su mes. Abogadonan Illes, Figaroa y Lopez Paz tabata di acuerdo cu Duijneveld. Fiscal a indica cu cierto informacion cu e abogadonan ta pidi e no por divulga, pasobra ta informacion cu tin di haber tambe cu un otro caso cu ta bao di investigacion ainda. Asina e abogado y e fiscal a sigui trece puntonan dilanti pa convence huez di nan razon. Duijneveld na dado momento a bisa cu door cu fiscal ta nenga di entrega cierto informacion, e tin cu pidi pa O.M wordo declara no admisible. El a bisa cu por scoge tambe pa laga tur e informacion cu a autoridadnan a colecta atravez di e tapnan, afo di e caso aki y cu esey lo por conduci na libertad di tur e sospechosonan. Huez a tuma un rato basta largo pa pensa y ora cu el a bin bek el a bisa cu e no ta declara O.M no admisible. El a bisa si cu cierto informacion cu e abogadonan a pidi mester wordo duna pa fiscal. Scuchamento di testigo Tabata tin dos testigo cu mester a wordo scucha pa huez, pa loke ta sospechoso G.J.V.D.S, kende ta traha den un truck di bende cuminda na beach. Nan a wordo scucha, pasobra nan lo a bisa cu G.D.S tabata trahando na e truck, ora cue atraco riba RBC a tuma lugar. Pues ta imposibel pa e por a comete e atraco y traha eynan. Ambos testigo a declara dilanti di huez Dialuna cu nan ta sigur cu G.D.S tabata na e truck na eagle beach riba dia di e atraco. Fiscal a purba trece dilanti cu quizas nan a wak G.D.S un momento, pero cu e por a bay y bin bek. Un di e testigonan a bisa cu e ta sigur cu G.D.S tabata tey henter e momento, pasobra

cada 15 pa 30 minuut e tabata bay na e truck, unda cu el a laga su celular recarga. Na dado momento fiscal a trece dilanti cu pa Diamars e lo bin cu imagennan di e grabacion di e atraco riba RBC y tur e abogadonan a protesta na huez, pasobra nan no a haya e grabacion aki. Duijneveld papiando pa tur e otro abogadonan, a bisa huez cu pa e acusadonan tin chens di haya un proceso husto, e abogadonan mester di haya e grabacion tambe, si fiscal kier uza esaki. Despues di un biaha mas un intercambio di opinion entre fiscal y e abogadonan, huez a tuma 15 minuut pa e pensa kico e ta bay dicidi pa loke ta e grabacion di e atraco. Ora cu el a bin bek, el a dicidi cu e no ta bay permiti pa e grabacion wordo uza. El a bisa cu e potretnan saca for di e grabacionnan cu ya caba a wordo presenta na corte, por wordo uza. Despues di tur e discusionnan huez a cuminza hasi pregunta na un di e sospechosonan, esta S.J.T.R. S.R a participa na un atraco riba joyeria Shiva’s na November 2012 y huez a hasie varios pregunta pa haya sa entre otro kico su rol tabata. El a indica cu e tabata para cerca di e security di e lugar. Huez a puntra S.R cu cuanto otro persona el a bay pa comete e atraco y el a bisa cu ta cu dos otro persona. E no tabata mucho cla den su contestanan, entre otro ora cu huez a puntre ta ken e hendenan tabata y for di unda e idea a bin pa comete e atraco. Na dado momento S.R a bisa cu e no ta corda mucho cos y cu e tin preocupacionnan pa su famia na Venezuela. El a bisa cu tin hende ta menaza su famia y huez a puntre si motibo ta, cu el a declara cierto cosnan na polis y el a bisa cu si. Asina huez a sigui hasi mas pregunta te net despues di merdia, despues di cual huez a pospone tratamento di e caso pa awe mainta. Huez a reserva 3 dia pa e caso aki wordo trata.

Plaza Padu ta bay cuminza den corto plazo. Awe mainta nos tabata tin un presentacion cu Infrateam y e Arkitecto, pa wak con nos ta parti esaki den diferente parcela, pa e destaho por cuminza”, Minister Benny Sevinger a informa. El a agrega cu e renovacion di edificio monumental (exMuseo Arkeologico) ta bay cuminza na e momentonan aki, pa e compania van der Broek, Arkitecto Jouel Croes y Ark. Yvonne Webb- Kock, cu ta na encargo di e proyecto. E titular a expresa cu e edificio aki ta un di esnan di mas bieu y e lo bira tambe, un di esnan di mas bunita di nos pais. E edificio aki a wordo destina pa cultura, y Minister di Cultura ta bay pone eyden nos artesanonan local, cu ta bay

tin e patente cu nan producto ta traha na Aruba, y den e espacio aki nan por presenta nan artesania pa nos hendenan y e turistanan, e mandatario a señala. E trabao aki tabata tin su retonan y tine ainda, Minister Sevinger a comenta, agregando cu nan ta renovando tur rond di Plaza Padu, y mirando cu e edificio Cocolishi ta cla y Plaza Daniel Leo tambe, nan ta bezig cu e edificionan rond manera ex-Haven Kantor y ex-Museo Arkeologico pa link nan cu otro pa pas den e infrastructura rond di Bestuurskantoor. Esaki ta bay cuminza pronto y e ora ey lo tin otro parti di e renovacion di Oranjestad, practicamente cla.


PAGINA 31

DIARIO

DIAMARS 28 JANUARI 2014

Evelyn Wever ta haya cu Ministro Otmar mester carga su responsabilidad “google” e persona aki.

ORANJESTAD (AAN): Lider di MEP Evelyn Wever-Croes den un presentacion elabora na prensa tocante e caso "strawberry", e coneccion entre otmar oduber y Span Ospino. Un presentacion profesional, cu no ta laga ningun duda atras cu esun cu ta papia berdad akinan ta e lider di MEP, y esun cu tin hopi di splica ainda ta e minister Otmar Oduber cu kier pa nos kere cu berdad ta srawberry e kier a planta. "Lagami para keto un rato na e hechonan. Lagami mustra un rato, cu prueba cu minister Otmar Oduber a faya. Tur esaki ta basa riba documentonan cu a yega na nos postbus, no ta mi mensahe, sino ta su hendenan cerca di e propio ministernan, cu a trece documento pa nos. Dia 8 november 2010 minister Otmar Oduber a firma un m.o.u. cu Johannes Span Ospino, director

comercial di e compania Dexacol. Meta di e m.o.u.ta pa bin cu facilidadnan pa planta strawberry y lechuga. Gasto: US$ 11,000, di cual na e momento ey Dexacol a paga caba US$ 10,000. Pago: riba cuenta di director di Dexacol, Daniel Vargas, kende na mesun momento a retira di e companía. Ken ta Johannes Span Ospino? Na 2007 el’a sinta un castiga cu prison pa posesion di 4 arma y basta bala (Diario 6 juni 2009). Na 2009 el’a worde deteni na Venezuela riba lancha cu arma y placa cash bow sospecho di contrabando, riba boto “Maina” conosi pa contrabando di arma (Diario 6 juni 2009). Na 2009 el’a sinta un condena na 20 luna castigo di prison pa posesion ilegal di arma. Na 2010 a firma M.O.U. cu minister Otmar Oduber. Tur su antecendencia minister por a haya door di simple

ATRACADOR Na 2011 el’a comete un atraco arma riba CMB airport, na 2011 el’a worde sentencia na 198 dia pa labamento di placa, na 2012 el a atraco arma Kay’s Jewelers y Shivas Jewelers, y na 2013 a tira atraco arma RBC Bank y a intenta di atraco arma na Arubabank FUGITIVO Na februari 2013, despues di su detencion, el’a scapa di warda di polis na forma misterioso y a keda scondi 10 dia. CRIMINAL PISA Na juni 2013 el’a worde

traslada pa Hulanda bow seguridad maximo pa sinta sentencia preventivo na Hulanda. Esaki por mira den e Ministeriele Beschikking di 25 juni 2013 di Minister Dowers pa manda Johannes Span Ospino Hulanda pa sinta su castigo preventivo a base di e “Onderlinge Regeling Detentie Capaciteit” pasobra ta teme pa seguridad nacional, seguridad di KIA y su seguridad personal. Na september 2013 a bolbe back Aruba. SOSPECHOSO PRINCIPAL CASO EXIT

Johannes Span Ospino ta e sospechoso principal den caso “EXIT”, sospecha di atraco arma riba Kay’s Jewelry y Shiva’s Gold & Gems, atraco arma riba RBC bank, preparacion pa atraco arma riba un filial di Aruba bank, posesion ilegal di arma y miembro di crimen organiza. Na januari 2014 a cuminsa cu tratamento di e caso “EXIT”, y según Amigoe 7 januari 2014 ta trata di un persona extremadamente peligroso. Y esaki ta e business partner di minister, pa planta strawberry y lechuga na Aruba. REACCION RIBA ATAKE DI OTMAR ODUBER En bes cu e minister pidi disculpa na pueblo di Aruba pa pone nos cara na berguensa, e minister a scohe pa ataka ami na forma baho. Minister a yama ami un "mentiroso patologico", kico mi a gaña? E minister kiermeen no ta e a firma e m.o.u., pero prueba preto riba blanco ta mustra cu Otmar Oduber ta gaña. E mnister kiermeen e no tabata sa cu ken e ta deal, sinembargo

ken cu ta por a google y haya sa exactamente cu ken e ta deal. E ministe rkiermeen e placa no a worde paga, pero e mes a produsi un carta cu ta mustra cu el'a paga e placa. E minister kiermeen cu VeiligheidsDienst no a avise prome cu el'a firma, acaso e minister kier desacredita Veiligheidsdienst y insinua cu veiligheidsdienst a faya den esaki? E minister tin basta curashi di schuif su falta riba veiligheidsdienst. E minister aki mester cuminsa para responsabel pa su propio actonan, en bes di colga na mi saya! Minister Otmar Oduber a faya segun lider di MEP, pasobra e tabata sa y mester tabata sa cu ken e ta deal. Ministernan tin e responsabilidad di screen cu ken nan ta deal. Minister Otmar Oduber debe pueblo di Aruba un disculpa cu e ta pone nos cara na berguensa di e forma aki. Otmar Oduber di berdad kier pa nos kere cu e no tabata conose Span Ospino, y cu ta strawberry nan kier a bay planta?

Abuso cometi contra Cabrito na Picaron ORANJESTAD (AAN): Diabierna polis a haya informacion den oranan laat di atardi cu un cabrito a wordo tira na Santa Cruz. Polis di Santa Cruz a bay na un cas na Picaron y eynan a topa cu e doño di cas pero tambe criado di cabrito. El a mira cu un di su cabritonan a bolbe cas cu basta herida na curpa. Tabata parce cu el a wordo tira segun e prome informacion cu polisnan a haya. Berdad e tabata falta un orea. E orea drechi a wordo bula cu algo skerpi. E pia patras tabata

mustra tira pero segun polis e tabata mustra mas bien corta. E doño tin como 40 cabrito cu sa bay mondi den e area menos habita. Berdad leu leu el a yega di perde cabrito pero masha poco esaki sa pasa. Of tin biaha cacho sa molestia e bestianan. E kiermen awendia no ta asina facil mas pa cria bestia pasobra poco poco te hasta e parti di campo ta birando mas habita. Esey ta causa cu ta dificil pa e criadornan di bestia tin e libertad pa laga nan bestia

bay mondi. No por cria bestia cu cuminda cumpra tur dia tampoco pasobra ta hopi placa e ta costa. Polis tin atencion pa e caso aki.


PAGINA 32

DIARIO

Un damita levemente herida y basta da単o material den accidente na Sabana Blanco

DIAMARS 28 JANUARI 2014

A bati alarma na polis y ambulance pa baby cu a stop di hala rosea

O R A N J E S TA D ( A A N ) : - Diabierna den oranan trempan di anochi polis a wordo manda

ORANJESTAD (AAN):Un accidente cu basta da単o material a tuma lugar riba e caminda di Sabana Blanco. Polis a bay cu urgencia pa un desgracia cu herido. Ora cu polis a yega nan a topa cu un Hyundai Accent y un Toyota Hilux Pickup.

E chauffeurnan tabata tin ambos nan declaracion y tur dos ta culpa otro. Polis dimes lo haci nan investigacion. Den e Hyundai tabata tin un hoben cu a keda herida den e accidente aki. El a wordo atendi pa e personal di ambulance na e sitio mes.

E da単o material ta bastante riba ambos vehiculo. Parce cu den e proceso te hasta e chauffeurnan ta tilda otro di uso di telefon mientras cu nan tabata stuur. Si ta asina anto mester sa cu no por tin 100% atencion riba caminda si ta usa telefon na mes momento.

cu urgencia den direccion di Roncado. Esaki ta den e area di Paradera. Polis di Noord y Santa Cruz a bai mesora na e sitio pasobra un baby lo a cay y e ta herida. Na yegada di polis tabata tin un persona di Cruz Cora cu conocimento di prome auxilio cu a bay den accion mesora. Esnan cu a bati alarma a bisa cu e criatura di un a単a y cuater luna no tabata reacciona. E trabou di reanimacion a yuda pasobra e criatura a reacciona. Ambulance a yega y e personal a tuma over. No ta conoci exactamente e motibo cu e mucha a bira asina malo aunke e prome informe tabata papia di un baby cu a cay.


Minister Yrausquin ta anuncia planning pa cumpli cu restitucion di impuesto atrasa

ORANJESTAD (AAN): Porfin tin un plan pa regla tur e casonan di Inkomstenbelasting y Winstbelasting cu tin pendiente ainda. Minister Juan David Yrausquin, encarga cu Finansa y Organizacion Gubernamental, a duna un update riba e status actual di restitucion di impuesto cu tin

PAGINA 33

DIARIO

DIAMARS 28 JANUARI 2014

pendiente; esaki ta placa cu e ciudadanonan tin cu haya back ainda di Gobierno. Tambe a mandatario a duna informacion di e planning cu tin pa regla tur e casonan di Inkomstenbelasting y Winstbelasting pa asina keda cla cu e ‘inhaalslag’ di tur locual tin pendiente ainda di pasado.

Na Orlando, Florida:

GM di Hard Rock Café a haya reconocimento como "Franchise General Manager of the Year"

ORANJESTAD (AAN): Mauricio Guiterrez ta e General Manager di Hard Rock Cafe ARUBA. Diahuebs cu a pasa el a wordo reconoci como e "Franchise General Manager of the Year" na

Orlando, Florida durante e Annual HRC Conference. Esaki ta nifica cu Aruba a bay cu e award aki compitiendo cu tur e Hard Rock Cafesnan rond mundo. Segun Mauricio Guitierrez,

e no por a logra gana e premio aki sin su team di HRC Aruba. Di parti di Diario un pabien na Mauricio Gutierrez cu e tremendo logro aki.

Luznan di Linear Park y Rotonde Cumana bek den funcion

ORANJESTAD (AAN): Awendia hendenan mester ta critico riba loke nan placa di belasting ta paga pe. Algun dia pasa despues di basta dia cu tin luznan cu no tabata trahando riba Linear Park y tambe rotonde Cumana a lanza un critica fuerte.

A cuestiona sigur nos propio gobernantenan cu tur dia ta pasa eybanda pero parce cu no ta mira e situacion di scuridad cu excepcion di e pueblo. Obligatoriamente mester a lanza un critica riba e problema aki y el a duna su fruto tambe. Mesun dia cu a haci e critica

pa anochi e luznan riba Linear Park y tambe esnan riba rotonde di Cumana tabata cendi bek. Nos sa cu hopi biaha no ta tur cos ta den man di e gobernantenan. Departamentonan tambe mester haci nan trabou sin c cualkier gobernante mester yama pa avisa nan di e problema. Por mira cu e critica den number di pueblo a yuda y e claridad di luz ta trece e seguridad desea bek pa esnan tanto di Linear Park como Cumana na e rotonde. Pueblo ta bisa danki pa e accion rapido aki. Di otro banda mester bisa cu rina Linear Park un poco mas pariba tin cuater palo di luz cu atrobe ta den scuridad. Parce cu tin un problema cu coriente of e switch cu ta activa e luznan aki. Ta bon pa drecha esaki tambe.


PAGINA 34

DIARIO

DIAMARS 28 JANUARI 2014

Habitantenan na Sero Preto disgusta cu e awa sushi riba caya

ORANJESTAD (AAN): --- E habitantenan den cercania di Serlimar ta disgusta cu e awa sushi cu ta core riba e tereno pafo di e compania. Un habitante, kende ta biba cerca

di e compania, ta relata cu ta for di hopi tempo caba nan tin e molester di e trahadornan di Serlimar cu ta laba e trucknan di Serlimar. Nan ta hasi e trabou aki den oranan laat

di anochi, cu ta entre 11’or di anochi y tin ora te cu 2’or di marduga. E personal cu ta encarga pa laba e trucknan ta hasi desorden, grita, papia duro y tin biaha nan ta bay cu mucha tambe. E habitante a splica cu ya ela entrega diferente keho na e compania, pero nada no ta wordo hasi. E awa sushi ta core den un pida slang cu ta bay den un tubo cu ta pasa bou di tera y e tubo aki ta sali den e mondi cu ta keda banda di e compania. Asina e awa sushi ta core bay riba caminda y hopi biaha keda para dilanti porta di e casnan cu ta keda den cercania. E awa sushi ta hole stinki y ta trece hopi musca y sangura. Hopi biaha nan a yama polis pero nan no a haya ningun

Restaura un edificio di cien aña bieu no

ta un tarea facil pero ta logrando cu exito

ORANJESTAD (AAN) – Arkitecto sra. Yvonne Web- Kock y Ark. Jouel Croes a hiba palabra den conferencia di prensa, dialuna mainta, tocante e proceso di renovacion di e edificio monumental antes Museo Arkeologico. Na prome lugar, Ark. WebbCroes a expresa cu e ta trahando cu un hopi bon team riba e proyectonan concerni. E compania van der Broek ta trahando riba e edificio na Zoutmanstraat y Ark. Jouel Croes conhuntamente cu Oficina di Monumento ta dirigi esaki. Oficina di Monumento ta haci supervision y ta controla henter e trabao. Ark. WebbKock a gradici Fundacion Desaroyo Aruba (FDA) pa e parti di financiamento, ya cu sin nan aporte, no por a realiza un proyecto asina. El a agrega cu hopi hende a acerca su persona puntre di con e proyecto ta tarda asina hopi, pero e ta riba

schedule, locual ta sosode ta cu restructuracion ta exigi di basta tempo y e edificio aki su blokinan ta basta bieu. Ark. Webb- Kock a agrega cu el a haya peticion di hopi hende, pa laga parti di e interior, piso abao pa keda habri pa e publico por wak e piedranan. Esaki ta un modificacion cu a wordo haci den e diseño y lo incorpora un parti chikito cu lo keda habri, pero tecnicamente mester asegura cu e wordo proteha pa biento. E proyecto aki tin un costo di mas of menos un miyon, aunke mester warda pa e finaliza pa wak cuanto menos e lo costa compara cu e sistema bieu uza antes. Esaki den sentido cu tin un tecnica nobo cu ta wordo aplica, cu no a tuma lugar den otro proyectonan, y esaki ta encera cu a pone otro material den murayanan y vloer, loke ta haci cu e prijs di inversion ta baha. E proyecto a duna inicio na

augustus 2012 y ta planea pa e keda cla na fin di Juni proximo. Seguidamente, Ark. Jouel Croes a referi na e proyecto. El a expresa cu ta un honor pe di forma parti di e team di restauracion di e monumento ex-Museo Arkeologico. Ta trata aki di un trabao hopi intenso. Den e cien añanan cu e edificio a pasa aden, hopi cambio a tuma lugar, Ark. Croes a expresa, y el a bisa cu si mira e potretnan di añanan 60 y 70, por pensa cu e edificio aki ta modernismo di aña 2000. Den e proceso di restauracion mester a identifica hopi elemento, por ehemplo trece e colornan back na e lugar original, y structura, forma, hanchura, etc. E bentananan cu ta ubica na e parti di Wilhelminastraat tin un cierto haltura, cu aworaki no ta cuadra cu esun original. Awor mester trece tur cos back na su estado original y esey tin cu tuma lugar cu e exactitud posible, pa ta di acuerdo cu e reglanan internacional di Monumento. Ark. Croes a menciona cu e trabao aki ta uno basta pisa, pasobra mester keda midi, haci cambionan riba mapa, y hopi biaha mester a sinta kibra cabes hunto cu Oficina di Monumento y e contratista, y finalmente nan a yega na locual ta mas cercano na e parti historico. Croes a subraya cu nan ta hopi orguyoso di por bisa esaki, y nan ta wardando pa pronto keda cla y cu gran exito.

reaccion tampoco. E otro keho cu e habitantenan tin ta cu den oranan di anochi e trucknan ta core cu velocidad halto cual ta produci un desorden

di otro mundo. E habitantenan kier haci un suplica na esnan encarga cu Serlimar pa tene consideracion cu e kehonan aki.


PAGINA 35

DIARIO

DIAMARS 28 JANUARI 2014

Prome Minister Mike Eman:

Minister Yrausquin:

Ban duna merito na Betico “Ley pa paga ciudadano interes riba su lucha y sacrificio restitucion di belasting atrasa lo

yega Parlamento e aña aki ainda”

O R A N J E S TA D ( A A N ) : Diasabra ultimo, pa di 22 aña consecutivo Gobierno di Aruba a rindi homenahe na e bida, legado y memoria di Gilberto François ‘Betico’ Croes riba su fecha natal. E acto protocolario y ofrenda floral a tuma luga riba Plaza Libertador Betico Croes den presencia di Su Excelencia Gobernador Fredis Refunjol, President y miembronan di Parlamento, Prome Minister Mike Eman y miembronan di su gabinete, pero principalmente miembronan di famia di Betico mes. Minister di Cultura Otmar Oduber a hiba palabra recordando Betico Croes “como e persona humilde, trankil y di pueblo cu e tabata.” Oduber a haci esaki door di repasa e Betico su participacion activo den comunidad, riba tereno deportivo y cultural, ademas di su carera profesional y den politica. Yiu muhe mas chikito di Betico, Señora Glendeline Croes a papia den nomber di e famia di un manera visiblemente emocional. Den su palabranan el a pidi tur presente y pueblo henter pa recorda su defunto tata, “No solamente pa loke el a haci den pasado, pero mas importante loke e lo representa

pa nos pais den futuro pa e futuro generacionnan.” E ta spera cu e historia di Aruba por sirbi Arubianonan como inspiracion ora e yamado yega na nan pa defende e interesnan di nos isla. Di su banda, Minister President Mike Eman a repasa e puntonan anterior entre otronan, incluyendo cu e virtud, acto y lesnan cu Betico a laga atras mester sirbi nos tur como ehempel. “E forma con el a sobrepasa retonan y a sacrifica su mes y su famia pa logra cosnan grandi pa e isla chikito aki ta sirbi nos como guia.” Nos prome mandatario a tuma oportunidad aki pa invita pueblo di Aruba pa uni no solamente den e celebracion di Betico su dia, pero tambe den su ideologia riba tur otro dia. Premier Eman a bisa: “Ban brasa e momentonan aki manera un solo pais y un solo pueblo y asina tambe duna merito na su lucha y su sacrificio.” Despues di e parti protocolario, a sigui manifestacion cultural caminda Premier Eman a comparti cu e publico cu a reuni riba plaza pa disfruta di e presentacionnan di baile y musica, como tambe di e diferente tent ofreciendo producto y pasabocanan crioyo.

O R A N J E S TA D ( A A N ) : Minister Yrausquin a habri siman presentando algun proposicion di ley den Parlamento. Intencion di e leynan aki ta pa percura pa un y tur cumpli cu nan debernan pa paga impuesto y primanan di seguronan social. Esaki ta necesario pa garantisa competencia husto y alavez mehora e nivel di entrada di

Pais Aruba. “Sin embargo”, asina e mandatario encarga cu Finansa y Organizacion Gubernamental a splica, "no ta solamente un cuestion cu Departamento di Impuesto mester di e instrumentonan pa percura cu tur hende ta cumpli cu nan impuestonan, pero e ciudadano tambe tin su derechonan y mester por conta cu Departamento di Impuesto ta haci su trabaonan debidamente". Segun Minister Yrausquin ta importante pa duna e ciudadano back tambe locual e mester ricibi. Den e cuadro aki e Minister a splica cu e cambio di ley cu lo bin cune separadamente y cu "mi ta compromete cu lo yega Parlamento e aña aki ainda", ta regula cu ta paga interes na e ciudadano na momento cu Departamento di Impuesto no cumpli cu e restitucion di impuesto na tempo. E mandatario a duna

di conoce cu nos ta den e situacion cu nos no ta actualisa cu restitucionnan na nos ciudadanonan. Pesey den e ley aki lo pone un fecha, cual ta 1 di januari 2016, unda na e momento ey e ley ta conta cu e impuesto tin cu worde paga back na e ciudadano. Tambe na momento cu Departamento di Impuesto no ta cumpli cu restitucion na e ciudadano na tempo, ta paga interes na e ciudadano. Esaki lo ta un incentiva adicional tambe pa e Departamento di Impuesto, pa cumpli, mescos cu e ciudadano tambe tin cu cumpli, asina Minister Yrausquin a splica. E minister a enfatisa cu locual nos mester yega na dje hopi rapido ta cu Departamento di Impuesto ta up-to-date, y ta cobrando e impuestonan basa riba e entredanan cu ta worde genera den actualidad. E cambio di ley aki lo yuda den realisa esaki, asina e Minister a remarca.

Entre mas di 200 participante riba Facebook di Crown Furniture & Electronics

Magdelene Albertus da Silva a gana “Show us your Crack” Campaign

ORANJESTAD (AAN): E campaña cu a capta tur atencion e ultimo temponan aki tabata esun di “Show us your crack” di Crown Furniture &

Electronics. Ta hopi hende tabata check e pagina di Facebook di Crown casi tur dia pa mira e imagennan dibertido di e campaña, cual

a haya bastante “share” y comentario. Ademas, e parti mas importante di e campaña cual tabata un invitacion pa cliente y no clientenan pone un potret di nan artefacto electronico cu tin un pantaya kibra riba pagina di Crown a resulta un exito rotundo. No solamente den cantidad di participante, pero tambe na e cantidad di persona extra cu a “like” e pagina di Crown. Mas di 200 persona a comparti potretnan di nan telefon celular, tablet, television, etc., pero na final ta un so por a gana. Crown a haci print out di tur e participantenan y a pone esaki den un caha, di cual un persona cu man inocente a saca e ganado. E biaha aki suerte a bati na porta di Magdelene Albertus da Silva, kende a expone su celular Samsung S3 cu kraak riba dje, di cual awor e lo ricibi un nobo nobo. Esaki ta solamente e cuminsamento di aña 2014; keda pendiente pasobra Crown tin diferente campaña cu premionan fabuloso planea pa e aña aki.


PAGINA 36

DIARIO

DIAMARS 28 JANUARI 2014

TEAM lo bringa mas leu pa varios miembro na Westin cu pakete social no ta combini nan Tin hende ta paga prijs halto pa un tiki di placer Aunke den tur forma spiertamento ta ser manda cu claridad na hombernan y muhernan di tur edad pa loke ta descuido y degeneracion sexual, hopi hende ta sufriendo malesanan contagioso, doloroso y mortal. Na Juni di aña 2011 e seccion aki a publica varios articulo encuanto Papiloma Human Virus, despues cu un mayor a presenta na redaccion di DIARIO y a splica cu el a hiba su yiu muher menor di edad dokter cu algun malestar y a ser diagnostica cu e VPH aki. E tempo ey e mama a splica cu hopi di e hubentud cu ta den libertinaje sexual y ta confia y papia di e seguridad y proteccion, asina mes por ser contagia. E seccion aki pa informa lectornan a busca mas informacion na e website www.cancer.org. encuanto e cancer di Cervix VPH y pa e hubentud tene cuenta. E pruebanan pa detecta e VPH cu ta existi den e mercado solamente ta ser usa pa detecta cancer di cuello uterino. No ta existi un prueba general pa hende homber of hende muher cu ta determina si un persona tin VPH, tampoco ta existi un prueba pa detecta e VPH den e genitalnan, boca of garganta. Por lo general, VPH ta desaparece di su mes sin ta causa problema di salud, di tal manera cu si awe ta ser detecta un infeccion causa pa VPH, lo mas probable ta dentro di un of dos aña el a desaparece. Tin manera pa preveni e posible efectonan di VPH den salud, manera stem heers, y e dos problema mas frecuente fretnan genital, y cancer di boca di matriz. Veruganan por crece den garganta stroba halamento di rosea cu ta bay cu dificultad, vianan respiratorio ta blokea y aunke inusual ta ser calcula cu anualmente menos di 2000 mucha ta contrae e malesa aki di Papilomatosis Respiratorio Recurrente (PRR). E VPH ta ser transmiti via contacto genital, tambe cu e relacionnan sexual vaginal, anal, oral, parehanan heterosexual, homo y bisexual aunke e pareha infecta no tin señal, signonan ni sintomanan di e malesa. Un persona por tin VPH añanan despues di tabata tin contacto sexual cu un pareha infecta y no sa cu e ta infectando otro pareha of parehanan cu e malesa. Tin vacuna cu ta proteha hende homber y hende muher contra mayoria di e veruganan genital. Aunke abstinencia semper ta ser considera e mihor manera di prevencion den tur loke tin di haber cu enfermedadnan contagioso hopi hende ta descuida. Descuido por resulta caro cu hopi problema y dolor e malesa VPH apenas ta duna sintomanan no ta sinti dolor hopi hoben ta keha di curpa kibra, ta bira laf, kier blo drumi, y ta hiba casi un bida normal. Ora e hobennan aki haya sa cu nan tin VPH, cancer di Cervix nan ta cay den un depresion y tristeza hunto cu nan mayornan cu apenas hende por imagina, segun e mayor a splica e tempo ey. Cada angua contra e cancer aki e tempo ey na 2011 ta costa Fls. 500, y mester haya tres vacuna, esey no ta nifica cu e persona a cura di su malesanan VPH. No ta conoci si e suma di placa a keda mescos, pero e prijs di mas halto ta ser sufri den carni propio cu perdida di salud y ken sa cuanto sufrimento y dolor. No solamente hende muher, pero hende homber ta bon pa nan haci test aki pa sa nan situacion di salud. Tin vacunanan contra veruganan genital y edad di contagio ta varia for di mucha y hombernan di 9 te cu 26 aña di edad. Vacunanan aki ta ser recomenda pa mucha y muhernan di 9, 11 pa 12 aña di edad y di 13 pa 26 aña. Un alerta chikito pa hendenan di tur edad y personanan cu a dicidi di tin un bida sexual activo. Apreciable lector, yama DIARIO na 582-6747, carta of personalmente na redaccion. Danki pa e confianza. Skirbi pa : Josefina.

y sindicato TEAM lo bai notifica mediador. Papia como abogado pa hende compronde y abogado no por bin impone riba e situacion. Sindicato TEAM a pone riba nan bulletin board cu

ORAN JESTAD (AAN): Den un entrevista cu Katiuzka Benita Antersijn presidente di Sindicato TEAM el a splica un tiki riba a pakete di Plan Social cu abogado Wix a entrega na nan. A base di Kanton Gerecht Formule y tambe e edad di e trahadornan e pakete social a wordo entrega. E pakete ta full na ingles. A bin un splicacion di abogado Joyceline Croes pa laga tur hende compronde e pakete. E pakete atractivo na comienso tabata atractivo segun presidente di TEAM aunke no den bista di tur trahador. Pa esnan di mas edad e plan no ta esun asina atractivo. Ora a presenta e plan tur hende a ricibi e plan a bai cas cune y ora a yega cas a ripara cierto eror den e plan social. Tin eror den e plan y hopi hende no ta compronde e erornan cu

tin. A yama e abogado Wix y splike riba e erornan. Asina mes a pidi pa para e pakete y e abogado a bisa cu berdad mester corigi esaki. E abogado a contesta cu e ta loke cu e ta. Trahadornan tabata hopi onrustig den fin di siman. E trahadornan mester duna servicio y nan ta disgusta. Na lugar di abogado Wix tene e situacion rustig e ta para fuerte cu su punto y a kibra e confianza cu e trahadornan tabata tin den dje. Sindicato TEAM y e trahadornan no ta tuma e pakete. Nan kier pa e cos bay na e mihor posibel pasobra anja di servicio y sentimento di hende no ta cos di hunga cune. E donjonan nobo kier limita e hendenan di traha y no ta cuestion cu e trahadornan no kier traha. E cos ta bayendo for di man

nan ta 100% para tras di e miembronan. Lo busca manera di haya contacto cu minister tambe. E pakete atractivo y e pakete nobo parce ta diferencia entre 10 cu 30 mil florin. Sindicato TEAM a splica cu e eror di nan lo costa. Ora e prome pakete a wordo entrega tabata tin na prome instante pa tume y bai cas buscando un otro trabou. Corigiendo e eror di e pakete e no ta sirbi pasobra e ta net nada. Nan lo hiba e cos aki te mas leu cu nan por legalmente pa bringa pa e trahadornan segun Katiuzka Benita Antersijn.

Papel di 50 Florin a resulta falso ORANJESTAD.(AAN); Na un supermercado un homber lo a wordo tuma cabez . Polis a bay na e supermarket situa na Tanki Leendert pa intermedia. Aki e homber di inicial S. a declara na polis, cu el a bay diasabra mas o menos un cuarto pa ocho na e supermarket pa cumpra algun articulo . El a paga e cuenta cu un papel di 50 dollar mericano y el a ricibi buelta di un papel di cincuenta florin y un otro papel di 10 florin. Ora el a yega cas el a constata cu e 50 florin tabata falso y el a bolbe na e supermarket pero esaki tabata cera caba. Polis a confisca e papel di

50 florin y polis a pone S. na altura pa e bay recherche

Oranjestad.


PAGINA 37

DIARIO

DIAMARS 28 JANUARI 2014

Ademas di mal estado di edificionan:

Pestmento na pia di trabao ta un di e factornan cu ta conduci na AO den sector publico

ORANJESTAD (AAN) – Sindicato Empleadonan Publico y Priva Aruba (SEPPA) ta conciente di e situacion di meld ziek den sector publico y nan sa trata esaki cu gobierno pa busca e origen di e problema y bin cu solucion: mal condicion di edificionan y pestmento na pia di trabao ta dos di e factornan relevante cu ta conduci na AO. Den entrevista cu sra. Magaly Brito, Secretario General di Sindicato di Trahadornan Publico y Priva SEPPA, Matutino DIARIO a haci e observacion cu segun Minister di Finanzanan e AO den gobierno ta hopi halto compara cu sector priva.

Sra. Brito ta haya cu “ziektemelding” ta un situacion cu tin bao di tur doño di trabao y e ta keda un preocupacion na tur momento, aunke e por ta mas halto cerca un dunador di trabao cu cerca otro. Sra. Brito tambe a scucha Minister di Finanzanan a haci e expresion ey, y e ta mira cu dado momento SEPP mester sinta na mesa cune, pa haya e datonan di cual e mandatario ta papia di dje, y discuti riba kico ta conduci e empleadonan publico na tuma AO. “No ta secreto cu den e aparato publico tambe tin diferente fayo ta tuma lugar, cu ta haci cu e trahadornan ta bira malo. Ora bo kier papia

cu e porcentahe di AO ta bira alto, naturalmente mester wak e circumstancianan na pia di trabao, cu por conduci tambe na ziektemelding”, sra. Brito a reitera. El a agrega cu SEPPA a pone hopi atencion semper na e deficiencianan cu tin na pia di trabao den sector publico, y hopi biaha nan a keha tocante murayanan cu ta yen di scheme y a exigi pa nan wordo drecha, y nan preocupacion pa e salud di e trahadornan hopi biaha nan a trece dilanti cerca e diferente ministernan. “ E estado di diferente edificio di gobierno ta uno asina malo, cu tambe ta causa cu trahadornan por meld ziek”, e dama a enfatiza. Esey no ta kita afo cu por tin otro factornan cu por pone un ambtenaar bay AO. “Den e aparato publico hopi biaha bo ta cerca di e politiconan, di e ministernan y, lamentablemente, realidad ta cu politica ta hunga un rol importante den e diferente

lugarnan di trabao y ta conoci cu hopi biaha nan ta pest trahadornan cu ta dicidi di bay. E problemanan cu tambe ta surgi entre hefe y trahadornan tambe ta fastioso. Nos tin casonan, y awor uno reciente y basta delicado, na unda nos ta pidiendo e minister cambio di trabao pa e trahador ya cu e ambiente den cual e ta traha no ta adecua, di tal manera cu e persona aki ta AO basta largo y bao tratamento”, sra. Magaly Brito a duna di conoce. El a agrega cu asina tin diferente factor cu ta ocasiona AO den sector publico, ademas di malesa, y mester analiza esakinan. “Te ora e partidonan acepta unda tin fout y cu e doño di trabao tin falta di responsabilidad pa cu su trahador, y ta trece e causanan aki, lo por ta un inicio pa nos por soluciona e problema di absentismo na trabao pa motibo di malesa”, e lider sindical a subraya. El a menciona tambe cu e

control door di SVb ta igual pa sector publico cu priva, y pa tur hende. Incluso tin control cu por tuma lugar den cas di e trahador, mescos cu ta e caso cu trahadornan di sector priva. Igualmente e empleado publico tin cu presenta carta na pia di trabao unda docter ta certifica cu e ta sufri di tal of cual malesa, y un grupo hopi specifico ta maestronan di school, cu por duna ehemplonan cla con dificil ta pa nan den caso di AO, pa motibo di e cantidad di tempo largo cu nan tin cu warda pa un cita, cu kizas no ta bal ni la pena pa nan keda cas pa motibo di malesa. Sra. Brito a subraya cu si locual e minister ta bisa basa riba informacion cu kizas awor e ta compilando ta berdad, lo mester traha duro pa trece un mehor situacion na pia di trabao, tanto pa e dunador di trabao como pa e trahador cu mester brinda su servicio na e comunidad.

Poster straño na entrada di SAC

ORANJESTAD(AAN):--E carnaval 60 tambe a bin cu su problemanan. Si no ta un cos ta e otro cos ta bin na discusion. A constata cu Stichting MUSICA ta laga sa cu no tin ningun problema cu SAC, mientras cu SAC mes a tene un conferencia di prensa unda y e ta laga sa cu ta intencion di Stichting MUSICA pa keda sin cumpli cu e acuerdo cu tin cu SAC. E ta draai rond di e placa y sponsorship cu Stichting

MUSICA mester paga SAC. A tende masha comentario cu kizas e CAISO Monarch no ta sigui. Asina mes promotornan di Stichting MUSICA a biaha pa Curacao. Eynan a bay promove e festival na Aruba. Diasabra riba dia di Betico a haya informacion cu tin un poster grandi pega riba entrada di oficina di SAC. Hendenan cu a pasa eybanda a mira esaki y notifica nos riba dje. E ta mustra mas un cos cu ta

sali for di sostenedornan di Stichting Musica cu a bai pone e poster aki. Ora a tende di dje a bay mira esaki y berdad tin e poster cu ta mas bien manda un mensahe pa keda trankil pasobra Caiso Festival 2014 ta On. No ta conoci si e poster aki SAC ta na altura di dje of si tin aprobacion pa pone e poster riba e oficina di SAC net awor cu tin un diferencia di opinion.


PAGINA 38

DIARIO

DIAMARS 28 JANUARI 2014

Actividad cu e Grandinan di S.A.B.A

Nos Grandinan a bay disfruta di cuminda na Varadero

ORANJESTAD (AAN): Nos grandinan di Centro Di Cuido San Nicolaas S.A.B.A a bay come na Varadero in conection cu celebracion di

dia di Betico. Nan a come y pasa un dushi dia. DIARIO a compronde cu nan tur a disfruta di e bunita paisahe di nos dushi lama.


DIAMARS 28 JANUARI 2014

PAGINA 39

DIARIO

Accidente banda di Hot Zone na Palm Beach ORANJESTAD(AAN):-Den oranan di marduga a sosode un accidente na altura di e hotelnan High Rise. Esaki a sosode pega cu e clubnan nocturno cu tin den e area. Un Jeep biniendo for di Hotel Riu bayendo direccion Hyatt no por a evita ora un Suzuki a subi caminda su dilanti. Ta un T-Weg cu ta bay pa parkinglot di Sr Frogs. E da単o material tabata basta y e dama den e Suzuki tabata keha di dolor na curpa. Ambulance a wordo pidi tambe pa presenta. No tabata un accidente grave.

Zebrapad a bira geel riba L.G. Smith Homber bou influencia Boulevard tabata de remate

ORANJESTAD (AAN): Automobilistanan mainta trempan a lanta haya sorpresa cu awor a pinta e li単anan di dos zebrapad riba L.G. Smith Boulevard color geel. Diahuebs anochi a cera un parti di e boulevard net banda di Royal Plaza y Port of Call pa pinta e zebrapad di otro color. Normalmente e zebrapadnan ta blanco pero esun aki pa algun siman ta conta cu luznan LED y borchi ilumina cu ta asisti peatonnan den anochi y hasta den dia cruza e boulevard. Pa haci e strepinan mas visibel a laga nan esaki verf geel.

ORANJESTAD(AAN):Na Bubali polis a wordo manda pa un hende cu lo tabata zwaai cu arma blanco. E patruya di Noord a bay na e adres cu ta keda den e area panort di Super Food. Ora cu polis a yega a topa cu un homber cu dificilmente por a deal cune. E no tabata razona pa nada di mundo. Polis a bay over na detencion mesora. A pidi transporte di dogcatcher cu a presenta pa hiba e persona deteni. No ta conoci bou influencia di kico e tabata. Na warda ora dogcatcher a yega e agentenan mester a drenta y sake for di e auto. El a haya un cuarto gratis.


PAGINA 40

DIARIO

DIAMARS 28 JANUARI 2014

Filomena College MAVO orguyoso di Sammy-Jo van Eennenaam ORANJESTAD(AAN): Filomena College Mavo ta orguyoso cu nos reina a logra conquista e corona maximo di Reina di school 2014. Nos ta desea Sammy y tur candidata cu tin como meta pa engrandece Aruba su Carnaval, hopi exito den 2014! Sammy su mensahe: Na prome lugar mi kier a gradici

Filomena College MAVO pa a kies mi pa represent’e den Club Caiquetio den Reina Escolar di Aruba. E corona aki ta pa Filomena College y tambe tur habitante di pariba di brug! Un danki na Mr. Addonsito Croes, juf. Fatme Rigaud y Maroushka Koopmans pa tabata 100% mi tras apoy-

andomi semper. Na mi mayornan: Mom and Dad, you guys are the best!! Mi ruman mujer Jeanira van Eenennaam y Darwin Thijsen cu a core ariba abou sin fin. Danki grandi na Maya Croes cu a yudami bon. Danki pa e pasenshi, guia hincando mi den un mundo cu nunka mi a kere di ta aden. Na Ella Orman pa a traha mi baile: BEST SHOW amazing! Mi grupo di baile: Abi, Tani, Dainy, Nella, Kelly, Anka, NEsmay, Vicky, Jaron y Jason: no ta tin palabra pa boso , we rocked the place! Juf. Rina Frank, danki pa a traha mi trahe recicla! Mi a keda Bella! Nigel thanks p’e poster: Dimas bunita el a keda. Señora Elina Lampe, danki pa e bunita sherp! Na mi famia henter cu a support mi !! DANKI NA TUR CU A KERE DEN MI!!! Boso reina cu kuiltjes na su wang: Sammy.


DIAMARS 28 JANUARI 2014

PAGINA 41

DIARIO

IPA ta tene su charla comunitario encuanto Calypso na Aruba

Auto no tin number ni aseguro ni nada y tog e kier core riba caminda

Chauffeur kier resisti ora polis a kita auto sin documento

ORANJESTAD(AAN): E palabra “Wrong and Strong” ta aplicable den e caso cu a tuma lugar na Pos Chikito Diadomingo merdia. Polisnan motoriza ta hibando nan control riba caminda mirando cu tin actividad di carnaval pariba di brug. Na dado momento a topa cu un auto sin documento riba caminda. E auto aki a wordo para banda di Kukwisa School sin number dilanti y sin number patras. Na dado momento ora cu a cuminsa controla a resulta cu e auto no tin ningun clase di documento pa por move riba caminda. Ora a notifica esnan envolvi cu e auto lo wordo tuma den beslag a cuminsa causa problema cu e polis motoriza. A avisa su coleganan cu a presenta mesora pa cualkier eventualidad durante e pro-

ORANJESTAD (AAN): Musica di Calypso a hunga un rol hopi grandi den e historia di Caribe Ingles como un di e maneranan principal pa documenta acontecimento na un forma oral. Tambe Calypso ta conoci como “The Voice of the Poor” y “The Voice of the Oppressed”. Tin un preocupacion grandi bou di algun grupo den nos comunidad cu Calypso ta muriendo. Hasta tin ta bisa “Calypso dead already”! Diaranzon dia 29 di januari 2014 Instituto Pedagogico Arubano (IPA) y su Centro di Investigacion y Desaroyo di Enseñansa (CIDE) lo tene un Charla Comunitario titula: Calypso na Aruba Durante e encuentro aki ta bay tin presentacion di drs. Gregory Richardson, docente y investigado riba tereno di cultura di Caribe y specialisa den musica. Tam-

be lo tin presentacion di docente y cantante di Calypso Kenny Meyers MEd (Mighty Heads). Durante e encuentro lo trata interes di Calypso y skirbimento di calypso bou di hoben, e rol di idioma (San Nicolas Creole, English, Papiamento, multilingualismo), historia oral, Calypso y politica, Calypso vs roadmarch vs soca (kico e diferencia ta, tin un diferencia?). Na final di e presentacionnan lo bay tin oportunidad amplio pa haci pregunta y hiba discusion.

IPA ta invita henter e comunidad di Aruba pa asisti e encuentro aki. Fecha: D i a r a n z o n , 29 di januari 2014 Luga: IPA (Isaac Wagemakerstraat 11, San Nicolas) Ora: 7’15or – 9’00 pm Entrada: Gratis Idioma: Papiamento y Ingles

E porta patras nunca ta na lock y net eynan ladron a drenta ceso di transporte di auto cu takelwagen. Polis a mustra esnan cu ta core cu auto sin documento cu e actuacionnan aki no por. Pa colmo polis conoce un of mas hende den e auto y cu kier a haci fastioso. Si nan dal auto riba caminda no tin papel of seguro

pa cubri gastonan cometi. Pesey mes un auto asina no por ta riba caminda. Pesey bo no por ta robez coriendo auto sin number y sin documento anto kier para ariba cu polis no por kita bo auto. E auto a wordo hiba warda di Balashi.

ORANJESTAD (AAN): E señora inicial S.W. naci na Hulanda di 41 aña a presenta na warda di polis situa na Shaba pa e entrega denuncia di ladronicia den su cas. E denunciante biba na Palm Beach a declara, cu desconocinan via porta patras cu semper no ta na yabi a drenta den su cas y a saca

algun articulo for di su tas color blauw. Entre otro su rijbewijs Arubano y di Hulanda mas su iPhone 4S color preto, un ATM-card di Aruba Bank, 16 Florin contante y un carchi miembro di “Super Food” y e keho a worde tuma y registra.


PAGINA 42

DIAMARS 28 JANUARI 2014

DIARIO

Lucas Koolman gara DIP ta bezig trahando un rampa cu auto horta pa watersport na Baranca Plat

ORANJESTAD(AAN): Diabierna atardi polis a detene e conocido di husticia pa ladronicia di auto Lucas Koolman. Polis a haya yamada di un persona cu a mira su pickup cu a wordo horta. El a mira un hende straño na stuur. Mesora el a yama polis y bati alarma. Asina a cuminsa avisa cada rato unda e posicion ta mientras cu polis tabata na caminda pa para e

Sra. Isabel Dammers di Management Team:

auto. E prome notificacion tabata banda di Ling and Sons y despues di bin ariba den Eagle a logra pare den Balander Straat den e area di TEC. E detencion a cay mesora. Lucas Koolman a kita plachi number for di un auto cu e tin y asina pega esaki riba e pickup horta. E doño a entrega keho tambe y joyriding team a tuma e caso over.

ORANJESTAD (AAN) – “Durante e decadanan cu a pasa nos beachnan a bira hopi congestiona”, ta palabranan di señora Isabel Dammers, miembro di e Management Team di Departamento di Infrastructura y Planificacion (DIP). E dama a expresa esaki den un entrevista cu Matutino DIARIO, relaciona cu e area cu piscadornan na Fisherman Huts na Malmok ta uza, como tambe bahamento di boto di deporte aquatico. Sra. Dammers a expresa cu cada hotel y edificio nobo cu a wordo construi riba e beach aki, ta reclama un pida beach limitando e uso liber cu nos poblacion tabata tin cincuenta aña pasa. Recientemente, cu apertura di e ultimo hotel, mester a bolbe adapta e bahamento di boto deportivo, pasobra mester garantiza e seguridad di e usuarionan cu ta den awa. “Pa e motibo aki a dicidi di traha un rampa full pazuid, na Baranca Plat, y tabata tin discusion riba esey. E watersportnan ta haya cu esey no ta e lugar mas adecua, y nos a constata cu tabata tin dificultad pa baha e ekipo eynan, y e ora ey no por a haci uso mas di e ubicacion entre Marriott cu Ritz Carlton. Nos a stop nan pa baha boto eynan y no tabata tin otro opcion na e momento ey, cu bay haci uso di Baranca Plat di Fisherman Huts”, sra. Dammers a menciona. El a agrega cu nan a papia cu e piscadornan cu ta haci

uso di e lugar aki. E piscadornan di Fisherman Huts tabata mara nan boto mas dilanti di Ritz, y un delegacion di Infrateam, DOW y DIP a bay combersa cu un grupo di piscador cu tabata den palabracion cu Ritz tambe, y a splica nan kico e problema ta y tambe e unico opcion cu tin. “ Nan a bisa cu nan ta coopera y a hala nan boto un tiki mas panoord, y nos a pone boeinan e ora ey. Tin linea di boei color cora cu ta bay den e awa, cu ta indica unda e watersportnan por launch mainta y atardi”, sra. Dammers a duna di conoce. El a agrega cu ainda e rampa ta wordo adapta y tin mehoracion ta tumando lugar den dje, y nan ta pendiente pa esaki keda cla, pa por haci uso di dje. “Nos ta purba di alivia mas cu ta posible e druk riba Fisherman Huts, pero na e momentonan aki nos no tin otro moda di haci. Tin cu warda pa Baranca Plat keda cla” sra. Dammers a agrega. El a indica tambe cu DIP ta trata di ta den mas contacto posible cu e companianan di watersport, pasobra den futuro nan tin cu bay haci mas cos hunto riba beach y nan a indica cu pa nan esey ta e lugar adecua, y nan ta stress pa esaki bay den bon armonia entre nan mes, y te

ainda nan no tin indicacion cu esey no ta e caso. Sra. Dammers a señala cu awor den temporada halto e area ta bira extra druk, y DIP a haci un peticion na e watersportnan pa nan coopera cu otro, pasobra hopi launching mester sosode den e mesun horario y mester tene cuenta cu tin mas hende riba e beach. E preferencia di e companianan di watersport ta Fisherman Huts y pa DIP e lugar cu nan kier mira cu nan ta haci mas uso di dje ta keda Baranca Plat. E watersportnan a duna di conoce cu loke nan mester na Baranca Plat ta un dake pa wanta e olanan mas fuerte, y esaki ta rekeri di mas inversion y investigacion tambe, pasobra ora di traha den lama esaki ta kibra e ola y e por tin consecuencia pa e beachnan. “Esey mester hacie cautelosamente, y mi ta kere ta importante tambe pa scucha e informacion cu esnan cu ta riba lama ta duna. Nan ta riba lama tur dia y nan sa kico lama ta haci, con e por bira, ki dificil e ta pa subi pa baha y ki ora por y ki ora no por. Nan tin e habilidad y nos tin cu scucha nan opinion. Nan tin e conocimento y nos ta trahando duro pa mantene e contacto aki”, sra. Isabel Dammers a indica.


DIAMARS 28 JANUARI 2014

PAGINA 43

DIARIO

SAC den pleno preparacion pa diabierna awor

A tira lot pa eleccion final di Reina Infantil di Carnaval ORANJESTAD (AAN): Den fin siman candidatanan pa e eleccion di Reina Infantil di carnaval a tira lot, durante un evento na Aruba Trading. Ey cada un di e 10 candidatanan participando diabierna awor pa e corona di Reina Infantil di carnaval a haya nan number. E eleccion mes ta tuma luga diabierna dia 31 di januari 2014 cuminsando for di 7:00pm den Aruba Entertainment Center. Carchi ta obtenibel caba na oficina di SAC. Despues di a tira lot, e secuencia pa eleccion final a bira candidata number 1, den persona di Alysa Brete di Jolly Wizz Kids, sigui pa # 2 den persona di Zairey Colmenares di Grupo di baile y canto Pierewietje, candidata # 3 ta Cherry-Ann Martes representando districto di San Nicolas, candidata # 4 ta Xeandrah Blanco di Grupo Champagne, candidata # 5 ta JaynaAlavarez representando

Dakota, sigui pa # 6 Jada van Heyningen representando e districto di Sta. Cruz, candidata # 7 Shakienne Coffi di Little Groovers, candidata # 8 ta Jeanylaine Boekhoudt representando T.O.B Carnival Group, candidata # 9 ta Sheqayli Asencion representando Oranjestad/Companashi y candidata # 10 den persona di Thamara Vrolijk den representacion di e districto di Noord. Aruba Trading, como agente di e producto Revlon, ta patrocinado principal di e evento. Como un gesto special a entrega cada un di e candidatanan un regalo. Ta ora cu nan a habri e regalo, nan a haya nan number pa e anochi final. Pues den un forma masha creativo a percura pa regalo y nan number na mes momento.

Carnaval di Aruba a nace na aña 1954 caba, como tal e aña aki nos ta celebra 60 aña cu anualmente pueblo ta bini hunto pa mustra nos creatividad, ambiente y folklore manera nos so por. Na aña 1955 varios club y districtonan a bini hunto pa organiza e carnaval y di eynan a eligi e prome Reina di Carnaval. E parada grandi tradicional a cuminsa desde aña 1957. Pero tabata dia 11 di november 1966 (11-11-66) pa 11:11am cu a funda Stichting Arubaanse Carnaval, SAC. Desde e tempo ey e fundacion, forma pa un grupo grandi di boluntarionan cu hopi entusiasmo, ta traha duro pa organiza e diferente eventonan cu ta atrae un publico grandi di nos mesun ciudadanonan pero tambe turistanan.


PAGINA 44

DIAMARS 28 JANUARI 2014

DIARIO

N’Fusion ta cu Meta Social Club

Ofo Escudero: Orguyoso di forma parti di un grupo campeon! ORANJESTAD (AAN): “Pa loke nos ta wak, e ta bay ta e grupo cu esunnan cu lo bay ta den dje, mi ta kere, lo bay ta hopi orguyoso di forma parti di un grupo campeon asina’ki manera Meta,” asina Ofo Escudero kende ta preparando pa anima e grupo cu su banda N’Fusion a expresa durante un entrevista e siman aki. E lider di e banda N’Fusion, cual a worde forma na november 2013 a priminti cu pa loke ta e banda mes, nan ta bon prepara cu un repertorio di e generonan calypso, roadmarch, y mas. Meta Social Club lo tin musica na cantidad pa tur su seccionnan bunita y luhoso, Ofo Escudero a observa. El a splica cu N’Fusion, aunke nan ta un banda hoben y e nomber ta uno nobo riba mercado, e 12 integrantenan ta musiconan cu hopi experiencia. Ademas, nan ta conta cu un expansion di tres miembro extra specialmente pa Carnaval 60 y Meta Social Club. Spera loke ta “expected”, pero tambe loke ta “unexpected”, Escudero a bisa, primintiendo di bin no solamente cu un seccion di “live brass” fuerte, pero tambe otro instrumentonan cu “bo no ta wak den otro grupo” cu

sigur lo resalta. N’Fusion ta gradici Meta Social Club pa a pone nan confianza den nan y ta priminti un berdadero espectaculo riba caminda. E otro banda cu ta compaña participantenan di Meta Social Club ta Banda DURO. E colaboracion entre empleadonan di MetaCorp, hunto cu Carnavalistanan experencia manera John John Flemming y Ryan Maduro a resulta den un “winning team”. Ken cu ta desea di uni na Meta Social Club, sea ta empleado of no-empleado di MetaCorp, ta bonbini. Tin algun cupo ainda pa personanan cu kier bay den un of tur cuater parada y sea ta den seccion of den masa. Meta Social Club ta invita tur persona interesa pa pasa na nan sede, ubica riba L.G. Smith Boulevard entre Ritz y Balashi Cash & Carry pa wak e diferente kostuumnan pa e paradanan anochi y esunnan den dia y pa inscribi di biaha! Empleadonan di MetaCorp ta ricibi un descuento special riba nan participacion pa cada parada, como tambe pa e paketenan di parada. E pakete pa tur cuater parada ta Afl. 1325 pa empleado y Afl. 1500 pa  no-empleado. Pa loke ta e prijs pa masa duran-

Ladron trahando mainta trempan caba riba beach ORANJESTAD (AAN); Un señora hulandes di inicialnan M.S. a presenta na Warda di Polis na Shaba pa 8:20’or di mainta pa entrega denuncia di ladronicia. Segun S. di 22 aña cu pa 5‘or di mainta el a bay landa

dilanti Riu Palace Hotel Aruba y el a laga su pertenencia riba beach. Pero ora el a bolbe, el a constata cu su pertenencianan no ta na e lugar mas pa cual el a acudi na warda pa denuncia e robo.

te parada di den dia na San Nicolas y na Playa, esaki ta Afl. 825 pa empleado y Afl. 925 pa no-empleado. Y, pa participa solamente na e dos paradanan di anochi, cual ta Parada di Luz na San Nicolas y Lighting Parade na Playa, ta sali Afl. 425 pa empleado y Afl. 475 pa no-empleado. Tin cupo pa paradanan individual tambe, cual ta costa: pa Lighting Parade OF Parada di Luz, Afl. 325 pa persona pa empleado y Af. 425 pa no-empleado; pa Parada di San Nicolas OF Gran Parada na Playa empleadonan ta paga Afl. 700 pa persona y no-empleadonan ta paga Afl. 800,=. E sede di Meta Social Club ta habri den siman for di 4:30 pm pa 10:00 pm y den weekend for di 5:00 pm pa 10:00 pm Meta Social Club ta avisa cu e dianan aki por spera di wak e sede habri despues di 10’or di anochi y si esaki ta e caso, pasa numa, pasobra tanten cu tin hende trahando lo atende tur hende cu presenta pa informacion y inscripcion.

Homenahe na e maestro Robert Jeandor

ORANJESTAD (AAN): Los Hijos del Sol ta consisti di ex integrante y fundadornan di Solo Banda Show. Esakinan ta musiconan cu a pasa den e universidad musical di Sr. Robert Jeandor, kende den trayectoria di añanan a forma parti y cu keto bay ta parti di Solo Banda Show. Los Hijos Del Sol a wordo forma pa duna e aprecio y elogio na nos indiscutibel maestro, director y amigo Robert Jeandor. Pa e motibo aki a acerca Robert pa dirigi Los Hijos Del Sol, cu nos cantante Ossy Tromp cu su cancion “E kwashi”, den e Festival di Tumba, como maestro y alaves el a acepta

e peticion di canta nos warm up song. E training aki a tuma lugar na residencia Tromp na Boegoeroei, unda a uni Solo Banda Show y Los Hijos Del

Sol pa demostra e aprecio cu tin pa su persona y pa mustra y duna ehempel na tur otro agrupacionnan musical cu por ensaya den un ambiente ameno y hermandad.


DIAMARS 28 JANUARI 2014

PAGINA 45

DIARIO

Introduccion di representante nobo na DCM - VV encuanto di maneho di Visa pa Caribe Hulandes ORANJESTAD (AAN): Sr. Hans Vos, Hefe di DCM-VV (Directie Consulaire Zaken en Migratiebeleid – Vreemdelingen- en Visumzaken) a bishita Aruba pa asina in-

troduci Sr. Jonas de Graaf, persona di contacto nobo pa Aruba encuanto di maneho di visa pa Caribe Hulandes. Despues di a bishita Sint Maarten nan a biaha pa Aru-

ba y despues lo continua nan biahe pa Corsow. Durante nan bishita, Departamento di Relacionnan Exterior a organisa un serie di reunion cu varios

departamento cu ta traha directamente cu e asunto di admisión y visa, entre otro DIMAS, Raadsadviseur Personenverkeer, IASA, Imigracion, KPA y DBB mes. A discuti entre otro topico-

nan importante pa e proximo Reunion di Trabou encuanto Visa cu lo tuma na mitar di e aña aki. Tambe a inclui un reunion separa cu oficina di Gobernador.

Auto a dal Bob na Wayaca

O R A N J E S TA D ( A A N ) : Diabierna atardi polisnan a bay pura den direccion di Wayaca. Aki auto a dal un persona. Prome informacion tabata accidente poco pariba di spiraal rotonde. Na yegada dilanti di Wayaca Falls a topa cu e conocido di polis Bob. E dia prome e tabata den noticia tambe despues di drenta un restaurant Chines y agredi e chines. E Chines a sali cu bat di baseball pa agredi’e y net polis tabata pasando. A detene Bob diahuebs merdia y un rato despues e tabata liber. Diabierna auto a dal Bob. E chauffeur di e BYD A-58 a splica cu el a purba tur manera di kita pa evita di dal Bob riba caminda. Asina mes el a sinti cu Bob mes tabata busca manera pa auto dal den dje. Personal di ambulance a presenta y nan a pidie lanta. El a bay den ambulance pa hospital pa chekeo. E tabata hole hopi stinki pa falta di cuido di su mesun curpa.

Un tereno cu a wordo haci limpi no mucho dia pasa ya tin sushi atrobe

ORANJESTAD (AAN): ---Algun habitante di Catiri a yama un poco decepciona debi cu un tereno, cu no mucho dia pasa a wordo haci limpi, ya caba tin sushi tira eyriba. Pa colmo un kashi paña a wordo tira y den dje tin recibo nan riba cual tin e adres Sabana Blanco 411. Ta di spera cu awor cu tin un prueba cu City Inspector no solamente pone e hendenan

aki para responsible pa lanta nan sushi bek, sino pone nan haci henter e tereno limpi pa asina paga pa e otronan cu a haci tal fechoria y asina manda e mensahe cla y raspa pa tur esnan cu ta core rond tira sushi unda cu ta. Asina por demostra cu ya no hasi wega. Esun cu wordo haya culpable ta paga pa e otronan ya cu nos kier tur biba riba un Aruba limpi.


PAGINA 46

DIARIO

Den Volleyball Escolar di Enseñansa Basico organisa pa IBiSA:

DIAMARS 28 JANUARI 2014

Commandeur Pieter Boer School a clasificapa sector San Nicolaas ORANJESTAD (AAN)--Deporte Escolar ta continua riba calendario di actividad

escolar y a cuminsa cu e competencia di volleyball pa schoolnan di enseñansa

basico. Diamars dia 21 di januari 2014 a tuma lugar den gymzaal di Prinses Christina School e weganan di volleyball pa sector San Nicolaas. Schoolnan cu a participa y a hunga nan weganan tabata, Commandeur Pieter Boer School, Colegio Sagrado Curason y Sint Paulus School. E prome wega tabata entre Commandeur Pieter Boer School y Colegio Sagrado Curason. Den un wega emocionante di ambos banda y cu cada punto bon bringa te na ultimo, e school ganador a resulta Commandeur Pieter Boer School. Den dos set cu scorenan di 25-10 y 25-27, pa un total di 50 punto, Commandeur Pieter Boer School ta clasifica na prome lugar lagando e di dos lugar pa Colegio Sagrado Curason cu ta finalisa cu 27 punto. Di otro banda, for di trempan Sint Paulus School ta yama y cancela su participacion y esaki automaticamente ta haci cu el a ked’afo di e competencia escolar pa sector San Nicolaas. IBiSA ta felicita e schoolnan cu a participa pa sector San Nicolaas y a clasifica, sperando awor clasificacion di otro sectornan pa e competencia final di volleyball nacional. E school ganador den volleyball escolar Enseñansa Basico mucha muher y mucha homber, ta haya e honor pa representa Aruba den e competencia ‘Interinsular 2014’ cu e aña aki ta tuma lugar na isla di Boneiro dianan 21, 22 y 23 di maart proximo.


DIAMARS 28 JANUARI 2014

PAGINA 47

DIARIO

Bunita apertura di campeonato di Aruba Little League

ORANJESTAD (AAN)--Durante e fin di siman yen di actividadnan deportivo y recreativo rond di nos isla, a tuma lugar e apertura di e Campeonato di Baseball di

e organisacion Aruba Little League, na Stadion Crismo Angela / Nadi Croes. Nos por bisa cu e stadion aki tabata practicamente yen y segun e programa a procede na e desfile di e ekiponan riba cancha unda cu un pa un nan tabata cuminda e publico presente na e tribune; siguientemente a pasa

pa e discursonan di bon bini y despues a hasi entrega di un plakaat di reconocemento na Umpire Sr. Hallman pa su dedicacion como Umpire na e deporte di baseball y softball. Ariba e combinacion di potret por aprecia e imagennan di e bunita apertura aki.


PAGINA 48

DIARIO

DIAMARS 28 JANUARI 2014

Bunita apertura di campeonato di Aruba Little League


DIAMARS 28 JANUARI 2014

PAGINA 49

DIARIO

Cu presencia di un gran Publico y Patrocinadornan... SV Britannia ta bautisa nan uniform di LIFIDA...

Video Carnaval 60....Youtube/Aruba Poetstv... Potretnan Carnaval 60....facebook/Poets Show...

SV Britannia Lifida ta bautisa nan uniform cu triple triunfo riba SV Estrella Lifida...

** E pumanan Mini-baby Pico Bello/Bright Bakery/ CMB a gana Estrella cu score di 6-2. E golnan di

Britannia a wordo anota pa Dylan Croes 1x, Diego Croes 3x, Edhjon 1x, y Nayeli Paesch 1x.

** Baby: Britannia Caribbean Bakery Supplies/Bright Bakery/ CMB a gana Estrella 3-1. Goal nan pa Britannia a wordu anota pa Obi Tromp 1x. Jallal Jabahlany 1x y

Jaydrick Oduber 1x. Lifida A: Britannia Pepsi/ Bright Bakery/CMB a gana Estrella 3-1. Goal pa Britannia a wordu anota pa Ackersmans 2x y Dondre A. Palmer 1x.

** Diabierna ultimo na Centro di Bario Piedra Plat a tuma lugar bautiso di e uniform nan di SV Britannia Lifida. E acto di bautiso a ser realiza den un ambiente masha ameno cu cu presencia di un gran cantidad di hungadornan, mayornan y fanaticonan. Pa e ocasion special aki, tabata tin presencia di representante

di cada patrocinador; Mini Baby: Pico Bello. Baby: Caribbean Bakery Supplies. Lifida A: Pepsi. Lifida B: Gatorade. Menor:Cas Bon. Mayor: Fredco. Junior: Cuts ‘n Curves. Damas: Splenda. E aña aki tambe Britannia Lifida a ricibi ayudo di CMB pa por cumpra material di entrenamento y Power FM cu lo yuda den promocion.

Britannia Lifida ta conta durante henter aña cu apoyo di Bright Bakery. Comicion di Britannia Lifida ta gradici tur boluntario cu ta yuda na bienestar di nos hungadornan. Tambe tur mayor cu ta deposita nan confiansa den e organisacion. Y sin lubida tur patrocinador cu a deposita nan confiansa den Britannia Lifida.


PAGINA 50

DIARIO

DIAMARS 28 JANUARI 2014

E momentonan mas bunita na final di Copa Betico Croes.. SV Estrella a dedica “Copa Betico Croes 2014� na Jerwin Giel...

Video Carnaval 60....Youtube/Aruba Poetstv... Potretnan Carnaval 60....facebook/Poets Show...

** SV Estrella ta gana RCA pa medio di pinalty y asina ta titula campeon Copa Betico Croes 2014. Den gran forma nan a celebra esaki cu gran dedicacion na e hoben Jerwin Giel cu ta den hospital pa tratamento di quemo y a haya permiso for di Hospital pa e por a presencia e gran final y a celebra esaki engrande hunto cu su team cu for di Lifida e ta forma parti y a yega di titula campeon na 2006 cu SV Estrella. Siman pasa el a tuma decision pa retira for di futbol. SV Estrella a honra su persona cu e nr 17 pa bida eterno. Despues di wega Jerwin a bai hospital bek pa sigi cu su tratamento. Deseonan di pronto recuperacion pa Jerwin Giel y Pabien


DIAMARS 28 JANUARI 2014

PAGINA 51

DIARIO

Clinica internacional di FINA pa jueznan di synchro tabata un exito tremendo Comentarionan hopi positivo! ORANJESTAD (AAN)--Manera a sali publica siman pasa, Arubaanse Zwembond (AZB) a organisa un clinica internacional pa jueznan di landamento sincroniza na Aruba. E federacion mundial di natacion, FINA, cada tanto tempo ta organisa clinicanan pa e jueznan (“FINA International Synchro Judges’ School”) na diferente lugar na mundo. E biaha aki a dicidi cu Aruba lo ta sede di e evento aki, cu a tuma lugar di 16 te cu 18 di januari den e facilidadnan excelente di Alhambra Conference Center. Durante tres dia y mey di clinica na Aruba, e Jueznan a wordo instrui door di e conocido experto di nivel internacional Ginny Jasontek di Merca, cu por cierto ta un miembro di e Comision Tecnico di Synchro di FINA, y na final mester a hasi un examen. E resultado di examen ta bira conoci aki dos siman, lagando e participantenan pues ainda un poco den tension. Solamente esnan cu pasa e examen cu bon resultado ta wordo permiti pa para

juez na competencianan internacional. Di Aruba 10 persona a participa, y di exterior tabata tin 31 participante. Como parti di e programa, a organisa un anochi socal riba beach, na unda tur participante por a gosa di un bunita bahada di solo y di e playanan bunita di Aruba. E participantenan a elogia Aruba en general pero tambe e tremendo trato cu nan a haya di e hotel caminda nan a keda durante nan estadia (Tamarijn Beach Hotel) y e hendenan di Aru-

ba. E Comite Organizador di e evento, bou coordinacion di Esther Croes y Stella Leslie, a logra hasi un tremendo trabou cu organizacion di e clinica internacional pa jueznan di landamento sincronisa y a demostra un biaha mas cu Aruba por organisa eventonan deportivo internacional di nivel halto cu exito. Un biaha mas AZB kier a gradici Divi Resorts pa nan cooperacion tremendo pa host e evento aki.

E di dos edicion di arubaanse voetbal bond all star game ta na caminda

ORANJESTAD (AAN)--Mientras cu nos ta den e hype di Copa Betico Croes, preparacionnan ta andando pa organisa e di dos edicion di Arubaaanse Voetbal Bond All Star Game. Arubaanse Voetbal Bond (AVB) a wordo funda 29 di januari 1932. Pa celebra e fecha aki AVB ta organisa un All Star Game pa duna bek na e comunidad di futbol door di ofrece un spetaclo di futbol. Esaki ta wordo organisa tur aña ariba 29 di januari. E mihor hungadornan di liga cu paspoort Hulandes lo encontra e mihor hungadornan di liga cu no tin paspoort Hulandes. E coach cu e mihor resultado cu tin paspoort Hulandes lo bira head coach di e Hulandesnan y vice versa. E coachnan cu wordo escogi e aña aki no por ta coach otro aña mirando cu e regla ta bisa cu no mag bai dos aña sigui. E wega ta wordo hunga bao di reglanan normal di AVB. E 20 hungadornan local pa e aña aki ta: Porteronan: Arthur Werleman - RCA Kendrick Dania - Britannia Defensa: Roman “Ale” Aparicio – RCA

Michael “Macaco” Tromp – Bubali Terick Ruiz – Britannia Pancho Croes – Estrella George Tromp – Dakota Raymond Tromp – Dakota

Medio Campo: Steven Rua – RCA Erik Santos – RCA Marlon Andrea – Britannia Annuar Kock – Estrella Sylvester Schwengle – La Fama Carlos B. Quandt – Riverplate Delantero: Maurice Escalona – RCA Ronald Gomez – RCA Marlon Andrea – Britannia Dwayne Raven – Estrella Jean-Polle Tromp – Dakota Michaelangelo Wild – Nacional

Mirando cu ta hungadornan di diferente ekipo esaki lo trece cu ne sigur un ambiente amistoso caminda cu cada hungador lo trece su siguidornan. Pueblo henter ta keda cordialmente invita pa bin presencia e All Star Game diaranson 29 di januari 2013 den Centro Deportivo Guillermo Prospero Trinidad.


PAGINA 52

DIAMARS 28 JANUARI 2014

DIARIO

No menos di 10 hungador Internashonal den Aruba 9Ball Open y Chill Beer ta on Board ORANJESTAD (AAN)--Fin di siman venidero e Mundo di billiard ta completamente den accion ora e mihor hungadornan local topa cu algun burdugo den region. Organisador orguyosamente

ta participa cu “Balashi Chill” a join “Pizza Hut” y “Classic Billiard” como patrocinador nan oficial di Aruba 9Ball Open. Hungador nan Internashonal di Venezuela Luis Miguel

Sanchez cu ta 2 vez medallista di plata Panamericano, entre nan e la perde final Panamericano contra Ditto Acosta na 2002 y Alexander Garcia cu na 2009 a gana Classic 9Ball Open na Aru-

ba. Di hermana Isla Curacao ta “the Conine” Jeffrey Nieuwhuizen Campeon bola-9, “el peligroso Arabe” Salim Kuzi, Steven “Diamond” Ibrahim y Marc Singh.   For di Bonaire nos ruman nan Janiro Chatlein “medallista Panamericano hubenil” Marvin Abdul #1 Rank player, Gilbertson Silberie y Marnix Abdul. Un total di 10 hungador internashonal di caliber lo bataya contra di 50 hungador local. Den un proximo relato nos lo menshona e top-

gun nan local cu ta defende nos bandera, tambe nos kier recorda cu 9 balente damas local lo competi contra otro. Lo tira lot diahuebs anochi pa 7or y damanan lo start di biaha. Aki ta sigi e lista di Dames: Natalie Lin Marcia Chirino Stacey Quandus Ghislayne Kock Debby Odor Lisandra Sanchez Jalitza Trimon Aimee Saladin Rose Hassell


DIAMARS 28 JANUARI 2014

David Ortiz kier contrato di mas aña, of e ta bandona Boston Red Sox

BOSTON: Pitcher surdo Jon Lester a bisa cu e lo ta dispuesto pa acepta menos placa pa e keda hunga cu Boston Red Sox, pero David “Big Papi” Ortiz no kier pa e equipo probecha di dje. Den un entrevista na television cu a pasa na Boston Diadomingo anochi, Ortiz a bisa cu lo ta “tempo bay bay”, si Boston Red Sox no ofrece un

contrato razonable di mas di 1 aña. Ortiz, kende a cumpli 38 na November, ta bisa cu e no sa cuanto mas e kier hunga. E por ta 2 aña, pero e por ta 10 tambe. Locual Ortiz sa si ta cu e no kier tuma cos di aña pa aña ainda. “Manera mi ta sigui bisa hende, esaki ta un negoshi y

tin biaha bo tin cu hasi locual ta mihor pa bo y bo famia”, segun e D.D di Red Sox. “Mientras cu nan ta sigui ofrece mi un trabao y mi sigui hasi locual mi tin cu hasi y e relacion ta sigui crece, mi ta bay keda aki”. “Mi ta spera cu mi no tin cu bay otro caminda”, segun Ortiz.

Arsene Wenger cerca di renova contrato cu Arsenal

LONDON: Arsene Wenger ta bay ta coach di Arsenal pa un di 19 temporada, despues cu e club a bisa Dialuna, cu e ta bay firma un contrato nobo. E Frances kende for di 1996 ta maneha e equipo, tabata nenga di bisa publicamente cu e lo firma atrobe cu Arsenal.

PAGINA 53

DIARIO

Sinembargo hefe ehecutivo Ivan Gazidis a bisa cu esey lo sosode pronto. “Semper nos a sostene Arsene”, segun Gazidis. “Arsene ta bay prolonga su contrato cu nos y na e momento oportuno nos lo anuncia esaki oficialmente”, el a sigui bisa. Cu Arsenal Wenger a gana

3 campeonato di Premier League y 4 FA Cup, pero desde 2005 e equipo no a gana ningun trofeo mas. Arsenal e temporada aki si ta bayendo bon atrobe. E equipo ta na prome lugar di premier League, e ta den Champions League ainda y tambe den FA Cup.

Miami Heat 113, San Antonio Spurs 101

MIAMI: Diadomingo Dwyane Wade a drenta wega for di banki pa prome biaha den 6 aña, pa contribui cu 8 punto y 5 assists den 24 minuut pa Miami Heat. Chris Bosch a anota 24 punto y LeBron James a caba cu 18, pa yuda Heat gana San Antonio Spurs 113-101. Na ningun momento Heat tabata perdi y te hasta nan tabata tin un ventaha di 29 punto na dado momento. Mario Chalmers a contribui cu 16 punto pa Miami, mientras cu Michael Beasley a yuda cu 12, Norris Cole a logra 11 y Ray Allen a keda cu 10. Tim Duncan tabata maximo anotador pa Spurs cu 23 punto, mientras cu Boris Diaw a contribui cu 15, Marco Belinelli a caba cu 12 punto y Tony Parker a anota 11. San Antonio apenas a perde pa di 4 biaha pafo di cas, den 20 wega hunga pafo di cas.

Milwaukee Brewers ta firma Matt Garza pa 4 aña, pa 50 miyon dollar

MILWAUKEE: Despues di bay di acuerdo cu un contrato di 4 aña pa pitcher Matt Garza na balor di 50 miyon dollar, Milwaukee Brewers ta sinti mas mihor di nan staff di pitcheo. Diadomingo Brewers y Garza a completa e acuerdo, cu ta inclui un opcion y bonusnan di prestacion, cu por aumenta e balor di e contrato na 67 miyon dollar den 5 aña. Gerente general di Brewers Doug Melvin a yama Garza un pitcher di cabez di rotacion estableci caba. “Awor cu nos a firma Matt, nos tin mas profundidad”,

segun Melvin. Garza ta bay gana 12.5 miyon dollar pa temporada y por gana 1 miyon mas cada aña, den bonusnan di prestacion. Si e logra cuminza 30 wega e ta haya un bonus di 500,000 dollar y si e tira 190 inning of mas, e ta haya 500,000 dollar mas. Si den e 4 añanan cu bin e cuminza 110 wega, e tira 155 inning na 2017 y e no bay riba lista di esnan lesiona na fin di e temporada ey, e opcion cu tin di 13 miyon dollar pa 2018, lo bira un opcion garantiza.


PAGINA 54

DIAMARS 28 JANUARI 2014

DIARIO

Kevin Garnett y Paul Pierce ta gana den regreso na Boston

BOSTON: Kevin Garnett a horta e bala for di su amigo y a pone e toke final riba un anochi emocional cu un layup cu a yuda e y Paul Pierce bira ganador den an regreso pa Boston. Tur cos a cuminza cu un ovacion grandi di publico den warmup dedica na e dos lidernan di e ultimo equipo di Celtics cu a bira campeon di

NBA y tur cos a caba cu un triunfo di 85-79 di Brooklyn Nets riba Boston Celtics. Esaki despues cu Garnett a horta e bala di Rajon Rondo y a dribble poco poco pa anota un basket faltando 20 seconde di wega Diadomingo anochi. Tanto Pierce como tambe Garnett a anota apenas 6 punto cada un y Pierce a faya

8 di su 10 intentonan di anotacion. Andray Blatche a anota 17 punto y Alan Anderson y Andrei Kirilenko a anota 11 cada un tambe pa Nets, cu a gana pa di 10 biaha den ultimo 11 wega. Brandon Bass tabata maximo anotador pa Celtics cu 17 punto, mientras cu Rondo a caba cu 13 punto, 8 assists y 8 rebounds.

Manny Pacquiao ta bay bringa contra Timothy Bradley na April

BOXEO: Manny Pacquiao ta bay purba tuma revancha riba Timothy Bradley riba 12 di April na MGM Grand garden Arena na Las Vegas. Esaki ta bay ta un ‘rematch’ di e pelea controversial di 2012, ora cu tabata obvio cu Pacquiao a gana, mientras cu e juradonan a duna Bradley e pelea den un ‘split decision’. WBO cu a sanciona e pelea na 2012, despues a hasi un investigacion cu a mustra cu di berdad Pacquiao mester a gana e pelea. E dos hueznan cu a score e pelea 115-113 na fabor di Bradley no ta activo mas

como huez di boxeo. Tanto Duane Ford como tambe C.J Ross a dicidi di baha como huez. Ross a retira bao di hopi critica, ora cu el a score e pelea entre Floyd Mayweather y Canelo Alvarez un empate, siendo cu akinan tambe tabata obvio cu Mayweather a gana. E pelea di April ta garantiza cu Pacquiao ta bay gana 20 miyon dollar, mientras cu Bradley lo haya 6 miyon. Ambos bringador ta haya parti di e entrada di pay-perview.

Carmelo Anthony cu 35 punto Barcelona ta gana Malaga 3-0 y ta bek pa yuda Knicks gana Lakers

na prome lugar

BARCELONA: Barcelona ta bek na prome lugar di La Liga, despues di gana Malaga facilmente 3-0 Diadomingo. Despues cu Atletico Madrid y Real Madrid a gana nan weganan mas trempan den fin di siman, Barcelona a cay te na di tres lugar.

Sinembargo nan a pasa sin problema riba Malaga Diadomingo, pa bolbe na cabez di e campeonato. Barcelona a domina prome mitad di wega y den di 40 minuut Gerard Pique a anota e prome gol di wega. Barcelona a haya mas chens

pa anota, pero keeper di Malaga Willy Caballero a hasi algun bon parada. Sinembargo den e prome 20 minuutnan di di dos mitad di wega, golnan di Pedro (’55) y Alexis Sanchez (’61) a pone e wega for di alcance di Malaga.

NEW YORK: Despues cu Carmelo Anthony a anota 62 punto Diabierna, el a logra anota 35 punto Diadomingo y 4 compañero di equipo a anota por lo menos 13 punto cada un, pa yuda New York Knicks gana Los Angeles Lakers 110-103. “Mi no ta kere cu nan kier a djis wak mi hungando den atake”. “Nan tabata kier ta parti di e accion y nan a hasi esaki”, segun Anthony. Anthony a caba cu dos punto menos cu locual el a anota

den e wega di Diabierna, pero el a logra anota 6 punto consecutivo, lat den wega ora cu Lakers tabata biniendo bek. Raymond Felton a contribui cu 20 punto, nobato Tim hardaway J.R a logra 18 y J.R Smith tambe di Knicks a caba cu 16. New York asina ta gana pa di dos wega consecutivo, despues di a perde e 5 weganan anterior. Tyson Chandler tabata tin un bon anochi pa Knicks, logrando 13 punto y 14 rebounds.


DIAMARS 28 JANUARI 2014

PAGINA 55

DIARIO

Argentina: Gobierno a autoriza compra di dolar segun entrada

Gobierno Argentino a autoriza benta di dolar pa personanan cu tin entrada declara y ta gana por lo menos 900 dolar neto pa luna. Segun medida publica den Boletin Oficial y a splica pa varios funcionario gubernamental, un persona por cumpra hasta 20% di salario pa cumpra dolar. Di otro banda tin un limite di compra di hasta 2.000 dolar pa luna Pa adkiri dolar, euro of cualkier otro moneda, un persona mester pidi un autorizacion di Adminis-

tracion Federal di Ingreso Publico (AFIP), y si nan aproba esaki, nan lo por cumpra divisanan den banconan. Restriccionnan di compra di moneda Mericano a cuminsa fin di 2011 pa motibo di evasion di divisanan. Pero gobierno a anuncia cu desde dialuna, Argentinonan por cumpra divisa, no solamente pa viahenan turistico, sino tambe pa spaar esaki, aunke nan a establece limitenan. Argentinonan a ricibi noticia di reglanan nobo cu un mezcla di duda y malcon-

tento, mientras cu presidente Cristina Fernandez a acusa banco y gruponan economico di maniobranan especulativo contra su pais. Gobierno a denuncia den ultimo dianan cu mercado di cambionan tabata obheto di maniobranan speculativo di companianan grandi cu a haci compras miyonario di divisa acelerando depreciacion di peso. Siman pasa devaluacion mas grandi di moneda local a tuma lugar (un 17% den dos dia) desde crisis di 2002.

Paul McCartney (L) y Ringo Starr a haya aplauso di publico, despues di duna nan presentacion durante Grammy Awards na Los Angeles, California.

Corte Internacional a fiha limite maritimo nobo entre Chile y Peru

Autoridadnan Mexicano a captura lider di cartel na Michoacan Forzanan di Seguridad a captura un di e lidernan di un cartel di droga situa den Estado Mexicano di Michoacan, cual deten-

cion tabata un di e demandanan di un grupo civil di auto-defensa pa entrega armanan y laga proteccion di poblacion den mannan di

Gobierno. Dionisio Loya Plancarte, un di lidernan mas importante di cartel ‘Caballeros Templarios’, a wordo captura dialuna madruga na Michoacan y a wordo traslada pa Ciudad di Mexico, un vocero di fiscal general. Autoridadnan federal a ofrece un recompensa di 30 miyon di peso (2.25 miyon di dolar) pa captura di Loya Plancarte, kende Merca tambe ta busca pa trafico di droga. Militar y polisnan federal di Mexico a wordo desplega den luna di Januari na Michoacan, pa cuminsa controla caos desata pa enfrentamentonan entre Caballeros Templarios y asina yama gruponan “auto-defensa”, cu a resisti ordo di Gobierno pa entrega su armanan.

Corte Internacional di Husticia di Den Haag a fiha un frontera maritimo nobo entre Chile y Peru, den un intento pa soluciona un conflicto bieu cu a causa disputanan diplomatico entre ambos pais den ultimo decada. Corte a mantene sin cambio limite terestre fundamenta pa Chile den un demanda cu nan a presenta contra Peru, seis aña pasa na Den Haag. E veredicto tambe a establece un linea paralelo den lama di 80 miya nautico y a acoge desde punto un linea paralelo te cu zuidwest,

manera a wordo solicita pa Peru. Presidente di Corte Internacional, Peter Tomka, a lesa decision riba expectativa di representantenan di Chile, Peru, abogado y medionan di comunicacion cu asisti Corte di Den Haag. Cada un di e 16 huez mester a dicidi riba tres punto, den un caso cu a cuminsa na 2008. Ambos pais a bisa cu nan lo respeta e decision inapelable, obligatorio y di ehecucion inmediato, aunke su implementacion lo ta gradual y adopta pa ambos pais.


PAGINA 56

Sanger di Papa Juan Pablo II a wordo horta for di un iglesia Italiano

Ladronnan a drenta den un iglesia chikito situa den seronan den oost di Roma y a horta un relicario cu sanger di difunto pontifice Juan Pablo II. Franca Corrieri a bisa cu el a descubri un bentana kibra den horanan di mainta y cu el a yama polis mesora. Na momento cu nan a drenta iglesia di piedra, nan a descubri cu e relicario di oro y cruz a desaparece. Juan Pablo II, cu a muri na 2005, tabata stima seronan di e region di Abruzzo, oost di Roma. El a yega si scapa Vaticano den secreto, pa cana den e area y tabata reza den e iglesia.

E Papa Polaco, cu a dirigi Iglesia Catolico durante 27 aña, lo wordo converti den santo na Mei, loke ta nifica cu su relikianan lo bira mas valioso. Na 2011, ex secretario priva di Juan Pablo II, Cardenal Stanislaw Dziwisz, a duna comunidad di Abruzzo sanger di difunto pontifice como un muestra di amor cu Papa tabata sinti pa e lugar. E sanger tabata den un recipiente di cristal y oro y manteni den un urna den iglesia di San Pietro della Ienca, cerca di ciudad di L’Aquila.

Futuro di Assad ta crea obstaculo den negociacionnan na Siria

Tema central di un gobierno di transicion pa reemplaza presidente Sirio, Bashar al-Assad a crea obstaculonan den cualkier avance di combersacionnan di paz riba dialuna, durante prome reunion dedica riba tema, den un sesion yena cu tension, cu un di su participantenan a califica como “dialogo di sordonan”. Mediador y enviado di Nacionnan Uni, Lajmar Brahimi, a manifesta su

Mas rechazo contra Alvaro Uribe durante su gira na Colombia

Ex presidente Colombiano y candidato di Partido Centro Democratico, Alvaro Uribe a bolbe wordo ricibi cu rechazo riba un plaza publico durante su gira alrededor di e pais, e biaha aki den ciudad di Cucuta, frontera cu Venezuela. Uribe y candidato pa Presidencia pa Centro Democratico, Oscar Ivan Zuluaga, a organiza un evento na Avenida Los Libertadores di Cucuta, na unda nan tabata spera tanto simpatizante como opositornan, kendenan a purba di pasa

DIAMARS 28 JANUARI 2014

DIARIO

circulo di seguridad. Publico tabata grita “Uribe, paraco (paramilitar) pueblo ta harta!” y “Uribe, fascista, bo ta un terorista!”, mientras nan tabata bati weya y expresa su desacuerdo cu mandatario (2002-2010) te cu polis mester a cuminsa kibra e protesta. Segun medionan local, den enfrentamentonan por lo menos tres persona a resulta herida y a wordo atendi den centronan di salud. E tipo di acogida na equipo di campaña ‘Uribista’ tabata constante den ultimo

simannan contra candidatonan di Centro Democratico. Uribe a wordo ricibi cu un ‘yobida’ di tomati putri siman pasa na Soacha, municipio zuid di Bogotá. Uribe, kende a goberna e pais durante ocho aña y ta principal opositor di presidente Juan Manuel Santos, cu tabata su Ministro di Defensa, y a opta pa un asiento den Senado pa encabeza lista di Movimiento politico Centro Democratico.

frustracion riba declaracionnan di ambos parti mientras nan a busca identifica algun temanan menos controversial cu esperanza di alcanza cualkier avance riba mesa di negociacionnan. Pero hasta intentonan mas modesto a fracasa pa logra un caminda pa medidanan pa construi confianza, manera envio di caravanan di ayudo humanitario na ciudad central di Homs y liberacion di detenidonan. Brahimi a declara cu na final di dia, e tabata tin poco pa reporta. “Aki no tin milagro”, Brahimi a agrega cu ambos banda ta mustra cu nan tin boluntad di sigui cu negociacionnan. Un periodista a puntra kico su plannan ta pa crea un brug entre ambos parti, e diplomatico a bisa,

“ideanan, mi ta scuchanan cu hopi placer”. Dialuna e dos delegacion mester a cuminsa discuti asuntonan politico manera futuro di Assad. Aunke incapacidad di tur dos banda pa discuti futuro di Assad tabata previsto, un di e temanan mas importante den combersacionnan na Ginebra, ta pa nan yega un acuerdo riba un gobierno di transicion. Guera civil na Siria a causa hasta 130.000 morto y a desplaza miyonnan for di e pais. Pero Gobierno Sirio a bisa sin duda, cu cualkier discusion riba un gobierno di transicion cu ta exclui Assad ta un “linea cora. Si hende ta kere cu nos a bin pa entrega yabinan di Damasco, nan ta ekiboca”, segun vice Canciyer, Faisal al-Mikdad.

Actor Jude Law a yega Corte Old Bailey na London, pa duna su testimonio den caso contra Rebekah Brooks, ex hefe ehecutivo di News International y otro siete acusado, cu ta acusa di varios cargo relaciona cu tapmento di telefon, pagonan ilegal pa noticia y strobe investigacionnan policial.


DIAMARS 28 JANUARI 2014

PAGINA 57

DIARIO

Di dos cargamento di substancianan kimico a wordo retira for di Siria

E di dos cargamento di substancianan toxico a wordo retira for di Siria, segun mision internacional cu ta elimina armanan kimico di e pais.

E materialnan a wordo verifica prome cu nan a wordo transporta den barconan di Dinamarca y Noruega pa saca nan for di e pais, segun mision di Nacion-

Hombernan arma a mata 22 persona den atake iglesia na Nigeria

nan Uni y Organizacion pa Prohibicion di Armanan Kimico (OPAQ). E mision a informa den un comunicado cu e barconan a wordo escolta pa barconan di China, Dinamarca, Noruega y Rusia. Tres siman pasa, e prome cargamento di kimiconan pa produci gasnan venenoso a wordo saca for di Siria.

Secretario General di Nacionnan Uni, Ban Ki-moon a hari mientras un muher a corta su cabey na Havana, Cuba. Hefe maximo di Nacionnan Uni, Ban Ki-moon, a recore centro historico di Havana, cu un bishita na Centro Nacional di Educacion Sexual (Cenesex) cu ta wordo dirigi pa Mariela Castro, yiu muher di presidente, Raul Castro, y a reuni cu vice presidente Marino Murillo. Esaki ta su prome bishita riba e isla desde cu el a asumi e cargo, e ta un di invitadonan di Asamblea di Comunidad di Estadonan Latinoamericano y Caribeño (Celac).

DAHW lo inverti seis miyon euro den investigacion contra lepra

Un grupo di homber arma y cu explosivonan a mata 22 persona den un iglesia situa den noordoost di Nigeria, den un region na unda secta islam Boko Haram ta resistiendo un campaña militar intenso. E hombernan a detona bomnna y a dispara miembronan di un iglesia catolico situa na Waga Chakawa, den Estado di Adamawa diadomingo mainta, prome cu nan a kima casnan y tuma como rehen residentenan durante un atake di cuatro hora, testigonan a bisa.

Presidente Goodluck Jonathan ta hayando problema pa contene Boko Haram den regionnan rural situa den noordoost di e pais. E secta, cu kier impone ley islam den un pais dividi aproximadamente den parti igual entre cristian y musulmannan, a mata miles di persona den ultimo cuatro aña y mey, y ta wordo considera mayor riesgo pa seguridad di maximo exportador di crudo di Africa y di dos economia mas grandi di continente despues di Sudafrica.

DIARIO Telefon 5826747 / Fax 5828551 Tipline 5822239

Asociacion contra Lepra y Tuberculosis (DAHW) na Alemania a anuncia cu nan lo inverti, hunto cu tres socio, seis miyon euro durante cinco aña den proyectonan di investigacion pa eradica e malesa a largo plazo. “Aunke e malesa mas bieu di mundo ta curable desde mas di 30 aña, actualmente nos no por reduci cifranan”, director ehecutivo di asociacion DAHW, Burkard Kömm a bisa. Alemania ta recorda cada ultimo diadomingo di luna di Januari, personanan afecta pa malesa di lepra, den un evento dedica pa

concientizacion contra e malesa, y specialmente prehuicio, rechazo y exclusion social cu ta consecuencia di e malesa. Actualmente ta existi proyectonan di investigacion na Rusia, Merca y Brasil cu Iniciativa di Investigacion contra Lepra (LRI) kier coordina pa uni recursonan. Ademas, tin posibilidad di un intercambio entre cientificonan participante y apoya otro proyectonan importante pa combate di enfermedad. Otro socionan di proyecto ta asociacion Hulandes, Netherlands Leprosy Re-

lief (NLR), e Mericano, Leprosy Missions (ALM) y Canades, The Leprosy Mission Canada (TLMC). Na 2012, 232 mil 857 persona a contrae lepra, mas di seis mil 200 cu na 2011, loke ta nifica un aumento di 2.75 porciento, y pa 2013 proyeccion ta similar. Mas di 95 porciento di nan a wordo infecta den 16 paisnan den desaroyo mas afecta pa e malesa ta Etiopia, Bangladesh, Brasil, China, Costa Marfil, India, Indonesia, Congo, Madagascar, Myanmar, Nepal, Nigeria, Filipinas, Sudan, Sri Lanza y Tanzania.


PAGINA 58

DIARIO

DIAMARS 28 JANUARI 2014


DIAMARS 28 JANUARI 2014

DIARIO

PAGINA 59


PAGINA 60

DIAMARS 28 JANUARI 2014

DIARIO

Ladron trahando mainta trempan caba riba beach ORANJESTAD (AAN); Un señora hulandes di inicialnan M.S. a presenta na Warda di Polis na Shaba pa 8:20’or di mainta pa entrega denuncia di ladronicia. Segun S. di 22 aña cu pa 5‘or di mainta el a bay lan-

da dilanti Riu Palace Hotel Aruba y el a laga su pertenencia riba beach. Pero ora el a bolbe, el a constata cu su pertenencianan no ta na e lugar mas pa cual el a acudi na warda pa denuncia e robo.

PELUQUERIA ACREDITADA EN PLAYA

Alquila silla de Peluqueria. Informes Tl: 562-5143

TA BUSCA

Labador di auto. Super Carwash Yama 733-9090

OFERTA SPECIAL Bobcat y Truck Haci cura limpi, rosa tereno. Afl.200,- c/truck. pabou di Brug. Cel: 748-0140.

REPAIR

Dryer, wasmachine, frigidaire, cooler, airco, walk-in cooler, walk-in freezer. Cel: 562-1584 / 745-7084.

SANTO Nos tin santo pa pega blokki, pleister, piedra pa mix.

CEL: 560-9494

TA BUSCA

live-in maid pa mas informacion yama 594-1903 di 12 pm pa 4:30 pm


DIAMARS 28 JANUARI 2014

DIARIO

PAGINA 61

Extra Investigacion pa Dos homber busca a wordo haya accidente na Dakota ORANJESTAD(AAN):-Diahuebs tabata tin limpieza andando den Rancho. Durante cu tabata haci e trabounan aki esnan encarga cu limpieza a mira con un homber ta gewoon sali tira un saco afo. A atende cune mesora. Polis tabata acerca den e proceso di limpieza tambe. Asina a bin reconoce caranan cu lo tabata wordo busca relaciona cu asunto di arma etc unda te hasta a core pa polis. Polis a rondona un cas den Ranchostraat y asina a bin topa e cas reparti di masha hopi hoki pa hinca hende aden. Ta manera un cas geprop cu seccion pa huur. Den e cas a bin topa cu dos cara cu sigur un di nan tabata wordo busca pa autoridad y e otro tabata illegal. Ambos mester a bay warda.

Compleho Totolica ta birando un dump clandestino ORANJESTAD(AAN):-Diabierna anochi a sosode un accidente den Dakota. Polis a wordo manda pasobra auto a dal den Stadionweg. Polisnan a pasa den Stadionweg pero no a topa cu e desgracia. Despues a drenta informacion cu e accidente ta banda di e supermercado chines pega cu Stadion. Polis

a bai na e lugar y ta topa cu dos auto cu tabata tin basta daño. Aki un di nan a subi caminda sin duna preferencia. Un pickup y un SUV tabata envolvi. Mirando e tipo di accidente y tambe e declaracionnan tabata importante pa e hefe specialista di trafico tambe bin duna un man cu e investigacion.

BibaÊcadaÊmomento

Gradicimento / Invitacion Famia Urbaez y demas famia kier a gradici tur esnan cu a mustra nan atencion durante enfermedad, fayecimento y entiero di nos defunto stima:

Delmira Urbaez Un danki di curason ta bai na Dr. Horacio Oduber Hospital na piso 3 camber 383 pa nan cuido y pasenshi y amor y un danki na wit gele kruis y tur e dokternan cu a atende y su dokter di cas Dr Heinze y un danki tambe na su masajista Rudy Carti. Na tur amigo, bisiña y conocir cu a manda msg, yama, manda kaarchi of telegraf masha danki pa e palabranan di Consuelo. Alavez nos kier a invita pa 1 santa sacrificio di misa pa recorda fayecimento di Rafael Urbaez y pa descanso di alma di Delmira Urbaez na Pro Cathedral na Oranjestad pa 7’or di anochi. Boso presencia ta altamente aprecia Bernhardstraat 134-136 - San Nicolas - Tel 584 8888 Avenida E.J. ÒWattyÓ Vos 44 - Oranjestad - Tel 5820000 theolivetreefuneralhome@gmail.com www.theolivetreefuneralhome.com

ORANJESTAD (AAN): ---Ya ta bon conoci cu e proyecto Totolica na Tanki Flip a laga un sabor hopi amargo cerca hopi hende, especialmente esnan cu a kere den e proyecto aki cu a para caba na nada. Awor pa colmo e lugar aki ta birando un dump clandestino. E habitantenan di Tanki Flip kier haci un peticion na City Inspector pa pasa tira un bista y haci algo pa cu e dump illegal aki no sigui crece y bira mas grandi. Tin papia cu FFCA kier tuma e proyecto aki over, pero esey tampoco lo wordo aproba pa e habitantenan cu ta biba eybanda ya cu nos tur sa kico ta pasa caminda cu bin casnan di pueblo. E bario di Tanki Flip ta conoci como uno hopi trankilo y cu hendenan hopi amical.


PAGINA 62

DIAMARS 28 JANUARI 2014

DIARIO

Maria Sanisterra a wordo sorprendi pa su cumplea単o

3D movies presented by

Valid till January 29

*matinee: sat & sun | **late show: fri & sat AT RENAISSANCE AT PASEO HERENCIA

12 YEARS A SLAVE daily: 5:15 8:15 late show: 11:15 MEES KEES OP KAMP matinee: 12:001:45/ 3:30 late show: DELIVERY MEN daily: 4:00 6:45 9:15 matinee: 1:00 late show: 11:45 JACK RYAN: SHADOW RECRUIT daily: 4:00 6:30 9:00 matinee: 1:00 late show: 11:30 AMERICAN HUSTLE daily: 4:30 7:45 late show: 11:15 THE NUT JOB daily: 4:30 matinee: 12:00 2:15 THE WOLF OF WALL STREET daily: 7:00 matinee: late show: 11:00 FROZEN IN 2D daily: 5:15 matinee: 12:00 2:45 SAVING MR: BANKS daily: 8:00 late show: 11:00 WALKING WITH DINOSAURS IN 2D daily: matinee: 12:15 2:30

12 YEARS A SLAVE daily: 5:30 8:30 late show: 11:30 MEES KEES OP KAMP matinee: 2:00 3:45 late show: DELIVERY MEN daily: 6:00 8:45 matinee: 3:00 late show: 12:00 JACK RYAN: SHADOW RECRUIT daily: 5:45 8:45 matinee: 2:45 late show: 11:45 AMERICAN HUSTLE daily: 5:15 8:15 late show: 11:30 THE NUT JOB daily: 4:45 7:00 matinee: 2:00 THE WOLF OF WALL STREET daily: 7:15 matinee: 3:00 late show: 11:15 FROZEN IN 2D daily: matinee: 2:30 PARANORMAL ACTIVITY: THE MARKED ONES daily: 9:15 late show: 11:45 = subtitulos en Espa単ol

NEW RELEASES

BUY YOUR TICKET ONLINE AT WWW.CINEMAS.AW

ORANJESTAD (AAN): ---Relaciona cu su cumplea単o Maria Sanisterra a wordo sorprendi na Wayaca caminda cu Mariachi Lirios Del Campo a deleita tur invitado. Esaki a wordo celebra cu su mama Anna, tata Carlos, rumannan Jessica Alejandra, Maria Jose, su yiu Michella Diana y Michael Steven. DIARIO ta manda pabien pa Maria y ta desea bo hopi a単a mas di bida y salud.


DIAMARS 28 JANUARI 2014

DIARIO

PAGINA 63

Vanessa Almarante a celebra su 18 a単a

God really gave us a wonderfull gift when He gave us You. You are one of His good and perfect gifts and we Love you so much. Today we Celebrate You! Happy 2nd Birthday Tuti,God Bless You with many more years,with health and wisdom.. Love U Deevah :) With Love Mami & Papi.

ORANJESTAD (AAN): -- Na Jeugd Centrum Tanki Leendert, rondona pa su mama Vivian y Jose, su amigo Kevin, demas famia y invitado, a celebra su edad di rijbewijs Vanessa Almarante. DIARIO ta manda pabien pa Vanessa y ta desea bo hopi a単a mas di bida y salud.


PAGINA 64

DIARIO

DIAMARS 28 JANUARI 2014


0491rio