Eit innhaldsrikt 2023

Året 2023 har så vidt byrja og vi har arbeidsoppgåver som er enkle å handtera, og oppgåver som er utruleg ressurskrevjande. Vi skal utvikle ei foreining som ivaretar fagfeltet og viktige samfunnsoppdrag.

Det var kjekt å vera del av eit spennande år 2022. Foreininga har tilpassa seg nye krav ved å vera organisert i Unio, og det er godt å kjenna at Tannpleierforeininga er på rett plass i organisasjonslivet.

Styret og tilsette har jobba seg gjennom året, erfart, lært og kjent på auka krav til NTpF samanlikna med forventningar som var tidlegare. Det er mykje å læra og mange nye områder organisasjonen må innretta seg på. Det er blant anna fleire stader der NTpF skal vera representert, oppbygginga av organisasjonen er endra og det er auka forventingar om innspel til ulike høyringar, opplæring av tillitsvalte og meir. Dette er oppgåver som gjer oss sterkare som organisasjon.

I 2023 ventar nye utfordringar. Internt i NTpF blir landsmøte og val av nytt styre og styreleiar, og val av nye satsingsområde, stor og viktig sak. Det er inspirerande å høyra at valkomitéen har hatt god tilgang på aktuelle kandidatar til styret. Det visar auka engasjement i foreininga, lyst til å vera med å påverka og jobba for vidare utvikling av organisasjonen og yrkesgruppa. Det gleda meg.

I forkant av landsmøtet, arrangerer NTpF Fagkonferansen 2023 i samarbeid med avd Trøndelag. Lokalavdelinga har gitt gode innspel til tema og foredragsholdar. Det er flott å sjå kor mange tannpleiarar og fleire med vidareutdanning, som pregar samansettinga av fagprogrammet i år! NTpF er stolt over å kunna presentera eit variert program med tannpleiarar som formidlar tema frå sine ulike arbeidsfelt. Det speglar mangfaldet og moglegheiter tannpleiarane har i yrkeslivet.

Eksternt blir året prega av at munnhelse er sett på politisk dagsorden, og det vidare arbeidet i Tannhelseutvalet. Helsepersonellkommisjonen sin innstilling blir offentleggjort, vi får ny Folkehelsemelding, det blir jobba med Profesjonsmeldinga.

NTpF ser fram til at Helsepersonellkommisjonen har vurdert spesielt foreininga sin argumentasjon om behovet for fleire tannpleiarar i dag og framover, med utgangspunkt i demografi og WHO sin strategi på oral helse.

Som de ser av årets første fagblad, så har Tannstikka har fått ny redaktør. Det blir spennande med nye tankar når det gjeld både innhald og layout av bladet, og Tannpleierforeininga ser fram til det vidare samarbeidet med redaktør Lily Kalvø!

Til våren ses vi til stor samling og landsmøte i Trondheim. I mellomtida ønskjer eg dykk ein fin vinter og god skisesong!

Med venleg helsing