Hafsteinn Snær Þorsteinsson

Hæ, ég heiti Hafsteinn Snær Þorsteinsson. Fæddur í Reykjavík árið 1998 og alinn upp í Breiðholti þar sem ég hef búið alla mína tíð.

Ég hef alltaf haft mikinn áhuga á öllu sem tengist listum á einhvern hátt og öllu sjónrænu, eins og t.d. ljósmyndun, tónlist, leikhúsi og myndlist.

Ég byrjaði að taka ljósmyndir árið 2012. Það voru aðallega bara hlutir í kringum mig sem mér fannst ekki svo merkilegir, sem urðu viðfangsefnin, en mig langaði að gera þá að einhverju meiru þannig ég byrjaði að taka myndir af þeim sem þróaðist út í það að vilja fara í ljósmyndanám.

Ég byrjaði á námi í Borgarholtsskóla. Þar var ég á sérnámsbraut og lærði allt það bóklega sem ég náði ekki að klára í grunnskóla og samhliða því var ég í leiklistar-, tónlistar- og myndlistartímum.

Eftir Borgarholtsskóla fór ég svo í Tækniskólann í grunnnám fyrir ljósmyndun og þar lærði ég helstu undirstöðuatriði í bókbandi, ljósmyndun og grafískri miðlun.

Svo kláraði ég það og endaði á sérsviði í ljósmyndun og lauk því námi með það í huga að fara í grafíska miðlun. Hér er ég svo í dag að útskrifast með bekkjarfélögum mínum, en það er ótrúlegt að hugsa til baka, rifja upp alls konar skemmtilegar minningar sem hafa skapast á þessum tíma og hlakka til að búa til fleiri minningar eftir útskrift.

Ég vil þakka foreldrum mínum og öllum kennurunum og vinum mínum sem hafa hjálpað mér að komast á þennan stað sem ég er kominn á.