La Surselva, ina tenda da fiasta

Dalla fiasta dil marcau da Glion via Rock Sedrun alla buorsa da cristallas a Mustér entochen alla fiasta dil vitg da Falera. Sursilvanas e Surslivans ha giu ina gronda schelta d’occurrenzas e da sedivertir la fin dalla jamna vargada

ANDREAS CADONAU, FMR

Ils amitgs dalla cristalla ein serendi la sonda e dumengia vargada a Mustér nua che la Uniun Cristallina ha organisau la 59avla buorsa da cristallas. Duront dus dis han 72 exposituras ed expositurs derivonts dall’entira Svizra presentau e handlegiau cristallas che astgan tenor reglament d’exposiziun bein vegnir tagliadas, denton buca preparadas tecnicamein ed elavuradas a fittament. L’aura empaumalguessadallafindallajamnaha forsa plitost carmalau hosps ella halla Cons a Mustér che ad ina occurrenza sut tschiel aviert. Sco per exempel al festival da musica Rock Sedrun nua ch’igl ei reussiu als organisaturs ina ga dapli da metter en pei in program da musica interessant ed divertent.

Fiasta dil marcau e fiasta dil vitg Tgi ch’ei sper il program da musica, la buorsa da cristallas ni eventualmein la premiera da teater dalla «Fausta piuniera» aunc buca staus cuntentaus dil tuttafatg,eiserendiusilvendergisseraelasonda alla fiasta dil marcau da Glion. Era quei ina fiasta cun ina certa tradiziun ch’ei sepresentada cun la purschida usitada d’ustrias, fiera e divertiment. La gliesta dallas purschidas e participonts ei sco adina stada liunga alla 28avla fiasta dil marcau da Glion.

E fiasta ha era la populaziun dil vitg da Falera fatg la sonda vargada e quei da cuminonza cun ils hosps da vacanzas. Il vendergis e la sonda vargada ha segiramein negin stuiu ver liung’uriala en Surselva.