puisi -puisi i putu pradnyana anggara

Udaya Giri

Rikala semeng... Suryané mangendag Saking udayaning Giri Mijil manyunarin jagat sami Katon Giriné agung kasinarin tejan sang Surya Swabawané tan patandingan Genah amertha sekalané

Panca Maha Bhuta ring jagat ten sios Ring tattwa kasurat Giri mawak suci

Genah patapan Hyang Suksma manunggil Masamadhi ngunda kasukerthaning bumi Niku karana...

Patut raksa lestariang Jalaran sastra agamané luih Mayasa kérti ngupapira kahayuan jagaté yukti

Ngasatang

Asat...

Aking... Kawéntenan alas, tegal lan umané Nyangsan karegreg wiakti Saksat telaga sayang kirangan toya Guminé sané tis ngamanesin Matiosan yukti... Doh tios kadi aab jagat nguni Pangapti wantah asiki Éling ring raga ten tios Mangda setata asih ring pertiwi Pamucuk jagat Bali sané sayangang

Mapadu Nunggal

Adat...

Seni...

Tradisi lan Agamané Nunggil tuhu tan kapasah

Luih...

Agung... Ngulangunin... Ngangobin ring pikayun sang ngaton

Ngiring samaton... Niku raksa nika ajegang Saksat jiwatmané Mawastu Baliné maurip wiakti

Sampunang ampah-campah Yening iku rusak... Yening iku sirna... Kali sangara kapangguh yukti

I Putu Pradnyana Anggara

embas ring Kuta, 4 Juli 2000. Magenah ring Tibubeneng, Badung