Takipsilim

POR TFO L IO.

Takipsilim

/ˈtɐ:kɪp-sɪ'lɪm/

Panahon pagkatapos lumubog araw at nagsisimula nang dumilim.

Ipinasa nina:

ALIPANTE, John Paul DELA CERNA, Jethro David PRADO, Bonn Gian Margarette R A I , Princess Pravika Ipinasa kay: G. Khen Nemuel Lacaba

5/13/2021

PROLOGO Alipante Pag sapit ng dapithapon, kadiliman ay matatanaw. Tila buhay lulubog lilitaw ngunit sa bawat pag dilim ay may bagong kinabukasang aasahan. Ang Filipino sa piling larangan; isang pagsubok na kailangan lampasan upang humakbang papalapit sa kinabukasan.

Dela Cerna Nang patapos na ang liwanag, patapos narin ang laban. Ang mga kamay na nagtrabaho sa pangangailangan, paang inilakad sa matinik na kapatagan, at utak na nagdala sakanyang kasikatan. Masdan ang mga gawain ng mga Pilipino na naiwagayway ang sariling a'tin.

Abangan ang kapanganakan ng lahing naghatid ng tagumpay sa isang simpleng bayan .

Prado

Kung pag-aasa'y lulubog sa kawalan, At babalutin ng takipsilim ang iyong nararamdaman, Kumapit sa ilusyon ng isang hangal, Matatagpuan ang wagas na pagmamahal.

Rai Sa bawat araw ay mayroong bagong nakakamtan, at ang dibuho ng maykapal ay laging nasisilayan. Ngunit sa paglubog ng araw ay magsisimula nang tumahimik ang paligid, ang bawat isa'y nagsisimula nang magbulay-bulay at magmasid. Saksihan ang pag gunita sa bawat obrang mga nagawa sa asignaturang Filipino sa Piling Larangan: Akademiko.

Takipsilim, ang paglubog ng araw at ang pagsikat ng buwan .

NAMALALIN

agm gn naalaT

05 MGA SULATIN MGA PANGKATANG 10 GAWAIN 21 MGA TALUMPATI 31 EPILOGO 32 RUBRIK 33 SARILING BIONOTE

Mga

SULATIN

Bionote

Carlo Acutis

Ipinanganak noong Mayo 3, 1991 sa London, si Carlo Acutis ay kinikilala bilang isang modernong santo. Siya ay magaling sa "computer programming." Sa pamamagitan nito ay kanyang inilathala ang mga himala na nangyari sa buong mundo. Sa kasamaang palad ay namatay siyang lumalaban sa leukemia noong Oktubre 12, 2006. Kinilala siya bilang "servant of God" noong 2013. Pag sapit ng Oktubre 10, 2020 si Carlo Acutis ay kinilala na bilang isang ganap na santo. Dahil sa kanyang debosyon sa simbahan, siya ay nagsisilbi bilang isang inspirasyon sa bagong henerasyon ng mga kristyano

- ALIPANTE

Lea Salonga

Siya si Maria Lea Carmen Imutan Salonga o mas kilala sa pangalang Lea Salonga. Ipinanganak noong Pebrero, ika-22, taong 1971. Kilala siya bilang isang sikat na aktres at mangaawit sa larangan ng teatro. Isa sa mga sikat niyang proyekto ay ang musikal na Miss Saigon.

Si Kim ang ginanap niyang tauhan. Dito, nakamit niya ang mga parangal na tulad ng Laurence Olivier Award, Gawad Tony, Drama Desk Award, Outer Critics Circle Award, at Theatre World Award.

Kilala rin siya bilang Eponine at Fantine ng Les Miserables. Siya rin ang nagbigay buhay sa mga prinsesa ng Disney na sina Jasmine mula sa Aladdin at Fa Mulan mula sa Mulan. Dahil dito, nabigyan siya ng pangalan na “Disney Legend”.

- DELA CERNA

Lea Salonga

Si Maria Lea Carmen Imutan Salonga ay isang Pilipinang magaling umawit at aktres. Umawit din siya sa kilalang Disney Movie na Aladdin at Mulan. Bilang isang magiting na mang-aawit sa dyanrang Broadway, nakuha siya bilang bida sa musical play na Miss Saigon at, siya din ang unang Asyanong aktres na gumanap bilang Eponine at Fantine sa musical na Les Miserables.

Lingid sa inyong kaalaman, bukod sa mahilig kumanta si Salonga, kinahihiligan din pala nito ang video games! Noong ika-15 ng Oktubre, 2010, itinalaga naman siya bilang Goodwill Ambassador para sa Food and Agriculture Organization of the United Nations. Dahil sa angking galing niya sa pagkanta at talino, siya ay sumikat ng husto at madaming humahanga sakanya ngayon.

- Prado

Nora Aunor

Si Nora Cabaltera Villamayor, o mas kilala sa pangalang Nora Aunor ay isang aktres at mang-aawit. Sa edad na 67, siya ay kasalukuyang bumibida sa palabas na “Bilangin ang Bituin sa Langit,” sa GMA. Magmula sa kanyang pagsikat matapos ang pagkapanalo sa “Tawag ng Tanghalan” noong 1967, siya ngayon ay mayroong 196 na parangal mula sa iba’t ibang mga gawaran. Isa sa kanyang mga pinagbidahang pelikula na pinamagatang “Himala” noong 1982, kung saan ang kanyang linyang “Walang himala! Ang himala ay nasa puso ng tao! Nasa puso nating lahat!” ay sumikat, ay nagkamit ng 18 na parangal at 12 nominasyon sa mga gawarang lokal at pangibang bansa.

Inihanay bilang isa sa mga prominenteng Bikolano, mahilig siyang kumain ng mga putaheng may gata at mga maanghang na ulam. Ngayong 2021 ay pinaplanong buksan ang isang restaurant na kung saan ay itatampok ang kanyang mga memorabilia at ibang mga parangal. Kilala siya hindi lamang dito sa Pilipinas ngunit sa ibang bansa rin. Dahil sa kanyang katanyagan at mga parangal na natanggap ay tinagurian siyang Philippine cinema's "Superstar".

- Rai

mga pangkatang gawain PANUKALANG PROYEKTO / ADYENDA / KATITIKAN NG PULONG

Panukalang

Proyekto

Pahina 1

Panukalang

Proyekto

Pahina 2

Panukalang

Proyekto

Pahina 3

Panukalang

Proyekto

Pahina 4

Panukalang

Proyekto

Pahina 5

Adyenda ng

PAGPUPULONG

Pahina 1

Katitikan ng

PULONG

Pahina 1

Katitikan ng

PULONG

Pahina 2

Katitikan ng

PULONG

Pahina 3

Katitikan ng

PULONG

Pahina 3

mga talumpati ALIPANTE / DELA CERNA / PRADO / RAI

:

Baybayin Baybayin ang nakaraan Ni John Paul Alipante

“Ang pagkakakilanlan ng isang subkulturang pangkat ay hindi mabubuo ng walang impluwensa ng sariling lehitimong etnisidad.” Noong 3400BC, ang pag gamit ng simbolo ay inilunsad ng mga Sumerian upang maihayag ang kanilang kapaligiran. Nag mula sa lumang ingles na salitang “writan” na nangangahulugang magsulat, ang pagsusulat ay ang abilidad upang gumuhit ng makahulugang mga salita.

Ang Sistema ng pagsusulat ay hindi kailanman mananakaw sa isang nasyon sapagkat ito ay sariling kanila na kung saan inirerepresenta nito ang pagka unlad ng isang bayan. Ang Baybayin ay isa sa mga sariling kasulatan ng bansang Pilipinas na nabubuhay bago sakupin ng mga Espanyol. Ang Baybayin ay nangangahulugan na pagbaybay ng mga salita.

Ngunit noong 1914, mayroong hindi pagkakaunawa ukol sa Baybayin sapagkat tinawag ng isang propesor na nagngangalang Paul Versoza ang Baybayin na Alibata. Ang maling kuro-kuro ay tila aktibo pa rin sa kasalukuyan.

Bilang spiker ay nais kong ipahiwatig ang katotohanan upang maliwanagan ang mga nais makinig ng sa gayon ay mabawasan ang pagkakalito ukol sa nasabing paksa.

Ang Baybayin ay ang orihinal na sulatin ng katagalugan.

Ito’y nagbibigay karangalan sa bansa sapagkat ang metodolohiya ng paglathala nito ay katangi-tangi at para sa mga Pilipino lamang. Ito ay tila isang nasyunal na kayamanan sapagkat ang Baybayin ay sumisimbolo sa Pilipinas at ang orihinalidad ng ating mga ninuno ukol sa pag gawa ng sinaunang sulatin.

Pahina 1

:

Baybayin Baybayin ang nakaraan Ni John Paul Alipante

Sa ating henerasyon ay tila wala ng pag papahalaga sa sariling bayan sapagkat simpleng baybayin lamang ay hindi mawari ngunit ang pagtangkilik sa mga pandayuhan ay hindi maiwasan. Walang mali sa pag tangkilik sa mga pandayuhang kultura ngunit kung ang sariling atin ay binabalewala hanggang sa mawala, sabi nga ni Dr. Jose Rizal “mas masahol ka pa sa malansang isda.”

Ang pag-tanggal sa assignaturang Filipino sa kolehiyo ay hindi kaaya-aya sapagkat nagmumungkahi ito ng pagbawas o pagkawala ng pagiging Makabayan.

Sa aking suhestiyon ay nais kong ibalik ang Baybayin sa assignaturang Filipino ng sa gayon ay maliwanagan ang mga estudyante na siyang pag-asa ng ating bayan. Sila ang susunod na henerasyon na magpapatuloy sa kung gaano kahalaga ang ating sariling kultura na siyang ipinaglaban ng ating mga ninuno. Ang tamang pagbigay impormasyon ay esensyal upang mabawasan ang mga maling kuro-kuro at kalituhan ukol sa baybayin. Katulad ng bansang Japan, ang sariling atin ay dapat tangkilikin upang hindi tuluyang mawala ang ating kultura at pagkakakilanlan bilang Pilipino. Sabi nga ng ating pambansang bayani, “Ang hindi marunong lumingon sa pinangalingan ay hindi makakarating sa paroroonan.”

Pahina 2

Kakayanin hanggang dulo Ni Jethro Dela Cerna Nagsisimula lahat sa pagpasok ng silid aralan, pagupo sa upuan na inilaan at pagkinig sa gurong nagsasalita sa harapan. Ito ang simula ng pagbuo ng mga estudyante sa kanilang sarili. Ang guro ay magtuturo ng mga aralin para may matutunan ang mga bata. Ang mga bata ay mag-aaral upang makapasa sa ibibigay na gawain at pagsusulit ng kanilang mga guro. At ang mga pagsusulit at gawain na ito ay tatatak sa mga estudyante at dadalhin nila ito sa bawat antas na kanilang itataas. Ito ang buhay ng isang estudyante.

Kamakailan, dumaan sa malaking problema ang buong mundo. Ang pagdating ng isang pandemya ay gumugol sa buhay ng iba’t ibang tao kasama narin ang mga estudyante. Kahapon pumapasok lamang sila sa kanilang silid aralan at nagaaral, ngayon nakaharap sa computer at nagta-type ng kanilang gawain. Malaking pagbabago ito sa mga estudyante sapagkat noong wala pang pandemya, hindi lahat ay nakakapagaral o may kakayahan magaral sa isang silid aralan. Ngayon na kinakailangan ng cellphone, computer, tablet para makapagaral, hindi kinakainda ng lahat ang magaral.

Subalit may mga tao parin na gumawa ng paraan upang matugunan lang ang hirap na nararanasan. Nang makakuha ng laptop o tablet na gagamitin upang makapagaral, hindi dito natapos ang problema na pwedeng maranasan ng isang estudyante. Noong June 18, 2020 nabalita ang isang Grade 9 student na nag-suicide dahil sa ‘pressure’ ng online classes (Escosio, 2020). Laking gulat ng lahat, lalo na ang mga matatanda, na ibang klase ang dulot ng online classes sa mga estudyante ngayon. Hindi nila inaasahan na pupwede parin palang mangyari ang gantong sitwasyon kahit sila ay nasa bahay na lamang kasama ang kanilang pamilya. Nang dumating ang online classes, mas lumaganap ang sakit na Depression. Tumaas ang statistika nito sa punto na kinakailangan na itong aksyunan sa pamamagitan ng pagpost ng mga mensahe na “Kaya niyo yan! Laban lang!” sa mga social media platforms.

Pahina 1

Kakayanin hanggang dulo Ni Jethro Dela Cerna

Lumaganap ang mga mensahe na ito at ang resulta nito ay ang pagbuo ng mga organisasyon na gustong tumulong sa mga estudyante na dumadaan sa gantong karanasan. Sabi nga nila, “sino sino pa ba ang magtutulungan kung hindi tayo tayo lang rin naman”. Base sa nasabing pinakamalaking problema ng mga estudyante ngayon, hindi natin ito masosolusyunan kung hindi tayo magtutulungan. Alam naman natin na may mga estudyante na kahit online class na lamang ay natatamad parin magaral. Hindi naman lahat ay pare-parehas ng mga problemang pinagdadaanan. Malay ba natin kung ano ang pinagdadaanan ng isang estudyante na iyon. Basta ang saatin ay dapat tumugon tayo sa mga kailangan natin gawin upang tayo ay makatawid sa huling linya.

Malapit na matapos ang school year 2020-2021. Lahat ay may pinagdaanang problema na mapapaisip ka nalang kung “kaya ko pa ba ito?”. Ang mga katagang “Ayaw ko na, gusto ko nalang maglaho” ay dumadaan saating isipan pero hindi mo ba nakikita ang iyong sarili na umabot ka sa puntong ito? Hindi mo ba napapansin na patapos na ang laban?

Ginagawa mo nalang ang mga huling gawain at pagkatapos non ay makakapagpahinga ka na at magagawa mo na ang mga gusto mong gawin? Hindi mo rin ba napapansin na ang pagbili ng pagkamahal mahal na cellphone, tablet o laptop ay napunta sa magandang resulta? Mahaba-haba ang iyong naranasan pero hindi ka sumuko kasi alam mong may katapusan. Hindi ka nagiisa sa laban mo. Marami ang lumaban sa giyera ng magisa at marami rin ang lumaban nang may kasama. Marami ang natutuwa dahil ikaw ay lumaban. Marami ang masaya dahil natapos nila ang laban.

Ipagmalaki mo ang sarili mo hindi lamang sa iba pero sa sarili mo rin. Sabihin mo na “Tapos na ang laban, Salamat sa lakas na ipinamalas mo sa iba”.

Pahina 2

Polusyon

Ni Bonn Gian Margarette Prado

Ang Polusyon sa hangin ay isang pangunahing prolema na kinakaharap ng ating lipunan. Ito ay labis na nakakasama sa bawat buhay ng mga nilalang sa mundo. Isipin mo, isang araw maglalakad ka lang sa labas ng bahay mo ay kinakailangan mo pa magsuot ng mask. O kaya naman hindi mo na maaring buksan ang mga bintana sa iyong tahanan sa araw ng tag-init. O mas malala pa, isipin mo nakadungaw ka sa iyong bintana at wala ka ng makitang anumang uri ng buhat kung saan namatay na ang ating ecosystem dahil sa acid rain at sa iba pang mga kemikal katulad ng nakakalason na Sulfur. Ang ilan sa mga ideyang ito ay maaaring maging isang katotohanan kung ang isang solusyon ay hindi ginawa tungkol sa problemang ito, kung saan, sa aking palagay ay higit na mas seryoso kaysa sa mga giyera na nangyari sa mundong ito ngayon. Sa katunayan, nangyari na ito dati sa Shanghai, China na ang kanilang kapaligiran ay lumubha nang labis ang kalagayan, na dumating sa puntong kailangan na nilang magsuot ng face masks sa araw-araw. Katulad ng nangyayari saatin ngayon.

Isa sa mga pinaka pangkaraniwang sanhi ng Polusyon ay galing sa usok. Maaaring ito ay mula sa pinakasimpleng mga gawain tulad ng pagsusunog ng iyong basurahan o sa mga pagawaan nanaglalabas ng mapangabnib na usok kung minsan ay pinupunan ng mga mapanganib na kemikal at ito ay napakadelikado sa ating ozone layer

Pahina 1

Polusyon

Ni Bonn Gian Margarette Prado

Pag sinabi ng mga tao, "Lalabas ako para lumanghap ng sariwang hangin.", hindi na ito magiging posible sa karamihan ng mga lungsod o sa Maynila. Ang hangin na kanilang nalanghap ay maaaring maging puno ng mga kemikal at lason na nakakapinsala sa kalusugan ng tao at maaaring maging sanhi na maging mas madaling kapitan sa mga problema sa paghinga, impeksyon sa baga, cancer, at maging ang kamatayan sa pangmatagalan. Ang polusyon sa hangin ay sanhi din ng pag-init ng mundo na mabilis na nagbabago sa klima ng mundo sanhi ng pagnipis sa mapanganib na ultraviolet rays.

Ngunit, ano ang magagawa natin tungkol sa tumataas na problemang ito? Sa gayon, una at pinakamahalaga, kailangan nating sumang-ayon na ito ay isang pangunahing isyu sa mundo at may kailangang gawin tungkol dito ngayon! Hindi sa oras ng dalawampu't tatlumpung taon kung kailan magiging huli na upang magbago. Pangalawa, kailangan nating ipaalam sa buong populasyon ng mundo ang tungkol sa mga epekto ng populasyon ng hangin sa planeta, at kung ano ang magagawa nila upang matulungan ang kanilang sarili at ang ating planeta. Kailangan nating magsakripisyo upang magawa ang trabahong ito at aanihin at maranasan natin ang mga benepisyo kapwa sa mahaba at sa maikling panahon. Gaya ng sabi ni Winston Churchill, "There is nothing wrong with change if it is in the right direction.", Para magtagumpay ang lahat; Kailangan nating maniwala at mapalakas ang disiplina sa ating sarili dahil ang pagbabago ay dapat magmula sa loob, mula sa bawat isa sa atin.

Pahina 2

Pressure? Pres(Sure)!

Ni Princess Pravika Rai Ilarawan ito sa iyong isip. Araw ng bigayan ng report card. Kinakabahan ka, ang mga katagang “Ano kaya ang aking marka ngayong semestre? Sana hindi magalit sina mama. Hindi ako pwedeng bumaba ngayon, kailangan kong makasama sa mga may honors ngayong semestre” ang paulit ulit na sinasabi mo sa iyong sarili. Ngunit, bakit mo nga ba ginagawa to? Ano bang magagawa nito sa iyo?

Pressure. Iyan ang isa sa mga problema nating mga kabataan ngayon. Gaano kahirap nga ba ang maging “pressured”? Ang pressure ay isang pakiramdam na kung saan ang isang tao ay nakadarama ng stress dahil sa pangangailangan nitong makapagkamit ng isang bagay o layunin. Sa mga kabataan, ito ay nagiging sanhi ng kalungkutan, depresyon, at ang iba ay nagpapakamatay. Sa panahon ngayon, hindi lamang ang mga magulang ang siyang dahilan ng pagkadama ng pressure, ayon sa isang pagaaral, ito rin ay dulot ng self-perception at ngayong online class, isa rin ang kakulangan sa oras. Kaya naman dahil sa pressure na ating nararamdaman, bagkus na tayo’y umangat, ay mas lalo tayong bumabagsak.

Bilang isang estudyante at nag-iisang anak, simula sa magulang ko hanggang sa aking mga kamag-anak, ang pressure sa akin ay napakabigat. Lahat ng mga mata ay nakatingin sa akin. Mataas ang ekspektasyon sa akin ng mga kapamilya ko, lalo na’t ako ay mayroong karangalan.

Inaasahang maging magaling ako sa klase at sa pakikisalamuha.

Pahina 1

Pressure? Pres(Sure)!

Ni Princess Pravika Rai Hindi ito madali, lalo na kapag nagkakaroon ako ng problema sa paaralan o di kaya’y mayroon akong problema sa bahay, kaya’t kapag ako ay nagkakamali, nariyan ang pagkadismaya nila sa akin. Ngunit, sa kabila ng lahat ng ito, ako ay narito ngayon upang ipakita sa inyo kung papaano ang pressure na nararamdaman natin ngayon ay makatutulong sa atin sa hinaharap.

Una, ang pressure ay isang sulyap natin sa kung ano nga ba ang tunay na buhay. Naniniwala ako na kung ano yung nararamdaman nating pressure, ay doble naman ang nararanasan ng mga taong nagppressure sa atin. Halimbawa, isa sa mga nag uudyok sa akin na mas lalo pang taasan ang aking marka ay ang aking ina, ngunit, kung iisipin natin, mas mabigat ang kanilang nararamdamang pressure: kailangan nilang maging isang mabuting halimbawa sa kanilang mga anak, kailangan nilang magtrabaho, kailangan nilang magampanan ang kanilang tungkulin bilang ina at asawa, at marami pang iba. Kapag tumagal pa ng ilang taon, tayo naman ang makakaranas noon, kaya’t kung hindi natin mapapatunayan na kaya nating maging matatag sa kabila ng mga pressure sa atin, mahihirapan tayong harapin ang tunay na buhay.

Pangalawa, ang nararamdaman nating pressure ay nagtuturo sa atin na “kung may tiyaga, may nilaga”. Sa isang interbyu na aking isiginawa noong ako ay nasa ika-10 baitang, nakapanayam ko ang mga nangungunang estudyante sa bawat baitang. Isa rito ay nagsabi na ang pressure niya ay nanggaling sa kanyang sarili at ginagamit niya ito upang magpursigi sa pag aaral. Masasabi natin dito na ang pressure na ating nararamdaman ay maaari nating gamitin upang magpursigi, at kapalit nito ay ang karangalan.

Pahina 2

Pressure? Pres(Sure)!

Ni Princess Pravika Rai Panghuli, anong bansa ang sikat dahil sa mga taong magagaling mangalakal? Ang Tsina. Alam niyo din ba na ang Tsina ay sikat din sa pagkakaroon ng mga striktong mga magulang? Ito ay isang patunay na ang pressure na ating nararamdaman ay tumutulong din sa atin na magkaroon ng magandang direksyon sa buhay. Ito ay parang disiplina sa atin na dapat tayo ay mayroong pamantayan sa buhay at mga layunin na dapat tuparin.

Katulad ng kasabihang “Papunta ka palang, pabalik na ako”, tayo ay pine-pressure ng mga taong nasa paligid natin dahil alam nila na parte ito ng paghubog sa atin upang maging isang matatag sa tao sa hinaharap at karamihan sa kanila ay hindi nakaranas noon. Totoo, ang pressure ay mayroong mga masasamang epekto, at katulad ng nasabi sa pangalawang talata, imbes na ito ay makapagpataas sa atin, ito pa ang nagiging susi ng pagkalugmok natin.

Maihahalintulad ito sa paglalaga ng itlog at patatas.

Pareho silang naluluto ngunit kapag tinignan mo ang loob, isa ay matigas, at isa naman ay malambot. Kaya, nasa sa atin kung papaano natin titignan ang pressure. Dahil, ang pressure ay magiging mabuti lamang sa atin kung tayo mismo ang mag iiba ng ating pananaw, at gagamitin iyon bilang rason upang mas tumatag tayo.

Pahina 3

EPILOGO Alipante Tila mga tala, kumikinang sa gabi. Ang pag asa'y di mawawala, dumilim man sa tabi.

Nag papahiwatig ng pagbangon muli. Sa bawat pagsubok na iyong nalampasan, wag lilimutan ang mga natutunan sapagkat pagdating ng takdang panahon, kaginhawaan at kaularan ay kusang aahon sa iyong kapalaran.

Dela Cerna Tuluyan nang sumara ang ilaw. Pagpapahinga ang hangad pagkatapos ng isang tagumpay. Madilim ang paligid subalit may isang liwanag na nakatayo parin. Huwag mangamba sa sariling gawa sapagkat mayroon pang kinabukasan. Nagaantay na lamang ang lahat sa bagong kasikatan. Laging tatandaan, aakyat ulit ang araw, magkakaroon ulit ng bagong pagkakataon. At pag nakuha mo na iyon, mas maliwanag ka .

Prado

Pagsapit ng gabi, ito na ang magiging senyales na nalalapit ng matapos ang isang buong araw. Malapit ng matapos ang pagod at hirap na naranasan mo sa araw na iyon. Makakapagpahinga ka nang muli sa magulong mundo na hinarap mo. Ngunit, sa pagsikat ng araw, kinakailangan mo ulit bumangon upang harapin ang bagong pag-asang naghahantay sayo.

Rai Takipsilim- dito makikita ang paglubog ng araw. Marahil ito'y pagpapaalala na walang permanenteng bagay sa mundo; ang lahat ng dumarating ay lilipas rin.

Ngunit huwag mangamba, dahil ang takipsilim ay hudyat ng pagsikat ng buwan-ang iyong ilaw sa kabila ng kadiliman.

Rubrik

sariling bionote ALIPANTE / DELA CERNA / PRADO / RAI

John Paul Alipante

Magandang araw! Ako ay si John Paul D. Alipante. 17 taong gulang, ako ay ipinanganak noong Disyembre 29, 2003 sa Camarines Sur, Bicol. Ako,y isang mag aaral ng De La Salle Dasmarinas sa ilalim ng STEM na strand. Sa kasalukuyan ay nakatira ako sa Bellefort Estates, Bacoor Cavite. Mahilig akong maglathala ng mga tula at tumugtog ng gitara.

Nais kong pumasok sa PATTS pagdating ng kolehiyo sapagkat balak kong maging isang ganap na aeronautical engineer. May hilig rin ako na maglaro ng mga online games at manood ng anime sapagkat ito ay nagpapakalma sa akin. Pag dating naman sa sports ay gusto ko ang pag babasketball at pagbibisikleta.

Jethro Dela Cerna

Pagbati! Ako si Jethro David T. Dela Cerna, ipinanganak noong Nobyembre 24, 2003. Isa akong estudyante mula sa Senior Highschool Department; Science, Technology, Engineering, and Mathematics (STEM) strand. Ako ay kasalukuyang nagaaral sa De La Salle University - Dasmarinas. Nanggaling ako sa Bloomfield Academy mula sa Las Pinas City at doon nagtapos ng Kinder, Gradeschool, at Highschool. Maliban sa pagkamit ng iba't ibang parangal at gatimpalang akademiko, ikinatutuwa kong ibahagi na isa rin akong lider. Ako ay naging Pangulo ng aking organisasyon ng dalawang taon. Marahil madali itong tignan at basahin, marami akong pinagdaanang balakid. Ang organisasyon na pinangunahan ko ay hindi lamang sa loob ng silid aralan gumagalaw kung hindi sa buong lungsod ng Las Pinas.

Pangarap ko maging isang doktor sa larangan ng medisina.

"Mahirap man ang pagdadaanan, pagtulong naman sa kapwa ang makakamtan", isa ito sa mga prinsipyo ko. Pangarap kong makatulong sa iba sa paraang kayang magbago ang takbo ng buhay nila. Mahilig rin ako kumuha ng mga litrato gamit ang aking digital camera.

Bonn Gian Margarette Prado

Ako si Bonn Gian Margarette de Guia Prado, 16 years old.

Pinanganak ako noong ika-2 ng Abril, 2005 sa Naga City, Camarines Sur. Isa akong masayahin at extroverted na dalaga. Mahilig ako makihalubilo sa mga tao at makipagkaibigan sakanila. Mahilig ako sa mga pusa at nalilibang ako makipaglaro sakanila.

Isa akong STEM student na nais maging Obstetrician-Gynecologist pag nakapagtapos ng pag-aaral. Mahilig ako kumanta, sumayaw, maglaro ng Volleyball, at mag model. Nakapagtapos ako ng haiskul na kasama sa Honors na mayroong academic at extra-curricular awads sapagkat marami akong sinasalihan na paligsahan noon.

Princess Rai

Ako si Princess Pravika Rai, isa sa mga manunulat ng opisyal na pahayagan ng dibisyon ng Senior High School ng Pamantasang De La Salle -Dasmariñas. Ako ay nagtapos ng Junior High School sa Imus Unida Christian School na may karangalan at kasalukuyang nasa ika-11 na baitang sa strand na Science, Engineering, Technology, and Mathematics (STEM). Noong 2019 ay nagkamit ako ng ikaapat na pwesto sa Division Schools’ Press Conference sa larangan ng pagwawasto at pag-uulo ng balita na siyang nagdala sa akin sa Regional Schools’ Press Conference.

Pangarap kong maging isang manggagamot dahil ito ang kagustuhan ng aking pamilya, ngunit pagkatapos kong tuparin iyon ay mag-aaral akong muli upang maging isang Astrophyscist. Mula ika-limang baitang ay napagdesisyunan ko na ito dahil sa hilig ko na pagbabasa ng mga librong tungkol sa kalawakan. Mahilig rin ako sa memes at makinig sa mga awiting makaluma, rap, at mga musikang katha nila Beethoven, Claude Debussy, at Vivaldi.

POR TFO L IO.

Wala nang ilaw na hihigit sa kariktan ng araw sa dapithapon.

Kagaya ng araw sa pagdampi ng halik sa dagat, kasamang malulusaw ang mga agam agam.

Tanging maiiwan ay ang sinag nito sa pisngi ng buwan.