1050. tbl - 23. árg.
12. janúar 2023
Hugsum til smáfuglanna
Nú þegar frostið er mikið, köngulær og skordýr sem fuglarnir lifa vanalega á hafa drepist eða í dvala og erfitt er að komast að jörðu, veikist lífsvon fuglanna talsvert. Þeir fuglar sem hafa vetrarsetu á Íslandi þurfa að nota alla sína orku í frostinu til að halda á sér hita og við það brennist orkuforðinn fljótt. Því þurfa þeir að endurnýja birgðirnar reglulega, sérstaklega fyrir rökkur og við birtingu. Fyrir nóttina þurfa þeir næringu til að halda nauðsynlegri
lífsstarfsemi gangandi því þá er lítið um fæðuöflun og að morgni þurfa þeir svo fljótt að finna æti til að bæta upp þá orku sem fór í að halda hita um langa og kalda vetrarnótt. Mikilvægt er að hjálpa fuglunum í orkusöfnun á þessum köldustu dögum. Fræ og fræblöndur, korn, ávextir og ber, kjöt, fiskur, kartöflur og vatn er meðal þess sem getur verið gott fyrir fuglana en nánar um hvað má og hvað skal ekki gefa garð fuglum er að finna á vefsíðu Fuglavernd-
ar. Þar er einnig minnt fólk á að þegar einu sinni er byrjað að setja út fóður ætti að halda því áfram til vors, þeir fuglar sem hafa lært að reiða sig á fóður í ákveðnum
garði gætu átt erfitt með að finna annað æti ef skyndilega er hætt að gefa þeim. sj
- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði vegr@vegr.is vegr.is S: 849-7276 Remek og 898-5463 Þórður