1035. tbl - 22. árg.
29. september 2022
Ný þekja á Norðurgarðinn
Undanfarna daga hefur verið í gangi vinna við að leggja nýja þekju á Norðurgarðinn við Ólafsvíkurhöfn. Vinna hefur staðið yfir í nokkurn tíma við stækkun á bryggjunni, gamla þilið á bryggjunni var orðið ónýtt svo nýtt stálþil var slegið niður fjórum metr-
um framar, því stækkaði bryggjan öll sem því nemur til austurs. Ný þekja á bryggjunni verður um 2.400 fermetrar að stærð og kostar framkvæmdin um 92 milljónir króna, inni í þeirri upphæð er einnig niðurrif á tveimur masturshúsum og bygging á
einu í þeirra stað. Áætlað er að klára verkið í lok október mánaðar og sér Almenna umhverfisþjón-
ustan frá Grundarfirði um framkvæmdina. sj
Guðjón Þórðarson yfirgefur Víking Tekin hefur verið ákvörðun um að endurnýja ekki samning Guðjóns Þórðarsonar sem þjálfara meistaraflokks Víkings Ó á næsta keppnistímabili. Stjórn Víkings greindi frá ákvörðuninni á Facebook síðu þeirra. Guðjón hefur tekið við liðinu í tvígang á erfiðum tímapunkti og staðið sig vel í þeim verkefnum sem lögð voru fyrir liðið. Eins og flestir vita býr Guðjón að mikilli þekkingu og reynslu innan íþróttarinnar sem hefur reynst félaginu ákaflega vel á erfiðum tímum. Í framhaldinu mun stjórn Víkings Ó. leggjast í vinnu við ráðn-
ingu nýs þjálfara auk þess að undirbúa næst keppnistímabil. Stjórn Víkings óskar Guðjóni góðs gengis í þeim verkefnum sem hann tekur sér fyrir hendur í framtíðinni. jj