Bæjarblaðið Jökull 1033. tbl.

1033. tbl - 22. árg.

15. september 2022

Barnamenningarhátíð fer vel af stað Barnamenningarhátíð Vesturlands hófst í Snæfellsbæ 7. september síðastliðinn og mun hún standa til 1. október. Snæfellsbær heldur hátíðina í ár í samstarfi við Samtök sveitarfélaga á Vesturlandi en hátíðin er eitt af áhersluverkefnum Sóknaráætlunar Vesturlands um blómlega byggð á Vesturlandi. Þema hátíðarinnar er gleði og er markmið hátíðarinnar að efla menningarstarf fyrir börn og ungmenni, hvetja þau til virkrar þátttöku í menningarstarfsemi og veita þeim tækifæri til að njóta listar og menningar.

Hátíðin fer vel af stað með góðri þátttöku barna og ungmenna sem hafa haft nóg fyrir stafni. Nú í fyrstu viku hátíðarinnar fór fram listasmiðja Krakkaveldis í Frystiklefanum sem endaði á sýningu um verkefnið Barnabærinn, þar sem börnin létu hugann reika og þróuðu hugmyndir sínar um hversu mikið betri bærinn væri

ef þau fengu að ráða öllu. Fyrir helgi mætti Brimrún Birta Friðþjófsdóttir í Grunnskóla Snæfellsbæjar, kynnti bókina sína Gullni hringurinn og talaði við nemendur um starfið sitt hjá Myrk-

ur games sem er tölvuleikjaframleiðandi. Þá var bíósýning á Ljósár í Klifi laugardaginn 10. september og dansnámskeið fyrir börn á aldrinum 6 til 16 ára hjá Þórunni Ylfu danskennara á sunnudeginum sem sló rækilega í gegn. Tónlistarskóli Snæfellsbæjar hefur tekið virkan þátt í dagskránni með tónleikum og boðið leikskólabörn velkomin í heimsókn til sín.

Allan mánuðinn mun svo listasýning standa í Útgerðinni eftir Brimrúnu Birtu og listasýning eft-

ir leikskólabörn í Hraðbúð N1 á Hellissandi og Kassanum í Ólafsvík. Þá er einnig í gangi smásögukeppni bæjarblaðsins Jökuls og stuttmyndasamkeppni Northern Wave Film Festival.

Hátíðin er því hvergi nærri búin og eflaust geta allir fundið eitthvað við sitt hæfi á meðan henni stendur en öllum börnum og ungmennum á Vesturlandi er velkomið að taka þátt í dagskránni. Nánari útlistun á komandi dagskrá hátíðarinnar má finna í blaðinu. sj

- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði vegr@vegr.is vegr.is S: 849-7276 Remek og 898-5463 Þórður

205 metra skip við bryggju

Skemmtiferðaskipið Amera lagðist við bryggju í Grundarfirði þann 7. september síðastliðinn. Þetta er lengsta skipið sem lagst hefur að bryggju í Grundarfirði hingað til en það er um 205 metra langt. Fyrirtækið sem rekur skipið er Phoenix Reisen og heimahöfn þess er í Þýskalandi. Skipið tekur 834 gesti en rúmlega 760 gestir voru í skipinu þegar það kom til Grundarfjarðar. Auk gestanna eru 420 starfsmenn um borð. Skip-

ið kom hingað frá Nuuk í Grænlandi og var ferðinni síðan haldið til Hafnarfjarðar.

Bæjarstjóra Grundarfjarðar var boðið um borð í skipið og færði skipstjóranum myndabækur að gjöf. Bækurnar voru með ljósmyndum af svæðinu sem Tómas Freyr Kristjánsson tók saman.

Myndina af Amera tók hinsvegar Sverrir Karlsson. jj

Ástkær eiginkona mín, móðir okkar, tengdamóðir, amma og systir,

HAFDÍS HALLA ÁSGEIRSDÓTTIR, Bjargi, Arnarstapa,

lést á líknardeild Landspítalans í Kópavogi þriðjudaginn 6. september. Útförin fer fram frá Staðastaðakirkju laugardaginn 17. september kl. 14.

Blóm og kransar eru afþakkaðir en þeir sem vilja minnast hennar er bent á Ljósið. Sérstakar þakkir til starfsfólks krabbameinsdeildar E11 og líknardeildar Landspítalans fyrir kærleiksríka umönnun og hlýju. Þórkell Geir Högnason Margrét Bára Þórkelsdóttir Sigurður Natan Jóhannesson Anna Katrín Þórkelsdóttir Guðmundur Snorri Sigurðarson Daði Þórkelsson Jóhanna Bára Ásgeirsdóttir og barnabörn

Upplag: 500

Fótaaðgerðastofan Ósk Kæru bæjarbúar Ég hef opnað fótaaðgerðastofu á Grundarbraut 10a í Ólafsvík. Tek við bókunum í síma 895-0141 eftir klukkan 13:00 alla virka daga eða í skilaboðum.

Hlakka til að taka á móti ykkur.

Kveðja, Ólöf Birna

Læknalaust í Ólafsvík og Grundarfirði Óvenjulegar aðstæður voru hjá Heilbrigðisstofnun Vesturlands í síðustu viku þegar læknalaust var bæði í Grundarfirði og Ólafsvík. Með stuttum fyrirvara forfölluðust læknarnir á báðum stöðum og ekki tókst að manna stöðuna alla vikuna í Grundarfirði. Í Ólafsvík kom læknir sem sinnti störfum frá sunnudegi til hádegis á miðvikudegi. Læknalaust var því á báðum stöðum það sem eftir var miðvikudags og fimmtudaginn og næsti læknir á vakt í Stykkishólmi. Þó voru hjúkrunarfræðingar á báðum stöðum sem sinntu því sem

hægt var. Á föstudagsmorguninn kom svo læknir til Ólafsvíkur sem stóð vaktina yfir helgina áður en allt komst í réttan farveg aftur. Óneitanlega vakti þetta ástand óhug hjá íbúum sveitarfélaganna og von allra að slík staða komi ekki upp aftur. Í fundargerð 361. fundar bæjarstjórn Snæfellsbæjar kemur fram að óskað sé eftir Teams fundi við Jóhönnu Fjólu Jóhannesdóttur, forstjóra HVE, á næsta fundi sem haldinn verður í október vegna málsins.

Áb.maður: Jóhannes Ólafsson

Blaðið er gefið út af Steinprent ehf. og liggur frammi í Snæfellsbæ og Grundarfirði,

Prentun: Steinprent ehf.

Sandholt 22a, Ólafsvík 355 Snæfellsbæ Netfang: steinprent@simnet.is Sími:

Blaðið kemur út vikulega.

436 1617

Jökull Bæjarblað steinprent@simnet.is 436 1617

sj

Flaggað þegar búið var að reisa Á fimmtudag í síðustu viku var lokið við að reisa raðhúsin tvö sem Nesbyggð er að byggja við Snæfellsás á Hellissandi, við þetta tilefni var íslenska fánanum flaggað að gömlum sið.

Eins og fram kom í jökli þegar byrjað var að byggja húsin þá er Snælda ehf. sem verið er að byggja húsin fyrir en eigendur Snældu eru Hraðfrystihús Hellissands og KG fiskverkun auk þess sem Snæfellsbær á lítinn eignarhlut í félaginu. Tilgangur með byggingu húsanna er að koma til móts við húsnæðisskort í sveitarfélaginu, húsnæðisskortur er oft nefndur sem helsta ástæða þess að erfiðlega gengur að fá nægt fólk í vinnu. Í húsunum tveimur verða sex íbúðir samtals. Í samtali við Pál Harðarson

eiganda Nesbyggðar kom fram að framkvæmdir hafi gengið vel og veðrið unnið með verktakanum, í upphafi framkvæmdatímans var gert ráð fyrir að verkinu muni ljúka fyrir lok þessa árs og sagði Páll að það ætli að ganga eftir.

Hvað er frammundan að Ingjaldshóli!

Nú á haustdögum kvöddum við söfnuðurinn að Ingjaldshóli starfandi sóknarprest, til tíu ára, Óskar Inga Ingason. Ákveðið hefur verið að Aðalsteinn Þorvaldsson sóknarprestur í Setbergsprestakalli þjóni Ingjaldshóls- og Ólafsvíkurprestaköllum um stundarsakir.

Kirkjan okkar að Ingjaldshóli er mjög virðulegt og fallegt hús einstök á svo margan hátt. Hún er vel búin hljóðfærum, glæsilegu pípu orgeli á kórlofti ,það er nýtt rafmagnspíanó í kirkjunni og í safnaðarheimilinu er mjög góður flygill . Allt eru þetta gjafir frá vinum og velunnurum kirkjunnar. Teljum við það skildu okkar safnaðarins, og eða, íbúanna

að nota og njóta þessarar góðu aðstöðu sem er í boði í kirkjunni og okkar fallega safnaðarheimili.

Við kirkjuna starfar mjög góður organisti hún Elena Makeeva sem stjórnar jafnframt kórnum.

Hér í samfélaginu býr mikið af hæfileikaríku fólki á mörgum sviðum ,jafnt í söng og ýmsu öðru. Það er mjög gefandi að syngja í kór. Framundan eru spennandi samvinnuverkefni með nágranna kórunum. Bleikur október, gesta messur og samsöngur með kórunum í Óafsvík, Grundarfirði og Stykkishólmi. Æfð verða jóla-

lög og síðan verða jólatónleikar um mánaðamót nóvenber og desember Við þekkjum það öll hversu mikilvægt það er að hafa góða tónlist td. þegar við fermum börnin okkar, við útfarir og fallega tónlist um jól. Því sendum við nokkurs konar ákall til ykkar góðu vinir að koma og vera með í söngstarfin.

Félagar í kirkjukórnum

Tjaldsvæði Snæfellsbæjar sumarið 2022

21.006

16.819

5.415

10.140

14.301

Fjöldi gesta á tjaldsvæðum Snæfellsbæjar

20.035

Nú er sumarið á enda og haustið tekið við svo farið er að bera minna á ferðafólki á tjaldsvæðunum. Tjaldsvæðið í Ólafsvík og á Hellissandi sem rekin eru af Snæfellsbæ verða opin út september en Patrik Roloff og Rebekka Unnarsdóttir, umsjónarmenn tjaldsvæðanna, hafa tekið saman skýrslu um sumarið sem er að líða líkt og undanfarin ár. Í skýrslunni kemur fram að tjaldgestir sumarsins 2022 voru 14.301 talsins en tölur fyrir september eru ekki komnar þar inn. Sumarið 2020 voru tjaldgestir einungis 5.415 en voru komnir upp í 10.140 árið 2021. Fyrir Covid voru tjaldgestir í kring um 14.000 talsins nema árið 2019 þegar tölurnar fóru upp í 16.819. Þá kemur fram í skýrslunni að sumarið hafi verið með því besta og að segja mætti að það hafi verið betra en sumrin fyrir Covid.

2017

2018

2019

2020

2021

2022 Sept. vantar

Heildarinnkoma tjaldstæðanna í sumar var 23.955.930 krónur og hefur innkoman aldrei verið jafn mikil, það sem kemst næst því er árið 2018 þegar heildarinnkom-

Tökum þátt í réttum Á haustin kemur fé af fjalli og er rekið í réttir og nú líður að þeim tíma á Snæfellsnesi, því verður réttað næstu tvær helgar í Snæfellsbæ og Grundarfirði. Í Ólafsvík eins og víða annarsstaðar hefur skapast sú hefð að bjóða upp á kjötsúpu og veitingar, réttargestir eru boðn-

an var 23.000.000 krónur. Tjaldsvæðin fá bæði góðar umsagnir á Google, tjaldsvæðið í Ólafsvík er þá með 4,2 stjörnur og tjaldsvæðið á Hellissandi með 4,3 af 5 mögulegum. Segja þau Patryk og Rebekka að góðar umsagnir laði

gestina að og að góð aðstaða og þjónusta er það sem fái gestina til að dvelja á tjaldsvæðunum þrátt fyrir að kominn sé tími á endurbætur.

ir velkomnir í fjárhúsið Lambafell þar sem boðið er upp á súpuna frá kl. 11.30. Réttirnar hefjast svo kl. 12.30.

Réttað verður laugardaginn 17. september í Ólafsvík, á Hellissandi og í Grundarfirði. Réttað verður laugardaginn 24. september í Staðarsveit og Breiðuvík.

Hugmyndaspjall og vinakaffi velferðarnefndar í Átthagastofu Velferðarnefnd Snæfellsbæjar leitar eftir hugmyndum hjá íbúum Snæfellsbæjar að félagslegum verkefnum sem stuðla að aukinni velferð íbúa og jákvæðri þátttöku í samfélaginu.

Veistu um einhvern sem upplifir félagslega einangrun eða langar þig einfaldlega að hitta annað fólk?

Vinakaffi í Átthagastofu Snæfellsbæjar frá kl. 14:30, fimmtudaginn 15. september. Það verður heitt á könnunni hjá okkur á fimmtudaginn og öll hjartanlega velkomin. Við hlökkum til að sjá ykkur.

Velferðarnefnd Snæfellsbæjar

sj

Dýpkunarframkvæmdir í Rifi Á bæjarstjórnarfundi Snæfellsbæjar þann 8. september síðastliðinn greindi bæjarstjóri frá því að Höfnum Snæfellsbæjar hafi verið úthlutað 30 milljónum til framkvæmda. Verkið hafði þá verið í undirbúningi í einhvern tíma en á fundi framkvæmdarteymis Snæfellsbæjar þann 6. september kom fram að gert væri ráð fyrir að dýpka um 4.000 fermetra svæði og stefnt að því að öll innsiglingin verði með 7 metra dýpt.

Að framkvæmdum loknum eru vonir bundnar við að öll fiskiskip sem gerð eru út frá Rifi komist inn í höfnina óháð stöðu sjávarfalla.

Samkvæmt hafnarstjóra ganga framkvæmdirnar vel en veðrið hefur þó sett strik í reikninginn en það þarf að vera lygnt á meðan vinnunni stendur. Harður sandsteinn er á botni hafnarinnar og er því verið að rippa botninn áður en efninu er mokað upp og fjarlægt. Í heildina er gert ráð fyrir að

um 2.800 rúmmetrar verði grafnir upp. Eins og staðan er núna, er gert ráð fyrir verklokum þann 5. október næstkomandi. jj

Gjöf til Smiðjunnar frá N1

Við bjóðum upp á alhliða bílaviðgerðir, dekkjaskipti og smurþjónustu.

Tímapantanir í síma 436-1111

Getraunir 1x2 Ruglingurinn hjá getraunum síðasta laugardag ruglaði marga í ríminu, allavega var frekar dræm mæting í getraunakaffinu. Þeir, sem komu voru frekar getspakir, margir með 10 rétta, nokkrir með 11, tveir með 12 og einn var með 13 rétta, eða alla leiki seðilsins. Vel gert. Sökum þess hve auðlesinn seðillinn var, skilaði 13 réttir aðeins tæplega 16 þúsund krónum, samt ágætt. Á laugardaginn verða aftur leikir í enska boltanum, svo seðillinn ætti að verða meira spennandi og því tilvalið að koma og freista

gæfunnar. Gaman væri að sjá góða mætingu í Átthagastofunni á milli klukkan 11.00 til 12.00 og að sem flestir grípi seðil og tippi nokkrar raðir. Síðasti heimaleikur Víkings á þessu sumri verður líka á laugardaginn. Þá koma Haukar í heimsókn og hefst leikurinn klukkan 14.00. Áreiðanlegar heimildir segja að leikmenn séu harðákveðnir í að vinna leikinn, sem yrði góður endir á fótboltasumrinu.

Áfram Víkingur.

óhs

Miðvikudaginn 24. ágúst síðastliðinn hafði Einar stöðvastjóri á N1 Ólafsvík samband við Smiðjuna og vildi gefa okkur tvær kippur af sykurlausu gosi.

Smiðjustarfsmenn þáðu gjöfina með þökkum og gengu yfir á

N1 og sóttu glaðninginn.

Einar stöðvastjóri tók vel á móti köppunum og var tekin mynd í tilefni heimsóknarinnar.

Við þökkum kærlega fyrir okkur í Smiðjunni.

Efni og auglýsingum í Jökul þarf að skila fyrir kl. 16, þriðjudag fyrir útgáfu. Það er í lagi að skila fyrr.

Upplýsingar um auglýsingaverð á www.steinprent.is

Smásögukeppni Jökuls í tilefni af Barnamenningarhátíð Vesturlands í Snæfellsbæ

Barnamenningarhátíðar Vesturlands stendur frá 7. september - 1. október.

Steinprent og Bæjarblaðið Jökull standa fyrir smásögukeppni og er efnisval frjálst en þema hátíðarinnar er „Gleði“ Hægt er að senda sögur á netfangið steinprent@simnet.is og verða þær birtar í Jökli og á miðlum Snæfellsbæjar í september og október, í lok Barnamenningarhátíðar verða veitt verðlaun fyrir bestu og áhugaverðustu sögurnar að mati dómnefndar.

Snæfellsbær

Barnamenningarhátíð Vesturlands

Aflafréttir Fiskveiðiárið fer vel af stað í höfnum Snæfellsbæjar en dagana 5. til 11. september komu á land alls 667 tonn í 66 löndunum.

Ekkert var landað á Arnarstapa en í Rifshöfn komu á land 431 tonn í 21 löndun og í Ólafsvíkurhöfn komu á land 236 tonn í 45 löndunum. Fjórir handfærabátar lönduðu þessa daga í Ólafsvík og lönduðu þeir 15 tonnum í 12 löndunum en á Rifi lönduðu tveir handfærabátar 2 tonnum í 4 löndunum. Hjá dragnóta bátunum landaði Steinunn SH 53 tonnum í 4, Ólafur Bjarnason SH 38 tonnum í 5, Rifsari SH 37 tonnum í 4, Sveinbjörn Jakobsson SH 19 tonnum í 4, Esjar SH 13 tonnum í 1, Saxhamar SH 12 tonnum í 2 og Guðmundur Jensson SH 11 tonnum í 2 löndunum. Hjá litlu línu bátunum landaði Gullhólmi SH 43 tonnum í 3, Stakkhamar SH 42 tonnum í 4 ,Kristinn HU 42 tonnum í 5, Brynja SH 32 tonnum í 5, Rán SH 12 tonnum í 3, Sverrir SH 11 tonnum í 4 og Signý HU 3 tonnum í 1 löndun.

Stóru línu bátarnir lönduðu allir einu sinni þessa daga Tjaldur

SH landaði 104 tonnum, Örvar SH 99 tonnum og Rifsnes SH 80 tonnum. Þessa sömu daga komu á land 602 tonn í 11 löndunum í Grundarfjarðarhöfn. Einn handfærabátur landaði þessa daga

og landaði hann 2 tonnum í 2 löndunum. Einn stór línubátur Valdimar GK landaði þessa daga og landaði hann 57 tonnum í 1 löndun. Hjá botnvörpubátunum landaði Runólfur SH 127 tonnum í 2, Helga María RE 115 tonnum

í 1, Viðey RE 99 tonnum í 1, Sigurborg SH 75 tonnum í 1, Farsæll SH 61 tonni í 1, Steinunn SF 43 tonnum í 1 og Áskell ÞH 25 tonnum í 1 löndun. þa