1027. tbl - 22. árg.
30. júní 2022
Góður afli á opnu móti SjóSnæ
Opið mót SjóSnæ var haldið í Snæfellsbæ helgina 24. til 25. júní og er þetta fjórða aðalmót sumarsins sem telur til Íslandsmeistara SJÓL 2022. Mótið var sett að kvöldi 23. júní í Björgunarsveitarhúsinu Von á Rifi og var svo haldið til veiða frá Ólafsvík á föstudag og laugardag. 16 keppendur tóku þátt í mótinu og róið var á sex bátum. Alls veiddust átta tonn af fiski, 11 tegundir og var stærsti fiskur mótsins 16 kg þorskur. Það var Sigríður Rögnvaldsdóttir frá Siglufirði sem átti þennan stærsta fisk en hún var jafn fram aflahæðsta konan og gekk frá borði með fullt hús stiga og gott betur en það. Leiðinda veð-
- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði
ÁRALÖNG ÞEKKING OG REYNSLA AF FASTEIGNAMARKAÐI Á VESTURLANDI
sj
Allir kaupendur og seljendur fá
Vildarkort Lindar sem veitir 30% afslátt
hjá fjölmörgum fyrirtækjum
BOGI MOLBY Löggiltur fasteignasali
699 3444
vegr@vegr.is vegr.is S: 849-7276 Remek og 898-5463 Þórður
ur einkenndi föstudaginn en það var fljótt að gleymast því á laugardeginum var sól og blíða og aflabrögð umvöfðu hvert einasta hjarta keppenda. Að kvöldi laugardags fór lokahóf mótsins fram í Félagsheimilinu Röst á Hellissandi. Þar mettuðust keppendur á ljúffengum mat og lygasögum. Eftir fjögur aðalmót í sumar er Pawel Szalas efstur karla í stigafjölda og Björg Guðlaugsdóttir efst kvenna, en þau eru bæði meðlimir Sjósnæ. Stjórn Sjósnæ vill þakka keppendum, skipstjórum og öllum þeim sem lögðu hönd á plóg kærlega fyrir samveruna og aðstoðina um liðna helgi.
molby@fastlind.is
Vel heppnuðu hlaupi lokið Síðastliðinn laugardag, 25. júní, héldu 216 hlauparar af stað frá Arnarstapa og lá leið þeirra yfir jökulhálsinn. Í ár er Snæfellsjökulshlaupið haldið í tólfta skipti en Ingunn Ýr Angantýsdóttir og Sigrún Ólafsdóttir sem sjá um hlaupið í ár eru að skipuleggja það í annað sinn. Keppendur voru ræstir af stað frá Snjófelli á Arnarstapa klukkan 12 á hádegi og hlupu þau um 22 km yfir jökulhálsinn. Hlaupaleiðin er að mestu leyti á malarvegi með fyrstu 8 km leiðarinnar upp í móti og fer hún upp í um 700 metra hæð. Í ár voru um 4 km leiðarinnar snævi þaktir sem gerir hlaupið örlítið meira krefjandi en magnað útsýnið og orkan frá jöklinum hefur eflaust hjálpað keppendum við að kljást við aðstæðurnar. Á leiðinni voru
fjórar drykkjarstöðvar í umsjón Björgunarsveitarinnar Lífsbjargar en sjálfboðaliðar sveitarinnar voru einnig hlaupurum innan handar ef eitthvað skyldi koma upp á. Það var Cole Nash sem var fyrstur keppenda í mark í ár en hann kláraði hlaupaleiðina á 1:36:23. Andrea Kolbeinsdóttir varð svo fyrst kvenna með tímann 1:42:47 og setti þar með brautarmet kvenna. Andrea var einnig fyrst kvenna í Snæfellsjökulshlaupinu í fyrra, þá með tímann 2:02:03 og hefur því bætt sig um 20 mínútur á milli ára. Að minnsta kosti 13 heimamenn tóku þátt í hlaupinu með góðum árangri, til að mynda kláraði Hákon Þorri Hermannsson á tímanum 02:07:44 og var 28.
Upplag: 500 Áb.maður: Jóhannes Ólafsson
Blaðið er gefið út af Steinprent ehf. og liggur frammi í Snæfellsbæ og Grundarfirði,
Prentun: Steinprent ehf. Sandholt 22a, Ólafsvík 355 Snæfellsbæ Netfang: steinprent@simnet.is Sími:
Blaðið kemur út vikulega.
436 1617
hlaupari í mark. Frekari upplýsingar um tíma keppenda má finna á vefsíðunni www.timataka.net. Sól og blíða var á laugardaginn og vel mætt niður við Ólafsbraut þar sem gestir og gangandi hvöttu hlauparana á síðustu metrunum og tóku fagnandi á móti þeim í mark. Eftir hlaupið fengu allir hlauparar gjafapoka saumaða af starfsfólki Smiðjunnar og Ásbyrgis, fyllta með góðgæti og gjafabréfum frá styrktaraðilum hlaupsins. Verðlaunaafhending fór svo fram í rjómablíðu í Sjómannagarðinum í Ólafsvík þar sem veitt voru
verðlaun fyrir fyrsta, annað og þriðja sætið í fjórum flokkum, karla og kvenna auk besta tíma karla og besta tíma kvenna. Verðlaunahafar hlutu peningaverðlaun frá Sportvörum og flösku af Töst auk þess sem heppnir hlauparar hlutu fjölda veglegra útdráttarverðlauna frá styrktaraðilum hlaupsins. Heyra mátti á fólki, bæði hlaupurum og áhorfendum, að mikil ánægja hafi verið með hlaupið, það hafi verið vel skipulagt og ekki skemmdi veðrið fyrir. sj
Barist með Birnu í Grundarfirði
Frelsi í Saltporti
Sýningin „Frelsi í Saltporti“ opnar laugardaginn 2. júlí kl. 14:00.
Listakonan Edda Þórey Kristfinnsdóttir sýnir skúlptúra. Sýningin verður opin út júlí. Verið öll velkomin.
Mikill samhugur og náungakærleikur ríkir á meðal Grundfirðinga þessa dagana en samfélagið hefur lagst á eitt til að sýna Birnu Kristmundsdóttir stuðning. Birna er 34 ára gömul frá Grundarfirði og í maí 2021 greindist hún með leghálskrabbamein. Í september 2021 fékk hún þær frábæru fregnir að hún væri orðin krabbameinslaus en í mars 2022 kom bakslag og stendur hún nú í erfiðri lyfjagjöf. Á þessum erfiðu tímum vildi samfélagið í Grundarfirði leggja Birnu og fjölskyldu hennar lið og koma til aðstoðar hvað varðar þá fjárhagslegu hlið sem óneitanlega fylgir slíkum veikindum. Hópur kvenna tók sig saman og hélt styrktartónleika fyrir Birnu þriðjudagskvöldið 21. júní í Grundarfjarðarkirkju. Sylvía Rún Guðnýjardóttir, Guðbjörg Jóhanna Níelsdóttir, Rakel Birgisdóttir, Ragnheiður Dröfn Benidiktsdóttir, Heiðrún Hallgrímsdóttir og Ólöf Gígja Hallgrímsdóttir boðuðu til tónleikanna og sungu fyrir gesti en
þessi hópur kvenna hefur sótt söngnámskeið hjá Sylvíu Rún undanfarið. Vel var mæt á tónleikana en kirkjan var fullsetin. Þar með var söfnuninni þó ekki lokið því BOX7, Crossfitstöðin í Grundarfirði, tók sig líka til og lögðu fram áheitasöfnun fyrir Birnu. Laugardaginn 25. júní byrjuðu nokkrir hjólagarpar á að hjóla frá Stykkishólmi til Grundarfjarðar, tæpa 40 km, áður en BOX7 opnaði og tekið var við keflinu þar á róðravélum og hjólum. Markmiðið var að klára 1500 km fyrir Birnu og var stöðin opin þar til markmiðinu yrði náð en klukkan 14 þennan sama dag hafði hópurinn klárað þessa 1500 km. Söfnunin fyrir Birnu fór vonum framar en styrktarreikningurinn verður opinn til 2. júlí og þeir sem vilja leggja henni lið geta lagt þar inn. Reikningsnúmer er 0321-13161997 og kennitala 2508684999. sj
Saltport.is
3 Ólsarar í U-18 kvenna
U-18 landslið kvenna mætti Finnlandi í síðari vináttuleik liðanna í Finnlandi 24. júní síðastliðinn. Leikurinn fór 2-2 en í leiknum voru þrjár stelpur frá Ólafsvík í byrjunarliði íslenska liðisins. Það voru þær Aldís Guðlaugsdóttir, Eyrún Embla Hjartardóttir og Sædís Rún Heiðarsdóttir en Eyrún Embla og Sædís Rún kepptu líka með liðinu í fyrri vináttuleiknum gegn Finnlandi. Þá var Sædís einnig fyrirliði liðsins í báðum leikjunum.
Þær Eyrún og Sædís spila nú með Stjörnunni og Aldís með Val og eru þær orðnar vel kunnugar því að spila leiki með íslenska landsliðinu. Aldís hefur spilað átta leiki með landsliðinu, þar af þrjá með U-19 en hún er 18 ára. Sædís Rún verður einnig 18 ára á þessu ári og hefur leikið 19 leiki í landsliðshóp, þar af sex með U-19. Eyrún Embla hefur svo spilað 11 landsliðsleiki, þar af tvo með U-18 en hún 17 ára. sj
Gleði og gaman á Jaðri Það hefur verið nóg um að vera hjá heimilismönnum á dvalar- og hjúkrunarheimilinu Jaðri undanfarið. Þau fengu skemmtilega heimsókn í síðustu viku þegar Stefán Helgi og Margrét Sesselja mættu. Stefán og Margrét starfa undir heitinu Elligleði og ferðast á milli hjúkrunarheimila landsins og skemmta íbúum með söng, dans og gleði. Til gamans má geta að Stefán er langafabarn Stefáns Íslandi. Auk þess að skemmta fólki með söng og gleði býr Margrét Sesselja einnig til káta klúta eða svokallaða Alzheimer dúka sem hún gefur heimilunum sem afþreyingu. Heimilismenn Jaðars voru þakklátir og glaðir eftir þessa góðu heimsókn. Sæmundur Kristjánsson frá Rifi kom færandi hendi og færði
heimilinu eintak af nýrri bók sinni Undir Jökli, Árbók Ferðafélags Íslands 2022. Sæmundur er höfundur bókarinnar og fjallar hún um landsvæðið undir Jökli. Fáir þekkja svæðið undir Jökli jafn vel og Sæmundur og verður þetta skemmtileg lesning fyrir heimilismenn Jaðars. Á hverjum þriðjudegi mætir svo Kári Viðarsson á dvalar- og hjúkrunarheimilið með söng og gleði. Heimsóknir Kára gleðja mikið en Neisti, hundurinn hans, mætir með og leikur við hópinn á meðan Kári heldur uppi stemmingunni. Heimilismenn og starfsfólk Jaðars vilja koma fram kærum þökkum til allra þeirra sem leggja sig fram við að gleðja og stytta stundir heimilismanna á Jaðri. sj
Lions færði Smiðjunni gjafir Smiðjunni í Snæfellsbæ barst góð gjöf á dögunum frá Lionsklúbbi Ólafsvíkur er þeir færðu Smiðjunni geymsluskáp ásamt stóru vinnuborði og pappírstætara. Hefur Smiðjan undanfarið unnið markvisst að því að endurskipuleggja vinnuaðstöðu sína enda skiptir vinnuumhverfið þau miklu. Það var Atli Alex-
andersson sem afhenti gjöfina fyrir hönd Lionsklúbbsins og stillti hann sér ásamt starfsfólki og Þórheiði Elinu Sigurðardóttur forstöðukonu Smiðjunnar upp fyrir framan geymsluskápinn og voru auðvitað allir kátir eins og alltaf enda stutt í sumarfrí.
Við bjóðum upp á alhliða bílaviðgerðir, dekkjaskipti og smurþjónustu. Tímapantanir í síma 436-1111
Jökull Bæjarblað steinprent@simnet.is 436 1617
Styttan Jöklarar Kæru bæjarbúar, við vildum leyfa ykkur að fylgjast með endurbótum og framkvæmdum við styttuna Jöklarar í Sjómannagarðinum á Hellissandi. Framkvæmdir hófust árið 2019 þegar ljóst var að styttan lá fyrir skemmdum. Í kjölfarið var ákveðið að senda styttuna til Þýskalands til viðgerðar. Eins og flestir hafa tekið eftir er styttan nú komin í brons, en það er varanlegt efni. Nú er búið að steypa fallega stétt kringum styttuna og á næstu dögum verður farið í að klára að laga stöpulinn og í kringum stéttina. Kostnaður við þessa framkvæmd er um níu milljónir króna. Við erum þakklátar öllum þeim fjölmörgu sem hafa stutt okkur með framlögum. Ef einhverjir hafa hug á að leggja okkur lið má leggja inn á reikn. 0190-15-380046, kennitala 661090-2009. Fh. Slysavarnadeild Helgu Bárðar, Albína og Aðalheiður
þa
Skógræktin er falin paradís Líkt og fyrri ár fékk Skógræktarfélag Ólafsvíkur í heimsókn til sín hóp sjálfboðaliða í síðustu viku. Sjálfboðaliðarnir koma til landsins á vegum Skógræktarfélags Íslands fyrir tilstilli sjálfboðaliðaverkefni Erasmus+ áætlunarinnar í gegnum European Solidarity Corps. Árlega koma fimm sjálfboðaliðar frá Evrópulöndum sem dvelja á landinu í fimm mánuði en þessir sjálfboðaliðar hafa einkum unnið að gróðursetningu á Úlfljótsvatni og umhirðu eldri reita víða um land. Skógræktarfélag Ólafsvíkur fær hópinn hingað með styrk frá Snæfellsbæ og í sumar eru Simone Campestrini frá Ítalíu, David Ramos frá Spáni, Ana Gorro frá Spáni, Aneta Fereczkowska frá Póllandi og Rudi Nacciarridi frá Ítalíu komin til að leggja hönd á plóg. Undanfarin ár hefur hópurinn unnið að stígagerð, gróðursetningu og grisjun á svæðinu og í sumar vann hann að uppkvistun
í Réttarskógi og gróðursetningu. Narfi Hjartarson skógfræðingur fer fyrir hópnum og leiðbeinir sjálfboðaliðunum svo að skógurinn fái að njóta sín sem best. Tími var kominn á að grisja skóginn ofan við tjaldsvæðið og eftir þá miklu vinnu sem hefur farið þar fram síðustu vikuna væri í raun hægt að leyfa skóginum að standa óáreittum næstu 10 árin. Nú er meira pláss inni í skóginum til að athafna sig og meiri möguleiki á jarðgræðslu en nú þegar eru fuglarnir farnir að bera fræ af rifsberjarunnum og fleiri tegundum inn í skóginn. Á meðan dvöl sjálfboðaliðanna stóð höfðu þau nóg fyrir stafni en hjónin Páll Sigurvinsson og Hanna Björk Ragnarsdóttir færðu Skógræktarfélagi Ólafsvíkur 200 Keisaraaspir að gjöf nýlega. Gjöfin er að sjálfsögðu mikils metin enda góð reynsla af plöntum frá þeim hjónum auk þess sem Keisaraöspin vex vel og dafnar þar sem
selta og vindur geta verið mikil. Plönturnar voru allar gróðursettar 23. júní síðastliðinn af sjálfboðaliðunum. Nú þegar hópurinn er farinn er ennþá næg vinna
eftir en vaskur hópur úr bæjarvinnunni ásamt Vagni Ingólfssyni, Hilmari Má Arasyni og Sigurði Scheving, stjórnarmeðlimum Skógræktarfélags Ólafsvíkur, hafa unnið hörðum höndum síðustu daga við að koma heilu fjöllunum af greinum og trjám sem sjálfboðaliðarnir grisjuðu út úr skóginum og til urðunar, á myndinni af bæjarvinnustarfsmönnum má sjá ca þriðjung af því sem þau báru úr skóginum. Vagn Ingólfsson, formaður Skógræktarfélags Ólafsvíkur segir félagið virkilega þakklátt fyrir alla þá aðstoð sem það er að fá þegar kemur að skóginum en ef ekki væri fyrir sjálfboðaliðana myndi þessi vinna ekki gerast með þeim mannskap sem félagið hefur. Skógrækt Ólafsvíkur er falin paradís sem ekki allir gera sér grein fyrir að sé í bakgarðinum en það er frábær staður til að ná aðeins að kúpla sig út úr dagsins amstri og komast í návist við náttúruna. sj
Aflafréttir 20. - 26. júní Dagana 20. til 26. júní komu á land í höfnum Snæfellsbæjar 304 tonn í 140 löndunum. Í Rifshöfn var landað 151 tonni í 44 löndunum, í Ólafsvíkurhöfn var landað 113 tonnum í 53 löndunum og á Arnarstapa var landað 30 tonnum í 43 löndunum. Stærri bátarnir eru nú margir hverjir komnir í
frí, tveir dragnótabátar lönduðu Magnús SH 54 tonnum í 2 og Ólafur Bjarnason SH 35 tonnum í 3 löndunum. Einn af litlu línubátunum landaði Tryggvi Eðvarðs SH og landaði hann 22 tonnum í 2 tonnum og einn af stóru línubátunum Rifsnes SH landaði 62 tonnum í 1 löndun. Í Ólafsvíkurhöfn
lönduðu 32 handfærabátar þessa daga og lönduðu þeir 56 tonnum í 48 löndunum. Í Rifshöfn lönduðu 25 handfærabátar 35 tonnum í 41 löndun og á Arnarstapa lönduðu 24 handfærabátar 30 tonnum í 43 löndunum. Þessa sömu daga komu á land í Grundarfjarðarhöfn 281 tonn í
25 löndunum. 16 handfærabátar lönduðu 16 tonnum í 21 löndun. Þrír botnvörpubátar lönduðu þessa daga. Björgvin EA 93 tonnum í 1, Hringur SH 60 tonnum í 1 og Runólfur SH 11 tonnum í 2 löndunum. þa
SUMARFRÍ Bæjarblaðið Jökull fer nú í sumarfrí. Næsta tölublað Jökuls kemur út fimmtudaginn 11. ágúst.
Prentsmiðjan Steinprent og umboð Sjóvá á Snæfellsnesi verður lokað frá 19. júlí - 7. ágúst. Þeir sem þurfa aðstoð eða upplýsingar vegna trygginga er bent á síma 440 2390 og 440 2000
UM HELGINA
SANDARA- & RIFSARAGLEÐI
Dagskrá 2022
SJÓMINJASAFNIÐ Á HELLISSANDI Opið 12 - 16 alla helgina. Frítt inn á laugardag. SALTPORTIÐ Sýning alla helgina.
FIMMTUDAGUR 7. JÚLÍ
HIMINBJÖRG Þrír veggir listagallerí við Munaðarhól 25 27 opna dyrnar milli kl. 14 - 18.
KL. 18:00 KASSABÍLARALLÍ Á RIFI Helga Guðrún heldur um stjórnartaumana í æsispennandi kassabílarallí á bak við HH.
VIÐVÍK RESTAURANT Opið föstudag og laugardag frá 17 - 22. Happy-hour og drykkir á tilboði alla gleðina ásamt pop-up á matseðli.
KL. 20:30 ARI ELDJÁRN Í FRYSTIKLEFANUM Gleðin verður við völd í Frystiklefanum þegar hinn bráðfyndni Ari Eldjárn stígur á svið. (kostar á viðburð)
Myndlistarsýning Elvu Hreiðarsdóttur.
FÖSTUDAGUR 8. JÚLÍ KL. 16:00 HVAÐ LEYNIST Í HRAUNINU? Krakkastund fyrir 6-12 ára. Landverðir Þjóðgarðsins Snæfellsjökuls skoða hvað leynist í hrauninu við Sjóminjasafnið. KL. 18:00 FJÖLSKYLDUSKEMMTUN VIÐ RÖSTINA
GILBAKKI KAFFIHÚS Göróttir drykkir og góð stemning. Opið alla helgina frá kl. 11 - 17. FRYSTIKLEFINN RIFI Ari Eldjárn á fimmtudegi, Blood Harmony á föstudegi og Adam Harpaz á laugardegi.
Slysó-súpan ómótstæðilega og hoppukastalar fyrir börnin.
HRAÐBÚÐIN HELLISSANDI
KL. 20:00 BENEDIKT BÚÁLFUR VIÐ RÖSTINA
Gleymdirðu grillkjötinu? Ekkert mál. Opið á laugardaginn frá 11 - 21.
Skemmtileg sýning fyrir krakka á öllum aldri. KL. 21:00 BREKKUSÖNGUR MEÐ JÓGVAN Stuð og stemning í lautinni við Röstina.
Allir velkomnir í gleðina !
Hoppukastalar við Röstina föstudag og laugardag
BJARMASKÚR Hinn klassíski og ómissandi markaður í Bjarmaskúr verður opinn um helgina.
Hvar verður mesta stuðið í götugrillinu?
LAUGARDAGUR 9. JÚLÍ KL. 10:15 KRAKKASKOKK OG CROSSFIT
KL. 12:30 SK8ROOTS
KL. 18:00 GÖTUGRILL
Hreyfing fyrir káta krakka á öllum aldri. Létt upphitun og mikið stuð.
Strákarnir í hjólabrettagarðinum leika listir sínar og leyfa áhugasömum að spreyta sig.
Íbúar hittast í hverfunum, grilla saman og gera sér glaðan dag.
KL. 11:00 FÓTBOLTAMÓT Keppni milli hverfa á sparkvellinum. Mikilvægt að mæta í réttum lit.
KL. 23:00 SVEITABALL Í RÖSTINNI KL. 14:00 - 16:00 VIÐ RÖSTINA
KL. 11:00 SÆMUNDARGANGA
Kvenfélagsmarkaður og vöfflusala, hoppukastalar, andlitsmálning og fjölskylduskemmtun.
Gengið um Hellissand í fylgd Sæmundar. Gengið frá Fögruvöllum.
KL. 14:00 FORNTRAKTORAFÉLAGIÐ
Sæmundur áritar bók sína, Undir Jökli, í Hraðbúðinni eftir göngu.
Hans Bjarni, Bjössi og fleiri töffarar ræsa tólin og rúnta upp Höskuldsbraut. Sýning í Sjómannagarði í kjölfarið.
KL. 12:30 UPPSKERUHÁTÍÐ
KL. 16:00 GÖNGUTÚR Í NESHRAUN
Grillaðar pylsur og viðurkenningar fyrir krakkaskokk og fótboltamót.
Gróðurskoðunarferð í Neshraun með Sæmundi. Gengið frá Skarðsvík. (2 klst.)
Ungmennafélagið Víkingur/Reynir heldur alvöru sveitaball með hljómsveitinni Mínir menn í Röstinni. Miðaverð 3500 kr. Ágóði rennur til ungmennafélagsins.
Hvaða hverfi skreytir best? Dyngjubúð, Keflavíkurgata, Naustabúð Helluhóll, Selhóll, Laufás, Klettsbúð Bárðarás, Skólabraut, Snæfellsás, Hellisbraut 5-21
ÞAKKIR: Hraðfrystihús Hellissands, KG Fiskverkun, Fiskmarkaður Íslands, Fiskmarkaður Snæfellsbæjar, Guðbjartur SH, Landsbankinn, Litlalón ehf., Melnes, Menningarnefnd Snæfellsbæjar, Nónvarða, Snæfellsbær, Saxhamar SH, Útgerðin, Sker Restaurant, Smiðjan Fönix, Sjávariðjan, Hraðbúðin Hellissandi, Gilbakki.
Hraunás, Munaðarhóll, Hellisbraut 16-20 Háarif