1026. tbl - 22. árg.
23. júní 2022
Þjóðhátíðardagurinn í Snæfellsbæ 17. júní fór fram með hefðbundnu sniði í ár í Snæfellsbæ en hátíðleg athöfn fór fram í Ólafsvík. Dagurinn hófst á Landsbankahlaupinu, föstum lið á þjóðhátíðardaginn. Hlaupið var frá útibúi Landsbankans í Ólafsvík og hlupu krakkar á aldrinum 5 til 16 ára mismunandi vegalengdir eftir að Ingunn Ýr hafði séð til þess að allir hefðu hitað vel upp. Félagar úr Hestaeigendafélaginu Hringur buðu börnum að fara á hestbak í opnu húsi í Reiðhöllinni áður en að Unglingadeildin Drekinn tók á móti öllum í andlitsmálningu í íþróttahúsinu. Skrúðgangan hélt svo þaðan og leiddi hópinn í sjómannagarðinn í blíðviðri. Þátttaka í skrúðgöngunni sjálfri var heldur dræm en fjöldi fólks beið í garðinum svo að góð þátttaka var á hátíðarhöldunum sjálfum. Það var Lilja Hrund Jóhannsdóttir sem setti hátíðina í ár og við tók svo Hrund Hermannsdóttir sem kynnir. Fjallkona Snæfellsbæjar að þessu sinni var Stefanía Bláfeld Viðarsdóttir og flutti hún ljóðið Til fánans eftir Einar Benediktsson. Séra Óskar Ingi Ingason sóknarprestur sá um helgistund og Aníta Ólafsdóttir flutti ræðu nýstúdents þar sem hún hvatti unga fólkið til að fylgja hjartanu
og leggja sig fram á áhugasviðum sínum og þannig væri hægt að ná langt. Verðlaun fyrir Tiktok keppnina og Lego keppnina sem fóru fram fyrr um daginn voru veitt og Birgitta, Margrét og Sara Ýr, undir nafninu Vargurinn, fengu verðlaun fyrir flottasta myndbandið, Hugrún átti frumlegasta myndbandið og Eiríkur Elías fékk verðlaun fyrir Lego keppninni. Að dagskránni lokinni var
Við bjóðum upp á alhliða bílaviðgerðir, dekkjaskipti og smurþjónustu. Tímapantanir í síma 436-1111
haldið aftur niður í íþróttahúsið í Ólafsvík þar sem Snæfellsbæjarleikarnir fóru fram með allskyns leikjum og fjöri, pannavelli, frisbígolfi, Sk8roots Projects voru á svæðinu og meistaraflokkur Víkings með knattþrautir fyrir börnin. Mikið líf og fjör var í sveitarfélaginu öllu, fánar dregnir að húni, rjómatertur, vöfflur og pönnukökur á borðum og þau sem höfðu tök á drógu þjóðbúningana fram. sj
Íslandsmeistaramót í motorcrossi á Breiðinni Fyrsta umferð Íslandsmeistaramótsins í motorcrossi fór fram á braut Motorcrossklúbbs Snæfellsbæjar á Breiðinni, utan Ennis laugardaginn 11. júní. Keppt verður í fimm umferðum en mótaröðin er haldin af Mótorhjóla- og snjósleðaíþróttasambandi Íslands (MSÍ). Janus Jónsson, formaður Motorcrossklúbbs Snæfellsbæjar var keppnisstjóri umferðarinnar í Ólafsvík líkt og fyrri ár. Brautin á Breiðinni er um 1530 metra löng sandbraut sem margir telja vera eina þá erfiðustu í mótaröðinni þar sem hún breytist eftir hvern hring. Janus ásamt félögum sínum endurgerði brautina árið 2019 eftir að hún hafði fengið lítið viðhald í nokkur ár. Með þessu framtaki glæddu þeir brautina nýju lífi og hafa keppendur verið duglegir að sækja mótin sem haldin eru á Breiðinni. Í ár eru um 70 keppendur sem taka þátt í mótinu og keppt er í 9 flokkum, þar af 7 sem gilda til Íslandsmeistara og eru hinir tveir hobbý flokkar. Tveir heimamenn taka þátt í keppninni í ár en það eru bræðurnir Friðþjófur Snær og Ísak Brimir Alexanderssynir. Fjöldinn allur af fólki, keppendum, aðstandendum og áhorfendum gerðu sér ferð á braut Motorcrossklúbbs Snæfellsbæjar um helgina til að horfa á æsispennandi keppni í góðu veðri. Janus Jónsson vill koma fram þökkum til allra þeirra sem styrktu keppnina og veittu hjálparhönd við undirbúning og fram-
ÁRALÖNG ÞEKKING OG REYNSLA AF FASTEIGNAMARKAÐI Á VESTURLANDI
Allir kaupendur og seljendur fá
Vildarkort Lindar sem veitir 30% afslátt
hjá fjölmörgum fyrirtækjum
BOGI MOLBY Löggiltur fasteignasali
699 3444 molby@fastlind.is
Upplag: 500 Áb.maður: Jóhannes Ólafsson
Blaðið er gefið út af Steinprent ehf. og liggur frammi í Snæfellsbæ og Grundarfirði,
Prentun: Steinprent ehf. Sandholt 22a, Ólafsvík 355 Snæfellsbæ Netfang: steinprent@simnet.is Sími:
Blaðið kemur út vikulega.
436 1617
kvæmd. Meðfylgjandi myndir eru teknar af Sverri Jónssyni. sj
14. Landsmót Sambands íslenskra harmonikuunnenda fer fram í Stykkishólmi dagana 30. júní til 3. júlí nk. í boði Félags harmonikuunnenda í Reykjavík Mótið, sem verður tileinkað Hafsteini Sigurðssyni harmonikuleikara og tónlistarkennara í Hólminum, verður formlega sett í íþróttahúsinu í Stykkishólmi klukkan 13:30 föstudaginn 1. júlí. Að því loknu taka við tónleikar aðildarfélaga, sem standa til 17:30. Klukkan 20:00 hefst svo dansleikur í íþróttahúsinu, sem stendur til miðnættis. Dagskrá laugardagsins hefst með tónleikum klukkan 13:30 og er áætlað að þeim ljúki 15:30. Klukkan 16:00 fara fram sérstakir hátíðartónleikar Ástu Soffíu Þorgeirsdóttur, Kristinu Farstad Björdal og Mariusar Berglund. Stórdansleikur síðan í íþróttahúsinu um kvöldið frá klukkan 20:00 til 01:00 eftir miðnætti. Aðgangseyrir með armbandi er kr. 10.000.- á alla viðburði mótsins, þrenna tónleika og tvo dansleiki. Á staka viðburði, föstudagsdansleikur kr. 3000.-, laugardagsdansleikur kr. 4000.-. Tónleikar kr. 1500.- og hátíðartónleikar kr. 2000.-. Kynnir landsmótsins verður Ellert Kristinsson. Af þessu tilefni hafa harmonikuunnendur fengið tjaldsvæði úthlutað næst íþróttahúsinu, meðan það endist, en aðeins íþróttavöllurinn er á milli. Greið gönguleið er að íþróttahúsinu. Tjaldsvæðið er hins vegar mun stærra. Tilboð til harmonikuunnenda verður í boði, sem þýðir að sé dvölin þrjár nætur eða fleiri kostar nóttin kr. 1000.- – 1060.- á mann. Ekki verður rukkað fyrir rafmagn í þeim tilvikum.
Harmonikulandsmót í
Stykkishólmi 30. júní – 3. júlí
14. landsmót harmonikuunenda fer fram í Stykkishólmi fyrstu helgina í júlí og er það Félag harmonikuunnenda í Reykjavík sem sér um að halda mótið fyrir hönd SÍHU (Sambands íslenskra harmonikuunnenda). Það var ekki sjálfgefið hvar halda skyldi mótið, því í Reykjavik er engin aðstaða til slíks. Sama sagan átti við um alla nágrannabæina, því til að halda harmonikumót þurfa nokkur atrið að ganga upp. Allir þátttakendur og gestir þurfa að eiga greiðan aðgang að samkomuhúsinu, helst í göngufæri frá gististaðnum, en langflestir þátttakenda halda til í „viðhengjum“, sem þeir draga með sér á mótsstað. Að öllu athuguðu varð Stykkishólmur fyrir valinu. Á mótinu í sumar munu tíu íslensk harmonikufélög senda þátttakendur auk eins félags frá Fuglafirði í Færeyjum. Færeyingar hafa áður sent hóp á landsmót, en það var í Neskaupstað 2005. Tónleikar verða í íþróttahúsinu í Stykkishólmi föstudag og laugardag og dansleikir bæði kvöldin. Hljómsveitir hinna ýmsu félaga leika á tónleikum og síðan munu fulltrúar félaganna leika fyrir dansi bæði kvöldin. Reikna má með ca fjögur hundruð gestum á landsmótið. Sérstakir heiðursgestir verða á landsmótinu. Að þessu sinni verður um að ræða blöndu frá Íslandi og Noregi. Þetta eru þau Ásta Soffía Þorgeirsdóttir, Kristina Farstad Bjordal og Maríus Berglund, sem ætla að gæla við tóneyru landsambandsgesta. Það má segja að þeirra sérstaða sé sú, að þau leggja mikið upp úr því að leika fyr-
ir dansi, auk þess að leika sígild verk útsett fyrir hljóðfærið. Mótið verður tileinkað harmonikuleikaranum og tónlistarkennaranum Hafsteini Sigurðssyni, sem lengi stafaði í Hólminum þar sem hann bjó alla tíð. Það má því búast við miklu fjöri í Stykkishólmi fyrstu helgina í júlí. Fyrsta landsmót harmonikuunnenda var haldið í Reykjavík dagana 4.-6. júní 1982. Tveimur árum síðar var aftur blásið til landsmóts, að þessu sinni á Varmalandi í Borgarfirði í boði Harmonikuunnenda Vesturlands. Síðan þá hafa landsmót verið haldin reglulega á þriggja ára fresti, með þeirri undantekningu að landsmóti sem halda átti 2020 hefur verið frestað í tvígang vegna covid. Þegar fjórða landsmót SÍHU var haldið að Laugum í Reykjadal, sumarið 1990, var í fyrsta skipti boðið upp sérstaka snillingatónleika. Það var sænski harmonikusnillingurinn Nils Fläcke sem sýndi listir sínar, við mikla hrifningu áheyrenda. Síðan hefur það verið fastur liður á landsmótum að bjóða til slíkrar veislu og eru margir gestir minnistæðir í þeim efnum. Má þar nefna Finnann Tatu Katomaa, Rússana Vadim og Yuri Fjodorof, Anniku Andersson frá Svíþjóð, Sören Brix frá Danmörk og Norðmanninn Håvard Svensdrud. Þá er ekki úr vegi að nefna hið íslenska Ítrío, sem kom fram á landsmótinu á Íafirði 2017. Fh. FHUR Friðjón Hallgrímsson
17. júní í Grundarfirði
Þjóðhátíðardagur Íslendingar var að sjálfsögðu haldinn hátíðlegur í Grundarfirði og hófst dagurinn á hinu árlega Grundar- og Kvernárhlaupi og Sundmóti UMFG. Að því loknu fór uppskeruhátíð UMFG fram með grilli og svala fyrir alla, andlitsmálun, fjöri og verðlaunaafhendingu fyrir hlaup og sund morgunsins. Því næst fór skrúðgangan af stað en hún hélt frá Miðbæjarreit að íþróttahúsinu þar sem hátíðardagskráin fór fram. Fjallkona Grundarfjarðar í ár var Magatte Gueye, Magatte hlaut íslenskan ríkisborgararétt í janúar 2021 og flutti hún Hver á sér fegra föðurland eftir Huldu
fyrir hátíðargesti. Hátíðaræðan var flutt af Sigurborgu Kr Hannesdóttur, Paulinu Kolenderska og Anne Dsse en ræðan í ár var flutt á íslensku, pólsku og ensku. Söngatriði dagsins var svo í höndum þeirra Ellenar Alexöndru Tómasdóttur, Emilíu Rósar Pawelsdóttur, Ísbellu Óskar Davíðsdóttur og Jódísar Kristínar Jónsdóttur. Á svæðinu var teymt undir börnum á hestum auk þess sem ís og kaffi var í boði. Fyrirtæki í Grundarfirði tóku virkan þátt í deginum með tilboðum og kaupaukum í tilefni dagsins og bærinn iðaði af lífi. sj
- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði vegr@vegr.is vegr.is S: 849-7276 Remek og 898-5463 Þórður
Fótboltinn Það voru allir, sem standa að Víkingsliðinu staðráðnir í, að vinna með leikmönnunum við að breyta gengi liðsins fyrir leikinn á laugardaginn var. Eitt af því var, að í leiknum, sem var á móti Magna, var bláa búningnum skipt út og klæddust leikmenn gulum treyjum og svörtum buxum. Það, ásamt ýmsu öðru virkaði greinilega. Leikmenn Víkings höfðu mætt á heimaleik Reynis gegn KFB og hvatt Reynismenn til sigurs. Leikmenn Reynis mættu síðan á leikinn hjá Víkingi og stóðu sig frábærlega. Voru með saklausar athugasemdir, sem þeir höfðu samið og voru mjög hvetjandi og skemmtilegir. Þetta gerði mikið fyrir leikinn. En aftur að sjálfum leiknum. Heimamenn komu mjög ákveðnir til leiks og byrjuðu á að sækja stíft að marki gestanna. Það vara bara fyrir frábæra vörslur hjá markmanni gestanna, Vladans Dogatovic að staðan var 0-0 fram á 30. mínútu, en þá skoraði Bjartur Bjarmi flott mark eftir skemmtilegt spil og góða fyrirgjöf. En dýrðin stóð ekki lengi því þremur mínútum síðar fengu gestirnir vítaspyrnu, sem þeir skoruðu úr. Staðan því 1-1 í hálfleik. Okkar menn komu síðan mjög ákveðnir til seinni hálfleiks og á 48. mínútu var brotið á Bjarti Bjarma innan teigs og víti dæmt, sem hann tók sjálfur og skoraði af öryggi, staðan orðin 2-1. Áfram héldu okkar menn að sækja og var allt annar bragur á leik liðsins, voru ákveðnir og sóttu af krafti, ásamt því að varnarleikurinn var ágætur. Andri Þór skoraði svo á 54. mínútu og aftur á þeirri 63. og úrslitin ráðin. Það var samt ekkert gefið eftir og bætti Adrian Sanchez svo við marki áður en leiktíminn rann út og lokastaðan 5-1. Þvílíkur viðsnúningur hjá liðinu, og var þessi leikur hin besta skemmtun fyrir alla nema Magnamenn. Ágætis samspil og barátta í öllum, greinilegt að leikmenn voru ákveðnir í að vinna þennan leik, sem ætti að gefa þeim sjálfstraustið í komandi leiki. Skorum á fólk að sýna strákunum stuðning og mætum á næsta heimaleik, sem verður á móti KFA laugardaginn 2. júlí. Fyrst er útileikur á móti liði Fjallabyggðar frá Ólafsfirði, á laugardaginn. Meðfylgjandi myndir tók Þórey Úæfarsdóttir úr stúkunni þegar Bjartur skoraði úr vítinu. óhs
Snæfellsjökulshlaupið verður haldið 25. júní 2022 Hlaupið verður frá Arnarstapa yfir Jökulháls til Ólafsvíkur. Ræst verður kl. 12.00 frá veitingastaðnum Arnarbæ á Arnarstapa og fyrstu keppendur ættu að vera að koma í mark í Ólafsvík um kl. 14.00. Verðlaunaafhending verður í Sjómannagarðinum í Ólafsvík kl. 15.30. Gaman væri að sjá sem flesta og hvetja þessa flottu hlaupara, þeirra á meðal eru nokkrir heimamenn.
Umhverfisvæn orkuöflun og orkunýting til húshitunar og orkuskiptin
Fyrir Alþingi hefur legið frumvarp til breytingar á lögum um niðurgreiðslur húshitunarkostnaðar. Í frumvarpinu er lagt til að styrkir verði í formi eingreiðslu til íbúðareigenda sem fjárfesta í tækjabúnaði er leiðir til umhverfisvænnar orkuöflunar og bættrar orkunýtingar við húshitun. Styrkurinn tekur mið af kostnaði við kaup á tækjabúnaði og uppsetningu utan dyra og er þar sérstaklega horft til varmadælna. Styrkurinn skal samkvæmt frumvarpinu jafngilda helmingi kostnaðar við kaup á tækjabúnaði, sem leiðir til umhverfisvænnar orkuöflunar og/eða bættrar orkunýtingar við húshitun, að hámarki 1 millj. kr. Styrkirnir eru samningsbundnir til 15 ára á viðkomandi húseign. Atvinnuveganefnd lagði til hækkun á hámarki í 1,3 milljónir kr. Samkvæmt athugun Orkustofnunar fer kostnaður slíks tækjabúnaður almennt ekki yfir 2 milljónir króna. Þetta er vanáætlað, kostnaðurinn er nær 2,6 – 3 milljónir króna. Hér er mikið hagsmunamál fyrir íbúa landsbyggðarinnar sem nýta raforku til húshitunar á köldum svæðum landsins, þar sem nýting jarðhita er ekki möguleg. Málið er liður í orkuskiptum og það bæði eykur tekjur ríkissjóðs og sparar ríkinu töluverð útgjöld til lengri tíma. Með varmadælu og öðrum orkusparandi búnaði er gert ráð fyrir að
hægt verði að losa um allt að 110 GWst í aðra notkun. Það samsvarar raforkunotkun 50 þúsund rafbíla. Þessar 110 GWst sem fara í aðra notkun munu við það færast úr 11% virðisaukaskatti fyrir rafhitun í 24% virðisaukaskatt fyrir aðra raforkunotkun. Það mun auka tekjur ríkissjóðs verulega. Aukin notkun á tækjabúnaði til umhverfisvænnar orkuöflunar og/ eða bættrar orkunýtingar við húshitun mun einnig lækka útgjaldaþörf ríkisins til niðurgreiðslna vegna húshitunar til lengri tíma. Ríkið sparar í formi lægri útgjalda. Íbúðareigendur, sem fjárfesta í umhverfisvænni orkuöflun og bættri orkunýtingu, eiga að njóta góðs af auknum tekjum og sparnaði ríkisins af fjárfestingum sínum. Í ljósi þess hve mikilvægt er að stuðla að orkuskiptum og í ljósi þess að umræddir styrkir munu til lengri tíma litið lækka útgjald ríkisin,s ætti að hækka styrkina í úr helmingi kostnaðar í þrjá fjórðu (75%) hluta kostnaðar og að hámark styrkja verði 1,5 millj. kr. Frumvarpið gerir ráð fyrir að hækkun útgjalda verði fjármögnuð með auknu 50 milljón króna árlegu útgjaldasvigrúmi á málefnasviði 15 Orkumál frá og með 2023 og það sem eftir stendur með ráðstöfun fjárheimilda af málefnasviði 17 Umhverfismál sem ætlaðar eru til orkuskipta. Lögfesting frumvarpsins mun því ekki hafa nein fjárhagsáhrif á ríkissjóð. Hækkun styrks úr helmingi (50%) í þrjá fjórðu (75%) kostnaðar íbúðareiganda við tækjakaup leiðir líka til að hlutfallslegrar hækkunar á ofangreindu árlegu útgjaldasvigrúmi um 25 milljónir króna. Í frumvarpinu kemur fram að losa þarf raforku til nauðsynlegra orkuskipta á næstu árum og að með aukinni notkun varmadælna við húshitun í stað rafhitunar sparast mikil raforka sem þá er hægt að nýta á
annan hátt, t.d. til orkuskipta í samgöngum. Í stjórnarsáttmála ríkisstjórnarinnar er mikið talað um orkuskipti. Þar kemur fram að leggja eigi áherslu á markvissar og metnaðarfullar aðgerðir til að hraða orkuskiptum á öllum sviðum. Markmiðið er að Ísland nái kolefnishlutleysi og fullum orkuskiptum eigi síðar en árið 2040 og verði þá óháð jarðefnaeldsneyti fyrst ríkja. Orkuskipti á að verða ríkur þáttur í framlagi Íslands til að ná árangri í baráttunni við loftslagsvána samhliða því að styrkja efnahagslega stöðu landsins og verða í forystu í orkuskiptum á alþjóðavísu. Styðja á orkuskipti á landsvísu með áherslu á að horfa til orkutengdra verkefna og grænnar orkuframleiðslu. Byggðaáætlun á að styðja við græn umskipti um allt land. Þetta eru háleit markmið um orkuskipti í landinu þar sem hraða á orkuskiptum á öllum sviðum og ná fullum orkuskiptum fyrir árið 2040 og verða þá óháð jarðefnaeldsneyti fyrst ríkja. Ísland á að vera í forystu í orkuskipt-
um á alþjóðavísu og kveða á um þau í byggðaáætlun. Meini ríkisstjórnin eitthvað með yfirlýsingum sínum í stjórnarsáttmálanum um orkuskipti, er ljóst að íbúðareigendur sem fjárfesta tækjabúnaði sem leiðir til umhverfisvænni orkuöflunar og bættrar orkunýtingar eiga að njóta góðs af auknum tekjum og sparnaði ríkisins. Það verður ekki gert með því að íbúðareigendur á landsbyggðinni stofni til mikilla útgjalda við kaup á tækjabúnaði sem gerir þau möguleg. Það eru útgjöld sem nema um 1,3 – 1,5 milljón króna með helmingsstyrk og með 75% styrk 650 – 750 þúsund krónur. Mikilvægt er því að þessi mikilvægi styrkur verði aukinn frekar en kveðið nú er ætlunin. Með því væri settur kraftur í umhverfisvænni orkuöflunar og bætta orkunýtingu á landsbyggðinni. Höfundur er þingmaður Flokks fólksins í Norðvesturkjördæmi. Eyjólfur Ármannsson
Hanseatic Inspiration til Ólafsvíkur
Skemmtiferðaskipið Han seatic Inspiration lagði leið sína til Ólafsvíkur þann 17. júní síðastliðinn, á þjóðhátíðardaginn sjálfan. Er þetta í fyrsta sinn síðan 2019 sem skemmtiferðaskip kemur til Ólafsvíkur. Skipið er 123 metrar að lengd og 18 metrar að breidd og er nú á 18 daga ferðalagi frá Reykjavík til Longyearbyen á Svalbarða í Noregi með fyrsta stopp í Ólafsvík. Hanseatic Inspiration er fimm
stjörnu skemmtiferðaskip með rúmlega 300 einstaklinga um borð, bæði áhöfn og farþega. Á meðan skipið stoppað hér héldu einhverjir farþeganna í skipulagðar ferðir um Snæfellsnesið en aðrir héldu kyrru fyrir um borð eða röltu um Ólafsvík og fengu að upplifa þjóðhátíðardaginn með bæjarbúum. Myndin tók Þórey Úlfarsdóttir. sj
Ómskoðunartæki - leiðrétting
BÆJARBLAÐIÐ JÖKULL FER Í FRÍ
Bæjarblaðið Jökull kemur næst út Í Jökli í síðustu viku var frétt um að lionsklúbbarnir í Snæfellsbæ, þ.e.a.s. Rán, Þerna, Nesþinga og Ólafsvíkur hafi afhent ómskoðunartæki í sjúkrabifreið HVE í Snæfellsbæ. Hið rétta er að klúbbarnir styrktu kaupin á tækinu um 440.000 en tækið mun kosta 820.000. Rangt var einnig farið með tegund tækisins en það mun heita Vscan Air. Beðist er velvirðingar á þessum rangfærslum. Tækið mun nýtast mjög vel í bráðatilfellum sem og almennum sjúkraflutningum en tæki
þetta gerir sjúkraflutningafólki kleift að óma hjarta, lungu, æðar og innvortis blæðingar svo dæmi séu tekin en tæki sem þetta var ekki til í tækjabúnaði sjúkraflutningafólks í Snæfellsbæ.
fimmtudaginn 30. júní eftir það fer útgáfan í frí til 11. ágúst.
jó
Aflafréttir Handfærabátar eru fyrirferðamiklir í höfnum Snæfellsbæjar enda þeirra aðaltími sumarið. Dagana 13. til 19. júní komu á land í höfnum Snæfellsbæjar 304 tonn í 166 löndunum. Þar af var landað 186 tonnum í 103 löndunum í Ólafsvíkurhöfn, í Rifshöfn var landað 114 tonnum í 57 löndunum og á Arnarstapa var landað 4 tonnum í 6 löndunum. Fimm dragnóta bátar lönduðu þessa daga Gunnar Bjarnason SH 37 tonnum í 2, Ólafur Bjarnason SH 33 tonnum í 4, Rifsari SH 27 tonnum í 2, Saxhamar SH 26 tonnum í 1 og Steinunn SH 22 tonnum í 1 löndun. Einn af stóru línu bátunum Örvar SH landaði 24 tonnum í 1 löndun. Hjá litlu línu bátunum landaði Tryggvi Eðvarðs SH 18 tonnum í 2, Brynja SH 4 tonnum í 2 og Þerna SH 1 tonni í 1
löndun. Alls lönduðu 71 handfærabátur þessa daga í Ólafsvíkur-
höfn lönduðu 38 handfæra bátar 71 tonni í 92 löndunum, í Rifshöfn lönduðu 28 handfærabátar 35 tonnum í 52 löndunum og á Arnarstapa lönduðu 5 handfærabátar 4 tonnum í 6 löndunum. Í Grundarfjarðarhöfn var landað alls 318 tonnum í 56 löndunum. Fimm botnvörpu bátar lönduðu einu sinni hver þessa
daga Steinunn SF 73 tonnum í 1, Björgvin EA 61 tonni í 1, Bylgja VE 52 tonnum í 1, Runólfur SH 47 tonnum í 1 og Hringur SH 45 tonnum í 1 löndun. Einn grásleppubátur Björt SH landaði 3 tonnum í 2 löndunum. 17 handfærabátar lönduðu þessa daga og lönduðu þeir 37 tonnum í 51 löndun. þa
N1 Ólafsvík leitar að starfsfólki
N1 Ólafsvík leitar að kraftmiklum og þjónustulunduðum starfsmanni til sumarstarfa. Helstu verkefni: • Almenn afgreiðsla í verslun • Önnur tilfallandi verkefni Menntunar- og hæfniskröfur: • Reynsla af sambærilegum störfum er kostur • Samskiptafærni og þjónustulund • Góð íslenskukunnátta skilyrði • Reglusemi og stundvísi áskilin • 18 ára eða eldri Fríðindi í starfi • Aðgangur að Velferðarþjónustu N1 • Afsláttarkjör hjá N1, Krónunni og ELKO • Styrkur til heilsueflingar • Sumarstarfsmenn fá glaðning í lok sumars Nánari upplýsingar um starfið veitir Einar Rúnar Ísfjörð, stöðvarstjóri í síma 440 1385 eða einar@n1.is Áhugasamir sæki um á www.n1.is – merkt Ólafsvík
440 1000
n1.is
ALLA LEIÐ