1024. tbl - 22. árg.
9. júní 2022
Þorsteinn sigraði Jökulmíluna
Jökul, um sunnanvert Snæfellsnesið, yfir Vatnaleið og enda aftur í Grundarfirði. Þorsteinn, ásamt Hafdísi Sigurðardóttur, er efstur
Hjólareiðadeild Breiðabliks hélt götuhjólreiðamótið Jökulmíluna á Snæfellsnesi síðastliðinn laugardag en keppnin var fyrst haldin í þessari mynd árið 2013. Um er að ræða þriðju umferð sumarsins í bikarmótaröð götuhjólreiða. Keppt var í nokkrum flokkum og vegalengdum og byrjuðu og enduðu allar leið-
ir í Grundarfirði. Heimamaðurinn Þorsteinn Bárðarson sigraði í A-flokki Elite karla í æsispennandi keppni og hjólaði hann 161 km á 04:03:52.09 eða 12 sekúndum á undan þeim sem lentu í öðru og þriðja sæti í þeim flokki. Á þessari 161 km leið er ráspunktur við Grunnskólann í Grundarfirði og hjóla keppendur út fyrir
eftir þrjár umferðir í þessari stigamótaröð og verður spennandi að fylgjast með honum í sumar. sj
Grunnskólinn fagnar fjölbreytileikanum Júnímánuður er alþjóðlegur hinsegin mánuður og í tilefni þess var Grunnskólinn í Snæfellsbæ skreyttur síðustu vikuna fyrir sumarfrí. Þær Stefanía Klara Jóhannsdóttir og Hanna Imgront áttu hugmynda og var skólinn skreyttur með fjölbreyttum hinsegin fánum og litríku skrauti ásamt fróðleik um hinsegin samfélagið og orðaforða sem er ekki öllum kunnugur. Með þessu sýnir skólinn og nemendur hans að hinsegin einstaklingar eru velkomnir og samþykktir. Í pistli sem Hanna Imgront skrifar og er birtur á Facebook síðu grunnskólans minnir hún á að margir eigi erfitt með að finna sig og að sætta sig við kynhneigð sína og að samfélagið beri ábyrgð á að sína þessum einstaklingum stuðning og virðingu. “Þó að heimurinn sé búinn að breytast til hins betra,
þurfum við að halda áfram að gera heiminn enn betri. Allir eiga að hafa rétt á því að elska hvern sem er án þess að vera dæmdur fyrir það” skrifar Hanna. Einnig tekur hún fram að Hinseginhátíð sé hátíð okkar allra þar sem hægt er að fagna fjölbreytileikanum og ástinni en Hinseginhátíð Vesturlands verður haldin í Snæfellsbæ, dagana 22.-24. júlí. sj
Styrkur til bátakaupa Björgunabátasjóð Björgunarsveitarinnar Lífsbjargar barst vegleg gjöf á dögunum þegar Fiskmarkaður Íslands hf. færði sjóðnum styrk að upphæð 1.000.000 króna. Tilefnið var 30 ára afmæli FMÍS og var það Guðmundur Smári Guðmundsson stjórnarformaður FMÍS sem afhenti styrkin. Stjórn björgunarbátasjóðsins veiti styrknum viðtöku og sagði Halldór Kristinsson við það tækifæri, um leið og hann þakkaði fyrir veglega gjöf að sjóðurinn væri fjórði í röðinni að fá björgunarbát. Væri það mjög gott þar sem þetta væru nýjir bátar og þegar að þeim kæmi yrði komin reynsla á bátana. En ríkið mun fjármagna 50% af fyrstu 10 skipunum. Að loknu útboði á fyrstu þremur nýju björgunarskipunum var ákveðið að ganga til samninga við KewaTec sem er finnsku skipasmiður sem hefur yfir 20 ára reynslu af því að smíða skip til leitar og björgunarstarfa. Nýja björgunarskipið verður knúið tveimur Scania D13 551kW og verður að auki framdrifið knúið tveimur Hamilton JET með ZF gírum. Heildarlengd skipsins er 16 metrar og mesta breidd 4 metrar. Dráttargeta verður 4 tonn og er gert ráð fyrir allt að 6 áhafnarmeðlimum í fjaðrandi sætum í neyð og geta 40 skjólstæðingar rúmast innan skipsins en gera má ráð fyrir að allt að
60 getir verið um borð í ítrustu aðstæðum. Skipin munu verða búin nýjustu tækjum til leitar og björgunarstarfa ásamt því að vera sjálfréttandi. Ásamt Halldóri Kristinssyni veitu þeir Eggert Arnar Bjarnason, Magnús Guðni Emanúelsson og Viðar Páll Hafsteinsson styrknum viðtöku en þeir eru á meðfylgjandi mynd ásamt Guðmundi Smára Guðmundssyni. þa
Við bjóðum upp á alhliða bílaviðgerðir, dekkjaskipti og smurþjónustu. Tímapantanir í síma 436-1111 Upplag: 500 Áb.maður: Jóhannes Ólafsson
Blaðið er gefið út af Steinprent ehf. og liggur frammi í Snæfellsbæ og Grundarfirði,
Prentun: Steinprent ehf. Sandholt 22a, Ólafsvík 355 Snæfellsbæ Netfang: steinprent@simnet.is Sími:
Blaðið kemur út vikulega.
Fyrsti fundur á nýju kjörtímabili
436 1617
Ný bæjarstjórn Snæfellsbæjar kom saman til fyrsta fundar á nýju kjörtímabili fimmtudaginn 2. júní síðastliðinn. Bæjarstjórn skipa nú Auður Kjartansdóttir, Björn H. Hilmarsson, Fríða Sveinsdóttir, Jón Bjarki Jónatansson, Júníana Björg Óttarsdóttir, Margrét Sif Sævarsdóttir og Michael Gluszuk. Almenn fundarstörf á fyrsta fundi kjörtímabilsins voru meðal annars að skipa í nefndir og ráð bæjarfélagsins næstu fjögur árin. Á fundinum var Björn H. Hilmarsson kosinn forseti bæjarstjórnar til eins árs, Michael Gluszuk er fyrsti varaforseti og Júníana
Björg Óttarsdóttir annar varaforseti. Bæjarráð Snæfellsbæjar skipa Júníana Björg Óttarsdóttir, Auður Kjartansdóttir og Fríða Sveinsdóttir. Á fundinum var einnig gengið frá ráðningu Kristins Jónassonar til bæjarstjóra næstu fjögurra ára en þegar þessu kjörtímabili lýkur hefur Kristinn þá sinnt starfi bæjarstjóra Snæfellsbæjar í 28 ár, eða síðan 1998. Á Meðfylgjandi mynd er nýkjörin bæjarstjórn ásamt bæjarstjóra en Patryk Zolobow kom inn sem varamaður Margrétar Sifjar Sævarsdóttur. sj
SJÓMANNADAGURINN Í SNÆFELLSBÆ 10. JÚNÍ - 12. JÚNI 2022 Föstudagur 10. júní
Laugardagur 11. júní
19:00
Skemmtisigling frá Rifi Magnús SH og Saxhamar SH.
20:00
Við höfnina á Rifi Grillveisla í boði Söluskála ÓK umsjón 4. fl KK, hoppukastalar á svæðinu í boði Menningarnefndar Snæfellsbæjar.
20:00
Laugardagur 11. júní
Félagsheimilið Klif Sjómannahóf í Klifi – húsið verður opnað kl. 19:15 Matur frá Galito Veislustjóri: Sigurður Ingi Sigurðsson Sjómannskonur heiðraðar Minni sjómanna Áskorandakeppni sjómanna Ball: Hljómsveitin Stuðbandið heldur uppi stemningunni fram á rauða nótt. Miðasala á hóf: Illugi s. 8646457
09:00
Mótorcrossmót á Breiðinni.
11:00
Dorgveiðikeppni á Norðurgarði í Ólafsvík í umsjá Sjósnæ
13.00
Við höfnina á Rifi Kappróður, flekahlaup, þrautakeppni, reiptog og fl.. Dýrindis fiskisúpa í boði og hoppukastalar á svæðinu.
Selt verður inn á ballið eftir kl 23:30. 18 ára aldurstakmark. Miðaverð 3.000 ATH. Snyrtilegur klæðnaður Rútuferðir verða á milli Hellissands, Rifs og Ólafsvíkur, lagt verður af stað kl. 19:00 frá Hellissandi, ferðir verða á heila tímanum til baka frá kl. 00:00 - 03:00 GMT
Skráning í keppnisgreinar hjá: Halldóri í síma: 893 3392 15:00 Reynir H. - KFB á Ólafsvíkurvelli
Sunnudagur 12. júní - Hellissandur og Rif
Sunnudagur 12. júní - Ólafsvík
08:00
Fánar dregnir að húni
08:00
Fánar dregnir að húni
11:00
Sjómannamessa að Ingjaldshóli
13:00
13:00
Í Sjómannagarðinum á Hellissandi Hátíðarræða Aldraður sjómaður heiðraður
Í Sjómannagarðinum í Ólafsvík Ræðumaður Sjómenn heiðraðir KK spilar og syngur lög milli atriða
13:45
Sjómannamessa í Ólafsvíkurkirkju
14-16.30
Sjómannakaffi slysavarnardeilda Helgu Bárðar og Sumargjafar í björgunarmiðstöðinni Von.
15:30
Leikhópurinn Lotta í Tröð, Hellissandi
Þökkum eftirfarandi styrktaraðilum Fiskmarkaður Íslands, N1, Akraborg, Fiskmarkaður Snæfellsbæjar, Hafnir Snæfellsbæjar, Ragnar og Ásgeir, Voot, Sjávariðjan, Valafell, Verkalýðsfélag Snæfellinga, Menningarnefnd Snæfellsbæjar, Landsbankinn, Hraðfrystihús Hellissands og KG Fiskverkun.
Áhafnirnar á Guðmundi Jenssyni, Kristni og Hamri/Stakkhamri.
Tekið til í Búlandshöfða
Þegar ljósmyndari átti leið um Búlandshöfða á þriðjudag þá voru feðgarnir Stefán Þór og Svanur Tómasson hjá TS önnum kafnir við að moka malarefni á bíl, verkefnið var að fjarlægja skriður og grjót sem hefur hrunið úr Höfðanum í vetur. Á hverju vori eru vinnuvélar fengnar til að hreinsa rásina sem er fjallmegin við veginn, bæði til að koma í veg fyrir að of mikið efni safnist þarna fyr-
ir og fari að velta inn á veginn en rásinni er einnig haldið hreinni til að hægt sé að nota hana sem reiðveg. Eins og lesendum Jökuls rekur minni til þá hrundi stórt bjarg úr Höfðanum í vetur og staðnæmdist á veginum, vinnuvélar voru þá fengnar til að ýta bjarginu af veginum. Eftir grófar mælingar reiknaðist mönnum til að bjargið væri um fimm tonn að þyngd.
Þegar Svanur fjarlægði svo bjargið í vikunni þá gat hann upplýst um þungann þar sem að hjólaskóflan, sem hann var að vinna á, gefur honum upp þunga þess sem er í skóflunni. Niðurstaðan var sú að bjargið var 10.550 kg., það
er því sannarlega gott að enginn var á ferð um Búlandshöfða þegar bjargið féll á veginn. Myndin af hjólaskóflunni með grjótið er skjáskot úr myndbandi sem Stefán Þór Svansson tók. jó
Smíðuðu útileikföng sjálf
kirkjanokkar.is
Sjómannadagsguðþjónusta í Ingjaldshólskirkju
verður sunnudaginn 12. júní kl. 11. Sjómenn lesa ritningarlestra og leggja blómsveig að minnisvarða um sjómenn sem hvíla fjarri.
Sjómannadagsguðsþjónustan í Ólafsvíkurkirkju verður sama dag um kl. 13:45 (eftir dagskrá í sjómannagarðinum). Sjómenn lesa ritningarlestra.
Í vetur hafa nemendur í 9. bekk Grunnskóla Snæfellsbæjar unnið að því að smíða útileikföng fyrir skólann með kennara sínum Helgu Guðrúnu Sigurðardóttur. Leikföngin sem verða staðsett á starfsstöð skólans á Hellissandi voru afhent í síðustu
viku. Það voru nokkrir nemendur úr 1. bekk skólans sem tóku við leikföngunum af hluta nemenda 9. bekkjar og voru mjög ánægð með þessa flottu gjöf og hlakkaði til að nýta hana í frímínútum. þa
Heillaóskir, sjómenn ! Snæfellsbær óskar sjómönnum og fjölskyldum þeirra til hamingju með sjómannadaginn
Mynd: Ólafur Bjarnason SH-137 landar við Ólafsvíkurhöfn í kvöldsólinni 2. september 2019 með átta tonna afla.
Sjómannadagsblað Snæfellsbæjar kemur út Nú í vikunni fyrir sjómannadag kemur Sjómannadagsblað Snæfellsbæjar út. Blaðið hefst á hugvekju sr Óskar Inga Ingasonar og ávarp er frá Svandísi Svavarsdóttur matvælaráðherra. Sigurður Bogi Sævarsson blaðamaður ræðir við Guðmund Smára Guðmundsson og Rósu dóttur hans hjá G. Run í Grundarfirði. Sigurður er nýlega komin frá bænum Vogi á Suðurey í Færeyjum og ræddi hann við Sjúrd Vestergaard sem var í Ólafsvík á árum áður ásamt mörgum öðrum frá Suðurey. Reynir Georgsson skipstjóri á Má SH 127 segir frá því er skipinu var meinað að koma í höfn í Noregi til að taka úr skrúfu skipsins. Þetta varð að milliríkjamáli milli Íslands og Noregs á sínum tíma en þetta var árið 1995. Þá er grein um 70 ára sögu Sjómannadagsráðs Ólafsvíkur ásamt myndum sem með fylgja. Viðtöl eru við þrjá sjómenn, togarasjómanninn Guðmund Guðmundsson sem býr á Spáni og er á Sólborgu RE 27 í eigu Útgerðarfélags Reykjavíkur og svo þá Ólaf Barða Guðmundsson og Guðjón Guðmundsson sem eru fyrrum sjómenn hér í Ólafsvík og þeir hafa frá mörgu áhugaverðu að
segja. Skemmtileg grein er eftir Skúla Möller sem var kennari við stýrimannaskólanum í Reykjavík sem margir fyrrverandi skipstjórar kannast við. Kristinn Jón Friðþjófsson skrifar um fimmtíu ára sögu Hamars SH 224 í Rifi en skipið hefur verið í eigu hans og fjölskyldu þessi ár. Þá er viðtöl við tvo unga skipstjóra þá Orra Freyr Magnússon í Ólafsvík og Runólf Jóhann Kristjánsson í Grundarfirði. Sagt er frá stórslysi á sjómanni sem var í bát við bryggju í Ólafsvíkurhöfn í september 1960. Grein er eftir Guðbrand Þorkel Guðbrandsson en hann skrifar um húsin sem eru við Ennisbraut í Ólafsvík. Þar kemur margt áhugavert fram en safnað var ýmsum heimildum þá sem bjuggu þar í firstu og byggðu húsin. Skemmtilegar vísur koma frá Guðjóni Jóhannessyni bónda í Syðri -Knarrartungu sem gaman er að lesa. Fleiri greinar og myndir eru í blaðinu sem koma fyrir augu lesenda. Blaðið er brotið um í Steinprent í Ólafsfsvík og það er 88 síður. Ritstjóri er Pétur Steinar Jóhannsson. Blaðið verður til sölu í versluninni Gleraugna Pétri á Garðatorgi 4 í Garðabæ og einnig á Norður-
kaffi Lækjargötu 34d í Hafnarfirði. Blaðið verður borið í hús í Snæfellsbæ fimmtudaginn 9. júní og einnig sama dag í Stykkishólmi.
Þá verður blaðið til sölu í Kjörbúðinni á Grundarfirði. psj
Háskólalestin á Snæfellsnesi Háskólalestin hefur lokið för sinni um landið þetta vorið og var fjórða og síðasta stopp lestarinnar hér á Snæfellsnesi um helgina 27. og 28. maí, en áður hafði hún stoppað á Hvolsvelli, Dalvík og í Grindavík. Háskólalestin hefur ferðast um landið frá 2011 og heimsótt hátt í 40 staði um allt land. Með þessu verkefni Háskóla Íslands er lagt áherslu á að kynna vísindi á lifandi og fjölbreyttan hátt fyrir ungu fólki, styðja við starf grunnskólanna og efla tengsl við landsmenn á öllum aldri. Í boði eru valin námskeið úr Háskóla unga fólksins fyrir grunnskólanemendur. Þar að auki er slegið upp litríkum vísindaveislum fyrir alla heimamenn með stjörnuveri, sýnitilraunum, eldorgeli, mælingum og pælingum að ógleymdu Spengjugenginu. Áhöfn lestarinnar er skipuð af kennurum og nemendum við Háskóla Íslands
sem flestir eru líka leiðbeinendur í Vísindasmiðju HÍ og Háskóla unga fólksins. Þann 27. maí sóttu nemendur í 5. til 10. bekk Grunnskóla Snæfellsbæjar námskeið um nánast allt milli himins og jarðar, til dæm-
is töfra ljóss og lita, efnafræði, blaða- og fréttamennsku, forritun með skynjurum og föndri, orkuskipti, nýsköpun og fjölmargt fleira. Á laugardaginn 28. maí sló áhöfn lestarinnar svo upp veglegri vísindaveislu í Fjölbrauta-
skóla Snæfellinga fyrir alla þar sem hægt var að kynnast undrum vísindanna með gagnvirkum og lifandi hætti í gegnum fjölbreytt tæki, tól og smiðjur. sj
Óskum sjómönnum og fjölskyldum þeirra til hamingju með sjómannadaginn.
ALLT TIL ÚTGERÐAR OG VINNSLU
ÓLAFSBRAUT 19 | 355 ÓLAFSVÍK
Samstarf Sportvara og Snæfellsjökulshlaupsins Snæfellsjökulshlaupið verður haldið 25. júní næstkomandi og er undirbúningur í fullum gangi. Þær Ingunn Ýr Angantýsdóttir og Sigrún Ólafsdóttir standa fyrir hlaupinu líkt og í fyrra og skrif-
uðu þær undir samstarfssamning í vikunni við Sportvörur til tveggja ára. Sportvörur hefur verið aðal styrktaraðili hlaupsins undanfarin ár og er því mikið gleðiefni að samningu hafi nást um áfram-
haldandi samstarf. Blaðamaður náði tali af Sigrúnu eftir undirskriftina og var hún mjög bjartsýn fyrir viðburðinum og vildi koma því á framfæri að velvilji bæjarbúa í Snæfellsbæ og gott samstarf við fyrirtæki undanfarinna ára hafi verið ómetanlegt og vonast til þess að stemmingin fyrir hlaupinu verði ekki síðri í ár. Forsvarsmenn hlaupsins hafa einnig gert samning við vinnustofuna Smiðjuna um að útbúa poka undir glaðning sem all-
ir þátttakendur fá eftir hlaupið. Viðburðir sem þessi gefa samfélaginu ákveðna innspýtingu og má gera ráð fyrir miklum fjölda ferðamanna á meðan hlaupinu stendur. Þegar fréttin er skrifuð eru 235 þátttakendur frá 7 löndum skráðir í hlaupið en skráningu lýkur kl 24.00 þriðjudaginn 14. júní. Það er því enn nægur tími til stefnu og hvetjum við alla til þess að finna hlaupaskóna og skrá sig.
ÁRALÖNG ÞEKKING OG REYNSLA AF FASTEIGNAMARKAÐI Á VESTURLANDI
jj
Allir kaupendur og seljendur fá
Vildarkort Lindar sem veitir 30% afslátt
hjá fjölmörgum fyrirtækjum
BOGI MOLBY Löggiltur fasteignasali
699 3444 molby@fastlind.is
Útskrift í Grunnskóla Snæfellsbæjar Auglýsing Breyting á aðaIskipulagi Snæfellsbæjar 2015-2031 Breytt landnotkun á Melabúð og hluta Gíslabæjar á Hellnum
Nýtt deiliskipulag fyrir hluta jarðarinnar Gíslabæjar Bæjarstjórn Snæfellsbæjar samþykkti þann 11. janúar 2022 tillögur að breytingu aðalskipulags Sæfellsbæjar 2015-2031 og deiliskipulagi fyrir hluta Gíslabæjar. Tillögurnar voru auglýstar með áberandi hætti samkvæmt 1. mgr. 31. og 41. gr skipulagslaga nr. 123/2010 með athugasemdafresti frá 20. janúar til 10. mars 2022.
Grunnskóla Snæfellsbæjar var slitið í átjánda sinn síðastliðinn föstudag við hátíðlega athöfn. Ekki hefur verið hægt að hafa skólaslit með þessum hætti síðustu tvö ár. Í ræðu sinni fór Hilmar Már Arason, skólastjóri að venju yfir skólaárið sem var eins og allir vita mjög óvenjulegt sem og síðustu tvö skólaárin á undan. Skólaskórinn söng tvö lög og gaman að sjá hann vaxa og dafna, enda vinna þær Veronica Osterhammer kórstjóri og Nanna Aðalheiður Þórðardóttir undirleikari mjög gott starf. Að venju voru veittar viðurkenningar fyrir góðan námsárangur og framfarir í lestri. Kvenfélag Ólafsvíkur veitir viðurkenningu fyrir góða frammistöðu í list- og verkgreinum í 5. – 7.bekk. Það var Sara Ýr Birgisdóttir í 7. bekk sem hlaut viðurkenninguna að þessu sinni. Lionsklúbburinn Rán veitir viðurkenningu fyrir hæstu einkunn í íslensku í 9.bekk, viðurkenninguna hlaut Eyrún Lilja Einarsdóttir. Lionsklúbbur Nesþinga veitir viðurkenningu fyrir hæstu einkunn í stærðfræði í 8.bekk, viðurkenninguna hlaut Hanna Imgront. Skólinn veitir viðurkenningar þeim nemendum sem hafa sýnt miklar framfarir í lestri í 3. til 7. bekk. Að þessu sinni hlutu viðurkenningar: Freyja Hafrún H Valdimarsdóttir í 3. bekk, Oliver Mar Jóhannsson í 4. bekk, Friðrika Rún Þorsteinsdóttir í 5, bekk, Alma Begic í 6, bekk og Artur Andrzej Lasota Árnason í 7. bekk. Kvöldið áður fór fram útskrift 10. bekkjar við hátíðlega athöfn í Ólafsvíkurkirkju og voru nemendum veittar viðurkenningar fyrir góðan námsárangur. Lionsklúbbur Ólafsvíkur veitir viðurkenningu fyrir stærðfræði, þau hlaut Sara Egilsdóttir. Hún hlaut einnig viðurkenningu fyrir náttúrugreinar frá
Vör sjávarrannsóknarsetri og samfélagsfræði frá Snæfellsbæ, Matthías Daði Gunnarsson hlaut viðurkenningu fyrir íslensku frá Kvenfélagi Hellissands, fyrir ensku frá Lionsklúbbnum Þernunni og dönsku frá Danska sendiráðinu. Grunnskóli Snæfellsbæjar veitir viðurkenningar fyrir list og verkgreinar og íþróttir. hlaut Emil Jan Jacunski viðurkenningu fyrir myndmennt og hönnun, Matthildur Inga Traustadóttir fyrir íþróttir, Bríet Elvan Sæbjörnsdóttir fyrir heimilisfræði og Guðný Kristín Clausen fyrir textílmennt. Einnig voru veittar viðurkenningar frá Pólska sendiráðinu á Íslandi fyrir Pólsku val sem skólinn hefur boðið upp á síðustu ár og frá GSnb til nemenda úr 8.-10.bekk sem störfuðu í nemendaráði í vetur og fyrir Stíll - val í textíl fékk einn hópur viðurkenningu. Nemendur 10. bekkjar voru kallaðir upp í og færðu nemendur 1. bekkjar þeim rósir í kveðjuskyni. Þá fengu 10. bekkingar orðið þar sem þau þökkuðu fyrir sig og kvöddu. Nú í vor lætur Elfa E. Ármannsdóttir aðstoðarskólastjóri af störfum. Hún hefur starfað við skólann síðan 1983 að undanskildum tveimur árum þegar hún var í leyfi. Starfsferill hennar spannar því 37 ár. Elfa hefur margþætta reynslu af skólastarfi, hefur gegnt ýmsum störfum við skólann, verið umsjónarkennari, íþróttakennari, kennt fjölda faggreina, sinnt deildarstjórn og síðan 2007 hefur hún gegnt stöðu aðstoðarskólastjóra. Skólastjóri átti svo loka orðið og sleit skólanum formlega í 18. skipti að því loknu gengu 10. bekkingar út í sumarið og framtíðina undir laginu See you again. þa
Breyting aðalskipulags felst í að landnotkun Melabúðar er breytt úr frístundabyggð í íbúðarbyggð og vegna fyrirhugaðarar uppbyggingar ferðaþjónustu er svæði fyrir verslun og þjónustu á landi Gíslabæjar stækkað og svæði fyrir íbúðarbyggð minnkað. Breytingin tekur til uppdráttar á Hellnum og breytinga greinargerðar um svæði á Hellnum. Deiliskipulag felur í sér uppbyggingu 1.000 fermetra íbúðarhótels fyrir allt að 16 hótleíbúðir neðan Akravegar og átta 40 fermetra gestahúsa ofan vegar, hvert fyrir 2-4 gesti. Umsagnir og athugasendir gáfu tilefni til óverulegra breytinga og lagfæringa á gögnum eftir auglýsingu. Í deiliskipulagi var Akravegur breikkaður að ofanverðu og verður 7 m breiður, gönguleið við veg var hliðrað ofar í landið og byggingarreitur II var aðlagaður að breyttri helgunarlínu vegar og af meiri nákvæmni að 50 m línu frá strandlínu. Í breytingu aðalskipulags og deiliskipulagi var bætt inn texta og texti lagfræður varðandi hugsanlegt jarðskrið eða brot í bjargbrún og sett inn ákvæði um samráð og leyfi Umhverfisstofnunar. Sett voru inn skýr ákvæði um samráð við Umhverfisstofnun og Heilbrigðiseftirlit Vesturlands vegna fráveitu. Auk þess var texti lagfærður vegna fram kominna athugasemda og ábendinga. Tillögurnar ásamt fylgiritum hafa verið sendar til Skipulagsstofnunar, aðalskipulag til staðfestingar og deiliskipulag til vörslu. Þeir sem óska nánari upplýsinga geta snúið sér til tæknideildar Snæfellsbæjar.
Ragnar Már Ragnarsson Forstöðumaður tæknideildar Snæfellsbæjar
Snæfellsbær | Klettsbúð 4 | 433 6900 | snb.is
Starfsfólk hafna Snæfellsbæjar sendir sjómönnum og fjölskyldum þeirra bestu kveðjur á sjómannadaginn.
Kveður eftir 34 ára starf
Erla Sveinsdóttir hefur látið af störfum á leikskólanum Kríubóli eftir 34 ára starf. Á síðasta degi hennar í starfi, þann 31. maí síðastliðinn voru henni færðar gjafir frá Snæfellsbæ og samstarfsmönnum sínum með þökk
fyrir gott samstarf sem einkennst hefur af gleði, samviskusemi, fagmennsku og metnaði í gegnum tíðina. Samstarfsfólk og börnin á Kríubóli þakka Erlu fyrir öll árin.
Kepptu á vinamóti
Vinamót í sundi fór fram á Kleppjárnsreykjum fyrir stuttu og átti Víkingur/Reynir sex keppendur sem allir tóku þátt í 50 bringusundi, 25 metra skriðsundi og 25 metra baksundi. Var mótið hið skemmtilegasta en alls voru 60 krakkar skráðir frá Skallagrím, UMFR og Víking/Reyni. Stóðu krakkarnir sig mjög vel og kláruðu sundvet-
urinn með stæl, notuðu krakkarnir tækifærið og færðu Evu Hannesdóttur þjálfara sínum þakklætisvott fyrir veturinn og vildu fá að nýta tækifærið til að óska henni góðs gengis í því sem hún tekur sér fyrir hendur í framhaldinu og þakka Stefaníu Klöru Jóhannsdóttur aðstoðarþjálfara fyrir veturinn. þa
Skemmti og menningaferð fullorðinna skjól stæðinga hjá Félags og skólaþjónustu Snæfellinga
Félags og skólaþjónusta Snæfellinga fékk styrk frá Félagsmálaráðuneytinu árið 2020 til þess að fara í skemmti- og menningaferð með fullorðna skjólstæðinga sem sækja þjónustu hjá þeim. Ferðinni þurfti af fresta til betri tíma vegna leiðindar veiru sem hefur sveimað um heiminn síðastliðin tvö ár. Þann 27. maí síðastliðinn var svo haldið af stað frá Ólafsvík. Stoppað var á Vatnaleið til þess að taka á móti fleiri þátttakendum í ferðina. Í fallegu sumarveðri var keyrt til Borgarness og snætt morgunhressingu í bakaríinu. Eftir gott stopp lá leið okkar á Akranes í heimsókn í Fjöliðjuna. Fjöliðjan er vinnustaður þar sem boðið er upp á verndaða vinnu og endurhæfingu fyrir þá sem þess þurfa og leita eftir þjónustu. Í Fjöliðjunni á Akranesi
fer fram fjölbreytt vinna og starfsfólkið tekst á við mörg ólík verkefni. Á móti okkur tók Guðmundur Páll Jónsson forstöðumaður og Ásta Pála Harðardóttir yfirþroskaþjálfi Fjöliðjunnar. Fjöliðjan er staðsett í tveimur húsnæðum. Annarsvegar á Smiðjuvöllum 9 og 28, ásamt þeim reka þau nytjamarkaðinn Búkollu sem er því miður lokuð eins og er. Við mættum rétt fyrir hádegi í æðislegu veðri á Smiðjuvelli 9, þar var verið að koma af stað grilli fyrir utan en Fjöliðjan bauð okkur í pulsupartý í tilefni heimsóknar okkar. Þvílíkar móttökur og ekki verra að mæta beint í karíókípartý sem þau eru með fyrir hádegi alla föstudaga. Okkar fólk hafði gaman af og tóku sumir þátt í að syngja og aðrir dönsuðu með. Þegar hádegishressingunni lauk fengum við
- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði vegr@vegr.is vegr.is S: 849-7276 Remek og 898-5463 Þórður
tækifæri á að heimsækja seinna húsnæðið þeirra á Smiðjuvöllum 28, en það er nýlegt húsnæði sem bíður upp á að sinna hinum ýmsum verkefnum í aðskildum rýmum. Fjöliðjan sinnir fjölbreyttum verkefnum og höfðum við gaman af því að sjá og upplifa vinnustaði þeirra. Þar sem veðrið lék við okkur þá var upplagt að keyra að gróðurhúsi þeirra sem þau halda uppi. Þarna eru margar fallegar plöntur, blóm og meira að segja blóm/jurtir sem má borða. Nokkrir lögðu í það að smakka á meðan öðrum fannst nóg að finna lyktina. Við þökkum kærlega fyrir móttökurnar í Fjöliðjunni og hlökkum til að koma aftur í heimsókn við tækifæri. Til að þakka fyrir móttökurnar gáfum við Fjöliðjunni þakkargjöf frá Ásbyrgi í Stykkishólmi og Smiðjunni í Ólafsvík sem eru dagþjónustur fyrir fólk með skerta starfsgetu.
Því næst var haldið til Reykjavíkur eða í Egilshöll, þar var farið í keilu og svo í pizzaveislu á Shake & Pizza. Eftir að allir voru búnir að næra sig var hafði fólk fataskipti fyrir tónleika kvöldsins, en hópurinn fór á tónleika með Stjórninni í Bæjarbíó. Þar tók á móti okkur frábært starfsfólk sem vildi allt fyrir okkur gera. Salurinn var opnaður fyrr fyrir þá sem vildu setjast inn og þeim boðið að hitta Stjórnina að loknum tónleikum. Æðisleg þjónusta og skemmtilegt umhverfi hjá þeim í Bæjarbíó í Hafnarfirði. Þetta var langur og virkilega skemmtilegur dagur. Allir nutu sýn og fóru glaðir heim í helgarfrí. Stuðningsaðilar þátttakenda í ferðinni voru leiðbeinendur og forstöðuþroskaþjálfi Smiðjunnar í Ólafsvík, forstöðumaður búsetukjarnans í Ólafsvík, leiðbeinendur og forstöðumaður Ásbyrgis í Stykkishólmi.
Efni og auglýsingum í Jökul þarf að skila fyrir kl. 16, þriðjudag fyrir útgáfu. Það er í lagi að skila fyrr. Upplýsingar um auglýsingaverð á www.steinprent.is
Sjómönnum og fjölskyldum þeirra á Snæfellsnesi færum við hamingjuóskir á sjómannadaginn.
Útskriftir í Leikskólum Snæfellsbæjar Stór áfangi hjá börnum á fimmta aldursári var í síðustu viku þegar Leikskólar Snæfellsbæjar útskrifuðu elstu börnin sem munu svo hefja skólagöngu í haust. Á Krílakoti voru átta börn útskrifuð og sjö á Kríubóli. Við hátíðlega athöfn sungu börnin nokkur lög fyrir gesti áður en þau fengu afhent plagg, sjálfsmynd og útskriftarhúfu frá leikskólanum. Að athöfninni lokinni var boðið upp á pylsur, svala og skúffuköku og gestir fengu að skoða sig um á opnu húsi. sj
Jökull á Issuu
Til að nálgast Jökul á netinu er hægt að skanna QR merkið hér að ofan með myndavélinni í símanum.
Samfélagið á Snæfellsnesi verður öflugra sameinað í einu sveitarfélagi Sveitarstjórnarkosningarnar síðustu hafa sem oft áður kallað fram umræður um stöðu og þróun stjórnmálaflokka og styrk þeirra til þess að efla og byggja upp betra samfélag. Þrátt fyrir miklar sveiflur í stjórnmálunum og marga nýja stjórnmálaflokka er það Sjálfstæðisflokkurinn sem ber höfuð og herðar yfir flokkanna þegar litið er til kjörinna fulltrúa í sveitarstjórnum á Íslandi. Stöðugar og ómálefnalegar umræður sem beinast að Sjálfstæðisflokknum eiga sér stað á netmiðlum og stjórnendur sumra fréttastofa leita allra leiða til þess að veitast að sjálfstæðismönnum og gera verk þeirra tortryggileg. Engu að síður er sjálfstæðismönnum treyst og stór hópur öflugra einstaklinga gefur kost á sér í þau mikilvægu störf sem seta í sveitarstjórn er.
Sjálfstæðismenn öfl ugir á Snæfellsnesi
Í nýafstöðnum kosningum sýndu sjálfstæðismenn enn og aftur styrk sinn á Snæfellsnesi. Í Snæfellsbæ náði D-listinn hreinum meirihluta sem og í Grundarfirði. H listinn í Stykkishólmi sem Sjálfstæðisfélagið Skjöldur stofnaði 2014 náði einnig hreinum meirihluta núna í sameinuðu sveitarfélagi Stykkishólms og Helgafellssveitar eins og var í Stykkishólmsbæ í kosningunum árið 2014 og 2018. Í þessum sveitarfélögum hefur verið traust stjórn og góð samstaða um sameiginleg verkefni.
Ánægjulegt verkefni að vera bæjarstjóri
Ég var þeirrar gæfu aðnjótandi að vera kallaður af fulltrúum D-listans til starfa sem bæjarstjóri í Stykkishólmi vorið 1974 og gengdi því starfi til haustsins 1991 en það ár var ég kjörinn til setu á Alþingi þar sem ég var sem fulltrúi Vesturlandskjördæmis og síðan Norðvesturkjördæmis til ársins 2009 þegar ég ákvað að hætta í stjórnmálum. Ég má til með að nefna það hér að í bæjarstjórnarkosningunum 1990 var fylgi D-listans í Stykkishólmi tæp 70% sem var vissulega glæsilegt í sveitarstjórnarkosningum og vorum við frambjóðendur meira en
Myndin er af Sturlu Böðvarssyni þar sem hann sat á toppi Ólafsvíkurennis við skilti sem þar er til minningar um Jón Sigurðssonar. Á skiltinu stendur J.S. 17.6. 1911. Myndina tók Jónas Kristófersson sem gekk á Ennið með Sturlu árið 1967.
lítið stolt og þakklát kjósendum í Stykkishólmi sem höfðu veitt okkur umboð til verka til ársins 1994 undir merkjum D-listans.
Sjálfstæðisfélagið Skjöldur Stykkishólmi efndi til samstarfs
Fyrir kosningarnar 2014 tók Sjálfstæðisfélagið Skjöldur ákvörðun um að kalla til samhentan hóp framfarasinnaðra Hólmara sem var boðinn fram undir merkjum H-listans. Ég gat ekki neitað þeirri beiðni stuðningsmanna og vina að gefa kost á mér í það framboð. H-listinn náði meirihluta í bæjarstjórninni. Tók ég aftur við stöðu bæjarstjóra og bæjarfulltrúa tímabilið 2014 til 2018. Í 48 ár eða tímabilið 1974 til 2022 er einungis eitt kjörtímabil þ.e.s. kjörtímabilið 20102014 sem listar Sjálfstæðisfélagsins Skjaldar í Stykkishólmi hafa ekki stýrt meirihluta bæjarstjórnar. Má fullyrða að þetta er merkilegur ferill enda hefur í góðri sátt tekist að byggja upp gott samfélag í Stykkishólmi sem hefur sótt aukinn styrk í vaxandi samstarf sveitarfélaganna á Snæfellsnesi.
Sækjum styrk í sam einað Snæfellsnes
Sem Snæfellingur í húð og hár er það ósk mín og von að sveitarstjórnarmennn á Snæfellsnesi nýti styrk sinn á nýbyrjuðu kjör-
tímabili til þess að vinna að því að sameina Snæfellsnesið í eitt öflugt sveitarfélag sem beri nafnið Snæfellsnesbær. Það verði vonandi að veruleika sem fyrst. Með uppbyggingu vegakerfisins bæði að sunnan og norðanverðu Snæfellsnesi varð svæðið eitt menningar, mennta og atvinnusvæði sem mun eflast enn frekar með samrekstri stofnana sveitarfélaganna. Fjölbrautaskóli Snæfelllinga í Grundarfirði er gott dæmi um stofnun sem þjónar Snæfellsnesinu öllu og hefur gefið góða raun og skapar ungum námsmönnum tækifæri til náms í heimabyggð. Það sama gildir um Félags -og skólaþjónustu Snæfellinga sem er með megin starfsstöð í Snæfellsbæ en þjónar Snæfellsnesinu öllu. Samrekstur hafnanna og skólanna mundi verða til þess að efla þær stofnanir með aukinni rekstrarhagkvæmni og stór efla efnahag sveitarfélaganna. Gott vegakerfi hefur leitt til þess að ferðaþjónustan á Snæfellsnesi hefur vaxið hröðum skrefum og er orðinn einn stærsti atvinnuveg-
ur svæðisins. Sameinað Snæfellsnes skapar möguleika til enn glæsilegri byggðar við Breiðafjörðinn í skjóli fjallgarðsins einstaka á milli Ljósufjalla og Snæfellsjökuls. Hinar fögru Löngufjörur og fjöllin Helgafell, Kirkjufell, Ólafsvíkurenni, Stapafell, Búðaklett, Elliðahamar og Hafursfell eru frábær umhverfisprýði og stolt byggðanna á Snæfellsnesi. Það er vissulega ánægjulegt hlutskipti fyrir nýkjörna sveitarstjórnarmenn á Snæfellsnesi að leiða samfélagið inn í framtíðina með öllum þeim möguleikum sem svæðið gefur okkur með sameiningu. Megi sveitarstjórnarmönnum vegna vel í því mikilvæga hlutverki að vinna í umboði kjósenda fyrir samfélag okkar og skapa sem best skilyrði til þess að nýta auðlindirnar til sjávar og sveita í þágu uppbyggingar og hagsældar. Höfundur: Sturla Böðvarsson fyrrverandi bæjarstjóri, samgönguráðherra og forseti Alþingis.
Lausar stöður á Leikskólanum Sólvöllum Leikskólinn Sólvellir óskar eftir að ráða kennara
Kennarar
Starf kennara felst í þátttöku í faglegu starfi deildar. Um 100% starf er að ræða
Starfssvið: • Starfar skv. lögum og reglugerð um leikskóla, öðrum lögum er við eiga, aðalnámskrá leikskóla og stefnu sveitarfélagsins • Vinnur að uppeldi og menntun barna samkvæmt stefnu leikskólans sem birtist í skólanámskrá
Fáist ekki starfsmaður með leyfisbréf til kennslu koma aðrar umsóknir til greina og er þá litið til reynslu/meðmæla úr fyrri störfum. Nánari upplýsingar um störfin veitir Heiðdís Lind Kristinsdóttir, leikskólastjóri, í síma 438 6645 eða með því að senda fyrirspurnir á heiddis@gfb.is Umsóknum um störfin skal fylgja greinargott yfirlit yfir menntun, fyrri störf, meðmælendur og annað sem umsækjandi telur máli skipta. Einstaklingar af öllum kynjum eru hvattir til að sækja um.
Menntunar- og hæfniskröfur: • Leyfisbréf til að nota starfsheitið kennari • Reynsla af uppeldis- og kennslustörfum æskileg • Áhugi á að vinna með börnum • Lipurð og sveigjanleiki í samskiptum
Vinsamlegast athugið að Grundarfjarðarbær áskilur sér rétt til að fara fram á sakavottorð umsækjenda, skv. viðeigandi lögum. Sótt er um störfin á vef leikskólans https://solvellir2.leikskolinn.is/Upplysingar/Starfsumsokn
• Frumkvæði í starfi • Góð íslenskukunnátta
Umsóknarfrestur er til og með 21. júní 2022.
• Hreint sakavottorð
Aflafréttir Dagana 30. maí til 5. júní komu á land í höfnum Snæfellsbæjar alls 608 tonn í 321 löndun og hefur því verið nóg að gera í höfnunum eins og vera ber á þessum árstíma. Eru það eins og áður handfærabátarnir sem eru með flestar landanir eða 288 landanir og lönduðu handfærabátarnir 231 tonni. Í Ólafsvík lönduðu 49 handfærabátar 102 tonnum í 125 löndunum, í Rifshöfn lönduðu 32 handfærabátar 72 tonnum í 88 löndunum og á Arnarstapa lönduðu 36 handfærabátar 57 tonnum í 75 löndunum. Í Rifshöfn komu á land alls 289 tonn í 107 löndunum þessa daga, Í Ólafsvík 262 tonn í 139 löndunum og á Arnarstapa 57 tonn í 75 löndunum. Stóru línu bátarnir eru enn að og landaði Örvar SH 39 tonnum og Rifsnes SH 36 tonnum báðir í 1 löndun. Hjá litlu línubátunum landaði Tryggvi Eðvarðs SH 78 tonnum í 4, Lilja SH 22 tonnum í 4, Brynja SH 14 tonnum í 4 og Þerna SH landaði 3 tonnum í 2 löndunum. Hjá dragnóta bátunum landaði Magnús SH 46
tonnum í 4, Ólafur Bjarnason SH 43 tonnum í 4, Saxhamar SH 40 tonnum í 3, Gunnar Bjarnason SH 10 tonnum í 1, Rifsari SH 19 tonnum í 2, Guðmundur Jensson SH 15 tonnum i 1 og Bárður SH 11 tonnum í 2 löndunum. Þessa sömu daga lönduðu
17 handfærabátar í Grundarfjarðarhöfn 37 tonnum í 49 löndunum. Björt SH sem er á grásleppu landaði 5 tonnum í 3 löndunum. Hjá botnvörpu bátunum landaði Jóhanna Gísladóttir GK 159 tonnum í 2 löndunum. Hringur SH 59 tonnum, Runólf-
ur SH 59 tonnum, Sigurborg SH 52 tonnum og Farsæll SH 44 tonnum allir í 1 löndun hver. Alls var því landað í Grundarfjarðarhöfn þessa daga 415 tonnum í 58 löndunum. þa
Íslandsmót Íslandsmót í mótorkrossi verður haldið laugardaginn 11. júní 2022, á braut Motorcrossklúbbs Snæfellsbæjar sem staðsett er fyrir utan Enni. Keppni hefst um kl. 10:30 og stendur til kl. 16:00. Við hjá MXS vonumst til að sjá sem flesta á keppnisdag til að horfa á og gera þetta að skemmtilegum degi.
Mótið er í boði eftirfarandi styrktaraðila.
BRYNJA SH 236
Stafnafell ehf.
Eur ost ileT Bold Eur ost il eSCT Regul ar
FISKMARKAÐUR SNÆFELLSBÆJAR
SAXHAMAR SH 50
GLAUMUR SH 260