1023. tbl - 22. árg.
2. júní 2022
Evrópumót í sjóstangaveiði frá Ólafsvík
Evrópumót í sjóstangaveiði var haldið frá Ólafsvík dagana 27. til 28. maí sl. með þátttöku 64 keppenda, þar af 2 konur og 62 karlar. Keppendur komu frá tíu þjóðlöndum eða Belgíu, Englandi, Gíbraltar, Írlandi, Íslandi, Portúgal, Skotlandi, Suður-Afríku, Wales og Þýskalandi. Róið var á 17 bátum og lögð var áhersla á að veiða þorsk og ufsa og gáfu stærstu fiskarnir flest stigin. Alls veiddust 6.390 fiskar í mótinu þar af 4.141 þorskur og
2.249 ufsar. Af stórfiskum (yfir 100 cm) veiddust alls 175 fiskar. Aðrar fiskitegundir töldust ekki til stiga og var ekki haldið sérstaklega utanum fjölda þeirra. Nokkur gustur lék um veiðimenn á miðunum, en þeir létu slíkt ekki á sig fá enda allir vanir slarki á sjó. Evrópumeistari í mótinu varð Scott Gibson frá Skotlandi. Í öðru sæti varð Sævar Guðmundsson frá Íslandi og í þriðja sæti Francois Beukes frá Suður-Afríku. Útreikningum á verðlaunasætum
- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði vegr@vegr.is vegr.is S: 849-7276 Remek og 898-5463 Þórður
er þannig háttað að fyrst er litið til hvort keppandinn vann sinn bát sem gefur 100% skor. Þá næst er litið til aflastiga, sem reiknuð eru út eftir fjórum stigaflokkum. Ef
enn er jafnt milli tveggja eða fleiri keppenda er litið til fjölda fiska. Mótið var skipulagt af Samtökum evrópskra sjóstangaveiðifélaga (EFSA) – Íslandsdeild. Þetta er í þriðja skiptið sem Evrópumót í sjóstangaveiði er haldið frá Ólafsvík. Fyrsta mótið var haldið árið 2014, sem var 2ja daga tegundamót, það næsta var árið 2018 þegar 4ra daga mót var haldið með 134 keppendum og núna í ár Evrópumótið í tegundaveiði. Erlendir veiðimenn, sem komið hafa til Íslands til að taka þátt í alþjólegum sjóstangaveiðimótum, eru einróma að allar aðstæður hérlendis eru ákjósanlegar, veiðin er nær tryggð ef gefur á sjó, bátarnir ákjósanlegir og heimafólk almennt hjálpsamt og áhugasamt. Í Evrópumótinu núna slógu margir keppendur sín persónulegu met með veiði á stórum þorskum og ufsum.
Styttan af Guðríði aftur komin heim Þann 7. apríl síðastliðinn uppgötvaðist að styttan af Guðríði Þorbjarnardóttur á Laugabrekku hefði verið stolið. Styttan er afsteypa af styttu Ásmundar Sveinssonar af Guðríði og syni hennar og ber styttan nafnið „Fyrsta hvíta móðirin í Ameríku“. Guðríður var fædd á Laugarbrekku og var talin víðförlasta kona heims sem var uppi á hennar tíma, í kringum árið 1000. Auk þess var hún talin vera fyrsta kristna konan til þess að fæða barn í Ameríku. Styttan hefur staðið á Laugabrekku síðan hún var afhjúpuð árið 2000 en Ólafur Ragnar Grímsson afhjúpaði
styttuna. Það voru listakonurnar Bryndís Björnsdóttir og Steinunn Gunnlaugsdóttir sem tóku styttuna ófrjálsri hendi. Listaverk af geimflaug var byggt utan um styttuna og komu þær því fyrir við Nýlistasafnið í Reykjavík. Þegar listakonurnar voru spurðar út í gjörninginn tjáðu þær fjölmiðlum að þeim þætti styttan rasísk og ætti helst að skjóta henni út í geim. Þær sögðu að þær sæju ekki hvaða hagsmunum það þjóni að ramma inn ferðir Guðríðar með vísun til hennar sem fyrstu hvítu móðurinnar sem nemi land í Ame-
ÁRALÖNG ÞEKKING OG REYNSLA AF FASTEIGNAMARKAÐI Á VESTURLANDI
ríku. Styttan stóð ekki lengi við Nýlistasafn Reykjavíkur en lögreglan á Vesturlandi staðfesti þann 22. apríl að hún væri komin í hald lögreglunnar. 28. maí var svo merkisdagur fyrir Guðríðar- og Laugarbrekkuhópinn en þá var styttan sett aftur á stall sinn. Sigrún Guðmundsdóttir formaður Kvenfélags Staðarsveitar og Ragnhildur Sigurðardóttir liftu styttunni á stall og í annað sinn var hún afhjúpuð við
hátíðlega athöfn þar sem Ragnhildur sagði frá sögu Guðríðar og þegar hópurinn fór til Rómar til þess að fræðast meira um ferð hennar til Páfans. Á meðfylgjandi mynd er Kristinn Jónasson og Ragnhildur Sigurðardóttir en á milli þeirra eru fyrrverandi ábúendur á Laugarbrekku þau Reynir Bragason og Jónasína Oddsdóttir jj
Allir kaupendur og seljendur fá
Vildarkort Lindar sem veitir 30% afslátt
hjá fjölmörgum fyrirtækjum
BOGI MOLBY Löggiltur fasteignasali
699 3444 molby@fastlind.is
Hjólabrettanámskeið Upplag: 500 Áb.maður: Jóhannes Ólafsson
Blaðið er gefið út af Steinprent ehf. og liggur frammi í Snæfellsbæ og Grundarfirði,
Prentun: Steinprent ehf. Sandholt 22a, Ólafsvík 355 Snæfellsbæ Netfang: steinprent@simnet.is Sími:
Blaðið kemur út vikulega.
436 1617
Sk8roots verður með sumarnámskeið sem hefst þriðjudaginn 7.júní og verður það kennt í tveimur áföngum. Fyrsti áfanginn verður 07.06.28.07. og annar áfanginn 8.0831.08. Skráning á námskeiðið er á info@sk8roots.com Námskeiðið er ætlað krökk-
um frá 1.-10.bekk og ef það er mikil aðsókn þá verður hópnum aldursskipt. Tekið er fram að Snæfellsbær mun bjóða öllum krökkum í Snæfellsbæ á námskeiðið á vegum Sk8roots gjaldfrjálst í sumar.
SJÓMANNAHÓF SNÆFELLSBÆ
KLIFI LAUGARDAGINN 11. JÚNÍ 2022 MIÐASALA Í FÉLAGSHEIMILINU KLIFI FIMMTUDAGINN 2. JÚNÍ KL. 18 - 20 MIÐAVERÐ Á SJÓMANNAHÓF: 15.000 KR. HÚSIÐ OPNAR KL. 19.15 OG HEFST BORÐHALD KL. 20.00 SELT VERÐUR INN Á BALLIÐ EFTIR KL. 23.30 MIÐAVERÐ Á BALL: 3.000 KR. SNYRTILEGUR KLÆÐNAÐUR
RÚTUFERÐIR VERÐA TIL OG FRÁ HELLISSANDI OG RIFI POSI Á STAÐNUM NÁNARFI UPPLÝSINGAR: ILLUGI JENS S.864 6457
Útskrift Fjölbrautaskóla Snæfellinga Föstudaginn 27. maí brautskráðust 17 nemendur frá Fjölbrautaskóla Snæfellinga. Af félags- og hugvísindabraut brautskráðust tveir, af náttúru- og raunvísindabraut brautskráðust fimm nemendur, af íþróttabraut brautskráðust tveir nemendur, af opinni braut til stúdentsprófs brautskráðust sex nemendurog af starfsbraut brautskráðust tveir nemendur. Með hæstu meðaleinkunn var Halldóra Margrét Pálsdóttir. Með þessum hópi nemenda hefur skólinn útskrifað 530 nemendur frá fyrstu útskriftinni sem var í desember 2005. Í útskriftarávarpi Hrafnhildar Hallvarðsdóttur skólameistara kom m.a. fram að á vorönn stunduðu 166 nám við skólann. Af þeim voru 56 í fjarnámi og 110 í dagskóla. Í framhaldsdeild skólans á Patreksfirði voru 15 nemendur skráðir í nám á vorönn en deildin hefur verið starfrækt síðan 2007. Hrafnhildur sagði einnig frá ýmsum nýjungum í starfi skólans. Að loknu ávarpi og útskrift skólameistara veitti Sólrún Guð-
jónsdóttir aðstoðarskólameistari viðurkenningar fyrir góðan námsárangur sem eru gefnar af sveitarfélögum á norðanverðu Snæfellsnesi og sunnanverðum Vestfjörðum, Danska sendiráðinu á Íslandi, Háskóla Íslands, Arion banka og Landsbankanum.
Kynning á Svæðismarki Snæfellsnes
Laugardaginn 28. maí var haldin kynning á Svæðismarki Snæfells ness í Gestastofunni að Breiða bliki, Svæðisgarðurinn Snæfells nes hefur unnið s.l. mánuði að gerð svæðismarks (Place Brand) fyrir Snæfellsnes með ráðgjöf frá The Place Bureau. Leitað var til erlendra sérfræðinga um sérhæfða ráðgjöf í þessu verkefni. Í kjölfarið er unnin vörumerkjahandbók auk fleiri markaðsverkfæra. Svæðismörkun var valið forgangsverkefni hjá fulltrúaráði Svæðisgarðsins. Við svæðismörkun er dregið fram DNA svæðisins. Fyrir hvað stendur Snæfellsnes og hvernig komum við sérstöðunni á framfæri?
Vinnan er nú langt komin og því var boðið til þessarar kynningar á Breiðabliki þar sem hægt var að hlýða á erindi og njóta veitinga af Snæfellnesi. Tilgangur svæðismörkunarinnar er að efla uppbyggingu atvinnustarfsemi og samfélagsins alls á Snæfellsnesi á grunni sameiginlegrar sýnar sem þegar hefur verið mótuð, sem er um leið byggðaþróunaráætlun. Svæðismörkunin styrki ímynd og laði að gesti, fyrirtæki og fjárfesta og styrki um leið samfélagið og almenn lífsgæði íbúa.
kirkjanokkar.is
Hátíðar- og fermingarguðsþjónustur á hvítasunnudag: • kl. 11 í Ólafsvíkurkirkju. Allir velkomnir. • kl. 13 í Ingjaldshólskirkju. Allir velkomnir.
jó
Sandara- og Rifsaragleðin verður haldin hátíðlega helgina 7.-10.júí n.k. Að vanda verður dagskráin fjölbreytt og fastir liðir á sínum stað. Fastir liðir eru m.a. uppistand í Frystiklefanum, kassabílarallý á Rifi, Slysó súpan, hverfakeppnin í fótbolta, barnaskemmtun, Golfmót, brekkusöngur, hverfagrill og stórdansleikur í Röstinni. Eitthvað fyrir alla sem enginn vill missa af. Nánari dagskrá verður aug-
lýst síðar. Eins og víða er hefð fyrir verða hverfin á Hellissandi og Rifi skreytt í mismunandi litum líkt og sjá má á meðfylgjandi mynd. Við hvetjum íbúa til að taka sig saman og skreyta sitt hverfi í sínum litum. Undirbúningsnefnd
ATVINNA Hafnir Snæfellsbæjar auglýsa hér með eftir hafnarstarfsmanni til afleysinga við Ólafsvíkurhöfn tímabilið 08.08. 2022 – 31.08. 2023. Viðkomandi mun einnig þurfa að vinna við aðrar hafnir Snæfellsbæjar. Umsækjendur þurfa að vera orðnir 20 ára gamlir. Laun eru greidd samkvæmt kjarasamningi Sambands Íslenskra sveitarfélaga og Kjalar stéttarfélags.
Umsóknarfrestur er til og með15. júní 2022 og skulu umsóknir sendar til hafnarstjóra. Nánari upplýsingar gefur hafnarstjóri í síma 433-6922 og 863-1153, netfang bjorn@snb.is
Hafnarstjóri.
HAFNIR
SNÆFELLSBÆJAR
Útskriftahópur Leikskóla Snæfellsbæjar Undanfarið hefur verið nóg að gera hjá elstu börnunum í leikskóla Snæfellsbæjar (Krílakot og Kríuból). Dagana 9. og 10. maí var vorskóli í Grunnskóla Snæfellsbæjar. Börnin tóku þá þátt í venjulegum skóladegi en vorskólinn er hluti af undirbúningi barnanna fyrir komandi haust þegar þau færast á milli skólastiga og hefja nám í 1. bekk. Þann 25. maí héldum við af stað í útskriftarferð í blíðskapar veðri, í ferðinni var ýmislegt brallað en við byrjuðum daginn í Skarðsvík og þar var mikið líf og fjör, umhverfið skoðað og leikið í fjörunni. Áður en haldið var á næsta áfangastað gæddum við okkur á ávöxtum og nutum okkar í sólinni. Sæl og glöð börn hoppuðu upp í rútu og biðu spennt eftir að sjá hvert óvissan leiddi þau. Næst var stoppað á Malarrifi þar tók Guðmundur eða hann Gummi Jens landvörður þjóðgarðsins á móti okkur og bauð okkur i heimsókn í Gestastofu þjóðgarðsins. Að heimsókninni lokinni nutum við okkar í leik og gleði í fallegri náttúrunni. Frá Malarrifi var ferðinni heitið í reiðhöllina í Ólafsvík og þar tóku þau Selma, Guðbjörg og Andri á móti okkur. Þau buðu börnunum að prufa að fara hestbak og klappa hestunum. Flest öll börnin þáðu boðið og voru teymd nokkra hringi og var mikil spenna og gleði. Eftir frábæran dag og mikla dagskrá að þá voru börnin farin að spyrja hvað er í matinn ?
Við toppuðum daginn með að fara í pizzuveislu á Sker, södd og sæl löbbuðum við saman upp á Krílakot og buðum börnunum á Kríubóli að koma með okkur að leika í garðinum. Okkur langar að þakka Hafþóri bílstjóra fyrir alla hjálpsemina, Gumma fyrir skemmtilega leiðsögn á Gestastofu, Selmu, Guðbjörgu og Andra fyrir að vera alltaf svona elskuleg að taka á móti okkur í reiðhöllinni ár eftir ár og að lokum Lilju á Sker fyrir flotta pizzuveislu. 30. og 31. maí útskrifast börnin úr leikskólunum Snæfellsbæjar, þau eru búin að gera flottar sjálfsmyndir á striga, útskriftahatta og að sjálfsögðu æfa lög sem verða sungin á opnu húsi /útskrift . Með sumarkveðju, Þórey, Kristjana, Fríða og Maja
Höfðingleg gjöf
Fasteignamat hækkar á Snæfellsnesi Heildarmat fasteigna á Íslandi hækkar um 19,9% frá yfirstandandi ári og verður 12.627 milljarðar króna, samkvæmt nýju fasteignamati Þjóðskrár fyrir árið 2023. Þetta er umtalsvert meiri hækkun en tilkynnt var um fyrir ári síðan þegar fasteignamat hækkaði um 7,4 % á landinu öllu. Heildarfasteignamat á höfuðborgarsvæðinu hækkar um 20,2% en um 19,2% á landsbyggðinni. Þar af er mest hækkun á Suðurlandi eða 22,4%, á Vesturlandi er hækkunin 18,1%. Af einstaka sveitarfélögum hækkar heildarfasteignamat mest í Hveragerðisbæ eða um 32,3% en minnsta hækkun er í Dalvíkurbyggð eða um 8,1%.
Á Snæfellsnesi er hækkunin á milli ára mest í Grundarfirði eða 21%, hækkunin er 18% í Snæfellsbæ, 17% í Stykkishólmi, 13% í Helgafellssveit og 10% í Eyja- og Miklaholtshreppi. Margir eru hugsi yfir því hvernig fasteignamatið er reiknað út, á heimasíðu Þjóðskrár segir að fasteignamat einstakrar fasteignar fylgir þróun kaupsamninga á öllu landinu með sérstakri áherslu á tilheyrandi nágrenni eignarinnar. Ef að skráningarupplýsingar fasteignar hafa ekki breyst milli ára er orsök hækkunar að mestu leyti vegna breytingar kaupverðs á sambærilegum eignum á svæðinu. jó
Á aðalfundi Krabbameinsfélags Snæfellsness þriðjudaginn 24. maí, komu fjórir ungir Grundfirðingar færandi hendi og gáfu félaginu kr. 16.781 sem er andvirði tombólu sem þau héldu. Á myndinni má sjá þessa hugulsömu krakka með formanni félagsins en þau eru frá hægri Jódís Kristín Jónsdóttir, Bjartey
Ebba Júlíusdóttir, Mjöll Guðjónsdóttir formaður, Ísleifur Andres Guðnason og Arney Erla Júlíusdóttir. Auk þeirra stóðu þær Tinna Unnsteinsdóttir og Emilía Rós Pawelsdóttir fyrir tombólunni og færir Krabbameinsfélag Snæfellsness þeim bestu þakkir fyrir hlýjan hug og góða gjöf.
Launafólk athugið
ORLOFSUPPBÓT 2022 Minnum félagsmenn á rétt sinn á að fá greidda orlofsuppbót/persónuuppbót, en það er föst fjárhæð sem atvinnurekendum er skylt að greiða starfsfólki sínu ár hvert. Starfsfólk á almennum vinnumarkaði: 53.000 kr. miðað við fullt starf og greiðist 1. júní. Starfsfólk hjá ríkinu: 53.000 kr. miðað við fullt starf og greiðist 1. júní. Starfsfólk sveitarfélaga: 53.000 kr. miðað við fullt starf og greiðist 1. maí.
Aflafréttir Strandveiðar eru nú komnar á fullt og mikill fjöldi handfæra báta í höfnum Snæfellsbæjar og voru landanir handfæra báta 313 dagana 23. til 29. maí. Alls komu 814 tonn á land í höfnunum þremur þessa daga í 355 löndunum. Í Rifshöfn var landað 387 tonnum í 107 löndunum, í Ólafsvíkurhöfn 347 tonn í 153 löndunum og á Arnarstapa 80 tonn í 95 löndunum. Hjá dragnóta bátunum landaði Magnús SH 52 tonnum í 3, Saxhamar SH 51 tonni í 3, Bárður SH 51 tonni í 4, Esjar SH 46 tonnum í 3, Ólafur Bjarnason SH 46 tonnum í 4, Gunnar Bjarnason SH 22 tonnum í 3, Egill SH 11 tonnum í 1, Guðmundur Jensson SH 11 tonnum í 1 og Rifsari SH 9 tonnum í 1 löndun. Hjá litlu línu bátunum landaði Tryggvi Eðvarðs SH 36 tonnum í 3, Indriði Kristins BA 24 tonnum í 3, Brynja SH 14 tonnum í 4, Bíldsey SH 10 tonnum í 1, Lilja SH 8 tonnum í 1, Gullhólmi SH 4 tonnum í 1 og Þerna SH 4 tonnum í 3 löndunum. Þrír stórir línu bátar lönduðu hver um sig einu sinni þessa daga. Páll Jónsson GK landaði 71 tonni,
Rifsnes SH 47 tonnum og Tjaldur SH 44 tonnum. Eins og áður segir eru strandveiðar komnar á fullt í Ólafsvík lönduðu 53 handfæra bátar 113 tonnum í 133 löndunum. Á Arnarstapa lönduðu 36 handfæra bátar 80 tonnum í 95 löndunum og í Rifshöfn lönduðu 34 handfæra bátar 60 tonnum í 85 löndunum. Þessa sömu daga komu á land í Grundarfjarðarhöfn alls 386 tonn í 50 löndunum. Þar hefur handfæra bátum fjölgað að sjálfsögðu og lönduðu 16 handfæra bátar 30 tonnum í 39 löndunum. þessa daga. Einn bátur á grásleppunetum landaði Björt SH og landaði hún 6 tonnum í 3 löndunum. Tveir bátar á rækjuveiðum lönduðu Klakkur ÍS 20 tonnum og Vestri BA 25 tonnum í 1 löndun hvor. Botnvörpu bátarnir lönduðu einnig 1 sinni hver þessa daga Hringur SH 64 tonnum, Runólfur SH 62 tonnum, Sigurborg SH 52 tonnum, Farsæll SH 46 tonnum, Þórir SF 43 tonnum og Steinunn SF 39 tonnum. þa
Við bjóðum upp á alhliða bílaviðgerðir, dekkjaskipti og smurþjónustu. Tímapantanir í síma 436-1111
Grunnskóli Snæfellsbæjar auglýsir lausar stöður fyrir næsta skólaár Lausar eru til umsóknar nokkrar stöður við Grunnskóla Snæfellsbæjar fyrir næsta skólaár. Tvær stöður skólaliða á starfsstöð skólans á Hellissandi í 50% starfi. Vinnutími frá 9:30 - 13:30. Tvær stöður stuðningsfulltrúa í 70% starfi. Stöðu stuðningsfulltrúa í 80% starfi. Við hvetjum alla, óháð kyni, til að sækja um störf hjá skólanum. Starfssvið stuðningsfulltrúa: • • • •
Aðstoða nemendur í leik og starfi Vinna að uppeldi og menntun nemenda Leiðbeinir þeim í samskiptum við aðra nemendur og starfsfólk Ýmis önnur verkefni sem falla til hverju sinni
Starfssvið stuðningsfulltrúa: • • • •
Ræsting og þrif skóla og skólalóðar Aðstoð í matsal á matartíma Gæsla í frímínútum og matartímum Ýmis önnur verkefni sem falla til hverju sinni
Menntun, reynsla og hæfni: • • • •
Menntun og reynsla sem nýtist í starfi Ríkir samstarfs- og samskiptahæfileikar Frumkvæði og sjálfstæð vinnubrögð Góð kunnátta í íslensku er skilyrði
Umsóknarfrestur er til 9. júní nk. Laun eru greidd skv. kjarasamningi Sambands íslenskra sveitarfélaga og stéttarfélagssins Kjalar. Upplýsingar veitir Hilmar Már Arason, skólastjóri, í síma 894 9903 og umsóknir skal senda til skólastjóra á netfangið hilmara@gsnb.is.