Ólafsbraut 55, Ólafsvík Sími: 436 1212
1014. tbl - 22. árg.
31. mars 2022
Snæfellingar á Mannamótum Mannamót Markaðsstofanna fór fram í sl. fimmtudag í Kórnum í Kópavogi. Þessi árlegi viðburður, sem ekki náðist þó að halda á síðast ári, er fyrir löngu orðinn fastur liður í samskiptum ferðaþjónustuaðila á landsbyggðinni við ferðaskrifstofur og ferðaskipuleggjendur. 210 sýnendur voru á Mannamótum Markaðsstofu landshlutanna í ár og vel mætt af gestum sem vildu kynna sér ferðaþjónustufyrirtækin á landsbyggðinni. Frá Snæfellsnesi voru 9 fyrirtæki sem mættu á Mannamót og kynntu sína starfsemi. Þar á meðal var Svæðisgarðurinn Snæfellsnes sem kynnti sameiginlega heimavinnu Snæfellinga í sambandi við uppbyggingu ferða-
þjónustu, á forsendum heimamanna og þá áfangastaði sem byggðir hafa verið upp fyrir íbúa og gesti. Ragnhildur Sigurðardóttir, framkvæmdastjóri Svæðisgarðsins Snæfellsness segir margt vera í boði á svæðinu þegar kemur að náttúru og menningu en auðvitað ekki allt, þá segir hún að fullt af flottum fyrirtækjum opni svo þessa fjársjóðskistu sem Snæfellsnesið er fyrir gestunum. Mikið var um að fólk væri spennt fyrir göngu- og hjólreiðaleiðum, tjaldstæðum og salernum, helst þeim sem eru opin allan sólarhringinn. Nokkrir kvörtuðu undan lélegum skilyrðum á vegum og vöntun á meiri vetrarþjónustu á ákveðnum köflum. Einnig var komið að orði
- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði vegr@vegr.is vegr.is S: 849-7276 Remek og 898-5463 Þórður
hve mikilvægt væri að allir þéttbýliskjarnar hefðu að minnsta kosti einn stað sem byði upp á nokkrar rafmagnshleðslustöðvar þar sem rafmagnsbílar eru að færast í aukana og þegar hópar ferðast um á slíkum bílum dugar ein og ein stöð skammt. Þá sagði Ragnhildur að mikið hafi verið um að ferðaskrifstofum vanti gistingu á Snæfellsnes í sumar yfir háannatímann og benti hún þeim áfram á þau ferðaþjónustufyrirtæki sem bjóða upp á gistingu.
En það þykir mörgum gott að koma á Snæfellsnesið og þakklæti fyrir heimavinnu Snæfellinga í uppbyggingu ferðamannastaða er sýnilegt. Auk Svæðisgarðsins Snæfellsness voru Miðhraun og Hjá Góðu Fólki úr Eyja- og Miklaholtshrepp, Langaholt, Sker, Frystiklefinn, Sagnaseiður og Lýsulaugar mættu úr Snæfellsbæ, Kirkjufell Hótel úr Grundarfirði og Fosshótel Stykkishólmur úr Stykkishólmi. sj
Aurskriða náði upp á veg Mikið vatnsveður gekk yfir landið um síðustu helgi og var Snæfellsnesið ekki undanskilið þar. í vatnsveðrinu á laugardaginn bráðnaði sjórinn hratt enda hitastig hærra en undanfarnar vikur og afleiðingin sú að aur og drulla hrundu úr vegkantinum á gamla veginum um Búlandshöfða og runnu yfir veginn, merki um minni aurskriður má sjá víða í Höfðanum. Verktakar brugðust fljótt og vel við og hreinsuðu af veginum. Vegkanturinn sem hrundi úr þar sem vindmælirinn er staðsettur lét aðeins á þa sjá eftir allan hamaganginn.
Við bjóðum upp á alhliða bílaviðgerðir, dekkjaskipti og smurþjónustu. Tímapantanir í síma 436-1111
Getraunir 1X2
Upplag: 500 Áb.maður: Jóhannes Ólafsson
Blaðið er gefið út af Steinprent ehf. og liggur frammi í Snæfellsbæ og Grundarfirði,
Prentun: Steinprent ehf. Sandholt 22a, Ólafsvík 355 Snæfellsbæ Netfang: steinprent@simnet.is Sími:
Blaðið kemur út vikulega.
436 1617
Það fór eins og spáð var að seðillinn síðasta laugardag var mjög auðveldur viðfangs, fyrir okkar spekinga. 12 rétt úrslit og smá vinningur. Reyndar hringdi einn aðili inn og bað um seðil með sjálfvali og var sá líka með 12 rétta, þannig að allir geta hitt á rétt úrslit, bara spurning um smá vit á enska boltanum og slatta af heppni. Frá og með næsta laugardegi hefst lokaorustan þetta keppnistímabil í enska boltanum og nokkrir spennandi leikir á næsta seðli. Við ætlum allavega að taka þátt og verðum á okkar stað í Átthagastofunni á milli kl. 11.00 og 12.00 á laugardaginn með kaffi á könnunni. Þökkum fyrir allan stuðning og því eru stuðningsfólk Víkings og aðrir, velkomið og getur fengið útskýringu á hvernig er best að fylla út seðil, ef viðkomandi hefur ekki gert þetta fyrr. Víkingarnir eru greinilega farnir að finna straumana frá okkur og unnu leikinn hér heima á laugar-
daginn síðast og enduðu í öðru sæti í sínum riðli í Lengjubikarnum.
Áfram Víkingur
ÁRALÖNG ÞEKKING OG REYNSLA AF FASTEIGNAMARKAÐI Á VESTURLANDI Allir kaupendur og seljendur fá
Vildarkort Lindar sem veitir 30% afslátt
hjá fjölmörgum fyrirtækjum
BOGI MOLBY Löggiltur fasteignasali
699 3444
molby@fastlind.is
Framboðsfrestur vegna sveitarstjórnarkosninga
Auglýsing frá yfirkjörstjórn Snæfellsbæjar Framboðsfrestur vegna sveitarstjórnarkosninga, sem fram fara laugardaginn 14. maí 2022, rennur út föstudaginn 8. apríl 2022 kl. 12 á hádegi. Yfirkjörstjórn tekur á móti framboðslistum þann dag milli kl. 11:00 og 12:00 í Átthagastofunni í Ólafsvík. Nánari upplýsingar um hvernig beri að ganga frá framboðslista til kjörstjórnar er að finna á vefslóðinni: http//www.kosning.is.
F.h. yfirkjörstjórnar Snæfellsbæjar Hjálmar Kristjánsson
Leikfélagið Lauga stofnað Nýtt leikfélag hefur verið sett á laggirnar í Snæfellsbæ en Leikfélagið Lauga var stofnað 23. mars 2022. Leikfélagið er nefnt í höfuðið á Sigurlaugu Heiðrúnu Jóhannsdóttur, sem var betur þekkt sem Lauga. Hún var formaður Leikfélags Ólafsvíkur í mörg ár, gerði allt fyrir það félag og sýndi ekkert nema góðmennsku og hlýju til allra þeirra sem vildu taka þátt og vera með. Því þótti við hæfi að nefna félagið eftir henni. Guðmundur Jensson, formaður og einn af stofnendum félagsins, segir að félagið hafi orðið til eftir að hann vildi endurvekja Leikfélag Ólafsvíkur og setja upp leiksýningu. Þegar hann fór að skoða þetta komst hann að því að kennitala leikfélagsins hafi verið lögð niður og Leikfélag Ólafsvíkur því ekki lengur til. Gummi tók málin þá í sínar hendur og safnaði saman aðilum sem hann taldi hafa áhuga á að stofna nýtt leikfélag. Nú þarf því að byrja á upphafspunkti, stofna reikning, fara yfir þau gögn sem til eru í
bæjarfélaginu, safna styrkjum og fínpússa þetta allt saman. Í stjórn félagsins sitja einnig Nanna Aðalheiður Þórðardóttir, ritari, Sóley Jónsdóttir, gjaldkeri, Ari Bjarnason, varaformaður, Guðrún Halla Elíasdóttir, stjórnarmaður, auk þess sem Lilja Þorvarðardóttir, Steiney Kristín Ólafsdóttir, Lísa Dögg Davíðsdóttir, María Rós Guðmundsdóttir og Stefanía Sólborg Guðmundsdóttir tóku þátt í að koma félaginu á laggirnar. Nú þegar hefur verið gluggað í nokkur handrit sem gæti verið skemmtilegt að setja upp þegar allt er orðið klárt. Aðspurður segir Gummi að nokkrir hafi hrósað hópnum fyrir framtakið og sýnt spennu yfir endurkomu leikfélags enda sé löngu kominn tími á svona skemmtun en komin eru 10 ár síðan síðast var sett upp leiksýning í bæjarfélaginu. Leikfélagið Lauga mun taka á móti nýjum meðlimum þegar allt er orðið tilbúið hjá stjórninni en þau vilja að sjálfsögðu fá sem flesta í lið með sér og eru spennt að koma af stað nýrri leiksýningu. sj
Víkingar lögði ÍR
Leikfélag Ólafsvíkur setti m.a. upp leikritið Klerkar í klípu.
kirkjanokkar.is
Aðalsafnaðarfundur og Friðarguðsþjónusta á sunnudag Friðarguðsþjónustan verður í Ólafsvíkurkirkju klukkan 14. Beðið verður fyrir friði. Friðurinn hefst í hjarta hvers og eins. Aðalsafnaðarfundur Ingjaldshólssóknar verður klukkan 16 á Ingjaldshóli. Dagskrá eru hefðbundinn aðalfundarstörf, kosningar og mögulegar fyrirhugaðar framkvæmdir. Tökum þátt í að móta starf safnaðarins.
Síðasta leikur Víkings Ó. í riðli 1 í B deild karla í Lengjubikarnum fór fram á Ólafsvíkurvelli á síðasta laugardag. Víkingur tók þá á móti ÍR sem fyrir leikinn var búinn að vinna riðilinn. Hvasst var og því ekki auðvelt að spila en leikmenn létu það ekki á sig fá og á 22. mínútu kom Arnór Siggeirsson heimamönnum yfir, undir lok fyrri hálfleiks bætti Kristófer Daði Kristjánsson við öðru marki heimamanna og staðan í hálfleik því 2 - 0. Í Seinni hálf-
leik léku gestirnir undan vindi og rétt fyrir leikslok minnkaði Pétur Hrafn Friðriksson muninn fyrir ÍR. Lengra komust gestirnir ekki og á lokamínútum leiksins misstu þeir mann af velli þegar Jón Gísli Ström fékk rautt spjald, lokatölur í leiknum voru því 2 - 1 og var Víkingur eina liðið í riðlinum sem lagði ÍR inga af velli. Víkingur lauk keppni í riðli 1 í öðru sæti, jafnir Kára að stigum, með sömu markatölu en fleiri þa skoruð mörk.
Hunda- og kattaeigendur í Snæfellsbæ
Hundahreinsun verður þriðjudaginn 5. apríl frá 13:00 – 15:00 og miðvikudaginn 6. apríl frá kl. 13:00 – 16:30 í Áhaldahúsinu í Ólafsvík. Kattahreinsun verður á sama stað þriðjudaginn 5. apríl frá 15:00 – 16:30 Við viljum benda því fólki sem lætur hreinsa og bólusetja sína hunda annars staðar, að koma tilkynningum eða skírteinum um slíkt til bæjarskrifstofu Snæfellsbæjar. Við bendum eigendum óskráðra hunda og katta að skrá þá þegar í stað! Við hvetjum fólk til að mæta með hunda og ketti sína í hreinsun, hvort sem þeir eru skráðir eða óskráðir.
Skemmtileg sumarstörf á Dvalar- og hjúkrunarheimilinu Jaðri Leitast er eftir jákvæðu starfsfólki til góðra samskipta og umönnunar í sumarafleysingum á Dvalar- og hjúkrunarheimilið Jaðar í Ólafsvík. Á Jaðri er starfsumhverfi gefandi og starfsandi góður. Starfshlutfall samkomulagsatriði. Hvetjum stráka og stelpur á öllum aldri til að sækja um. Á heimilinu er lögð áhersla á góða hjúkrun, umönnun og að annast heimilisfólk í notalegu og heimilislegu umhverfi sem þeir þekkja og treysta. Hugmyndafræði Jaðars byggist á að umhyggja fyrir einstaklingnum sé í fyrirrúmi og að sjálfræði hans sé virt í allri umönnun. Mikið er lagt uppúr heimilislegum anda, virðingu fyrir einkalífi heimilismanna og að þeir upplifi öryggistilfinningu. Unnið er útfrá heildrænni umönnun sem miðar að því að viðhalda lífsgæðum, færni og vellíðan útfrá líkamlegri, andlegri og félagslegri getu.
Laun eru greidd skv. kjarasamningum Kjalar starfsmannafélags og Sambands íslenskra sveitarfélaga. Upplýsingar veitir Inga Jóhanna Kristinsdóttir, forstöðumaður Jaðars, í síma 433 6933 eða á inga@snb.is. Vinsamlega sendið umsóknir á netfangið inga@snb.is.
Dvalar- og hjúkrunarheimilið Jaðar | Hjarðartún 3 | 433 6931 | snb.is
Frá Olweusarteymi GSNB Grunnskóli Snæfellsbæjar vinnur samkvæmt eineltisáætlun Olweusar gegn einelti og andfélagslegri hegðun og hefur gert það frá stofnun hans árið 2004. Markmið áætlunarinnar er að skapa skólaumhverfi þar sem einelti fær ekki þrifist. Áætlunin byggir á fáum meginreglum sem sýnt hefur verið fram á, með vísindalegum rannsóknum, að skili árangri í baráttunni gegn einelti og andfélagslegri hegðun. Í skólastarfinu er lögð áhersla á að skapa andrúmsloft sem einkennist af jákvæðni, hlýju, alúð og afskiptum starfsfólks af óviðunandi hegðun nemenda. Hin árlega Olweusarkönnun var lögð fyrir á haustönn 2021 fyrir
skólaárið 2021-2022 í umsjón verkefnastjóra Olweusar. Nemendur í 5.-10. bekk tóku þátt og var könnunin tekin á rafrænu formi. Svarhlutfall var 87,3%. Niðurstöður sýna að meirihluta nemenda líkar mjög vel eða vel í skólanum eða 74,8% en nemendum sem líður illa eða mjög illa í skólanum eru 3,9%. Um 22,3% nemenda líkar hvorki vel né illa í skólanum. Alls hafa 8,7% nemenda í 5.-10. bekk orðið fyrir einelti tvisvar til þrisvar sinnum í mánuði eða oftar, alls níu nemendur. Niðurstöður sýna einnig að upplifun nemenda sé sú að hlutur umsjónarkennara við vinnu gegn einelti fari minnkandi. Starfsfólk skólans tekur þessar
niðurstöður alvarlega og nýtir þær til að skipuleggja áframhaldandi starf til þess að nemendum skólans líði sem best enda vinnur Olweusaráætlunin að góðum samskiptum milli nemenda ásamt öðru. Alltaf er þó eitthvað sem betur má fara og má þar benda á að hvetja þarf nemendur enn frekar til þess að sýna umburðarlyndi og þróa hæfni sína í mannlegum samskiptum. Einnig þarf starfsfólk að gera vinnu sína gegn einelti sýnilegri í skólanum og að nemendur hafi meira um þá vinnu að segja.
Margt er þó sem vel gengur og má þar nefna að skólinn er með skýra og viðeigandi stefnu um velferð og umhyggju fyrir nemendum sem fylgt er eftir. Vel er fylgst með líðan nemenda með könnunum og einstaklingsviðtölum. Einnig eru bekkjarfundir haldnir með markvissum hætti, einstaklingssamtöl, foreldra- og nemendasamtöl, fundur skólastjóra með nemendum og á nemendaráð fulltrúa í skólaráði. Olewusarteymi GSNB
Fjölbreytt og skemmtileg sumarstörf fyrir ungmenni hjá Snæfellsbæ Snæfellsbær býður ungmennum 18 ára og eldri upp á fjölbreytta og skemmtilega útivinnu í sumar sem hefur það að leiðarljósi að fegra umhverfi Snæfellsbæjar. Leitað er að sextán einstaklingum til starfa við fjölbreytt og uppbyggileg störf sem samanstanda bæði af almennum verkefnum Áhaldahúss Snæfellsbæjar og flokkstjórn vinnuskólahópa. Umsækjendur þurfa að vera 18 ára eða eldri og vera reiðubúnir að starfa við áðurtalin störf á þriggja mánaða tímabili, eða frá 16. maí 2022. Sumarvinna • • • •
Leitað að 16 einstaklingum í vinnu. Um er að ræða 100% störf í þrjá mánuði frá 16. maí nk. Umsækjendur þurfa að vera 18 ára eða eldri. Umsækjendur þurfa að vera færir um að stýra vinnuskólahópi og hafa áhuga á að vinna með og fræða unglinga. • Umsækjendur þurfa að vera duglegir, áhugasamir um útivinnu, tóbakslausir, sjálfstæðir og góðar fyrirmyndir. • Þekking á staðháttum í sveitarfélaginu er æskileg.
Frekari upplýsingar má finna í síma 433 - 6900 eða á neðangreindu netfangi. Umsóknareyðublað má finna á vefsíðu Snæfellsbæjar og í Ráðhúsi Snæfellsbæjar. Umsækjendur eru beðnir að senda umsókn á neðangreint netfang eða skila í Ráðhús Snæfellsbæjar.
Umsóknarfrestur er til og með 24. apríl 2022. Ekki er tekið við umsóknum eftir að umsóknarfrestur hefur liðið.
Snæfellsbær
byggingarfulltrui@snb.is
|
Klettsbúð 4
|
433 6900
|
snb.is