Grafarholtsblaðið 7. tbl. 2024 by Skrautás Ehf.

Grafarholtsblaðið

7. tbl. 13. árg. 2024 júlí Fréttablað íbúa í Grafarholti og Úlfarsárdal

Framstrákar prúðastir

Norðurálsmótið fór fram helgina 21. – 23. júní á Akranesi. Eins og við var að búast þá var mótið mikil fótboltaveisla þar sem iðkendur af eldra ári 7.flokks karla léku listir sínar.

Fram sendi heil 6 lið til þáttöku þetta árið og það var því stór og glæsilegur hópur ungra Framara sem hélt nafni félagsins á lofti á skaganum þessa helgi. Á Norðurálsmótinu er lögð áhersla á leikgleði og upplifun iðkenda umfram úrslit og því voru úrslit leikja ekki skráð og engir bikararar eða árangurstengd verðlaun veitt. Okkar drengir stóðu sig frábærlega innan sem utan vallar á mótinu og fengu fyrir vikið háttvísisverðlaun mótsins þetta ár. Framarar eru auðvitað gríðarlega stoltir af þeim.

Til hamingju strákar! (Frétt frá Fram.is)

Frá bær gjöf fyr ir veiði menn og kon ur

Gröfum nöfn veiðimanna á boxin Uppl. á www.Krafla.is (698-2844)

Allar almennar bílaviðgerðir

Gylfaflöt 24 - 30 • 112 Reykjavík Sími 577 4477 www.bilavidgerdir.is

Bifreiðaverkstæði Grafarvogs Þjónustuaðili

VELKOMIN Í

URÐARAPÓTEK

Okkar metnaður er að veita ávallt faglega og góða þjónustu

Opið virka daga kl. 09.00-18.30 og laugardaga kl. 12.00-16.00 Hlökkum til að sjá þig!

Vínlandsleið 16 Grafarholti urdarapotek.is Sími 577 1770

Grafarholtsblaðið Grafarholtsblaðið

Útgefandi: Skrautás ehf. Netfang: gv@skrautas.is

Ritstjóri og ábm.: Stefán Kristjánsson.

Ritstjórn: Símar 698–2844 og 699-1322.

Netfang Grafarholtsblaðsins: gv@skrautas.is / abl@skrautas.is Útlit og hönnun: Skrautás ehf. Auglýsingar: 698-2844 og 699-1322 - Stefán Kristjánssongv@skrautas.is

Prentun: Landsprent ehf.

Ljósmyndari: Katrín J. Björgvinsdóttir.

Dreifing: Póstdreifing.

Grafarholtsblaðinu er dreift ókeypis í öll íbúðarhús í Grafarholti, Úlfarsárdal og Reynisvatnsás.

Óánægja í úthverfum

Óhætt er að segja að það ríki mikil óánægja á meðal íbúa í úthverfum borgarinnar í kjölfar frétta af fyrirhuguðum íbúðabyggingum á grænum svæðum innan Grafarvogs þar sem ætlunin er að hola niður 500 íbúðum á litlu svæði.

Í kjölfar fréttanna risu íbúar upp og nú stendur yfir undirskriftasöfnun þar sem þessum framkvæmdum er mótmælt harðlega. Og svo í kjölfar mótmæla íbúanna kom borgarstjóri fram í fjölmiðlum og sagði um misskiln-ing að ræða. Ekki væri ætlunin að fara í byggingar á 5 hæða fjölbýlishús-um og troða þeim nánast í garðana hjá fólki sem fyrir er. Einnig er fyrirhugað að byggja á grænum reitum í Grafarholti og Úlfarsárdal og ef að líkum lætur munu koma fram tillögur um byggingar á grænum reitum í Árbæjarhverfi. Íbúar í úthverfunum vilja ekki að byggingum sé troðið á lítil svæði í núverandi byggð og nánast í andlit þeirra íbúa sem fyrir eru. Því fyrr sem yfirvöld í borginni átta sig á þessu því betra. Það átta sig allir á því að það er gríðarlegur lóðaskortur í borginni. Vonandi sjá borgaryfirvöld möguleikana á að byggja upp ný svæði og stækka borgina. Hér kemur Geldinganesið fyrst upp í hugann og þar hlýtur að verða byggt í náinni framtíð. Margir hafa nefnt Viðey sem hentugt byggingarland en margir eru einnig andvígir íbúabyggð á þeim merka stað. Að öðru. Sumarið lætur bíða eftir sér og undarlegt hve kalt hefur verið það sem af er ,,sumri”. Hver ástæðan er skal ósagt látið en það fer vonandi að koma sumar. Ef litið er á bjartsýnustu veðurspárnar í dag má sjá möguleika á hlýnandi veðri. Kuldinn og blásturinn hafa verið alls ráðandi og kylfingur sem hafði samband við okkur á dögunum sagðist ekki muna eftir því að núna, þegar kominn er júlí, er hann ekki búinn að leika golfhring í stuttermabol. Og oftast með lopahúfu á hausnum. Ekki var vorið betra en það sem af er sumri. Vetrarveður um mikinn hluta landsins, svo grimm að stór hluti varps fugla misfórst og ungadauði var mikill.

Það virðist sem að einhverjr breytingar séu að eiga sér stað. Við auðvitað bíðum og sjáum hvað setur. Við vonum að fullyrðingar þeirra sem svartsýnastir eru muni ekki rætast og eftir allt saman þá skelli á sumar á klakanum aður en haustið og veturinn berja á dyrnar. Nú tökum við aðeins lengra frí á milli blaða en vant er en næstu blöð eru í dreifingu 22. ágúst. Stefán Kristjánsson

Endurreisum Elliðaárvirkjun og

tryggjum orkuöryggi reykvískra heimila

- eftir Björn Gíslason borgarfulltrúa Sjálfstæðisflokksins

Á síðasta fundi Orkuveitu Reykjavíkur (OR) lagði undirritaður til að hafin yrði orkuframleiðslu á rafmagni í Elliðaárvirkjun að nýju, með það fyrir augum að tryggja orkuöryggi heimila í Reykjavík. Innviðir sem nú þegar eru til staðar við Rafstöðina í Elliðaárdal verði nýttir, en fjárfest yrði í nýrri túrbínu sem gæti framleitt allt að sex til tíu megavött af rafmagni, en sú gamla annaði einungis þremur megavöttum. Með þeirri aðgerð einni, verði hægt að tryggja orkuöryggi allt að 17 þúsund heimila í Reykja¬vík, sem samsvarar um 34% heimila í höfuðborginni.

Lítið sem ekkert rask Verði farið í framkvæmdina mun það kosta lítið sem ekkert rask. Skoðað verði að byggja 15 fermetra jarðhýsi, þar sem túrbínunni yrði komið fyrir, vestan megin við rafstöðvarhúsið í Elliðaárdal.

Þá er rörið (fallpípan) sem notuð eru til að leiða vatnsrennslið almennt nokkuð heilleg að sögn sérfræðinga. Til að koma virkjuninni í gang aftur er unnt að fóðra rörið (fallpípuna) með svokölluðum glertrefjum, en þannig gætu það enst næstu eitt hundrað árin.

Vaxandi þörf og möguleg eldsumbrot

Það er einkum tvö atriði sem kalla á að ráðist verði í raforkuframleiðslu í Elliðaárdal á nýjan leik:

Annars vegar er það fyrirséður orkuskortur í landinu öllu, en sama hvort við kjósum að horfa til

Björn Gíslason er borgarfulltrúi Sjálfstæðisflokksins.

grænbókar umhverfis- orku- og loftslagsráðuneytisins eða spá Orkustofnunnar um orkuþörf til ársins 2040, er ljóst að vaxandi þörf er á raforku, þannig kallar orkuöryggi á aukna raforkuframleiðslu.

Hins vegar spila þar einnig inn í mögulegar jarðhræringar á Hengilssvæðinu, en eldsumbrotin á Reykjanesi og heitavatnsleysið sem fylgdi í kjölfarið varpa enn frekari ljósi á mikilvægi þess að hafa nægilegan aðgang að rafmagni.

Rétt er að rifja það upp að þar rofnaði heitavatnslögnin á versta mögulega

tíma sem gerði það að verkum að heimili fólks lágu undir skemmdum. Í þessum aðstæðum og miklum kulda gátu íbúar svæðisins aðeins notað rafmagnsofna til húshitunar, en ekki var unnt að leyfa nema einn rafmagnsofn á heimili, þar sem raforkukerfið þoldi ekki meira álag.

Þetta sýnir okkur svo ekki verði um villst að allur er varinn góður. Þá er tómt mál að tala um að hér ríki orkuskortur þegar við eigum tilbúna virkjun í Reykjavík, sem þarfnast örlítill lagfæringa til gangsetningar.

Borgar sig upp á 5-7 árum Fjárfesting þessi tryggir ekki aðeins almannaöryggi, heldur myndi hún borga sig upp á 5-7 árum og yrði þar af leiðandi arðbær framkvæmd fyrir Orkuveitu Reykjavíkur og þar með borgarbúa alla, enda OR í eigu skattgreiðanda í Reykjavík að mestu.

Nú eru yfir eitt hundrað ár liðin frá því Elliðaárvirkjun tók til starfa. Hún var tekin í notkun á vormánuðum 1921 og var fyrsta vatnsaflsvirkjun Reykvíkinga. Virkjunin var starfrækt til ársins 2014 er aðrennslisrör (fallpípa) hennar gaf sig og var hún þá ein elsta virkjun í heiminum sem enn var í notkun.

Elliðaárvirkjun á þannig stóran þátt í sögu Reykjavíkur, en það færi vel á því að gera sögu hennar og mikilvægi hátt undir höfði með því að gangsetja hana á nýjan leik.

Allir græða

- eftir Þórdísi Lóu Þórhallsdóttur, forseta borgarstjórnar og oddvita

Þann 19. júní á hverju ári heiðrum við minningu Bríetar Bjarnhéðinsdóttur og annarra baráttukvenna fyrir kvenfrelsi, á sjálfan kvennréttindadaginn 19. júní. Þennan dag árið 1915, fengu konur og eignarlausir karlmenn á Íslandi í fyrsta sinn kosningarétt og kjörgengi til Alþingis. Æ síðan hefur baráttufólk fyrir jafnrétti haldið daginn hátíðlegan og hefur Reykjavíkurborg heiðrað Bríeti með því að leggja blómsveig á leiði hennar frá árinu 2011. Bríet Bjarnhéðinsdóttir lék gríðarlega stórt hlutverk í því að koma á þessum mikilvægu réttarbótum fyrir konur og efla þannig lýðræðissamfélagið fyrir okkur öll. Hún var stofnandi Kvenréttindafélags Íslands og var fyrsti formaður félagsins frá stofnun allt til ársins 1928, en markmið þess var að vinna að því að íslenskar konur fengju fullt jafnrétti á við karlmenn, kosningarétt, kjörgengi og embættisgengi, og rétt til atvinnu með sömu skilyrðum og karlmenn.

Viðreisnar í Reykjavík

Það er ekkert gefið í þessum heimi

Margt hefur breyst og áunnist á þeim 109 árum sem liðin eru. Við getum jafnvel sagt að lagalegt jafnrétti karla og kvenna, sem Bríet barðist fyrir, sé að mörgu leyti komið. En þó er ljóst að staða kynjanna í samfélaginu er enn ójöfn og raunverulegt jafnrétti er ekki í höfn. Við eigum einnig enn eftir að fá allt samfélagið með okkur í lið þegar kemur að fjölbreytileika kynjanna og að víkja frá kynjatvíhyggjunni.

Lagaleg réttindi fara ekki alltaf saman við samfélagsstöðu þeirra hópa sem um ræðir. Þau eru mikilvægt skref, en alls ekki eina skrefið. Og allri jafnréttisbaráttu stafar stöðug ógn af bakslagi. Þetta sjáum við vestanhafs og austan, þegar horft er til réttinda kvenna til að ráða yfir eigin líkama. Þetta sjáum við á Íslandi í dag þegar horft er til hinsegin

samfélagsins, þá sérstaklega trans fólks og þeirra fordóma sem stöðugt dynja á því. Þetta sjáum við á samfélagsmiðlum með hatursorðræðu í garð innflytjenda, litaðs fólks og kvenna. Með hverri kynslóð koma nýjar áskoranir í jafnréttismálum, nýjar bylgjur fordóma og nýtt bakslag sem þarf að bregðast við og vinna bug á. Það má með sanni segja að starfi Bríetar verði í raun aldrei lokið og það sé hlutskipti nýrrar kynslóðar að taka við kyndlinum. Konur tilheyra öllum hópum samfélagsins, þær eru fatlaðar, þær eru trans, þær eru íþróttahetjur, þær eru innflytjendur, þær eru forstjórar og forsetar, þær eru pankynhneigðar, þær eru fátækar, þær eru gamlar og þær eru ungar.

Að berjast fyrir réttindum kvenna þýðir marglaga og fjölþætt barátta, sem þarf að há á mörgum vígstöðum og kallar á samstöðu ólíkra hópa. 19. júní

Þórdís Lóa Þórhallsdóttir, forseti borgarstjórnar og oddviti Viðreisnar í Reykjavík.

hvert ár sækjum við okkur innblástur og kraft frá Bríet og hennar sögu og nýtum okkur hana sem veganesti í áframhaldandi jafnréttisbaráttu. Höldum áfram að berjast og byggja réttlátara borgarsamfélag fyrir okkur öll. Þórdís Lóa Þórhallsdóttir Forseti borgarstjórnar og oddviti Viðreisnar í Reykjavík

Móttaka Endurvinnslunnar er opin

Grænir skátar styðja við ungmenna Við tökum vel á mót

alla daga vikunnar.

20 k eidda Greiddarining eru

i þér.

Munið eftir nýja endurvinn

nsluappinu astarf í samfélaginu.

Opnunartíminn okkar er:

Vikrir dagar kl. 9-18 Helgar kl. 12-16:30

Ánægðir hlauparar á fleygiferð í Hólmsheiðarhlaupi Ultraform og Fram.

Hólmsheiðarhlaup Ultraform og Fram 2024 var haldið í þriðja skiptið á dögunum og voru hátt í 850 keppendur að hlaupa um Hólmsheiðina og eins Úlfarsfellið.

Hlaupið var ræst í þremur áföngum þar sem keppt og ræst var í 22 km / 10 km og 6 km.

Áhorfendur voru duglegir að hvetja keppendur í brautinni og eins voru margir viðstaddir þegar hlaupið hófst í Kirkjustétt 2-6. Óhjákvæmilegt var að loka kafla af Úlfarsábraut í átt að Fram í stuttan tíma á meðan hlaupið fór fram og vilja Framarar biðja íbúa sem urðu hugsanlega fyrir truflunum á ferðalagi sínu um hverfið afsökunar á þeirri lokun fyrir íbúa á svæðinu, en auðvelt var svo sem að fara aðra leið/leiðir.

Þess má til gamans geta að Hólmsheiðarhlaup Ultraform og Fram er stærsta utanvegahlaup á höfuðborgarsvæðinu og var kosið utanvegahlaup ársins 2022 og 2023.

Hólmsheiðarhlaup Ultraform og Fram 2024 var nú haldið í þriðja skiptið að þessu sinni og voru keppendur hátt í 850 sem hlupu um Hólmsheiðina og á Úlfarsfellið eins og enginn væri morgundagurinn.

húsfélagi

eynslu ir 20 ára þekkingu og r f ið erum með y V húsfélagið!

fjjöleignarhúsa. í r

erum þér tilboð! yrðu í okkur og við g He a@eignaumsjon.is. eða sendið okkur tölvupóst á thjonust linu, glega í síma 585 4800 og á netspjal og örug tt yrirspurnum hra erið okkar svarar f Þjónustuv

Láttu okk ið! kur sjá um 4800

ut 30 Suðurlandsbra ekstri f

Sími 585 | Reykjavík

Laxatartar að hætti Jönu

- frábær réttur sem vert er að prófa

Kristjana Steingrímsdóttir, Jana, býður lesendum okkar upp á frábærar uppskriftir af fiskréttum.

Réttirnir eru í senn hollir og gómsætir og við skorum á lesendur að prófa þessa rétti.

Laxatartar

500 gr. roðflettur lax (látið í frysti í sólahring áður en eldamennskan fer fram.)

1 -2 avókadó.

1/4 rauðlaukur.

1/3 rauður chili.

Handfylli af kóríander.

Allt saxað smátt

Hrærið saman í skál:

Safi úr hálfri sítrónu og smá af berkinum (eða lime).

1-2 msk. ristuð sesamolía. Rifin ca 3 cm engiferjarót. 4 msk. svört sesamfræ. 4 msk. chili kryddaðar kasjuhnetur saxaðar gróft.

Hellið svo ,,dressingunni” yfir laxinn, avókadóið, laukinn, chilið og kóríanderið.

Kælið í ísskáp í 30 mínútur eða svo. Ferskt og hrikalega gott salat sem forréttur eða sem aðalréttur með bland af öðrum litlum réttum.

Verði ykkur að góðu. Kristjana Steingrímsdóttir (Jana) jana.is -www.instagram.com/janast

Marta Reykvíkingur ársins

Við úðum

garðinn

þinn

- Hagstætt verð og vönduð vinna

- Ný og viðurkennd efni

- Eyðum líka meindýrum

meindyraeidir@simnet.is - www.meindyraeydir.is

og veiddi í Elliðaánum

Elliðaárdalurinn skartaði sínu fegursta við opnun Elliðaánna 20 júní sl. Þórdís Lóa Þórhallsdóttir forseti borgarstjórnar tilkynnti að Reykvíkingur ársins væri Marta Wieczorek, grunnskólakennari í Hólabrekkuskóla í -holti og aðstoðarskólastjóri við Pólska skólann, en hefð er fyrir því síðan árið 2011 að Reykvíkingur ársins opni Elliðarnar.

Tilgangurinn með Reykvíking ársins er að leita að einstaklingi sem hefur, með háttsemi sinni eða atferli, verið til fyrirmyndar á einhvern hátt og vill Reykjavíkurborg með þessari útnefningu þakka fyrir þeirra framlag.

Marta Wieczorek er Reykvíkingur ársins árið 2024 en hún vinnur dýrmætt og óeigingjarnt starf í þágu barna borginni í að efla móðurmálskennslu í Pólska skólanum, sem menningarsendiherra í Breiðholti og sem kennari í Hólabrekkuskóla

Pólski skólinn er brú milli íslensks og

pólsks samfélags ekki bara fyrir börnin sem þangað sækja nám heldur einnig fyrir foreldra barnanna. Marta kennir einnig á íslenskunámskeiði fyrir börn sem eru nýkomin til Reykjavíkur. Marta hefur einnig verið menningarsendiherra. Menningarsendiherrar hafa það hlutverk að brúa bilið milli ólíkra þjóða og menningarheima í hverfinu með það að markmiði að virkja lýðræði, efla upplýsingaflæði og bæta tengslanet innan hverfisins.

Marta opnaði ánna og veiddi sig niður Breiðuna þar sem lax tók eftir um 20 mín og gekk löndun afar vel. Marta sýndi góða veiðitakta en hún er óvön laxveiði en Stefán Segatta leiðbeindi henni og landaði með henni maríulaxinum. Þórdís Lóa tók svo við og renndi fyrir laxinn í Breiðunni undir leiðsögn Stefáns Segatta en varð ekkert vör. Lóa, eins og hún er alltaf kölluð, er alvön veiðikona og hefur búið í Árbænum og Breiðholti alla tíð. Hún vildi ólm færa sig upp

Elliðaánna og veiða í sínum uppáhalds hyl sem er Árbæjarhylur og er rétt við heimili Þórdísar Lóu í yfir 20 ár. Ekki stóð á svörun því í þriðja kasti tók stór hængur á og upphófst 20 mín löndun var bæði skemmtileg og afar fjörug. Að lokum náðist að landa 67 cm. Hæng sem tók á svartan Frances nr.14. ,,Elliðaárnar eru stórkostleg perla inní miðri borginni og frábært hvernig áin og dalurinn hefur vaxið og þróast á undanförnum áratugum. Nú hefur áin fengið sitt upphaflega rennsli, lónið farið og náttúran komin í sitt upprunalega horf sem hefur haft afar góð áhrif á laxastofninn. Elliðaárdalurinn er eitt af mínum uppáhalds svæðum í borginni enda hef ég búið á bökkum Elliðaáa í áratugi og það var stórkostlegt að fá þennan fína lax í þriðja kasti, þessi opnun hefði ekki getað farið betur fyrir mig persónulega,” segir Þórdís Lóa, forseti borgarstjórnar.