Á afmælishátíð Fylkis þann 28. maí sl. fengu fjórir fræknir Fylkismenn afhent gullmerki félagsins. Þeir eru frá vinstri á myndinni: Halldór Frímannsson, Björn Gíslason, Atli Atlason og Kristinn Eiríksson. Hér eru þeir ásamt Herði Guðjónssyni framkvæmdastjóra Fylkis. Sjá bls. 6
VISSIR ÞÚ?
KÍKTU Í KEILU, PÍLU, KAREOKE, PIZZU, DRYKK, BOLTA OG FJÖR.
ÞÚ GETUR BÓKAÐ BRAUT Á KEILUHOLLIN.IS OG Í SÍMA 5 11 53 00
Árbæjarblaðið Árbæjarblaðið
Útgefandi: Skrautás ehf. Netfang: abl@skrautas.is
Ritstjóri og ábm.: Stefán Kristjánsson.
Ritstjórn: Leiðhamrar 39 - símar 698–2844 og 699-1322.
Netfang Árbæjarblaðsins: abl@skrautas.is
Útlit og hönnun: Skrautás ehf.
Auglýsingar: 698-2844 og 699-1322 - Stefán Kristjánssonabl@skrautas.is
Prentun: Landsprent ehf.
Ljósmyndarar: Katrín J. Björgvinsdóttir og Einar Ásgeirsson.
Dreifing: Póstdreifing.
Árbæjarblaðinu er dreift ókeypis í öll íbúðarhús í Árbæ, Ártúnsholti, Grafarholti, Norðlingaholti og Úlfarsárdal.
Slæmar fyrirmyndir
Vitað var fyrir margt löngu að íþróttir og allt starf tengt íþróttum eru mjög öflugar þegar kemur að forvarnarstarfi barna og unglinga. Um þetta hefur ekki verið deilt og margir foreldrar því lagt á það mikla áherslu að vekja áhuga barnanna á íþróttastarfi félaganna í borginni.
Auðvitað er það forgangsmál að þeir sem veljast til forystu í íþróttastarfi félaganna sinni störfum sínum af kostgæfni og hafi það jafnan að leiðar-ljósi að vera börnum og unglingum góð fyrirmynd. Það læra krakkarnir sem fyrir þeim er haft.
Á dögunum fór fram fótboltaleikur í Bestu deild karla. Við áttust Breiðablik og Víkingur. Lengstum stefndi í sigur Víkinga og þegar staðan var 0-2 þeim í vil var komið fram í uppbótartíma. Þar skoruðu Blikar tvívegis og jöfnuðu leikinn. Uppbótartíminn var sex mínútur. Blikar skoruðu síðara mark sitt þegar 6 mínútur og 40 sekúndur voru liðnar frá venjulegum leiktíma sem getur verið algjörlega eðlilegt.
Eftir leikinn kom til áfloga milli leikmanna, þjálfara og forsvarsmanna félaganna. Fúkyrðaflaumurinn og dónaskapurinn var alls ráðandi og allir virtust þessar fullorðnu fyrirmyndir missa algjörlega stjórn á skapi sínu. Fyrst kastaði tólfunum þegar þjálfarar liðanna, foringjarnir sjálfir, komu fram í viðtölum eftir leikinn og virtust enga stjórn hafa á skapi sínu. Þjálfari Víkings var mun æstari og úthúðaði ungum dómara leiksins. Sagði ítrekað ,,hann var ömurlegur, alveg ömurlegur” og blótaði upp á enska tungu eins og óvita er háttur. Ekki smekkleg framkoma hjá helstu fyrirmynd Blikanna og tvennt hefur komið í ljós í kjölfar leiksins sem gerir framkomu hans alvarlegri en ella. Hann fullyrti í viðtali eftir leikinn að Blikar hafi skorað jöfnunarmark sitt einni og hálfri mínútu eftir að uppbótartími var liðinn. Á íslensku heitir þetta lygi. Markið var skorað eftir 40 sekúndur. Nokkrum dögum eftir leik var annað viðtal við þessa fyrirmynd Blikanna og þá sá hann ekki eftir neinu. Baðst ekki afsökunar. Á þetta viðtal og öll áflogin í Kópavogi eftir leikinn horfði ungt áhugafólk um knattspyrnu, því miður.
Við sem styðjum okkar lið í okkar hverfi vonum að til þess komi aldrei að fyrirmyndirnar í okkar liðum komi svona fram og sýni af sér slíkt dómgreindarleysi í fjölmiðlum eða annars staðar. Stefán Kristjánsson
Borgaryfirvöld á hálum ís í Vatnsmýri
- eftir Björn Gíslason borgarfulltrúa Sjálfstæðisflokksins
Það hefur verið afstaða borgaryfirvalda, að það landsvæði sem fer undir Reykjavíkurflugvöll yrði mun betur nýtt sem byggingarland en flugvöllur.
Á síðastliðnum 20 árum hafa þó verið dregin fram í dagsljósið margvísleg og veigamikil rök fyrir hvoru tveggja, að Vatnsmýrin sé einn ákjósanlegasti staðurinn fyrir flugvöll, af flugfræðilegum ástæðum, og að staðsetning vallarins skipti gríðarlega miklu máli fyrir veigamikil öryggishlutverk hans, svo sem nálægð hans við Landspítala - Háskólasjúkrahús, Slökkvilið höfuðborgarsvæðisins. Almannavarnir, flug Landhelgisgæslunnar og Landsbjörg. Ég var slökkviliðs- og sjúkraflutningamaður um árabil og er nú borgarfulltrúi. Ég hef því fylgst vel með þessum umræðum og leyfi mér að fullyrða að borgaryfirvöld hafa fyrir löngu gefist upp á því að taka þátt í skynsamlegum rökræðum um Reykjavíkurflugvöll. En þau þráast samt við með vald sitt að vopni.
Umræðan breytist
Sigurður Ingi Jóhannsson innviðaráðherra breytti flugvallardeilunni með samkomulagi við borgarstjóra, árið 2019. Ráðherra lagði áherslu á að völlurinn hlyti að verða í Vatnsmýrinni næstu 30 árin. Það væri ekki val, heldur staðreynd. Á meðan yrði völlurinn að fá frið fyrir aðför borgaryfirvalda. Þetta staðfesti borgarstjóri með skriflegu samkomulagi, árið 2019.
Samkomulag svikið En á sama tíma og borgarstjóri skrifaði undir samkomulagið, hvatti hann sín skipulagsyfirvöld til að ljúka við rammaskipulag og síðan deiliskipulag á 3.500 manna byggð í Skerjafirði, nánast alveg ofan í flugbraut. Sú staðsetning kallaði á sérfræðiálit um áhrif fyrirhugaðrar
Björn Gíslason er borgarfulltrúi Sjálfstæðisflokksins.
byggðar á flug- og rekstraröryggi vallarins. Það álit kveður nú á um að áformuð byggð muni þrengja að flugog rekstraröryggi vallarins. Áformuð byggð í Skerjafirði er því skýrt brot á samkomulaginu frá 2019. En borgaryfirvöld þráast enn við. Raunveruleg stefna borgaryfirvalda Ekki verður annað séð á þessari afstöðu en að borgarstjóri hafi aldrei ætlað að standa við samkomulagið. Það sé enn ásetningur hans að þrengja að vellinum þar til flugrekstri þar verði sjálfhætt, þó enginn sambærilegur völlur leysi hann af. Sé þetta rétt, eru borgaryfirvöld á hálum ís í Vatnsmýrinni. Að stuðla að því að völlurinn verði lagður niður við þær aðstæður, væri alvarleg aðför að öryggi og heilbrigðiskerfi þjóðarinnar. Slík viðleitni væri hreinlega aðför að lífi og limum almennings.
Ósannindi um flugöryggi Auðvitað vill engin trúa slíkri
viðleitni upp á nokkurn mann. En önnur skýring er því miður ekki í sjónmáli. Þegar svo málsvarar nýs Skerjafjarðar í röðum borgaryfirvalda bregðast við umræðu um flug- og rekstraröryggi vallarins og öryggishlutverki hans, með eftirfarandi hætti, þarf ekki lengur vitnanna við: Í tilefni af nýútkominni skýrslu sérfræðinga um flug- og rekstraröryggi vallarins, sagði formaður borgarráðs í viðtali við mbl.: „Niðurstaðan er mjög skýr. Það er óhætt að byggja þarna í Skerjafirði, að því gefnu að gripið verði til mótvægisaðgerða. Þá verða áhrifin engin á sjúkraflug, eða innanlandsflug.“ Þetta er alröng túlkun á mikilvægri skýrslu um öryggismál. Í skýrslunni er þvert á móti tekið skýrt fram að nýja byggðin mun draga úr flug- og rekstraröryggi vallarins og varað við henni. Auk þess segir þar orðrétt: : „Ekki var gerð sérstök greining í vinnu starfshópsins á því sjúkraflugi sem nýtir Reykjavíkurflugvöll.“
Skrýtin ummæli Í umræðum á Sprengisandi um næst síðustu helgi, um hina fyrirhuguðu byggð og sjúkraflug, lét formaður skipulagsráðs Reykjavíkurborgar svo um mælt: ,,Það er ekki þannig að það þurfi að vera hægt að fljúga flugi inn í anddyri spítala til að það sé í lagi þú sendir ekkert kannski mann í sjúkraflug í þannig lífshættu að það sé spurning um líf og dauða fyrir hann hvort að það sé fimm mínútna akstur af lendingarflugvellinum inn á bráðamóttöku eða korters eða tuttugu mínútna akstur ef sá munur er munur lífs og dauða þá ferðu ekki með hann í sjúkraflug.“
Svona rangfærslur og ummæli virðast taka af öll tvímæli um það, að borgaryfirvöld ætli sér að vega að öryggi og heilbrigðiskerfi þjóðarinnar.
Frábær gjöf fyrir veiðimenn og konur
Gröfum nöfn veiðimanna á boxin Uppl. á www.Krafla.is (698-2844)
Fornarleifauppgröftur á Árbæjarsafni
Þessa dagana fer fram fornleifauppgröftur á Árbæjarsafni þar sem fornleifafræðingar og nemendur í fornleifafræði við Háskóla Íslands rannsaka hinar fornu rætur Árbæjar. Rannsóknin hefur þegar leitt í ljós minjar allt frá 10. öld og fram á þá tuttugustu þegar síðustu ábúendur fluttu frá bænum. Rannsóknin að þessu sinni beinist einkum að byggingum frá 13.-17. öld ásamt öskuhaug Árbæjar
sem hefur að geyma gripi frá ýmsum tímabilum, dýrabein og ösku úr eldstæðum. Síðan rannsóknin hófst árið 2016 hafa fundist rúmlega 1800 gripir, s.s. skeifur, naglar, önglar, skæri, brýni, sleggjur, glerflöskur, perlur, tölur, bókaskreyti og fleira. Ljóst er að Árbær hafði góðan aðgang að innfluttum varningi fyrir heimilið á 17. öld, sérstaklega borðbúnaði sem tengist mat og drykk. Brot af vönduðum glerílátum, hnífum og pottum hafa fundist sem notuð voru við veisluhöld. Rannsóknin sem ber yfirskriftina Fornar rætur Árbæjar miðar að því að rannsaka sögu bæjarins frá öndverðu, efnahag og líf fólksins sem þar bjó. Elstu rituðu heimildir um bæinn eru frá
miðri 15. öld og því mun rannsóknin bæta við miklum upplýsingum varðandi búsetu á staðnum. Það er ekki oft sem bæjarhólar eru rannsakaðir á Íslandi og einstakt er að uppgröftur fari fram inn á safni þar sem safngestir fá að fylgjast með í „beinni útsendingu“ þegar ný þekking er grafin upp. Sýning um rannsóknina er að finna í safnhúsinu, Landakoti, á safnalóðinni. Fornar rætur ÁrbæjarFornleifarannsókn | Borgarsögusafn Reykjavíkur (borgarsogusafn.is)
Rannsóknin notar myllumerkið #fornarrætur #fornarraetur á Instagram
Rannsóknin hefur þegar leitt í ljós minjar allt frá 10. öld og fram á þá tuttugustu þegar síðustu ábúendurnir fluttu frá Árbæ.
Forláta hnífur sem fannst við uppgröftinn.
3 stillingar á þrýsting (einka Mótor: 2500W Þrýstingur:
Alllt fyyrir ássumMÚRBÚÐ
8 fengu gull- og silfurmerki
Á afmælisdegi Fylkis þann 28. maí síðastliðinn voru veitt silfur og gull merki félagsins til þeirra sem hafa unnið gott starf fyrir félagið undanfarin ár og áratugi. Hörður Guðjónsson framkvæmda-
Frábærir fulltrúar frá Fylki héldu til Helsinki í Finnlandi í lok maí og tóku þar þátt í Höfuðborgarleikunum sem haldnir eru ár hvert. Skemmst er frá því að segja að bæði fótboltastrákarnir og handboltastelpurnar sigruðu í sínum greinum og átti Fylkir fulltrúa í báðum liðum.
stjóri Fylkis afhenti verðlaunin í afmælisveislunni sem haldin var í hátíðarsal félagsins.
Gullmerki félagsins fengu þau: Halldór Frímannsson, Björn
Gíslason, Atli Atlason og Kristinn Eiríksson.
Silfurmerki félagsins í ár fengu þau: Erna Bryndís Einarsdóttir, Jón Birgir Eiríksson, Sigurður Þór Reynisson og Tryggvi Björnsson.
Tinna María Ómarsdóttir var í liði handboltans sem sigraði mótið í fyrsta skipti og því um söguleg úrslit að ræða. Tinna var lykilmaður í liðinu sem sigraði mótið nokkuð örugglega.
Fylkir átti einnig þrjá flotta fulltrúa í fótboltaliðinu sem sigraði mótið en þeir
Tindur Elí Birkisson, Olivier Napiórkowsk og Lúkas Leó Tómasson stóðu sig gríðarlega vel og áttu stóran þátt í velgengni liðsins. Það verður gaman að fylgjast með þessum krökkum í framtíðinni enda gríðarlega efnilegir leikmenn þarna á ferð.
Félagsgjald Fylkis 2023
Nú er búið að senda út félagsgjöldin hjá Íþróttafélaginu Fylki fyrir árið 2023. Þau eru 4.800 kr og birtast í heimabankanum. Félagsgjöldin skipa mikilvægan sess í rekstri félagsins og gera það að verkum að félagið getur m.a. boðið upp á faglegt og fjölbreytt barna- og unglingastarf.
Aldrei hefur starfsemi félagsins verið fjölbreyttari en í dag og eru 7 deildir sem bjóða upp á starfsemi fyrir börn, unglinga og fullorðna. Að auki er starfandi blómlegur íþróttahópur eldra fólks sem kallast betri borgarar Fylkis.
Félagið hefur á síðustu mánuðum verið í stefnumótun til fimm ára með það að markmiði að bæta starfið og hafa markmiðin skýrari.
Með því að greiða félagsgjaldið styður þú við starfsemi Fylkis næsta árið.
Ef þú hefur ekki fengið félagsgjaldið í heimabankann og vilt styðja félagið þá mátt þú senda tölvupóst á fylkir@fylkir.is.
Allar upplýsingar um starfsemi félagsins má fá á heimasíðu þess www.fylkir.is.
Gerðu gott félag betra með því að greiða félagsgjaldið.
Handhafar silfurmerkis Fylkis ásamt Herði Guðjónssyni framkvæmdastjóra Fylkis.
Tinna María Ómarsdóttir. Frá vinstri: Tindur Elí Birkisson, Olivier Napiórkowsk og Lúkas Leó Tómasson.
Árbær
Nýjar tunnu á næstu dögum r
Karrýlöguð fiskisúpa
í sérflokki
- frábær réttur sem vert er að prófa
Karrý löguð fiskisúpa sem hér er kynnt til sögunnar er hreint lostæti.
Við skorum á lesendur að prófa þessa frábæru uppskrift af súpu í sérflokki.
600 gr. Langa skorin i litla bita
3 msk. ólífuolía.
1 rauðlaukur skorinn gróft.
5 hvítlauksrif.
1/2 grasker skorið í litla bita.
2 gulrætur skornar í bita.
6 tómatar skornir i 4 bita.
Engifer bútur 2-3 cm.
1/4 tsk. chili flögur.
Salt og pipar.
2 msk. tælenskt kart frá Kryddhúsinu.
1 msk. Tandorri Masala.
1 dós niðursoðnir tómatar.
1 dós kókosmjólk.
1 -2 msk. mango chutney.
500 ml. grænmetissoð.
- Gæðin skipta máli -
Hitið ofninn á 180 gráður, skerið grænmetið og setjið á ofnskúffu með bökunnarpappír, með olífuolíu og kryddum, bakið í 25-30 mínútur. Eftir að grænmetið er bakað, hellið því í pott ásamt niðursoðnum tóm-ötum, kókosmjólk, chutney og grænmetissoði.
Maukið súpuna með töfrasprota og hitið hana vel upp. Setjið Löngu bita ofan í og látið þá eldast í 5 mínútur, saltið og piprið eftir smekk.
Höfundur uppskriftar er Kristjana Steingrímsdóttir.
Verði ykkur að góðu.
Karrýlöguð fiskisúpan er algjört lostæti.
í
Við sjáum hér mynd úr Árbæjarhlaupinu árið 2011. Árbæjarhlaupið var ein besta auglýsing félagsins í árdaga þess, í lok sjöunda og upphafi áttunda áratugarins þegar mörg hundruð börn tóku þátt. Einhverjir lesendur kannast kannski við sjálfan sig eða aðra á þessari mynd. Mynd: Einar Ásgeirsson KKG
VISSIR ÞÚ?
ÞÚ GETUR BÓKAÐ BRAUT Á KEILUHOLLIN.IS OG Í SÍMA 5 11 53 00
Sólarhringsv 3300 & 565 5892
- Hagstætt verð og vönduð vinna - Ný og viðurkennd efni - Eyðum líka meindýrum
Fréttamolar frá kirkjustarfinu
Helgihald í júní og júlí 2023
Sumar helgistundir eru með föstu formi. Sumarlegar og glettnir sálmar sungnir. Ef veður leyfir færum við messuna út undir bert loft. Þær byrja á hefðbundnum tíma kl. 11.00
11. júní - Sumar helgistund
18. júní - Sumar helgistund
Sumt er gleymt og annað er geymt hvort heldur í glærum poka, moldu eða í huga. ,,Af jörðu ertu kominn, að jörðu skaltu aftur verða, af jörðu skaltu aftur upp rísa,” er mér starfs míns vegna tamt að segja. En þarna var ekki staður eða stund til að hafa orð um það þótt mér liði þannig að það eitt væri eftir að kasta yfir mig rekunum. Það er nefnilega staður og stund fyrir allt hvort heldur það er að vinna í garðinum eða vera sem þjófur að sumri að ,,stela hjörtum.” Árbæjarblaðið
25. júní Göngumessa (Genginn verður stífluhringurinn)
2. júlí Sumar helgistund
9. júlí Sumar helgistund
16. júlí Sameinleg útimessa með Grafarvogs og Grafholtskirkjum á Nónhæð. (Augýst betur þegar nær dregur)
Skoðið nánar á heimasíðu kirkjunnar www.arbaejarkirkja.is
Kasta rekum
- eftir sr. Þór Hauksson sóknarprest í Árbæjarsókn
,,Sumarið er tíminn/þegar hjartað verður grænt,” orti Bubbi Morthens og söng um árið og þau okkar sem á hlýddu hölluðu undir flatt og tóku undir í söngnum ,,að þjófar fara á stjá og stela hjörtum.” Ekki skal ég segja að að Bubbi hafi verið ,,plöggaður” í eyru þegar ég einn vordaginn tók mig til að róta aðeins í garðinum, umbylta moldinni til að fá súrefni í hana; eins og ég hafði heyrt garðyrkjufræðing segja í viðtali á Rás 2 og mér fannst mikið vit í því. Ég henti mér í garðinn og umbylti moldarbeðinu sem svaf værum svefni vetrarins. Eftir tveggja tíma puð með einskaka hléum horfði ég stoltur yfir moldarbeðið sem var orðið uppfullt af súrefni. Ekki laust við að ég hafi heyrt andardrátt og feginsandvarp moldarinnar. Einstaka ormur vissi ekki hvaðan á hann stóð veðrið þegar honum var umbylt úr myrkri moldar í birtu vorsins. Ekki laust við að lag og texti Megasar ,,Borðið þér orma frú Norma” hafi runnið fyrir hugskotssjónum mínum. Hló upphátt innra með mér þar sem ég stumraði yfir moldinni þegar ég minntist þess einhverju sinni að ég á að giska 8-9 ára datt það eitt í hug til að ganga í augu á stelpu sem ég var skotin í að gleypa eitt stykki orm. Til að gera langa sögu stutta gekk sú ætlun ekki upp þ.e.a.s. að heilla stelpuna. Í stað þess að ég eignaðist kærustu, fóru áhyggjufullir foreldrar mínir með mig á slysó. Þar var bara hlegið og ég sendur heim með þeim orðum að mér yrði ekki meint af og föðurlegri áminningu um að ,,betra væri að fá sér hafragraut að morgni og leyfa fuglum þessa heims um það sem í moldinni bærist.” Reyndar nýverið las ég Matvæla-og landbúnaðarstofnun Sameinuðu Þjóðanna hvetja til skordýraáts. Reyndar er ormur ekki skordýr en þegar ástin yfirtekur ungan huga er ekkert verið að
velta því fyrir sér. Ekki frekar en að ég velti fyrir mér hvað færi í glæra garðaúrgangspokann. Það var ekki fyrr en vikum seinna og kom ekki til af góðu. Eftir að hafa skriðið um eins og ormur í blómabeði garðsins og komið öllu sem líktist arfa eða plöntuleifum samviskusamlega fyrir í áðurnefndum glæra garðaúrgangspokanum; annars borgar maður sekt ef pokinn er svarturen ekki ógagnsær sem og í mínu tilfelli og ég hefði borgað sekt með bros á vör án nokkurra útskýringa miðað við þau óspök heima sem fylgdu á eftir. Eins og fyrr segir liðu einhverjir dagar eða vikur frá því að garðaúrgangurinn rataði í pokann og innihaldið fór í moltugerð Sorpu. Moldin í garðinum lá spök á sínu og huldi það sem hylja þurfti nema að fregnir bárust af því að vorlaukar væru óðum að gægjast upp í görðum nágranna sem og borgarbúa almennt, öllum til mikillar ánægju. Í garðinum mínum var ekkert að frétta. Súrefnisríkt moldarbeðið lá yfir öllu eins og værðarvoð þess sem lá undir sofandi.
sr. Þór Hauksson.
,,Þetta...þetta, stama ég út úr mér, þetta er glær garðaúrgangspoki ég ætlaði að fara segja að garðúrgangspokar yrðu að vera glærir....” ég komst ekki lengra með útskýringar mínar.
Hún veður í pokann og spyr aftur: ,,Hvarð er þetta?”
Til að segja eitthvað og til að milda aðstæður sagði ég að hún væri miklu fallegri og yngri en drottning Englands. Innantómt skjall á sinn stað og sinn tíma, en þarna var það rifið upp með rótum og átti hvergi annarstaðar heima en í svörtum plastpoka þar sem hvorki heyrðist eða sæist til innihaldsins. Þarna sem ég stend í anddyrinu, frúin með glæran garðúrgangspoka í annari og vorlauka í hinni, var ég alveg tilbúinn að innbyrða eins og einn orm. En að fenginni reynslu dugði það mér ekki forðum daga til að vinna ástir kvenna.
Einn daginn þegar heim var komið gekk ég í flasið á betri helmingi mínum og hún var með moldugar hendur. Áður en ég gat komið upp orði spurði hún: ,,Hvað er þetta?” Hún hélt á glærum garðaúrgangspoka.
,,Þetta, þetta,” stama ég sem fyrr... Þetta er arfi,” segi ég og finn að ég þorna í munninnum. Og hún hélt áfram. ,,Ef þetta er arfi þá er ég drottning Bretlands.” Hún hélt áfram. ,,Þetta eru voooorlaukar! Ég plantaði þeim fyrir fáeinum vikum.” Hún dró djúpt inn andann. ,,Þú hefur tekið upp alla vorlaukana.”
