8
Fréttir
Árbæjarblaðið
Bjóðum nýja og gamla viðskiptavini velkomna
Fyrir þig og þína Andlitsböð - litun og plokkun hand- og fótsnyrting - naglaásetning sársaukalaust súkkulaðivax airbrush - grenningarmeðferðir
Munið gjafakortin Alltaf sama verðið
Verðlaunahafar í Árbæ. Í fremri röð má sjá Vigdísi Finnbogadóttur sem er verndari verðlaunanna og til vinstri við hana er Marta Guðjónsdóttir, en hún er formaður nefndar um íslenskuverðlaunin og varaborgarfulltrúi.
Fimm úr Árbæ og Grafarholti hlutu verðlaun - Íslenskuverðlaun menntaráðs veitt í annað sinn á degi íslenskrar tungu
Stórhöfða 17 - 577 - 7007
Rúmlega eitt hundrað grunnskólanemar í Reykjavík tóku við íslenskuverðlaunum menntaráðs við hátíðlega athöfn í Tjarnarsal Ráð-
húss Reykjavíkur á Degi íslenskrar tungu. Verndari verðlaunanna er frú Vigdís Finnbogadóttir fyrrverandi forseti Íslands og formaður nefndar
um íslenskuverðlaunin er Marta Guðjónsdóttir varaborgarfulltrúi. Íslenskuverðlaunum menntaráðs er ætlað að auka áhuga á íslenskri tungu og hvetja nemendur til framfara á sviði tjáningar, talaðs máls og ritaðs. Grunnskólanemarnir sem tóku við verðlaunum að þessu sinni hafa skarað fram úr á ýmsa vegu, í skapandi skrifum, ljóðagerð og í munnlegri tjáningu. Þá hafa margir nemendur með annað móðurmál en íslensku, sýnt miklar framfarir í íslensku. Meðal verðlaunahafa eru þrjú systkini úr sama skóla, ræðuskörungar, ljóðskáld, sagnaskáld og hópur nemenda sem samið hefur eigin texta og lag við hann. Allir fengu til eignar veglegan verðlaunagrip úr gleri sem hannaður er af Dröfn Guðmundsdóttur myndhöggvara. Formaður menntaráðs, Kjartan Magnússon setti athöfnina, en að því loknu hófst hátíðardagskrá með ávarpi frú Vigdísar Finnbogadóttur, skemmtiatriði sem tengist verkefninu Músíkalskt par í Fellaskóla, verðlaunaafhendingu, ljóðalestri og tónlistaratriði nemenda úr Vesturbæjarskóla Fjórir nemendur úr Árbænum hlutu Íslenskuverðlaun menntaráðs að þessu sinni og einn nemandi úr Grafarholti. Hér á eftir fer listi yfir þessa verðlaunahafa og við ósjkum þeim innilega til hamingju með glæsilegan árangur: Gunnar Ólafsson Árbæjarskóla Fyrir metnað er lýtur að því að beita móðurmálinu rétt og fallega og góðan upplestur. Rebekka Rós Ragnarsdóttir Árbæjarskóla fyrir að sýna frumkvæði í ljóðagerð, dugnað í ritun og skapandi sögugerð. Natalia Lukaszewska Árbæjarskóla fyrir að vera námsfús og samviskusöm og fljót að tileinka sér íslenskuna, bæði í ræðu og riti. Bergdís Helga Bjarnadóttir Ártúnsskóla fyrir framúrskarandi árangur í íslensku, fallegan upplestur og góð tök á rituðu máli. Elísabet Birta Eggertsdóttir Sæmundarskóla fyrir mikinn lestraráhuga og að eiga auðvelt með að tjá sig í töluðu og rituðu máli.