2
Fréttir
Árbæjarblaðið
Árbæjarblaðið Útgefandi: Skrautás ehf. Netfang: skrautas@simnet.is Ritstjóri og ábm.: Stefán Kristjánsson. Ritstjórn: Bíldshöfða 14 - símar 587– 9500 og 698–2844. Netfang Árbæjarblaðsins: abl@centrum.is Útlit og hönnun: Skrautás ehf. Auglýsingar: Sólveig Jóna Ögmundsdóttir, Stefán Kristjánsson. Prentun: Prentsmiðja Morgunblaðsins. Ljósmyndari: Pjetur Sigurðsson. Dreifing: Íslandspóstur. Árbæjarblaðinu er dreift ókeypis í öll hús í Árbæ, Ártúnsholti, Grafarholti, Bryggjuhverfi, Norðlingaholti og einnig er blaðinu dreift í öll fyrirtæki í póstnúmeri 110.
Kosningar nálgast Nú eru ekki nema rúmar sex vikur til alþingiskosninga en kosið verður laugardaginn 12. maí. Það verður vonandi mikið um að vera þetta laugardagskvöld því þennan sama dag reynir Eiríkur Hauksson fyrir sér í þriðja skipti í söngvakeppni evrópskra sjónvarpsstöðva. Þegar þetta blað kemur fyrir augu lesenda hafa stjórnmálaflokkarnir sem bjóða fram til alþingis væntanlega komið sér saman um ákveðnar reglur varðandi auglýsingar fyrir alþingiskosningarnar. Reglurnar ná til dagblaða og ljósvakamiðla, en flokkunum er heimilt að auglýsa að vild í blaði eins og Árbæjarblaðinu og öðrum hverfalöðum ásamt landshlutablöðunum. Við fögnum þessu vitanlega og erum þess fullviss að flokkarnir muni nýta sér hverfablöðin fram að kosningum. Með því slá þeir tvær flugur í sama högginu. Auglýsa í sterkustu auglýsingamiðlunum og kostnaðurinn við auglýsingarnar í hverfablöðunum er utan þess ,,kvóta’’ sem ákveðinn hefur verið. Annars er útlit fyrir spennandi kosningar og menn óðum að setja sig í stellingar. Umhverfismálin héldu menn að yrðu fyrirferðamikil en samkvæmt nýlegri skoðanakönnun eru þau í þriðja eða fjórða sæti hjá 94% þeirra sem afstöðu tóku í 800 manna úrtaki. Það hefði einhvern tíman þótt gefa ákveðnar og einbeittar vísbendingar. Hvað sem öllum umhverfismálum líður, svo góð og nauðsynleg sem þau annars eru, er það líklega gamla góða buddan fólksins sem ræður hvert atkvæðin leita. Þannig hefur það lengi verið og þannig mun það eflaust lengi verða. Almenningur hugsar fyrst og síðast um eigin hag. Stefán Kristjánsson
abl@centrum.is
Borgarstjóri ásamt starfsmönnum Hornsteina arkitekta ehf. Frá vinstri Brynhildur Guðlaugsdóttir, Ásdís Ingþórsdóttir, Sigríður Brynjólfsdóttir, Ögmundur Skarphéðinsson, Vilhjálmur Þ.Vilhjálmsson, borgarstjóri, Ólafur Hersisson, Kristín Þorleifsdóttir, Sigurjón G. Gunnarsson og Ragnhildur Skarphéðinsdóttir. Á myndina vantar Alistair Macintyre og Andrés Narfa Andrésson.
Verklok við Norðlingaskóla haustið 2009 - Hornsteinar arkitektar hlutskarpastir í samkeppni um hönnun skólans
Tilkynnt hefur verið hverjir urðu hlutskarpastir í samkeppni um hönnun Norðlingaskóla sem staðið hefur yfir síðan í mars á síðasta ári. Óskað var eftir tillögum frá þremur ráðgjafateymum að undangengnu forvali þar sem fram kæmi góð heildarlausn þar sem grundvallaratriði skólastarfsins væri sett í öndvegi. Tillaga Hornsteina arkitekta ehf. þótti svara best þeim áhersluatriðum sem lögð voru til grundvallar mati og mælti matsnefnd með að tillaga þeirra yrði valin til nánari útfærslu. Ásamt Hornsteinum voru í ráðgjafateyminu Línuhönnun ehf. og Rafteiknistofa Thomas Kaaber. Áætl-
að er að hefja framkvæmdir við Norðlingasskóla um mánaðarmótin nóvember/desember og verklok eru áætluð haustið 2009. Í umsögn matsnefndar um verðlaunatillögu Hornsteina arkitekta segir meðal annars: „Áhugaverð grunnhugmynd um „skólaþorpið“ þar sem húsin tengjast saman með „almenningi“ sem myndar götur og torg í þorpinu. [...] Sterk og framsækin tillaga þar sem leitast er við að brjóta upp hina hefðbundnu skólabyggingu. Formsköpun og rýmismyndun ásamt áhugaverðum hugmyndum um nýstárlega gluggasetningu og efnisval skólans
gefa fyrirheit um skólabyggingu sem yrði sterk ímynd fyrir Norðlingaholt. [...] Höfundar hafa svarað áhersluatriðum forsagnar vel m.a. varðandi tengingu leikskólans við miðrými grunnskólans og sameiginlegan inngang.“ Norðlingaskóli hóf göngu sína í ágúst 2005. Hann er nýjasti grunnskólinn í Reykjavík og er staðsettur í Norðlingaholti, mitt á milli Elliðavatns og Rauðavatns. Er gert ráð fyrir því að Norðlingaskóli verði heildstæður grunnskóli fyrir 300 – 400 nemendur í 1. – 10. bekk þegar hann verður fullbúinn. Frétt af vef Frmkvæmdasviðs
Íslandspóstur fluttur í Ásinn
Íslandspóstur hefur flutt afgreiðslu sína í Árbænum úr Rofabæ 7 í Hraunbæ 119. Síðastliðið haust þegar Pósturinn flutti út úr Nóatúni tókst ekki að finna draumahúsnæði fyrir Póstinn og því var leitað til Landsbankans um að fá tímabundna aðstöðu hjá þeim í fyrrum útibúi þeirra í Rofabæ 7. Núna í byrjun árs þegar Landsbankinn svo seldi húsnæði sitt fórum við hjá Póstinum af stað í húsnæðisleit og það endaði með því að við fengum þessa fínu aðstöðu í verslunarkjarnanum
Hraunbæ 119. Því má segja að Pósturinn hafi fengið draumahúsnæðið sitt að lokum. Starfsemi Íslandspósts í Árbæ sem og annarsstaðar samanstendur af fjölda bréfbera, útkeyrslubílum og pósthúsi. Allar þessar einingar mynda sterka keðju þjónustu sem Pósturinn stendur fyrir. Með því að færa sig í Ásinn er Pósturin nær viðskiptavininum og í alfaraleið þar sem Pósturinn vill vera. Afgreiðslutími pósthússins er frá 09:00-18:00 alla virka daga.
Hörður Jónsson, framkvæmdastjóri pósthúsasviðs Íslandspósts í nýju afgreiðslunni í Hraunbænum, verslunarkjarnanum Ásnum við hliðina á BYR sparisjóði. Myndin til vinstri er af nýjum húsakynnum Íslandspósts. ÁB-myndir PS