15
Árbæjarblaðið
Fréttir
um að öllum líði vel og séu öruggir saman í samfélagi. Hagvöxtur er ekki tilgangur lífsins þótt góður sé. Tilgangur lífsins er að okkur líði öllum vel, séum örugg saman og að einstaklingar fái jöfn tækifæri til að blómstra. Stjórnmálamenn spyrja alltof sjaldan um tilgang þess sem við erum að gera. Hvert er hið æðra markmið með því sem við erum að gera? Ég er orðinn lífsreyndur eins og spurningin ber með sér. Það er ekki nauðsynlegt fyrir næsta borgarstjóra í Reykjavík að hafa verið Rauða kross fulltrúi og sofið á moldargólfi í fjallaþorpi í Eþíópíu, en það hjálpar. Alveg eins og það er reynsla sem ekki hverfur að hafa staðið í þorpi í Írak sem sprengjur höfðu sent á steinaldarstig og fólkið með. Allt hjálpar, öll reynsla, líka sú að hafa fylgst með stjórnmálum austan hafs og vestan sem fréttaritari og hér heima sem gagnrýninn spyrill í fjölmiðlum áratugum saman. Og svo þakka ég fyrir þá reynslu að hafa verið fulltrúi Reykvíkinga í borgarstjórn í forystu fyrir málaflokka sem kosta litla 22 milljarða króna árlega. Vegna alls þessa veit ég að stjórnmál snúast um mannleg samskipti og mannleg samskipti snúast um traust.’’ - Kvíðir þú úrslitum í prófkjöri? ,,Nei, hvernig sem fer. Ég hef lýst því yfir að ég tek því sæti sem ég hafna í. Ég hef fengið að reyna svo ótrúlega margt. Ég hef fengið að njóta mín. Ég er óendanlega þakklátur fyrir hvað ég hef fengið að lifa skemmtilegu lífi. Mér finnst stundum eins og guðirnir hafi gefið mér verðlaun - sem er þetta líf. Ég er mjög hamingjusamur og mjög þakklátur. Ég hef lifað góðu lífi. Það fyllir mann miklum friði. Stjórnmál snúast um traust, og ég treysti því að fólkið kjósi með hjartanu, og kjósi rétt.’’
Hugsum stórt! Hjónin Stefán Jón og Guðrún Kristín Sigurðardóttir saman þegar boltinn fór að rúlla!