5 Oppfølging av planen

Oppfølging av plan

Oppf Lging Av Planen

Alle kommunens verksemder har felles ansvar for å innarbeide og konkretisere relevante delar av klima- og miljøplanen i sine planar, oppgåver, budsjett og rapportering.

Kommunedirektøren er ansvarleg for å lage handlingsplan, og årleg å rapportere om status for oppfølging av klima- og miljøplanen. Rapporteringa skal inkludere vurdering av klimaeffekt på gjennomførte tiltak, framdriftsplan og vidare oppfølging av mål og tiltak. Status for oppfølging av klima- og miljøplanen skal beskrivast i kommunen si årsmelding og presenterast for kommunestyret. I politiske saker skal klima- og miljø inn som ei fast vurdering i alle saksframlegg, der dette er relevant.

Handlingsdelen skal reviderast anna kvart år og plandokumentet skal rullerast ved utgangen av planperioden i 2028. Det vil vera mogleg å vedta nye tiltak i forbindelse med den årlege budsjettprosessen.

Utarbeiding av klimarekneskap er ein del av oppfølging av planen. Klimarekneskap er eit styringsverktøy for å nå kommunens mål om å kutte i klimagassutslepp. Klimabudsjettet skal integrerast i kommunens årlege budsjett.

6.0

Oversikt over hovudmål, innsatsområde og delmål

HOVUDMÅL: SKJÅK KOMMUNE SKAL ARBEIDE FOR Å OPPNÅ NASJONALE KLIMA- OG MILJØMÅL.

3.1 Energiforsyning og energibruk i kommunale bygg

Delmål 3.1 //

DELMÅL 1

Skjåk kommune skal redusere klimagassutslepp gjennom tilrettelegging og gjennomføring av klimavenlege utbyggingsløysingar.

DELMÅL 2

Skjåk kommune skal auke bruken av lokal, fornybar energi. Vi skal ta i bruk framtidsretta energiløysingar og løysingar for betre effektstyring.

DELMÅL 3

Skjåk kommune byggjer for behov i framtida med meir fleksible løysingar og sambruk av areal. Ein skal vurdere rehabilitering framfor å rive og bygge nytt.

3.2 Kommunale innkjøp, forbruk og avfall

Delmål 3.2 //

DELMÅL 1

Skjåk kommune skal skal tilrettelegge for eit berekraftig forbruksmønster i eigen organisasjon og blant innbyggarane.

DELMÅL 2

Skjåk kommune skal gjere det enklare for innbyggarar å gjenbruke, reparere, dele og låne.

DELMÅL 3

Skjåk kommune skal redusere utslepp frå avfallshandtering og avfallsdeponi i kommunen.

3.3 Haldningsskapande arbeid og innbyggarinnvolvering

Delmål 3.3 //

DELMÅL 1

Skjåk kommune samarbeider med innbyggarar, næringsliv, fylke og stat.

DELMÅL 2

Skjåk kommune har ei miljøeffektiv kommuneforvaltning.

DELMÅL 3

Skjåk kommune skal gjennomføre konkrete tiltak for å auke kompetanse og bevisstheit om klima- og miljø.

3.4 Stadutvikling, arealbruk og transport

Delmål 3.4 //

DELMÅL 1

Skjåk kommune skal legge til rette for ei klimavennleg areal- og sentrumsplanlegging som skapar korte avstandar og berekraftig sentrumsutvikling.

DELMÅL 2

Skjåk kommune legg til rette for miljøvenlege bu- og byggeformer.

DELMÅL 2

Skjåk kommune skal leggje til rette for at talet på elektriske og nullutsleppsbilar aukar i kommunen.

3.5 Klimasmart næringsliv, jordbruk og skogbruk

Delmål 3.5 //

DELMÅL 1

Skjåk Kommune skal stimulere til eit klimasmart næringsliv, med etablering og utvikling av grøne, klimavennlege og sirkulære bedrifter og verksemder.

DELMÅL 2

Skjåk kommune skal bidra til eit berekraftig og klimavenleg jordbruk.

DELMÅL 3

Skjåk kommune skal bidra til eit berekraftig og klimavenleg skogbruk.