10.00 Stjórnun fiskveiða – svo miklu meira en kvóti!
Marel 12 3x2
PWC 13 3x2
09.00 Umhverfisgögn frá sjónarhorni sjávarútvegsins
13.30 BétilBé eða BétilSé?
Silfurberg A
Silfurberg
Matís 14 3x2
Kælismiðjan Frost 15 4x2
12.00 Veitingar í Flóa, 1. hæð
Iceland Seafood 16 3x2
Ölgerðin 17 4x2
13.00 Eiga fiskar að fljúga eða synda? Kaldalón
Olís 18 2x2
Landsbankinn 19 1x1
Sýn alþjóðasamfélagsins á samtal, samráð og samstarf við fiskveiðistjórnun Silfurberg A
Gullhúðun á Evrópureglugerðum
Silfurberg B
14:45 Veitingar í Flóa, 1. hæð
15:15 Tækifæri í menntamálum í sjávarútvegi Kaldalón
Sjávarútvegur til framtíðar, rannsóknir, þróun og nýsköpun
Silfurberg A
Dýpri sýn á stjórnun blandaðra botnfiskveiða í rauntíma
Silfurberg B
17.00 Móttaka í boði Landsbankans
Kaldalón
Hratt flýgur fiskisagan
Silfurberg A
Samkeppnishæfni íslensks sjávarútvegs
Silfurberg B
10.45 Veitingar í Flóa, 1. hæð
11.15 Fróðleikur um fiskveiðistjórnun annarra landa, markmið og leiðir
Silfurberg A
Stefnumótun og framtíðarsýn sjávarútvegs á Íslandi
Silfurberg B
Sjávarútvegstengd nemendaverkefni Kaldalón
13.00 Veitingar í Flóa, 1. hæð
Samningatækni, samskipti og þrautseigja
Silfurberg B
13.30 Áhrif náttúruhamfara
Kaldalón
14.30 Veitingar í Flóa, 1. hæð
15.00 Aðalfundur Sjávarútvegsráðstefnunnar
Silfurberg B
Silfurberg
Silfurberg
Kaldalón
Skráning
Fyrr á ferðinni
Við komum þínum afurðum ferskum til neytenda
Með víðfeðmu leiðarkerfi, fagmennsku, hárri flugtíðni og hraða tryggjum við að íslenskar sjávarafurðir komist örugglega til neytenda um allan heim. Ferskar og í fullum gæðum.
Kristinn Hjálmarsson, formaður stjórnar Sjávarútvegsráðstefnunnar
Ávarp formanns
Fiskveiðar við Ísland eru ríkur hluti af þjóðarsálinni og hafa verið undirstaða vaxandi lífsgæða síðustu 100 ár. Það þýðir ekkert að slíta í sundur sjálfbærni og fiskveiðar. Það þýðir ekkert að slíta í sundur fiskveiðistjórnun og fiskveiðar. Algerlega skýr tengsl en stundum ber kappið skynsemina ofurliði‚ eða öfugt. En kapp og skynsemi eru stórkostlegir félagar sem íslenska fiskveiðistjórnunarkerfið kappkostar að flétta saman þannig að samfélagið, efnahagslífið og náttúran þroski samband sitt til viðvarandi verðmætasköpunar. Íslenska fiskveiðistjórnunarkerfið er samstarfsvettvangur allra hagaðila í sjávarútvegi. Fiskveiðistjórnunarkerfið er forsendan fyrir viðvarandi verðmætasköpun sem lífsgæði fjölskyldna og hagur fyrirtækja á Íslandi treysta á. Þess vegna má alls ekki smætta fiskveiðistjórnunarkerfið í þrönga umræðu um kvóta. Á sjávarútvegsráðstefnunni 7. og 8. nóvember 2024 beinum við kastljósinu að kerfinu sem er samstarfsvettvangur hundruða fyrirtækja og þúsunda starfsmanna sem hafa beina eða óbeina aðkomu að verðmætasköpun í grein sem árlega veltir á annað hundrað milljörðum króna.
Fjárfesting í nýsköpun og rannsóknum fer fram hjá stöndugum fyrirtækjum og kraftmiklum einstaklingum sem brenna fyrir hugmyndir sínar eru drifkraftur aukinnar nýtingar og verðmætasköpunar þar sem sífellt meiri verðmæti eru unnin úr minna hráefni. Á bak við verðmætin er fiskveiðistjórnunarkerfið sem verður rauður þráður í gegnum málstofur ráðstefnunnar árið 2024. Á ráðstefnunni verður fiskveiðistjórnunarkerfið okkar skoðað frá ólíkum sjónarhornum til að gagnrýna, til að læra, til að þróa og gera betur.
Frá vinstri: Elma Sif Einarsdóttir, Trausti Jörundarson, Guðbjörg Ásta Ólafsdóttir, Guðmundur Kristjánsson, Stefanía Inga Sigurðardóttir, Kristinn Hjálmarsson.
NÝSKÖPUN Í
SJÁVARÚTVEGI
Stjórnun fiskveiða – miklu meira en kvóti!
Silfurberg | Fimmtudagur | 10:00–12:00 Fiskveiðar við Ísland eru ríkur hluti af þjóðarsálinni og hafa verið undirstaða vaxandi lífsgæða síðustu 100 ár. Það þýðir ekkert að slíta í sundur sjálfbærni og fiskveiðar. Það þýðir ekkert að slíta í sundur fiskveiðistjórnun og fiskveiðar. Algerlega skýr tengsl en stundum ber kappið skynsemina ofurliði‚ eða öfugt. En kapp og skynsemi eru stórkostlegir félagar sem íslenska fiskveiðistjórnunarkerfið kappkostar að flétta saman þannig að samfélagið, efnahagslífið og náttúran þroski samband sitt til viðvarandi verðmætasköpunar. Íslenska fiskveiðistjórnunarkerfið er samstarfsvettvangur allra hagaðila í sjávarútvegi. Fiskveiðistjórnunarkerfið er forsendan fyrir viðvarandi verðmætasköpun sem lífsgæði fjölskyldna og hagur fyrirtækja á Íslandi treysta á.
Þess vegna má alls ekki smætta fiskveiðistjórnunarkerfið í þrönga umræðu um kvóta. Á sjávarútvegsráðstefnunni 7. og 8. nóvember 2024 beinum við kastljósinu að kerfinu sem er samstarfsvettvangur hundruð fyrirtækja og þúsunda starfsmanna sem hafa beina eða óbeina aðkomu að verðmætasköpun í grein sem árlega veltir hundruðum milljarða.
Fjárfesting í nýsköpun og rannsóknum fer fram hjá stöndugum fyrirtækjum og kraftmiklum einstaklingum sem brenna fyrir hugmyndir sínar og eru drifkraftur aukinnar nýtingar og verðmætasköpunar þar sem sífellt meiri verðmæti eru unnin úr minna hráefni.
Á bak við verðmætin er fiskveiðistjórnunarkerfið sem verður rauður þráður í gegnum málstofur ráðstefnunnar árið 2024. Á ráðstefnunni verður fiskveiðistjórnunarkerfið okkar skoðað frá ólíkum sjónarhornum til að gagnrýna, til að læra, til að þróa og gera betur.
10:30 Hlutverk Hafrannsóknarstofnunar í stjórn fiskveiða Þorsteinn Sigurðsson, forstjóri Hafrannsóknastofnunar.
10:45 Sjávarútvegur í þjóðhagslegu samhengi
Una Jónsdóttir, aðalhagfræðingur Landsbankans.
11:00 Áskoranir stjórnvalda við stjórnun fiskveiða Bjarni Benediktsson, forsætisráðherra, matvælaráðherra og félags og vinnumarkaðsráðherra.
11:15 Umræður
11:45 Hvatningarverðlaun Sjávarútvegsráðstefnunnar og TM Methúsalem Hilmarsson, sérfræðingur á fyrirtækjasviði TM.
Eiga fiskar að fljúga eða synda?
Kaldalón | Fimmtudagur | 13:00–14:45 Í þessari málstofu verður fjallað um mismunandi flutningsleiðir fyrir sjávarafurðir og hvernig þær hafa áhrif á samkeppnishæfni og umhverfisáhrif. Sérfræðingar munu ræða kosti og galla þess að flytja fisk með skipum og flugi, hlutverk hafna í framtíðarvinnslu á landi með tilliti til lifandi fisks og hvernig laxinn ferðast best til viðskiptavina. Farið verður yfir flutning á ferskum fiski með flugi undanfarin ár og hvort umtal um kolefnisfótspor matvæla sé orðið veigameiri þáttur í vali á flutningsleiðum.
Einnig verður fjallað um hvernig framleiðendur á Íslandi þurfa að nota allar mögulegar leiðir til að koma fisknum til kaupenda á sem hagkvæmasta og skemmsta tíma. Sérstaklega verður skoðað hvernig Íslendingar hafa forskot á Norðmenn í flutningi á laxi með skipum til USA með tilliti til flutningstíma og hvernig þetta forskot er nýtt.
Að auki verður rætt um mikilvægi hafna í vinnslu og dreifingu lifandi fisks og hvað markaðurinn vill almennt með tilliti til kolefnishlutleysis og hvernig best er að koma laxi til viðskiptavina.
Dr. Þórhallur Örn Guðlaugsson
Málstofustjóri
Sigurður Jökull Ólafsson/Bjarni R. Heimisson Umsjónarmenn
13:00 Opnun málstofu
Dr. Þórhallur Örn Guðlaugsson, prófessor við Háskóla Íslands.
13:05 Hvers vegna flytjum við ferskan fisk með flugi?
Haraldur Haraldsson, deildarstjóri útflutningssviðs hjá Icelandair Cargo.
13:25 Fisk fer best að synda
Hjörvar Blær Guðmundsson, forstöðumaður útflutnings hjá Eimskip.
13:45 Vegferð Faxaflóahafna Gunnar Tryggvason, hafnarstjóri hjá Faxaflóahöfnum.
14:05 Hvernig ferðast laxinn best til viðskiptavina?
Linda Björk Gunnlaugsdóttir, framkvæmdastjóri sölu og flutninga hjá Arnarlaxi.
14:25 Umræður
Sýn alþjóðasamfélagsins á samtal, samráð og samstarf við fiskveiðistjórnun og reynslan hér heima
Silfurberg A | Fimmtudagur | 13:00–14:45
Þessi málstofa mun kanna hvernig alþjóðasamfélagið nálgast samtal, samráð og samstarf við fiskveiðistjórnun, með áherslu á vistkerfisnálgun og varúðarnálgun á vettvangi alþjóðasamninga. Fjallað verður um fiskveiðistjórnun sem félagslegt samstarfsverkefni og hlutverk og ábyrgð stjórnvalda, vísindaráðgjafa og atvinnugreina við mótun nýtingarstefnu og framkvæmd hennar.
Einnig verður rætt um aflareglur á mannamáli, þar sem áhersla er lögð á hóflegt veiðiálag, takmörkun áhættu og fyrir fram skuldbindingu stjórnvalda um aðgerðir þegar að kreppir. Dæmi frá Íslandi verða tekin til að lýsa kostum og meta reynsluna af þessum nálgunum.
Komdu og kynntu þér hvernig alþjóðlegt samstarf og reynsla Íslands geta stuðlað að sjálfbærri og ábyrgri fiskveiðistjórnun.
Friðrik Friðriksson
Málstofustjóri
Guðmundur Kristjánsson
Umsjónarmaður
13:00 Sjónarhorn Fiskistofu
Elín Björg Ragnarsdóttir, fiskistofustjóri.
13:15 Villta vestrið í fiskveiðum loks tamið?
Grímur Valdimarsson, stjórnarformaður í Lipid Pharmaceuticals.
13:30 Aflaregluhermanir – grunnur, mörk og val Einar Hjörleifsson, sjávarlíffræðingur hjá Hafrannsóknastofnun.
13:45 Er samráð og samstarf í haf- og fiskirannsóknum alltaf jafn mikilvægt?
Jóhann Sigurjónsson, fyrrverandi forstjóri Hafrannsóknastofnunar og sérstakur erindreki íslenskra stjórnvalda um málefni hafsins í utanríkisráðuneytinu.
14:00 Vistkerfisnálgun og vernd líffræðilegrar fjölbreytni Skúli Skúlason, prófessor við Háskólann á Hólum og sérfræðingur hjá Náttúruminjasafni Íslands.
14:15 Samtal við atvinnugreinina um rannsóknir og skipulag verndarsvæða á Íslandsmiðum
Guðbjörg Ásta Ólafsdóttir, forstöðumaður rannsóknaseturs Háskóla Íslands á Vestfjörðum og vísindamaður.
14:30 Umræður
Gullhúðun á Evrópureglugerðum
Silfurberg B | Fimmtudagur | 13:00–14:45 Er gullhúðun íslenskra stjórnvalda á Evrópureglugerðum að minnka samkeppnishæfni sjávarútvegs?
Gullhúðun reglugerða, þegar innlendar reglur eru hertar umfram kröfur Evrópureglugerða, getur haft veruleg áhrif á samkeppnishæfni íslenskra sjávarútvegsfyrirtækja. Í þessari málstofu verður fjallað um hvað gullhúðun er, hvernig hún hefur þróast á Íslandi, og hvaða áhrif hún hefur haft á fyrirtæki í sjávarútvegi. Einnig verður skoðað hvernig önnur lönd innleiða reglugerðir og hvaða lærdóm má draga af því.
Að lokum verða kynntar tillögur til úrbóta sem miða að því að draga úr gullhúðun og bæta samkeppnishæfni íslenskra fyrirtækja.
Fyrirlesarar eru sérfræðingar úr atvinnulífi, lögfræði og stjórnsýslu sem deila munu þekkingu sinni og reynslu.
Brynjar Níelsson
Málstofustjóri
Gunnlaugur Sighvatsson og Reynir Friðriksson Umsjónarmenn
13:00 Opnun málstofu Brynjar Níelsson, fyrrverandi þingmaður Sjálfstæðisflokksins.
13:05 Sofnað á verðinum: Getur gullhúðun skaðað samkeppnishæfni Heiðmar Guðmundsson, lögmaður hjá Samtökum fyrirtækja í Sjávarútvegi.
13:25 Raunir af völdum reglugerða Pétur Hafsteinn Pálsson, framkvæmdastjóri Vísis.
13:45 Gullhúðun og sveigjanleiki- staðan og möguleikar Hrönn Ólína Jörundsdóttir, forstjóri Matvælastofnunar.
14:05 Hafsjór af gulli María Guðjónsdóttir, lögfræðingur Viðskiptaráðs. 14:25 Umræður
Tækifæri í menntamálum í sjávarútvegi –hvernig ætlum við að vera best í heimi?
Kaldalón | Fimmtudagur | 15:15–17:00 Í þessari málstofu verður fjallað um fjölbreytt tækifæri í menntamálum sem tengjast sjávarútvegi. Við kynnum Sjávarútvegsskóla unga fólksins, þar sem ungt fólk með áhuga á sjávarútvegi getur fengið spennandi námstækifæri. Einnig verður rætt um hvernig tækninám getur undirbúið nemendur fyrir störf í sjávarútvegi og hvernig það getur stuðlað að framþróun í greininni.
Við leggjum áherslu á mikilvægi vél og stýrimannamenntunar fyrir öruggan og skilvirkan rekstur sjávarútvegsfyrirtækja. Að lokum verður fjallað um tækifæri í háskólatengdri sjávarútvegsmenntun, þar sem rannsóknir og þróun innan háskóla stuðla að nýsköpun og framþróun í sjávarútvegi.
Komdu og kynntu þér hvernig menntun getur skapað ný tækifæri og styrkt framtíð sjávarútvegsins á Íslandi!
Daði Már Kristófersson
Málstofustjóri
Ragnheiður Eyjólfsdóttir
Umsjónarmaður
15:15 Opnun málstofu
Daði Már Kristófersson, prófessor við Hagfræðideild Háskóla Íslands.
15:20 Sjávarútvegsskóli unga fólksins
Guðrún Arndís Jónsdóttir, forstöðumaður Sjávarútvegsmiðstöðvar Háskólans á Akureyri.
15:35 Framtíðin liggur í tækninámi
Ásdís Vilborg Pálsdóttir, verkefnastjóri hjá Fisktækniskóla Íslands
15:50 Vél- og stýrimannamenntun
Víglundur Laxdal Sverrisson, skólastjóri Véltækniskólans og Skipstjórnarskólans við Tækniskólann.
16:05 Tækifæri í háskólatengdri sjávarútvegsmenntun
Hreiðar Þór Valtýsson, dósent við Sjávarútvegsmiðstöð Háskólans á Akureyri.
16:20 Umræður
Sjávarútvegur til framtíðar, rannsóknir, þróun og nýsköpun
Silfuberg A | Fimmtudagur | 15:15–17:00
Þessi málstofa mun kanna framtíðarsýn sjávarútvegsins með áherslu á rannsóknir, þróun og nýsköpun. Fjallað verður um mikilvægi rannsókna og hvernig þær geta stuðlað að sjálfbærni og aukinni verðmætasköpun í greininni.
Erindin munu meðal annars fjalla um rannsóknavettvang sjávarútvegs til framtíðar, styrkjatækifæri bæði innanlands og í alþjóðasamstarfi, og mikilvægi háskóla í nýsköpun og verðmætasköpun. Einnig verður fjallað um alþjóðlegar rannsóknir og nýsköpun hjá Matís undir yfirskriftinni „Vits er þörf þeim er víða ratar“.
Komdu og kynntu þér hvernig rannsóknir og nýsköpun geta mótað framtíð sjávarútvegsins og skapað ný tækifæri fyrir greinina.
Fullnýting er framtíðin
Við hlökkum til að standa nýsköpunarvaktina með ykkur um ókomin ár
marel.com
Sigurjón Arason
Málstofustjóri
Guðbjörg Ásta Ólafsdóttir
Umsjónarmaður
15:15 Að framkvæma í takt: samhæfing stefnu fyrirtækja og stjórnvalda
Sindri Sigurðsson, verkefna og þróunarstjóri Síldarvinnslunnar.
15:30 Rannsóknavettvangur sjávarútvegs til framtíður
Hrefna Karlsdóttir, sérfræðingur í fiskveiðistjórn og alþjóðamálum hjá Samtökum fyrirtækja í sjávarútvegi.
15:45 Tækifæri til styrkjasóknar á innlendum og erlendum vettvangi
Sigurður Óli Sigurðsson, sviðsstjóri rannsókna og nýsköpunarsviðs hjá Rannsóknamiðstöð Íslands.
16:00 Mikilvægi háskóla í rannsóknum, þróun og nýsköpun í sjávarútvegi og lagareldi
Hólmfríður Sveinsdóttir, rektor Háskólans á Hólum.
16:15 „Vits er þörf þeim er víða ratar“: alþjóðlegar rannsóknir og nýsköpun hjá Matís
Jónas Rúnar Viðarsson, sviðsstjóri hjá Matís.
16:30 Þróun mannauðs og tækni: mikilvægi samstarfs akademíu og iðnaðar
María Guðjónsdóttir, prófessor við Háskóla Íslands og stefnumótandi sérfræðingur hjá Matís.
16:45 Umræður
Dýpri sýn á stjórnun blandaðra botnfiskveiða í rauntíma: Þegar kvótanum sleppir tekur stjórnunin við
Silfurberg B | Fimmtudagur | 15:15–17:00
Þessi málstofa mun veita innsýn í flókið samspil stjórnunar og framkvæmdar blandaðra botnfiskveiða á Íslandsmiðum. Fjallað verður um lykilhlutverk fyrirtækja við stjórn fiskveiða og nauðsyn sveigjanleika til að tryggja góða umgengni við auðlindina. Rætt verður um heim útgerðarstjóra og skipstjóra, samskipti þeirra við Hafrannsóknastofnun og stjórnvöld, og hvernig val veiðisvæða og tegunda, kjörhæfni, framsal, geymsla og umframtaka, VSafli, umgengni, hvatar, fiskileit að erfiðum tegundum, vinnsla og markaður spila saman til árangurs í raun.
Málstofan mun einnig skoða mikilvægi samtals, samráðs og samstarfs við stjórnvöld og stofnanir um reglur og framkvæmd á miðunum til að auðlindanýtingin geti gengið sem best upp. Heildstætt gangverk verður sett í samhengi við raunverulegar aðstæður og áskoranir.
Komdu og kynntu þér hvernig þessi flókna samvinna og stjórnun getur stuðlað að sjálfbærri og árangursríkri nýtingu sjávarauðlinda.
Þessi málstofa mun kanna hvernig umhverfisgögn geta nýst sjávarútveginum til að bæta spágetu um staðsetningu og gæði fiskistofna. Fjallað verður um umhverfismælingar á vegum Hafrannsóknastofnunar, Copernicusaráætlunina og aðrar fjarmælingar tengdar hafinu.
Einnig verður rætt um hvernig umhverfisgögn geta bætt spágetu okkar af fiskigengd með dæmi af loðnu, og hvernig gervigreindarlíkön geta spáð fyrir um staðsetningu, magn og gæði fiskistofna. Að lokum verður skoðað hvort og hvernig sjávarútvegsfyrirtæki geta grætt á umhverfisgögnum.
Komdu og kynntu þér hvernig nýting umhverfisgagna getur stuðlað að framþróun og sjálfbærni í sjávarútvegi.
Guðbjörg Ásta Ólafsdóttir
Málstofustjóri
Björn Erlingsson Umsjónarmaður
09:00 Umhverfismælingar á vegum Hafrannsóknastofnunar
Hrönn Egilsdóttir, sviðsstjóri á umhverfissviði Hafrannsóknastofnunar.
09:15 Copernicusar-áætlunin og aðrar fjarmælingar tengdar hafinu (á ensku)
Angel RuizAngulo, associate professor at the University of Iceland.
09:30 Geta umhverfisgögn bætt spágetu okkar af fiskigengd: dæmi af loðnu (á ensku)
Warsha Singh, marine ecologist at the Marine and Freshwater Research Institute.
09:45 Gervigreindarlíkön spá fyrir um staðsetningu, magn og gæði Sigurður Bjartmar Magnússon, tæknistjóri hjá GreenFish.
10:00 Er eitthvað á gögnum að græða fyrir sjávarútvegsfyrirtæki? Sveinn Margeirsson, framkvæmdastjóri nýsköpunar og loftslagsmála hjá Brimi.
10:15 Umræður Guðbjörg Ásta Ólafsdóttir, forstöðumaður rannsóknaseturs Háskóla Íslands á Vestfjörðum og vísindamaður.
Tæknileg samkeppnishæfni íslensks sjávarútvegs
Silfurberg B | Föstudagur | 09:00–10:45 Íslenskur sjávarútvegur hefur lengi verið talinn einn sá fremsti í heiminum en hvernig stendur hann í alþjóðlegri samkeppni í dag? Í þessari málstofu verður fjallað um styrkleika og veikleika íslensks sjávarútvegs á alþjóðamarkaði. Sérfræðingar munu ræða hvernig nýting nýjustu tækni, markaðssetning og flutningskostnaður hafa áhrif á samkeppnishæfni. Einnig verður skoðað hvernig íslensk fyrirtæki geta bætt stöðu sína og hvaða áskorunum þau standa frammi fyrir.
- fyrir öll heimsins höf
Stöðug vöruþróun er kjarninn í starfsemi okkar
Hampiðjan er alþjóðlegt fyrirtæki með starfsemi á 72 stöðum í 21 landi og um 2.000 starfsmenn. Fyrirtækið er stærsti framleiðandi heims á hágæða veiðarfærum og ekkert annað fyrirtæki í fiskeldisþjónustu er með fleiri þjónustustöðvar í heiminum.
stærsti
Fyrirlesarar eru sérfræðingar úr sjávarútvegi, markaðssetningu og tækni sem munu deila þekkingu sinni og reynslu.
Sóley Kaldal
Málstofustjóri
Guðmundur Sigþórsson
Umsjónarmaður
09:00 Opnun málstofu
Sóley Kaldal, samningamaður og sérfræðingur í erlendu samstarfi á skrifstofu Matvælaráðuneytisins.
09:05 Frá roði til róbóta: Ævintýrið í íslenskri fiskvinnslu Jónas Gestur Jónsson, endurskoðandi, eigandi og stjórnarformaður Deloitte.
09:25 Óson í matvælaiðnaði – næsta skref að betri gæðum Valþór Hermannsson, þróunarstjóri hjá KAPP ehf.
09:40 Þróun nýrra umbúða Bragi Smith, viðskipta og þróunarstjóri hjá iTub á Íslandi.
09:55 Tæknivæðing á kæli - og frystikerfum í sjávarútvegi, regluverk og samkeppnisstaða í alþjóðlegu tilliti Sigurður Jónas Bergsson, tæknistjóri hjá Kælismiðjunni Frost.
10:10 Þróun og samkeppni á vinnslulausnum um borð í fiskiskipum Ásþór Sigurgeirsson, hönnuður hjá Slippnum Akureyri.
10:25 Umræður
Hratt flýgur fiskisagan
Silfurberg A | Föstudagur | 09:00–10:45
Lengi hefur verið talað um þörfina á sameiginlegri markaðssetningu á íslenskum sjávarafurðum. En það sem ekki allir vita er að það hefur verið starfandi verkefnastjórn á vegum SFS í nokkur ár með það að markmiði að markaðssetja íslenskar sjávarafurðir.
Meginmarkmið málstofunnar er að kynna Seafood from Iceland verkefnið og þær herferðir sem hafa verið keyrðar á þeirra vegum. Við höfum valið úr þær herferðir sem hafa verið keyrðar oftar en einu sinni og sumar í þó nokkurn tíma.
Með málstofunni langar okkur að koma því á framfæri sem hefur verið gert, hvernig það hefur gengið, hvað er á döfinni og hvernig við getum styrkt verkefnið til framtíðar með aðkomu hagaðaðila og annarra sem láta sig málið varða.
Sólveig Arna Jóhannesdóttir, markaðs og sölustjóri sjófrystra afurða hjá Brimi.
10:05 Markaðssetning sjávarafurða til erlendra ferðamanna Daði Guðjónsson, forstöðumaður markaðsmála hjá Íslandsstofu.
10:25 Umræður
Fróðleikur um fiskveiðistjórnun annarra landa, markmið og leiðir – skiljum og lærum til samskipta og viðskipta
Silfurberg A | Föstudagur | 11:15–13:00
Þessi málstofa mun kanna fiskveiðistjórnun í öðrum löndum og hvernig mismunandi markmið og leiðir hafa verið notaðar til að ná árangri. Fjallað verður um byggðamál, félagslegan stuðning, hagkvæmni og arðsemi, frjálsræði eða hömlur, fæðuöryggi og útflutningstekjur.
Rætt verður um ólíkar leiðir til að tryggja fiskveiðiréttindi, aflastýringu og flotastýringu (input vs. output controls), og hvernig þessar aðferðir hafa skilað árangri út frá mismunandi markmiðum. Málstofan mun leggja áherslu á að skilja og læra af reynslu annarra landa til að bæta samskipti og viðskipti á alþjóðavettvangi.
Komdu og kynntu þér hvernig mismunandi nálganir í fiskveiðistjórnun geta stuðlað að betri nýtingu og stjórnun sjávarauðlinda.
Árni M. Mathiesen
Málstofustjóri
Guðmundur Kristjánsson Umsjónarmaður
11:15 Fisheries management and sustainability, abroad
Pamela J. Woods, fiskifræðingur hjá Hafrannsóknastofnun.
11:30 Science-industry collaborative research in Alaskan waters
Matthew Baker, vísindastjóri hjá North Pacific Research Board.
11:45 Fiskveiðistjórnun í Noregi
Frank BakkeJensen, fiskistofustjóri norsku Fiskistofunnar.
12:00 Áskoranir fiskveiðistjórnunar í heiminum
Daði Már Kristófersson, prófessor við Hagfræðideild Háskóla Íslands.
12:15 Umræður
Árni M. Mathiesen, fyrrverandi ráðherra, fyrrverandi aðstoðarframkvæmdastjóri og yfirmaður fiskveiðideildar hjá Matvæla og landbúnaðarstofnun Sameinuðu þjóðanna (FAO) í Róm.
Stefnumótun og framtíðarsýn sjávarútvegs á Íslandi
Silfurberg B | Föstudagur | 11:15–13:00
Þessi málstofa mun kanna stefnumótun og framtíðarsýn íslensks sjávarútvegs frá ýmsum sjónarhornum. Fjallað verður um niðurstöður rannsókna á stefnumótun stærri sjávarútvegsfyrirtækja, þar sem bæði hindranir og velgengnisþættir verða skoðaðir. Einnig verður farið yfir stefnumótun stjórnvalda, bæði fyrir og eftir kvótasetningu, og hvernig stefna stjórnvalda hefur þróast í gegnum tíðina.
Stærstu hagsmunaaðilar sjávarútvegsins munu deila sýn sinni á framtíðina og hvernig skynsamlegar ákvarðanir hafa stuðlað að hagsæld og góðum lífskjörum.
Skyggnst verður inn í stefnumótun einstakra sjávarútvegsfyrirtækja, þar sem markmiðssetning, árangursmælingar og framtíðarsýn verða til umfjöllunar. Að lokum verður rætt um mikilvægi stefnumótunar við að skilgreina hlutverk og framtíðarsýn sjávarútvegs á Íslandi.
Komdu og kynntu þér hvernig stefnumótun getur mótað framtíð sjávarútvegsins og stuðlað að sjálfbærni og aukinni verðmætasköpun.
Hólmfríður Sveinsdóttir
Málstofustjóri
Kristján Vigfússon
Umsjónarmaður
11:15 Hindarnir og velgengnisþættir í stefnumótun í sjávarútvegiframtíðar samkeppnisforskot
Kristján Vigfússon, háskólakennari við Viðskiptafræðideild Háskólans í Reykjavík.
11:30 Stefnumótun og sýn stjórnvalda í fortíð, nútíð og framtíð Áslaug Eir Hólmgeirsdóttir, skrifstofustjóri sjávarútvegs hjá Matvælaráðuneytinu.
11:45 Betra er að róa en reka undan Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi.
12:00 Stefnumótun sjávarútvegsfyrirtækis
Guðmundur Kristjánsson, forstjóri Brims og aðaleigandi Útgerðarfélags Reykjavíkur.
12:15 Umræður Hólmfríður Sveinsdóttir, rektor Háskólans á Hólum.
Sjávarútvegstengd nemendaverkefnihvað eru nemendur framhaldsskóla og háskóla á Íslandi að gera?
Kaldalón | Föstudagur | 11:15–13:00 Í þessari málstofu munu nemendur í háskólum og framhaldsskólum á Íslandi segja frá verkefnum sínum og námi sem tengist sjávarútvegi. Erindin eru jafn fjölbreytt og þau eru mörg og munu gefa innsýn í það sem metnaðarfullir nemendur eru og hafa verið að fást við og má þar nefna rannsóknir, nýsköpun og leit að hagnýtum lausnum fyrir sjávarútveginn.
Frá Háskólanum á Akureyri kemur Katla Snorradóttir, sem mun kynna verkefni sitt sem snýr að mati á gæðum botnfiskafla tengt mismunandi veiðarfærum/útgerðarflokkum. Þá munu frumkvöðlar úr Verslunarskóla Íslands segja frá fyrirtæki sínu Netaprenti sem hlaut titilinn fyrirtæki ársins hjá Ungum frumkvöðlum í ár en Netaprent framleiðir þrívíddarprentefni úr notuðum fiskinetum. Ísak Þór Björgvinsson, nýútskrifaður vélfræðingur frá Tækniskólanum, mun segja frá hönnun þurrísskammtara og með Leanne Morris Bennett, meistaranema við Háskólann á Hólum, ferðumst við til Jamaíka. Þá mun Kristófer Máni Sigursveinsson, sem bæði er útskrifaður frá Fisktækniskóla Íslands og HA, segja okkur frá vegferð sinni í námi og starfi. Að lokum fáum við erindi frá Þorvaldi Arnarsyni, meistaranema við Háskóla Íslands en hann mun blása okkur byr í brjóst með erindinu „Sjávarútvegurinn er fullur af tækifærum“.
Komdu og kynntu þér hvernig nemendur á mismunandi skólastigum og víðu aldursbili eru að leggja sitt af mörkum til að efla og þróa sjávarútveginn með rannsóknum, nýsköpun og hagnýtum lausnum!
Sigríður Huld Jónsdóttir
Málstofustjóri
Hildur Ingvarsdóttir
Umsjónarmaður
11:15 Háskólinn á Akureyri
Katla Snorradóttir.
11:30 Verslunarskóli Íslands
Andri Clausen, Erik Gerritsen, Markús Heiðar Ingason og Róbert Luu.
11:45 Tækniskólinn Ísak Þór Björgvinsson.
12:00 Háskólinn á Hólum Leanne Morris Bennett.
12:15 Fisktækniskólinn
Kristófer Máni Sigursveinsson.
12:30 Háskóli Íslands Þorvaldur Arnarsson.
12:45 Umræður
Sigríður Huld Jónsdóttir, skólameistari og áður aðstoðarskólameistari Verkmenntaskólans á Akureyri.
BétilBé eða BétilSé?
Silfurberg A | Föstudagur | 13:30–15:15
Mikið hefur verið rætt um það í gegnum tíðina hvort íslenskur sjávarútvegur ætti ekki að reyna að staðsetja sig nær neytandanum með svokallaðri BétilSé markaðssetningu í stað BétilBé, sem er ráðandi sölufarvegur fisksins í dag. Í málstofunni verður farið yfir báðar söluleiðir, hvað þær hafa í för með sér, hverjir eru helstu kostir og gallar og að lokum verða teknir saman helstu þættir sem þarf að hafa í huga varðandi hvora leið fyrir sig.
Til að ná utan um hvað þetta allt saman þýðir höfum við fengið til liðs við okkur fyrirlesara sem eru að berjast í þessum BétilBé og BétilSé heimum til að veita okkur innsýn í báða heima og leiða okkur í gegnum þá.
Elma Sif Einarsdóttir Málstofustjóri
Karl Hjálmarsson Umsjónarmaður
13:30 Opnun málstofu
Elma Sif Einarsdóttir, forstöðukona sjálfbærni og viðskiptaþróunar hjá Stiku.
13:35 Þúsund þorskar á færibandinu Davíð Sigurðsson, vörumerkjastjóri COLLAB hjá Ölgerðinni.
13:50 Design your marketing tailored to your business goals; from B2B to the new B2C Pedro L. Mestanza Barnes, forstjóri Ahumados Dominguez í Madríd.
14:05 Verðmætaaukning með markaðsaðferðum Valgeir Magnússon, stjórnarformaður Pipar\TBWA og framkvæmdastjóri SDG\TBWA í Noregi og Scandinavian Desing Group.
14:20 Kostir og gallar BétilBé eða BétilSé - samantekt Friðleifur Friðleifsson, deildarstjóri í söludeild hjá Iceland Seafood.
14:35 Umræður
Traust net
pipar-tbwa.is
Pipar\TBWA er ein stærsta auglýsingastofa landsins og hluti af TBWA, alþjóðlegri keðju sem telur yfir 300 auglýsingastofur um allan heim.
Við höfum því greiðan aðgang að sérfræðingum í hverri höfn og auðveldum íslenskum fyrirtækjum í sjávarútvegi sem öðrum geirum að ná markaðsárangri um öll heimsins höf.
Samningatækni, samskipti og þrautseigja
Silfurberg B | Föstudagur | 13:30–15:15 Í dagsins önn eru samskiptafletir okkar í vinnunni fjölmargir. Við erum stöðugt í samningaviðræðum, bæði formlegum og óformlegum, og leitum oft sátta milli einstaklinga, málefna eða við viðskiptavini. Til þess þurfum við þekkingu og færni í samningatækni, sáttamiðlun, tímastjórnun og andlegri þrautseigju.
Samningaviðræður geta verið krefjandi, þar sem við þurfum að finna jafnvægi milli ólíkra sjónarmiða og hagsmuna. Sáttamiðlun krefst þess að við séum fær um að hlusta, skilja og finna lausnir sem allir aðilar geta sætt sig við. Tímastjórnun er lykilatriði til að tryggja að við nýtum tímann okkar sem best og náum markmiðum okkar á skilvirkan hátt. Andleg þrautseigja hjálpar okkur að halda ró okkar og einbeitingu, jafnvel þegar álagið er mikið.
Með því að þróa þessa færniþætti getum við bætt samskipti okkar, bæði í vinnunni og heima, og stuðlað að betri árangri og vellíðan.
Einar K. Guðfinnsson
Málstofustjóri
Kristinn Hjálmarsson
Umsjónarmaður
13:30 Kynning málstofu
Einar K. Guðfinnsson, fyrrum ráðherra og forseti alþingis.
13:35 Hvernig færðu meira af því sem þú vilt
Aldís Guðný Sigurðardóttir, lektor og forstöðumaður Executive MBA náms í Háskóla Reykjavíkur.
13:50 Time Management
Anna Liebel, BSc in Computer Science from the National University of Kyiv Mohyla Academy, Ukraine and a dual MSc in International Project Management from Chalmers University of Technology, Sweden and Northumbria University, United Kingdom.
14:05 Þegar allt er komið í skrúfuna
Ketill Berg Magnússon, mannauðsstjóri hjá Marel í NEvrópu og stundarkennari við Háskólann í Reykjavík.
14:20 Andleg þrautseigja
Sigrún Þóra Sveinsdóttir, sálfræðingur, sérhæfð í lífeðlislegri sálfræði og andlegri þrautseigju og doktorsnemi í sálfræðideild Háskólans í Reykjavík.
14:35 Árangursrík samningatækni
Aðalsteinn Leifsson, fyrrverandi ríkissáttasemjari og höfundur bókarinnar „Samningatækni“.
14:50 Umræður
Áhrif náttúruhamfara
Kaldalón | Föstudagur | 13:30–14:45 Málstofan mun kanna fjárhagslegar áskoranir sem fyrirtæki og dótturfélög þeirra standa frammi fyrir eftir náttúruhamfarir. Sérstaklega verður fjallað um hvernig rekstur hefur gengið, þróun tekna og kostnaðar, og hlutverk styrkja í að styðja við fyrirtækin. Einnig verður fjallað um hvernig gæðakröfum er mætt í náttúruhamförum, með áherslu á vöruvernd, byggingar og búnað, starfsfólk og samskipti við kaupendur og eftirlitsaðila.
Mikilvægi góðra viðskiptasambanda verður einnig til umræðu, sérstaklega þegar rekstur stöðvast fyrirvaralaust vegna náttúruhamfara. Dæmi verða tekin um hvernig viðskiptavinir hafa brugðist við fordæmalausum aðstæðum, eins og eftir rýmingu í Grindavík, og hvernig góð samskipti geta komið í veg fyrir langtímaskaða á orðspori fyrirtækja.
Að lokum verður lýst stöðu og starfsemi verkalýðsfélaga í Grindavík frá því að alvarlegustu hamfarirnar hófust í nóvember 2023. Fjallað verður um hvernig verkalýðsbarátta hefur breyst í ljósi aðstæðna og mikilvægi stéttarfélaga sem hagsmunasamtaka almennings.
Þessi málstofa mun því veita heildstæða sýn á fjölbreyttar áskoranir og lausnir sem tengjast fiskvinnslu í kjölfar náttúruhamfara á Íslandi.
Pétur Hafsteinn Pálsson
Málstofustjóri
Telma Björg Kristinsdóttir og Sverrir Guðmundsson Umsjónarmaður
13:30 Kynning málstofustjóra
Pétur Hafsteinn Pálsson er framkvæmdastjóri Vísis.
13:35 Áskoranir í rekstri á óvissutímum
Heiðar Hrafn Eiríksson er skrifstofustjóri hjá Þorbirni, útgerðarog fiskvinnslufyrirtæki í Grindavík.
13:50 Gæðaeftirlit á óvissutímum
Margrét Kristín Pétursdóttir er forstöðumaður gæðamála hjá Vísi.
14:05 Raunvirði viðskiptavildar í náttúruhamförum
Alda Agnes Gylfadóttir, framkvæmdastjóri Einhamar Seafood í Grindavík.
14:20 Verkalýðsbarátta á hamfaratímum
Benóný Harðarson, virkur meðlimur í Verkalýðsfélagi Grindavíkur, þar sem hann gegnir mikilvægu hlutverki í að styðja við réttindi og hagsmuni launafólks.
14:35 Umræður
Uppbygging um allt land
Við hjálpum fyrirtækinu þínu að koma hugmyndum í framkvæmd og tökum þátt í sjávarútvegi um allt land.
Við erum betri saman
Er Áttin.is vettvangur fyrir fyrirtæki í sjávarútvegi?
Svarið við spurningunni hér að ofan er já. Áttin er íslensk vefgátt sem gegnir því hlutverki að taka á móti umsóknum fyrirtækja um styrki vegna fræðslu sem starfsfólki er boðið upp á af hálfu fyrirtækis. Áttin kemur umsóknunum til úrvinnslu hjá viðkomandi starfsmenntasjóði sem tengjast Áttinni og afgreiðir hver sjóður þá umsókn sem hann er tengdur við. Þannig gefst fyrirtækjum, og þar með talið fyrirtækjum í sjávarútvegi, tækifæri að sækja um styrk til margra sjóða með aðeins einni umsókn. Fyrirtæki sem greiðir iðgjald í starfsmenntasjóði/setur Áttarinnar getur sótt um styrki vegna fræðslu fyrir starfsfólk sitt en fræðslan getur verið í formi náms, námskeiðahalds eða ráðstefna. Upphæðir fyrirtækjastyrkja fara eftir reglum viðkomandi sjóðs. Fyrirtæki getur einnig sótt um að taka þátt í verkefninu „fræðslustjóri að láni“ á vegum sjóðanna, þar sem sérhæfður mannauðsráðgjafi í vinnustaðafræðslu vinnur þarfagreiningu á fræðslu innan fyrirtækisins. Hann samhæfir óskir, þarfir og framtíðarsýn fyrirtækisins og leggur til fræðsluáætlun þess til næstu eins til tveggja ára. „Fræðslustjóri að láni“ er fyrirtæki að kostnaðarlausu ef hlutfall starfsfólks með aðild að sjóðum sem standa að Áttinni er 75% eða meira. Í þeim tilvikum sem það næst ekki býðst fyrirtæki að taka þátt í hlutdeild af kostnaði verkefnisins.
Fyrir rétt rúmum níu árum hófst þróunarvinna að sameiginlegri vefgátt sem átti að stuðla að auknu samstarfi starfsmenntasjóða og auðvelda aðgengi fyrirtækja að styrkveitingum frá starfs
menntasjóðum á almenna markaðinum. Forsagan er bókun í kjarasamningum ASÍ og SA frá 2013 og með hækkun á framlögum til fræðslu og starfsmenntasjóða 2015 skyldi verkefnið raungerast og verða að veruleika. Áttin.is leit dagsins ljós á haustdögum 2015.
Aðsókn fyrirtækja gegnum Áttina hefur stóraukist undanfarin ár og eru dæmi þess að fjölgun fyrirtækja sem sækja um innan sama sjóðs hafi aukist um helming milli ára og fjöldi fyrirtækjaumsóknanna um álíka mikið. Staðreyndin er hins vegar sú að enn eru allmörg fyrirtæki sem fara á mis við þau stóru fjárhagslegu tækifæri sem sjóðirnir bjóða upp á.
Í nútíma atvinnulífi þar sem samkeppni eykst stöðugt, tækniframfarir eru hraðar og vinnumarkaðurinn er sífellt að þróast, er hæfni starfsfólks lykilþáttur í velgengni fyrirtækja. Til þess að standast kröfur markaðarins og viðhalda samkeppnishæfni er fyrirtækjum nauðsynlegt að tryggja að starfsfólk fái tækifæri til að auka þekkingu sína og hæfni reglulega.
Þau fyrirtæki sem setja sér menntastefnu eru mun betur í stakk búin að stuðla að aukinni hæfnivegferð og þróun innan fyrirtækjanna. Hæfniaukning starfsfólks er lykilþáttur í framtíðarárangri fyrirtækja á nútímamarkaði. Fyrirtæki sem fjárfesta í hæfniþróun starfsfólks stuðla að bættri framleiðni, auka nýsköpun og tryggja sér samkeppnisforskot. Með því að nýta starfsmenntasjóði sem standa að Áttinni geta fyrirtæki dregið úr kostnaði við aðkeypta fræðslu og veitt starfsfólki sínu þau tækifæri sem nauðsynleg eru til að vaxa og þróast í starfi. Það er bæði fjárhagslega skynsamlegt og mikilvægt til að tryggja áframhaldandi velgengni í viðskiptum og ánægju starfsfólks.
Hvatningarverðlaun
Sjávarútvegsráðstefnunnar og TM
Hvatningarverðlaunin eru veitt ungum fyrirtækjum eða sjálfstætt starfandi einstaklingum fyrir nýbreytni og þróunarverkefni sem þykir hafa skarað fram úr og skapað væntingar um framlag sem talið er að muni treysta stoðir íslensks sjávarútvegs. Verðlaunin eru í formi viðurkenningarskjals, verðlaunagripsins Sviföldunnar og aðgöngumiða á ráðstefnuna.
Markmiðið með veitingu Hvatningarverðlauna
Sjávarútvegsráðstefnunnar og TM er að hvetja ung fyrirtæki og frumkvöðla til dáða, stuðla að nýbreytni og vekja athygli almennings á gildi nýsköpunar og þróunar í sjávarútvegi. Líkt og undanfarin ár barst fjöldi góðra tilnefninga og hefur dómnefndin valið úr þeim þrjú fyrirtæki sem þykja hafa skarað fram úr.
Alda öryggi
Alda öryggi hefur verið að þróa stafrænt öryggisstjórnunarkerfi sem nútímavæðir öryggismál á sjó í samstarfi við íslenska sjómenn og útgerðir. Kerfið gjörbyltir öryggisstjórnun um borð í fiskiskipum og einfaldar skipulag öryggismála í samræmi við alþjóðlega staðla. Alda setur öryggismálin bókstaflega í hendur sjómanna í gegnum snjallsíma sína, sem gerir þeim kleift að taka þátt í öryggismálum um borð hvenær sem er og hvar sem er. Allar nýliðaþjálfanir, björgunaræfingar og öryggisúttektir um borð í skipum eru skráðar af sjómönnum sjálfum gegnum Ölduappið. Kerfið stuðlar þannig að aukinni öryggisvitund meðal sjómanna og fyrirbyggjandi öryggismenningu til að draga úr slysahættu og tryggja rétt neyðarviðbrögð úti á sjó. Meðal helstu viðskiptavina eru Vísir, SkinneyÞinganes, Gjögur, Samherji, Vinnslustöðin, Nesfiskur, Þorbjörn, Brim og Síldarvinnslan. Alda setur öryggismál sjómanna á kortið í kísildal íslensks sjávarútvegs.
Þjálfun | Gæðaferlar | Úttektir
Hugbúnaður sérsniðinn að íslenskum sjávarútvegi
Þjálfun, tékklistar og skráningar fyrir vottanir á einum stað
Ný liðaþjálfun, daglegar skráningar og öll eyðublöðin stafræn í einu kerfi.
Þitt sjávarútvegsfyrirtæki alltaf tilbúið fyrir úttektir
Öll gögn og ský rslur klárar og stafrænar fyrir úttektaraðila.
Sjálfvirkur tungumálastuðningur á 136 tungumálum
Öll þjálfun, skráningar og verkferlar aðgengilegir á móðurmáli starfsmanna.
Svifaldan
GreenFish
GreenFish hefur þróað gervigreindarlíkön sem spá fyrir um staðsetningu og gæði fisks í sjó. Með þessum líkönum vill GreenFish veita nákvæmar upplýsingar um hegðun mismunandi fiskstofna í síbreytilegum sjó til þess að skipstjórar, stýrimenn og sjómenn þurfi síður að renna blint í sjóinn í leit að fiski, með tilheyrandi olíu og tímakostnaði. Líkönin byggja á stóru safni sjólags og veðurgagna, ásamt fleiri gögnum sjávarútvegs sem safnað hefur verið síðustu áratugi.
Líkön GreenFish hafa sýnt fram á mikla nákvæmni fyrir margar uppsjávartegundir og voru fyrstu prófanir framkvæmdar sumarið 2024 af Ísfélagi Vestmannaeyja. Verkefnið nýtur stuðnings frá Umhverfis, orku og loftslagsráðuneytinu ásamt Hafrannsóknastofnun Íslands. Þá hlaut verkefnið sjálfbærnistyrk frá Landsbankanum og vann verðlaun Íslensku sjávarútvegssýningarinnar árið 2024.
Hefring Marine
Hefring Marine er íslenskt tæknifyrirtæki sem hefur þróað IMAS snjallsiglingakerfið, sem hugsað er fyrir báta og minni skip. Kerfið, sem byggir á gervigreind, mælir hraða, hreyfingar, gögn úr siglingakerfum, vélum og öðrum búnaði báta á siglinu í rauntíma, ber þær mælingar saman við aðstæður og veitir skipstjórnendum leiðbeinandi upplýsingar til að bæta ákvörðunartöku til að tryggja öryggi og hagkvæmni siglinga. Öllum gögnum er safnað í IMAS Console skýjakerfið. Þar er hægt er að fylgjast með siglingum í rauntíma og fá allar ferðir sjálfkrafa vistaðar sem skýrslur.
IMAS snjallsiglingakerfið hefur hjálpað viðskiptavinum að auka eftirfylgni með viðhaldsþörf og bæta viðbragðstíma, lækka eldsneytiseyðslu, auka öryggi og lækka iðgjöld á tryggingum um allt að 20%.
Þau fiska sem þróa
Aukið virði sjávarafurða í krafti
rannsókna og nýsköpunar
Til hamingju!
Aldan öryggistjórnunarkerfi, GreenFish og Hefring Marine eru tilnefnd til Hvatningarverðlauna TM og Sjávarútvegsráðstefnunnar. Við hjá TM óskum þeim hjartanlega til hamingju með árangurinn.
