Sæmundur 2008

Frá ritstjóra

Kæru SÍNE félagar,

Nú eru góð ráð dýr. Hvað skal gera á þessum miklu óvissutímum sem að íslenska þjóðin er að ganga í gegnum?

Nú er tími breytinga og við skulum öll vera þáttakendur í þeim. Verum dugleg að láta í okkur heyra og höfum skoðanir á því sem að skiptir okkur máli.

Hjördís Jónsdóttir, Ritstjóri

Við hjá SÍNE vitum að íslenskir námsmenn erlendis mega ekki gleymast á þessari ögurstundu og við höfum gert okkar besta til að minna á það. Við höfum verið í sambandi við stjórnvöld og fjölmiðla og reynt að miðla upplýsingum til námsmanna eftir því sem þær hafa borist okkur. Nútímatækni hefur verið beitt til að ná til sem flestra og Fésbókin hefur verið vettvangur skoðanaskipta og upplýsinga á milli námsmanna.

UM SÍNE

Skrifstofa síne

Pósthússtræti 3-5

101 Reykjavík

Sími: 552 5315

Netfang: sine@sine.is

Veffang: ww.sine.is

Skrifstofan er opin

alla virka daga frá 9-12

STjórn Síne

Formaður:

Garðar Stefánsson

ritari:

Ásgeir Ingvarsson

Meðstjórnendur:

Ásgerður Ragnarsdóttir

Eyrún Jónsdóttir

Guðmundur Ingvi Sigurðsson

Hulda Þ. Aðalsteinsdóttir

ritstjóri:

Hjördís Jónsdóttir

Auglýsingar:

Markaðsmenn

Umbrot og Hönnun:

Björgvin Óskarsson

Forsíðumynd:

Hörður Ingason

Prentun:

Leturprent ehf.

Sá mannauður sem að íslenskir námsmenn erlendis mynda er ómetanlegur fyrir íslenskt samfélag. Við teljum það skipta höfuðmáli að þeir flosni ekki upp úr námi vegna aðstæðnanna á Íslandi og að stjórnvöld sýni þeim skilning og stuðning. Við erum óþreytandi að minna á þetta.

Eins og góður maður sagði: Við þurfum að vera þær breytingar sem við viljum að eigi sér stað í þjóðfélaginu.

Blaðið Sæmundur hefur nú flogið yfir hafið og ber ykkur fréttir frá Íslandi og öðrum námsmönnum erlendis. Við höfum safnað saman efni sem að við teljum að sé fróðlegt og vonandi skemmtilegt fyrir SÍNE félaga til aflestrar. Þar ber á góma allt frá styrkjum sem í boði eru fyrir námsmenn til frásagnar frá námsmanni í Malasíu og nýjustu fréttum frá LÍN.

Við sendum ykkur baráttukveðjur frá Íslandi og hlökkum til að eiga góð samskipti við ykkur á komandi vetri. Áfram Ísland.

Hjördís Jónsdóttir Ritstjóri

Við komum þér heim um jólin!

kr.

Þegar Íslendingar erlendis skreppa heim verður Hótel Mamma oftar en ekki fyrir valinu. Það er einfaldlega langbesta, ódýrasta og huggulegasta gistiaðstaða sem í boði er – og Iceland Express kemur þér alla leið á betra verði.

Smelltu þér inn á www.icelandexpress.is og bókaðu ódýrt flugsæti til Íslands. Hótel Mamma bíður.

Háttvirtu námsmenn erlendis Ég tek ofan fyrir ykkur fyrir að þrauka í gegnum þetta ófremdarástand. Það er deginum ljósara að staða íslenskra námsmanna erlendis hefur aldrei verið verri en nú í vetur. Á aðeins tveimur mánuðum hefur Ísland breyst frá því að vera ein af ríkustu þjóðum í heimi til þess að vera skuldugasta. Ísland er þannig orðið skólabókardæmi um meingallaða og pólítíska seðlabankastjórn, aðgerðarlausa eftirlitsstofnun, duglausa stjórnmálamenn sem axla ekki ábyrgð og útrásarvíkinga sem héldu að þær gætu keypt heiminn fyrir lán í erlendri mynt. Á hverjum bitnar þetta? Fólkinu sem ekki tók þátt í hlutabréfamaníunni -eða var platað í að kaupa hlutabréf,

venjulegu fólki sem er að borga húsnæðislán, ellilífeyrisþegum, öryrkjum og ekki síst námsmönnum.

Íslenskir námsmenn erlendis lentu hvað verst í þeim hremmingum sem hafa átt sér stað og það þarf varla að taka það fram í þessum pistli hvað á hefur gengið. En þó er rétt að taka það fram að það er mikilvægt að stjórnvöld og almenningur viti af grafalvarlegri stöðu námsmanna og enn mikilvægara að brugðist verði við á réttan hátt svo að þúsundir flosni ekki úr námi. LÍN á að tryggja það að námsmenn geti stundað nám sitt og að þeim sé tryggð sú framfærsla sem námsmenn þurfa á meðan námi stendur. Í því samhengi má alls ekki gleyma því að námsmenn erlendis búa ekki sama við öryggisnet og námsmenn á Íslandi, námsmenn erlendis eru útlöndum, þeir geta ekki farið í mat til foreldra sinna þegar þeim hentar, þeir eiga erfiðara með að útvega sér aukavinnu með námi og því þarf framfærslan sem LÍN lánar fyrir að endurspegla þá stöðu.

Stjórn og framkvæmdastjóri Sambands íslenskra námsmanna hafa unnið baki brotnu við að vekja athygli á stöðu námsmanna erlendis og reynt hvað þau geta til þess að

stjórnvöld komi til móts við þennan grafalvarlega raunveruleika. Stjórnvöld brugðust við kalli okkar og gerðu í kjölfarið nauðsynlegar breytingar á úthlutunarreglum LÍN, s.s. með neyðarláni, hækkun vaxtastyrks o.s.frv. En mikið verk er óunnið og alls ekki víst að breytingarnar á úthlutunarreglunum nái að tryggja námsmönnum erlendis þá framfærslu sem að þeir þurfa.

Samband íslenskra námsmanna erlendis mun ekki bregðast hlutverki sínu og halda uppi hagsmunabaráttu fyrir námsmenn erlendis. Oft er þörf en nú er nauðsyn og aldrei áður hefur verið jafn mikil nauðsyn fyrir því að SÍNE sinni hagsmunaskyldu sinni. En kraftur félagsins liggur ekki eingöngu hjá stjórn eða framkvæmdastjóra heldur ekki síður hjá félagsmönnum. Námsmenn erlendis geta haft töluverð áhrif gang mála, því má ekki gleyma. Það er því mikilvægt að námsmenn erlendis haldi áfram að veita SÍNE upplýsingar um stöðu sína, verði virkir þátttakendur í umræðunni og láti í sér heyra! Baráttukveðjur, Garðar Stefánsson, formaður Sambands íslenskra námsmanna erlendis

Garðar Stefánsson formaður SINE

Hvað gerir SÍNE fyrir þig?

Samband íslenskra námsmanna erlendis - SÍNE - var stofnað árið 1961 og hefur tilgangur þess

ætíð verið að gæta hagsmuna félagsmanna sinna og vera tengiliður þeirra við þau stjórnvöld sem koma að kjörum SÍNE félaga hér á landi. Á síðustu árum hefur þjónustan við tilvonandi félagsmenn, þ.e. námsmenn á leið út, vaxið mjög mikið.

Skrifstofa SÍNE er staðsett í Pósthússtræti 3-5 (í Hinu húsinu), 2. hæð, og er opin alla virka daga frá 9-12. Síminn er 552-5315 og netfangið sine@sine.is

Starfsemi SÍNE

Á heimasíðu SÍNE, www.sine.is, er að finna:

Tékklista með helstu atriðum sem huga þarf að áður en nám hefst á erlendri grundu.

Upplýsingar um heimasíður Íslendingafélaga um allan heim.

Upplýsingar um trúnaðarmenn SÍNE. Handbókina Nám erlendis – þar er að finna hagnýtar upplýsingar um undirbúning fyrir námsdvöl í útlöndum. (kemur upp í sumar 2008).

Leigumiðlun/Leigumarkað þar sem

fólki gefst kostur á að auglýsa húsnæði sitt til leigu eða óska eftir leiguhúsnæði, hérlendis sem erlendis. Þjónustan er öllum aðgengileg og án endurgjalds.

Auglýsingar um styrki sem í boði eru á hverjum tíma Hagnýtar upplýsingar um tryggingar, skatta- og atvinnumál námsmanna erlendis.

Ýmsar tilkynningar og tengingar við aðrar mikilvægar síður sem koma námsmönnum til góða.

Útgáfa og fundir: SÍNE gefur út fréttablaðið Sæmund ca. tvisvar á hverju námsári.

Í Sæmundi er birtar upplýsandi og fræðandi greinar fyrir félagsmenn jafnt tilkynningar og almennar fréttir af starfseminni. Auk þess er að finna í blaðinu

reynslusögur og ýmislegt skemmtiefni Þá er gefinn út netsnepillinn Sæmi sem inniheldur áríðandi tilkynningar til félagsmanna.

Ráðstefnur og fundir eru haldnir reglulega og eru þeir auglýstir í blöðum, vefritum og á heimasíðu félagssins.

Þjónustan Þríþætt Á leið út: SÍNE reynir að aðstoða einstaklinga á leið út í nám eftir fremsta megni. Nú eru starfandi 45 trúnaðarmenn í 17 löndum sem eru boðnir og búnir að svara spurningum námsmanna sem til þeirra leita. Upplýsingar um netföng og símanúmer trúnaðarmanna er að finna á heimasíðu SÍNE.

SÍNE gefur út bókina “Nám erlendis” en þar er að finna ítarlegar upplýsingar um þær stofnanir sem námsmaður á leið til útlanda þarf að hafa samskipti við, sem og umfjöllun og

upplýsingar um helstu námslönd Íslendinga. Bókin er birt í heild sinni á heimasíðu SÍNE.

SÍNE svarar spurningum og veitir ráðgjöf í málefnum Lánasjóðs íslenskra námsmanna.

SÍNE kemur fólki í samband við félagsmenn úti vanti það frekari upplýsingar um námsland, borg eða skóla

Þjónusta við félagsmenn: Félagsmönnum er boðið að hringja “collect” á skrifstofu SÍNE hvaðanæva að úr heiminum.

SÍNE félagar fá aðstoð í samskiptum sínum við Lánasjóð íslenskra námsmanna en í stjórn LÍN situr fulltrúi frá SÍNE og vinnur stöðugt að bættum kjörum félagsmanna í lánamálum Framkvæmdastjóri SÍNE situr alla s.k. vafamálafundi Lánasjóðsins og leiðbeinir félagsmönnum í málarekstri auk þess að tala máli allra námsmanna á þeim fundum.

SÍNE félagar njóta afsláttarkjara hjá Samskipum en þeir fá 12% afslátt af flutningsgjöldum hjá fyrirtækinu.

Trúnaðarmenn SÍNE aðstoða félagsmenn í viðkomandi námslandi Stjórn SÍNE leitar allra leiða til að bæta hag námsmanna erlendis

Þjónusta við SÍNE

félaga á heimleið:

SÍNE er í samstarfi við fyrirtæki og ýmsar atvinnumiðlanir uppá atvinnumöguleika fyrir námsmenn sem eru að koma úr námi erlendis.

SÍNE hefur barist fyrir því að hluti námslána breytist í styrk að námi loknu.

SÍNE hefur einnig lagt á það áherslu að endurgreiðsla hefjist seinna eftir að námi lýkur en nú tíðkast. Þjónusta SÍNE er því margvísleg eins og hér gefur að líta.

Nýtt nám

í Copenhagen Business School

Fyrir ári síðan hóf ég mastersnám í stjórnun í skapandi viðskiptaferlum (e. Management of Creative Business Processes). Ég hef mjög oft verið spurð hvað í ósköpunum það er nú og mér hefur fundist best að lýsa því sem master í stjórnun innan skapandi atvinnugeira (listir, menning og afþreying) eins og t.d. fyrirtæki sem gefa út eða framleiða tónlist, kvikmyndir, bækur, tímarit, tölvuleiki, fatnað, húsgögn, leikföng o.s.frv. Enda er markmið námsins að gera nemendur hæfa til að taka stjórnunarstöður í skapandi fyrirtækjum og er mikil áhersla lögð á að finna rétta jafnvægið á milli þess að hlúa að sköpunargáfu listamannsins og að reka arðbært fyrirtæki. Á fyrra árinu var auk annars áhersla lögð á höfundarétt og nýsköpun. Á seinna

Mikil vöntun er á viðskiptafræðimenntuðum stjórnendum innan skapandi fyrirtækja sem er ört vaxandi atvinnugrein í Danmörku sem og víðar.

boði á Íslandi og því skellti ég mér til Kaupmannahafnar í Copenhagen Business School (CBS). Enda var ekki seinna vænna að drífa sig í framhald, ég fann það fljótt að námstæknin og lestrarhraðinn var verulega farin að ryðga.

CBS er tæplega 100 ára gamall viðskiptaháskóli með um 16 þúsund nemendur og þar af þó nokkuð marga Íslendinga. Þrátt fyrir að skólinn hafi aðsetur í fjórum mismunandi byggingum er ótrulegt hvað það er góð stemmning og mikil sameining meðal nemenda. Hver veit nema stúdentabarinn hjálpi þar til?

námið, og mikið sótt í það að fá nemendur til að finna verkefni fyrir sig og sýna því mikinn áhuga á að koma í tíma og fjalla um hin ýmsu málefni tengdu námsefninu. Hins vegar er ætíð einhverjir byrjunarerfiðleikar, kennarar sem standa ekki undir væntingum og námið kannski ekki alveg upp sett eins og best væri á kostið. En það lagast vonandi með tímanum.

árinu velja nemendur svo sjálfir sín fög (innan ákveðins ramma) á haustönn og svo er mastersritgerðin á vorönn. Mikil vöntun er á viðskiptafræðimenntuðum stjórnendum innan skapandi fyrirtækja sem er ört vaxandi atvinnugrein í Danmörku sem og víðar. Þetta nám er ekki í

Mikið er af hópavinnu, stundum aðeins of mikið af hinu góða að mínu mati en að sjálfsögðu hefur maður bara gott af því að venjast því að vinna með ólíku fólki með ólíkar skoðanir. Danir eru mjög svo hrifnir af munnlegum prófum, þar komum við Íslendingarnar yfirleitt alveg af fjöllum enda er þetta próftækni sem danskir námsmenn hafa æft sig í síðan í framhaldsskóla. En það lærist (eða venst) eins og allt annað.

Námið er nýtt, það eru aðeins tvö ár síðan fyrsti hópurinn hóf nám. Þrátt fyrir að það hafi sína kosti að vera með þeim fyrstu sem stunda námið, það er t.d. mikil áhugi meðal fyrirtækja í þessum geira varðandi

Allt námið fer fram á ensku og þar sem ég er umvafin Íslendingum á stúdentagarðinum sem ég bý á voru ekki mörg tækifæri til að byrja með til þess að rifja upp gömlu góðu menntaskóladönskuna. CBS býður öllum erlendum nemendum upp á dönskukennslu þeim að kostnaðarlausu. Ég skellti mér í einn kvöldkúrs þar ásamt nokkrum öðrum Íslendingum og Svíum sem hjálpaði aðeins til en það var ekki fyrr en ég byrjaði að vinna í sumar sem danskan fór virkilega að rúlla. Fyrstu 2 vikurnar skyldi ég nánast ekki neitt og enginn skyldi mig en þetta er ótrulega fljótt að koma ef maður notar tungumálið á hverjum degi í smá tíma.

Lífið gengur fínt fyrir sig hér í Danmörku, enda Kaupmannahöfn yndislegur staður til að búa á, sérstaklega með börn. Það er þvílíkur lúxus að geta komist nánast allra sinna ferða á reiðhjóli, lest og metró og vera laus

við allt það vesen og þann kostnað sem fylgir því að vera á einkabíl. Aldrei mál að finna stæði og þúsundkallarnir fuðra ekki upp í bensínkostnað. Svo er maður farinn að herma eftir Dönunum og elta uppi bestu tilboðin (sérstaklega bleyjutilboð) í matvörubúðunum. Það er reyndar nauðsynlegt að taka stóra þolinmæðispillu áður en maður fer út úr húsi, því það gengur allt mun hægar fyrir sig hér heldur en maður er vanur heima á Íslandi.

Töluverðar breytingar voru gerðar á úthlutunarreglum Lánasjóðs íslenskra námsmanna (LÍN) í vor.

Lánakerfið er mun sveigjanlegra á

þann hátt að núna er lánað út á staðnar einingar í staðinn fyrir þá mánuði sem námsmaður er í skóla. Fyrir námsmenn sem stunda nám á Íslandi hefur þetta ekki miki áhrif en fyrir námsmenn í Danmörku þar sem að skólaárið er nánast undartekningalaust 10 mánuðir en ekki 9 mánuðir eins og á Íslandi hafa þessar breytingar í för með sér um 10% kjaraskerðingu yfir skólaárið. Nú er bara að bíða og sjá og vona að þessi villa verði lagfærð.

Skerðingahlutfallið er áfram 10% eins og í fyrra en nú er sú breyting á að það miðast við þreyttar einingar sem þýðir að ef námsmaður er í hálfu námi verður hann fyrir 5% skerðingu á útreiknuðu láni vegna tekna. Þrátt fyrir að skerðingahlutfallið sé í sögulegu lágmarki vona ég að það standi til að afnema það fyrir fullt og allt sem allra fyrst, því það getur reynst námsmönnum

fjárhagslega erfitt að hefja nám eftir hlé auk þess sem það á ekki að refsa fólki fyrir að vilja afla sér aukatekna með því að vinna með námi. Þrátt fyrir að pælingin sé að ungt fólk eigi að spara áður en það fer í nám þá er það nú hægara sagt en gert í því ástandi sem hefur ríkt á Íslandi síðastliðin ár. Verðbólga og stýrivextir upp úr öllu veldi. Sem betur fer er mjög gott félagslegt kerfi í Danmörku sem styður vel við bakið á tekjulágum einstaklingum, eins og námsmönn eru oftar en ekki.

Ég mæli hiklaust með því við alla sem eru að hugsa sér að bregða undir sig betri fætinum og skella sér í nám erlendis að láta verða af því. Það er alltaf hollt að breyta aðeins til og sjá heimalandið með augum útlendings í smá stund auk þess sem það er ómetanleg reynsla að fara erlendis í nám.

Höfundur: Eyrún Jónsdóttir. Greinin hefur áður verið birt á www.hugsandi.is

Nám í Kuala Lumpur

Ég heiti Vala Jónsdóttir og útskrifaðist með BA í sálfræði frá Háskóla Íslands í október 2007. Var í eitt ár í skiptinámi við Kaupmannahafnarháskóla og fór síðan aftur út til Kaupmannahafnar til að ljúka við BA ritgerðina mína, en unnusti minn Óskar Ingi Guðjónsson dvaldi þar þá við nám. Í janúar 2008 fluttum við svo saman til Malasíu þar sem við stundum nám og búum í höfuðborginni, Kuala Lumpur.

Segðu okkur aðeins frá náminu þínu og afhverju þú valdir það?

Ég er meistaranemi í stjórnunarsálfræði (MSc Management Psychology) og stunda nám í The University of Nottingham, á háskólasvæði þeirra í Malasíu. Ég er með BA í sálfræði frá Háskóla Íslands og þrátt fyrir að hafa upphaflega ætlað í klíníska sálfræði í framhaldnámi snerist áhugi minn að hagnýtri sálfræði. Ég hafði mestan áhuga á skipulags-, iðnaðarog vinnusálfræði og öðrum tengdum greinum en fann mig ekki alveg í því sem ég hafði verið að skoða. Einn daginn rak ég augun í stjórnunarsálfræði á heimasíðu Nottingham há-

skóla, sem er einskonar blanda af því sem heillaði mig mest og einnig mannauðsstjórnun. Námið býður upp á mun fleiri möguleika en það sem ég hafði áður verið að skoða og er ekki kennt í mörgum skólum.

Af hverju ákvaðstu að fara erlendis í nám?

Ég var ákveðin í því frá því að ég man eftir mér að fara erlendis í nám. Það kom einhvernvegin aldrei neitt annað til greina. Mig hefur alltaf langað til að upplifa eitthvað nýtt og víkka sjóndeildarhringinn; kynnast nýju fólki og nýrri menningu.

Af hverju Malasía?

Það var eiginlega röð tilviljana sem réði því að Malasía varð fyrir valinu. Ég var að ljúka við BA ritgerðina mína í Kaupmannahöfn og að skoða meistaranám í mörgum löndum og heimsálfum, ásamt því að vera með augun opin fyrir atvinnutækifærum. Á heimasíðu Nottingham háskóla rakst ég á „Malaysia Campus“ þar sem stjórnunarsálfræði var ein af þeim tveimur gráðum sem kynntar voru í hagnýtri sálfræði. Stuttu áður hafði Óskari boðist að bæta ári við sína menntun frá Kaupmannahöfn í Malasíu og fá BA í skapandi margmiðlunarhönnun (Creative Multi-

media Design). Þetta var allt saman of gott til að vera satt svo við drifum okkur bara í því að sækja um!

Er eitthvað sem kom þér á óvart?

Ætli flest hafi ekki komið mér á óvart þar sem ég vissi í rauninni ekki við hverju ég átti að búast. Menningarsjokkið er áframhaldandi þar sem hlutirnir hér ganga allt öðruvísi fyrir sig heldur en heima. Þetta er auðvitað þriðja heims land þó ferðamenn upplifi það ekki af dvöl sinni í miðbæ Kuala Lumpur. Flest allir tala ensku og samfélagið er mjög fjölmenningarlegt. Hér finnur maður jafnvel moskvu, hundú musteri og búdda hof í sömu götunni. Spillingin hér er þó mikil, allir svindla á öllum, mútur eru daglegur viðburður og fátt er ekki til sölu.

Er mikill munur á því hvernig námið fer fram í Malasíu og

þú hefur áður átt að venjast?

Nei, í rauninni ekki. Kennararnir eru flestir breskir og fljúga inn frá Bretlandi til að kenna áfangana. Kennslufyrirkomulagið er því öðruvísi en ég hef vanist, þar sem áfangarnir eru kenndir yfir tveggja vikna tímabil á kvöldin og um helgar. Námið er því í raun skipulagt sem hlutanám en ég tek það á tvöföldum hraða og stunda fullt nám með þessu fyrirkomulagi. Það var einmitt kennslufyrirkomulagið sem heillaði mig við námið. Einn áfangi er kenndur og svo ljúkum við honum á ákveðið löngum tíma áður en sá næsti byrjar. Það gefur mér svigrúm til að stjórna mínum eigin tíma og stunda námið á mínum eigin hraða.

Telurðu að stuðningur við íslenska námsmenn erlendis sé nægjanlegur? Hvað er gott og hvað mætti betur fara? SINE er frábært félag sem styður við bakið á námsmönnum erlendis. Það

var til að mynda heljarins barátta fyrir mig að fá námið mitt samþykkt hjá lánasjóðinum; aðallega vegna skipulags námsins sem hlutanáms og kennslufyrirkomulags þess sem er öðruvísi en heima. Skólinn gerði mér kleift að aðlaga námið að ströngustu kröfum LÍN og hefði ég aldrei komist hingað út ef ekki væri fyrir Hjördísi Jónsdóttur hjá SINE sem barst fyrir mínu máli.

ætlum við að reyna að ferðast eins og við getum. Stuttu eftir að við komum skutumst við yfir til Singapore í helgarferð og í sumar fengum við gesti frá Íslandi og fórum til Víetnam, Kambódíu og Tælands. Við höfum náð að ferðast þó nokkuð um Malasíu og Indónesía, Burma, Laos og Nepal eru á döfinni ef tími og fjármagn leyfa fyrir heimferð! Við flytjum svo líklegast

Myndirðu mæla með því að fólk fari utan til náms?

Já, hiklaust. Að mínu mati hefðu allir gott af því að kynnast öðrum löndum og annarri menningu á einhverjum tímapunkti; opna hugann og læra á lífið. Að ferðast um ókunnar slóðir, kynnast nýrri menningu, upplifa nýja hluti og kynnast nýju fólki er alveg nauðsynlegt ferðanesti út í lífið. Það er auðvitað bara frábært að geta stundað nám samtímis; gróðinn af því að stunda nám erlendis er að mínu mati fólginn í mun meiru en náminu einu.

Hver eru framtíðaráform þín?

Á meðan við erum búsett hér

til Danmerkur aftur þegar náminu okkar er lokið hér úti og förum á atvinnumarkaðinn. Svo bætir maður kannski við sig frekari menntun einhverntíman í framtíðinni; samkeppnin virðist vera frekar hörð á Íslandi um þessar mundir svo það er eins gott að mæta undirbúinn á atvinnumarkaðinn.

Ef einhverjir vilja fylgjast með ferðalaginu okkar og skoða myndir þá erum við með bloggsíðuna www.vala-oskar.blogspot.com fyrir þá sem hafa áhuga.

Höfundur: Vala Jónsdóttir

Ég var ákveðin í því frá því að ég man eftir mér að fara erlendis í nám. Það kom einhvernvegin aldrei neitt annað til greina.

Námsstyrkir á vegum

Íslensk-ameríska félagsins

Frá árinu 1965 hefur Íslensk-ameríska félagið árlega veitt námsmönnum sem hyggja

á framhaldsnám í Bandaríkjunum styrki

Íslensk-ameríska félagið sem stofnað var 1940, er eins og sambærileg félög á Norðurlöndum, systurfélag American Scandinavian Foundation. Félögin starfa að því að efla samstarf þjóða sinna og Bandaríkjanna í menntaog menningarmálum í samvinnu við American Scandinavian Foundation. Eftir

stofnun félagsins á styrjaldarárunum hófust námsdvalir

Íslendinga í háskólum og

öðrum menntastofnunum

í Bandaríkjunum sem ætíð hafa haft mikla þýðingu.

Við fráfall Thor Thors, sendiherra, sem hafði verið einn af stofnendum félagsins, var ákveðið að efla átakið í þágu menntamanna með stofnun sjóðs til minningar um hann. Umsjá og starf við Thor Thors sjóðinn hefur síðan verið eitt af aðalverkefnum félagsins. Íslensk-ameríska félagið var á sínum tíma mjög öflugur aðili í samkvæmis- og skemmtanalífi Reykvíkinga. Haldnar voru fjölmennar hátíðir með dansleikjum

á Thanksgiving Day og að öðru tilefni á vetrum og vori. Slík starfsemi hefur nú lagst af hjá þessu félagi og öðrum sambærilegum í höfuðborginni og því fundið nýr vettvangur starfs eða framlags við þjóðfélagið. Þýðingarmesta verkefni félagsins nú er úthlutun námsstyrkja og samskipti við

American Scandinavian Foundation í New York.

Styrkir

Frá árinu 1965 hefur Íslensk-ameríska félagið árlega veitt námsmönnum sem hyggja á framhaldsnám í Bandaríkjunum styrki. Thor Thors sjóðurinn er sá bakhjarl sem hefur gert félaginu mögulegt að úthluta þessum styrkjum. Sjóðurinn er nefndur í höfuðið á Thor Thors sem var skipaður aðalræðismaður Íslands hjá Sameinuðu þjóðunum í New York árið 1940. Hann varð síðar fyrsti sendiherra Íslands í Bandaríkjunum og fastafulltrúi hjá Sameinuðu þjóðunum sem hann gegndi til dauðadags. Thor Thors sat í fyrstu stjórn Íslensk-ameríska félagsins.

Thor Thors sjóðurinn er í umsjá

American Scandinavian Foundation í New York, en styrkirnir eru veittir af vaxtatekjum sjóðsins ásamt árlegum framlögum velvildarmanna og fyrirtækja í Bandaríkjunum til hans. Þeir sem hafa notið góðs af styrkveitingum úr sjóðnum eru íslenskir námsmenn í Bandaríkjunum og kennarar sem sækjasumarnámskeið við Luther College í Iowa. Aðrir styrkir sem er úthlutað á vegum Íslensk-ameríska félagsins eru svokallaðir Haystack styrkir en þeir eru hugsaðir fyrir listamenn sem sækja sumarnámskeið við

Haystack Mountain School of Arts í

Maine fylki í Bandaríkjunum.

Venjulega er sótt um styrkina á fyrstu mánuðum ársins eftir að þeir hafa verið auglýstir á heimsiðu félagsins www.iceam.is og þeim úthlutað að vori.

Hvernig á að sækja um?

Thor Thors styrkir til háskólanáms í Bandaríkjunum.

Umsækjendur skulu hafa lokið (eða ljúka í vor 2009) námi til fyrstu gráðu háskólastigs (B.A., B.Sc., B.Ed. eða sambærilegri gráðu).

Styrkhæft nám skal allt fara fram í Bandaríkjunum. Í ár var úthlutað styrkjum til 12 aðila, samtals að upphæð $46.000.

Umsóknareyðublöð má sækja á

www.iceam.is þar sem almennar upplýsingar koma einnig fram. Umsóknir þarf að senda eigi síðar en 1. apríl 2009 til Íslensk-ameríska félagsins, Pósthólf 320, 121 Reykjavík.

Styrkur á námskeið við Haystack Mountain School of Crafts

Menningarsjóður Pamelu Sanders Brement veitir styrki fyrir listafólk til að sækja námskeið við Haystack Mountain School of Crafts í Maine. Tveir styrkir eru í boði, hvor að upphæð $ 3.000. Námskeiðin eru ýmist 1 til 3 vikur hvert og eru haldin á

tímabilinu júní til september 2009. Frekari upplýsingar um námskeiðin og kennslugreinar má finna á heimasíðu skólans á www.haystack-mtn.org.

Styrkur á námskeið við Luther College

Styrkur þessi er fyrir starfandi kennara til að sækja fjögurra vikna námskeið við Luther College í Decorah, Iowa í júlí 2009 . Námskeiðið er á vegum Institute of American Studies for Scandinavian Educators og er ætlað til kynningar á bandarísku þjóðlífi og menningu. Styrkupphæð nemur $ 2.000 og gengur hún upp í hluta útgjalda. Upplýsingar um þennan styrk veitir Hannes K. Þorsteinsson, hannes@ ki.is hjá Kennarasambandi Íslands. Umsóknareyðublöð má sækja á www.iceam.is. Umsóknir um styrk til Haystack Mountain School og til Luther College þarf að senda eigi síðar en 1. mars 2009 til Íslenskameríska félagsins, Pósthólf 320, 121 Reykjavík.

Stjórn félagsins hvetur námsmenn í Bandaríkjunum til að sækja tímanlega um.

Kristinn T. Gunnarsson, formaður

Kristinn T. Gunnarsson

Segðu okkur aðeins frá tilurð www.nammi.is?

1998 byrjaði boltinn að rúlla með nammi.is, einn af mínum bestu vinum bjó í Bandaríkjunum og saknaði hann íslenska sælgætisins mikið, sendingar með allskyns sælgæti og öðru úr íslensku þjóðfélagi eins og remúlaði, steiktum lauk og jafnvel harðfiski urðu margar. Uppfrá þessu kviknaði hugmyndin að fyrstu síðunni sem við vinirnir bjuggum til, sú síða fór í gang árið 1999 og var vel tekið frá fyrsta degi. Árið 2001 opnuðum við verslun í Smáralind, þá var vefsíða nr. 2 gerð og fljótlega var hún þróuð yfir á ensku. Í ársbyrjun 2008 kom svo nýjasta útgáfan og hefur nammi. is aldrei verið blómlegri, en á vefsíðunni má finna allt að 600 vöruliði.

Hvað er hægt að kaupa á síðunni?

Nammi.is býður upp á allar þær vörur sem Íslendingar eru vanir að fá í sínu daglega lífi, t.d. harðfisk, gosdrykki, lýsi, lakkrís, sælgæti, pylsur, Coco Puffs, Cheerios, áfengi, flatkökur og jafnvel hákarl. Svo erum við einnig með íslenskar DVD myndir, bækur og boli frá DOGMA.

Hverjir eru ykkar helstu viðskiptavinir?

Íslendingar búsettir erlendis eru helstu viðskiptavinirnir, einnig eru það Íslandsvinir sem panta eftir ánægjulega dvöl á Íslandi og svo ættingjar hér heima sem vilja gleðja vini og vandamenn erlendis. Einnig höfum við þjónustað fyrirtæki hér heima sem senda glaðning til við-

Nammi.is

Viðtal við Sófús Gústavsson

skiptavina og samstarfsfélaga um allan heim.

Hvað er vinsælasta varan?

Topp 10 listinn á forsíðu nammi.is er snilld, þar geta viðskiptavinir séð söluhæstu vörurnar. Í dag er listinn svona.

1. Þorskalýsi

2. Lakkrísreimar fylltar

3. Icelandic glacialvatn

4. Stjörnu rúllur

5. Eitt sett

6. SS Pylsur

7. Nizza

8. Rolo

9. Lakkrísrör

10.

Af hverju heldur þú að Íslendingar erlendis sækist svona mikið í íslenska nammið?

Fyrst og fremst er það vegna lakkrísins og íslenska súkkulaðisins, eins og t.d. Þristur, Tromp og Eitt sett eru þær vörur sem seljast mest. Einnig súkkulaðistykkin frá Nóa, þessar 100 gramma plötur, seljast mjög vel allt árið. Og nú er að koma á markaðinn nýtt Nizza núggatsúkkulaði frá Nóa sem verður örugglega mjög vinsælt.

Hefur eitthvað komið þér á óvart?

Já Íslendingar eru víðförlir, þeir eru mjög víða, en það tók okkur aðeins um 2 ár að klára heiminn þ.e. að senda til þeirra landa sem eru opin fyrir sendingar á sælgæti.. Einnig höfum við rekið okkur á breytingar á reglugerðum í nokkrum löndum eftir t.d. hryðjuverkaárásina í Bandaríkjunum 2001, þ.e.a.s. innflutningsreglur eru orðnar mun stífari og höfum við í kjölfarið þurft að sækja um undan-

þágur eða sérstök leyfi fyrir innflutningi. Það sem er svo skemmtilegt við óskir okkar viðskiptavina er að þegar Íslendingar eru orðnir vanir einhverju hér á landi og finna ekkert í líkingu við það í viðkomandi landi þá reyna þeir allt til þess að verða sér út um þá vöru, þar komum við sterkir inn. Við útvegum það sem óskað er eftir, og sem dæmi um þetta höfum við sett inn á síðuna íslenska kjötsúpu frá Toro, krydd frá Knorr, kartöflukrydd fyrir franskar, Quality Street frá Machintos, Rolo súkkulaðimolana frægu og steiktan lauk.

Eru einhverjar nýjungar væntanlegar?

Nammi.is vinnur í nýjungum daglega, vefsíðan er uppfærð mörgum sinnum á dag og er starfsfólk nammi.is alltaf á höttunum eftir nýjum vörum. Það nýjasta er t.d. ístertur og leiga á krapvélum innanlands, ísveislur í fyrirtæki hér á landi, bolir og peysur með íslenskum setningafrösum eða myndum, íslenskar DVD bíómyndir, íslenskar bækur, en þó aðallega um Ísland, allar vörur Lýsis, spil, fánar, sleikjóar og margt annað sem Íslendingar vilja hafa í kringum hátíðir t.d. jól, páska og á þjóðhátíðardaginn 17. júní.

Þær vörur sem væntanlegar eru: fleiri bækur, veisluþjónusta fyrir innlendan markað, vefnaðarvörur, gjafavörur og minjagripir, skartgripir, skyr og margt fleira. Við tökum vel á móti óskum okkar viðskiptavina, því það eru jú þeir sem okkur þykir vænt um og við viljum veita þeim góða þjónustu.

- lakkrís

Risatópas - saltlakkris

Kynntu þér spennandi meistaranám við Háskólasetur Vestfjarða

Tökum á móti umsóknum á vorönn til 15. desember 2008 og á haustönn til 15. apríl 2009.

Meistaranám í haf­ og strandsvæðastjórnun býr nemendur undir að takast á við eitt af mest knýjandi viðfangsefnum framtíðarinnar, nýtingu og stjórnun auðlinda.

Heil sumarönn kennd og hvert námskeið kennt í þriggja vikna lotu.

Nánari upplýsingar: www.hsvest.is

Nám á Ítalíu

Já Ítalía, ég var þar við nám í höfuðborginni, Mílanó, í þó nokkurn tíma. Margt hefur verið sagt um borgina, í ferðabæklingum er henni lýst sem hátískuborg þar sem módel, frægir fótboltamenn og annað glæsifólk liðast um göturnar. Aðrir segja að þetta sé sóðaleg viðskiptaborg með veggjakrot um allt, hundaskít á gangstéttum og útigangsfólki á hverju horni að betla pening. Segja þeir menn að borgin sé subbuleg og eigi ekkert skylt með öðrum stöðum á yndislegu Ítalíu.

Í raun eiga báðar lýsingarnar vel við. Á mínu grúski um borgina þá finnst mér best að lýsa henni eins og yndislegri gjöf í innpakkningu sem lætur á sjá vegna slæmrar meðhöndlunar póstburðarmanna, sem vilja bara að hún komist í gegnum helv...lúguna hjá þér, alveg sama hvað. Það vita allir hvernig blaðið lítur út eftir þá meðferð;), lítil umhyggja. Það þarf að hafa fyrir því að leiða það hjá sér sem sést við fyrstu sín til að komast að kjarnanum.

Þegar maður er námsmaður hvort sem er í besta landi í heimi, Íslandi, eða erlendis þá eru peningar af skornum skammti en hugmyndaflugið aldrei jafn sterkt. Uppátektin við að finna sér eitthvað til afþreyingar, sem skal vera skemmtilegt, ekki verra ef það sé saðsamt og mikilvægast af öllu ódýrt, er alveg einstök og færa manni oft bestu minningarnar.

Mílanó er viðskiptaborg Ítalíu og er mikið af fólki sem rennur þar í gegn.

Eins og annarsstaðar einkennist viðskiptalífið þar af mikilvægi tengslanetsins og eflingu þess. Það að hittast á bar eftir vinnu til að efla vinskapinn, plögga sig, sýna sig og sjá aðra og fá sér einn drykk á barnum áður en haldið er heim á leið er tólið til þess. Þar sem Ítalir hugsa mikið um mat og vín myndaðist sá kúltúr í Mílanó sem gengur almennt undir nafninu „aperitivo“, sem þýðir fordrykkur eða lystauki. Felur hann í sér þá snilld að á öllum börum milli ca. fimm til sjö er fingramatur á boðstólnum, FRÍTT. Ástæðan jú að það fer ekki vel í neinn að fá sér áfengan drykk á fastandi maga eða það er það sem ég vil halda alla veganna. Barirnir eru misjafnir þó og bjóða

allt frá hnetum og upp í kjötbollur, gratíneraðar kartöflur og með því og ekki skemmir það fyrir að í Mílanó aftur ólíkt öðrum börum á Ítalíu og jafnvel sjálfri New York er fjölbreytnin í kokkteilum gríðarleg. Þið getið því rétt ímyndað ykkur hvað okkur íslensku námsmönnunum í útlöndum fannst þegar við uppgötvuðum þetta og það var ekki einu sinni kreppa;)…margar minningar þaðan. Fyrir þá sem vilja hafa svolítið fyrir því að taka utan af pakkanum þá mæli ég sterklega með Trattoria Toscana í Corso di Porta Ticinese nr. 58 og ég lofa því að þið sjáið ekki eftir innihaldinu.

Höfundur: Hulda Þuríður Aðalsteinsdóttir

Það er ekki auðvelt að vera íslensk ur námsmaður erlendis í dag enda gengið í algjörum botni og allt í volli.

Þó svo það versta sé vonandi yfirstaðið er ekki of seint að temja sér nokkrar góðar reglur þegar kemur að fjármálum í námi og eru þær taldar upp hér að neðan:

1. Farðu yfir stöðuna Gerðu fjárhagsáætlun til amk. 12 mánaða og jafnvel til lengri tíma. Þú getur áætlað eða notað gamlar

Peningavit í kreppu

Fjárhagsáætlunin tekur saman reglu lega og óreglulega útgjaldaliði (fæði, leiga, samgöngur, internet, ferðalög, tryggingar...) Í fyrstu tilraun gerir þú eflaust mistök, vanáætlar suma liði, ofáætlar aðra og gleymir einhverjum útgjaldaliðum algjörlega –en það er betra að hafa einhverja áætlun frekar en neina. Þú getur svo betrumbætt og endurskoðað fjárhagsáætlunina reglulega.

Þegar þú ert kominn með langtíma fjárhagsáætlun færðu einhverja hugmynd um hvert stefnir hjá þér. Kannski þarftu að skera niður einhversstaðar, saxa á skuldir og fara varlega með peningana, eða kannski hefurðu efni á að gera betur við þig en þig grunaði.

Þegar þú ert kominn með langtíma fjárhagsáætlun færðu einhverja hugmynd um hvert stefnir hjá þér. Kannski þarftu að skera niður einhversstaðar, saxa á skuldir og fara varlega með peningana, eða kannski hefurðu efni á að gera betur við þig en þig grunaði.

Dæmi um fjárhagsáætlun

2. Haltu bókhald

Fæstir Íslendingar halda nákvæmt heimilisbókhald og margir halda að það sé nógu gott “bókhald” að hafa yfirlit yfir debetkortafærslurnar í bankanum. Enn aðrir láta duga að skoða bara stöðuna á reikningum í lok hvers mánaðar.

Alvöru bókhald felst hins vegar í því að taka kvittun, alltaf og undantekningalaust, eða hripa niður á blað viðskiptin sem áttu sér stað ef þú færð ekki kvittun einhverra hluta vegna (t.d. þegar ferðast er með strætó). Þegar heim er komið eru kvittanirnar teknar úr vösunum og raðað á ákveðinn stað, t.d. safnað í umslag eða skúffu.

Síðan þarf vikulega (eða mánaðarlega en það er samt verra) að skrá eyðsluna inn í einfalt Excel-skjal þar sem hver greiðsla er sett í réttan flokk (matarinnkaup, veitingastaðir, húsnæðisrekstur, samgöngur, námstengd gjöld o.s.frv).

Það er mjög nauðsynlegt að fá þessa nákvæmu yfirsýn. Með þessu móti sérðu mjög vel í hvað peningarnir eru að fara. Með því að uppæra bókhaldið vikulega geturðu séð hvert stefnir þann mánuðinn: hvort þú ert að eyða of miklu eða ert á góðu róli.

Það skiptir miklu máli að vera nákvæmur og aðhaldssamur því umframeyðsla safnast upp. Ef þú eyðir

bara 10.000 kr. meira en þú ætlar þér mánaðarlega þá verður það að verulegri upphæð í lok vetrar.

Dæmi um heimilisbókhald:

3. Reiknaðu dæmið til enda Þegar þú ert búinn að gera fjárhagsáætlun og heldur heimilisbókhald færðu miklu skýrari mynd af því hvar þú stendur og hvert þú stefnir fjárhagslega.

Með þessa yfirsýn að vopni sérðu hvar borgar sig að gera breytingar og hvaða hættur þarf að varast. Fáðu upplýsingar hjá bankanum þínum hvaða vextir eru á skuldunum þínum og gerðu áætlun til að borga sem fyrst og hraðast upp þau lán sem bera hæstu vextina.

Það er mjög nauðsynlegt að fá þessa nákvæmu yfirsýn. Með þessu móti sérðu mjög vel í hvað peningarnir eru að fara.

Peningavit í kreppu

Ef þú ætlar að gera vel við þig reiknaðu þá kostnaðinn við það til enda. Ef þú hefur t.d. efni á að eyða 30.000 kr. í rekstur á bíl mánaðarlega þá þýðir það ekki að þú getir borgað 30.000 kr. af bílalánum – þar þarft þú að taka með í dæmið bensín, tryggingar, tilfallandi viðgerðir og viðhald bílsins. Ef þú gleymir þér og fellur í freistni þá annað hvort eyðirðu um efni fram og safnar skuldum, eða þú þarft að minnka við þig einhver önnur gæði.

4. Fáðu þá hjálp sem þú getur Það er furðu algengt að íslenskir námsmenn nenni ekki að sækja um námsstyrki – þeir láta bara Lánasjóðinn sjá um sig.

En námslán þarf að endurgreiða á endanum og styrkir geta sparað stórfjárhæðir, bæði í núinu og í framtíðinni. Þó það taki kannski 1-2 klst. að fylla út umsóknina þá gætirðu verið með besta tímakaup ævi þinnar þessar klukkustundir, ef þú hreppir styrkinn.

Ekki heldur vera feiminn að leita til ættingja um fjárhagslegan stuðning. Kannski á pabbi, mamma, afi, amma eða frændur og frænkur einhvern aur til að gefa þér eða lána. Best er auðvitað að fá peninga gefins en það er amk. betra að fá vaxtalaust lán frá ættingja en dýrt lán frá banka.

5. Vertu raunsær og taktu á vandanum Þegar þú gerir þínar fjárhagsáætlanir og bókhald skaltu forðast að falla í þá gryfju að ofáætla tekjur og vanáætla gjöld. Reyndu að gera svartsýnni spá frekar en bjartsýnni –annars gætirðu farið að eyða um efni fram.

Ef þú verður var við að þú eyðir um efni fram þá ekki stinga vandanum í skúffuna. Taktu á umframeyðslu með skipulögðum og öguðum hætti því annars vinda vandamálin upp á sig. Ef þú stingur höfðinu í sandinn verða vandamálin bara stærri og dýrari að fást við.

6. Þekktu réttindi þín inn og út Í sumum tilvikum geta Íslendingar erlendis nýtt sér námslánakerfi

námslandsins. Stundum þarf að fara “í kringum” reglurnar t.d. með því að koma til námslandsins sem vinnumaður, skrá sig í vinnu og síðan sækja um námslán (þetta er t.d. raunin innan ESB). Í sumum tilvikum getur þetta verið mun hagkvæmara, t.d. eru námslánaupphæðir á Norðurlöndunum töluvert hærri en á Íslandi um þessar mundir. Endurgreiðsluskilmálar geta hins vegar verið óhagstæðari en á Íslandi.

Mundu að þú getur sótt um námslán hjá LÍN þó svo námið sé hafið. Ef þú hefur ætlað að fjármagna námið án þess að taka lán íhugaðu þann kost að taka lán ef útlit er fyrir að sjálfsaflafé þitt dugi ekki lengur. Námslánin hjá LÍN eru einhver ódýrustu og hagkvæmustu lán sem hægt er að fá.

7. Fjárhagsleg fyrirhyggja

Hafðu neyðarsjóð til taks. Geymdu í banka í námslandinu eða á öruggum stað heima hjá þér upphæð sem dugar fyrir framfærslu eins mánaðar. Það getur alltaf gerst að þú týnir kreditkorti, vegabréfi eða einhver önnur vandkvæði koma upp sem valda því að þú getur ekki sótt þér pening til Íslands í einhvern tíma og þá er gott að vera viðbúinn.

Taktu með þér tvö, jafnvel þrjú debetkort, jafnvel frá tveimur ólíkum bönkum. Gættu þess að eitt kort sé Visa Electron og annað Maestro, því sumsstaðar erlendis getur verið erfiðara að taka út með annarri tegundinni, eða að úttektarkostnaður eða hámarksupphæð úttektar er lægri fyrir aðra tegund kortana.

Í sumum tilvikum getur þetta verið mun hagkvæmara, t.d. eru námslánaupphæðir á Norðurlöndunum töluvert hærri en á Íslandi um þessar mundir

Þú hefur þá líka varakort ef þú týnir einu debetkortinu og getur millifært á milli reikninganna þinna í heimabankanum eins og þarf. Það er líka gott að hafa fleiri en eitt debetkort ef þú þarft að taka út mikinn pening á stuttum tíma. Oft er ekki hægt að taka út nema kringum 30.000 krónur á sólarhring erlendis með debetkorti.

Hafðu með þér kreditkort en notaðu það aðeins í algjörum undantekningartilvikum. Mikil gjöld leggjast á peningaúttektir með kreditkortum. Kreditkort geta helst komið að gagni til að:

a. borga flugfarseðla á netinu,

b. borga skólagjöld,

c. borga fyrir stærri muni eða d. sem neyðarúrræði ef vandamál skapast með debetkorti.

Reyndu að finna út hvernig er ódýrast fyrir þig að nálgast peningana þína. Oft er tiltölulega ódýrt og einfalt að taka pening úr hraðbönkum með debetkorti. Það getur líka verið ódýrt að flytja stóra fjárhæð rafrænt á bankareikning í nýja landinu, en athugaðu að í mörgum löndum er dýrara og flóknara að eiga bankareikning en við eigum að venjast á Íslandi, og kannski svarar umstangið og bankagjöldin ekki kostnaði. Að fá peningasendingar, t.d. með Western Union, er frekar dýrt en dugar sem neyðarúrræði.

8. Komdu þér upp öryggisneti Í flestum löndum er hægt að finna íslenskan ræðismann eða jafnvel sendiráð. Þá starfa Íslendingar víða, ýmist á vegum íslenskra eða erlendra fyrirtækja. Stofnaðu til kynna við þetta fólk, láttu vita af þér og mættu á viðburði t.d. Íslendingakvöld.

Höfundur: Ásgeir Ingvarsson

Ef eitthvað kemur upp á geturðu

leitað til þessa fólks eftir aðstoð, enda standa Íslendingar saman í neyð. Það getur líka reynst ómetanlegt að hafa gott tengslanet, t.d. til að finna gott leiguhúsnæði eða vinnu.

9. Sýndu fjárhagslega skynsemi

Reyndu að hagræða því þannig að þú sért ekki að reka þig á yfirdrætti eða neyslulánum. Yfirdráttarvextir geta hæglega kostað þig sem samsvarar framfærslu 2-3 mánaða á ári og það munar um minna. Það er alltaf ódýrara að eiga fyrir hlutunum.

Ekki falla í þá freistni að eyða um efni fram og haltu góðri yfirsýn yfir fjármálin. Með hæfilegu aðhaldi og skynsemi áttu eftir að geta gert betur við þig til lengri tíma litið.

10. Elskaðu þjónustufulltrúann þinn

Það getur verið ómetanlegt að eiga gott samband við þjónustufulltrúann sinn í bankanum. Góður þjónustufulltrúi sem þekkir þig vel getur leyst ýmis mál í gegnum tölvupóst eða síma. Einn sniðugur námsmaður lét þjónustufulltrúann sinn fá lítinn konfektkassa áður en hann hélt af stað úr landi. Í dag kann þjónustufulltrúinn kennitölu námsmannsins nánast utan að, svo gott er sambandið orðið.

Reyndu að finna út

er ódýrast

hvernig

fyrir þig að nálgast peningana þína…

Styrkir til að efla rannsóknir á sviði umhverfisog orkumála

Orkurannsóknasjóður

L andsvirkjunar auglýsir:

Markmið sjóðsins er að veita styrki til námsmanna og rannsóknarverkefna á vegum háskóla, stofnana, fyrirtækja og einstaklinga. Styrkveitingar sjóðsins miða að því að gera fjárframlög Landsvirkjunar til rannsókna skilvirkari og sýnilegri, og tryggja að þær rannsóknir sem sjóðurinn styrkir samrýmist umhverfisstefnu Landsvirkjunar.

Auglýst er eftir umsóknum um námsstyrki og verkefnastyrki.

Landsvirkjun er orkufyrirtæki sem leggur grunn að nútíma lífsgæðum. Fyrirtækið stefnir að því að verða öflugt á alþjóðavettvangi og starfar af ábyrgð í anda sjálfbærrar þróunar.

Landsvirkjun er helsti raforkuframleiðandi á Íslandi og í forystu fyrir byggingu orkuvera sem hafa verið meðal stærstu framkvæmda á landinu.

Landsvirkjun styðst við fjölbreytt rannsóknarstarf á sviði náttúruvísinda, verkfræði og orkumála, og rekur umfangsmikla fjármálastarfsemi á alþjóðamarkaði.

Hjá Landsvirkjun og dótturfélögum starfa rúmlega 200 manns með fjölbreytta menntun. Landsvirkjun vill vera í fararbroddi í framsækinni stjórnun og leggur áherslu á jafnrétti og tækifæri til starfsþróunar.

Styrkir til nemenda í meistara- eða doktorsnámi: Styrkir til efnilegra nemenda sem áforma eða stunda meistara- eða doktorsnám á sviði umhverfiseða orkumála.

Styrkir til rannsókna á sviði umhverfis- og orkumála: Almenn rannsóknarverkefni á sviði umhverfis- og orkumála. Styrkir eru veittir til hluta þess kostnaðar sem hlýst af vinnu sérfræðinga, þátttöku meistara- og doktorsnema, og öðrum útgjöldum.

Að þessu sinni eru í heild allt að 46 m.kr. til ráðstöfunar, allt að 38 m.kr. til rannsóknarverkefna á sviði umhverfis- og orkumála, og allt að 8 m.kr. til styrkja fyrir 10–15 nemendur í meistara- og doktorsnámi.

Umsækjendur þurfa að leggja fram lýsingu á rannsóknarverkefni sínu, og rökstuðning fyrir því að verkefnið tengist markmiðum sjóðsins. Tengingar við umsóknareyðublöð og nánari upplýsingar um þau gögn sem fylgja eiga umsókn er að finna á vefsíðu Landsvirkjunar, www.lv.is

Umsóknum ásamt fylgigögnum skal skila rafrænt á netfang sjóðsins: orkurannsoknasjodur@lv.is

Fyrirspurnir má senda á netfangið orkurannsoknasjodur@lv.is.

Umsóknarfrestur er til 15. janúar 2009.

Öllum umsóknum verður svarað og farið með þær sem trúnaðarmál.

Stjórn og starfsmaður SÍNE eru stöðugt á ferðinni að kynna félagið og nám erlendis. Okkur er boðið að kynna félagið fyrir útskriftarárgöngum í framhaldsskólum landsins, á Háskóladeginum og í haust á ársfundi ASÍ.

Meðfylgjandi myndir eru frá ýmsum kynningum sem að SÍNE hefur verið boðið að taka þátt, ásamt hádegisráðstefnum þar sem SÍNE hefur boðið velvöldum gestum að fjalla um nám erlendis og gildi þess fyrir íslenskt samfélag.

Meginmarkmiðið er alltaf að auka veg og vanda náms erlendis og kynna það fyrir sem flestum.

RANNSÓKNARNÁMSSJÓ‹UR Fyrir meistara- og doktorsnema

Hlutverk Rannsóknarnámssjó›s er a› styrkja rannsóknatengt framhaldsnám a› loknu grunnnámi vi› háskóla. Augl‡st er eftir umsóknum um almenna styrki í byrjun hvers árs. Einnig er hægt a› sækja um FS styrki, sem eru veittir í samvinnu vi› fyrirtæki og stofnanir. Umsóknarfrestur fyrir FS styrki er opinn. FS styrkir eru sérstaklega ætla›ir til a› efla samvinnu í íslensku atvinnulífi milli fyrirtækja, stofnana og háskóla.

Nánari uppl‡singar um tilhögun almennra styrkja svo og FS styrkja er a› finna á heimasí›u RANNÍS www.rannis.is og í tölvupósti hjá eirikur@rannis.is. Umsóknum skal skila› á sérstökum ey›ublö›um sem hægt er a› nálgast á heimasí›u RANNÍS.

Rannís Rannsóknami›stö› Íslands Laugavegi 13, 101 Reykjavík www.rannis.is

Ljósm: Björgvin Óskarsson

Námsmenn taka höndum saman

Til að efla hagvöxt og koma á stöðugleika í samfélagi er algjört grundvallaratriði að menntunarstig landsins haldist hátt og fari stigvaxandi.

Undirritaðar námsmannahreyfingar á Íslandi óska eftir fundi með menntamálanefnd Alþingis til þess að ræða alvarlega stöðu íslenskra námsmanna og fá svör við neðangreindum atriðum.

Á óvissutímum eru uppi ólík sjónarmið um hvaða aðgerðir ráðamenn landsins skuli grípa til þegar kemur að stefnumótun þjóðarinnar til framtíðar og hvernig megi leiða þjóðina úr þeim fjárhagslegu ógöngum sem nú blasa við. Það gefur augaleið að ákvarðanir ráðamanna næstu daga og vikur koma til með að hafa bein áhrif á framtíð okkar námsmanna sem og landsmanna allra.

Undirritaðir fulltrúar námsmannahreyfinga á Íslandi hafa áhyggjur

af því að framtíðarhagur og velferð umbjóðenda sinna gleymist í rokinu þannig að þeim verði ekki best borgið í íslensku samfélagi. Ungt fólk og stúdentar neyðist því til að flytja búferlum til annarra landa sem bjóða upp á betri kosti en Ísland en eins og skoðanakannanir og fjölmiðlar hafa sýnt er sú þróun þegar í farveginum. Námsumhverfi og menntakerfi á Íslandi verður að vera tryggt svo námsmenn geti með góðu móti búið hér, annars er hætt við því að stór hluti sjái hag sinn í brottflutningi til annarra landa þar sem öryggi á atvinnumarkaði og í samfélagi er meira en hérlendis. Námsmenn og ungt fólk er sá hópur þjóðarinnar sem á hvað auðveldast með að flytja á erlendar slóðir til frambúðar en á sama tíma hópur sem ráðamenn ættu að gera hvað mest til þess að halda innan landsteinanna.

Til að efla hagvöxt og koma á stöðugleika í samfélagi er algjört grundvallaratriði að menntunarstig landsins haldist hátt og fari stigvaxandi. Það er lykilatriði að nægt framboð sé af ungu og menntuðu fólki úti á vinnumarkaði svo það geti lagt þekkingu sína, menntun og nýsköpun á vogarskálar við uppbyggingu þjóðfélagsins á nýjan leik.

Samstaða ríkir meðal námsmanna og beiðnir okkar beinast til stjórnvalda. Við óskum eftir skýrum svörum og stefnu um málefni námsmanna landsins þar sem framtíð okkar er óviss. Óskir okkar varða grunnstoðirog þarfir námsmanna þ.e. Lánasjóð íslenskra námsmanna, háskóla landsins, atvinnumöguleika ungs fólks og húsnæði.

Óskirnar eru eftirfarandi:

1. Að hlúið verði áfram að menntakerfi þjóðarinnar og að þjónustustig háskóla og gæði kennslu verði ekki skert þegar aukinn fjöldi námsmanna sækir nám sitt þangað.

2. Að þjónustustig Lánasjóðs íslenskra námsmanna verði ekki skert og að sjóðurinn haldi áfram að tryggja framfærslu námsmanna á meðan á námi stendur skv. 1. grein laga Alþingis um LÍN.

3. Að mánaðarlegar greiðslur verði teknar upp á vegum LÍN til þess að stúdentar þurfi ekki að fá yfirdráttarlán frá bönkunum á tæplega 20% vöxtum fyrir eftirágreiddu láni úr sjóðnum.

4. Að ríkið og LÍN endurskoði grunnframfærslu og reikni hana út miðað við raunverulegt verðlag nauðþurfta í þjóðfélaginu. Núverandi grunnframfærsla

LÍN er ekki nægilega há til að stúdentar geti séð sér farborða með henni einni saman. Þeir hafa þurft að vinna með námi og leggja fyrir sumarlaun til að ná endum saman. Kúvending á vinnumarkaði hefur gjörbreytt tekjumöguleikum stúdenta með námi og að sumri sem nauðsynlegt er að bregðast við.

5. Að háskólar á landinu taki upp námskeið og kennslu yfir sumartímann fyrir þá stúdenta sem fá ekki vinnu. Að öðrum kostum neyðast atvinnulausir stúdentar til þess að sækja um atvinnuleysisbætur frá ríkinu.

6. Að efla og styrkja Nýsköpunarsjóð námsmanna og sporna þannig við auknu atvinnuleysi og ýta undir framtakssemi námsmanna.

7. Að ríkisstjórn og sveitarfélög styðji rækilega við uppbyggingu nýrra stúdentagarða og efni þá

samninga sem þegar hafa verið undirritaðir. Fleiri hundruð stúdenta bíða eftir stúdentahúsnæði og þeim mun fjölga þar sem æ fleiri námsmenn sjá fram á mikla fjárhags- og greiðsluörðugleika.

8. Að stjórnvöld taki höndum saman við aðra Íslendinga við að byggja upp samfélag grundvallað á þekkingu, jafnrétti, félagslegu réttlæti og manngildi.

Undir þetta ritar Stúdentaráð Háskóla Íslands, Stúdentaráð Háskólans í Reykjavík, Stúdentaráð Kennaraháskóla Íslands, félag stúdenta við Háskólann á Akureyri, Listaháskóli Íslands, Stúdentafélag Háskólans á Hólum, Samband íslenskra námsmanna erlendis, Samband íslenskra framhaldsskólanema og Hagsmunafélag íslenskra framhaldsskólanema.

Staða námsmanna í Danmörku

ingum á vefsvæði könnunarinnar, fyllsta trúnaðar var gætt og svör ekki rakin. Svarhlutfall var 45%.

Þátttakendur voru 135 íslenskir námsmenn í Danmörku, 72 konur og 63 karlar, á aldrinum 20-51 árs. 53,3% svarenda hafa eitt eða fleiri börn á framfæri. Að auki fengust upplýsingar um fjölskyldustöðu og fjölda barna. Rannsóknarskýrsla er ekki fullunnin en hér verður greint frá nokkrum frumniðurstöðum.

Samantekt á niðurstöðum könnunar um áhrif efnahagslegrar kreppu á íslenskum fjármálamarkaði á veru íslenskra námsmanna í Danmörku.

Könnunin var gerð á tímabilinu 11. – 18. nóvember 2008 og er liður í rannsókn Guðrúnar Bjarkar Marinósdóttur meistaranema í mannauðsstjórnun við Háskóla Íslands, í námskeiðinu þættir í aðferðafræði undir leiðsögn Auðar Hermannsdóttur forstöðumanns Viðskiptafræðistofnunar.

Markmið rannsóknarinnar er að greina hvort breytingar hafi orðið á efnahagslegri stöðu, líðan, bjartsýni og framtíðaráformum íslenskra námsmanna í Danmörku í kjölfar efnahagslegrar kreppu á fjármálamarkaði á Íslandi á árinu 2008. Niðurstöður könnunarinnar munu sýna hvort íslenskir námsmenn í Danmörku telji stöðu sína hafa breyst í nokkrum veigamiklum atriðum síðastliðna 12 mánuði. Send var út beiðni til þátttakenda um að svara spurningalista með 13 spurn-

Þegar spurt var hvort efnahagur námsmannsins hefði breyst á árinu 2008 miðað við árið á undan svöruðu 84,5% þátttakenda að hann væri verri og þar af 36,3% að efnahagurinn væri mun verri á árinu 2008 en árið á undan. 74,1% þátttakenda telja möguleika sína á að fá það framtíðarstarf sem þeir sóttust eftir vera minni nú en fyrir 12 mánuðum síðan, 24.5% töldu þá vera mun minni nú. 55%, eða rúmlega helmingur þátttakenda, segir kreppu á íslenskum fjármálamarkaði hafa seinkað fyrirætlunum sínum eða fjölskyldunnar um að flytja aftur heim til Íslands. 37,4% svarenda segja fjár málamarkaðs kreppuna engin áhrif hafa haft á fyrirætlanir þeirra um heimflutning, en leiða má lýkur að því að innan þessa hóps séu þeir sem ekki höfðu áform um að flytja heim að öllu jöfnu.

67,4% þátttakenda sögðu líðan sína almennt vera verri á árinu 2008 miðað við árið á undan. 49,6% námsmanna telur að þeir eða fjölskyldur þeirra muni hafa það verra eftir 12 mánuði en í dag sem virðist sýna töluverða tilhneygingu til svart sýni.

Af svörum námsmanna

í Danmörku má ráða að efnahagur hefur breyst hjá miklum meirhluta þeirra á árinu 2008 miðað við árið á undan í kjölfar kreppu á íslenskum fjármálamarkaði og er efnahagurinn mun verri nú þegar til heildar er litið en fyrir ári síðan. Eins sýna niðurstöður að framtíðaráform námsmanna hafa breyst þar sem margir hafa seinkað heimflutningi, eða 55% svarenda og 74,1% telja minni líkur á því að þeir fái það framtíðarstarf sem þeir sóttust eftir að námi loknu. Niðurstöður þessar má telja nokkuð sláandi þar sem venjan hefur verið sú að meirihluti þeirra Íslendinga sem fer til náms erlendis flytji heim fljótlega að námi loknu og hefji þar störf þar sem menntun þeirra nýtist. Núverandi ástand íslensks þjóðfélags og þjóðarbúskapar hefur þannig að því er virðist haft veruleg áhrif á efnahag námsmanna í Danmörku, framtíðaráform þeirra, líðan og bjartsýni.

Guðrún Björk Marinósdóttir Árósar, Danmörku, 20. nóvember

Guðrún Björk Marinósdóttir

Niðurstöður könnunarinnar munu sýna

hvort íslenskir námsmenn í Danmörku

telji stöðu sína hafa breyst í nokkrum

veigamiklum atriðum síðastliðna

12 mánuði.

“Ef ég spila fótbolta tvisvar í viku, þá er það að fara í ræktina fjórum sinnum í viku kannski of mikið. En ég er búinn að venja mig á að fara í ræktina fjórum sinnum í viku og ég vil ekki hætta því. En er þetta ekki of mikið álag fyrir líkamann” hugsa ég með mér inni á þröngu flugvélarklósettinu, minnugur þess að hafa rifið liðþófa árið 2001, eftir að hafa ákveðið að “ég ætlaði að koma mér í geggjað gott form og rúlla upp utandeildinni í fótbolta”.

Ég er að fara í mastersnám í leikstjórn í East 15 leiklistarskólanum við háskólann í Essex, eftir að hafa útskrifast í fyrsta hópnum sem fór í gegnum hið nýja leiklistarfræði og framkvæmdarnám við Listaháskóla Íslands. Ég játa það að ég var aldrei neitt óskabarn þeirra sem skipulögðu og kenndu fræði og framkvæmd. Ég hafði ekki farið í leikhús mjög lengi þegar námið hófst og fannst eiginlega yfirleitt leiðinlegt í leikhúsi, sem ég viðurkenndi fúslega í inntökuviðtalinu. Ég taldi mig samt hafa eitthvað fram að færa og náði að sannfæra inntökunefndina um það og inn komst ég. Enda hafði ég ekkert við leikhúsformið sjálft að athuga, heldur það sem var verið að gera innan þess. Mér þótti það einfaldlega flest mjög óáhugavert. Ég skoðaði ávallt bæklinga Borgarleikhússins og Þjóðleikhússins við upphaf hvers leikárs mjög vel. En það var ekkert sem vakti áhuga minn nægilega mikið til að ég borgaði 3 eða 4 þús. kr. fyrir miðann. Sem dæmi um hversu lítinn áhuga ég hafði á íslensku leikhúsi við upphaf náms míns, sést best þegar okkur var boðið á leikritið Himnaríki í Hafnarfjarðarleikhúsinu fyrstu vikuna okkar í skólanum. Þetta var endurvakning á þessum annars ágæta hurðarskellingafarsa Árna Ibsen í tilefni af því að 10 ár voru liðin síðan að fólk slóst

um miða til að sjá hann í den. Þegar ég settist í sætið mitt gerði ég mér grein fyrir því að ég hafði sennilega ekki farið í leikhús síðan íslenskukennarinn minn í FG sendi mig á

að lesa um fótbolta og kvikmyndastjörnur Four Four Two og Empire. Mér fannst ég gagnslaus í öllum hópverkefnum og fannst ég ekkert eiga heima þarna. Það skipti mig samt einhvernvegin engu máli, ég vissi alveg hvað í mér bjó, ég þurfti bara að sýna þolinmæði. Einn skólafélagi minn rifjaði upp fyrir mér um daginn hvað ég hefði sagt eftir eitthvað verkefni, sem illa gekk í, að þau ættu sko bara að sjá til, ég ætti eftir að standa uppi sem sigurvegari þegar yfir lyki. Hann sagði að það hefðu allir hlegið. Það var ekki fyrr en á öðru árinu að ég fór að blómstra. Þar fengum við að sitja ritlistarkúrs hjá Sjón og Sigurði Pálssyni, og allt í einu var ég farinn að hlakka til að fara skólann á hverjum einasta degi. Því næst fengum við að gera einstaklingsverkefni og skrifaði ég þar leikritið Heteróhetjur: Með fullri virðingu fyrir Ashley Cole, að auki fékk að leikstýra leik-

einmitt þetta leikrit fyrir 10 árum síðan. Mikið var hlegið að þessu í bekknum mínum, enda ég sjálfsagt eini maðurinn í allri leiklistardeildinni sem hafði eiginlega engan áhuga á leikhúsi. Hvað í fjandanum er hann að gera hérna, spurðu sig e.t.v. einhverjir.

Og ég get sagt ykkur það að ég spurði mig þessarar sömu spurningu allt fyrsta árið. Ég var skítlélegur í þessu fræði og framkvæmd, skrifaði bara ritgerðir um Star Wars og David Beckham, nennti ekki að lesa heima, því ég skildi hvort sem er ekkert þessar greinar um Foucault, Baudrillard og post módernisma. Á meðan bekkjarfélagar mínir höfðu verið að lesa Tóma Rýmið og Hamlet, var ég

aranemum í nokkrum atriðum úr því. Ég held ég hafi aldrei upplifað jafn mikið kikk á ævinni og að aðstoða leikaranemana við að skilja merkingu og framsetningu orðanna sem ég hafði skrifað og sjá þau lifna við á sviðinu. Mín framtíð var ráðin, ég ætlaði að skrifa leikrit og leikstýra þeim sjálfur. Ég setti Heteróhetjur upp í fullri lengd í kjölfarið og gekk uppsetningin alveg hreint glimrandi vel. Ég fór um haustið sem skiptinemi í háskólann í Derby. Þar endaði ég af því ég var að elta kærustuna mína, sem var í MA námi í tónlistarfræði við háskólann í Nottingham. Við bjuggum í Nottingham og ég tók lestina til Derby til að mæta í tíma (sem tók reyndar bara 20 mínútur). Í Derby er að finna 5. verstu leiklistardeild Bret-

Ég var skítlélegur í þessu fræði og framkvæmd, skrifaði bara ritgerðir um Star Wars og David Beckham, nennti ekki að lesa heima…

Heiðar Sumarliðason

landseyja (sem ég vissi reyndar ekki fyrr en á svæðið var komið). Var ég þar umkringdur frekar miður fríðu fólki (sem ég var ekki vanur, enda með þvílíkum þokkadísum og piltum í náminu í LHÍ). Einnig var þetta fólk oft á tíðum annaðhvort málhalt eða lesblint. Þarna var að finna dreggjar breskrar leiklistarmenntunar. Mér leið oftast eins og ég ætti að vera að kenna kúrsana sem ég sat. Heil önn var eins og fyrsta vikan í leiklistardeild LHÍ, teygð yfir 3 mánuði. Þannig að ekki fékk ég mikið út úr náminu sem slíku. Það góða við þetta var þó að ég gat byrjað snemma að skrifa lokaverkefnið mitt, sem var leikrit í fullri lengd. Önnin eftir að ég kom heim byrjaði reyndar ekki vel. Ég var lægstur í bekknum fyrir BA ritgerðina, og það laaaaang lægstur. Var hreinlega heppinn að falla ekki, fannst einkunnin reyndar algjör þvæla og er reiðin svona nokkurn vegin runnin af mér þegar þessi orð eru rituð, meira en hálfu ári seinna. Enda sagði ég við kennarinn minn þegar hann ætlaði að réttlæta einkunnina: “hafði þína hentisemi, ég gef þér áritað eintak af bókinni sem ég ætla að skrifa upp úr henni, þegar hún kemur út”. Ég ætla að standa við það. Því var lokaverkefnið minn eini möguleiki minn til að standa við stóru orðin og “sigra” fræði og framkvæmdar keppnina (sem ég var víst einn meðvitaður um).

Endaði það þannig að ég fékk 9,5 fyrir lokaverkefnið, fékk hæstu einkunnina í bekknum og endaði það með því að Borgarleikhúsið og Þjóðleikhúsið voru bæði farin að sækjast eftir því að setja verkið á svið. Ég kaus Borgarleikhúsið og fékk draumaleikstjórann minn, Kristínu Eysteinsdóttur, til að leikstýra. Einnig breyttust viðskipti mín við Glitni ball svakalega, þar sem þeir eru nú farnir að greiða mér 14% vexti, í staðinn

fyrir að ég greiði þeim 14% vexti. Mér var farið að líða eins og hálfgerðum Rocky. Gaurinn úr Garðabænum sem enginn hafði trú á, kemur verki sínu á svið, eftir að hafa stritað í 3 ár. En eins og allir vita þá koma engir listamenn úr Garðabænum og sannast það best á að bæjarlistamaður Garðabæjar er KARL ÁGÚST ÚLFSSON og frægasti tónlistarmaður Garðabæjar er gítarleikarinn úr Í svörtum fötum! Því er flugferð mín til Bretlands þá mögulega upphafið að Rocky 2. Eins og í öllum góðum rags to riches bíómyndum er ekkert nema ströggl framundan. Það er allt að ganga á afturfótunum. Allar áætlanir að fara úr skorðunum. Ég og konan ætluðum okkur að búa saman í London, en á síðustu stundu var fallið frá því, þar sem hún treysti sér ekki út vegna veikinda. Því þurfti ég að fara að leita mér að húsnæði í Southend (þar sem East 15 er staðsettur, 50 mínútum fyrir utan London), sem er eitthvað sem hefði verið mjög auðvelt að gera í gegnum skólann fyrir tveimur mánuðum, en ekki svo auðvelt viku fyrir skólabyrjun. Svo hefur pundið hækkað úr 125 krónum í 170 krónur, frá því ég fór út til Derby haustið áður. Ég rétt náði að slefa í gegnum Derby dvölina fjárhagslega, en pundið kostar í dag 45 krónum meira, svo ekki sé minnst á að verðlag í Bretlandi er almennt hærra eftir því sem sunnar dregur. Og hvert er ég að fara? Jú, bæ sem gefur verðlag sitt sterklega til kynna með nafni sínu, SOUTH-end. Ég var ekki par sáttur með stöðuna á pundinu fyrir ári síðan, en lengi getur vont versnað. Ég er alveg að sjá möguleikana

á strögglinu fyrir mér. Ég þarf að búa á hosteli í London í 5 daga á meðan ég leita mér að íbúð í Southend. Á þessu hosteli þarf ég að sofa í herbergi með 7 ókunnugum manneskjum. Ætli þær

muni ekki allar hrjóta í kór alla nóttina, stela svo tölvunni minni eða kreditkortinu mínu. Ég ætla sko að sofa með eyrnatappa, með fartölvuna í fanginu og kreditkortið í nærbuxnastrengnum. Svo verð ég kannski ekki búinn að finna mér stað til að búa á innan þessara 5 daga og enda á því að sofa í pappakassa undir tré í einhverjum almenningsgarði. Eða verra, ég enda á hóteli í Southend og þarf að borga 10.000 kall fyrir nóttina.

Gaurinn úr Garðabænum sem enginn hafði trú á, kemur verki sínu á

svið, eftir að hafa stritað í 3 ár.

Kannski finn ég mér íbúð og allir sambýlingar mínir eru geðsjúkir, kannski verða allir bekkjarfélagar mínir málhaltir, kannski verður kærastan mín ekki komin út til mín fyrr en á næsta ári, kannski kemst ég ekki í fótboltalið skólans og kannski verð ég lagður í einelti af skólahrekkjusvínunum. En hey, kannski deyr hundurinn minn, ég fæ hvítblæði og kærastan mín fer frá mér? Ég ætti því e.t.v. bara að vera ánægður ef allir bekkjarfélagar mínir eru bara málhaltir og ég kemst ekki í fótboltaliðið, því eins og staða pundsins sannar, þá getur vont lengi versnað.

Viðbót þremur vikum seinna: Vont versnaði og núna erum við öll í skítnum. Ég er víst hryðjuverkamaður og allir bankarnir þjóðnýttir. Ég er þó a.m.k. ekki með hvítblæði (ekki svo að ég viti).

SÍNE erlendis bregst við ákalli námsmanna

Í byrjun október 2008 hrundi íslenska bankakerfið, námsmenn sem höfðu verið í vandræðum lengi vegna

óhagstæðs gengis stóðu nú skyndilega í þeim aðstæðum að geta ekki lengur millifært fjármuni á milli landa. Lokað var fyrir gjaldeyisyfirfærslur frá Íslandi, margir SÍNE félagar voru algjörlega háðir fjármagni frá Íslandi og höfðu getað flutt á milli reikninga sinna frá Íslandi og út án mikillar fyrirhafnar. En skyndilega var lokað á allt slíkt og námsmenn stóðu margir hverjir ráðalausir. Sumir voru heppnir og gátu leitað á náðir vina og skólafélaga á meðan aðrir voru ekki svo heppnir. Mikið var haft samband við skrifstofu SÍNE og var brugðist með því að senda póst til stjórnvalda.

Dagsetning: 10.október 2008

Efni: Neyðarkall frá námsmönnum erlendis

Góðan daginn, Samband íslenskra námsmanna erlendis, fer þess á leit við ráðherra menntamála, viðskipta og utanríkismála að fáum fund til að kynna málefni námsmanna erlendis.

Á hverjum degi eru í sambandi við okkur ráðalausir námsmenn erlendis, sem ekki lengur geta millifært peninga á milli landa og standa uppi án alls síns öryggisnets á þessum óvissutímum. SÍNE óskar eftir því að fá aðstoð við að finna viðeigandi úrræði til hjálpar námsmönnum erlendis.

Með fyrirfram þökk og von um jákvæð viðbrögð. Samband íslenskra námsmanna erlendis

Tölvupósturinn var sendur fyrirhádegi á föstudegi og kl. 17:00 samdægurs var haldinn fundur í menntamálaráðuneytinum þar sem formanni og framkvæmdastjóra SÍNE var boðið, í stuttu máli sagt voru niðurstöðurnar frá þeim fundi að námsmenn erlendis voru settir á forgangslista yfir gjaldeyrisyfirfærslur frá Seðlabanka Íslands.

Af því tilefni var samin fréttatilkynning: Fulltrúar Sambands íslenskra námsmanna erlendis óskuðu i dag

eftir fundi með stjórnvöldum vegna gjaldeyrisyfirfærslna á reikninga námsmanna erlendis, en undanfarna daga hafa námsmenn og aðrir átt í erfiðleikum við að millifæra fé af bankareikningum hérlendis til viðsiptabanka sinna erlendis. Á fundi sem sátu fulltrúar Lánasjóðasjóðs íslenskra námsmanna, menntamálaráðuneytis, utanríkisráðuneytis og félagsmálaráðuneytis var upplýst að þegar hefur verið komið á til bráðabrigða greiðslumiðlun fyrir milligöngu Seðlabanka Íslands til Nýja Landsbanka Íslands. Nú þegar er greiðslumiðlun virk fyrir viðskiptamenn þess banka. Stefnt er að því að greiðslumiðlun fyrir viðskiptamenn Glitnis og Kaupþings verði virk um leið og nýjar stofnanir hafa formlega tekið við starfsemi þeirra banka, og um svipað leyti fyrir aðrar fjármálastofnanir. Er þess vænst að það geti orðið í fyrri hluta næstu viku.

Yfirfærslur verða háðar fjárhæðartakmörkunum samkvæmt tilmælum um tímabundna temprun á útflæði gjaldeyris (http://www.sedlabanki. is/lisalib/getfile.aspx?itemid=6491) sem Seðlabanki Íslands hefur beint til innlánsstofnana og birt eru á heimasíðu bankans.

Miðað er við að greiðslur til að mæta framfærslukostnaði námsmanna falli undir tilmæli þessi. Samkvæmt upplýsingum Seðlabanka er gert ráð fyrir að við-

miðunargengi í viðskiptum Seðlabanka við innlánsstofnanir verði birt í upphafi hvers viðskiptadags og að til að byrja með verði greiðslumiðlun í eftirtöldum myntum: USD, EUR, GBP, JPY, CHF, DKK, NOK, SEK, CAD. Hægt er að yfirfæra fé í þessum myntum til annarra myntsvæða.

Í neyðartilvikum geta námsmenn jafnt sem aðrir íslenskir borgarar erlendis leitað til borgaraþjónustu utanríkisráðuneytis

í síma + 354 545 9900. Nánari upplýsingar um hna er að finna á heimasíðu utanríkisráðuneytis (www.utanrikisraduneyti.is).

Ennfremur er að finna margvíslegar leiðbeiningar og upplýsingar um aðstoð á heimasíðu félags- og tryggingamálaráðuneytis (www.felagsmalaraduneyti.is).

Í menntamálaráðuneyti, 10. október 2008.

SÍNE félagar voru duglegir að hafa samband við skrifstofuna og koma með ábendingar og segja frá sínum aðstæðum erlendis. Ljóst var að margir voru í afar erfiðri stöðu og var svo komið að margir voru jafnvel að íhuga að hætta námi og koma heim.

Stjórn SÍNE ákvað að senda opið bréf til ráðherra og menntamálanefndar alþingis til að vekja athygli á erfiðri stöðu námsmanna erlendis. Bréfið var einnig sent til fjölmiðla og vakti talsverða athygli.

Reykjavík 27. október 2008. Ágæti ráðherra menntamála

Ágæti ráðherra fjármála Forsendur úthlutunarreglna Lánasjóðs íslenskra námsmanna (LÍN) fyrir veturinn 2008- 2009 eru brostnar. Íslenskir námsmenn erlendis eru í miklum kröggum þar sem lán þeirra og sjálfsaflafé duga ekki lengur fyrir skólagjöldum og lágmarksframfærslu.

Hætta er á að fjöldi námsmanna erlendis muni af fjárhagsástæðum þurfa að hætta eða fresta námi ellegar berjast í bökkum til að eiga í sig og á í námslandinu.

Samband íslenskra námsmanna erlendis (SÍNE) vill að Lánasjóður íslenskra námsmanna, í samráði við viðkomandi ráðuneyti, grípi til tafarlausra aðgerða til að koma íslenskum námsmönnum erlendis til bjargar.

Lítur SÍNE svo á að skv. hljóðan laga um Lánasjóðinn sem samþykkt voru á Alþingi beri Lánasjóðnum skylda til að grípa til aðgerða enda fullnægir sjóðurinn engan veginn lögboðnu hlutverki sínu eins og aðstæður eru í dag.

SÍNE leggur fram eftirfarandi tillögur:

- Námsmönnum erlendis verði gefinn kostur á að fá neyðarlán hjá

Lánasjóðnum sem nemur allt að 500.000 kr, til greiðslu án tafar eða í hlutum eftir ósk námsmannsins. Þetta lán verði veitt án kröfu um ábyrgðarmenn og á lægstu lánavöxtum LÍN, með venjulegum greiðsluskilmálum sjóðsins.

Þessi upphæð byggir á þeirri forsendu námslána að námsmenn hafi um milljón króna í tekjur á ári hverju til að brúa bilið milli framfærsluláns og raunverulegs framfærslukostnaðar. Í ljósi þróunar gengis krónunnar er ljóst að sjálfsaflafé námsmanna hefur rýrnað að virði erlendis um helming frá því sem var þegar reglur LÍN voru endurskoðaðar í vor.

Námsmenn erlendis eru um 3.000 talsins og má því reikna með lánveitingu að upphæð að hámarki 1.500 milljónir kr. vegna þeirra aðgerða sem SÍNE leggur til, eða sem nemur 25% af framlögum til sjóðsins í fjárlagafrumvarpi 2008, 19% af framlögum til sjóðsins í fjárlagafrumvarpi 2009.

- Námslán skiptinema erlendis verði endurskoðuð miðað við núverandi gengi, í stað þess að framfærsla þeirra sé umreiknuð á gengi 1. júlí 2008 líkt og reglur LÍN gera ráð fyrir.

- Frádrættir frá námslánum verði reiknaðir á gengi útborgunardags en ekki á gengi 1. júlí 2008, eins og reglur LÍN gera ráð fyrir. Með þessu er tryggt að frádráttarliðir reiknast ekki á mun dýrara gengi en sjálft námslánið.

- Námsmenn erlendis á fyrsta ári fái skólagjaldalán vetrarins greidd í upphafi annar, en ekki í lok árs eins og nú er gert, og skólagjöld þeirrar annar sem nú er hafin verði greidd að fullu nú þegar. Þetta er til samræmis við réttindi námsmanna sem komnir eru lengra í námi.

- Ferðakostnaðarlán verði hækkuð miðað við gengisþróun. Upphæð ferðakostnaðarláns í reglum LÍN er í íslenskum krónum og dugar í dag engan veginn fyrir flugfargjöldum.

- Námsmenn erlendis sem orðið hafa fyrir skakkaföllum og álagi vegna atburða síðustu vikna fái sérstakt tillit við mat á ástundun náms svo ekki komi til skerðingar eða niðurfellingar lána ef árangur þeirra í námi er minni en ætlað var.

Fyrir hönd stjórnar Garðar Stefánsson, formaður Afrit sent stjórn Lánasjóðs íslenskra námsmanna Afrit sent menntanefnd Alþingis

Afrit sent íslenskum námsmannahreyfingum / Afrit sent fjölmiðlum

Fulltrúum SÍNE var í kjölfarið boðið á fund menntamálanefndar alþingis, þ.e. þann 30.október ásamt fulltrúum LÍN. Þar var farið yfir erfiða stöðu námsmanna erlendis.

Á stjórnarfundi LÍN sama dag voru lagðar fram tillögur um breytingar á úthlutunarreglum LÍN vegna aðstæðna í þjóðfélaginu.

Menntamálaráðherra, Þorgerður Katrín Gunnarsdóttir kynnti breytingarnar og var gefin út meðfylgjandi tilkynning.

Fréttatilkynning

Aðgerðir vegna erfiðrar stöðu íslenskra námsmanna erlendis.

Vegna þeirra aðstæðna sem uppi eru í íslensku efnahagslífi, og með hliðsjón af erfiðri stöðu margra námsmanna erlendis, hefur menntamálaráðherra að höfðu samráði við Samband íslenskra námsmanna erlendis (SÍNE) og Lánasjóð íslenskra námsmanna (LÍN) ákveðið að fallast á tillögur stjórnar LÍN er samþykktar voru á fundi í gær, fimmtudag.

Tillögurnar fela í sér eftirfarandi breytingar á reglum sjóðsins fyrir yfirstandandi skólaár, til hagsbóta fyrir íslenska nemendur erlendis og fjölskyldur þeirra.

1. Aukalán vegna röskunar á högum lánþega erlendis Hafi orðið ófyrirsjáanleg röskun á stöðu og högum lánþega við nám erlendis verði heimilt að veita honum aukalán sem samsvarar framfærslu allt að tveggja mánaða. Eftir sem áður eigi lánþegar við nám á Íslandi rétt á sambærilegu aukaláni sem samsvarar framfærslu eins mánaðar. Þannig verði tekið sérstakt tillit til þess kostnaðar sem fylgir því að búa fjarri fjölskyldu og heimahögum. Þessi ráðstöfun er gerð með breytingu á grein 4.9. í úthlutunarreglum LÍN. Námsmenn þurfa að sækja sérstaklega um aukalán, en þau eru ætluð þeim sem eru í sárri neyð og verður hvert tilvik metið af stjórn sjóðsins.

2. Hækkun á vaxtastyrk vegna aukins fjármagnskostnaðar

Vaxtastyrkir eru ætlaðir til að mæta vaxtakostnaði námsmanna vegna yfirdráttarlána. Hér er um

styrk að ræða en ekki lán, sem greiddur er út með námslánum. Vaxtastyrkur við útborgun lána verði hækkaður úr 250 kr. í 400 kr. fyrir hverja ECTS-einingu sem lokið er. Námsmaður sem lýkur fullu námi á skólaárinu fái þannig styrk að fjárhæð 24 þús.kr. í stað 15 þús.kr. áður. Þessi ráðstöfun er gerð með breytingu á grein 4.11. í úthlutunarreglum LÍN.

3. Lækkun tekjuskerðingar úr 10% í 5%

Við útreikning og afgreiðslu námslána þeirra sem hefja lánshæft nám á vormisseri 2009 komi 5% í stað 10% tekna til frádráttar. Tilgangur breytingarinnar er að auðvelda mönnum, t.d. vegna atvinnumissis, að hefja lánshæft nám á næsta ári þrátt fyrir háar tekjur árið 2008. Verður greinum 4.2., 4.3., 4.5. og 4.6. í úthlutunarreglum LÍN breytt til að heimila þetta.

4. Ný gengisviðmiðun á útreikningi lána til skiptinema

Í stað þess að útreikningur vegna námslána skiptinema skólaárið 2008-2009 miðist við gengið 1. júní 2008 verður útreikningurinn miðaður við gengi 26. september 2008. Að öðru óbreyttu þýðir þetta um 23% hækkun framfærslulána til þessa hóps miðað við fyrri áætlun. Alls er áætlað að 400-500 lánþegar stundi nám sem skiptinemar erlendis. Gerð verður breyting á grein 3.1.3. í úthlutunarreglum LÍN af þessu tilefni.

5. Aukinn sveigjanleiki í endurgreiðslum námslána

Greiðendum í vanskilum og þeim sem sjá fram á vanskil vegna tekjutengdra afborgana af námslánum sínum, með gjalddaga 1. september 2008 eða 1. nóvember 2008, verður gefinn kostur á gera greiðslusamkomulag til þriggja mánaða í stað tveggja mánaða

áður gegn lágmarksinnborgun sem samsvarar 1/3 skuldar í stað helmings áður.

6. Tekið tillit til tekjutaps þeirra sem greiða af námslánum

Greiðendur námslána sem verða fyrir 20-30% tekjufalli milli áranna 2008 og 2009 eigi kost á lækkun tekjutengdrar afborgunar haustið 2009, og þeir sem verða fyrir tekjufalli umfram 30% geti fengið tekjutengdu afborgun ársins fellda niður að fullu. Almennt er greiðendum námslána gert að greiða 3,75%-4,75% af heildartekjum undangengis árs í afborganir af námslánum sínum. Með breytingunni er leitast við að koma til móts við þá sem verða fyrir verulegum tekjumissi milli ára. Verður þetta gert með breytingu á grein 7.4.2. í úthlutunarreglum LÍN.

Þá er rétt að vekja athygli á því að stjórn LÍN samþykkti á fundi sínum í gær að beina því til bankastofnana, í fyrsta lagi, að yfirdráttarheimildir lánþega LÍN í íslenskum krónum verði endurskoðaðar með tillliti til gengisþróunar og, í öðru lagi, að ekki verði felldar niður yfirdráttarheimildir í erlendri mynt.

Áætlað er að kostnaður vegna framangreindra breytinga muni verða allt að 300 m.kr. á árinu 2009 og er talið að þau útgjöld rúmist innan fjárheimilda sjóðsins.

Menntamálaráðuneytið, stjórn LÍN og samtök námsmanna munu áfram eiga samráð til að tryggja afkomuöryggi og velferð námsmanna og fjölskyldna þeirra.

Trúnaðarmenn SÍNE

NorðurlöNd

Danmörk

Studentafélagið Kaupmannhöfn

Mánudaga kl. 18:00-19:00

Sími: 00 45 331 0030 fisk@studentafelagid.dk

Finnland

Svava Óskarsdóttir

Sími: 358 0408726060 svavaoskars@gmail.com

noregur

Silja Magnúsdóttir

Gsm: +47 97180667 siljam@ulrik.uio.no

Svíþjóð

Pétur Helgason

Gsm: +46 707956291 siljam@ulrik.uio.no

Trúnaðarmenn SÍNE

Trúnaðarmenn SÍNE vinna öflugt starf víða um heim og eru ómetanleg hjálp þeim sem hyggja á nám á erlendri grundu. Við hvetjum námsmenn á leið af landi brott til að hafa samband við trúnaðarmanninn í viðkomandi landi eða borg. Allar nánari upplýsingar ásamt lista yfir trúnaðarmenn má finna á vefsíðu SINE, www.sine.is

ÁSTrALíA

Grétar Theodórsson gretar@minerva.is

Sími: +61 0893253950

AUSTUrríKI

Helga Finnbogadóttir helgafinnboga@hotmail.com

Sími: +43 1 4819082

BreTLAnD

(ENGLAND, SKOTLAND OG ÍRLAND) Sigurdur Arnarson sigurdur.arnarson@utn.stjr.is

Tel:+(44) 207 259 3999

Sjá sine.is fyrir fullan lista

BeLGíA

Alda Berglind Egilsdóttir aldaegils@hotmail.com

Sími: +32 (0) 486.77.55.32

BAnDAríKIn - neW YOrK

Svanhildur Þorvaldsdóttir svanhildurth@gmail.com

Sjá sine.is fyrir fullan lista

HOLLAnD

Helga Garðarsdóttir helgagardars@gmail.com

KínA

Ásgeir Ingason ingazon@gmail.com

SPÁnn

Guðný Hilmarsdóttir

Sími: +34 93 423 4193 gudnyhilmars@mac.com

UnGVerjALAnD

Félag Íslenskra Læknanema í Ungverjalandi debrecen@hotmail.com, filudebrecen@mac.com

ÞÝSKALAnD

Þorbjörn Björnsson

thorbjornbjornsson@hotmail.com

Sími:+49 (30) 22487710

TVÆR GÓÐAR ÁSTÆÐUR TIL AÐ BROSA!

ÞÚ STYÐUR UPPBYGGINGU HÁSKÓLA ÍSLANDS...

...OG GÆTIR UM LEIÐ UNNIÐ MILLJÓNIR

Öflugt háskólasamfélag er hornsteinn í þeirri uppbyggingu sem nú bíður þjóðarinnar. Með miða í Happdrætti Háskólans leggur þú þitt af mörkum og átt um leið mikla möguleika á frábærum vinningum. Gakktu í hópinn og brostu og brostu!

- Þú færð miða á hhi.is eða hjá umboðsmanni.

Stjórnvöld verða að horfast í augu við breyttar aðstæður!

LÍN: Stjórnvöld verða að horfast í augu við breyttar aðstæður! Frá síðustu samningaviðræðum við LÍN, sem áttu sér stað síðastliðið vor, voru gerðar töluverðar breytingar á úthlutunarreglum lánasjóðsins. Helstu breytingarnar sem áttu sér stað voru þær að nú yrði greitt út fyrir hverja fullkláraða ECTS einingu í stað þess að horfa til anna. Þessu fyrirkomulagi fylgdi bæði kostir og gallar. Kostirnir voru aðalega fólgnir í því að kerfið varð mun sveigjanlegra. Nemendum bauðst nú sá kostur að geta hagað námi sínu burtséð frá því hvenær einingarnar yrðu kláraðar á námsárinu og þannig fengið námslán greidd út sem því næmi, ennfremur var lágmarksnámsframvinda lækkuð niður í 20 ECTS einingar til þess að geta fengið greidd út námslán. Hins vegar var sá galli á kerfinu að miðað var við íslenskt námsár sem er 9 mánuðir en fjöldinn allur af skólum erlendis skilgreinir námsárið sem 10 mánuði. Sem gerði það að verkum að námsmenn í 10 mánaða skólunum hlutu skerðingu sem því nemur. Þegar þessi villa uppgvötaðist fór SÍNE fram á tafarlausar breytingar á reglum sjóðsins, að þessi tala yrði leiðrétt til dæmis með því að hækka framlag á hverja ECTS einingu og

þannig koma til móts við þá námsmenn sem urðu fyrir skerðingu. Upp hófust miklar deilur á milli fulltrúa stjórnvalda og fulltrúa námsmanna, sem enn eru óleystar. SÍNE mun hvergi hvika í þessari deilu og lagðar hafa verið ýmsar bókanir, gögn og einnig hefur verið leitað lögfræðiálits sem væntanlegt er hvað og hvenær. Þegar bankahrunið skall á og gjaldeyrisflutningar urðu ómögulegir, gjörbreyttist forgangsröðun SÍNE. Þá var orðið ljóst að helsta verkefni SÍNE væri að tryggja það að námsmenn gætu tekið út pening, en SÍNE barst fjöldinn allur af tilkynningum þar sem námsmenn gátu ekki borgað leigu og keypt sér nauðsynjavörur. SÍNE brást við þessu kalli með því að biðja um tafarlausan fund með stjórnvöldum til þess að koma í veg fyrir það að námsmenn þyrftu að hætta námi á miðri önn. Stjórnvöld brugðust við kallinu og mynduðu aðgerðaráætlun fyrir námsmenn erlendis. En það reyndist ekki vera nóg. Tveimur vikum eftir fundinn var ljóst að enn væri töluverð töf á gjaldeyrisflutningum milli landa og að námsmenn erlendis hefðu lent verulega illa í gengishruni íslensku krónunnar, þar sem sjálfsaflafé námsmanna hafði rýrnað sem næmi gengisfall-

inu. Þar af leiðandi lagði SÍNE til að stjórnvöld myndu bregðast við breyttum aðstæðum og lagði fram eftirfarandi hugmyndir:

Að námsmönnum erlendis myndi bjóðast neyðarlán hjá LÍN sem næmi allt að 500.000 kr.

Námslán skiptinema yrði endurskoðuð miðað við gengisþróun þar sem skiptinemar fengu lán reiknuð út frá genginu 1. júní 2008.

Að tekjuskerðing (frádráttur af námslánum) yrði reiknaður á gengi útborgunardags en ekki 1.júní 2008

Að skólagjaldalán erlendis yrðu greidd út í upphafi annar fyrir námsmenn erlendis sem eru á fyrsta ári. Ferðarkostnaðarlán yrðu hækkuð

Að sérstakt tillit yrði tekið til námsmanna sem urðu fyrir skakkaföllum á námsárinu vegna efnahagsástandsins og þannig tekið sérstakt tillit til námsmanna sem ná ekki að ljúka lágmarksnámsframvindu, 20 ECTS einingar.

Stjórnvöld brugðust fljótt við kröfum námsmanna og komu með eftirfarandi málamiðlun:

Aukalán vegna röskunar á högum lánþega erlendis. Sérstök neyðarlán sem veitt verða til námsmanna erlendis sem lentu í verulegum vandræðum sökum ástandsins, aukalánin

samsvara framfærslu allt að tveggja mánaða.

Hækkun á vaxtastyrk vegna aukins fjármagnskostnaðar, úr 250 kr i 400 kr hverja ECTS einingu. Lækkun tekjuskerðingar úr 10% í 5%, fyrir þá sem hefja nám á vormisseri.

Ný gengisviðmiðun á útreikningi lána til skiptinema. Í stað gengis

1.júní er notas við gengið 26.september 2008.

Aukinn sveigjanleiki í endurgreiðslum námslána

Tekið tillit til tekjutaps þeirra sem greiða af námslánum

Hægt er að kynna sér breytingarnar nánar á heimasíðu LÍN, www.lin.is. Í grunninn séð fela þessar breytingar í sér mikla kjarabót fyrir námsmenn erlendis. En þó er margt sem er óskýrt varðandi þessar breytingar. Til dæmis varðandi neyðarlánið en eitt helsta vandamálið er að út-

skýra hvað felur í orðunum ,,veitt til þeirra sem eru í sárri neyð” en það er huglægt mat og hvert tilvik metið af stjórn LÍN. Þegar þessi grein er skrifuð er ekki komið fram hversu margar umsóknir bárust sjóðnum varðandi neyðarlánið, en í ljósi fyrirspurna námsmanna erlendis þykir SÍNE það líklegt að fjöldinn verði gríðarlegur. Langflestir íslenskir námsmenn lentu verulega illa í því þeim hremmingum sem áttu sér stað núna og því mikilvægt að haldið verði áfram að vinna og tryggja að námsmenn erlendis geti stundað nám sitt úti. Þar af leiðandi þurfa stjórnvöld að taka aukið tillit til stöðu námsmanna. SÍNE hvetur alla þá sem hafa lent illa í þeim hæringum sem áttu sér stað að sækja um neyðarlánið. Í ljósi breyttra aðstæðna á þjóðarbúskapnum er ljóst að mikill halli verður á rekstri ríkissjóðar komandi

ár og boðaðar hafa verið niðurskurðar á öllum sviðum hins opinbera. Á tímum sem þessum er mikilvægt að minna stjórnvöld á að menntun á að vera í algjörum forgangi, enda besta fjárfesting til langs tíma sem þjóðfélag getur stundað. LÍN er þar engin undantekning. Tryggja verður framfærslu námsmanna og hefur SÍNE það mikilvæga hlutverk að standa vörð um hagsmuni íslenskra námsmanna erlendis gagnvart LÍN. Aldrei hefur verið jafn mikil þörf fyrir öflugt hagsmunafélag á borð við SÍNE. En SÍNE er ekkert án félagsmanna sinna. Mikilvægt er að við sínum samstöðu og látum í okkur heyra!

Höfundur: Garðar Stefánsson

Að vera í stjórn SÍNE

löndum og úr ólíku námi. Þannig tekst okkur að fylgjast með því sem er efst á baugi hjá námsmönnum erlendis.

ar frumvörp er varða námsmenn erlendis til ályktunar. Einnig leitum við tilboða fyrir námsmen erlendis.

Við viljum hvetja fólk til að gefa kost á sér í stjórn SÍNE. Að vera í stórn SÍNE er gott tækifæri til að koma þeim málefnum áleiðis sem ykkur finnst þurfa að ganga fyrir í hagsmunabaráttu námsmanna erlendis. Það er mikill hagur fyrir starf SÍNE að fá fólk í stjórnina sem er nýkomið heim frá mismunandi

Það eru mörg fjölbreytt verkefni sem stjórnin tekur að sér. SÍNE á sæti í stjórn LÍN og kemur þar beint að hagsmunabaráttu námsmanna ásamt fulltrúum annarra námsmannahreyfinga. Framkvæmdarstjóri SÍNE situr einnig í vafamálanefnd LÍN.

Tvisvar á ári gefum við út Sæmund sem er sendur til allra félagsmanna. Stjórnarmenn finna efni í blaðið og ákveða hvaða málefni eru tekin fyrir.

Á hverju ári höldum við ráðstefnu um málefni námsmanna erlendis. Við fáum við inn á borð til okk-

Í stjórn SÍNE er skemmtilegur hópur fólks sem hefur nýlega flutt heim eftir nám erlendis. Það er áhugavert að heyra frá þeim sem lærðu annars staðar hvernig lífið og tilveran er fyrir námsmenn í öðrum löndum og einnig er gaman að koma heim og mynda tengslanet við fólk úr ólíkum áttum.

Ég hvet ykkur til að hafa samband við SÍNE og gefa kost á ykkur.

Höfundur:

Benedikta S. Hafliðadóttir, fyrrverandi formaður SÍNE

Stjórnin

Formaður

Garðar Stefánsson -formaður SÍNE og fulltrúi í stjórn LÍN. Var í námi í Danmörku og Íslandi. Lauk B.Sc gráðu í hagfræði frá HÍ og er nú í mastersnámi í Alþjóðasamskiptum við Háskóla Íslands og Árósar háskóla.

Ritari

Ásgeir Ingvarsson leggur stund á nám í stjórnmálafræði og spænsku við Háskóla Íslands en hann hefur jafnframt stundað háskólanám í St. Pétursborg, Buenos Aires og einnig skemmra nám í Lundúnum, Peking og Amman. Ásgeir hefur starfað með námi sem blaðamaður hjá Morgunblaðinu frá 2000 og samhliða sinnt ýmsum félagsstörfum.

Meðstjórnendur Ásgerður Ragnarsdóttir: Lauk cand. jur. gráðu í lögfræði frá HÍ, en stundaði auk þess skiptinám við lagadeild Kaupmannahafnarháskóla. Ásgerður lagði stund á framhaldsnámi í Evrópu- og viðskiptarétti í Cambridge, Bretlandi. Ásgerður hefur starfað við lögfræðistörf frá útskrift og starfar nú sem lögmaður.

Eyrún Jónsdóttir, kláraði B.Sc. í viðskiptafræði frá Háskólanum í Reykjavík 2004 og er núna í master í Management of Creative Business Processes í Copenhagen Business School. Eyrún var framkvæmdastjóri BÍSN og sat í stjórn LÍN.

Guðmundur Ingvi Sigurðsson: Lögfræðingur frá HÍ árið 2002. Guðmundur er einnig með LL.M. gráðu frá Duke University School of Law í N-Carolina í Bandaríkjunum. Guðmundur starfar sem lögmaður á LEX í Reykjavík.

Hulda Þ. Aðalsteinsdóttir. Lauk námi við innanhússarkitektúr frá ISAD í Mílanó á Ítalíu. Hulda stundaði einnig nám við hönnun í Kaupmannahöfn. Um tíma starfaði hún sem sjálboðarliði fyrir UFF í Mósambik, suður-afríku og hlaut sérþjálfun til þess í Noregi. Hefur Hulda starfað við arkitektúr í New York og rekur nú í samstarfi við kollega studio í Reykjavík.

Háskóla Íslands

Háskóli Íslands kemur til móts við þá sem vilja bregðast við breyttri stöðu á

vinnumarkaði með því að hefja háskólanám eða bæta við fyrra nám sitt.

Umsóknir um nám á vormisseri 2009

» Tekið er við umsóknum um grunnám og framhaldsnám til 15. desember nk.

Sótt er rafrænt um grunnnám á www.hi.is

Sótt er um framhaldsnám á vefsíðum deilda.

Sjánar nánar á www.hi.is