Xuxurla 2018

andra

mari ikastola

09

Elkarrizketa: Olaia Martiarena, zuzendari pedagogiko berria Ikasle guztien inklusioa helburu Badator eskolaldi etengabea Pertsona ekintzaileak sortzen Birziklart 2018: birziklatuz, artea

SARRERA Ez, lasai, ez zara okertu, ez gaude ekainean, edo zure alabari/semeari ez zitzaion ekainean Xuxurlaren azken alea ematea ahaztu, edo ez, aldizkariak ez du uda guztia alabaren/ semearen karpetan sartuta pasatu.

Ekainekoa irailean dator aurten. Ez zitzaigun ekainean banatzea ahaztu, ez, baina nahiago izan dugu albisteak prestatzeko denbora pixka bat hartu eta aurreko ikasturteak eman diguna patxadaz aztertu. Iruditzen zaigu ikasturte berriaren hasiera une egokia izan daitekeela egindakoa gogoan hartuz urteko erronkei aurre egiteko.

09 2018ko iraila

Xuxurlako orrialdeetan barneratuz gero, batetik, aurreko ikasturteko zenbait ekintza esanguratsu gogoratzeko aukera izanen duzu, hala nola, Birziklart, auzolanean birziklapena bultzatzeko proiektua, DBHko 4. mailako ikasleen agurra eta, nola ez, atal klasikoa, ikasle ohiei egindako elkarrizketak. Eta bestetik, hezkuntza-komunitateko kide gisa geure burua janzteko eta ikasteko ezinbestekoak diren artikuluak: Informazio eta Komunikazio Teknologiak ikastolan nola erabiltzen, ikasten eta lantzen diren, atxikimendu- eta ikerkuntza-senaren garrantzia, ikastolan ekintzailetza nola lantzen den, inklusibitatea ikastolan, ikastolaren Hizkuntza-proiektua, Lehen Hezkuntzan martxan jarri dugun Kiribil proiektua...

Eta hori gutxi balitz bezala, 18-19 ikasturterako galdu ezin diren bi artikulu: eskolaldi etengabea eta Olaia Martiarena Zuzendari Pedagogiko berriari egindako elkarrizketa.

Beraz, hartu tarte txiki bat, eta ikusi eta ikasi zer garen, zer egiten dugun eta zer egin nahi dugun. On dagizula, eta ikasturte berri on!

3 Agurra 4 Beti aurrera 6 - 7 Zer dio 9 Aiorik ez 10-11-12-13 Gogotik 16-17 Barra-barra 19-20-21-23-24-25 Bizitakoak 27-28 Euskara 30-31 Harrapazak/n 32-33 Denok berdinak, denok desberdinak 34 Lan eta Lan Auzolan 36-37-38 Andra Mari Artist

Erredakzio eta koordinazioa: Itziar Begiristain, Ana Kaiuela, Iñaki Mundiñano,

Josebe Sagastibeltza eta Iñaki Tolosa.

Kolaborazioak: Josune Arrazubi, Adur Goikoetxea, Edor Zubeldia eta

DBH 4. mailako ikasleak.

Zuzenketak: Iñaki Mundiñano.

Publizitatea: Itziar Begiristain eta Saioa Lakuntza.

Diseinua eta maketazioa: Yolanda Goikoetxea.

Inprimatzailea: SDI inprimategia.

04

BETI AURRERA ANDRA MARIKO HEZKUNTZA KOMUNITATEAK

ESKOLALDI ETENGABEAREN ALDEKO HAUTUA EGIN DU Hezkuntza Departamentuaren ebazpenak ezarritako pauso guztiak eman ondoren, familien gehiengo zabal batek HHn eta LHn eskolaldi etengabearen aldeko hautua egin du 18-19 ikasturtean.

Eskolaldi etengabeak hezkuntza komunitatearen bizitzan denbora antolaketa desberdin bat ahalbidetzen du. Eguna bitan banatzen da: eskola-orduak goizez izaten dira, eta eskolaz kanpokoak arratsaldez.

Prozesu parte hartzailea Azken urteetan familia askoren ahotan egon izan da gaia. Horregatik, 2016. urtean Hezkuntza Departamenduak eskolaldi etengabera pasatzeko aukera eman zuenean, ikastolako Zuzendaritza Batzordeak gaia aztertzeko eskatu zion Zuzendaritza Taldeari. Urte hartan, ez zegoen denbora nahikorik proposamena behar bezala lantzeko. 2017. urtean, ordea, gaia sakon aztertu ondoren eta proiektuaren lehen zirriborroa amaitu ondoren, Zuzendaritza Batzordeak kontsulta martxan jartzea erabaki zuen.

Proiektuak klaustroaren, Eskola Kontseiluaren eta familien oniritzia jaso behar izan ditu. Lehen bi organoek baiezkoa eman ondoren, pauso erabakigarria emateko ordua iritsi zen: familien iritzia. Erabaki garrantzitsua izanik, komenigarria zen parte hartzea ahalik eta handiena izatea, eta sei bilera informatibo antolatu ziren familia guztiek proiektuaren berri izan zezaten. Erabakia hartzeko egunean, parte hartzea oso altua izan zen, % 85tik gorakoa, bai Etxarri Aranatzen eta baita Arbizun ere. Adostasun-maila ere altua izan zen, errolda osoaren %72k aukeratu baitzuen eskolaldi etengabea Etxarri Aranatzen eta %89k Arbizun.

Antolaketa Datorren ikasturtean, eskola-orduak 09:00-14:10 bitartean izango dira, tartean bi atsedenaldi daudela. Ondoren, nahi/behar duenarentzat jantoki zerbitzua eskainiko da 15:40ak arte. Gainera, urritik maiatz arte, eskolaz kanpokoetan parte hartzeko aukera egongo da astelehenetik ostegunera, 15:40-16:30 bitartean. Jantokia eta eskolaz kanpokoak ez dira nahitaezkoak izango. Jantokiaren kasuan, orain arte bezala funtzionatuko du, hau da, familiek aldez aurretik abisatuz gero, edozein egunetan geratu ahal izango dira umeak bazkaltzen. Eskolaz kanpokoen kasuan, irailean zehar eman beharko da izena. Hori bai, aukeratzen diren eskolaz kanpokoak ikasturte osoan zehar egin beharko dira nahitaez. Eskaintza anitza eta adinei egokitutakoa prestatzen ari gara, hala nola, multikirola, herri kirolak, xakea, antzerkia, hezkuntza emozionala, liburutegia, ipuinak ingelesez, sormen tailerra, psikomotrizitatea‌ 18-19 ikasturtearen amaieran, eskolaldi etengabearen inguruko balorazioa egingo da, eta, horren arabera, Hezkuntza Departamenduari luzatzea edo eskolaldi arruntera bueltatzea eskatuko zaio. Familiek izango dute azken hitza. Nolanahi ere, goraipatzekoa da Andra Mari komunitatea osatzen dugun guztiok izan dugun jarrera aktibo eta parte hartzailea. Zorionak!

06

ZER DIO

OLAIA MARTIARENA: “Ikastolan guztiok dugu XXI. mendeko erronkei aurre eginen dieten ikasleak hezteko konpromisoa�

Datorren ikasturtetik aurrera, Olaia Martiarena irakaslea izango da Andra Mari ikastolako Zuzendari Pedagogiko berria. IĂąaki Tolosak utziko dion lekukoa hartuko du, eta, honenbestez, Andra Mari ikastolak 50 urteko ibilbidean izango duen zortzigarren zuzendaria bilakatuko da.

Badira jada hogei urte ikastolako zuzendaritza lan talde baten bidez kudeatzen dela. Lan talde honen adar pedagogikoa klaustrotik ateratzen da, eta Zuzendari Pedagogikoak eta Etapetako Zuzendariek osatzen dute. 18-19 ikasturtean, Zuzendaritza Taldearen erreleboa gauzatuko da.

Pedagogikoki garai mugituak dira Andra Marin, izan ere, duela bost urte EKI proiektuaren jaiotzarekin hasi genuen eraldaketa prozesua puri-purian dago, eta aldaketak jada etapa guztietara iristen ari dira; horren lekuko Txaigorri eta Kiribil proiektuak.

Umearen garapen integralean zentraturiko hausnarketa, eztabaida eta planteamenduen garaian gaude, eta, testuinguru honetan, ikastolaren komunitatea osatzen dugun guztion lana artikulatzea ez da nolanahiko afera. Kudeaketa pedagogikoaz arduratuko den taldeko burua elkarrizketatu dugu.

Zerk bultzatu zintuen zuzendari kargua hartzera? Nolako erronka da zuretzat?

Olaia Martiarena: Ni bertako ikasle ohia naiz, eta lanean daramadan bosgarren ikasturtea izango da datorrena, ondorioz, nire bizitzaren urte gehienak pasatu ditut ikastolan. Lotura estu honen ondorioz, esan dezaket jada gure ikastolaren bilakaera, izaera eta berezitasunen inguruko informazio ugari dudala.

Gainera, aukera hau ez da egunero suertatzen, eta ikastolak eman didana bueltatu eta eskertzeko modu bat izan daiteke, erronka oso berezia da hau niretzat.

Zure ustez zerk egiten du berezi Andra Mari ikastola?

O.M.: Esan dezaket Andra Mari ikastola gertutasun handiko ikastetxe bat dela. Bertan dauden profesional, ikasle eta familien ar-

ZER DIO

07

tean konfiantzan oinarrituriko giroa da nagusi. Honek eragin zuzena du gure haur eta gazteen heziketan.

Aipatu ere egin behar da Andra Mari ikastolak 50 langilez osaturiko talde egonkorra daukala eta hauetako asko ibilbide profesional zabalekoak direla; beste batzuk, berriz, gazteak eta ilusioz beteak. Eta guztiok bat egiten dugu konpromiso jakin batean: XXI. mendeko erronkei aurre egiteko prest dauden ikasleak hezteko konpromisoa. Konpromiso honek eraman gaitu, hain zuzen ere, eraldaketa-prozesu bat abian jartzera.

Horrez gain, ikastolak hezkuntza emozionalaren lanketari garrantzia handia ematen dio. Hori dela eta, KiVa eta Golden 5 bezalako proiektuetan murgildurik gaude, ikasleen heziketa akademikoaz gain, norbanakoaren alderdi emozionala pertsonaren gainontzeko aspektu guztien oinarria dela pentsatzen dugulako.

Arestian aipaturiko guztiarekin batera, ikasleen aniztasunari erantzuteko konpromisoa ikastolaren beste oinarri bat da. Bertako profesionalek badakigu zein garrantzitsua den ikasle guztiak beren behar, gaitasun eta interesen baitan heztea, bakoitzak bere ikasketa prozesu pertsonal eta errepika-ezina bizi dezan, gaitasunak ahalik eta gehien garatuz. Horregatik, tutore, irakasle eta Orientazio Departamentuak egiten duen lana azpimarratu beharra dago.

Eta, azkenik, Andra Mari ikastolak duen beste ezaugarri garrantzitsu bat aipatu nahiko nuke: kooperatiba izaera. Kooperatibismoaren balioak bere egiteaz gain, Ikastola eredua aukeratzen duten familiek ateak irekiak dituzte. Beraz, zentzu horretan, izaera publikoa duen kooperatiba bat gara.

Zein dira, zure ustez, aurrera begira Andra Mari ikastolaren erronka pedagogiko nagusiak?

O.M.: Nire ustez, hezkuntza komunitate guztia jarri behar da lortu nahi dugun ikasle profilari begira: herritar aktibo, kritiko, kooperatibo, testuinguru konplexuei aurre egiteko gai dena... Horretarako, lan egiteko modu berriak sortu behar dira, eta Andra Mari ikastola azken urteetan bide hori jarraitzen ari da Txaigorri, Kiribil, DBHko EKI, Orekaz, KiVa, Golden 5... bezalako proiektu berritzaileekin. Proiektu horietan guztietan, ikaslea da protagonista eta irakasleak gidari rola hartzen du.

Ez da nolanahiko erronka Olaiak duena, baina ziur gaude gogoz eta ilusioz ekingo diola bere lanari. Xuxurlako erredakzioko kideok zorterik onena opa diogu bere ibilbide berrian.

Garcia Ximenez Kalea 31 • ALTSASU

T. 948 564 260 610 098 595

AIORIK EZ

DBH 4.mailako ikasleak: OHARTU GABE HELDU GARA MUGARA 2004 urtean hasi ginen ikastolan, gutako gehienok 2 urteak beteak genituela.

Ez ginen ohartzen, ordea, momentu hartatik aurrera hura izanen zela gure familia anitzaren zati bat. Lehen urte hartan, eskailerak banan bana igotzen ikasi, komunera bakarrik nola joan eta beste gauza berri asko nola egin erakutsi ziguten, baina, batez ere, elkar errespetatzen ikasi genuen. Une horiek guztiek gure memoria labur honen zati izaten jarraitzen dute, baita irakurtzeari eta idazteari ekin genioneko lehen urratsak ere.

2008-2009 ikasturtea iritsi zen, eta, azken lau urteetan bizitako guztia iraganaren eskuetan utzi ondoren, eraikinez aldatu eta LHn barneratu ginen.

Zikloz ziklo solairuak igotzeari utzi ondoren, LHko zaharrenak izateari utzi eta DBHko ikasle heldu horien guztien artean txikienak izatera pasatu ginen.

Gezurra dirudi ikastolako uneak bukatzear ditugula eta hainbeste urteren ondoren talde txiki hau bereiziko dela azkenik. Azkarregi iritsi zaigun azken etapa hau nola bukatzen den ikusten ari garen honetan, eskerrak ematea besterik ez zaigu geratzen, urte hauetan topo egin dugun pertsona horiei guztiei eta gure istorio txiki hau kontatzen lagundu diguten guztiei. Guk elkarri eskerrak ematea ere bai, hain denbora luzez maitatzen dugun horrelako talde bat ez baitugu berriro aurkituko, talde bat eta ez beste ezer, 14 urtetan zehar elkarrekin sortu dugun talde bat.

Besterik gabe, agur bero bat.

09

Amaieraren hasiera honi laguntasuna bermatuz karraka hasiera eman genuen kantatuz eta jolastuz urte askotan batera egon gure artean lagunduz azken urtea iritsi zaigu gure bertsoak abestuz

Arantxak zeuzkan trentza luzeak ta eraztunak hatzetan Juana Mariren eta Estherren maitasuna erraietan Milarekin bat eginez hasi LH-ko geletan prenda eginez ikasaraziz Martaren ikastordutan Gure abizenak errepikatuz Jexuxen laguntasunez Muxik lagunduz bi urte eginda kolonia haien usainez gu 24 atso zahar ginen Mikelatxoren esanez Oihanarekin azken agurra emango dugu bihotzez Eskerrik asko ibilbidean lagundu izanagatik hamalau urte igaro dira hona sartu ginenetik zaila egingo zaigu guztioi alde egitea hemendik emozioak eta zirrarak gogoan ditugularik

10

GOGOTIK HAUR HEZKUNTZA

ATXIKIMENDU ETA IKERKUNTZA-SENAK GARATZEN Ikastola bigarren mailako lotura da haurrarentzat. Umea gurasoengandik hezitzaileengana etortzen da, eta ikastolan ere ziurtasuna eta atxikimendua garatzea behar du. HHtik DBHra arte konfiantzazko loturak eta ziurtasuna emango dizkioten hezitzaile sentikorrak behar ditu. Bere emozioak, indarguneak eta beharrak ezagutzen dituzten pertsona sentikorrak hain zuzen. Bere harremanen gorabeherak ulertu, zaindu eta orekatzeko erantzun egokiak ahalbidetzen dituzten pertsonak.

Azken finean, bere eskolatze prozesua arrakastatsua izan dadin adi dauden irakasleak.

Neurozientziaren ikerkuntzek eragin handia izan dute irakaskuntzaren aldaketan, haurraren funtzio neurobegetatiboak eta jaiotzetik dituzten berezko senak ezagutzera eman baitizkigute.

Senak barruko inpultso edo bulkada genetikoak dira eta haiekin jaiotzen gara guztiok. Atxikimendu-sena, ikertzeko sena, beldurraren sena, berdinekin harremanak izateko sena, erasotzeko sena, txikiak zaintzeko sena eta sexurako senak dira oinarrizko senak. Artikulu honetan, atxikimendu eta ikertzeko senak aztertuko ditugu.

Atxikimendu sena Pertsona guztiok besteen beharra dugu bizirauteko, izaki sozialak gara eta ezin gara familiarik edo lagunik gabe bizi.

Ume txikiak segurtasuna emango dion pertsona bilatzen du, eta, ziur sentitzen denean, zoriontsua da. Familiaren ziurtasunak goxotasuna eta plazer emozionala ematen dizkio.

Haurrak jaiotzetik familiarekin lotura ziurra egiten badu, mundua aukeraz betetako leku ziurtzat hartuko du; bestela, leku beldurgarria izango da beraretzat. Lotura ziurrak bere buruan konfiantza garatzera eramaten du, ausarta izatera eta bere burua eta beste pertsonak baloratzera; hau da, inteligentzia emozional orekatua izatera.

Familiak haurraren etapa egozentrikoa onartzen badu, egoki entzuten eta koherentziaz erantzuten badu, haurrak enpatia garatuko du.

Irakasleekin lotura egokiak egiten baditu, ikastolan etxean bezala sentituko da eta zoriontsu izango da. Andra Mari Ikastolako hezitzaileok atxikimendua zaintzearen beharraz kontziente garenez, Golden 5 formakuntza eta programa jarri dugu martxan.

Ikertzeko eta ikasteko sena Pertsonak kuriosoak gara eta berezko sena dugu ikertzea eta ikastea.

GOGOTIK

11

Ziur sentitzen diren haurrek ikasteko eta ikertzeko berezko gogoa izaten dute.

Atxikimendu-sena asetuz gero, ikertzeko sena pizten da.

Jaiotzean, umeak bere burua ikertzen du lehenik, gero objektuak eta bere ingurua ikertzen ditu zentzumenen bidez eta mugituz. Pentsamendu abstraktuarekin batera, inguru hurbiletik unibertsoa ikertzera pasatzen da.

Dena iruditzen zaio interesgarria!

Ikastolara lehenengo aldiz sartzen diren haurren familiak umea bere ondotik aldentzen den arte gelditzea hobesten dugu.

Ikertzeko sena piztuta mantentzeko, ikastolak espazio eta material egokiak prestatzen ditu haurraren erritmoa, interesa eta indarguneen aniztasuna errespetatuz. Neurozientziak demostratu du emozioz ikertutako bizipenak betiko gelditzen direla gure memorian.

Ikerkuntza ez da inoiz eteten: haurrak zerbait ongi ikasi duenean, errutinan erori baino lehen erronka berriak bilatzen ditu, eta, behin ezagupen edo trebezia hori barneratzen duenean, beste erronka zailago bat bilatzen du. Zoriontsu sentitzen da ongi egiten duen hori harago eramaten! Gustura egindakoak ikertzeko gogoa pizten du.

12

GOGOTIK LEHEN HEZKUNTZA

KIRIBIL, HEZKUNTZA EREDU BERRI BATEN BILA Andra Mari ikastolan, Hezkuntza ulertzeko beste begirada bat.

Hezkuntza etengabeko bidea da, bukaerarik ez duen egitasmoa. Hori da, hain zuzen ere, KIRIBIL hitzarekin irudikatu nahi izan duguna. Kiribilaren hasierako puntuak umea bere osotasunean irudikatzen du eta, bere inguruan bukaerarik gabe biltzen duen marrak, berriz, bere heziketa eremu zehatzetik mundura zabaltzen dena.

Lehen Hezkuntzan hasiera eman diogun proiektu honen helburuak garai berriei erantzun nahi die. Hasi berria dugun mende honen gizarteak pertsona ekintzaile, autonomo, kritikoa, eta independentea behar du; aurkituko dituen egoeren aurrean konpetentea izango dena eta irtenbideak era positiboan kudeatuko dituena.

Kiribil egitasmoa, Lehen Hezkuntzako lehen zikloan jaio da, eta bere izpiek etapa osoan dute isla, aldaketa esanguratsuak proiektatuz metodologian, ebaluazioan..., oro har, hezkuntzaren esparru guztietan. Honekin ikaslearengan garatu nahi dugun irteera profilak hainbat ezaugarri izango ditu: • Ikasketaren protagonista izanik, prozesuaren autoerregulazioaz baliatzen dena aurrera egiteko.

• Ikasketa-prozesuan autonomoa.

• Talde kooperatiboan lana egiteko gai.

• Sortzailea.

• Parte-hartzailea.

• Motibatua eta autoestimu handikoa.

• Jakin-mina duena.

• Informazio eta Komunikazio Teknologiak arduraz erabiltzen dituena.

• Ikasketa-estrategiak eta teknikak ezagutzen eta erabiltzen dituena.

• Beste pertsonekin harreman osasungarriak dituena.

Hasieran aipatu dugun bezala, hezkuntza bukaerarik gabeko bidea bada ere, elkarlanean eta ilusioz, gure planak, gure ideiak, gure ametsak… egia bilakatzeko erronkari heldu diogu.

GOGOTIK DBH

13

EKINTZAILETASUNA LANTZEN ANDRA MARI IKASTOLAN Ekintzailetasuna hainbat gaitasunen nahasketaren emaitza da. Enpresa edo negozio berri eta arrakastatsuak irekitzearekin erlazionatu ohi dugu. Eta eremu hau oso garrantzitsua da, bereziki Sakanan. Izan ere, gure ikasleek etorkizuneko Sakana eraikitzeko eta bertan bizitzeko aukera izatea nahi dugu. Bide horretan, ekintzailetasunak egiteko garrantzitsua jokatuko du, baina jarrera ekintzailea enpresa mundutik harago doa. Etxean eta lagunartean ere izan gaitezke ekintzaileak, egunerokotasuneko arazoak konpontzeko.

bidez, eta beste jarduera batzuk eginez.

Pertsona ekintzaileak

5. Ideien sorkuntza: sormena martxan jarri dute, ideia berriak sortzeko. Lehenik eta behin, modu irekian eta mugarik gabe pentsatzera bultzatzen da, ondoren irtenbide egokia aukeratu dute.

Pertsona ekintzaileak erronka edo arazo bati aurre egiteko zirrara sentitzen du. Gai da azken helburuak edo lorpenak aldez aurretik identifikatzeko, eta horietara iristeko pauso estrategikoak planifikatzeko ahalmena du. Gainera, badaki prozesu horretan guztian gauza berriak ikasi beharko dituela. Gai da bidean aurkitzen dituen arazoak konpontzeko, eta horretarako bere ezagutzak, sormena eta pertseberantzia mobilizatu beharko ditu. Taldean lan egiteko ahalmena izango du, ikuspegi eta irizpide desberdinak bateratuz, taldearen adostasuna lortzeko eta pertsona bakoitzak bere onena emateko.

Gaitasun hauek lantzeko asmoz, joan den ikasturtean YESict programa (Young Entrepreneurial Skills by ICT) sortu genuen Ikastolok, Antic (Lapurdi), Fh Joanneum Uni (Austria), Synthesis (Zipre), Nikosiako Unibertsitatea (Zipre) eta Vaeksthusthus Sjaelland (Danimarka) erakundeekin elkarlanean. Europako Batzordearen Erasmus + programak finantzatu zuen proiektua, 10 eta 15 urte arteko gazteen artean ekintzailetasuna sustatzea helburu duena.

Zertan datza?

Ikasturte honetan, DBH 1eko ikasleek izan duten erronka “Gure ametsetako jolasgela� diseinatzea izan da. Izan ere, aurten DBHrako jolas gela berria ireki da. Proiektua garatzeko, 300 euroko aurrekontua izan dute, eta talde bakoitzak, pauso edo etapa desberdinak jarraituz, proposamen jakin bat garatu behar izan du.

1. Motibazioa: lehen etapa honetan, ekintzailetasuna kontzeptua bereganatu dute, pertsona ekintzaile baten bisitaren

2. Erronkaren identifikazioa: gai jakin bati loturiko arazoak identifikatu dituzte, eta arazo hau daukaten pertsonen interes, behar eta sentsazioak identifikatu.

3. Taldeen eraketa: talde bakoitzak talde identitatea landu du, eta talde lanerako rolak banatu dituzte.

4. Esplorazioa: erronkan sakondu dute, dakartzan arazo eta ondorioak ongi ulertzeko.

6. Prototipaketa: etapa honetan, aukeraturiko irtenbidea errealitatera eraman da, prototipo bat eraikiz. Lehendabizi, prototipo digital bat sortu dute, eta, horretan oinarrituta, maketa egin.

7. Lorpenen komunikazioa: horretarako, aurkezpen saioak prestatu dira, DBHko beste ikasleek eta familiek jolasgela diseinatzeko proposamenak ezagutu ditzaten.

8. Bozketa bidez, errealitatera eramango den proposamen bat aukeratu dugu denon artean.

Esan beharrik ez dago oso esperientzia aberasgarria eta emankorra izan dela. Etorkizunean ere, YESict programaren bidez, ekintzailetasuna sustatzen jarraituko dugu gure ikasleen artean.

ETXARRI ARANAZKO UDALA

Ondo jan ondo izan

Taldeetarako sukaldaritza eta garbiketa

16

BARRA-BARRA

IKT: Informazio eta Komunikazio Teknologiak Betidanik jakin izan du Andra Mari ikastolak gizartean hain azkar gertatzen diren aldaketetara egokitzen.

IKTen inguruan ere erronka hori izan du ikastolak hasieratik, eta, horregatik, Haur Hezkuntzatik hasi eta DBHra arte, hauek aplikatzen ari da buru-belarri.

Euskal Curriculumera jotzen badugu, hala definitzen du IKT konpetentzia (Informazio eta Komunikazio Teknologiak): “Ikaslea gai da, bere bizitzako eremuetan, egoera bakoitzak eskatzen duen IKT baliabideen erabilera egokia, eraginkorra eta arduratsua egiteko: informazioa kudeatzeko, elkarlanean aritzeko, ekintzaile izateko eta horrekin guztiarekin ezagutza sortu eta partekatzeko�.

Hori lortzeko, IKT planean oinarritzen da ikastola.

IKT planaren bidez, ikastolak behar dituen hardware, software, profesionalen prestakuntza eta dinamizazioa antolatzen ditu, bai hezkuntza-prozesuan eta bai eskolaren kudeaketan ere, modu koherente eta aproposean.

Batetik, ikastetxeko baliabideak ditugu: ordenagailuak, ordenagailu-gelak, arbela digitalak, ikasleen banakako ordenagailuak, multimedia-robotika tailerra... Tresna horiek guztiek behar den bezala funtzionatzen dutela ziurtatu behar izaten dugu, konponketak egin, eguneratu, segurtasun-kopiak egin...

BARRA-BARRA

17

Bestetik, baliabide horiekin zer egin, nola egin eta zer helbururekin egin zehaztu behar izaten da. Hor sartzen da irakasleen formazioa eta lana, ez baita nahikoa tresnak eskura izatea, nola eta zertarako erabili ere jakin behar baita. Horretarako, irakasleek beren burua jantzi behar izaten dute curriculuma lantzeko behar teknologikoak hobetzeko: dela EKI proiektuan erabiltzeko, dela eguneroko lanak egiteko, dela irakasleen arteko koordinazioa egiteko, dela liburu digitalak kontsultatzeko...

Irakasleen antzera, ikasleek munduko teknologiarik aurreratuena eduki eta eguneko ordu guztiak sakelako telefonoaren aurrean pasatuta ere, ikasleek ez dute berez ikasiko, landu eta ikasi egin behar dute IKTak erabiltzen. Ikastolan mekanografia lantzen da LH 4 eta DBH 1 bitartean, programazioa eta robotika ere lantzen dira (Code, Lightbot, Scratchjr, Scratch 2.0, mBot), eta, LHko 3. ziklotik aurrera, ordenagailua eguneroko tresna da lanak egiteko, elkarlanean aritzeko, partekatzeko...

Azkenik, familietan ere egunerokoan erabiltzen dira IKTak komunikaziorako, informatzeko... Ikastolak familiekin dituen hartu-eman gehienak (oharrak, jakinarazpenak...) posta elektronikoz, whatsappez, sare sozialen bidez, blogen bidez eta web orriaren bidez egiten ditu. Gainera, ikasleen jarraipen akademikoa egiteko Alexia aplikazioa erabiltzen dugu.

Hezkuntza familion ardura dela argi dugunez, guraso-eskoletan ere IKTekin lotutako ikastaroak eta saioak antolatzen dira, hauek berez ez baitira txarrak, beste edozein gairekin bezala erabilera baita inportanteena, behar denean behar denerako eta zentzuz erabiltzea, alegia.

Bukatzeko, interneteko euskal komunitatearekin bat eginik, 2017-2018 ikasturtean ikastolaren web-helbidea aldatu eta .eus bihurtu gara: https://www.andramariikastola.eus. Sartu eta ezagutu e-ikastola!

HAUR HEZKUNTZA

BIZITAKOAK

19

20

BIZITAKOAK

LEHEN HEZKUNTZA

LEHEN HEZKUNTZA

BIZITAKOAK

21

DBH

BIZITAKOAK

23

24

BIZITAKOAK

BIZITAKOAK

25

EUSKARA

27

HIZKUNTZA-PROIEKTUA:

Euskara eta euskalduntasuna ardatz harturik, eleaniztasunari koherentzia ematen dion markoa.

Andra Mari ikastolaren Hizkuntza-Proiektua ikastolan hizkuntzak nola ikasten diren, nola irakasten diren eta nola erabiltzen diren jasotzen duen markoa da. Euskara eta euskalduntasuna ardatz harturik, eleaniztasunari koherentzia ematen dion markoa da.

Eremu pedagogikori dagokionez, hizkuntzaren garapenean eragina duten irakaskuntza- eta ikaskuntza-prozesu guztiak biltzen dira (bai gela barrukoak eta bai kanpokoak ere), eta, horietaz gain, helburu pedagogikoak dituzten eskolaz kanpoko jarduerak ere jasotzen dira.

Gela barruko eremua Ikasten diren hizkuntzak nola ikasten diren zehazten da. Batetik, hizkuntzen curriculum bateratua helburu duten erabakiak eta gainerako arloetako hizkuntza beharrei erantzuten diotenak; bestetik, gela barruko harreman-sareen hizkuntzaren kalitatea bermatu eta ikaskuntza-irakaskuntza prozesuan bideratutako komunikazioa ahalik eta aberatsena eta eraginkorrena egitea duena helburu.

Horrekin batera, lan-ildo horiek aurrera eramateko irakasleen beharrezko prestakuntza eta baliabideak ere jasotzen dira; hala nola, hizkuntzaren hobekuntza, metodologia eta didaktika, eta hizkuntzekiko jarrerak.

Gelaz kanpoko eremua Irakasle, hezitzaile nahiz begiraleekin bideratzen den gelaz kanpoko jardunaz arduratzen da. Ikastolaren egoera soziolinguistikoa kontuan hartuz eta hizkuntza bakoitzean ezarritako azken helburuen arabera beste hizkuntza batzuk erabil badaitezke ere, eremu hori euskararen sustapenari begira dago bereziki.

Hizkuntza-proiektuko urteko planean hainbat helburu eta jarduera

planteatzen ditugu; esate baterako, urtero gela barruko eta kanpoko euskararen erabilera neurtzen dugu eta emaitzak erregistratu egiten ditugu Ulibarri programak eskaintzen digun plataforman. Datu hauek baliagarriak izaten dira gure ikastolako erradiografia egiteko, eta, emaitzak aztertu ondoren, hobekuntza planak egiteko eta bideratzeko.

Aurtengo ekintza aipagarrienak, besteak beste, abenduan landutako Euskararen eguna, kidetzea eta jolas bildumetan jarduerak izan dira.

28

EUSKARA

Euskaraldia Euskaraz hitz egiten badakizu? Euskaraz hitz egiteko gaitasunik ez baduzu ere, zerbait uler dezakezu? Konturatu zara, orduan, elkarrekin euskaraz egin dezakegula? 11 egun euskaraz: egingo dugu proba?

Dagoeneko zuetako batzuek adituko zenuten Euskaraldia izena, eta jakinen duzue zer den, baina ez dakienarendako, laburbiltzerik bagenu, erronka bat dela esan genezake, euskaldunok geure hizkuntza-ohituren gainean hausnartzeko aukera emanen digun erronka bat. Eta, zertan datza erronka hori? Bada, 11 egunez, azaroaren 23tik abenduaren 3ra, euskal hiztunok euskararen erabilera areagotzea.

Hori lortzeko, ariketa bat proposatzen digute: egin dezagun euskaraz euskaraz hitz egiten edo ulertzen dugun guztion artean. Euskal Herri osoan eta elkarrekin arituta, gure egunerokoan eragin genezake. Euskal Herriko ehunka herrik eman dute izena Euskaraldian; Sakanan Altsasu, Urdiain, Bakaiku, Etxarri Aranatz, Lakuntza, Arruazu, Uharte-Arakil eta Irurtzunek.

Ariketa honetan, ondoko bi roletako bat hartu beharko dugu 11 egunez:

Ahobizi: Ulertzen duenari euskaraz egingo diot, nahiz eta hark erdaraz erantzun . Ezezagunei lehen hitza, gutxienez,

euskaraz egingo diet.

Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea

nahi dut.

Eta rol horietaz jabetuta, bakoitzak bere inguruan, bere ohiko harreman sareetan egitea proposatzen digute: familian, lagunartean, lanean, ikastolan, dendetan, beste gurasoen artean…

Zer lortuko dugu Euskaraldiarekin?

• Gure harremanetan hizkuntzarekin ditugun inertziak astintzea eta uste baino gehiagotan euskarazko komunikazioa

posible dela frogatzea.

• Euskal Herrian euskara ulertzen duen jendea pentsatzen duguna baino gehiago dela jabetzea eta euskara gehiagotan

erabil dezakegula ikustea.

• Nahiz eta hizkuntza-ohiturak aldatzea norberaren hautua eta ariketa izan, bidea taldean eta batera erosoago eta lagun

duago egitea.

• Euskara erabiltzeko testuinguru eta egoera berriak, abegikorragoak eta babestuagoak sortzea.

Euskaraldian parte hartzeko, 16 urtetik gorakoek eman dezakete izena, eta aukeratutako rolaren arabera, honako irizpideak bete beharko dira:

• Ahobizi izateko, euskaraz hitz egiten jakin behar da.

• Belarriprest izateko, euskara ulertu behar da.

Irizpideak betez gero, norberak erabakiko du zein roletan izena eman. Rola aukeraturik eta izena emanik, Ahobizi edo Belarriprest ikurra soinean eraman, eta hizkuntza ohiturak aldatzeko ariketa egingo dugu! Jar ditzagun ikastolan Ahobiziak eta Belarriprestak dantzan!

Lizardi Estetika zentroa

649 444 018 • abenjumo@hotmail.com Nagusia 12 - 1B • Etxarri Aranatz

VENTA Y REPARACIÓN

BEROKUNTZA INSTALAZIOAK Berokuntza zentralen instalazio mantentzea Mantentze termiko industriala (hotza, beroa, lurruna....)

Galdara gelen erreformak Kontsumo banaketak Berezko Ingenieritza BEROA ESTELLA S.L. Polígono Berriainz C/D 124 31195-AIZOAIN Tfno: 948306369 www.beroa.com

30

HARRAPAZAK/N

GU ERE EGON GINEN IKASTOLAN Hemen dator, urtero bezala, ikasle ohien atala. Aurten ere gure ikastolako bost ikasle ohirekin bildu gara euren berri izateko. Orrialde hauetan, ikastolatik atera ondorengo urteetan zer egin zuten, orain zertan dabiltzan, ikastolako oroitzapenak… eta beste gauza interesgarri asko kontatuko dizkigute. Ea zer dioten!!

Galderak: 1- Zer esperientzia, oroitzapen, bizipen, anekdota… dauzkazu gogoan Andra Mari ikastolan ikasten egon zinen garaikoak?

2- Zein eragin izan dute zure bizitzan Andra Mari ikastolan pasatu zenituen urteek?

3- Definitu hiru hitzetan Andra Mari ikastolan bizi izan zenuen ikasketa-prozesua.

1. Ezingo nintzateke oroitzapen on bakarrarekin gelditu. Memento on asko pasa ditut ikastolan. Asko gogoratzen naiz Haur Hezkuntzan Josune eta Juana Mariren geletako etxe-txokoetan pasatzen genituen mementoekin. Bestalde, Jexuxekin Herri Kiroletan entrenatzen pasatutako orduak edota Olibirekin egin genituen antzerkiak.

Karraka asko ere gogoratzen ditut, baina bereziki Bartzelonako bidaia prestatzeko egin genuen urtekoa, eta baita geure azkenekoa izan zena ere. Oso une polita izan zen karraka jaso genuenekoa. Eta nola ez, ikaskideekin pasatutako une guztiak ere ez ditut inoiz ahaztuko.

2. Eragin handia izan dute ikastolan pasatutako urteek nire bizitzan. Euskara zaindu eta maitatzeko grina behin eta berriz transmititu ziguten. Bertan ezagutu nituen ondoren ere nire lagun handiak diren asko. Egia esan, oso gustura egon nintzen ikastolan eta oso gustukoa dut ikastola proiektua. Beti sentitu izan dut ikastolan, alderdi akademikoaz harago, pertsonak oso garrantzitsuak izan garela beti.

SAIOA ARISTORENA, 31 urte (Etxarri Aranatz)

3. Familiartekoa, euskalduna eta konfiantzazkoa.

1. Oroitzapen asko dauzkat eta mota askotakoak. Nire lehen oroitzapenak eta politenak Bakaikuko ikastolakoak dira. Han, Juana Mari irakasle genuela, etxetxokoan, zintzilikatzeko sokan… pasatutako mementoak ez ditut inoiz ahaztuko. Oso gustura ibiltzen ginen. 6 urterekin, Etxarriko ikastolara pasatu ginen. Dena berria izateaz gain, izugarri handia zela eta jende pila zegoela iruditzen zitzaidan… Etxarrin ere oso ongi pasatu nuen pilotan, futbitoan…

Beste ikastola batzuekin egin genituen elkartrukeak ere oso gogoan ditut: Lizarrako ikastolakoekin, Iparraldera joan ginenekoa… oso esperientzia aberasgarriak izan zirela iruditzen zait.

2. Nire bizitzaren lehenengo urteen zati garrantzitsua da Andra Mari ikastola.

Euskararekiko maitasuna, elkartasuna, elkarlana… eta beste hainbat eta hainbat balio eta gauza erakutsi dizkit ikastolak. Urte asko izan ziren, eta beste gauza batzuekin batera, ikastola nire nortasunaren oinarri dela esan dezaket.

3. Polita gehienetan, gogorra batzuetan, baina, batez ere, gertukoa.

EGOITZ URRITZA, 38 urte (Bakaiku)

HARRAPAZAK/N

31

1. Oroitzapen asko dauzkat!!! Errekreoetako jolasak, “al burro” jolasten pasatutako orduak eta hartutako kolpe pila, patioko eskaileretan eserita hamaiketakoa jaten genuen bitartean lagunekin izandako hizketaldiak, laborategiko gure “Kaximiro” eskeletoa, eta nola ez… urteroko Karrakak!!! Gogoratzen dut Karraka baina egun batzuk lehenago hasten nintzela urduritzen eta antzeztu arte ez zitzaidala pasatzen!!! Finean, asko dira ikastola garaitik dauzkadan oroitzapen politak!!!

2. Ikastolan igarotako urteak gogoratzean, nahi gabe, irribarre bat ateratzen zait. Nire haurtzaroaren zati oso garrantzitsu bat pasatu nuen ikastolan, eta bertan ikasi nuen zer diren laguntasuna eta elkarlana; bertan ikasi nuen nire inguruarekin harremanetan jartzen eta nire ingurukoekin harremanak garatzen; eta nola ez, bertan ikasi nuen euskara eta gure herria bihotzez maitatzen…

MAIDER MARIN, 37 urte (Dorrao)

3. Aberasgarria, polita eta familiarteko giroa duena. Horrela gogoratzen dut ikastola.

1. Lagun asko egin nituen ikastolan egon nintzen urteetan, eta lagun hauetako batzuekin kontaktua galtzen joan banaiz ere, beste asko, betiko lagun izan dira. Bestela, urtero egiten genituen txango eta irteerak ere oso gogoan dauzkat. Gauza berri asko ikasten genituen.

Halere, badira bereziki gogoratzen ditudan hiru bidaia. Hirugarren mailan geundenean, Lizarrara joan ginen eta bertako ikasleekin elkartrukea egin genuen. Baina hau ez zen izan egin genuen elkartruke bakarra. Urte batzuk geroago, Iparraldera joan ginen, eta Kanboko ikastolan lagunak egin genituen. Ni Beskoitzen egon nintzen, eta nire kidearen izena ere gogoan dut: Etor Garat. Eta nola ez, zortzigarren mailan Tossa de Marrera egin genuen ikasbidaia ere ez dut inoiz ahaztuko.

2. Eragin positiboa, zalantzarik gabe. Balio polit asko jaso nituen ikastolan: laguntasuna zer den ikasi nuen; baina batez ere, pertsona ona izaten irakatsi zidaten. Mementoan ez zara konturatzen, baina urteak pasatu ondoren, begirada atzerantz botatzen duzunean, ikastolak utzi dizkizun gauza on guztiez ohartzen zara. Eta nire kasuan behintzat, gauza on horiek eta ikastolatik jasotako balioak asko izan dira: elkarlana, laguntasuna, euskara… oraintxe bertan, esan dezaket ikastolatik jaso nuen guztia positiboa izan zela 3. Oroitzapen politak, profesionaltasuna eta adiskidetasuna. Horiek dira burura datozkidan lehen hiru ideiak ikastolagatik galdetzen didatenean.

JOKIN GOIKOETXEA, 37 urte (Lakuntza)

1. Esperientzia bakar bat aukeratzea oso zaila dela uste dut. Horrenbeste urtez bizi eta sentitutakoa hitz gutxitan laburtzea ezinezkoa baita. Dena den, zerbait aukeratu behar izanez gero, pertsonekin geratuko nintzateke. Ikaskide eta irakasle guztiek irakatsi didate zerbait.

Anekdota moduan, kontatu dezaket ikastola amaitu eta 6 urte ondoren, nire gelakide guztien izena eta bi abizenak gogoratzeaz gain, gehiengoaren urtebetetze data ere gogoratzen dudala.

Amaitzeko, txangoak ere aipatu nahi ditut. Izan ere, nahiz eta irteerak urtean behin edo bitan egin, hauetako batzuk betiko gogoratuko ditut. Nire kasuan, Bartzelona, Gorliz edo Zuhatzako irteerak esaterako, oso era berezian gogoratzen ditut.

2. Haurtzaroak norberaren izaera edo nortasunaren eraketan berebiziko garrantzia duela uste dut; eta nire haurtzaroa ikastolan pasatu nuela kontuan izanik, bertan bizitako esperientziek nire bizitza eta izaeran eragin zuzena izan dutela esango nuke. Gainera, Irakasle-ikasketen praktikak direla-eta ikastolara itzultzeko aukera izan dut, eta bigarren egonaldi honek ere pertsona eta etorkizuneko irakasle bezala asko ikasteko aukera eman didala esan beharra daukat. Azken finean, nire irakasle izan ziren horiek beste perspektiba batetik ikusi ditut, eta horrenbeste irakatsi zidaten pertsonekin elkarlanean aritzeko aukera izan dut.

3. Zoriontasuna eta babesa. Orain, denborak ematen duen distantziarekin, ikastola gogora ekartzean horiek baitira burura datozkidan lehenengo hitzak.

AMAGOIA HERMOSO DE MENDOZA, 21 urte (Uharte-Arakil)

32

DENOK BERDINAK, DENOK DESBERDINAK

POSIBLE DA IKASLE GUZTIEN BENETAKO INKLUSIOA? Andra Mari ikastolako Trantsizio Gelako ikasleengan benetako inklusioa sustatzen da.

Bada Etxarri Aranazko Andra Mari ikastolan berau aberastu eta berezi egiten duen ikasgela bat: Trantsizio Gela hain zuzen ere.

Zer da Trantsizio Gela bat?

Trantsizio Gelak ohiko ikastetxeetan kokatzen diren ikasgelak dira, eta hauen helburu nagusia Hezkuntza Laguntzaren Berariazko Premiak (HLBP) dituzten ikasle jakin batzuei hezkuntza erantzun egokia eskaintzea da. Horretarako, testuinguru egituratu eta antolatu bat eskaintzen zaie, eta, aldi berean, ohiko ikastetxean egoteak dituen onurez baliatzen dira; gela arruntean sartu eta bertako lagun eta ikaskideekin harremanak izatea, besteak beste.

Hezkuntza Departamenduak eskainitako baliabideei esker, gure Trantsizio Gela 2014-2015 ikasturtean jarri genuen abian, baina hau lortzea ez zen erraza izan. Familiek eta ikastolako langileek lan handia egin behar izan zuten, eta, horri esker, aurten 4. ikasturtean gaude.

Nola lortzen da benetako inklusioa?

Ikasle bakoitzari bere garapen integrala lortzeko baliabideak eskaintzen saiatzen gara; horregatik, egunerokotasunean aurrera egiteko tresnak (autonomia, hezkuntza emozionala) eta bere mailara egokitutako edukiak lantzeaz gain, beren erreferentzia gelako beste ikasle eta irakasleekiko lotura eta harremanak bilatzen ditugu. Modu honetan, arlo pertsonal eta akademikoaz gain, arlo soziala ere lantzen dugu.

Ikasgela arruntean sartzea: ikastolako ekintzetan parte hartzeak eta ikasgela arruntean sartzeak berebiziko garrantzia du. Horregatik, Aitor, Izai, Nahia, Oihan eta Enaitzek beraien erreferentzia gela dute, eta bertan gainontzeko ikasleekin askotariko proiektu burutzen dituzte. Ikasturte amaierako bidaietara ere beren erreferentziazko gelakoekin joaten dira, eta gainontzeko ikasleak bezalaxe gaua pasatu eta egokitzen zaizkien kanpo ekintzetan parte hartzen dute.

Ikastolako ekintza guztietan parte hartzea: ikastolak ikasturtean egiten dituen ekintza guztietan ere parte hartzen dute, hala nola, Santa Agedan, Olentzeroren festan, inauterietan, liburuaren egunean, korrika egunean, Karrakan (ikastolako jaialdia)...

Trebetasun sozialak garatzea: modu bisual eta dinamiko batean bizitzan aurki ditzaketen askotariko egoerak aurkezten zaizkie eta egoera hauetan aproposa den eta ez den jokabidea ondorioztatzen dute.

DENOK BERDINAK, DENOK DESBERDINAK Lagunak programa: Ikastolako orduetatik kanpo Trantsizio Gelako ikasleen integrazioa herrietan jarraitzeko, aurreko ikasturtean Lagunak programa martxan jarri genuen. Horretarako, herrian astean bitan elkartzen ziren bere herriko lagunekin, ordu eta toki jakin batean. Honen jarraipena ikastolatik egiten da, erreferentzia geletako ikasleekin bilduz eta behar zituzten baliabideak emanez. Emaitza oso positiboak lortu dira: TGko zenbait ikaslek herriko festetan lagunekin atorra egin dute, inauterietan elkarrekin atera dira, gazte txokoan lagunekin jolastu dira…

Aipatu behar da proiektu hau aurrera eramateko ezinbestekoa izan dela ikastolako guraso, PT, tutore eta orientatzailearen koordinazio lana.

33

Ekimen jakinen bidez TG gelaren presentzia ikusaraztea: 2014-2015 ikasturtean eginiko “Denok berdinak, denok ezberdinak” kanpainaren bitartez, edota Pirritx eta Porrotxen bideo lehiaketan parte hartuz…

Eta zer diote familiek?

Edozein familiak bezala, beraien seme-alaben garapenaren testigu diren aldetik, oso pozik daude orain arte egindako bidearekin. Aitorren ama den Rosaren iritziz, “ume hauei aukerak ematen badizkiegu, nahiz eta gizarteak ezarritako erritmoan ez izan, bakoitza bere martxan, helburuak lortzen joango dira”. Bere ustez, “oso garrantzitsua da ahalik eta baliabide gehien eskaintzea, bai baitakigu % 100 aprobetxatzen dituztela, eta hor daude emaitzak”. Oihanen ama den Estiren iritziz, antolaketa honen onura garrantzitsu bat beraien inklusio erreala gauzatzeko egiten diren ekimenetan dago. Baina, Rosak bezala, Estik ere baliabide gehiagoren beharra ikusten du: “sabai edo limite bat jarriko genuke edozein haurren garapenean? Jarri ditzagun ba behar diren baliabide guztiak gure ikasleen kasuan ere”. Izan ere, ikasle bakoitza bere erreferentzia gelan ahalik eta denbora gehien egotea nahi badugu, ezinbestekoa da giza-baliabideak handitzea. Hala eta guztiz ere, ikastolan argi daukagu zein den bidea, horregatik, zailtasunak gaindituz, tinko jarraituko dugu benetako inklusioaren alde lan egiten.

-TABERNAKale Nagusia, 5 31839 ARBIZU (Nafarroa)

34

LAN ETA LAN AUZOLAN

IZAN DEZAGUN ARGI, IZAN DEZAGUN GARBI! Amalurraren aldeko auzolana Auzolana eta Ingurumena, bi kontzeptu horiek elkartu ditugu ekimen hau aurrera eramateko. Ingurumenaren aldeko jokabide zuzenak eta egokiak sustatzeko eta eguneroko jardunean integratzeko, ikastolaren kulturan hain txertatua dugun auzolan ereduaz baliatzea hautatu dugu. Denon inplikazioa eskatzen du auzolanak, denok helburu baten alde jartzen gaitu: proiektuarekiko lotura emozionala sortzen da, eta, ondorioz, gehienetan behintzat, eraginkortasun handiagoa lortzen da.

Ingurumena zaintzearen ardura ikastetxearen paretak gainditzen dituen proiektua da: familien, herriaren, gizartearen‌ inplikazioa behar du. Sakanan, aurrerapauso asko eman dira bide honetan, birziklapenaren inguruan bereziki. Helburuak gizarteratzeko asmoz gainera, ikastetxe guztietan formazio saioak eskaintzen ditu Mankomunitateak.

Ingurumenaren etorkizun hobe baten aldeko inbertsioa, noski!

Ostiralero, Lehen Hezkuntzako gela bateko ikasleek ikastolaren inguruko zaborrak biltzen dituzte txandaka.

Ingurua garbitzea ez da, ordea, Andra Mari Ikastolan ingurumenaren alde egiten den jarduera bakarra: jendarteko kide garen heinean, lanketa berezia egiten da naturaren babesa denon ondasuna dela jabetzeko eta arduraz jokatzen ikasteko. Adibide gisa, iaz ekimen bat baino gehiago egin zen helburu honekin: batetik, zaborra murriztearen aldeko lanketa, non ikasleen familiei gosariak biltzeko ontzi berrerabilgarriak erabiltzearen aldeko hautua bultzatu zen; bestetik, 6. mailako ikasleek “Orain eta gero, zaborrak zero� deituriko proiektua garatu zuten, zaborrontziak ongi erabili eta eta zaborrak egoki sailkatzearen alde. Aurten, azkenik, birziklapenaren gaia artearekin lotu dugu, eta Birziklart proiektua garatu dugu.

Espero dezagun etengabeko eta urtez urteko kontzientziazioaren bidez denon artean murrizketaren, birziklapenaren eta berrerabiltzearen aldeko kultura heda-tzen joatea! Zain dezagun gure Amalurra!

Arbizu eta Lakuntzako udal haur eskola info@kattuka.com 948567009. Uhalde kalea z/g. 31839 Arbizu www.kattuka.com

a t n re T. 948 461 102 p n i

Etxarri Aranatz

aldizkariak logotipoak folletoak albaranak sobreak…

DENDAK: ALTSASU, Tel. 948 56 38 22 ETXARRI-ARANATZ. Tel. 948 46 09 88 POLIGONO IBARREA, Tel. 948 46 71 53 E-mail. portukookindegia@hotmail.com

36

ANDRA MARI ARTIST

BIRZIKLART: artearen bidez, erabilitako materialei bigarren bizia ematen Sakanako ikastolek 2 urtetik behin antolatzen duten arte proiektu emankorra aurten 4. ediziora iritsi da Etxarri Aranazko kultur etxean ikusgai egon dira ikastolako ikasleek egin dituzten arte lanak, ekainaren 4tik 8ra. Badira jada zortzi urte Andra Mari eta Iñigo Aritza ikastolek Arte Proiektua martxan jarri genuela. Bi urtetik behin egiten den proiektu honen bidez, artea bizitzako hamaika arlo, gai eta diziplinarekin uztartzen da. Duela lau urte, pintura eta eskulturekin hasi ginen; bigarren edizioan, artelanak hainbat euskal idazleren obretatik abiatuz sortu genituen; hirugarrenean, berriz, Sakanako musika taldeen abestiek inspiratu zituzten gure ikasleak; aurten, berriz, ekologia izan da ardatza, erabilitako materialak birziklatu egin ditugu artelan bihurtzeko.

Haur Hezkuntza Ezkontzako etxea, Zuhaitza, Parkea, Txokolatezko etxea, Gaztelua eta Piratak: “Material erabiliak ez dira zaborrak, mundu magiko bat sortzeko gauzak baizik.

Ipuinetako lekuak asmatu ditugu: txokolatezko etxea, gaztelua, parkea, piraten itsasontzia…”

Lehen Hezkuntza - 1. zikloa Birzi-trena: “Trenaren ideia gelan landu ditugun gaiekin lotu dugu. Naturatik, birziklapenetik eta gurasoen lanbideetatik abiatuz, gure tren ekologikoa sortu dugu.”

ANDRA MARI ARTIST

37

Lehen Hezkuntza - 4. maila Mila eta bat gau: “Gelan landuriko gaiarekin lotuz, Arabiaren esentzia berreskuratzen saiatu gara, usainak, soinuak, argiak eta koloreak uztartuz”

Txorienea - txorientzako babes ofizialeko etxeak: “Aurten izan dugun udaberri eta uda hasiera kaxkar honetan bizirauteko, txoriei laguntzatxo bat ematea izan da gure asmoa.”

Lehen Hezkuntza - 5. maila Aulki tuneatuak: “Geletan erabiltzeko egoera kaxkarrean zeuden ikastolako biltegiko aulkiak zaharberritu ditugu, biltegitik atera eta ikastolako bizitzara bueltatzeko asmoz.”

Roboten lata: “Lehendabizi, erabilitako materialak ekarri genituen gelara, eta, lortu genuena aztertutakoan, robotak egitea bururatu zitzaigun.”

Aurpegi pikorduna: “Gelan genuen kortxoa aprobetxatuz, borobiltxotan moztutako piezak sortu eta mural polit bat egitea lortu dugu.”

Puzzlelandia: “Puzzle zaharrei bigarren aukera bat eman diegu, kolore desberdinez margotuz artelan berri bat sortzeko. Gure artelan berriarekin pasabidea apainduko dugu. ”

38

ANDRA MARI ARTIST

DBH 1

DBH 3

Gu geu musikari: “Artea, birziklapena eta, gure kasuan, musika ere lotu ditugu. Ikasleok nork bere instrumentua egin dugu.”

Arteaz, mundua islatzen!: “Artearen bidez, hainbat material birziklatuz, askotariko gai sozialak landu ditugu talde txikitan. Honela, gai horiekiko gure ikuspuntua islatu nahi izan dugu.”

Aurten ere argi gelditu da Arte Proiektua ez dela artelanak sortzea bakarrik. Prozesuan lantzen diren gaiek izugarrizko balio gehitua ematen diote ekimenari. Horregatik, etorkizunean ere saiatuko gara artea merezi duen tokian kokatzen, alor eta diziplina desberdinekin uztartuz, gure neska-mutilen hezkuntza aberasteko.