Gemengeninfon°7/2015

07 /// 2015

GEMENGENINFO RAPPORT DU CONSEIL COMMUNAL DU 13.11.2015

EDITEUR: ADMINISTRATION DE LA VILLE DE DUDELANGE

02 2 RAPPORT SOMMAIRE

Rétrospective en images Séance du conseil communal du vendredi 10 juillet 2015 - résumé

04 10

Gemengerotssëtzung vum 13. November 2015

11

1. Correspondance

11

2. Règlements de circulation

12

3. Finances communales – approbation

20

1. des modifications à apporter au chapitre XIX: Piscines - du règlement-taxes général 2. du devis remanié de 752.000 EUR et du crédit supplémentaire de 82.000 EUR relatifs à la rénovation de la maison sise au numéro 25 de la rue du Commerce en vue de la création de logements sociaux et de chambres meublées et du devis remanié de 2.453.000 EUR et du crédit supplémentaire de 333.000 EUR relatifs à la création de logements sociaux pour personnes sinistrées et à l'aménagement de nouveaux locaux pour les services office social et emploi dans la maison sise au numéro 27 de la rue du Commerce 3. du nouveau projet définitif, du devis remanié de 1.780.000 EUR et du crédit supplémentaire de 515.000 EUR relatifs à l'aménagement de quatre salles de classe supplémentaires en vue de l'extension de l'école Gaffelt 4. de l'acte de cession gratuite conclu avec la Société nationale des habitations à bon marché concernant une parcelle de terrain sise au lieu-dit 'rue des Romains' 5. des subsides ordinaires de l'exercice 2014 à allouer aux associations locales 6. de subsides extraordinaires 4. Approbation de la convention de collaboration pour l'hébergement de demandeurs de protection internationale / réfugiés à conclure avec l'État du Grand-Duché de Luxembourg et la Croix - Rouge luxembourgeoise

26

29 29

5. Approbation du plan de gestion des forêts de l'année 2016 6. Approbation de l'organisation scolaire définitive de l'enseignement fondamental pour l'année scolaire 2015 / 2016 35 7. Approbation de l'organisation scolaire définitive de l'enseignement musical pour l'année scolaire 2015 / 2016 8. Personnel communal 1. approbation du relevé des personnes auxquelles il est fait cadeau d'une montre pour vingt ans de bons et loyaux services et du relevé des personnes auxquelles il est fait cadeau d'un bon d'achat à l'occasion de leur départ à la retraite 2. création d'un poste de fonctionnaire communal dans la carrière du rédacteur (m/f) pour les besoins du secrétaire communale 3. création d'un poste de directeur de l'école régionale de musique sous le statut de l'employé communal 4. création d'un poste de directeur adjoint de l'école régionale de musique sous le statut de l'employé communal 5. création de deux postes d'agent administratif (m/f) dans la carrière B1 sous le statut de l'employé communal pour les besoins de l'administration communal

03 3

6. nomination provisoire d'un rédacteur sous le statut du fonctionnaire communal pour les besoins du service de la gestion et du maintien du patrimoine 7. nomination définitive et hors cadre d'une rédactrice et nomination définitive d'une secrétaire communale sous le statut du fonctionnaire communal 8. nomination définitive d'une rédactrice sous le statut fonctionnaire communal pour les besoins du service comptabilité 9. changement de carrière avec décision de classement et suppression du service provisoire d'un employé communal dans la carrière de directeur de l'école régionale de musique 10. changement de carrière avec décision de classement et suppression du service provisoire d'un employé communal dans la carrière du directeur de l'école régionale de musique 11. changement de carrière avec décision de classement et suppression du service provisoire d'une employée communale dans la carrière C pour les besoins du service des sports 12. changement de carrière avec décision de classement et suppression du service provisoire d'une employée communale dans la carrière B1 pour les besoins de la bibliothèque publique régionale 13. changement de carrière avec décision de classement, augmentation de la tâche hebdomadaire et suppression du service provisoire d'une employée communale dans la carrière B1 pour les besoins du service de l'accueil 14. prolongation du service provisoire d'un expéditionnaire technique au service de l'architecture et des domaines 15. augmentation de la tâche hebdomadaire d'une employée communale dans la carrière B1 à l'école régionale de musique 16. modification du contrat de travail à durée indéterminée d'une chargée de cours violon 17. engagement d'une chargée de cours de chant à durée déterminée 18. engagement de deux chargés de cours de violon à durée déterminée 19. engagement d'un chargé de cours de formation musicale / solfège à durée déterminé en tant que remplaçant Fin de la séance à huis clos 9. Nomination de Alex Bodry comme bourgmestre honoraire 10. Changement dans les commissions consultatives communales 11. Point mis à l'ordre du jour par le parti déi gréng en application des dispositions de l'article 13 de la loi communale modifiée du 13 décembre 1988 et concernant la 'discussion des nouveaux TICE dans la commune de Dudelange' 12. Questions au collège des bourgmestre et échevins

Editeur responsable: Collège des bourgmestre et échevins de la Ville de Dudelange Textes: Résumé français: Joseph Schmit Retranscription: Rita Schmit N° 07 /// 2015 parution JANVIER 2016 Photos, Illustrations: Ville de Dudelange, David Laurent/Wili, Michel Brumat, André Weisgerber, Mike Zenari, BENG, iStock

30

32

RAPPORT SOMMAIRE

Début de la séance à huis clos

RAPPORT RETROSPECTIVE 04 4

RÉTROSPECTIVE EN IMAGES

Journée nationale de l’arbre - Plantation d’un verger Rue des Champs - 14.11.2015

RAPPORT RETROSPECTIVE 05 5

Journée de la Nostalgie - 15.11.2015

Remise des diplômes cours informatiques - 19.11.2015

Vernissage Exposition Aus Di(e)r kann alles gin - 20.11.2015

RAPPORT RETROSPECTIVE 06 6

Remise de montres au personnel méritant - 04.12.2015

Projet 'quartier en couleurs' - 04.12.2015

Conférence de Stéphanie Kovacs L’arrivée du «monstre de métal» en 1882 - 25.11.2015

Remise des mérites sportifs - 26.11.2015

RAPPORT RETROSPECTIVE 07 7

REMISE MÉRITE SPORTIFS

RAPPORT RETROSPECTIVE 08 8

Lecture Ritchie Rischard Bibliothèque - 26.11.2015

St-Nicolas à l'Hôtel de Ville - 29.11.2015

Workshop PAG Jeunes - 12.12.2015

Inauguration 02.12.2015

logements

sociaux

Tattenberg

-

Titre

RETROSPECTIVE 09

MARCHÉ DE NOËL MÉDIÉVAL 2015

10 RAPPORT

RAPPORT SOMMAIRE DE LA SÉANCE DU CONSEIL COMMUNAL DU VENDREDI 8 MAI 2015 Présents: MM. Dan Biancalana, bourgmestre, René Manderscheid, Loris Spina et Mme Claudia Dall'Agnol, échevins, M. Bob Claude, Mmes Jessica David, Josiane Di Bartolomeo-Ries, MM. Jean-Paul Friedrich, Jean-Paul Gangler, Mmes Romaine Goergen, Nathalie Haas, Michèle Kayser-Wengler, Colette Kutten, MM. Marc Lazzarini, Romy Rech, Mme Brit Schlussnuss, conseillers et M. Claude Kugeler, secrétaire communal adjoint Absent, excusé: M. Marc Schiffmann, conseiller Début de la séance à 08.00 heures.

1. Sous le point 1 de l'ordre du jour – Correspondance, le bourgmestre informe les conseillers de la circulaire no. 3298 du Ministère de l'Intérieur concernant l'élaboration des budgets pour l'année 2016 2. Trois règlements de circulation concernant un passage pour piétons à la route de Volmerange, une limitation à 2,50m des véhicules ayant accès au parking "crassier" à la route de Thionville ainsi que la mise en place d'un emplacement pour handicapés le long du cimetière à la route de Luxembourg ont été approuvés à l'unanimité 3.1Les modifications à apporter au chapitre XIX: Piscines - du règlement-taxes général ont été approuvées par douze voix pour et quatre abstentions.

3.2Le devis remanié de 752.000 EUR et le crédit supplémentaire de 82.000 EUR relatifs à la rénovation de la maison sise au numéro 25 de la rue du Commerce en vue de la création de logements sociaux et de chambres meublées, ainsi que le devis remanié de 2.453.000 EUR et le crédit supplémentaire de 333.000 EUR relatifs à la création de logements sociaux pour personnes sinistrées et à l'aménagement de nouveaux locaux pour les services office social et emploi dans la maison sise au numéro 27 de la rue du Commerce ont été approuvés à l'unanimité.

3.3 Le nouveau projet définitif, le devis remanié de 1.820.000 EUR et le crédit supplémentaire de 555.000 EUR relatifs à l'aménagement de quatre salles de classe supplémentaires en vue de l'extension de l'école Gaffelt ont été approuvés à l'unanimité.

3.4 L'acte de cession gratuite conclu avec la Société nationale des habitations à bon marché concernant une parcelle de terrain sise au lieu-dit 'rue des Romains' a été approuvé à l'unanimité.

3.5

Les subsides ordinaires de l'exercice 2014 à allouer aux associations locales ont été approuvés par dix voix pour, trois voix contre et trois abstentions.

3.6

Les subsides extraordinaires ont été approuvés à l'unanimité.

4.

La convention de collaboration pour l'hébergement de demandeurs de protection internationale/réfugiés à conclure avec l'Etat du Grand-Duché de Luxembourg et la Croix-Rouge luxembourgeoise a été approuvée à l'unanimité.

5.

Le plan de gestion des forêts de l'année 2016 a été approuvé à l'unanimité.

6.

L'organisation scolaire définitive de l'enseignement fondamental pour l'année scolaire 2015/2016 a été approuvée à l'unanimité.

7.

L'organisation scolaire définitive de l'enseignement musical pour l'année scolaire 2015/2016 a été approuvée à l'unanimité.

8.1

Le relevé des personnes auxquelles il est fait cadeau d'une montre pour vingt ans de bons et loyaux services et du relevé des personnes auxquelles il est fait cadeau d'un bon d'achat à l'occasion de leur départ à la retraite a été approuvé à l'unanimité.

8.2

La création d'un poste de fonctionnaire communal dans la carrière du rédacteur (m/f) pour les besoins du secrétariat communal a été approuvée à l'unanimité.

8.3

La création d'un poste de directeur de l'école régionale de musique sous le statut de l'employé communal a été approuvée à l'unanimité.

11

La création d'un poste de directeur adjoint de l'école régionale de musique sous le statut de l'employé communal a été approuvée par sept voix pour, troix voix contre et deux abstentions.

8.5

La création de deux postes d'agent administratif (m/f) dans la carrière B1 sous le statut de l'employé communal pour les besoins de l'administration communale a été approuvée par huit voix pour et trois abstentions.

Lors de la séance à huis clos, le conseil a procédé 8.6

à la nomination provisoire d'un rédacteur sous le statut du fonctionnaire communal pour les besoins du service de la gestion et du maintien du patrimoine,

8.7

à la non-nomination définitive et hors cadre d'une rédactrice et nomination définitive d'une secrétaire communale sous le statut du fonctionnaire communal,

8.8

à la nomination définitive d'une rédactrice sous le statut du fonctionnaire communal pour les besoins du service de la comptabilité,

8.9

au changement de carrière avec décision de classement et suppression du service provisoire d'un employé communal dans la carrière de directeur de l'école régionale de musique,

8.10 au changement de carrière avec décision de classement et suppression du service provisoire d'un employé communal dans la carrière du directeur adjoint de l'école régionale de musique, 8.11 au changement de carrière avec décision de classement et suppression du service provisoire d'une employée communale dans la carrière C pour les besoins du service des sports, 8.12 au changement de carrière avec décision de classement et suppression du service provisoire d'une employée communale dans la carrière B1 pour les besoins de la bibliothèque publique régionale, 8.13 au changement de carrière avec décision de classement, augmentation de la tâche hebdomadaire et suppression du service provisoire d'une employée communale dans la carrière B1 pour les besoins du service de l'accueil,

8.14 à la prolongation du service provisoire d'un expéditionnaire technique au service de l'architecture et des domaines,

RAPPORT

8.4

12 RAPPORT

GEMENGEROTSSËTZUNG VUM 10. JULI 2015 Dan Biancalana (LSAP - Buergermeeschter): Léif Kollegen a Kolleginnen, ech begréissen iech ganz häerzlech an dëser Gemengerotssitzung. De René Manderscheid an de Marc Lazzarini hunn e bësse Verspéi-dung. De Marc Dany huet sech ofgemellt an d’Prozedur leeft fir hien ze ersetzen.

1. KORRESPONDENZ Dan Biancalana (LSAP – Buergermeeschter): Circulaire vum Budget 2016 hu mer kritt a wäerten déi notze fir d’Gemengerotssëtzung vum 11. Dezember wou mer iwwer de Budget wäerten diskutéieren. Dir gesitt d’Evolutioun vun de Staatsfinanzen an den Impakt op d’Gemengefinanzen.

Dann ass och matzedeelen, datt mer d’Visite vum Staatssekretär Marc Hansen, haten, wou mer op Initiativ vun der Diddelenger Gemeng zesumme mat dem Partner Fonds de Logement invitéiert hu fir in extenso iwwer de Projet Nei Schmelz ze schwätzen. Do hu mer och ganz déiwen Abléck ginn a Projeten, déi laut senge Wierder Projete mat ganz vil Potential sinn.

Mir hunn och eng Visite guidée um Site selwer gemaach wou mer eng intressant Diskussioun haten a wou de Message komm ass, dass deemnächst Verhandlungen opgeholl ginn tëschent der Regierung mat der Arcelor fir deen dote Volet.

De Projet Nei Schmelz ass en zukunftsweisende Projet fir Diddeleng an et ass wichteg, dass de ganze

Gemengerot hannert deem dote Projet steet well e wichteg fir Diddeleng an d’ganzt Land ass, wëlle et en Écoquartier ass an an deem Zesummenhank ganz vill Initiativë geholl ginn.

Weider Informatioune sinn, dass mer virun zwou Wochen als Schäfferot zesumme mam Architektebüro Jim Clemes beim Éducatiounsminister Claude Meisch ware fir iwwer dee leschte Punkt vun der Crèche Petit ze schwätzen, déi jo a Gemengenhand ass, fir déi neisten Evolutioun mat hinnen ze beschwätzen an dee Projet gëtt am nächste Gemengerot en bonne et due forme virgestallt.

Dann nach e leschte Punkt, dee mer och herno wäerte beschwätzen, nämlech d’Conventioun tëschent dem Staat, der Croix Rouge an der Gemeng Diddeleng betreffend den Accueil vun den Demandeurs de protection internationale.

De 16. November um 19.00 Auer ass am Centre culturel eng Informatiounsversammlung mat der Integratiounsministesch Corinne Cahen iwer den Accueil vun de Flüchtlingen an et ass wichteg, dass esou vill wéi méiglech Leit dohinner komme fir datt mer deen dote Projet, deen net nëmmen Diddeleng betrëfft mä och eng national an europäesch Wichtegkeet huet, kënne gemeinsam uschwätzen.

13 RAPPORT

2. VERKÉIERSREGLEMENTER Claudia Dall’Agnol (LSAP - Schäffin): Ech fänken u mam Crassier, also de Parking niewent dem Parking Jean Fohrmann, do gëtt en Héichtebegrenzer installéiert fir datt keng Autoen, Camione, Camionnettë kënnen erafueren, déi méi wéi 2,5m héich sinn. Eng Héichtebegrenzung muss reglementéiert gi well et e u sech Verbuetsschëld ass.

Dan Biancalana (LSAP – Buergermeeschter): Ass de Gemengerot domat averstanen? Dat ass unanime.

Claudia Dall’Agnol (LSAP - Schäffin): Dat zweet Reglement betrëfft d’Route de Luxembourg, do geet et ëm eng Handicapéierteplaz beim ale Kierfecht an zwar bei der Morgue, déi muss reglementéiert ginn.

Mir hunn an der Betebuergerstroos scho véier Plazen um Parking mä et ass opgefall, datt eng Plaz an der Lëtzebuergerstrooss feelt fir einfach bei d’Morgue ze komme, well do keng Trape sinn. Do kënnt ee mat engem Rollstull méi einfach bei d’Morgue an dofir hu mer do nach eng reglementéiert.

Michèle Kayser-Wengler (CSV): Ech hunn nach eng Fro dozou. Wéi mer déi leschte Kéier iwwer déi Handicapéierteplaz bei der Kierch geschwat haten, hate mer gesot mir géifen e Recensement vun deene Plaze maache fir e Plang ze maachen, wou der nach gebraucht ginn. Wou si mer domat drun?

Claudia Dall’Agnol (LSAP - Schäffin): Mir sinn amgaang domat. De Problem ass dass mir e lauter Bréiwer kréie vu Leit, déi selwer betraff sinn an déi hätten natierlech gär eng Plaz bei sech virun der Dier. Dat ass

leider och net ëmmer méiglech. Mir kucken dann, ob an deem Quartier schonn eng ass an ob déi net zevill wäit ewech ass. An et ass deen Inventaire, dee mer elo amgaang sinn ze maachen.

Dat heiten ass méi eng ëffentlech Plaz wou mär als Gemeng musse kucken, dass d’Leit dohinner kommen.

Dat anert ass en Inventaire, dee mir an de Quartiere maachen op der Basis vun den Demanden, Ech huelen zum Beispill de Brill: Do sinn zwou Plaze mä déi si ganz hannen am Brill. Dat heescht, wa vir am Brill beim Mayrisch-Park e Behënnerten ass, da misst dee jo bis hannen hi goen. Dat ass u sech deen Inventaire dee mer queesch duerch d’Quartiere maachen, mä dat huet manner ze di mat eisen ëffentleche Gebaier.

Dan Biancalana (LSAP – Buergermeeschter): Da géif ech de Gemengerot bieden, en bloc iwwer déi Verkéiersreglementer ofzestëmmen.

Ass de Gemengerot mat dem Verkéiersreglement averstanen? Dat ass unanime.

Claudia Dall’Agnol (LSAP - Schäffin): An der Route de Volmerange bei der Nummer 184, do maache mer en Zebrasträifen, e Passage pour piétons, fir ze garantéieren, datt wann eis Flüchtlingswunnege fäerdeg sinn, d’Leit sécher do kënnen iwwer d’Strooss a mat de Kanner op d’Spillplaz kënne goen. Do sinn net nëmmen déi Leit, déi do wunnen, mä och déi Leit, déi dës Leit encadréieren a mer wëllen elo schonns kucken, datt dat da fäerdeg ass.

Dan Biancalana (LSAP – Buergermeeschter): Ass de Gemengerot mat dem Reglement averstanen? Dat ass unanime.

14 RAPPORT

3. GEMENGEFINANZEN Dan Biancalana (LSAP – Buergermeeschter): Ënnert dësem Punkt geet et ënner anerem ëm eng Modifikatioun vun engem Taxeregelement wat eis Schwemm ugeet. Et geet ëm d’Biljeten an do ginn ech dem Sportsschäffe Loris Spina d’Wuert.

Loris Spina (LSAP – Schäffen): Et ass net iwwerraschend, wann een en neien Invest tätegt an dem Public eppes Besseres, méi Modernes a Funktionelles ka presentéieren, dann zéien d’Präisser deementspriechend no. Mir hu proposéiert fir d’Entréesbiljeten esouwuel bei de Kanner wéi och bei den Erwuessenen awer och bei den Abonnementer iwwert 6 Méint, respektiv 1 Joer ze hiewen.

Ech profitéieren awer och vun der Geleeënheet fir ze soen, dass eis Situatioun eng ganz aussergewéinlech a privilegéiert ass, eng well d’Schwemm do ass fir eis Sportsveräiner, fir d’Ecole fondamentale an d’Lycéesschüler an awer och fir de Grand public, dat heescht, all Mënsch kann dovunner profitéieren. Am Ament hu mer ouni d’Coursen, déi och fir de Bierger sonn, 48 Stonne wou d’Leit kënne schwamme goen.

Dat sinn der nettement méi wéi dat de Fall virum Ofrappe vum alen Hartmann war.

An deem Sënn hu mer dat och ëmgesat, wat mer gesot haten, dat heescht de Public, d’Schoulen an d’Veräiner kënnen hei dem Waassersport nogoen.

D’Proposë leien eis hei vir an ech waarden op Är Remarquen.

Romaine Goergen (Déi Gréng): Ech erlabe mer, e puer Froen dozou ze stellen Déi éischt betrëfft deen Tarif vun der Acqua-Gym: Pro Séance 50 Euro, ech fannen

dat e bëssen erstaunlech an ech hu mech gefrot ob do nach eng Präzisioun feelt? Ech ka mer jo awer bal net virstellen, dass all eenzel Persoun 50 Euro pro Séance bezilt.

Dat zweet wou ech mer d’Fro stellen: Mir hunn elo Aboe fir déi zoue Schwemm, mir hunn awer keng Abonnementer fir déi oppe Schwemm. Do hutt der sécher Argumenter mä ech wollt drop hiweisen, datt a menger Jugend esou Abonnementer existéiert hunn an ech oft dervu profitéiert hunn. Heiansdo huet ee Pech an huet deier bezuelt a kann awer net oft goe well d’Wieder net gutt ass. Ech ka mer awer virstellen, dass Leit, besonnesch Dammen, déi all Moies schwamme ginn, un esou engem Abonnement interesséiert wieren.

Zum Schluss wollt ech och nach froen, wéi der da gedenkt, dat ze géréieren, wa mer e vereente Summer hunn, ob et da virgesinn ass ze wiesselen tëschent der oppener an der zouener Schwemm, vu datt et jo elo eng gemeinsam Entrée gëtt. Well d’Präisser si jo och ënnerschiddlech, fir do dann ze décidéieren, ob een an déi oppen oder an déi zoue Schwemm geet, wéi wëllt der do virgoen?

Last but not least wëll ech begréissen, dass déi oppe Schwemm, déi jo suerflott ass, eng Rei Stonnen op ass fir de Grand public, quitte dass ech mer d’Fro stellen ob um halwer siwen tatsächlech schonns Mënschemassen an d’Schwemm stréimen an dass een dat vläit muss ofwaarden.

Jean-Paul Friedrich (CSV): Ech wollt just iwwer Behënnerte pchwätzen, ech war mat mengem Bouf oft an der Betebuerger Schwemm, déi jo ganz behënnertegerecht ass. Wéi geet dat hei an der Schwemm wann déi wëllen an de Bassin klammen, kommen déi

15 RAPPORT

bis dohinner, hunn déi eng Hëllef? Kréien déi eng Ënnerstëtzung a sinn och d’Vestiairen an d’Duschen adaptéiert u behënnert Leit? Zu Betebuerg sinn déi Dusche mat engem Lift an engem Sëtz équipéiert.

Ass do eppes bei eis virgesinn oder kënnt nach eppes dohinner?

Michèle Kayser-Wengler (CSV): Mir haten eng ganz flott Ouverture. Dir wësst dass d’CSV ëmmer e bësse skeptesch war a mir haten eis jo am Zesummenhank mat dem Dialogue compétitif enthalen, ech muss awer soen, dass mer do angenehm iwwerrascht gi sinn an et super fannen, dass dat am Timing war.

Wat d’Fraisen ubelaangt, do hate mer missen zwou Milliounen no stëmmen, do hu eiser Meenung no mer Frais-d’étuden a Frais-de-pilotagen nach eng Kéier gestëmmt, mä dat ass eng aner Diskussioun.

Ech wollt just soen, dass mer angenehm iwwerrascht sinn, dass eis Skepsis onbegrënnt war, dofir nach eng Kéier Bravo all de Corps-de-métieren, déi do geschafft hunn an ënnert anerem dem Här Tessaro, déi eng gutt Surveillance vum Site geleescht hunn.

Wat elo d’Piscine ubelaangt, wësse mer, dass dat deen deierste Faktor an enger Sportshal ass a mer kruten och gesot, dee ganze Komplex géif eis awer all Joer eng Millioun Fraise kaschten, dat därfe mer net aus den Ae verléieren.

Gott sei Dank hu mer de Lycée als Partner, och d’Schüler ginn an déi Piscine, mir hunn de Schwammclub, de Waterpolo, de Subacqua, den CAD-Triathlon, déi vun eiser Schwemm profitéieren, och eis Kanner aus der Primärschoul.

Mä do kënnt elo e B-mol derbäi, wat d’Öffnungszäite fir de Public ubelaangt, do kann ech elo net déi Euphorie vun deen anere Memberen hi aus dem Gemengerot deelen. D’Öffnungszäite fir de Public si moies vu 6.30 bis 10.00 Auer, do kann nëmmen e Mënsch, deen hei zu Diddeleng schafft, eng Hausfra oder e Pensionär goen.

En aneren, dee schaffe geet, ass um halwer siwe scho prett fir an den Auto ze klammen a sech an de Stau ze stellen.

Idem fir Mëttes, an der Mëttesstonn ass se op vun 11.30 bis 14.00 Auer.

An dann ass se eemol, awer och just eng eenzeg Kéier

an der Woch owes, an dat ass mëttwochs, vu 16.00 bis 20.00 Auer, fir de Grand public op.

Wat ech awer och ganz dramatesch fannen, dat ass samschdes a sonndes ass d’<Schwemm virgesinn nëmme vun 7.00 bis 13.00 Auer op, ni nomëttes wou keng Schoul ass, de Lycée ass jo um 14.30 Auer fräi.

Just eemol owes a samschdes net de ganzen Dag! Et muss een och derzou soen, dass keen differenzéierten Horaire gemaach ginn ass vun de Schoulvakanzen, well am Summer maache mer jo och déi oppe Schwemm samschdes a sonndes vun 10.00 bis 20.00 Auer op.

Mir hu 14 Botzfraen, 5 Portieren, en neie Schwammmeeschter votéiert well et geheescht huet,. Et wier esou vill Aarbecht déi géif ufalen, mir kréichen déi Betebuerger Schwammeeschteren, déi eis hëllefe kommen an dass déi Betebuerger Kanner schwamme kommen.

Mä déi kommen och an de Schoulzäiten heihinner, net nomëttes.

Ech froe mech, wéi dir den Diddelenger Bierger deen Invest wëllt erklären wann de breede Public d’Schwemm just kucke kann, derduerch goe kann awer net benotze kann.

Am Summer hate mer en enorme Succès mat der oppener Schwemm, déi owes bis aacht Auer op war, et ware ganz vill Leit do a wann ech dann elo däerf vergläichen: Sécher hu mir vill Veräiner, déi eis Schwemm benotzen, mä och d’Bouneweger Schwemm zum Beispill huet Veräiner, déi dohinner schwamme kommen. Do sinn ëmmer 2 Bunnen op fir de Public, samschdes vun 8.00 – 20.30 Auer op. Déi sinn och dënschdes an donneschdes vu 17.45 bis 20.30 Auer op. Wéi gesot, do sinn ëmmer 2 Bunne reservéiert fir de Public.

D’Betebuerger Schwemm stoung eise Leit zur Verfügung an elo sin d’Betebuerger invitéiert, heihinner ze kommen. Mä déi hunn och vun 11.30 bis 22.00 Auer op gehat a samschdes vun 9.00 bis 20.00 Auer a sonndes vun 9.00 bis 17.00 Auer.

Zu Miersch hunn se et esou geregelt, dass moies Schoulschwammen ass, dënschdes an donneschdes vun 12.00 bis 21.00 d’Leit kënne kommen, samschdes a sonndes vun 8.00 bis 20.00 Auer.

Stroossen, sécher eng Schwemm mat enger anerer

16 RAPPORT

Envergure, huet gleitend Öffnungszäite vun 9.00 bis 21.00 Auer an esouguer dënschdes an donneschdes vun 10.00 bis 22.00 Auer.

Ech stelle fest, dass mir fir de Grand public déi schappegst Offer vum ganze Land hunn an onbedéngt nobessere mussen. Keng Schwemm am ganze Land ass samschdes mëttes zou.

Keng Schwemm am Land huet dënschdes an donneschdes keng Öffnungszäite fir de Public.

Keng Schwemm am Land huet just eemol owes op an dann nach ëmmer bis 22.00 Auer.

Keng Schwemm am Land huet ni no 20.00 Auer op.

Schliisslech wëlle mer eng Offer maache fir alleguerten d’Diddelenger, dat ass ëmmer betount ginn, mä da kommt mer maachen dat och.

Dës Öffnungszäite sinn enger grousser Stad mat 20.000 Awunner, déi sech Ville des sports nennt an den Akzent op de breede Sport sëtzt, net würdeg.

Mir fannen, aus Protest, dass dat vill ze deier ass fir eng Schwemm, déi ni op ass an dofir wäerte mir eis bei dëser Präispolitik enthalen. Wéi gesot, mir si frou, dass mer d’Schwemm hunn, mä déi doten Öffnungszäite si lamentabel an dann de Leit dofir och nach Entrée ze froen, fanne mir absolut déplacéiert.

Romy Rech (LSAP): Ech si guer net zefridde mat der Opsetzung vun dem Ordre du jour well dir hätt der sozialistescher Fraktioun och kéinte soen, dass mer erëm allgemeng iwwer d’Sportshal, d’Sportswelt an den Dialogue compétitif vun der Hal nach eng Kéier géife schwätzen. Ech wëll awer nach eng Kéier rappeléieren an och der Kollegin vun der CSV Merci soe fir de Bravo, deen se der sozialistescher Fraktioun an och deene Gréngen zollt, dass si d’Wäitsiicht hate fir déi doten herrlech Realisatioun vun deem Sportskomplex Centre René Hartmann ze realiséieren an net op déi Schinn gaange si wéi d’CSV an verschidden anerer heibannen.

Et ass jo awer héchstwahrscheinlech alles erëm total schlecht an doriwwer wäert dann eise Sportsschäffen an eisen Här Buergermeeschter äntwerten.

Ech stelle fest, dass mer eng Präispolitik hei féieren, déi absolut korrekt ass. Eis Fraktioun ënnerstëtzt déi dote Präispolitik an ech stelle fest, dass déi Schwemm elo mol op ass an dass mer da selbstverständlech wäerten hei alleguer zesumme kucken, wéi d’Bedierfnisser vun der Bevëlkerung sinn, fir nach dat eent oder dat anert

nozebesseren. Bis haut hu mer nach ëmmer déi néideg Flexibilitéit un den Dag geluet fir korrekterweis a wéi dat den Ëmstänn no vun der Bevëlkerung gewënscht gëtt, entspriechend de Besoinen also ze verbesseren.

Dan Biancalana (LSAP – Buergermeeschter): Éier ech elo d’Wuert un de Sportsschäffe Loris Spina weiderginn, wëll ech betounen, datt déi breet Majoritéit dëse Projet gedroen huet a keen Zweiwel geheegt huet un der Realisatioun vun dësem Projet. Den Timing, dee mer eis ginn haten, ass agehale ginn an eis Präispolitik bedreiwen, déi ganz kloer déi sinn, déi een an anere Sportsinfrastrukturen am Land erëm fënnt. Dat si ganz accessibel Präisser déi sech jiddweree leeschte kann, dee breede Sport bedreift.

Loris Spina (LSAP – Schäffen): Ech wëll dann op dat Taxereglement agoen an op déi Froen dozou.

D’Madame Goergen huet d’Fro opgeworf iwwer d’Acquagymscoursen. Dee Präis deckt effektiv de ganze Cours an domat sinn d’Fraise gedeckt vum Intervenant.

Dat ass esou ausgerechent.

Wat déi oppe Schwemm ubelaangt, hu mer keen neie Moment am Taxereglement erëm fonnt an den Iwwergang tëschent deenen zwou Schwemmen ass jo elo méiglech. Et ass och eng gewësse Flexibilitéit méiglech wou een dann décidéiert wéi eng Schwemm wéi en Dag opgeet an deen Tarif spillt dann och deementspriechend.

Dem Här Friedrich seng Fro war am Cahier de charges virgesinn a gouf och ëmgesat a war och ëmmer erëm en Thema am Dialogue compétitif, sou datt dat an deem Sënn och garantéiert ass.

Ganz kuerz zu den Horairen, den Här Rech huet et am Fong geholl op de Punkt bruecht. Mir hunn do e wonnerbare Komplex wou ganz vill aner Stied néideg drop sinn. Dat kann ee wierklech hei esou soen an et ass ni verbueden, nozebesseren, sou wéi mir dat ëmmer hei zu Diddeleng handhaben. Mir sinn offe fir positiv a konstruktiv Politik.

Hei ass et esou, dass de Personalschlëssel net vill méi zouléisst. Da mussen een aner Saachen ewech loossen, entweder et komme manner Schoulen, et gi manner Coursen ugebueden oder et gi manner Stonne fir de Public. Et kann een net op där enger Säit soen, mir

17 RAPPORT

däerfen net méi Leit astellen an op där anerer Säit awer alles zu all Moment ubidden.

mengerot déi néideg Informatiounen ze ënnerbreeden.

An dofir sinn d’Architekten hei fir Iech Abléck ze ginn.

Dat ass hei net méiglech. D’Auerzäite sinn esou mat de Schoulen ofgeschwat ginn. Natierlech wär et flott wann een nach deen een oder deen aneren Nomëtteg kéint drun hänke mä dat ass net méiglech. Wa sech awer elo sollt de Besoin erginn dass verschidden Auerzäiten ugepasst musse ginn, da si mer mam Service des sports och gär bereet, nach eng Kéier eng Analyse ze maachen. Dat gëtt iwweregens souwisou gemaach, mir sammelen aktuell do d’Statistiken an. Mir hunn elo méi Öffnungszäite wéi mer virdrun haten. Dat heescht, de Soll ass méi wéi erfëllt.

Déi verschidde Positiounen hunn dozou gefouert, dass mer de Gemengerot en zousätzleche Kredit wëlle stëmme loossen, esouwuel wat den Immeuble op Nummer 25 wéi och deen op Nummer 27 ubelaangt.

Dan Biancalana (LSAP – Buergermeeschter): Wien ass mat dëse Modifikatiounen an Adaptatioune vum Taxereglement averstanen? Wien enthält sech? Domat ass dëst Taxereglement ugeholl mat Stëmme vun der LSAP an Déi Gréng, mat Enthalung vun CSV an Déi Lénk.

Bei eisem nächste Punkt geet et ëm eis Maison sociale an och déi Chambre-meubléeen, déi mer do ariichten, respektiv och déi nei Bleif fir den Office social an de Service Emploi. Do begréisse mer ganz häerzlech d’Architekte, déi heihinner komm si fir eng Presentatioun ze maachen.

Mir sinn ei an der Situatioun, dass mer d’Haus op Nummer 25 a 27 kaaft hunn an do de Projet fir eng neie Maison sociale, also den Office social an och d’Chambremeubléeën, déi vum Office social géréiert ginn.

Et ass awer elo esou, dass am Kader vun den Aarbechten an deenen zwou Gebailechkeeten, an dofir ass ei d’Demande fir en Devis remanié also en zousätzleche Kredit fir d’Haus op Nummer 25 a 27 stëmmen ze loosse, eng ganz Rei Iwwerraschungen op eis der komm sinn, déi initial net virgesi waren. Au fur et à mesure wéi d’Aarbechte fortgeschratt sinn an och am Kader vun deenen Aarbechten a Sécherheetsmoossnamen an der Mise en conformité ass et wichteg, déi Kreditter virzegesi fir datt een dat och esou ka maachen an déi nei Bleif och sécherheetsméisseg fachgerecht ka realiséiert ka ginn.

Fir déi ganz Envergure kënnen ze beliichten, well sech dat ganzt am Kader vu Stabilisatiounsaarbechten an der Statik an awer och vum Elektreschen an dem sanitäre Beräich bewegt, war et eis wichteg, dem Ge-

Architektin: Mer schwätze vun enger Phas 1 an enger Phas 2 fir déi och zwee Budgete festgeluegt gi sinn. Mir hunn 2 Gebaier, also d’Gebai 27 an d’Gebai 25.

D’Phas 1 begräift d’ganzt Gebai 27 rietser hand am bloe Beräich hei am Schema plus de Rez-de-chaussée an den 1. Stack an de Sous-sol vum Gebai 27. Wat hu mer do dran? An der Phase 1 hu mer Büroe fir den Office social um Rez-de-chaussée an um 1. Stack, am Ganzen 5 Logements pour personnes sinistrées.

D’Phas 2 betrëfft just deen ieweschten Deel vum Gebai 25, dee roude Beräich op eisem Schema. Dat ass nodréiglech komm an och nodréiglech kaaft ginn an dodran hu mer d’Chambre-meubléeën um 2. Stack an um leschte Stack ass nach eng Sozialwunneng virgesinn.

Mir schwätzen elo vun der Phas 1. Als éischt emol e klengen Historique: De Budget deen deemools preparéiert gouf, ass vu Juni 2011, d’Baugeneemegung ass vu Mee 2013, d’Aarbechten hunn ugefangen am Juni 2013. Éier mer an den Detail ginn, wëlle mer déi grouss Positiounen, déi en Impakt op de Budget hunn, erwänen: d’Augmentation du coût de la vie vun 2011 op haut, d’Aarbechte si jo vun 2014 an 2015, d’TVA ass vu 15% op 17% erop gaangen an am initiale Budget an am initiale Projet war och keng Classe énergétique virgesinn, dat ass, et ass nodréiglech décidéiert ginn, wa mer schonns eppes renovéieren, si mer eriwwer gaangen op eng Classe DD. Mir hunn eng ganz Fläch vun 1403 Quadratmeter, dat ganzt Gebai, déi 2 Phasen zesumme fir e Volume vu 4783 Kubikmeter, dat Ganzt kascht 3,2 Milliounen Euro a mer kommen op e Quadratmeterpräis vun 2 280 Euro pro Quadratmeter, respektiv 670 Euro de Kubikmeter.

Wann een d’Aarbechte just hëlt, da sinn et 1 675 Euro de Quadratmeter a 491 Euro de Kubikmeter.

Mir ginn elo duerch déi verschidde Corps-de-métieren, déi déi gréisst Positiounen duerstellen.

Mir hu fir de Réibau verschidde Saachen, déi net virgesi

18 RAPPORT

waren am initiale Budget. Am initiale Budget hate mer 605.000 TTC Euro virgesinn a mer sinn elo bei 676.000 Euro, dat heescht, mer hunn do en Dépassement vun ongeféier 61.000 Euro.

Duerch wat ass dat komm? D’Gebai huet geännert bei der Baugenehmegung hate mer hannen d’Entrée, dat ass d’Entrée fir d’Wunnengen, déi jo separat vun de Büroen ass. Mir hunn dat de Besoinen ugepasst, dat ass eppes wat net virgesi war an och zum Deel zum Dépassement gefouert huet.

Mir hu Maueren, déi mer sollte bäibehalen, al Maueren, wou mer décidéiert hunn, se trotzdem nei ze maache well se bis ganz erof ginn, fir eng besser Étanchéitéit, eng Décisioun déi en cours de route geholl gouf.

Mir missten e Local technique virgesi fir d’Ventilatioun vun de Wunnengen. An nach eben esou kleng Saachen, déi derzou gehéieren. Vu datt keng Class virgesi war, hu mer dat ganzt Gebai och méi isoléiert an dunn eréischt Coupure-thermiquë virgesinn tëschent der aler Dall an deenen ale Maueren.

All déi Facteure maachen datt mer do deen Iwwerschoss haten.

Bei den Dachaarbechte war den Daach och ganz anescht virgesinn, mir haten en Étage en retrait mat engem ganz einfachen Dach virgesinn. Mir hunn de Projet geännert an deen ale Stil gehale mat enger Toiture mansardée mat Lukarnen. Dat mécht am Fong geholl, datt dat Ganzt méi deier ginn ass. Mir haten initial 73.000 Euro virgesinn a sinn elo op 121.000 Euro, dat ass en Iwwerschoss vun iwwer 58.000 Euro.

Mir hunn och méi eng staark Isolatioun virgesi fir kënnen déi Klass DD ze erreechen.

Wat d’Elektresch ubelaangt, do hate mer 71.000 Euro virgesinn a si bei 230.000 Euro, dat si bal 160.000 Euro Iwwerschoss. Duerch wat ergëtt dat sech, wat ass alles derbäi komm fir datt mer konform si mat all deenen Normen, datt mer och do um leschte Stand si vun der Technologie?

Mir hunn eng Détection incendie weider virgesinn, mir hunn e ganzen Éclairage LED virgesi fir all d’Büroen, fir déi zwee Stäck, mir hunn en Éclairage de secours mat enger Centrale de Contrôle à distance.

Mir hunn och eng integréiert Beliichtung fir

d’Wunnengen, wat am initiale Budget net virgesi war, an eng Installation de désenfumage wéinst den Décompartimentagen an der Sécherheet.

Mir hunn d’Aarbechte am Beräich Chauffage, sanitaire et ventilation, do hate mer e Budget vun 69.000 Euro a mir sinn elo bei 387.000 Euro, dat ass en Iwwerschoss vun 309.000 Euro. Wéi erkläert dat sech? Am Ufank war keng Energieklass geziilt, mer wollten eng Klass DD awer maachen. Do si Saache bäikomm wéi eng mechanesch Ventilation mat Récupération d’énergie fir dat ganzt Bürosgebai, eng getrennten Zentral ass virgesi fir d’Wunnengen. Mir sinn hei an der Phas 1, dat sinn also déi 5 Noutwunnengen.

Dann hu mer och eng mechanesch Ventilatioun virgesi fir d’Archiven am Keller. D’Gebai ass renovéiert ginn, et ass net nei, dat heescht d’Fiichtegkeet déi duerch Kapillaritéit an de Mauere vun ënnen erop kënnt, konnte mer net vermeiden, dofir misste mer eng Ventilatioun virgesinn ouni déi en Archivage net méiglech wier.

Mir hunn och eng mechanesch Ventilatioun virgesi fir d’Kelleren an d’Wäschkiche well eben d’Méiglechkeet net do ass fir natierlech ze belëften.

Mir hu Solarzelle virgesi fir d’ganz Production d’eau chaude sanitaire vum Gebai an d’Colonne séche fir d’Pompjeeën, fir d’Sécherheet.

Kuerz zu den Travaux de plâtrage: Mir haten déi 90.000 Euro virgesinn a sinn elo bei 121.000 Euro also bei engem Iwwerschoss vun 30.000 Euro. Duerch wat koum dat? Déi sämtlech Cloisonen am Gebai waren initial virgesi fir mat Zille gebaut ze ginn. Mir sinn awer iwwergaang op méi eng liicht Struktur. Déi sinn all aus Gipsewänn fir dat keng Fiichtegkeet sollte mat era bréngen an datt et méi séier sollt goen.

Mir hunn déi ganz Baussemauere gehalen, vum Gebai 27 hu mer jo just d’Fassade behalen, dat heescht, mir hu misste vu bannen isoléieren an déi Isolatioun ass och méi gi wéi dat wat virgesi war, duerch déi Klass DD an ass un d’Sécherheet gebonnen. Mir hunn awer am Deel 25 hëlze Biedem gehat an do musse mer eng Coupure, eng Protection wéinst dem Compartimentage maachen an alles coupe-feu verkleeden. Déi ganz Struktur, déi metallen Trägeren, déi hëlze Biedem hu mer misse feierfest ofsécheren. Dat erkläert deen Iwwerschoss.

An dann hu mer d’Menuserie intérieure, do ware mer

19 RAPPORT

bei 33.000 Euro an dat sinn elo 87.000 Euro, en Iwwerschoss vun ongeféier 54.000 Euro. Duerch wat erkläert dat sech? Mer haten am Fong geholl einfach Diere virgesinn, hunn eben verglasten Elementer gemaach an déi ganz Büroen équipéiert wéi e Büro soll sinn. Datt een derduerch gesäit, datt et angenehm ass.

Mer hunn och speziell Schlässer fir d’Diere virgesinn a mir hu méi Portes coupe-feu well dee ganze Compartimentage méi komplex ginn ass wéi dat, wat et war, ebe well mer Wunnengen a Büroe gemëscht hunn an engem Gebai. Dat erkläert deen Iwwerschoss.

Bei de Ferroneriesaarbechten, wat do net virgesi war, dat ass déi Entrée hanne fir d’Wunnengen. Et war am Ufank en zouene Raum an duerno hu mer mat Bardage métallique geschafft, den Décor ass derbäi komm, e Garde-fou an e puer Garde-fouen an zousätzlech, wat net virgesi war, e ganze Système de contrôle d’accès fir sämtlech Diere fir d’ganzt Gebai fir net ëmmer mat honnertdausend Schlësselen dorëmmer ze rennen.

virdru mat dem Coupe-feu well eben alles am Holz war, dat hu mer alles misste verkleeden. Do waren och Infiltratiounen duerch den Daach, deen net méi gutt war.

Et waren am Budget 58.000 Euro virgesinn, also en Iwwerschoss vun 11.000 Euro.

D’Menuiserie intérieure, do war och deen ale Buedem, dee wollte mer behalen a wou mer en opgemaach hunn, hu mer gesinn, datt dat net méiglech war well d’Ënnerkonstruktiounen net gutt waren a mir hunn dee missen eraus rappen. Déi al Trap muss verkleet ginn am Holz.

Wat mer elo bäigefügt hunn am neie Budget, dat sinn d’Kichen an all de Wunnengen, wéi mer dat och op där anerer Säit gemaach hunn.

D’Beliichtung wéi op där anerer Säit an och déi nei Entrée vum Gebai 25, déi meradaptéiert hu fir datt se gerecht ass an als Fluchtwee genotzt ka ginn. Do war de Budget deemools 642.000 Euro a mir sinn elo bei 746.000 Euro TTC.

Dat waren elo déi grouss Punkten.

Am bloe Beräich hu mer de Budget initial mat all eenzelne Corps-de-métieren, do hate mer deemools en Total vun 1.606.000 Euro an do komme mer eben op déi 2.451.000 Euro, déi mer elo reell hunn. Dat war d’Phas 1.

Ech erklären elo ganz kuerz d’Phas 2, den Historique.

Deen Deel hate mer am Ufank net. Deen huet der Gemeng nach net gehéiert an do hu Leit dra gewunnt um leschte Stack an um 2. Stack ware privat Büroen. Mir hunn awer an der Phas 1 op all Stack geschafft. Do ware mer och blockéiert well déi ganz Infrastruktur, d’Waasser an d’Elektresch jo gebonne waren an doduerch konnte mer Villes net maachen. De Chantier war doduercher och eng Zäitche gestoppt bi s d’Situatioun am Juni 2014 deblockéiert gouf well déi zwee Stäck opkaaft gi sinn an d’Raim eidel gemaach goufen. Do konnte mer endlech richteg Sondage maachen, déi al Technik ewech huelen an d’Gebai entdecken.

Déi Haaptpositiounen an dësem Zesummenhang sinn: Chauffage, sanitaire et ventilation, do war am Budget keng Ventilatioun virgesi fir d’Wunnengen, also d’Chambre-meubléeen an de Logement social um leschte Stack.

Dann hu mer d’Plaque-au-plâteren, dat selwecht wéi

Just kuerz zum Gebai 25: Dat huet jo d’Phas 1 an 2, dat war am Fong geholl déi gréissten Iwwerraschung vun dësem ganze Chantier. Do si vill Saachen, déi mer wollten halen, et sollt eng Renovatioun sinn, e Rafraîchissement, mä do hu mer lues a lues Saachen entdeckt, wéi de Buedem um Rez-de-chaussée wou d’Ënnerkonstruktioun ganz wackeleg war, dat konnte mer net behalen. Do si Poutrellen a mir hunn eng Dalle de renfort gemaach an tëschent dem Rez-de-chaussée an dem 1. Stack eng Betonsdall gemaach, statesch bedéngt, well do si Büroen an d’Laschte vun engem Büro sinn net déi selwecht ewéi déi vun enger Wunneng.

Dobäi ass d’ganz Struktur vum Gebai fräi geluecht ginn an de statiker huet sech gefrot wéi dat Haus esou konnt gebaut ginn. Poteauen, déi net openee stinn, etc. alles Saachen, déi een no an no entdeckt. Mir hunn also eng nei Dall gemaach.

Par contre, uewen driwwer hu mer d’Dallë gehalen.

Den Dach huet ganz normal ausgesinn, vu bannen huet een näischt gesinn, do hu mer mat Hëllef vu Sondage festgestallt, datt den Daach komplett ondicht war. Dat huet een net gesinn, et huet era gedrëpst a gereent an déi al Isolatioun huet dat ganzt Waasser opgeholl an dat ass ni eraus komm. Dat heescht, mir hunn alles ewech geholl an iwwerall sanéiert.

20 RAPPORT

Wat och eng grouss Iwwerraschung war: Alleguerten d’Cloisone vum 2. Stack sollt eigentlech net vill virgesi sinn ausser Tapezéieren an Ustrach. Et ass eis awer opgefall wéi mer wollten d’Lavaboe setzen an de Chambre-meubléeën, datt et keng Drowänn si mä Cloisone, déi mol net op Käffere stounge mä just duerch metallen Tigë gehale waren. Eng Verkleedung wier eng grouss zousätzlech Laascht gewiescht. Mir hunn also nei Cloisone dohinner gesat an och nei Dieren. Dee Stack ass am Fong ganz nei gemaach ginn. Och den Décapage vun de Baussemaueren.

Ech wollt emol nohaken, fir wéivill hate mir déi zwee Gebaier kaaft a wéivill ass den Endkäschtepunkt vun der ganzer Renovatioun vum ganze Gebai? Als CSV hate mer dëse Projet och mat gestëmmt a mir stinn nach ëmmer derhannert awer ech wëll drop hiweisen, dass mer elo en Dépassement hunn eng Kéier ëm 11% an eng Kéier ëm 21%. Et kënne vill Imprévuen an engem Budget optauchen, wou ee muss reagéieren, mä ech huelen oft déi Positioun, dass ee muss virsiichteg sinn, well eben Imprévue kommen, wou ee muss drop reagéieren.

D’Gebai 25 war wierklech eng grouss Iwwerraschung, wat mer beim Gebai 27 net hate well vun Ufank u gesot ginn ass, mer erhale just d’Fassad an de Rescht gëtt eidel gemaach. D’Situatioun war vun Ufank u vill méi kloer.

Fir d’Gaffelt wäerte mer och nach missen en zousätzleche Kredit wielen an dann hu mer awer en Iwwerschoss vun 900.000 Euro iwwer zwee Projeten an dat sinn awer Saachen, wou et net schlecht wier, wann een eng Mouk an der Reserve hätt oder méi virsiichteg bei anere Poste wéi dem Personalposten defouléiert fir dass mer esou gutt Projete wéi deen heite weider droe kënnen ouni Problemer ze kréien.

Esou erkläert sech also deen Iwwerschoss, dee mer am Budget hunn.

Dan Biancalana (LSAP – Buergermeeschter): Merci fir déi dote Presentatioun an Erklärunge firwat mer engersäits fir d’Haus 25 en zousätzleche Kredit vun 82.000 Euro a fir 27 en zousätzleche Kredit vun 333.000 Euro brauchen. Et huet sech ganz kloer gewisen, dass et richteg ass, al Gebaier ze halen an ze sanéieren, mä datt Renovatiounen net ëmmer d’Enn ass an oft Iwwerraschungen huet. Et ass och e grousse Spagat tëschent fir Privatzwecker genotzte Raim a Bürosflächen.

Michèle Kayser-Wengler (CSV): Et wier flott gewiescht, déi Presentatioun am Virfeld ze hu fir sech déi Saachen unzekucken.

Et weess ee ganz genau, wann een en Ëmbau mécht vun ale Gebailechkeeten, da bleiwen d’Surprisen net aus. Do muss ee jo reagéieren an dat ass jo hei och geschitt well mir wëlle jo e performant Gebai hunn an et ass en historesch wäertvollt Gebai. Mer waren eis eens, dass mer op deen dote Wee géife goen.

Bei verschiddene Punkten ass et awer e bësse komesch, dass een dat net scho konnt am Virfeld mat an den Devis estimatif eranhuelen, wéi zum Beispill de Système de contrôle d’accès, dat hätt een och schonns missen am Virfeld wëssen.

Romaine Goergen (Déi Gréng): Meng Interventioun geet an déi selwecht Richtung. Bei alen Haiser muss een effektiv mat Imprévue rechnen, dat ass kloer, an dass am Laf vun der Zäit och nach Verbesserunge virgesi ginn, fanne mer och ganz gutt.

Flott ass natierlech och, dass d’Klima dobanne soll méi agréabel ginn, dass den Daach elo méi flott ausgesäit, mä et ass awer och kloer, dass mer vläit manner aliichtend fannen, wéi bei der Phas 1 elo eraus komm ass, dass déi Protection incendie net virgesi war an där Form an dass och keng Ventilatioun virgesi war, oder déi Ventilatioun net esou gutt virgesi war. Dat ass awer méi schwiereg ze schlécken.

Et ass awer kloer, dass mir nach ëmmer hannert deem Projet stinn.

Romy Rech (LSAP): Genee wéi meng Virriednerinnen vun der Oppositioun stelle mir eis och eng Rei vu Froen am Kader vun deem dote Projet a kruten elo eng ganz Partie Äntwerten. Et mécht engem e bësse Suergen, dass, wann ee ganz flott Haiserzeilen, déi aus enger gewëssener Zäit stamen an déi een och onbedéngt wëll erhalen, d’Restauratioun an den Ëmbau een zolitte Präis hun. D’Erhalen ass net de Problem mä op eemol kommen d’Iwweraschunge wéi Lawinen op eis alleguer duer gefall an da gëtt de Käschtepunkt e ganz aneren, wéi wann ee ganz ofrappt a ganz nei opbaut.

21 RAPPORT

Mä dëst ass e flotte Projet, et ass e Stéck Diddeléng vun enger anerer Zäit, dat flott opgemiwwelt ginn ass an erhale bleift, mä genee wéi bei de Studentewunnengen, dat sinn herrlech Saachen an et ass een herno extrem frou wann et fäerdeg ass a schéin ausgesäit, mä et huet en extrem héije Käschtepunkt.

Mä wéi gesot, et ass e flotte Projet, mir stinn hannendrun an ech mengen, datt en eis an Zukunft alleguer Satisfactioun gëtt wat d’Funktionalitéit ubelaangt. Mir hunn an deem Gebai 5 Logements pour personnes sinistrées dran, wat eis an der Zukunft och an där Problematik deen een oder anerer Duar aus dem Fouss hëlt.

Jean-Paul Gangler (CSV): Ech wollt just kuerz froen: Bleift et bei der selwechter Participatioun vum Staat trotzdem mer deen Dépassement gemaach hunn?

Hei hu mer de Choix gemaach, déi al Substanz ze renovéieren an hir eng nei Destinatioun ze ginn.

Par rapport zu der Fro vum Subsid, do ass et esou dass de Logementsministère 75% iwwerhëlt, dat changéiert net par rapport zu de viregten Devisen, déi mer gestëmmt hunn.

Kann ech no eiser Diskussioun dervun ausgoen, dass mer gemeinsam iwwer déi verschidde Punkten ofstëmme kënnen oder wëllt der dat separat maachen?

Gutt, da maache mer dat en bloc. Engersäits hu mer en Devis remanié virleien, wat d’Haus 25 rue du Commerce ugeet, vun 752.000 Euro. Dozou kënnt natierlech e Crédit supplémentaire vun 82.000 Euro.

Wat d’Haus op Nummer 27, rue du Commerce ugeet, do hu mer en Devis remanié 2.453.000 Euro an dozou e Crédit supplémentaire vun 333.000 Euro.

Dan Biancalana (LSAP – Buergermeeschter): Ech wäert no der leschter Interventioun dorop agoen.

Architektin: Ech wollt just kuerz erkläre vun der Ventilatioun. Deemools war keng D-Klass gefrot, wa mer d’Gebai esou stoe gelooss hätten, e Gebai otemt vum selwen a wann et net dicht ass da brauch ee keng Ventilatioun. Et ass eben e Problem, deen entsteet well mer haut des Daags ëmmer méi isoléieren an am Fong an enger Thermosfläsch a wann een do net ventiléiert, do komme mer net derlaanscht. Dat ass am Fong geholl deen negativen Aspekt vum Isoléieren. Mir schützen eis vu baussen a mir gi fiicht, mir mussen also ventiléieren.

Et war net virgesi well mer am initialen einfach sanéiere sollten an dat ass gebonnen duerch de Wonsch no enger Klass D an d’Ventilatioun ass systematesch gebonnen. Wa mer déi Klass net gehat hätten, da bräichte mer d’Ventilatioun net. Mä mat där Klass kënne mer d’Qualitéit garantéiere vun der Loft dobannen.

Dan Biancalana (LSAP – Buergermeeschter): Ech mengen, duerch dës Bänken hätte mer léiwer keng Imprévue gehat a mir hätte kéinten am budgétaire Kader bleiwen, dee mer eis ginn haten. Jiddereen hätt léiwer gehat et wier anescht wéi d’Situatioun elo ass. Do stellt sech och generell d’Fro, ob een d’Méiglechkeet huet engersäits al Gebaier opkeeft a renovéiert oder carrément en Neibau ze maachen, wou een anescht plangt an och nach anescht Akzenter setze kann an en anere Kader huet.

Michèle Kayser-Wengler (CSV): Ech hat nach gefrot, wéivill mer déi Haiser kaaft haten? Fir datt e vläit eng global Zomm ka soen.

Dan Biancalana (LSAP – Buergermeeschter): Ech weess et net méi genee, mä mir hate ronn 500.000 Euro bezuelt un dee leschte Propriétaire, deen do war, also fir dat lescht Appartement. Déi aner zwee Gebaier, dat muss ech nokucken.

Ass de Gemengerot mat deenen dote Modifikatiounen, Adaptatiounen an Zousazkreditter averstanen? Dat ass unanime.

Dan Biancalana (LSAP – Buergermeeschter): Den nächste Punkt betrëfft eng finanziell Rallonge fir de Projet Gaffelter Schoul well och do d’Gegebenheeten en cours de route geännert hunn. Ech begréissen den Nico Engel vum Architektebüro BENG an och Ingénieur vun TR Engineering fir eis do anzeféieren an déi verschidde Punkte wat d’Gaffelter Schoul ugeet an d’Aménagement vu 4 zousätzleche Klassesäll wou mer och schonn hei driwwer diskutéiert hunn. Dir wësst jo, dass mer op deem Site e gewëssenen Drock besteet, well do eng Extensioun vun der Maison-relais Gaffelt soll gemaach ginn. Do gouf schonn den Zouschlag gemeet no der Ausschreiwung, dat leeft den normale Wee a mir sinn am Timing.

22 RAPPORT

Hei ass elo d’Schoul selwer an do solle mer jo och dës Extensioun vu 4 Säll maachen. Par rapport zu deem alen Deel vun der Gaffelter Schoul aus de 70er Joren, wat e Préfabriqué ass wéi dat oft an där Period de Fall war, do sinn um Niveau vun der Statik eng ganz Rei Problemer opgetrueden, esou datt den initiale Projet net esou konnt verwierklecht ginn. Et besteet do e Risiko um Niveau vun der Sécherheet an no enger ganzer Rei vu Sitzunge mat Architektebüroen a mat dem Ingénieursbüro, koum eraus, datt d’Normen a Sécherheetsmesurë kënnen agehale ginn, mä dat bréngt natierlech mat sech, dass de Gemengerot gefrot gëtt fir en Zousazkredit vu 555.000 Euro ze stëmmen.

grouss ze maachen an déi zwee Schoulhäff mateneen ze verbannen.

D’Problematik mat de Poubellen ass och elo geléist, déi fannen hir Plaz ënnert der Fluchttrap.

Op de Pläng gesitt der och, wéi d’Trapenhaus an déi verschidde Säll aménagéiert ginn, mat dem Sanitärsberäich. Bis elo waren net genuch Meederchestoiletten do an doduerch, datt mer 2 Säll bäigebaut hunn, hunn der nach méi gefeelt. Laut Virschrëft mussen et 2 Toilette fir 10 Meedercher an 1 Toilette an een Urinal fir 10 Jongen sinn an deem si mer elo gerecht ginn.

Och do wëlle mer Iech en toute transparence matdeelen, firwat en zousätzleche Kredit gebraucht gëtt an dofir ass esouwuel de Büro BENG an och TR Engineering hei fir déi néideg Informatiounen ze ginn, wéi et elo ëm déi Extensioun vun der Schoul Gaffelt an déi 4 Klassesäll bestallt ass.

No laangem Iwwerdenken a veschiddene Projete si mer zu der Conclusioun komm, dass dat hei elo déi beschte Solutioun ass.

Nico Engel (Architektebüro BENG): Dir hat dee Projet jo gestëmmt an elo geet et ëm deen Deel vum Projet wou mer virgesinn haten, tëschent déi zwee Gebaier ze bauen. Um Bild gesit der déi éischt Extensioun wou mer wollten drop bauen. Mir hunn en cours de route allerdéngs misse feststellen, datt et strukturell Problemer do gëtt an dunn sinn zwee Punkten derbäi komm: eng Kéier ass et e strukturelle Problem vum bestoende Gebai, dat aus de 70er Joren ass, an zweetens si während dem Projet och d’Besoinen an d’Lut gaange vun der Schoul selwer well do Saache gefrot an ugeduecht gi sinn, déi ganz wichteg sinn, haaptsächlech am sanitäre Beräich, an de Volume betreffen.

Op dem Plan en coupe kënnt der gesinn, dat eng schéi Fluiditéit an dësem Projet entstanen ass. De Préau bleift bestoen an den Dach, wou d’Kanner Schutz virum Ree fanne kënnen, och.

Dat heescht, mir schwätze vun Ännerungen am strukturelle Beräich a vun enger Erhéijung vum Volume. Deen neie Volume, dee bäi kënnt, entsprécht elo den Ufuerderunge vu verschiddenen Elementer, nämlech den Toiletten, dem Raum fir d’Botzmaterial an drëttens dem soziale Raum fir d’Botzfra. Insgesamt ass doduerch de Volume ëm 20% vergréissert ginn.

Fir elo nach eng Kéier am Detail op de Projet anzegoen, et geet ëm deen Deel, wou mer dat Bestoend ofrappen an déi nei Struktur niewendru setze well mer mat der bestoender Struktur Schwieregkeeten hunn.

Beim neie Projet bleift den Auvent an de Préau bestoen an d’Ramp verschwënnt fir de Schoulhaff méi

Uewen driwwer ginn d’Toiletten e bëssen anescht organiséiert, well se do anescht genotzt ginn, an do gëtt et elo och Personalraim, déi virdrun net virgesi waren.

Ech ginn elo dem Herr Lahr d’Wuert, deen Iech erkläert, wéi et zu deene strukturelle Problemer komm ass a firwat mer de Projet net esou ausféiere kënnen, wéi dat initial virgesi war.

Michel Lahr (Ingénieur – TR Engineering): 2014, bei eisem initiale Projet wollte mer 2 Stäck op deen eigentleche Préau stellen an do si mer an de Keller kucke gaange well mer jo vun deem ganze Gebai leider keng Pläng hunn.

Mir hate wëlles, déi nei Struktur op déi bestoend Struktur drop ze setzen andeems mer déi punktuell Laaschten iwwer d’Kellergeschoss verdeele fir déi zousätzlech Beanspruchung vun der ganzer Extensioun vun deenen zwee Stäck ze minimiséiere fir datt de Buedem do eng méigléchst geréngfügeg zousätzlech Laascht kritt an domat dann och eventuell Setzunge kënne minimiséiert ginn.

Um Plang gesäit een, datt mer op deenen dräi Achsen elo eng punktuell Struktur stoen hunn an och an der Mëtt a riets hu mer schonn de Problem, datt mer eng

23 RAPPORT

gemeinsam Struktur hu mat der Sportshal niewendrun.

Op där enger Plaz hu mer effektiv d’Situatioun, datt mer e Joint de dilatation hunn tëschent deenen zwou Gebailechkeeten an hunn also absolut kee Problem, eis do op déi Stützen drop ze stellen, an an der Mëtt och.

Riets hu mer awer wéi gesot de Problem, dass mer do absolut keng Struktur hunn. Um Raster gesäit een, wou déi eenzel Stütze stinn.

Drënner, e Meter méi déif, hu mer zousätzleche Massif fonnt, dee mer duerchbuert hu fir ze kucken, wéi déck en ass an ob do nach eng Tiefengründung oder just eng Flachgründung ass. Mat deenen Ausmoossen an där Belaaschtung, déi mer hei hunn, hu mer eis ausgerechent , dass mer musse mat der Gründung méi déif erof goen, wéi eng normal Standard-Flachgründung fir datt d’Gebai op guddem tragfäegem Buedem steet.

Dann hu mer och an der Tëschenzäit iwwerluecht ob mer kéinten d’Préausdall trotzdem dra loossen, mir sinn awer zum Schluss komm, dass dat leider net méiglech ass. Fir eis Ingénieuren ass dat en zousätzlecht doudegt Gewiicht, dat mer net kënne benotze fir déi nei Klassesäll driwwer drop ze stellen.

Beim zweete Sondage si mer nach eng Kéier méi déif gaangen an hunn erausfonnt, dass et just déi Schlussfolgerung ka sinn. Am Ufank wollte mer dat net maache well wann ee Gründunge fräi leet muss een och oppassen, dass een do keng Problemer provozéiert mam Stand. Mir sinn dräi Meter déif gaangen an hunn e Pieu fonnt mat engem Duerchmiesser vu 50cm deen am tragfäegem Buedem abënnt. Deen ass natierlech exzentresch par rapport zu eiser Stütz ugeuerdnet a mir ginn also dervun aus, dass logescherweis hei nach en zweete Poteau muss niewendru stoen, mä dat hu mer net kontrolléiert.

Et handelt sech bei der Dall ëm Itongselementer, déi deemools just fir de Schnéi 75 kg pro Quadratmeter Belaaschtung ophuelen. Fir e Klassesall muss ee laut aktueller Norm 300 kg virgesinn alleng nëmme fir d’Notzlaascht. Hei géif dat bedeiten, dass déi Elementer 300% Laststeigung géife kréien an do ass dervun auszegoen, dass dat absolut net machbar ass.

Et ass och esou, dass e bësse vun dem Itongselement ofgeplatzt ass, et gesäit een, datt do och anert Material mat aneren Eegeschaften, och wat d’Festegkeet ugeet, verbaut gouf ewéi haut. An de 70er Joer gouf et nach keng Standardisatioun vun deenen eenzelne Materialien, esou dass et schwéier ass, déi eenzel Saachen nozerechnen ouni elo geziilt wëssenschaftlech Experimenter ze maachen.

Do hu mer iwwerluecht fir nach en Expert mat an d’Boot ze huele well elo do déi Setzunge sinn aus deenen zwee Stäck, déi mer drop gesat hunn, an den Expert huet zwou Kernbuerunge gemaach fir ze kucke wéi eng Schichtung mer am Buedem hunn.

Gläichzäiteg hu mer dann och décidéiert, genee ze kucken, wéi déi punktuell Struktur begrënnt ass, well mer wossten aus deem ale Projet vun der Maison-relais, dass mer op deem Site do iwwerflächlech schlechte Buedem hunn a wat mer méi déif era ginn, fanne mer tragfäeg Schichten.

Also hu mer zweemol déi Stütze fräi geluecht. Am eeschte Sondage gesäit een, do stinn eis Stützen an engem Köcherelement fir d’Stabilitéit vum Gebai ze garantéieren.

Eis ursprénglech Iddi war wéi gesot, déi Laaschte flächlech oder méiglechst ze verdeelen an déi Laaschten, déi mer punktuell uewen hunn, déi kommen och punktuell ënnen am Buedem un an do wou mer keng Struktur hunn, géif dat heeschen, dass mer am Keller en zousätzlecht Fundament mussen hierstellen. Do hätte mer da missen e Poteau duerch de Stack duerchbréngen, de Buedem opmaachen, en neit Fundament hirstellen an zwee Meter wäit ënnert dem bestoende Keller an de Buedem gruewe fir déi Stabilitéit ze assuréieren.

Dat alles waren Iwwerleeunge, bei deene mer eis zesumme gesat hunn an eis gefrot hunn, ob dat alles Sënn mécht oder op eppes anescht ze maachen ass an doraus ass dann deen neie Projet entstanen. Eigentlech wollte mer jo just 2 Stäck baue mä finalement hate mer e Chantier iwwer 4 Stäck, dat mat den entspriechende Konsequenzen, déi doraus entstinn.

Nico Engel (Architektebüro BENG): Wéi mer dunn natierlech déi Donnéeën haten, hu mer fonnt, dass mer net veräntwerte kënnen, just véier Säll ze baue mat deem selwechte Budget, deen der elo haut stëmmt, dat wier dee mat deem mer dat dote gemeet hätten.

Do hu mer mam Gemengerot diskutéiert an dräi, véier Varianten ausgeschafft an do mir sinn op de Punkt

24 RAPPORT

komm, dass dat näischt bréngt op där Schoul, op där Struktur ze bauen an dass dat finanziell net tragbar ass.

Doropshin hu mer de Projet frësch gemaach.

Mat deem neie Budget stinn déi 2 Klassesäll riicht, mer sinn e bësse méi deier ginn, och well mer hu missen den Auvant bäisetze well mer dee bestoenden ofgerappt hunn. Dir kritt awer bal 20% méi Flächen an hutt doduerch net alleng Klassraim bäigebaut mä déi ganz Schoul an d’Norm gesat, wat d’Toiletten, d’Personalraim an all déi Donnéeë betrefft. Dat heescht, de Projet huet och méi Volume kritt an d’TVA ass ëm 2% erop gaangen.

Ech mengen, dass de Projet wéi mer en elo presentéiert hunn, e bessere Préau bitt, besser Klassesäll, déi och méi grouss a besser beliicht sinn, d’Schoul ass a Konformitéit gesat par rapport zu de Reglementer an de Budget entsprécht elo besser deene 4 Säll plus deenen aneren Elementer, wéi wann der deen anere Projet duerchgezunn hätt.

Dan Biancalana (LSAP – Buergermeeschter): Mir hunn déi verschidde Varianten duerch gespillt an déi doten huet eis als déi bescht geschéngt well d’Norme respektéiert oder verbessert ginn, wou mer déi 4 Klassesäll bäibehalen an awer och de Préau behalen an eng gewësse Fluiditéit am Schoulhaff, wou d’Kanner sech kënne weider ophalen, dass do keen Aschnëtt ass. Och dat ass eng Begebenheet, déi eis wichteg war.

Nico Engel (Architektebüro BENG): Ech hat nach vergiess ze soen, dass, wa mer de Projet hätte missen esou baue mat der Struktur am Keller, dann hätt ee missen déi ganz Dall um Rez-de-Chaussée erausrappen. Wa mer dat während der Schoulzäit hätte misse maachen, da wären nach zousätzlech Schwieregkeeten derbäi komm, déi zwar näischt direkt mat dem Finanziellen, mä haaptsächlech mam Oflaf vum Chantier an der Schoulorganisatioun ze di gehat hätten.

Dan Biancalana (LSAP – Buergermeeschter): Wat bei deem dote Projet och wäert sinn, mä manner wéi beim Projet mat der bestoender Struktur, dat ass natierlech déi Aarbechte während der Schoulzäit stattfanne. Och dat ass e ganz wichtegen Aspekt an hei kann een dat ganz anescht organiséiren sou datt de Schoulbetrib bei dëser Variant während de

Chantier manner wäert gestéiert ginn.

Michèle Kayser-Wengler (CSV): Et wier flott gewiescht wann een am Virfeld hätt kéinten Abléck an dësen Dossier huele fir sech domat auserneen ze setzen.

Ech hunn nach zwou, dräi konkret Froen.

D’Sécherheetstrap: Gëtt déi un de Baussebord vum ganzen Terrain gebaut oder kënnen d’Kanner hannert déi Cage lafen? Well dann ass d’Fro ob esou vill gewonnen ass vum Schoulhaff. Wier et net méi gescheit gewiescht, dat Ganzt nach méi no vir ze zéien, esou dass een am Fong dee ganze Schoulhaff, wou déi Strëpp mat de Straicher ass, och iwwerdeckt hätt an do eréischt de Pilier op de Bausserand vum Terrain gesat hätt? Ech weess net, ob déi Cage esou glécklech ass, och vun der Ästhetik hir.

Déi zweet Fro: Et ass gesot ginn, mir kréien 20% Fläch méi. Mir kréien awer och 43% Fraise méi, do musse mer awer nach e bëssen dru knaen.

Mir sinn eis al eens, mir halen eis Quartiersschoule bäi, dat steet guer net zur Diskussioun. Et ass awer trotzdem en haarde Batz an deen Dépassement, dee mer virdru gestëmmt hunn an dann nach deen doten , da komme mer op 930,000 Euro, mat deene mer de Budget méi belaaschten, wat net ohne ass.

Dann hunn ech nach eng Fro zu deenen Openthaltsraim: mir hu jo awer och eng Portierswunneng an deem Haus.

Wier et dann do net méiglech gewiescht, zum Beispill op en anere Wee ze goen an déi Wunneng ze reaménagéieren als Openthaltsraim fir d’Botzfraen, wann dat da muss sinn, d’Léierpersonal an d’Personal vun der Maison-relais.

Da wollt ech nach eppes zum Sanitaire soen: Dir hutt gesot, mir kréien elo e komplett neie Sanitaire, ech hoffe jo awer, dass de Sanitaire an der Gaffelt scho renovéiert gouf well mer haten do schonn eng Interventioun vun den Elteren an dem Kannergemengerot, dass dat ganz insalubre wier an dass ee do misst nobesseren.

Mir knaen drun, et ass e bësse vill mä mer stëmmen et mat well mer wëllen, dass eis Schoul performant ass.

Romaine Goergen (Déi Gréng): Ech wollt mech deene Wierder uschléissen a soen, dass mir awer d’accord si fir deen Dépassement matzedroen. Mir hu vill Erk-

25 RAPPORT

lärunge kritt, déi fir Laien net ëmmer verständlech sinn, mä den Haaptmessage ass eriwwer komm. Dat gëtt elo ganz konform an déi véier Klassesäll ginn ebe méi deier a mir sinn d’accord.

Bob Claude (LSAP) : Och vun eiser Säit e grousse Merci fir déi ganz flott Explicatiounen. Wann een dat Gebai vu klengem u kannt huet, dat war an der Mëtt 60er Joeren, dann hätt ee sech ni virgestallt, datt een dat ka vergréisseren a verbesseren. Déi Ännerunge waren och batter néideg, an et ass erstaunlech wat een doraus maache kann. Mir hunn ëm 2000 déi éischt Vergréisserung maache gelooss, do ass d’Haptentrée agerappt ginn an d’ganzt Gebai huet esou changéiert.

Sou dass et elo nach méi flott gëtt. Mat der neier Bautechnik fannen ech, dass een och emol ronderëm an Diddeleng kucken soll. Well mir wuesse stänneg, mir hunn ni genuch Klassesäll a kënnen nëmme begréisse wa Klassesäll bäigebaut kënne ginn.

Josiane Di Bartolomeo-Ries (LSAP): Ech mengen, et ass ni vu Muttwëll wa Klassesäll bäikommen, zemools an der Gaffelt, do si mer wierklech hanne wieder a vir bäi. Ech begréissen d’Iddi vum Préau, deen erhale bleift well d’Kanner wann et reent, ganz vill do drënner sinn.

Déi Mauer kënnt ewech an dat ass eng gutt Saach. Eng Mauer matten am Schoulhaff ass net gutt.

Ech hunn awer trotzdem eng Fro: Et gëtt gesot, de Schoulbetrib gëtt net gestéiert während dem Bau, wéi ass et mat der Entrée vum Turnsall? D’Kanner gi jo do eran.

Nico Engel (Architektebüro BENG): D’Trapenhaus ass esou wäit hei um Rand vum Terrain ugeréckelt, dat heescht, dat Trapenhaus ass u sech um Rand. Mir mussen hei awer nach kënne laanscht komme mat enger Camionnette. Deen Agrëff an de Schoulhaff ass also minimalistesch. Am Ament ass dat eng Ramp mat enger Trap an deen Agrëff ass vill méi negativ wéi dat Trapenhaus, dat elo kënnt, an dat gëtt eng oppen, duerchsiichteg Struktur an net eng fest Mauer. Do kann och kee Graffiti dru kommen, dat sinn e lauter Staangen an et gesäit een derduerch. Ech mengen, datt den Agrëff méi grouss wéi en de Moment besteet wéi dat, wat elo komme wäert. Et ass ganz sécher, dass de Schoulhaff eng Verbesserung gëtt. Dir hutt an der Gaffelt net esouvill Flächen an déi dote Fläch wat ëm-

mer esou eng stiefmütterlech Fläch, déi ni esou richteg mat benotzt ginn ass well och keen esou richteg dohinner gesinn huet. Elo besteet do eng Fluiditéit, och mat der Extensioun vun der Maison-relais.

Wat d’Sanitairen ubelaangt ass et esou, dass do scho verschidde Sanitairë gebaut oder renovéiert goufen. Et ass awer esou, dass der net genuch do sinn an dass de Raum net do war fir déi ze maachen. Et ass richteg, dass 20% méi vill Suen ausmécht, mä derbäi muss een awer och soen, dass déi héich technesch sinn. Par rapport zu deem ale Projet wou dës Besoinen net ofgedeckt waren, bitt deen neie Projet méi wéi dee virdrun an dir hutt elo och déi sozial Raim fir d’Personal. Déi Demande ass eréischt kierzlech komm an et ass effektiv esou, das déi Leit dës Raim musse kréien an dass virdrun näischt do war. De Portier huet säi Büro verluer an dat gëtt och e Sozialraim, déi mussen ebe virgesi sinn.

Wat déi Fro vum Accès vum Turnsall ubelaangt, dat war eise grousse Problem well mer hätte mat dem initiale Projet d’Dalle vum Préau an d’Toiletten drënner erausgerappt a keng Connexioun méi tëschent dem Schoulsall an der Schoul gehat a mir hunn eis gesot, dass dat kee Sënn mécht. Beim neie Projet bleift déi heiten Dalle verstoen, dat heescht , ënnen drënner kann ee zirkuléieren an dann ass dat kee Problem. Mir bauen op déi bestoend Kolonne mat engem System, dee statesch net esou einfach ass, mat engem Porte-à-faux.

Mir probéieren dat an de Vakanzen ze maache wa keng Connexiounsschwieregkeeten tëschent dem Sportssall an dem Judossall sinn.

Dan Biancalana (LSAP – Buergermeeschter): Ech wëll nach präziséieren, das déi al Toiletten nogebessert gi waren nodeems Reklamatioune komm waren.

Par rapport zu der Remarque iwwer den Abléck an den Dossier ass ze soen, dass d’Dossieren hei op der Gemeng zur Usiicht leien, mä natierlech kann een dat net esou in extenso maache wéi dat dann elo haut hei de Fall ass mat den Interventioune vun de Fachleit.

Ech géif dem Gemengerot proposéieren, vu datt mer dës Quartiersschoul mussen a wëllen erhalen a verbesseren, dass mer iwwer déi dräi Punkte gemeinsam ofstëmmen, nämlech iwwer d’Approbatioun vum neie Projet définitif an der Héicht vun 1.820.000 Euro, dann natierlech iwwer den Devis remanié vun 1.820.000 Euro a schliisslech den Zousazkredit vu 555.000 Euro.

26 RAPPORT

Mir musse jo hei en neie Projet définitif stëmme well mer jo schonns ee gestëmmt haten, deen op enger anerer Basis gefousst huet wéi deen heiten.

Ass de Gemengerot mat deenen dräi Punkten averstanen? Dat ass d’Unanimitéit.

Dan Biancalana (LSAP – Buergermeeschter): Ech proposéieren elo op de Punkt betreffend eng gratis Zessioun weiderzegoen, wou d’Société nationale des habitations à bon marché un d’Gemeng eng Strooss, nämlech d’Rue des Romains am Angeldall un d’Gemeng zedéiert. Mir hate mat SNHB e Projet verwierklecht a si waren elo nach Propriétaire vun dëser Strooss, déi am ganzen 38,40 Ar huet well Stroossen net a privater mä an ëffentlecher Hand oder an d’Voirie publique solen agoen, probéiere mer dat ze regulariséieren an domat géif dann d’Rue des Romains mat dem Accord vum Gemengerot an d’Voirie publique afléissen.

Ass de Gemengerot domat averstanen? Dat ass d’Unanimitéit.

Dan Biancalana (LSAP – Buergermeeschter): Da komme mer zu den ordinaire Subside fir d’Diddelenger Veräiner an Associatiounen, wat den Exercice 2014 ubelaangt.

Dir fannt am Dossier d’Oplëschtung vun all deene betraffenen Organisatiounen. Ech ginn dofir dem Schäffe Loris Spina d’Wuert.

Loris Spina (LSAP – Schäffen): D’Lëscht läit vir an ech erënneren nach eng Kéier drun, dass mer eis bei dëse Chiffere baséieren op dat wat d’lescht Joer an deem Verdeelungsschlëssel fir d’Subsiden erausgeschafft ginn ass. Déi aktiv Membere gi berücksichtegt, d’Jugendlizenzen, also déi Leit déi ënner 18 Joer sinn, d’Encadranten, d’Traineren, d’Diplomer vun deenen Encadranten, en Aktivitéitsbericht an e Bilan financier musse virleien an et gëtt gekuckt ob déi Associatiounen a Veräiner un de Gemengenaktivitéiten deelhuelen, all dës Kriterie gi berücksichtegt beim Verdeelen. Ech hoffen, dir sidd derfir.

Jean-Paul Gangler (CSV): Nodeems mer virun engem Joer, den 20. Oktober 2014, e relativ mouvementéierten an émouvante Gemengerot iwwer déi Subsiden do haten, komme mer dann haut nees op déi Diskussiounen

zeréck. D’Oppositioun war sech deemools unanime eens, dass dem Schäfferot seng Propos inakzeptabel war aus ville Grënn. Ënnert anerem war ugeklongen, dass déi nei Montanten trotz ugestriefter Gerechtegkeet an Transparenz nach ëmmer net nozevollzéie waren.

Un d’Propositioune vum Aarbechtsgrupp “Subsiden” war sech nëmme marginal gehale ginn, a firwat verschidde Veräiner op eemol méi oder manner kréie sollte wéi dat Joer virdrun, ass aus deenen Erklärunge vum Schäfferot deemools net kloer ervirgaangen.

Et gouf eis gesot, dass dat, wat deemools um Dësch louch, sécher net perfekt a bestëmmt verbesserungswürdeg wier, mä dass et eng Urgence wier well d’Veräiner schonns bis Enn Oktober 2014 op hire Subsid vun 2013 hu misse waarden a well een se net wollt onnéideg länger waarde loossen.

Den deemolege Buergermeeschter sot, et wier e Schrëtt an déi richteg Richtung a besser wéi 2013.

Den drëtte Schäffen hat deemools eng Nobesserung Uganks 2015 an Aussiicht gestallt. Dat Alles nozeliese wou? Néierens! Et gëtt kee Rapport vun der Gemengerotssëtzung vum 20.Oktober 2014.

Am Dokument vum Budget 2015 konnt ee liesen op der Säit 116 vun den Dépenses ordinaires: Autres sociétés à partir de 2014 suivant nouvelles modalités: clé de répartition des subsides ordinaires à allouer aux associations locales – Relevé à présenter au Conseil communal au deuxième trimestre 2015. Voir nouvel article 3389....

Elo si mer awer schonn éischter Enn 2015, also am véierten Trimester, an et muss ee feststellen, dass de Schäfferot seng Hausaufgaben net gutt gemaach huet.

Et schéngt awer dës Kéier keng Urgence ze bestoen obschonns mer nach dräi Woche méi spéit sinn ewéi 2014. Hunn dëst Joer dann d’Veräiner net reklaméiert?

Wat mer elo hei virleien hunn, ass mir leider net ganz kloer. Eng Oplëschtung vu Subside mam selwechten Opbau wéi déi viregt wou driwwer steet Budget 2015.

Am Ordre du jour vum Gemengerot vun haut liese mer “Subsides ordinaires de l’exercice 2014”. Also misst elo awer vläit een eis kloer soen wat mer hei stëmmen?

D’Subside vu 2014 réckwierkend oder déi vun 2015 virwierkend?

27 RAPPORT

Wat fält eis dann do op wa mer déi nei Zuelen do kucken? Éischtens emol ass déi 2014 agefouerten Oplëschtung no Gruppen amplaz an alphabetescher Reiefolleg nach wéi vor diskutabel. Zemools wou sech sämtlech Gruppen herno an enger eenzeger Budgetspositioun erëm fannen.

Zweetens huet de Schäfferot drop verzicht, fir eis an dëser Tabell d’Zuele vun 2014 derbäi ze setzen. Dat war d’lescht Joer gemaach ginn an et konnt een op ee Bléck vergläichen ob a wéivill Veräiner méi oder manner kruten ewéi 2013. Dee Verglach war d’lescht Joer vum Schäfferot ausdrécklech erwënscht, dëst Joer ass dat net esou. An engem separaten Dokument konnt een zwar d’Zuele vum Virjoer fannen, allerdéngs just en Deel dervun, well et huet ee Blat gefeelt! An an der elektronescher Form vum Ordre du jour, dee mer geschéckt kritt hunn an iwwer Cloud kënnen erof huelen, ass dat Dokument iwwerhaapt net ze fannen!

De fläissege Gemengerot, dee sech gutt virbereede wollt, huet misse mühsam d’Zuele vum Virjoer nosichen an se an der neier Tabell derbäi schreiwen.

Hat en dat da gemaach, wat ass him dann opgefall? Éischtens, op den éischte Bléck falen engem dann d’selwecht wéi 2013 eng Rei Subsiden op, déi vill méi héich si wéi déi vum Virjoer. Verschiddener verduebele sech carrément. Ënner anerem dee vun engem Sportsclub, deem säi Subsid scho vun 2013 op 2014 verduebelt gi war an elo nach eng Kéier verduebelt gi sollt. Vun deem selwechte Veräin hat den deemolege Buergermeeschter nach gesot, hie géif drun zweiwelen, dass déi déi richteg Zuelen era ginn hätten. Firwat dann elo nach eng Kéier verduebelen? Huet dee Club elo op eemol zweemol méi Memberen, zweemol méi Trainer, zweemol méi Diplomer, zweemol méi Trainingsstonne kritt? Kee weess et!

Dann hu mer e Sportsclub, deen 2013 an 2014 guer kee Subsid kritt hat: An enger Sëtzung vum Subsiden-Aarbechtsgrupp war engem d’Bemierkung eraus gerutscht: “Déi wëlle kee Subsid, déi kréie vun der Gemeng hir Trikote gewäsch.” Ma dee Veräi kritt mëttlerweil e Subsid vun 300 Euro. Wäschen se dann elo hir Trikote selwer? A ginn 300 Euro dofir duer?

Zwee Veräiner kréie carrément 1.000 Euro méi an an

deene selwechte Gruppe wéi déi zwee, kréien dräi vergläichbar Veräiner nëmmen nach d’Halschent vum Betrag vum Virjoer.

An 11 aner Veräiner haten sech ze fréi gefreet.

Nodeems si 2014 gehéicht goufen, kréien se elo nach manner wéi 2013, wat ech perséinlech eng Sauerei fannen. Ass dat net vläit de Geck mat de Leit gemaach?

Do géif ee gär méi gewuer ginn. Do géif ee gär verstoen, wéi et dozou kënnt. Hei weist sech en Zickzackcours vum Schäfferot, deen eis fréier Kollegin Sylvie AndrichDuval esou oft ugeprangert huet an dee sech elo an aller Kontinuitéit viru féiert.

Wann dat ugekënnegt Nobesseren an déi do Richtung geet, da kann ee sech jo awer wierklech froe wou mer dann eigentlech hi wëllen. Do kéint een de Sir Winston Churchill zitéieren, dee sot: “D’Sozialisten erënnere mech ëmmer un de Christoph Kolumbus: Wann et lass geet, wëssen se net wou et higeet, a wann se ukommen, wëssen se net, wou se sinn.”

An dann den Total vun de Subsiden: Deen ass alt erëm geklommen, an zwar ëm 2.675 Euro. Deem Aarbechtsgrupp Subsiden war deemools gesot ginn, dee Montant dierft 2014 net méi héich ginn ewéi 2013, e sollt just ëmverdeelt ginn.

Op eemol war deen Total dann 2014 awer 4.000 Euro méi héich an elo alt erëm 2.600 Euro méi héich. A wann ee gutt kuckt, da gesäit een, dass déi Suen integral an de Sport fléissen. All déi aner Kategorie vu Veräiner hunn hire selwechte Montant bäibehalen.

A bei all deene krassen Diskrepanzen a Changementer, do freet ee sech: Wat sinn d’Critèren? Wat sinn d’Grënn?

Firwat ass ee Veräi besser ugesinn ewéi en aneren?

Firwat ass ee manner gutt ugesinn ewéi d’Joer virdrun?

Wollte mer 2013 mat deem zitéierten Aarbechtsgrupp Ongerechtegkeeten aus der Veräinswelt schafen a méi Transparenz dra bréngen, wouhinner bewege mer eis dann elo? Vun engem objektive Computerprogramm vun 2013, deen novollzéibar a reproductibel gewiescht wär, bewege mer eis ganz wäit ewech. An iergendwéi schéngt et engem wéi wann een dat Gefill net géif lass ginn, an dat ënnersträiche verschidde Punkte vum Ordre du jour, déi nach kommen, dass an dëser Gemeng vläit net alles transparent ass a vläit net jiddereen d’selwecht a gerecht behandelt gëtt.

28 RAPPORT

Mär als CSV kënnen a wëllen dat do aus deenen uewe genannte Grënn net ënnerstëtzen.

Romaine Goergen (Déi Gréng): Ech wäert mech zwar elo vill méi kuerz faassen, ech wëll awer nach eng Kéier drop zeréck kommen, wéi dat d’lescht Joer gelaf ass.

Mir haten eis deemools och enthalen, haaptsächlech wéinst der Aart a Weis, wéi déi Subsiden errechent gi sinn nodeems de Groupe de travail sech ganz oft zesumme gesat hat fir e System eraus ze fannen, un dee sech dann um Schluss net gehale ginn ass. Déi Proposen, déi dee Groupe deemools ausgeschafft hat, si just zum Deel berücksichtegt ginn.

Mir haten d’lescht Joer awer och versprach kritt, et géingen Upassunge gemaach ginn an dat Ganzt géif transparent gemaach ginn. Ech muss soen, wéi mer déi Lëscht elo dës Kéier virleien haten, do hate mer net onbedéngt d’Gefill, dass dat vill méi transparent gi wier.

Et war wierklech mühsam erauszefannen, wéivill sech déi Subside par rapport zum leschte Joer geännert hunn. Mir hunn eis effektiv och d’Méi gemaach fir ze vergläichen an ze kucken, wou Verännerunge komm wieren. Ech muss zwar gestoen, dass ech net déi ëmfaassend Analyse gemaach hunn, déi den Här Gangler gemaach huet.

Et war awer och esou, das verschidde Subside sech effektiv vill verännert hunn an ech mech eigentlech drop virbereet hunn, elo Erklärungen ze kréie firwat se sech verännert hunn. Dat hu mer elo net kritt. Et ass e bësse schnell gaangen.

Ech wëll just zwee Veräiner eraus plécken, déi effektiv substantiell bäikritt hunn, wou sech effektiv de Subsid méi wéi verduebelt huet. Ech wëll se och dës Kéier nennen, well ech ginn dervun aus, dass mer elo eng Erklärung nogeliwwert kréien: et ass de Schwammclub an de Foyer de la Femme. Ass dann do an der Teschenzäit eppes geschitt, hunn déi esou vill Membere bäikritt oder huet sech do innerhalb vun engem Joer esouvill geännert, dass déi Erhéijung vum Subsid gerechtfäerdegt ass?

Ech géif dann awer vläit ofwaarden ob nach eng Erklärung nogereescht gëtt iert mer ofstëmmen, well et ass awer effektiv net ganz transparent.

Bob Claude (LSAP): Ganz kuerz: Eppes ass emol bedauerlech awer do kënne mer elo näischt méi änneren, et konnt een net méi zeréck kucken wat éischtens emol do geschwat ginn ass, well alles verluer gaangen ass. Dee Stick ass iergendwéi futti gefuer oder verluer gaangen an doduerch hu mer jo kee Bericht vun där Sitzung kritt.

Ech hunn op alle Fall bis elo nach kee gesinn. Dat ass ebe schuet, dat ass elo esou an dat ass wahrscheinlech anescht net méi méiglech.

Wat déi aner Kritiken ubelaangt, kann ech och elo net méi am Detail soen, dat doten ass richteg oder dat ass falsch, ech kann nëmmen d’Erklärunge vum Här Spina ofwaarden. Ech mengen awer, datt dee Schlëssel ugewannt ginn ass an datt Ännerunge bei verschiddene Veräiner och doduercher elo komm sinn, Ech sinn och gespaant an ech hu Vertrauen an de Schäfferot, datt se do net einfach muttwëlleg déi eng bestrooft oder déi aner belount hunn well et ebe just déi oder déi sinn.

Loris Spina (LSAP – Schäffen): Ech wëlle mech awer direkt deem uschléissen, wat de Bob Claude gesot huet.

Et ass eis a kengem Fall dru geleeën an et fält eis net an, iergend e Veräi géint en aneren auszespillen oder eng Zort vu Veräi géint eng aner auszespillen.

Mir hunn dat gemaach wat mer d’lescht Joer versprach hunn, mir hunn e Schlëssel opgesat op der Basis vun deene virdru erwänte Critèren well et ebe keng Tracë méi ginn, dat bedauere mer alleguerten, an nodeems d’lescht Joer eng Rei vu Confusioune waren an d’Veräiner net wossten, wie se sollten aschreiwen, wien aktiv ass a wien net aktiv ass, d’Servicer Récksprooch gehalen hunn, schéngt dat dëst Joer méi kloer ze sinn a mir hunn déi Donnéeën, déi mer vun de Veräiner kritt hunn, probéiert an dee Schlëssel anzespeisen an do ass dann dat Resultat derbäi erauskomm, wat erauskomm ass an déi sinn an deem Sënn dann och esou ugewannt ginn. An dofir sinn déi Montanten net all Joer d’selwecht, do ginn et all Joer Variatiounen, ebe well mer dee Schlëssel, deen de Subsidegroup ausgeschafft huet, als Grondbasis huele fir déi Subsiden ze verdeelen, esou wéi mer dat och d’lescht Joer gesot hunn.

Firwat ass elo näischt geschitt par rapport zu deem Schlëssel? Och do ass näischt Neits, d’lescht Joer hat ech gesot, falls dee Schlëssel esou do baussen akzeptéiert gëtt, an dat ass de Fall, mir maache jo als Schäffen- a Gemengerot den Tour vu sämtleche Gen-

29 RAPPORT

eralversammlungen an do sinn och déi Veräiner, wou Variatioune waren, mol no uewen, mol no ënnen.

d’Subside vir fir dat Joer virdrun, dat ass an deem Sënn näischt Neits.

Natierlech sinn déi méi begeeschtert wou d’Variatioun no uewen ausfält, mä si hunn alleguerte verstanen, wéi déi Ënnerscheeder zustane komm ass an net een eenzege Veräin huet sech doriwwer beschwéiert. Et ass nozevollzéien, déi Basis, déi dee Schlëssel bitt, ass ze verstoe bei de Veräiner an d’Leit akzeptéieren dat och.

Virun allem: De Subsid, mir diskutéieren dat zwar elo laang a breet hei, ass nëmmen eng ganz kleng Minidrëps vun der Ënnerstëtzung, déi d’Veräiner vun der Gemeng hei kréien, dat däerf een trotzdem net vergiessen. Ech verstinn, dass verschidde Leit sech hei an d’Broscht geheie fir e grousse Cas doraus ze maachen, mer däerfen awer net vergiessen, dass dat doten an der Realitéit eng minimal Ënnerstëtzung ass, déi se vun der Gemeng kréien.

Natierlech bleiwe mer op fir Kritiken an Diskussioune mat de Veräiner, mä et ass net een eenzege Veräin deen dat net novollzéie kann oder net domat averstanen ass.

Mir sinn also op enger ganz gudder Linn. Mir sinn iwwerzeegt, dass dat doten e gudde Subsideschlëssel ass fir dass mer de Veräiner déi Ënnerstëtzung zoukomme loosse kënne, déi se an dësem Kader kréien.

Dofir ass et bei de Veräiner ganz labber an emotiounslos verstane ginn an de Schlëssel ass akzeptéiert, déi Basis, déi mer huele fir déi Subsiden ze verdeelen.

Wann ech gelift, kommt mer spillen hei net Veräiner an Engagementer géinteneen aus, dat ass hei net d’Plattform dofir.

Et si keng Fuerderunge fir Nobesserunge komm, an deem Sënn si mer op engem ganz gudde Wee, et ass nozevollzéien, dee Schlëssel ass d’Basis dovunner, nach muss ee sech d’Fräiheet huele fir dat eent oder anert ze änneren. Mir iwwerpréiwen och net bei all Veräin wéivill Memberen en dann elo uginn huet. Mir vertrauen drop, dass déi dat éierlech eraginn. Eis Servicer kenne jo och meeschtens d’Veräiner, déi wësse schonn ob dat stëmmt oder net.

Firwat et och dëst Joer zu engem spéiden Zäitpunkt komm ass, mir hunn nach net déi ganz richteg Konsequenz do fonnt, mir misste méi streng si mä vu datt d’Veräiner op Bénévolatsaarbecht ugewise sinn, wann do mol e Sekretär krank oder Problemer mam E-Mail huet, gëtt da geet déi Korrespondenze verluer, versiche mer ëmmer erëm nozehaken an ze kucken, wou dat Dokument drun ass.

Heiansdo dauert et e bësse méi laang wéi eis Délaien et virgesinn, mä dat ass awer och am Sënn vum Bénévolat, de ëmmer och ënnerstëtzen. Well mer op d’Bilane waarden, musse mer d’Joer ofwaarde bis dass mer d’Aktivitéitsbilane vun 2014 hunn éier mer se kënnen 2015 ausbezuelen. Am Budget gesi mir ëmmer

Michèle Kayser-Wengler (CSV): Ech wollt awer drop hiweisen, dass mir explizit kee Veräi genannt, mer hunn dat bewosst gemaach well mer ebe kee géint deen aneren ausspille wëllen, mir hu just d’Beispill genannt vun engem Veräin, deen null Euro kritt huet. Dat war nach eng Fro vum Här Gangler zu deem Veräin, dee gesot huet, mir brauchen dee Subsid net well mir kréien d’Trikote vun der Gemeng gewäsch. D’Fro ass ob dat nach ëmmer esou ass.

D’Madame Goergen huet och ee Veräi genannt, de Foyer de la Femme, do muss een awer soen, dass ee vun 800 op 1.800 Euro erop gaangen ass, dofir erlaben ech mer och, dee Veräin hei ze zitéieren, do ass awer d’Fro: Vun 800 op 1.800 Euro, dat ass awer esou eng substantiell Hausse, wann ee vergläichbar Veräiner kuckt wéi zum Beispill d’Amicale Gëlle Joeren oder d’Amiperas, déi kréie 620 Euro, ech gesinn awer net, dass de Foyer de la Femme d’Unzuel vu senge Membere verduebelt hätt, do sief awer d’Fro erlaabt, wéi esou eppes méiglech ass. Dat sinn zwee konkret Beispiller.

A wéi gesot, wann dir mengt, mir wéilten hei ee Veräi géint een aneren opstiwwelen, oder ee Grupp vu Veräiner géint en aneren, dann deet et mer lee, mä dann hutt dir awer guer näischt verstanen.

Loris Spina (LSAP – Schäffen): Ech soen Iech Merci fir déi konstruktiv Réckmeldung, dat deet gutt, esou eppes ze héieren. Den Här Gangler hat awer gesot, et fält op, dass de Sport, net de präzise Veräin, bevirdeelegt gëtt.

Et ass awer net onbedéngt erwënscht, dat doten elo nach eng Kéier zevill ze verdéiwen, ech fanne, mir diskutéiere vill zevill laang iwwer esou Saachen, mä OK, dir notzt déi Bühn fir déi Saache lass ze ginn.

Firwat dës zwee Veräiner dëst Joer anescht ënnerstëtzt ginn ass wéi gesot, dass mer mat hinnen en

30 RAPPORT

Austausch hate wat se ënnert aktiv Membere sinn an eis Servicer sinn der Meenung, dass dat stëmmt an de Schlëssel ass deementspriechend ugewandt ginn an dofir ass deen dote Montant dobäi eraus komm. Dee Veräin huet soss keng Demande gemaach, elo huet en eng Demande gemaach an dofir huet en e Recht dodrop. Dat steet och hei net zur Debatt. Ech weess effektiv net ob d’Trikote gewäsch ginn.

HBD, déi beim 1. Tour vun der Coupe d’Europe waren a Champion gi sinn, dat sinn all Kéier e Subsid vu 500, 500, 250, 250, 250, also am Ganze vun 2.250 Euro Ass de Gemengerot mat deenen dote Subsiden averstanen? Dat ass unanime.

Dan Biancalana (LSAP – Buergermeeschter): Ech woll nach kuerz do drop agoen, budgetär Präzisioune ginn.

Et ass e Budget vun 2015 mä d’Subside baséieren um Exercice vum 1. Januar bis den 31. Dezember 2914, dat ass haut keen nee Moment wéi och déi Jore virdrun.

Mir mussen eis jo kënne op dat Joer virdru baséieren an d’Inscriptioun kënnt awer am bestoende Budgetsjoer.

4. GENEHMEGUNG VUN DER

Et ass elo un de Fraktiounen, déi hei vertruede sinn, ze décidéieren, ob se deem Total vu 56.325 Euro, ëmgerechent 2,2 Millioune Lëtzbuerger Frangen, wëll zoustëmme fir den Diddelenger Bénévolat an d’Diddelenger Veräiner ze ënnerstëtzen. Dat ass eng Drëps op e waarme Steen, a jidderee muss seng Responsabilitéit iwwerhuelen an décidéieren ob en déi Montanten wëllt verginn.

TERNATIONALE ODER RÉFU-

Wien ass mat dëse Subsiden averstanen? Wien enthält sech? Wien ass dergéint? Dës Subsiden sinn ugeholl mat Stëmme vun der LSAP, mat der Enthalung vun Déi Lénk an déi Gréng an dergéint gestëmmt huet d’CSV. Da komme mer zu de Subsides extraordinaires. Do geet et haaptsächlech em ee Veräin, deen eng Rei extraordinär Subside kritt, dat sinn d’Dammen vum HBD well se d’Coupe de Luxembourg gewonnen hunn, respektiv Champion gi sinn, respektiv den 1. Tour an der Europa-Coupe gewonnen hunn, respektiv d’Männer vum

CONVENTIOUN

IWWER

DEN

HÉBERGEMENT VUN DEMANDEURS DE PROTECTION IN-

GIÉEN TËSCHENT DEM STAAT AN DER CROIX ROUGE Dan Biancalana (LSAP – Buergermeeschter): Bei dësem nächste Punkt an do geet et ëm d’Genehmegung vun der Conventioun iwwer den Hébergement vum demandeurs de Protection internationale oder Réfugiéen tëschent dem Staat an der Croix Rouge.

Fir deen Accueil kënnen ze garantéieren, ass dës Conventioun, déi mir haut hei virleien hunn tëschent deenen dräi Parteien wou am Fong och déi ganz mobil Wunnstruktur ze regelen.

Déi dräi Partner am Spill sinn de Staat iwwert den Integratiouns- a Familljeministère, d’Diddelenger Gemeng an d’Croix Rouge, déi sur place dee ganze sozialen a psychologesche Suivi mécht.

31 RAPPORT

Et ass eng Conventioun wéi et der och an anere Gemenge gëtt, et ass also e Modell. De Contenu dervu fixéiert d’Collaboratioun tëschent deenen dräi Partner am Kader vun der Struktur, déi heihinner kënnt an et ass esou, dass den Terrain der Croix Rouge vun der Arcelor zur Verfügung gestallt gëtt. Doropshi konnt de Buergermeeschter der Croix Rouge eng Baugenehmegung ausstelle fir dass d’Struktur drop gebaut ka ginn.

Dat ass déi Struktur an der route de Volmérange, déi direkt beim Stroossennetz am Quartier Schmelz läit, sou dass d’Accessibilitéit fir dës mobil Wunnstrukture bauen ze kënne garantéiert ass.

D’Baggere sinn amgaang d’Terrassementsaarbechten ze maachen an Ufank Dezember kommen déi éischt Strukturen dohinner an den Opbau ka stattfannen.

D’Durée vun der Conventioun ass vum 1. Januar 2016 bis viraussiichtlech den 31. Dezember 2023, also gutt aacht Joer. Natierlech ka se vu Joer zu Joer renouvelléiert ginn an de Kader, dee virgesinn ass, ass am Prinzip fir 62 Leit, kann awer, wann d’Familje kommen, bis op maximal 92 Leit goen. Dat ass de Kader, dee mer eis gesat hunn.

Ech wollt nach mat op de Wee ginn, dass dees Conventioun eis aacht Joer bënnt, awer schonns Iddie lafen, dass een och méi eng fest Struktur am Kader vum Projet Nei Schmelz géif afléisse loosse fir aus dem prov Ch och eng fest Struktur ze hunn, wou ee mat deene selwechte Partner deem doten Accueil an och der moralescher Obligatioun als Gemeng ka Rechnung droen. Dat ass awer éischter Mëttel- a längerfristeg geplangt.

Wat d’Contrepartie financière ugeet, do ass et esou, dass gréisser Centren den éischten Accueil maachen an déi Leit dann op déi méi kleng Strukture verdeelt ginn, an de Staat iwwerhëlt dee ganze finanzielle Volet dofir, sief dat de ganzen Démontage an Transport vun de Containeren. Dës mobil Strukture ware schonns zu Bartréng am Asaz.

De Staat preparéiert den Terrain a baut alles op, d’Remise en état gëtt och vum Staat iwwerholl. Dat Stéck, wat der Arcelor gehéiert huet an der Croix Rouge zur Verfügung gestallt gouf, ass e Filetsstéck, dat net brauch sanéiert ze gi well et an engem ganz gudden Zoustand ass. Do brauch ee sech guer keng Suergen ze maachen, dofir ass deen dote Site och erausgesicht ginn.

An natierlech och well en eng gewësse Connexitéit garantéiert, wat och wichteg ass.

De Staat an d’Croix Rouge iwwerhuelen och dat ganzt Equipement, d’Miwwelen.

Fir dass esou eng Struktur funktionéiert mussen och déi ganz Infrastrukturen ewéi den Ofwaasserkanal, den Nettoyage, d’Poubellen, d’Elektresch an d’Waasser klappen an och dat iwwerhëlt de Staat.

E weidere wichtege Volet ass d’Scolarisatioun vun de Kanner, och dat iwwerhëlt de Staat, also den Éducatiounsministère, deen do säin Deel iwwerhëlt. Wa Famillje kommen, besteet d’Méiglechkeet, um Strutzbierg eng Klass ze hunn, wou pro Kand 2 Stonnen zousätzlech virgesi sinn. De Staat stellt dat néidegt Léierpersonal dofir zur Verfügung.

An nach e ganz wichtege Punkt, dee sozialen, edukativen a psychologeschen Encadrement vun dëse Leit gëtt vun der Croix Rouge assuréiert an natierlech och d’Iesse gëtt vum Staat en charge geholl.

Wat ganz flott ass an eng gutt Promotioun an och den Asaz vum Diddelenger Léierpersonal würdegt, ass, dass d’Scolarisatioun do op oppen Ouere gefall ass.

Viru kuerzem ass de President vum Comité d’école Däich, de Joël Michaux gefrot ginn, fir Inspekter ze gi fir d’Scolarisatioun vun de Kanner vun den Demandeurs de protection internationale. Mat him hu mir e ganz gudden nationalen an och lokalen Interlocuteur fir deen dote Projet.

Dann ass natierlech wéi an all Struktur, och op der Plaz eng Surveillance virgesinn, 24 op 24 Stonnen a 7 op 7 Deeg vun enger Wach- und Schliessgesellschaft, esouwéi den Encadrement duerch d’Croix Rouge an d’Gemeng an de Staat kënnen zu all Moment dohi kucke goen, ob alles an der Rei ass. Hei ass et natierlech am Respekt vun der Dig an der Int vun deene Leit déi do sinn.

Mir haten och d’Iddi, mat der Croix Rouge an der OLAI, éier déi éischt Demandeurs de protection internationale kommen, en Journée Porte ouverte ze organiséieren, wou d’Bierger déi Strukture kënne kucke goen.

Si wäerte sécherlech de Méindeg presentéiert ginn.

D’Leit sollen e Feeling kréien, éier déi Leit kommen. An der Tëschenzäit hunn eng ganz Rei Leit, Privatleit an

32 RAPPORT

Associatiounen hir Hëllef schonns ugebueden. Mir hunn och e Formulaire ausgeschafft, dee mer op der Informatiounsversammlung ausdeelen an op eise Site setzen, wou all déi Bénévoles sech kënne mellen an dat an der Gemeng areechen.

Mir wäerte mat der Croix Rouge an OLAI kucken, wéi eng Projete mir hei zu Diddeleng kënnen ausschaffe mat deenen Acteuren, déi sech um Bénévolat bedeelegen.

Dann natierlech e klassesche Punkt, de ganze Volet Assurance, dat gëtt natierlech integral vum Staat iwwerholl. D’Ressponsabilité civile ass do virgesinn an déi néideg Assurancë musse gemaach gi während der Durée vun der Conventioun.

E weidere wichtege Punkt ass e Comité de Suivi, wou esouwuel d’Gemeng wéi och d’Croix Rouge an de Staat sech a regelméissegen Ofstänn gesi fir de Bilan ze maachen iwwert alles wat geschitt, d’Aktivitéiten. Déi mer organiséieren. Déi treffen sech op d’mannst eemol am Joer an thematiséieren déi eenzel Punkten jee no de Besoinen.

Ech hu probéiert, Iech dee faktuellen Deel duerzeleeën an awer och en Ausbléck op déi zukënfteg Zesummenaarbecht ze ginn. Ech hoffen, dass mer weiderhin an där Kontinuitéit wéi mer se am leschte Gemengerot haten, weider verfuere kënnen an dass de Gemengerot dës Conventioun stëmme wäert.

Colette Kutten (Déi Gréng): Mir si ganz frou, dass de Schäfferot schonn esou gutt Virbereedunge gemaach huet an dass d’Installatioun vun de Container schonn am Januar stattfënnt, dass eng Versammlung elo stattfënnt, dass schonns sech iwwerluecht ginn ass, wéi d’Diddelenger Leit kënne mat abezu ginn duerch déi Formulairen, also do muss ee scho soen, dass dee ganze Kader gutt ass.

Et ass gutt duerchduecht an dat ass eng gutt Viraussetzung.

Zu der Konventioun hu mer just e puer Froen.

Fir wéi eng Leit ass déi Struktur elo geduecht. Ass se wierklech fir Leit, déi nach kee Statut hunn oder vläit och fir déi mat geduecht?

Dann hunn ech awer nach eng Fro zu deenen Zëmmeren, dat ass vläit e bësse mëssverständlech. Sinn do just ausschliisslech Zëmmere fir 2 Persounen, wou à la limite nach kann e Kand derbäi sinn? Et ass jo awer esou, dass do oft Famillje mat ville Kanner sinn an dat géing jo awer deene Bedierfnesser net gerecht ginn.

Et ass jo awer éischter seelen, dass eng Koppel kënnt.

An déi Leit, déi alleng kommen, wéi ginn déi da logéiert?

Dee Punkt schéngt mer elo wierklech net kloer ze sinn.

Ansonste si mir mat der Conventioun d’accord an och mat der Virgoensweis wéi se eis elo presentéiert ginn ass a mir stinn do voll derhannert.

Michèle Kayser-Wengler (CSV): Ech kann do nëmmen enchaînéieren, mer hate jo am leschte Gemengerot unanime gesot, dass mer op dee Wee ginn an eis Biergerflicht mussen erfëllen.

Ech hunn och e puer konkret Froen, eng dovun ass scho beäntwert doduerch, dass d’Croix Rouge de Besëtzer vum Terrain ass. Dat war eis och opgefall an de Buergermeeschter huet elo erkläert dass d’Arcelor der Croix Rouge deen Terrain zur Verfügung stellt. Dat ass gutt iwwert d’Bühn gaangen.

Ech wollt awer dozou nach soen, dass hannert deem Terrain relativ vétuste Gebaier sinn, déi mussen ofgeséchert ginn, net dass do eppes geschitt.

Ech denken, dass et esou ass, dass just Demandeurs d’asile hei logéiert gi well wann een de Statut huet vum Réfugié, da muss een aus deenen Strukturen erausgoen. Ass dat esou? Bis elo war et esou, dass OLAI déi Leit begleet bis dass se de Statut hunn an da ginn se entlooss, wat oft dramatesch ass well déi Leit sech mat eise Geflogenheeten a virun allem an eisen Administratiounen net zerecht fannen. Mir mussen och oppassen, dass mer déi Leit herno net einfach virun d’Dir setzen an da sinn se sech selwer iwwerlooss.

D’Fro vun der Madame Kutten deele mir och. Oft hunn déi Familljen dräi, véier, fënnef Kanner an ech weess net wéi déi Zëmmer opgedeelt sinn. Oder ass et esou, dass mir just eenzel Leit heihinner kréien. Dat misst ee wëssen. Wat ass zum Beispill wa se mat engem Kand an enger Kummer sinn an et kënnt en zweet Kand derbäi?

Déi Leit si jo eng länger Zäit hei, mir wësse jo wéi laang d’Prozedure bei eis daueren. Mussen se dann eraus, ginn se dann entzwousch anescht logéiert?

33 RAPPORT

Dann nach eng Fro, déi ech och der Familljeministesch stelle wëll: Gëtt do e bëssen opgepasst wéi eng Leit een a wéi eng Strukture setzt? Mir kréien elo bis 93 Leit heihinner an et weess een zum Beispill, dass bei de Syrer d’Chrëschten eng Minoritéit sinn, déi och an hirem Land net gutt ugesinn ass oder verfollegt gëtt.

Net dass mer do eng Konfliktsituatioun schafen, wa mer Chrëschte mat Moslemen zesumme setzen op engem enken Terrain. Do muss dat landeswäit virsiichteg gemaach ginn. Et ass sécher besser wa Leit mat där selwechter Gesënnung zesumme sinn, besonnesch wann se op enkem Raum zesumme liewen a virun allem, wann se aus engem Gebitt komme wou déi Animositéiten ausgelieft ginn a wou et zu dramatesche Situatioune ka kommen.

Dann d’Fro zu de Frais de nettoyage et d’entretien. Dat ass jo alles schéin a gutt mä oft ass et e Problem, dass déi Leit guer näischt selwer maachen. Si kënne weder traditiounsgemiess liewen a kachen, nach sech betätegen an net botze well ëmmer eng Botzfirma kënnt. Déi Leit sëtze laang Méint, vläit esouguer Joere laang an esou enger Struktur an et ass net gutt fir deene Leit hir Dignitéit, wann se déi ganzen Zäit zerwéiert ginn an déi wëllen dat och net. Do muss een och vläit kucken, a wéi eng Richtung een déi Leit ka responsabiliséieren am gudde Sënn an awer och se forcéieren, sech selwer ëm hire Alldag këmmeren.

Wéi ass dat virgesi bei eis op der Gemeng? Mir hunn de CIGL, mir hunn d’Agence pour l’Emploi, hu mer do schonns Iwwerleeunge mat deene Servicer gemaach, wéi mer déi Leit do kënnen integréieren? Hu mer do eng Méiglechkeet? Musse mer do eng Conventioun mam Ministère maachen? Dat ass sécher eng Iwwerleeung, déi derwäert ass fir weider gesponnen ze ginn.

Dann ass d’Fro. Wann déi Leit de Statut vum Réfugié hunn a si mussen aus de Containerdierfer eraus, wéi maache mir dat? Kënne mir se an eis Sozialwunnenge weiderleeden?

Ech mengen, et muss een och oppassen, ouni elo wëllen eng Zizanie ze kreéieren, vis-à-vis vun der Bevëlkerung, dass d’Leit net d’Gefill hunn, dass d’Demandeur-d’asilen virgezu gi par rapport zu den Nécessiteuxen vun éier Gesellschaft. Et ass wichteg fir de soziale Fridden, de Leit dat gutt ze erklären, net dass d’Leit denken, hei si kréien alles a mir kréien näischt.

Genee esou wéi mat der Scolarisatioun, ech fannen et jo och absolut méi wéi korrekt, dass déi Kanner an d’Schoul ginn. D’Halschent vun deenen Demandeure si Kanner, dat sinn eng drësseg Kanner, déi an d’Schoul integréiert musse ginn. Ech fannen et och ganz luewenswäert, dass de Contingent dann erop geet ëm 2 Stonne pro Kand vun engem Demandeur de protection internationale well déi Kanner jo och oft traumatesch Erliefnesser haten a sécher och net einfach am Handling sinn. Op der anerer Säit weess ech awer och, ass et scho Stëmmen am Land gëtt, déi soen “Ah jo, wann déi kommen, da kréie mer de Contingent erhéicht”, an dir wësst genee esou gutt wéi mer alleguerten hei am Sall, dass mer ëmmer soen, de Contingent gëtt gedréckt obwuel d’Besoinen do si bei de Kanner, déi de Moment do sinn, do muss ee ganz gutt oppasse fir do keng Zizanie ze streeën.

Et muss een natierlech och d’Zesummenaarbecht mam Lycée kucken, et si vill Jugendlecher, déi kommen an et huet sech mëttlerweil och erëm geschwat, dass Lëtzebuerg och Mineuren ophëlt. A mir hunn der och schonns e puer vu 14-18 Joer, déi an de Strukture sinn. Dat gëtt erëm eng ganz aner Problematik. Wéi encadréiere mer déi Kanner? Mä dat si sécher Saache wou ee muss kucke wéi et geet, mä et ass wichteg, déi Themen unzeschneiden.

Da wollt ech nach eppes soen zu der Société de gardiennage. Dat ass e bëssen zweeschneideg well mir wëlle jo kee Ghetto kreéieren. Mer wëllen net, dass se hannert engem Drot sëtzen a vun uewe beliicht ginn a permanent vu Gardiennage-Personal surveilléiert ginn.

Ass et net besser, se esou séier wéi méiglech duerch déi Strukturen ze schleisen a se dann ze integréieren?

Ech fannen och, dass all Gemeng a mir hunn der honnert am Land, soll e puer Familljen ophuelen, ofhängeg vun der Gréisst vun der Gemeng, an dass ass déi Integratioun an déi Adaptatioun vill méi einfach.

Iwwer de Comité de Suivi steet an der Conventioun, dass déi sech eemol am Joer treffen. Dat ass wéineg, et wier besser wa mer e Comité d’accompagnement géinge kreéieren an ech hoffen, dass an der Réunioun vum 16. November sech vill Leit vun Diddeleng bénévol engagéiere fir dës Leit wëllkomm ze heeschen an si ze begleeden an dëse Leit hëllefen, hir traumatesch Erliefnesser ze verschaffen.

Ech sinn iwwerzeegt, dass eis Diddelenger dann och soen “Refugeees are welcome”.

34 RAPPORT

Nathalie Haas (Déi Lénk): Mir sinn eis alleguerten eens, dass mer dat ënnerstëtzen et ass ebe just, wat déi interkulturell Ënnerscheeder uginn, Ech maache mer doriwwer relativ wéineg Gedanken, dass mer esou wäit kënne iwwerleeën an och esou wäit einfach Mënsch kënne sinn, fir eis eng gewëssen interkulturell Kompetenz unzeeegnen. Et ginn och Formatiounen ugebueden, net nëmmen hei zu Lëtzebuerg mä europawäit, wéi ee mat enger friemer Kultur kann ëmgoen. Zu Tréier op der Uni gëtt et Tonnen esou Coursen am ethnologesche Beräich. Mir sollten de 16. November all do si fir Opklärungsaarbecht ze leeschten, well et ass um nationalen Niveau nach relativ wéineg bekannt.

Et tappt een e bëssen am Däischteren awer mir mussen egal wéi zesummen halen. Ech fannen dee Plang, esou wéi en do steet, luewenswäert well et séier muss goen an et geet elo och séier. Mir kréien dat elo am Januar heihinner an ech appeléieren un eis Mënschlechkeet an da gi mir och de Ghettoen aus dem Wee a kënnen einfach mir selwer sinn.

Josiane di Bartolomeo-Ries (LSAP): Et ass scho vill gesot ginn an ech hunn e bësse méi Kontakt mat deene Leit vun der Croix Rouge an dofir weess ech eng Rei Saachen. Hei zu Lëtzebuerg hu mir nach ëmmer Flüchtlingen opgeholl. Dat ganzt Joer iwwer, vu Januar bis August sinn der 800 komm, an alleng am September sinn 530 Persounen heihinner komm a 50% kommen aus Syrien. Déi lafen aus dem Krichsgebitt fort.

E Container ass just eng kuerzfristeg Léisung an déi Leit sollen net iwwer Joeren do sëtzen. Wéi et virdrun ugeklongen ass, wier jo da vläit e Projet op Nei Schmelz ze maachen.

Hei huet et séier misse goen, déi Leit kommen all Dag hei un. Ech hoffen, dass ganz vill Gemengen nozéien an esou Strukture schafen. Et ass natierlech ëmmer erëm eng gewëssen Angscht do. Si sollen net an engem Ghetto sëtzen. Déi, déi elo kommen, am Ufank gouf gesot et bleiwen 30% hei. Wann een elo kuckt vu wou se kommen, déi kommen aus engem Krichsgebitt an déi sollen heibleiwen.

Während se am Container sëtzen, solle se schonns a Kontakt kommen a dech aglidderen. Doduerch mécht d’Gemeng och déi Informatiounsversammlung, wou all déi Bénévol kënnen hëllefen.

Gaart an Heem hat zum Beispill d’Iddi, hinnen e Gaart oder en Héichbeet dohinner ze setzen. Déi Leit solle sech beschäftege kënnen. D’Kanner ginn an d’Schoul a gi betreit.

D’Angscht ass déi folgend: “Jo, wat gëtt dat, wann der esou vill kommen?” Wéi deemools Honnerte vun Italiener komm sinn, war dat kee Problem, déi hu sech agegliddert an hei kommen eng 90 Leit bei 20.000 Awunner, dat schéngt mer net schrecklech schlëmm ze sinn.

Do ass jo vun Ufank u eng Zesummenaarbecht net nëmme vun der Gemeng mä och mat de Servicer wéi den Office social, déi jo mat deene Leit ze di kréien, wann se eng Wunneng brauchen herno, wann se eng Aarbecht sichen. Déi Angscht ass onberechtegt.

Ech maache mer wéineg Gedanken iwwer esou Ängschten an ech hoffen, dass vill Gemenge matzéien. Wann se de Statut bis hunn, hunn se Recht op d’Méiglechkeeten. Déi all Diddelenger huet- Si solen déi selwecht Rechter hunn, wat net heescht, dass se der méi sollen hunn.

Dan Biancalana (LSAP – Buergermeeschter): Merci fir Är Interventiounen, ech wëll dann elo op déi verschidde Punkten agoen.

Déi Leit, déi bei eis op Diddeleng kommen, dat mécht 0,5% vun eiser Bevëlkerung aus, do brauch also keen Angscht ze hunn.

Dat sinn natierlech Leit, déi an der Prozedur sinn, déi an der Attente si fir de Statut ze kréien. Déi lescht Statistike weisen, dass déi meescht Leit, déi hei zu Lëtzebuerg de Statut ugefrot hunn, aus Syrien an dem Irak kommen. Um nationale Plang sinn eng Rei Moossnamen a Projet-de-loien an der Maach fir de Statut ze kréien, d’Délai d’attente soll op 6 Méint verkierzt ginn.

Aner Projet-de-loie beschäftegen sech mat dem ganze Volet vun der Integratioun.

Dat sinn zwee wichteg Projeten, déi och Diddeleng wäerte betreffen.

Wat awer richteg ugeklongen ass, ass déi Remarque vun der Madame Kayser. Natierlech, wann d’Leit de Statut kréien als Flüchtling, da kommen se op de Wunnengsmarché an op den Aarbechtsmarché wéi all déi aner Leit, déi hei zu Lëtzebuerg liewen, och. Wann déi

35 RAPPORT

Leit, déi an der Prozedur sinn, op Diddeleng kommen, musse se sech op der Diddelenger Gemeng umellen an do kann zum Beispill, ouni ee wëllen ze privilegiéieren, d’Approche sinn, dass een am Kader vun eise sozial Wunnengen a Collaboratioun mat eisem Office social e Suivi ze maachen. Dat sinn Iwwerleeungen, déi hei zu Diddeleng an och an anere Gemenge getätegt ginn.

Wat d’Zesummesetzung ubelaangt, dat wäert et Mix si vu Leit, déi alleng sinn a Familljen, do kënne mer eis elo nach net festsetzen. Déi Strukture sinn och modulabel, mä mir wäerten e gesonde Mix hunn. Et ass natierlech och virgesinn, dass déi Leit selwer kache kënne wann se wëlle fir dass en Échange stattfënnt tëschent deem, wéi hei gekacht gëtt a wéi si kachen. Am Kader vun der Fête des cultures kann esou een Échange och stattfannen.

Nieft deenen Ängschten, déi ee kann hunn an ech hoffen, dass wa Leit Ängschten hunn, se doriwwer schwätzen.

Mir wëllen am Dialog bleiwen an et muss ee matenee schwätze kënnen. Natierlech huet ee ganz wéineg Verständnes fir faschistesch Aussoe mä doriwwer eraus bleift den Dialog an den Austausch an eisem demokratesche Kader bestoen.

Déi Leit, déi op Lëtzebuerg an op Diddeleng kommen, kënne mer och als eng Plus-valu ugesinn, grad wéi déi Immigratiounswellen am Ufank vum 20. Joerhonnert mat den Italiener, duerno mat de Polen, Jugoslawen a Portugisen. Hei zu Diddeleng kenne mer dat ganz gutt an national a lokal sinn dees Immigratioun eng Plus-value an dat gëllt och fir déi Flüchtlingen, déi elo bei eis kommen.

Wat déi Fro ugeet iwwer d’Beschäftegung, ass et esou, das déi Leit , déi an der Prozedur sinn, net kënne schaffen. Wat awer machbar ass fir net an enger Situatioun ass, wou een déi ganzen Zäit näischt mécht,

dat sinn eng ganz Rei Aktivitéite mat Associatiounen, Veräiner a Privatleit fir deem doten entgéint ze wierken, well et gëtt näischt méi oninteressantes wéi de ganzen Dag näischt ze maachen. Mir wëllen déi Leit jo och valoriséieren.

De Standuert ass kee Ghetto a mir wëllen och eng Integratiounspolitik maachen, déi Kapp a Fouss huet an ech mengen, och deem gëtt hei Rechnung gedroen.

Ass de Gemengerot dann unanime mat dëser Conventioun averstanen? Dat ass de Fall. Villmools Merci dofir.

5. GENEHMEGUNG VUM FORSTPLANG FIR D’JOER 2016 Dan Biancalana (LSAP – Buergermeeschter): Bei dësem Punkt geet et ëm de Forstplang 2016 an ech ginn dozou dem Här Manderscheid d’Wuert.

René Manderscheid (LSAP -Schäffen): Wéi der wësst, kréie mer vum Fierschter all Joer dëse Gestiounsplang hei an de Gemengerot an dass et fir eis e rengen administrativen Acte ass. Ech hunn net schonn e puer Mol gesot an deene leschte Joren, dass dat Pabeier wéi et hei läit, relativ schwéier verdaulech ass an dass et am Fong geholl näischt ausseet ausser dass et déi konkret Aarbechte um Terrain, am Bësch, beinhalt.

Och dëst Joer si mer nees mam Fierschter duerch de Bësch gaang an hunn op der Plaz deen heite Forstplang diskutéiert hunn. Jidderee konnt seng Froe stellen an

36 RAPPORT

de Fierschter huet eis bei deem Rondgank och alles gewisen, wéi dat esou an der Praxis iwwer d’Bühn geet.

Dofir géif ech mech drop beschränken an nach just nach eventuell Froe beäntweren. Ech proposéieren, dass mer dee Plang esou unhuelen, wéi en hei virläit well ouni den Accord vum Gemengerot kann de Fierschter net konkret um Terrain schaffen.

Jean-Paul Gangler (CSV): Mir hunn de Fierschter begleet op dem Wee do a wéi al Joer gouf eis dee Plan hei erëm virgestallt. Eng kleng Anekdot: Et war interessant wéi mer déi éischt Versioun vum Plang geschéckt krute vun der Ëmweltkommissioun, do stoung am Budget op eemol e Posten “Sensibilisation et information du public” vun 179.750 Euro, dat war schonn en impressionante Chiffer an dat hu mer och direkt gesot bis Fierschter eis sot, do wier em just nëmmen eng Null era gerutscht, et géing sech ëm 15.000 Euro handelen an net ëm 150.000 Euro, dat huet déi Saach dann e bësse méi plausibel gemaach.

Nodeems dat da korrigéiert war, si mer och frou, dass de Fierschter eis Informatioune ginn huet iwwer de geplangte Projet vun esou enger Informatiounsaktivitéit um Site Ponderosa. Mer hunn awer och Erläuterunge kritt, déi huet eis heiansdo e bëssen nodenklech gestëmmt hunn, zu bedroten a kranke Bamzorten. Do ass et engem schonn heiansdo elle ginn em de Bestand vu verschidde Bamzorten, mä mir si frou, dass mer dat aus éischter Hand gewuer si ginn.

Als Schlussfolgerung kann ee soen, dass dat ëmmer eng flott Aktivitéit ass, mam Fierschter ëmmer en aneren Deel vun Diddeleng kucken ze goen, a fir ze gesinn, dass am Endeffekt eisen Diddelenger Besch mat sengen 306 Hektar an eisen Aen a ganz guddem Hänn ass.

Ech géif och dann dem Här Manderscheid an dem Fierschter villmools Merci soe fir déi flott Initiative an och dem Patrick Hoss villmools Merci fir säin Dévouement.

Jean-Paul Friedrich (CSV): Ech hunn eng ganz kleng Fro stellen, Wei ech déi lescht Kéier duerch de Park Le’h spazéiere gaangen sonn, hunn ech eng Firma vu Stengefort gesinn, déi do de Buedem vum Bësch mat de Fiedem propper gemaach huet.

Ass dat normal, dass Firmaen, déi net vun der Diddelenger Gemeng oder vum CIGL sinn, also extern Fir-

maen am Park Le’h kënne schaffen? Mussen déi dat maachen? Si mir net qualifizéiert genuch? Wourunner läit dat, dass dat muss eng Firma sinn, déi net vun Diddeleng ass?

Colette Kutten (Déi Gréng): Den Här Manderscheid ass zu Recht relativ séier iwwer iwer dat administrativt Dokument ewech gaange vell et net ganz aussagekräfteg ass. Insgesamt ginn eis Bëscher no FSC-Critèrë bewirtschaft, naturno an nohalteg, an et kéint ee jo eigentlech domat zefridde sinn.

Elo huet awer viru kuerzem FSC Lëtzebuerg an och de Mouvement écologique - Dir hutt bestëmmt och alleguerte déi Ënnerlage kritt - eng Broschüre eraus ginn, wou drop higewise gëtt, dass de Stand der Dinge awer trotzdem e ganz aneren ass. Et gëtt drop higewisen, dass et zu Lëtzebuerg nach just véier Seeëreie ginn, dass Holz aus Lëtzebuerg virun allem fir d’industriell Masseproduktioun genotzt gëtt, als Biomass fir Energiezwecker an dass déi gutt Bichestämm an Asien exportéiert ginn.

An duerch déi steigend Nofro no erneierbaren Energië gëtt den Drock op de Bësch als Energieliwwerant immens héich ouni Rücksicht op Verluste, well och egal bei enge Wierderbedingunge geschafft gëtt a mat schwéiere Maschinnen, wat eigentlech konträr zu enger nohalteger Bewirtschaftung ass.

Et kann een natierlech als eenzel Gemeng ganz sëcher wéineg dogéint maachen, mä allgemeng Opklärung ass en eisen Aen awer trotzdem sënnvoll.

Opklärung am Kader vun enger allgemenger Bëschbegehung an awer och vläit duerch Informatiounsversammlungen, well d’Intresse vun de Leit um Bësch ass grouss. Esoubal iergendwou Beem gefält ginn, gëtt ee vun all méigleche Leit ugeschwat an et kurséieren déi wëllste Gerüchter dorëmmer an dofir wollte mir virschloen, dass déi Bëschbegehung mam Fierschter eigentlech och fir de grand Public zougänglech soll sinn.

En plus fannen ech déi Situatioun an der Le’h och net gutt a fir sou Saache virzebeuge wier et sënnvoll, dass géing iergend e Panneau do stoen oder e Pabeier wou erkläert gëtt firwat déi Bëschaarbechten do stattfanne well mir ass geeschter dat Nämlecht passéiert wéi mengem Virriedner. Ech sinn och an der Le’h getrëppelt an do war och déi privat Firma an déi hunn do tëscht de

37 RAPPORT

Beem Hecken ewech gemaach a si hunn dat sur place verbrannt. Ech hunn dat komesch fonnt an ech hu se drop ugeschwat an do hunn se mer erkläert, dass den Här Netgen géing Bescheed wëssen an ech ginn emol dervun aus, dass dat alles seng Richtegkeet huet.

An da gëtt do och en neie Wee gemaach, et war e Bagger amgaang. Dat si jo awer Saachen, wou ee sech scho Froe stellt an ech ka mer virstellen, dass de Patrick Hoss an och de René Manderscheid zimlech vill do mat Froen duerchlächert gi well de Fierschter jo net ëmmer erreechbar ass.

Also, wann esou Aarbechte stattfanne, firwat net en Ziedel dohinner hänken, wou de Leit kloer gemaach gëtt fiwat déi Aarbechte gemaach ginn. Da geet ee ville Gerüchter aus dem Wee. Dann awer nach eng konkret Nofro zum Punkt “Sensibiliation et information du public”: Fir d’éischt emol war eis elo net esou kloer wat dat ass, déi Réalisation chalet pour activités pédagogiques vun ongeféier 23.500 Euro. Ass dat wierklech op de Site Ponderosa bezunn a wien iwwerhëlt dann an deem Fall deen aneren Undeel vun de Fraisen, well hei gëtt jo vun enger Participatioun geschwat. Wann et sech ëm de Site Ponderosa handelt, wollte mer gär wëssen, ass dat wierklech déi sënnvoll Plaz fir pädagogesch Aktivitéite mat Schoulklassen ze maachen? Ass dee Site am Agang vun der Haardt, bei der fréierer Affilux, total vum Dësch? Bei der Waldschoul kéint ee sech pädagogesch Aktivitéiten och besser virstellen, well dat méi zougänglech wier.

Niewent deem genannte Budgetsposten vun den Activités pédagogiques, ginn et nach e puer méi kleng Posten, wou et ëm d’Konstruktioun vun Infrastrukturen didaktescher Natur geet a mir wollte wëssen wou déi geplangt sinn. Do sinn dräi Siten opgefouert.

Ansonsten hoffen ech, dass déi Begehung mam Fierschter fortgesat gëtt well et eng gutt Saach ass, an dass se och op de Grand public ausgedehnt gëtt.

Bob Claude (LSAP): Och vun eiser Säit e ganz grousse Merci un de Fierschter Guy Netgen, dee mat senger jovialer Manéier wonnerbar Erklärunge gëtt. Ech ka mech erënneren an do kommen ech op dat pädagogescht, virun 10 Joer sinn eemol am Joer Schoulklassen invitéiert ginn an de Fierschter huet de Kanner Explikatioune ginn, dat Ganzt ass ofgerënnt gi mat enger Spaghettis-

friess an engem Chalet. Ech fannen dat sinn Initiativen, déi kann een emol froen, ob déi nach méiglech sinn - ech hoffen dat - an da kéint dat erëm organiséiert ginn.

René Manderscheid (LSAP – Schäffen): Ech probéieren, op all Är Froen ze äntwerten.

De CIGL kënnt net a Fro fir am Bësch ze schaffe well déi Équipen net méi esou équipéiert si wéi dat fréier de Fall war. Dat eenzegt wat de CIGL nach mécht, dat ass de Recycling, de Coup de main a si këmmere sech ëm d’Gringzuelen am Kader vun den Industriezonen.

Wann Dir do Leit am Bësch gesitt schaffen, sinn dat entweder dem Fierschter seng Leit oder de Fierschter huet iergend eng aner Firma geruff fir en ze ënnerstëtzen oder et ass eise Service technique, fir d’Weeër ass et den Tom Schroeder, deen dat ënnert sech huet, deen do mat enger Firma schafft, meeschtens ass et de Farenzena. Wann dee keng Zäit huet, hëlt en eng aner Firma, dofir kommen och heiansdo extern Firmaen an der Le’h zum Asaz.

Et ass awer och esou, dat wëll ech net verheemlechen, dass och de Schäfferot oder den Ëmweltschäffen net ëmmer weess, wien do säin Dingscht mécht oder Onwiesen dreift.

Heiansdo muss een dat Wuert Onwiese betoune well net méi spéit ewéi virun e puer Joer ware mer jo massiv mat enger Abholzaktioun konfrontéiert ginn, wou mer och als Schäfferot näischt woussten , sou wéi och déi aner Leit dobaussen näischt woussten an dofir fannen ech et och eng sënnvoll Saach, déi Iddi vun de Gréngen, dass mer eis Bëschbegehung mat der Ëmweltkommissioun an dem Gemengerot géifen ausdehnen op de Grand public a wann do Interesse ass, géife mer dat da bäibehalen. Op jiddwer Fall probéiere mer, de Grand public mat anzebezéie mëttels Annonce am Bliedchen, sou dass jidderee ka matschwätze wat am Bësch geschitt.

Mir haten dat virun dräi Joer gemaach wéi mer déi grouss Aktioun vum Fierschter hu missen iwwer eis ergoe loossen, dat hate mer ausgeschriwwe gehat, wou mer och dann d’Ëmweltkommissioun, de Gemengerot an och déi Bierger, déi sech gemellt hunn, mat op de Wee geholl hate fir hinnen alles ze erklären.

All déi aner Saachen, Affilux ass net vum Dësch mä deen Dossier kritt awer wierklech esou e Baart, et ass

38 RAPPORT

esou, dass et do un de Gelder feelt. De Projet bleift bestoe wéi mer et Wëlles hat mä do ass nach ëmmer d’Diskussioun iwwer d’Sanéierungsaarbechten um Terrain, deen Terrain ass verseucht, an do stellt sech d’Fro mam Bezuelen. D’Affilux gëtt et jo net méi an de Staat an d’Gemeng wollten dat dann deelen, mä de Ball läit net bei eis mä bei der Natur- an Ëmweltverwaltung, also beim Ministère, déi do net weider kommen. Et ass e Projet, dee fir si net op der Prioritéitelëscht steet.

Wat d’Ponderosa ugeet, do stinn hei am Budget vum Forstplang och e puer Suen dran. Et si 5.000 Euro am ganzen an och dee Projet ass net vum Dësch. Par contre, mer hate jo déi lescht Kéier eng Fro vum Här Schiffmann an a menger Äntwert hunn ech gesot, dass d’Positioun vun der Gemeng sech net geännert huet an dass de Guy Netgen beoptraagt ginn ass, fir Natur an Ëmwelt eis e konkrete Projet ze presentéieren. Mer hätte gär vun hinnen, vu datt si de Propriétaire sinn, e Projet wéi dee Site soll gestallt ginn, respektiv wéi déi nei Blockhütt soll ausgesinn. An et ass och esou, dass mer dann eng Entrevue hu mam Här Zuang, wou dee jo dann derbäi sinn, vu dass mer jo Wëlles hunn, do eng Schoulklass ze aménagéieren, an och eis Servicetechniquë mussen derbäi si fir dass Gas, Waasser a Sanitaire virgesi ginn. Dat gëtt e relativ deiere Projet, dofir sinn elo mol 5.000 Euro agesat ginn, fir dass mer kënnen ukommen domat.

Dee Montant vun 23.000 Euro ass geduecht fir Materialien - d’Schoulklasse maache jo mam Fierschter Visiten an de Bësch – fir Panneauen, Wegweiser a soss Material.

Dan Biancalana (LSAP – Buergermeeschter): Ech wëll kuerz anhake mat der Affilux. Do ginn et jo Projete wéi d’Natur- an Ëmweltverwaltung dee Site wëll notzen, si waren un de Schäfferot erugetruede fir eis déi Iddie virzestellen. Natierlech muss dee Site sanéiert ginn an et muss och en Invest vum Staat getätegt gi fir dass dee Projet esou wéi si sech dat virstelle kann ëmgesat ginn, mä entre-temps, bis dat doten esou realiséiert gëtt, notzt d’Natur- an Ëmweltverwaltung de Site engersäits fir de Stockage vun hirem Material an hiren Aarbechten, respektiv hunn ech awer och gesinn, datt de Site de Moment méi sécuriséiert ass wéi dat virdrun de Fall war well se jo natierlech gemierkt hunn, dass am Laf vun de Jore Vandalismus op deem Site bedriwwe ginn ass.

Da géif ech de Gemengerot froen iwwert dëse Forstplang ofzestëmmen.

Ass de Gemengerot mat dësem Forstplang esou wéi en hei virläit averstanen? Dat ass unanime.

39 RAPPORT

6. GENEHMEGUNG VUN DER

definitiv Schoulorganisatioun ka guttgeheescht ginn.

DEFINITIVER

Dank dem Léierpersonal kann dat wéi déi Jore virdru gutt iwwer d’Bühn lafen, ech ginn net an d’Detailer an, mer haten an der provisoresch Schoulorganisatioun iwwer d’Surveillance geschwat an iwwert déi ganz Opdeelung, do gëtt et näischt Neies ze soen, et ass in extenso beschwat ginn.

NISATION

FIR

SCHOULORGADEN

ENSEIG-

NEMENT FONDAMENTAL FIR D’JOER 2015/2016 Dan Biancalana (LSAP – Buergermeeschter): An dësem Dokument gëtt et net vill Neis. Déi definitiv Zuelen, déi virleien, ass dass mer 1928 Schoulkanner an der Diddelenger Grondschoul hunn. Dat sinn 52%, also 1001 Jongen, an 48%, also 927 Meedercher, déi op déi verschiddene Klassen opgedeelt sinn. Dat kann natierlech nach variéieren.

Wat d’gesamt Léierpersonal ugeet, do hu mer 209 Leit, 12 Chargéen, 8 Katecheten a 7 Erzéier.

Mer hunn Effektiver am Précoce wou de Moment nach e bësse Sputt ass fir Nozügler, déi sech nach kënnen aschreiwen.

Den Hartmann ass erëm op, sou dass d’Kanner och nees dohinner schwamme kënne goen, ausser déi vum Cycle 1 an Cycle 2.

Och en neie Moment: op den 18. November fënnt d’Wal statt vun den neien Elterevertrieder fir d’Schoulkommissioun.

Par rapport zu der provisorescher Schoulorganisatioun, wéi mer se elo haten, si keng gréisser Changementer.

Do waren 1910 Kanner, also keng gréisser Variatiounen.

Déi eenzeg kleng Variatioun ass am C2 am Quartier Italie wou d’Effektiver vun 18 op 15 gefall si fir déi zwou Klassen. Soss ass awer fir de Rescht alles harmonesch verdeelt an et steet näischt am Wee fir dass och dës

Michèle Kayser-Wengler (CSV): Ech gesinn dat zwar elo net esou well eng Organisation scolaire définitive ass eppes aneschtes wéi eng provisoire an do sinn nach vill Froen, déi mer deemools gestallt haten.

Et ass schuet, das den Här Ferrari net do ass fir déi ze beäntweren. Ech bedaueren och all Kéiers am Hierscht, dass mer eis Schoulkommissiounssëtzung eréischt no dësem Gemengerot hunn. Dat heescht, da musst der dat iwwer iech ergoe loossen, wat ech eben nach ze hannerfroen hu well mer bis elo nach net d’Äntwerten op eis Froe kritt hunn.

Als éischt wëll ech awer mol dem Joël Michaux Merci soen, dee Schoulpresident um Däich ass an deen dee responsabele Post kritt huet fir d’Demandeurs de Protection internationale ze encadréieren. Mer bedaueren, dass hie vun hei fortgeet well et war e President an Enseignant, dee mat derzou bäigedroen huet fir der Schoul Däich hir Nues ze ginn, wat mer ëmmer begréisst hunn, mä hien ass sécher de richtege Mann op der richteger Plaz an et ass flott fir eis, wann eis Leit hei ukommen, dass mer direkt en Uspriechpartner am Ministère hunn an d’CSV wënscht him bonne chance a vill Satisfactioun op senger neier Plaz.

Et ass am Juli och scho gesot ginn, mir ënnerstëtzen zu Diddeleng alleguerten de Prinzip vun de Quartiersschoulen an eist Schoulpersonal schafft ëmmer gutt zesummen. Mer hunn ëmmer ënnerstrach,

40 RAPPORT

dass d’Presidente vun de Schoule sech concertéieren an déi aarmséileg Stonne vum Kontingent esou verdeelen, dass jiddereen zefridden ass. Och dofir e grousse Merci un d’Diddelénger Schoulpersonal, d’Intervenanten, d’Inspekteren, d’Schouljofferen an d’Schoulmeeschteren, d’Chargéen, d’Reliounsjofferen an all déi aner, déi eise Kanner de Gros vun hirem deeglechen Alldag zur Säit stinn.

Et deet mer och Leed, dass mer dee ganze Bataklang hei op Pabeier kritt hunn, dat ass wierklech eppes wat nëmmen iwwer Internet muss gekuckt ginn, do géife mer ganz vill Pabeier spueren.

Ech betounen awer, dass eis Schoulkommissiounssëtzung méi spéit ass wéi dëse Gemengerot an da leeën ech dann elo mol lass mat menge Froen.

Also, zum Précoce: Mir haten d’Diskussioun gehat am Summer, dass mer 37 Demanden hu fir déi 32 Plaze Précoce/Maison-relais. Meng Fro ass. Wat ass mat deenen anere puer Kanner geschitt? Mer hunn elo gesot kritt, allgemeng et sinn nach Précoce-Plaze fräi.

Meng Fro ass: A wéi enge Gebaier ass dat? Ech froen dat dowéinst well eis Précoce-Formule Maison-relais/ Précoce, also wou d’Kanner ganzdags betreit ginn, dat huet jo en extreme Succès a mir hu méi Demandë wéi Plazen. Mir krute jo och elo de Bilan vun den Étuden vun Uni-.lu iwwer de Précoce an do krute mer genau dat doten och gesot, nämlech dass et wichteg ass, dass d’Kanner esou man wéi méiglech Intervenanten hunn, grad déi Kleng, an dass et immens vu Virdeel ass wann d’Kanner an enger Struktur sinn.

Ech mengen, do kënne mer all hei bannen houfreg sinn, dass mer dat ronn bruecht hunn hei zu Diddeleng, dass mir am Fong eng vun deenen eenzege Gemenge sinn, déi zwou esou Strukturen hunn an natierlech stellt d’Fro sech, ob mer dat net nach sollen ausdehnen.

Meng konkret Fro: wéivill Kanner sinn nach op der Waardelëscht fir de Précoce?

Wéi war et mat der Propose fir zu Butschebuerg de Raum vum Interesseveräin a vum Camping Carvanning Club ze libéréiere fir den Art à l’école? Hu mer nach den Art à l’école? Ass deen nach um Site Butschebuerg oder ass deen a de Brill komm? Wéivill Kanner maachen dat? Hu mer do en Enseignant fonnt, deen dat huet?

Wéi ass et mam Strutzbierg? Do huet et geheescht, d’CIS besetzt e Sall am Spillschoulsgebai, eng Klass

misst eriwwer goen. Wéi ass dat zur Zefriddenheet vun de Schoulmeeschtere geregelt ginn?

Da kommen ech bei de Brill wou och en neie Moment well den CAD-Power ass ënnen eraus geplënnert. Kritt d’Schoul do nach Säll? Ass do e Bedarf do, zum Beispill fir e Computersall opzeriichten?

Da kommen ech op de Planning vun der Schoul Lenkeschléi. D’Gemeng huet scho vill Baugenehmegunge fir de Site Lenkeschléi erdeelt, mä wéi ass et dann do mat der Schoul, mat der Maison-relais?

Et sollt jo en integréierte System opgoen, dat heescht eng Aart Ganzdagsschoul a virun allem froen ech mech, wéi ass e do mat de Pläng, mat den Devisen, mat de Projeten iwwerhaapt? Mir hunn nach kee Konzept virgestallt kritt a mir kruten och nach keng Raimlechkeete virgestallt. Wann ee weess wéi d’Prozeduren an d’Dauer vun de Prozedure sinn, da weess een, dass mer eis musse beganne well déi éischt leit kommen 2017 dohinner wunnen an da musse mer eng Schoul do stoen hunn.

Wou ass den Aarbechtsgrupp dru vum Schoulpersonal, dee soll dat Konzept ausschaffen? Ech hunn héieren, et sollt a Richtung Ganzdagsschoul goen. Déi Diskussioun hate mer jo schonns, um Strutzbierg wollte mer och esou eng Formule opriichten a mir hunn d’Leit gefrot wei se dozou stinn. Do waren net vill Leit, déi hir Kanner wollten an eng Ganzdagsschoul ginn. Do ass dann och elo d’Fro: Wann op Lenkeschléi esou eppes kënnt, mussen déi Kanner aus deem Quartier dann an déi dote Schoul goen oder wéi eng Alternativ hu mer do?

Zu der Équipe multidisciplinaire stinn och nach Froen op. Et ass wichteg ze wëssen: Wéivill Kanner kréien eng speziell Hëllef? SIPO, SCAP, Rééducation précoce, do ginn ëmmer vill Kanner ugemellt an an deenen éischte Woche kommen och ëmmer nach aner Kanner derbäi vir encadréiert ze ginn. Wéivill Kanner sinn dat? Hu mer genuch Personal?

Da kommen ech op e Punkt, wat ëmmer en Uleies vun der CSV war, dass mer och méi speziell Intervenante sollen engagéieren, sief et en Orthophoniste, sief e Psycholog, sief et e Psychomotricien. Dat wier e Posten, dee mir géifen 3000% ënnerstëtzen a wann ech kucke wéivill Kanner elo schonns Ufank November en Avis kritt hu vun der Orthophonistin, déi den Tour duerch d’Klasse mécht, fir dass se speziell behandelt misste gehollef

41 RAPPORT

kréien oder wéivill Kanner komme geschéckt vun de Joffere fir Séancse de psychomotricité ze kréien, dann ass en absolute Besoin do an ech hu ganz vill Familljen, déi bei mech eng Ordonnance siche komme fir Séance de psychomotricité oder d’orthophonie ze kréien ad déi wëssen net wou se sollen hi goen. Mir hunn hei zu Diddeleng net vill liberal Orthophonisten, mir hu genee eng, an eng Psychomotricienen, déi eng exzellent Aarbecht maachen, mä vill Leit kënne sech net wäit déplacéieren an déi och d’Zäit net hu fir matt hire Kanner déi Prise en charge ze maache wéi se sollt sinn. Firwat net op de Wee goen, en Orthophoniste, e Psychomotricien anzestellen.

Nach eng Kéier e waarmen Appel: Mir kreéieren esou vill Posten, wou mir net ëmmer de Sënn agesinn awer dat heite wier wierklech e sënnvolle Posten. E plus hu mer e kommunale schoulmedizinesche Service, do kéint een déi Leit roueg era fléisse loossen, dat heescht, da géife mer net géint aner Oploe vum Ministère goen, dat misst absolut machbar sinn.

Da sinn ech beim schoulmedizinesche Service, do wollt ech och onbedéngt op eng Onregelméissegkeet hiweisen. Et ass schuet, dass mer déi Sëtzung net virdrun hate mä da muss ech dat eben hei erwänen. Mir haten virun e puer Joer e Poste fir en zousätzlechen Infirmier hei an eiser Schoulmedizin gestëmmt, et gouf och eng Persoun op dee Posten als Infirmière gewielt, dës Persoun huet awer elo am Summer de Poste verlooss, schafft op hire Wonsch an engem total anere Service si gouf net ersat an der Schoulmedizin.

Déi Leit ginn op de Felgen, déi brauchen dës Persoun an et huet geheescht, de Moment kënne mer dat net maachen. Dat ass eng Irregularitéit well wann ee seng Aarbecht net méi op deem Posten, op deem een agestallt ass, ka maachen, da muss e Reclassement interne gemaach ginn, mä et kann een net de Posten einfach mathuelen, Dat wësst Dir esou gutt wéi ech, das gesäit een an de Gesetzer vun de kommunalen Déngschter.

Gesond Diddeleng, eng gesond Initiative, ass dorëms um Wackele well dat ëmmer vum Personal vum schoulmedizinesche Service encadréiert gouf an di hunn einfach net méi Personal fir ënner anerem dat ze maachen.

Mä virun allem och fir hir Aarbechten an de Schoulen uerdentlech ze maachen. Als CSV fuerdere mer, dass dës Irregularitéit direkt muss korrigéiert ginn an dass dee Posten, dee mer jo deemools unanime geschaaft

hunn, direkt nei besat gëtt fir eise schoulmedizinesche Service, dee wéi ëmmer exemplaresch schafft, nees au complet ze besetzen.

Iwweregens sief och d’Fro erlaabt ob dee Posten an deem neie Service, sou déi Persoun elo schafft, ob dee Poste fräi war, ob deen net besat war oder wéi ass dat iwwerhaapt méiglech, dass e komplette Service ännert? Dat ass eppes wat mer net kënnen novollzéien a wou och d’Leit aus dem Service beim Buergermeeschter a beim Personalchef drop higewisen hunn a wou mer ganz traureg sinn, dass dat net transparent duerchgefouert gëtt.

Dann zeréck zur Schoul: Dir hutt virdru gesot gehat, mir hunn och 8 Katechete bei eis schaffen, da sief d’Fro natierlech erlaabt: wéivill Prozent vun de Kanner sinn am Reliounsunterrecht a wéivill sinn der am Moralsunterrecht ageschriwwen?

Dann ass ugeklongen, d’Wale vun den Elterevertrieder fir an d’Schoulkommisioun, mä virdru war jo schonn d’Wal vun den Elterevertrieder an de Schoulen. Meng Fro ass: Wéi war d’Bedeelegung un de Walen. Ech weess, dass zum Beispill am Brill, eng vun deene gréisste Schoulen hei an der Gemeng, just 14 Eltere present waren an dovun e gudden Deel Elteren, déi selwer Enseignante sinn a méi Interessi war net do.

Dofir ass et interessant, och do d’Chifferen ze kréie wéi d’Participatioun war well den Intérêt vun den Elteren ass leider net ëmmer esou wéi de Ministère dat gären hätt, nämlech dass d’Eltere méi agebonne solle ginn. Si kéinte jo mä si maachen et awer net, wat mer absolut bedaueren.

Da komme mer zu dem Plan d’encadrement périscolaire, de PEP, dee krute mer jo och hei virgestallt an do sinn och nach e puer Froen, déi net beäntwert gi sinn. Mir begréissen op jiddwer Fall déi Hausaufgabebegleedung, wou eng Zesummeleeung gemaach ginn ass vun der Hausaufgabenhëllef vun der Schoul an der Maison-relais, mer begréissen d’Zesummenaarbecht mat der LASEP an esou weider. Da war awer dee grousse Projet ugekënnegt ginn, Musek fir all Kand. De Schoulbus sollt d’Kanner siche goen an déi verschidde Maisonrelaisen an se an d’Museksschoul féieren.

Et sollte speziell Coursen och deelweis an de Maisonrelaisen ofgehale ginn, ech hunn awer elo am Rapport vun der Museksschoul gelies, dass dat nach net leeft,

42 RAPPORT

dass de Volet d’initiation an de Strukturen an den zweete Volet, wou d’Kanner solle mat de Schoulbussen an d’Museksschoul geféiert ginn, eréischt ab d’nächst Joer soll sinn. Firwat ass dat esou? Oder ass et esou wéi mir dat schonns am Juni ugezweifelt hunn, ob das machbar wier well jo awer all Kand aner Coursen huet an dat net einfach ze organiséieren ass fir déi Busnavetten ze organiséieren?

Dat sinn e puer Zousazfroen zur Organisatioun mä well et eng definitiv Organisatioun ass muss een all d’Fakten um Dësch hunn. Dat heiten ass en Ustouss, dass mer déi nächste Kéier d’Schoulkommissiounssëtzung virdru maachen, da si schonns vill Froe beäntwert. Éier een eppes definitiv stemmt muss een awer wëssen wat een definitiv stëmmt.

Colette Kutten (Déi Gréng): Ech faasse mech e bësse méi kuerz mä anersäits fannen ech et berechtegt, dass déi Froen opgeworf gi sinn. Ech fannen, et misst een eng Kéier décidéieren ob déi an der Schoulkommissioun diskutéiert ginn oder hei, mä esouwuel d’Schoulkommissiounssëtzunge wéi och d’Gemengerotssëtzunge si vum Timing hir esou iwwerfracht, dass ee wierklech déi Punkten net alleguerte ka richteg ausdiskutéieren an évacuéieren. Do sollt een awer kucke fir eng Léisung ze fannen, well ech fannen dat wierklech net immens wann duerch deen Timing hei en Drock entsteet, dee fir all Diskussioun kontraproduktiv ass.

Zur Schoulorganisatioun wollt ech soen, dass mir eng ganz genau Bestandsopnahm virleien hunn an dass mer iwwer all d’Ramebedingungen informéiert sinn.

D’Schoulorganisatioun selwer betruechten ech als ofgeschloss. Et ass mer just opgefall wéi ech déi Ënnerlagen hei duerchgekuckt hunn, dass an deenen eenzele Klasse ganz vill Intervenante sinn, oft fënnef pro Klass an dat och scho bei deene Klengen am Cycle 2. Dat ass schonn erstaunlech well am Postprimaire aus pädagogesche Grënn versicht gëtt, d’Zuel vun den Intervenanten ze reduzéieren a grad bei klenge Kanner ass et net besonnesch sënnvoll an och schwiereg, sech op esouvill Persounen an Uspréch anzestellen. Op där anerer Säit ass et och fir deen eenzelnen Intervenant, deen da vläit esouguer 15 oder méi Klassen huet, immens schwiereg, fir schonn iwwerhaapt d’Kanner mam Numm kennen ze léieren, vum Rescht guer net ze schwätzen.

Et ass esou, dass dat pro ’Schoul ënnerschiddlech gehandhaabt gëtt hei zu Diddeleng, wat eis net aliicht. Et musse jo awer Critèrë gi fir esou eng Opdeelung oder ass dat reng willkürlech? Dat ass e Punkt, deen och mol eng Kéier an der Schoulkommissioun soll diskutéiert ginn, wann dann emol Zäit derfir bleiwt.

Wat de Plan d’encadrement périscolaire ubelaangt, hu mir mat Freed festgestallt, dass Zesummenaarbecht tëschent der Museksschoul an de Maison-relaisen, enger laangjäreger Fuerderung vun Déi Gréng, Rechnung gedroe gëtt. Am Bericht vun der Museksschoul ass ze liesen, dass de Projet “Musek fir all Kand”, iwweregens e ganz flotten Numm, virgesäit , dass Museksschoul an d’Maison-relaise geet fir eng Initiatioun an den Här Theato huet mir och bestätegt, dass dat scho funktionéiert.

En plus steet och d’Konzept fir d’nächst Schouljoer, wou eng Navette d’Kanner an d’Museksschoul soll bréngen an dat ass an eisen Ae ganz positiv. Also, wann e Wëllen oder en Drock duerch de PEP do ass, da schéngt et méiglech, Léisungen ze fannen.

Nach eng Fro: Et steet an deem Kapitel zum PEP och nach: “ La commune adressera une lettre aux associations et aux clubs afin qu’ils fassent des offres périscolaires”. Dozou wollt ech froen, ob do och schonn eng Initiative geholl ginn ass a wat gegebenefalls d’Resultater sinn?

Bob Claude (LSAP): Haut ass et eben un der definitiver Versioun, déi provisoresch déi hu mer jo schonn am Juni ofgeseent. Déi provisoresch, dat ass also d’Gerüst vun deem, wou herno d’Posten u sech net méi bäikommen.

An de leschte Joren ass sech hei ugewinnt ginn, bis op wéineg Ausnamen dat selwecht ze soe wéi viru 5 Méint.

Et wier méi ubruecht fir iwwer nei Momenter a grouss Changementer ze schwätzen. Den Här Buergermeeschter huet eis jo am Ufank scho ganz präzis déi Zuele ginn déi eben do sinn, déi och fest sinn, an en huet net Nimm genannt, mä mer hunn am Dokument stoen, wien op all Poste gesat ginn ass. An do hu mer souwisou absolut hei keen Afloss, dat ass esou geschitt nom Règlement d’occupation de postes, dee mer jo och am Mee hei ofgeseent hunn.

Dofir fannen ech, éischtens emol brauch ech net méi vill Wierder ze verléieren, en neie Moment gesinn ech eigentlech just, datt, an dat ass no der Allerhellegevakanz geschitt, dat heescht schonns nom Stéchda-

43 RAPPORT

tum vum 15. Oktober, do ass den Départ vum Schoulpresident vum Däich, dem Joël Michaux, deen en neie Posten am Kader vun den Demandeurs de protection internationale unhëlt. Dat ass u sech deen eenzegen neie Moment an deem ass och direkt Rechnung gedroe ginn an an nächster Zäit gëtt do och elo den neie President fir den Däich bestätegt.

Et kommen awer nach ëmmer, an dofir soen ech, déi definitiv Schoulorganisatioun ass ni definitiv, well permanent ginn et Changementer bei de Schüler, déi meescht duerch d’Plënneren, entweder aus Diddeleng eraus oder, an dat ass méi oft de Fall, an Diddeleng eran.

An och beim Léierpersonal sinn et nach all Joer Ännerunge ginn, wou e Posten huet missen ëmbesat ginn an dat meescht ass duerch Schwangerschaften oder leider och duerch Krankheete bedéngt.

A souwisou, all Changement bei der Postebesetzung geet duerch de Gemengerot, do gi mer dat gewuer an och do kënne mer dat nëmme feststellen a soen, et ass gutt esou geschitt. Well dat Ganzt geschitt jo och op Avis vum Inspekter zesummen.

Ech wëll just eent soen, dass d’Informatiounen och un d’Eltere gaange sinn an dat zum Beispill an der Publikatioun “De Schoulbuet”, deen un all Haushalt ausgedeelt gi war am Ufank vum Schouljoer, ech weess net ob jiddereen domat eppes kann ufänken, mä do gesäit een awer och d’Nimm vum Léierpersonal an deene verschiddene Schoulen an et si bestëmmt och Leit, déi deen een oder aneren do erëm erkennen.

Ech wëll iech einfach hei Informatioune ginn, déi der vläit nach net esou héieren hutt. Ech hunn dat nogefrot, dat éischt betrëfft d’Hausaufgabenhëllef. Si gëtt organiséiert vun der Gemeng, funktionéiert och dëst Schouljoer an alle Schoulklassen an alle Schoulen ausser der Schoul Ribeschpont. Dat ass nei well dëst Joer déi u sech kee Besoin hunn an dofir ass och do keng Hausaufgabenhëllef.

An de Schoulen, wou Hausaufgabenhëllef ugebuede gëtt, geschitt dat zesumme mat de Kanner aus de Maison-relaisen. Dat huet de Virdeel, dass déi Hëllef iwwerall op déi selwecht Aart a Weis ugebuede gëtt.

Dat ass Iech schonns am Juni gesot ginn, mä dat wëll ech dann nach eng Kéier betounen.

Allgemeng ass awer ze bemängelen, dass sech ze wéineg Leit gemellt hu fir dës Hëllef ze garantéieren.

Ech hunn och Infoen iwwert d’LASEP-Coursen zougeschéckt kritt, an dat vun der Responsabeler, der Madame Claudine Goergen. 126 Kanner ginn a 6 LASEPCoursen, déi an den Turnsäll Gaffelt a Strutzbierg vu 43 Léierinnen, 1 Schoulmeeschter an 1 Chargé de cours ofgehale ginn. Dat si manner Kanner wéi d’lescht Joer well 2 Coursen am Brill an 1 Cours op Butschebuerg mangels Aschreiwungen net konnten ofgehale ginn.

Wat erfreeleg ass, ass datt d’LASEP elo mat der Équipe multidisciplinaire zesumme schafft a Kanner mat Besoin-spécifiquen integréiert. Et kënnt dann och deelweis eng Éducatrice vun där Equipe mat an d’Coursen.

Dat sinn déi 2 Informatiounen, déi net onwichteg sinn.

Wat d’Froen iwwer den Encadrement périscolaire betrëfft, déi nach opstinn, wäerten dozou nach Äntwerte kommen an dofir gëtt déi definitiv Schoulorganisatioun selbstverständlech och vun der LSAP-Fraktioun ugeholl.

Dan Biancalana (LSAP – Buergermeeschter): Ech ginn elo op deen een oder anere Punkt an. Et ass net evident, dass mer éier mer déi definitiv Schoulorganisatioun am Gemengerot stëmmen eng Schoulkommissiounssëtzung maachen. Dir hutt selwer gesinn, wat fir en administrativen Opwand et ass fir eise Schoulservice am Kader vum System Scolaria fir dat heiten ze finaliséieren an zougänglech ze maachen. Wann dat zäitlech méiglech wier géife mer dat jo gär maachen.

Natierlech gëtt dat heiten an den nächste Joren net méi gedréckt, da kritt der dat paperless op Ären IPad an da spuere mer eis do déi Kopien.

Wat ganz gutt zitt an d’Studie vun der Uni.lu hunn et jo kierzlech bewisen, dass déi Approche Précoce Maisonrelais de richtege Wee ass an dass Lenkeschléi e gutt Beispill ass. Déi Struktur ass voll an dat weist ganz kloer, dass mer déi richteg Richtung ageschloen hunn.

Wou natierlech nach Sputt no uewe bleift, dat ass am Ribeschpont, do kann nach besat ginn.

Art à l’école, dat kann de Loris Spina nach drop agoen. De Fazit ass awer, dass Art à l’école net méi zu Butschebuerg mä éischter am Brill stattfannen. Elo wou den CAD-Power eraus ass kënne mer di zesumme mat eisem Service technique a mam President vum Co-

44 RAPPORT

mité d’école mä awer och mat der ITM a mat der Sécurité dans la fonction publique gekuckt hunn, wéi mer déi Säll och fir d’Schoul kënnen notzen.

Do ginn eng ganz Rei Sécherheetsmoossnamen, déi ee muss huelen, jee nodeem ob et eng permanent oder eng punktuell Notzung soll sinn. Mir sinn amgaang dat ofzeklameren an haten eng Visite mat den zoustännege staatlech Stellen, déi hire Rapport wäerte maache fir ze soen, a wéi eng Richtung et ka goen. Art à l’école kéint do stattfannen, dass e Bastelsall do kéint do sinn oder d’Bibliothéik vum Brill, dass een awer och e Sall huet, dee méi polyvalent notzbar fir d’Schoul ass.

All déi Iddie si vum Comité d’école geäussert ginn an déi mer opgeholl hunn an déi eis ganz interessant geschéngt hunn. Mir géifen se gären ëmsetzen, nach muss awer gekuckt ginn, op d’Sécherheetsbestëmmungen erfëllt sinn. Deen doten Dossier bedreiwe mer op alle Fall weider.

Wat d’Planung vun der Schoul Lenkeschléi ugeet. Do si mer amgaang, um Konzept ze schaffen. Den Aarbechtsgrupp ass amgaang an och do sinn 2 Vertrieder vum Schäfferot dran, wou esouwuel Enseignante wéi och edukatiivt Personal zesumme kommen. Et war net evident am Ufank. Wéi kënne mir eng zukënfteg Schoul zesumme plangen a gestalten? Wat sinn eis gemeinsam Valeuren? Wat wëlle mer an där Schoul hunn a wat net?

Dat war am Fong de sprangende Punkt fir duerno ze kucken, wat sinn d’Besoinen, wat sinn d’Funktionalitéien, déi mer brauchen oder net brauchen. Den Aarbechtsgrupp wäert Enn des Joers fäerdeg si mat sengen Iwwerleeungen a sech e pädagogescht Konzept ginn hunn.

Da muss dat virgestallt ginn an esou an d’Praxis ëmgesat ginn.

Natierlech ass dat och eng Schoul, déi geduecht ass wéi eng Quartiersschoul fir d’Kanner aus dem Quartier well mer déi Proximitéit wëlle behalen, dat läit op der Hand.

Zum Punkt par rapport zum Service médico, dat ass richteg, dass mer eng Mataarbechterin hunn, déi gesondheetlech net gutt drop ass, déi ass ausgefall, dunn hu mer se, och zu hirem Schutz, an en anere Service gesat an ech mengen, dass de Service médico och weess, dass mer hinnen am Joer 2016 wäerten an deem Sënn ënnert d’Ärem gräife fir deene Saache gerecht ze ginn.

Mir hunn déi Punkte mat hinnen thematiséiert fir dass déi verschidden Aarbechten, déi se laut dem Gesetz an

am Kader vu Gesond Diddeleng hunn. Dass deene Rechnung gedroe ka ginn.

Par rapport zu de Reliounscoursen, dat si 65% vun de Kanner vum Fondamental, déi am Reliounsunterrecht sinn a 35% sinn an de Moralscoursen.

Wat elo dee ganze Volet Museksschoul a Maison-relais ugeet, do kann d’Claudia Dall’Agnol als Ressortchefin vun der Museksschoul drop agoen.

Generell ass eng Tendenz an deene leschte Joeren, onofhängeg vun den Zuelen, wat d’Elteren ugeet. Do mierkt ee generell, dass de Rôle vun den Eltere soll gestäerkt ginn, dass ëmmer manner Elteren engersäits sech melle fir an de Comité d’école an och ëmmer manner Eltere sech melle fir an d’Schoulkommissioun. Et kommen och Iddie vun Elteren, de Kader ass gesat mä et ass och sécherlech eng Saach vun der Disponibilitéit ze di fir sech mat anzebréngen. D’Eltere hunn awer an deem Sënn e ganz wichtege Rôle ze spillen.

Wat de PEP ugeet, do ass och de Loris Spina mat dran an hie wäert nach dorop agoen.

Loris Spina (LSAP – Schäffen): Dir hutt gesinn, dass um Niveau vum PEP sou munches geschitt ass, mëttlerweil ass et ganz flott Zesummenaarbecht an et geet och an deem Sënn virun. Wat ee vläit kann op déi Froen äntwerten. Do steet dass 2015-2016 virgesinn ass, dass dee Bréif un d’Associatioune soll erausgoen. D’Iddi dohannert ass: Natierlech gëtt et schonns eng Rei vu Veräiner an Associatiounen, déi ganz enk mat der Maison Relais zesumme schaffen, esou dass och mol en Encadrant aus de Veräiner an den Associatiounen an d’Maison Relais kënnt oder dass d’Kanner aus der Maison Relais un enger Aktivitéit vun engem Veräi kënnen deelhuelen. Fir do eng Linn eranzebréngen, ass déi Iddi fir elo sämtlech Veräiner a sämtlech Associatiounen unzeschreiwen an ze kucken, wéi si nach méi enk mat deene jeeweilege Maison Relaisen zesumme schaffen, vläit net mat sämtlech Maison Relaise mä jee nodeem wou de Veräin ugesidelt ass, do läit d’Proximitéit op der Hand. Ähnlech ass et mat dem Art à l’école, do ass den Transfert op Butschebuerg erof an de Brill virgesinn. Leider hu mer do am Moment keen Enseignant méi, deen do Zäit fënnt fir dat Ganzt matzemaachen esou dass mer de Moment exklusiv mat der Artistin, déi elo mat am

45 RAPPORT

Boot ass, zesumme schaffen. Nach hu mer do e flotten neie Moment erabruecht, wou d’Kanner sech kënnen à tour de rôle aschreiwen. Leider feelt et eis e bëssen un Enseignanten, déi motivéiert sinn an Zäit hunn oder huele fir do matzemaachen.

kann am Virfeld asprangen, mat enger net-judiciairer Prozedur, well eben net all Situatioun, wou e bëssen eng Négligence ass oder Saachen net esou lafe wéi se sollten, d’office eng Geriichtsprozedur erbäi féiere muss.

Claudia Dall’Agnol (LSAP – Schäffin): Par rapport zum Projet Musek fir all Kand, do ass gefrot gi firwat dat nach net dëst Joer geschitt. Dat war eng Décisioun vun de Responsabele vun der Museksschoul fir dëst Joer an d’Maison-relaisen ze goe well d’Nofro net esou grouss war vun de Kanner fir an d’Museksschoul ze kommen a si hunn doropshin décidéiert fir nach eng Kéier zesumme mam Romain Zuang en Zäitplang opzestellen, wéi ee méi Kanner derzou motivéiere ka fir dass se d’nächst Joer vun der Maison-relais an d’Museksschoul kommen. Si maachen e Courrier un déi Leit a lueden se och geziilt op eis Porte ouverte a well et jo och kee Wäert huet. Mat engem hallef eidele Bus duerch Diddeleng ze kutschéiere fir e puer Kanner dohin ze féieren. Mir hoffen, dass mer méi Kanner an d’Museksschoul kréien an dass se dann och do bleiwen.

Michèle Kayser-Wengler(CSV): Dozou wëll ech soen, mir hunn hei en exzellente schoulmedizinesche Service a mir hunn och do Assistante-socialen, déi déi Aarbecht ganz gutt maachen. Meng berufflech Erfahrung mat CPI ass ëmmer dass dat vill méi distant vun de Familljen ass. Net dass mer do en double Emploi maache well eis Leit um Terrain kennen d’Familljen, d’Elteren an d’Grousselteren an den Historique vun de Situatiounen an déi hu bis elo ëmmer eng exzellent Aarbecht gemaach. Dofir gesinn ech fir d’Diddelenger Bevëlkerung net wierklech eng Plus-value. Ech loosse mech awer gär eines Besseren belehren, wa mer mol gesinn, wéi dat leeft a wat do leeft an da muss een dat in extenso diskutéieren.

Dan Biancalana (LSAP – Buergermeeschter): Ech hat eppes vergiess nach ze soen. Et muss ee kucken, wéi dat am Laf vun dësem Schouljoer kann evoluéieren, et ass en neie Moment wou awer esouwuel den Inspekter wéi och de Sekretär vun der CIS eng gutt Iddi fonnt hunn a wou un de Gemengerot eru gedroe gëtt.

Et geet ëm eng Permanence vun engem CPI, deen hei zu Diddeleng kéint stattfannen am Kader vum Office national de l’enfance (ONE), Kanner déi a bestëmmte Situatioune sinn, wou och e Suivi gemaach gëtt vun engem CPI. Dass an dem Kader verschidde Permanencë kéinten zu Diddeleng stattfannen. Vum Prinzip hir en Avis favorable, nach ass ze kucken, wéi een et soll ëmsetzen, well et hei du Diddeleng Kanner ginn, déi vun engem CPI suivéiert ginn. Dat ass nach méi am Detail ze kucken, a wéi enger Form dat ka stattfannen.

D’Ofkierzung ass Service de coordination d’aide à l’enfance.

Et sinn am Fong zwee Prinzipien. Bis elo, wa Kanner a Gefor waren, ass et zu enger Procédure judiciaire komm an elo soll dat anescht gemaach ginn. Et ass am Fong eng Viretapp, den Office de l’enfance

Dan Biancalana (LSAP – Buergermeeschter): Dat ass richteg, mä hei geet et jo ëm Kanner, déi scho vun engem CPI suivéiert ginn. Dat heescht, do huet een all Intérêt, zesummen ze schaffen, mä doriwwer musse mer nach am Detail schwätzen. Da géif ech proposéieren, dass mer zum Vote kommen.

Ass de Gemengerot mat der definitiver Schoulorganisatioun averstanen? Dat ass unanime.

46 RAPPORT

7. GENEHMEGUNG VUN DER DEFINITIVER NISATION

FIR

UNTERRECHT

SCHOULORGADE FIR

MUSEKSD’JOER

2015/2016 Claudia Dall’Agnol (LSAP – Schäffin): D’Museksschoul setzt weiderhin op Kontinuitéit an och op Konstanz, Qualitéit a Vernetzung an op Innovatioun, wéi de Projet “Musek fir all Kand” et weist.

Ech probéieren, ganz kuerz op déi puer Stéchwierder anzegoen.

Mir probéieren, dass d’Unzuel vun eise Coursen an eise Schüler stabil bleiwen, mir probéieren och ëmmer esou wéineg wéi méiglech Changementer am Corps Enseignant ze hunn. Wa Leit an d’Pensioun ginn, do kënne mer leider net vill drun änneren.

Mer probéieren och déi héich Qualitéit weider ze förderen doduerch, dass mer verstäerkt an Ensemblen zesumme schaffen, zum Beispill do wou et keng vergläichbar Strukturen am Veräinswiesen hei zu Diddeleng gëtt.

cale Schüler an der Division moyenne spécialisée huet, dat kann net jidderee vu sech behaapten.

Mer probéieren och, vernetzt ze schaffen. Déi meescht vun ech wëssen dass mer Projeten hu wéi am Mee 2016, do wäerte mer beim EMU-Festival a Spuenien derbäi sinn, der European School Music Union, do wäerte mer derbäi sinn.

Mer probéieren och, Aktivitéiten zesumme mat der AEM, der Association des écoles de musique, ze organiséieren, wou dann déi sämtlech Museksschoulen aus dem Lëtzebuerger Land regrupéiert sinn, mä zum Beispill awer och mam Verband der deutschen Musikschulen, do maache mer da regelméisseg e Pianosconcours oder och eng Journée de chant Chorale. Mer probéieren eben, net alleng an eisem Eck do ze wurschtele mä esouvill wéi méiglech mat anere Partner ze maachen.

Mer hunn och e Projet d’établissement op d’Bee gestallt fir tëschent 2015 an 2020. Dee wäert an 10 Deeg an der Museksschoulkommissioun de Membere vun der Museksschoulkommissioun virgestallt ginn.

Mer probéieren eng iwwerkuckbar a gutt Offer unzebidden an eiser Musekschoul, mer wëllen net e Waasserkapp kreéiere mä mer probéieren, datt déi Schoul sou vill wéi méiglech op Kanner a Jugendlecher ausgeriicht ass fir hinnen d’Musek méi no ze bréngen an se och bei der Staang ze halen.

E puer Remarquen zu de Chifferen, déi der an Ärem Dossier hat. D’Schülerzuel ass effektiv e bësse méi niddereg wéi op der provisorescher Organisatioun. Firwat?

Well déi provisoresch Organisatioun ass wéi wann een an eng Glaskugel kuckt an déi Chiffere kënne vu Stonn zu Stonn änneren. Mir mussen déi provisoresch Organisatioun maachen, ob där stoungen all d’Schüler drop, déi zu deem Zäitpunkt Interessi gewisen haten an e puer Schüler hunn sech dat eben iwwerluecht a sech net definitiv ageschriwwen.

Der wësst, dass eng Harmonisatioun vun de Programmen am ganze Land ugesot ass. Mir sinn déi eenzeg Musekschoul am Land, déi am Beräich Formation musi-

Mer hunn eng liicht Perte vu Schüler, déi awer exklusiv bei den Adulten ass, wou mer dës Rentrée en neit Reglement hunn, dat eis vum Commissariat virläit an

47 RAPPORT

déi Situatioun och erëm spigelt, dat huet also net onbedengt eppes mat eiser Museksschoul ze sinn. Wa mer bis mat der AEM zesumme sinn, wäerten déi aner Schoulen eis dat nämlecht soen.

D’Unzuel vun de Coursen ass méi héich well zum Zäitpunkt vun der provisorescher Organisatioun bei den Ensemblen och nëmmen eng Estimatioun konnt gemaach ginn.

Wéi gesot, ech sinn eng Kéier drop agaangen, dass dat ëmmer e bësse Glaskugel ass an ännere kann. Mir kënne bei enger provisorescher Organisatioun net alles virgesinn.

Et si 4 nei Enseignanten do, dat sinn 3 Remplaçanten, dat si d’Punkten 8, 17 an 18, déi mer nach am Ordre de jour gesinn. D’Madame Linda van der Valle hate mer schonns am Juni gestëmmt. Aus Zäitgrënn ginn ech elo net op all Detail an. Wann nach Froe sinn, déi ech ka beäntweren, sinn ech gären dozou bereet. Soss froen ech dat no a liwweren et no.

Michèle Kayser-Wengler (CSV): Ech hat och an dem Rapport vun der Museksschoulskommissioun vum 19.10. gelies, dass den Här Theato am Fong dem Schäfferot de Projet d’établissement vun der Musekschoul 20152020 haut virstelle sollt. Kréie mir dat dann awer och als Gemengerot virgestallt?

Claudia Dall’Agnol (LSAP – Schäffin): Also, wann Dir dat gär virgestallt hätt, da soe mir bestëmmt net Neen, Dir kritt et jo souwisou mam Rapport vun der Museksschoulkommissioun hannendru gehaangen an dann, wann der et hutt, da kënnt der eis vläit Réckmeldung ginn, ob der et wëllt virgestallt kréien, Jo oder Neen.

Kuckt dat dee Moment wann der et gesitt mä et war eis wierklech wichteg och d’Kommissioun anzebannen.

Et ass ëmmer d’Fro, wien huet de Primat, deen een oder deen aneren? Wa mer et hei fir d’éischt maachen, jäitzen déi eng an ëmgedréint, et ass ëmmer e bëssen eng krokeleg Diskussioun.

Dan Biancalana (LSAP – Buergermeeschter): Ass de Gemengerot mat der definitiver Schoulorganisatioun vun der Museksschoul averstanen? Dat ass unanime.

8. GEMENGEPERSONAL Dan Biancalana (LSAP – Buergermeeschter): Mir proposéieren eng Modifikatioun an der Kommissioun an zwar dass den Daniel Phillips an de Pool des membres suppléants soll noméiert ginn an d’Corinne Guidoreni, soll d’Marguerite Fonck, déi jo an d’Pensioun gaangen ass, ersetzen als Membre expert an der Hygiènescommissioun.

Ass de Gemengerot mat deenen zwee Changementer averstanen? Dat ass unanime.

Dan Biancalana (LSAP – Buergermeeschter): Da géife mer op déi reschtlech fënnef Punkte kommen, déi ëffentlech sinn éier mer an de Huis Cloos iwwer ginn.

1. Genehmegung vum Relevé vun de Persounen, déi fir zwanzeg Joer trei Déngschter eng Auer iwwerreecht kréien a vum Relevé vun deene Leit, déi fir hir Pensioun en Akafsbong iwwerreecht kréien

48 RAPPORT

Dan Biancalana (LSAP – Buergermeeschter): Da komme mer bei de Relevé vun deene Leit, déi engersäits zwanzeg Joer hei schaffen, respektiv an d’Pensioun ginn, dat sinn am Ganzen 41 Leit, déi eng Auszeechnung kréien, déi kréien alleguer eng Auszeechnung a Form vun engem Bon d’achat vun 1000 Euro an dat sinn: Robert Garcia, Serge Bintz, Yves Di Prospero, Ivan D’Incau, Marco Cova, Christiane Ley, Ghislaine Lisarelli, Alice Lutgen, Diane Meyer, Romano Savini, Henri Schnadt, René Tessaro, François Weyrich, Francine Zigliana, Mike Kerschen, Elisabeth Hilger, Martine Konsbruck, Laurence Lies , Serge Marson, Michel Weyrich a Marie-Paul Wilhelm. Dat sinn 21 Stéck.

Déi Leit, déi e Bong kréie vun 200 Euro no laangen Deeg wou se hei geschafft hunn an an d’Pensioun konnte goen, dat sinn der 20 an dat sinn: Georgette Blau, Charel Garnier, Marco Nickels, Claudine Schloesser, Antoinette Terzer, Jean-Paul Aniset, Josiane Bertemes, Marguerite Fonck, Alain Jadin, Paulina Kostrewa, Joseph Lorenz, Mady Loreti, Romain Misteri, Johny Muller, Camille Reiffenberg, Anna-Maria Schneider, Andreas Stypulkowski, Guillaume Tapp, Joëlle Toisoul a Clementine Wagener.

net e Jurist an als Gemengesekretär?

Dan Biancalana (LSAP – Buergermeeschter): De Moment ass et esou an der Gemengecarrière, et kann en Universitaire agestallt gi wann et ëm en Attaché d’administration geet. Fir datt en Universitaire ka Gemengesekretär ginn, da muss dat betreffend Règlement grand-ducal geännert ginn. Dat gesäit vir, dass dat ab 30 000 Awunner méiglech ass. Dës Iwwerleeunge ginn awer getätegt, esou dass dat an der nächster Zukunft opgrond vun der Komplexitéit vun der Tâche an d’A gefaasst gëtt mä dofir brauch et nach reglementaresch Ännerungen. An där Lag si mer also bis dato zu Diddeleng net.

Ass de Gemengerot domat averstanen? Dat ass unanime.

3.Créatioun vun engem Poste fir den Direkter vun der regionaler Museksschoul ënnert dem Statut vum Gemengenemployé

Ass de Gemengerot mat deene Leit averstanen? Dat ass unanime.

4.Créatioun vun engem Poste fir de stellvertriedenden Direkter vun der regionaler Museksschoul ënnert dem Statut vum Gemengenemployé 2. Créatioun vun engem Poste fir e Gemengebeamten an der Carrière vum Redakter fir d’Gemengesekretariat Dan Biancalana (LSAP – Buergermeeschter): Dëse Punkt betrëfft d’Créatioun vun engem Posten an der Carrière vum Redakter fir d’Gemengesekretariat, déi wëlle mer hei virhuele well et normalerweis esou ass, dass eisen aktuelle Gemengesekretär, de Jos Schmit, den 1. August 2016 seng Rechter op d’Pensioun wäert geltend maachen an do virdrun nach seng Congéen eranhëlt. Déi nei Persoun muss ugeléiert ginn an dofir schafe mer dëse Posten.

Michèle Kayser-Wengler (CSV): Mir bedaueren natierlech, das den Här Schmitt an d’Pensioun geet, als CSV hu mer en ëmmer als exzellente Sekretär appréciéiert. Mir gënnen him seng wuelverdéngte Retraite, mä et ass awer eng gutt Iddi, elo schonn eng Persoun anzestellen. Meng Fro ass elo, well ëmmer méi Reglementer ze beuechte sinn, firwat stelle mer

Dan Biancalana (LSAP – Buergermeeschter): Da ginn ech d’Wuert weider un d’Claudia Dall’Agnol well hei geet et ëm d’Créatioun vun engem Poste fir den Direkter vun der regionaler Museksschoul an den Adjointsposten vun der regionaler Museksschoul.

Claudia Dall’Agnol (LSAP – Schäffin): Also vläit kéint een déi zwee Punkte jo zesummeschloe well déi jo beienee gehéieren. An deem informelle Gemengerot vum 18. Juni hate mer jo och schonns doriwwer geschwat. Fir déi Leit, déi d’Museksschoulsgesetz kennen, do feelt eng Carrière dran an dat ass déi vum Chef vun der Museksschoul. Am Avant-projet war se dran, ass awer am Projet net zeréck behale ginn. Doduerch gëtt dee Chargé de direction, dee mir hunn, d’selwecht behandelt wéi en “normalen” Enseignant, deen an der Museksschoul Schoul hält.

Dir sidd sécher eens mat mer, dass e Chargé de

49 RAPPORT

direction aner Responsabilitéiten huet an och aner Aufgaben a wahrscheinlech méi Aarbecht wéi de regulären Enseignant.

D’Gesetz gesäit och net vir, dass een an enger Museksschoul kann en Adjoint hunn. Déi Zäit, also 1998, war dat sécher och verständlech well och net déi Aarbechte bewältege war wéi haut, wou mer vill méi Aktivitéite hunn an och duerch d’Harmonisatioune vun de Programmen.

Am Joer 1998-1999, wéi dat Gesetz geschriwwe gouf, hate mer 589 Schüler an haut si mer bal op 1 000 Schüler, dat huet sech praktesch verduebelt.

D’Gegebenheete sinn einfach net méi déi selwecht.

téiert déi Carrière vum E7 just nach fir Leit an enger Iwwergangscarrière. Dann ass et awer vläit grad elo e bësse komesch een an sou eng Carrière ze setzen, nodeems se offiziell ofgeschaaft ginn ass, wéi och eng Carrière E7bis, déi och net méi an deem neie Fonctionnairesgesetz virgesinn ass well dat si jo elo an der Teschenzäit d’Carrièrë vun de Postes à responsabilité particulière.

Wier et net méi propper, dat e bëssen anescht ze formuléieren, quitte dass mir d’accord si fir deem Mann eng besser Carrière ze verschafen an en och besser ze bezuele wéi en Enseignant?

Fir dass mer deem Ganzen e Kader kënne ginn, deen och an Zukunft nach gutt ass, géife mer zwou Carrièrë kreéiere fir den Direkter a säin Adjoint. Dës Carrièrë sinn awer net ze verwiessele mat der Carrière vun der Conservatoiresdirekter well déi gëtt et ganz kloer am Museksschoulsgesetz.

Michèle Kayser-Wengler (CSV): Mir hunn eis och renseignéiert wéi et an deenen aner Museksschoulen ass.

Déi eenzeg, déi en Direkter huet, dat ass déi Iechternacher, déi huet en Attaché à la direction a kee SousDirekter an dee gëtt och weiderhi Coursen, deen ass e puer Stonne fräigestallt ginn.

Eise Personalchef Henri Reding kann eis dozou nach Detailer gi wann dat gewënscht ass. Esouwuel de Commissaire à l’enseignement musical wéi och de Ministère de l’Intérieur hunn am Virfeld hir Zoustëmmung fir dëse Projet ginn hunn.

Dass mir eisem jëtzege Chargé de direction eng Reconversion de carrière maachen, wat et jo wuel ass well de Poste vum Chargé ofegschaft géif ginn, dat droe mer voll a ganz. Wou mer awer e ganz grousse Problem hunn, dat ass mat der Postecréatioun Nummer 2 vum Directeur adjoint. Mir hei zu Diddeléng sinn doranner Champion, dass mer Poste kreéieren deen et soss néierens gëtt, virun allem wann d’Madame Dall’Agnoll seet, mer schléissen eis zesummen an der AEM, eng Associatioun vun alle Museksschoulen, firwat waarde mer net emol bis dat gemaach ass.

Et ass also net esou, dass mir hei iergend eppes wëlle maache wat mer dann duerno an d’Stad schécken an déi dat dann net unhuelen. Dat ass alles ofgekläert ginn an ech krut och scho Réckmeldungen, dass och aner Museksschoulen an der AEM op dee Wee wëlle goen.

Dem Direkter seng Carrière, déi ass op dem E7, dat ass de Lycées- an de Conservatoiresprofesser an dem Adjoint seng ass op den E6 opgebaut, natierlech mat enger Rei Conditiounen och am Beräich vun der Formation continue.

Déi ganz Operatioun kascht d’Gemeng net vill, beim Direkter ass et eng Null-Nummer. Och dorop kann de Personalchef nach agoen.

Romaine Goergen (Déi Gréng): Ech si jo ganz d’accord dass d’Museksschoul eppes Spezielles ass, mä mir schafen do awer eng Carrière, déi an de Kader vum normale Fonctionnairesgesetz kënnt. An dat Gesetz ass viru kuerzem ofgeännert ginn. Zënter dem 1. Oktober ass en neit Fonctionnairesgesetz a Kraaft an do exis-

Ech gesinn net de Sënn, e Poste fir en Direkter an en Adjoint ze kreéieren, mä et gesäit erëm esou aus wéi wann d’LSAP erëm e Posten sur mesure wëll schafe a wann ee mat de Leit ronderëm schwätzt, gesäit dat esou aus well et muss ee jo och soen, fairerweis, dass mer fir dee Posten, dee mer elo grad schafen eng eenzeg Persoun hunn, déi sech soidisant gemellt huet, woubäi et keng ëffentlech Ausschreiwung gouf a wat mer absolut net richteg fannen, mä dat ass och eng Politik, déi zu Diddeleng Usus ass.

Mir haten net méi spéit wéi am September e Poste kreéiert fir e Portier oder Aarbechter mat Camionsführerschäin an d’Leit hunn dat jo och schonns mat kritt dobaussen a si wollte sech mellen an dann heescht et, dee muss awer ausgeschriwwe ginn. Fir eis ass dat sous-entendu, dass e Posten ausgeschriwwe gëtt mä

50 RAPPORT

hei op der Gemeng ass dat net esou, déi Saache ginn ënnert der Hand verginn an d’Äntwerten op esou eng Demande, déi si lamentabel an dofir fanne mir déi Personalpolitik hei an der Gemeng absolut net korrekt.

Dat war eng allgemeng Bemierkung.

Elo zu deem Posten sur mesure, ech muss et esou soen: Do ass et esou, mir setzen do herno – well et gouf jo keng ëffentlech Ausschreiwung ginn – eng Persoun, déi bis elo Chargé de cours war mat 22 Stonne, deen 13 Stonne Cours hält a schonns 9 Stonnen aushëlleft an der Direktioun, wat jo bis elo gutt geklappt huet, do kënnt elo e ganze 40-Stonne-Posten hin an dir kënnt mir awer net erzielen, dass dat elo en absolute Besoin ass an der Museksschoul.

Wann dann dëse Poste, wéi dat hei am Haus esou üblech ass, vun der LSAP-Majoritéit jo wahrscheinlech kreéiert gëtt, dann hoffen ech, dass der wéinstens esou fair sidd an herno am Huis-clos net déi Persoun, déi schonn iwwerall erziele geet “Wann s de ee kenns, da passt dat schonn” drop setzt, mä dass mer mol fairerweis esou e Posten ëffentlech ausschreiwe well an der Museksschoul si vill Leit, déi absolut déi selwecht Qualifikatiounen hu wéi deejéinegen dee virgesinn ass fir dee Posten. Mir fannen dat heiten en Zeeche vun Intransparenz an Onéierlechkeet an ech sinn och enttäuscht, dass och ewell an der Museksschoul op de Wee gaange gëtt, dass esou gemauschelt gëtt a meng Fro ass och: Wann elo, wat wahrscheinlech hei an der LSAP-Majoritéit schonns décidéiert ass, de Poste soll geschafe ginn, wëll ech wèessen ob deen Directeur adjoint mat senge 40 Stonnen dann och nach Coursen hält a wat mécht deen dann an de Schoulvakanzen? E 40-Ronneposten ass e 40-Stonneposten och an der Vakanz. D’Museksschoul ass an de Vakanzen zou an Dir kënnt mer net erzielen, dass dee muss dann déi Stonnen do sëtzen an d’Daimercher dréine fir seng Pai ze verdéngen.

Also wann dat hei da schonns eng traureg Realitéit ass, dass de Poste scho verginn ass éier en iwwerhaapt gestëmmt ass, dann hoffen ech, dass et emol eng Kéier anescht ass a wann dëse Posten duerch Iech gestëmmt gëtt, mir sinn domat absolut net d’accord, mä wann e gestëmmt gëtt, sollt der esou fair sinn, deen ëffentlech auszeschreiwen.

Ech hunn dozou och e flotte Spréchelche fonnt: “Ungerechtigkeit an einem Ort ist eine Bedrohung für Gerechtigkeit überall”.

Henri Reding (Gemengepersonalchef): Nach vläit eng éischt Bemierkung zu dem Gesetz oder Reglement, déi an der Fonction publique changéiert hunn: Mir sinn hei am Kader vum Employé communal an dofir ass d’Législatioun, déi a Kraaft ass, mir sinn net am selwechte Fahrwaasser wéi bei de Fonctionnairen, do ass dat dote richteg, mä hei ass et den Artikel 27 vum Reglement vun 2001, wat de Gemengerot habilitéiert, eng Carrière, wéi mer dat och an der Vergaangenheet gemaach hunn, ze schafen.

Déi Posten, déi hei de Gemengerot geschafe goufe waren awer Posten, déi och gedroe waren, zum Beispil war ee vun de Poste jo och dee vun eisem Mann, deen d’Sécurité et santé au travail an d’Prévention incendie ënnert sech huet, also Saachen, déi scho richteg waren.

Hei ass et elo esou, dass et sech ëm eng Situatioun handelt, wou et sech tëschent dem Chargé de Direction an dem Directeur de Conservatoire uleent. Et ass u sech déi Diskussioun gefouert ginn am Virfeld, wéi een an der Gréissenuerdnung vun enger regionaler Museksschoul, wéi Diddeleng se huet, wéi ee sech do kéint situéieren.

Déi Gesetzgebung déi en Vigueur ass, hu mer gekuckt fir tëschent de Carrièren ze leien, dëst mam Accord vum Regierungscommissaire an entretemps ass schonn e Syndikat an déi genannte Gemeng, déi och eng Museksschoul huet, an natierlech interesséiert ass un där doter Diskussioun well déi Viiraarbecht, déi mir als Stad Diddeleng gemaach hunn, huet Virreidercharakter a wou mer eng Base legale schafen, wou déi aner Institutiounen sech och wäerten uschléissen. Dat zu der Carrière, et ass also näischt wat do elo konträr wier.

Bei de Fonctionnairen ass et anescht, do kann de Gemengerot net eng Carrière schafen, dat géif net approuvéiert gi well et duerch e Règlement granducal geregelt ass.

Wat d’Aarbecht vum Directeur adjoint ugeet, do war am Virfeld een Enseignant, dee sech fräiwëlleg gemellt huet am Kader vun der Museksschoul, deen ëmmer de Fanger ausgestreckt huet fir eng Hand unzepaken, deen du fräigestallt ginn ass vu verschiddene Coursen an dunn och tatkräfteg gehollef huet an derbäi war.

Wat de Projet d’établissement ugeet, war am Virfeld ganz kloer erkläert ginn, dass et wichteg ass, en Ad-

51 RAPPORT

joint ze hunn an esou engem grousse Betrib, dee gemengeniwwerschreidend ass, dass een do Leit huet, déi dat Ganzt och féieren, dat heescht, dir hutt am Fong geholl eng Struktur wou 4 Leit an der Administratioun sinn, dat heescht, een Direkter, een deen den Direkter kann ersetzen, awer hallef just, well eng Stonn am Enseignement ass net gläich eng Stonn.

Op där anerer Säit ass et awer och wichteg fir den Direkter ze assistéieren a verschiddene Missioune wat elo déi Aarbechten, déi Stagen, déi vill Manifestatioune vun der Schoul ugeet, an esou wäit wéi ech d’Direktioun vun der Museksschoul verstanen hunn, maache si ganz vill Preparatiounsaarbechten, och tëschent de Vakanzen, wou si als Administratioun schaffen, wou d’Enseignanten net do sinn. Si mussen zum Beispill à l’instar vun hire Kollegen an de Lycéeën och Stonnepläng maachen a kucken, dass alles openee passt.

Si hunn och den direkte Kontakt mat deenen anere Gemengen. Wou se zum Beispill solicitéiert ginn, ass mat de Maison-relaisen. Dat Ganzt also fir just ze ëmräissen, wat déi Carrièren do ugeet.

Jean-Paul Gangler (CSV): Wann déi Noutwennegkeet do steet, firwat musse mer dann deen Directeur adjoint maachen an net als Attaché à la Direction benennen?

Firwat gi mer deem zweete Posten do net einfach méi eng kleng Charge als Attaché à la Direction? Ouni en elo direkt schonns erëm zum Fonctionnaire ze maachen.

Ouni dee Posten ze schafen, well e kéint jo einfach mam Titel als Attaché à la Direction viru fuere bis elo.

D’Aarbecht géif nach ëmmer gemaach ginn, mee mir géifen dee Posten net nei schafen.

Henri Reding (Gemengepersonalchef): Et ass esou, dass an dësem Fall och nohalteg denke muss. U sech ass et jo elo esou, dass hei Leit sinn, déi schonns eng gutt Zäitchen an deem Secteur schaffen an dass gekuckt gëtt, wéi geet et an der Zukunft. Et ass och an deem Sënn wou mer mam Inneministère diskutéiert hunn. Wéi ass et duerno? Sinn d’Conditioune kloer wat de Recrutement ugeet? Dofir sinn déi och hei agebaut an dee ganzen Text hei, dass der gesitt, dass dann och Formatiounen, Prérequisen dra sinn. Wéi laang muss een an der Museksschoul geschafft hunn? Du muss och Aarbechte matgedroen hunn, du musse wëssen, wéi eng Direktioun leeft.

Da kann een nach driwwer streiden ob een en Attaché à la Direction oder en Directeur adjoint mécht, dat ass ganz richteg, dat hätt ee kënnen diskutéieren.

Allerdéngs soen ech vun der Gréissenuerdnung, wann ech elo kucken an deenen aneren Enseignementer, ass et vun der Gréissenuerdnung hir, wéi mer hei déi Museksschoul hunn, schonns esou, dass dat d’Struktur net ass, dass einfach en Directeur an en Attaché do sinn, mä dass en Direkter an en adjoint do sinn.

An zousätzlech, wa mer iwwert déi 1000 ginn, dann ass den Attaché nach do fir eng Hand unzepake bei anere spezielle Missiounen.

Claudia Dall’Agnol (LSAP – Schäffin): Et ass eigentlech alles gesot, den Henri Reding ass praktesch op alles agaangen. Viru menger Zäit deemools ass gefrot ginn, wie wëllt assistéierten, a wann ech mech richteg erënneren, war de Rush dorop net ganz grouss. Dofir verstinn ech net, wien elo déi Leit sinn, déi op eng Kéier awer dee Posten do wéilten. Zumindest ass bei mir kee virstelleg ginn an d’Kollege kënne mech verbesseren, wann ech soen, dass deemools, wéi gefrot ginn ass, wie wëllt deen Job do maachen, well dat ass och kee Kinkerlitzchen, do muss een och mol mat de Leit streiden an och emol mat Kollege streiden, an dat ass net ëmmer esou einfach, dat wësse mer alleguerten aus deene Beräicher wou mer hierkommen, sou dass dat mech e bësse wonnert, mä bon.

Dan Biancalana (LSAP – Buergermeeschter): Mir stëmmen elo doriwwer of an herno gi mer souwisou an de Huis-clos eriwwer.

Wien ass mat der Créatioun vum Poste vum Direkter vun der regionaler Museksschoul averstanen? Dat ass unanime.

Wien ass mat der Créatioun vum Adjointsposte vun der regionaler Museksschoul averstanen? Wien ass enthält sech? Wien ass dergéint?

Domat ass dee Poste kreéiert mat Stëmme vun der LSAP, mat Enthale vun Déi Gréng an CSV

52 RAPPORT

5. Créatioun vun zwee Posten als Agent administratif an der Carrière B1 ënnert dem Statut vum Gemengenemployé fir d’Gemengeverwaltung Dan Biancalana (LSAP – Buergermeeschter): Dee leschte Punkt vun der ëffentlecher Sëtzung betrëfft d’Créatioun vun zwee Posten als Agents administratifs an der Carrière B1 ënnert dem Statut vum Gemengenemployé fir d’Gemengeverwaltung. Do ass och am Huisclos nach Rieds.

Do hu mer d’Situatioun vun zwou Persounen, déi bei eis schaffen an déi an de Structure-d’accueuilen agestallt waren an déi Aarbecht net méi kënne maachen, déi intern reklasséiert gi well se déi Aarbecht, déi se gemaach hunn, net méi kënne maachen, dat heescht och net méi an där Carrière solle bleiwe mä duerch déi Réaffektatioun, déi se kritt hunn an duerch dat internt Reclasssment am Fong en anere Poste kritt hu wou méi Confort par rapport zu hire physesche Problemer ass an dofir ass hei d’Propose, déi zwee Posten ze schafen, déi éischter administrativer Natur sinn, fir hinnen en anere Statut ze ginn. Déi Persoun si schonns do Mir schwätzen elo gläich am Huis-clos doriwwer, et ass just fir dat hei ze formaliséieren.

Michèle Kayser-Wengler (CSV): Ech hunn awer do nach eng Fro: Et steet hei “Réorganisation de différents services”. Reorganisatioun nennen ech ëmmer Straffung, Zesummeleeën, mä bon, dat ass hei anescht an der Gemeng, mä eng Réaffectatioun ass et an da froen ech mech firwat mer dann elo nach eng Kéier zwee nei Poste schafen, mir hu jo eréischt Poste kreéiert. Am Service des sports, do hu mer e Poste administratif, en Employé Accueil, firwat maache mer elo schonns erëm eng Création de poste?

Et ass jo hei an der Gemeng net üblech, dass iergend ee Posten ofgeschaft gëtt. Eise Waasserkapp u Personal gëtt ëmmer nach méi grouss an dir musst mir erkläre firwat mer elo do schonns erëm zwee Piste musse kreéieren an net eng Réaffectatioun, wéi et do steet, dat ass eppes anescht wéi eng Créatioun. Wat ass et dann elo?

Henri Reding (Gemengepersonalchef): Just als Erklärung, dat enchaînéiert. Ech wëll elo net an den Detail agoe wat d’Leit ugeet mä vläit just déi zwee Poste proposéiert ginn. Et ass ganz einfach aus deem Grond

deen dir grad virdru gesot hutt.

Wann een nämlech eng Réaffektatioun recommandéiert kritt aus medizinescher Siicht – mir schaffe jo do mat den Aarbechtsmediziner zesummen – wann also een eng Pathologie huet, déi net derzou féiert, dass en iergendwann a sengem Beruff, wou en elo ass, ka weiderschaffen, da sëtzt en op deem Posten a blockéiert en.

Dat heescht, mer kënnen dee Posten net fräi maachen, déi Persoun sëtzt do drop an hëlt dee mat virun. Elo ass et awer esou, wann een enzwousch schafft an et ass een nominéiert an enger administrativer Carrière an et kann een dat Amt net méi ausféieren, da gëtt e Poste aménagé geschafe wou ee muss kucken, das dat de Capacitéiten, déi mer dann och gesot kréie vun den Aarbechtsmediziner, déi déi Leit nach duerfe maachen, gerecht gëtt.

An dësem spezielle Fall ass et awer esou, dass mer se wollte vun deene Poste befreien an hinnen eng administrativ Aarbecht ginn, déi engem Employé an der Carrière B1 gerecht gëtt. Et ass eng Null-Operatioun well déi Leit si jo hei agestallt, déi gi mat deem Loun op déi aner Plaz gesat an och den Échelon gëtt esou aklasséiert, dass dat klappt.

Michèle Kayser-Wengler (CSV): Da verstinn ech awer net déi ganz Diskussioun, déi mer bei de Portieren haten, do hu mer misse 5 Poste schafe fir Leit, mir hunn dräi Persounen, déi scho Portier sinn, do huet et geheescht, mir brauchen der 5 derbäi well mer déi aner net lass ginn oder enzwousch anescht hisetzen.

Do hunn ech gesot, kommt mir maachen eng Réaffaktatioun, do huet et geheescht, dat geet net. Elo bei enger anerer Carrière geet et awer elo. Dir sidd total widderspréchlech. Hei ginn einfach Poste geschaf a bei deenen enge geet et a bei deenen aneren net. Dat ass total intransparent.

Henri Reding (Gemengepersonalchef): Ech mengen, dann hunn ech mech déi leschte Kéier vläit falsch ausgedréckt, mä ech wëll awer nach eng Kéier widderhuele wat ech awer gesot hunn, dat kann ee jo dann noliesen.

Ech denken, dass et éischter esou ass, dass wéi mer bei de Concierge geschwat hunn, do si mer bei Aarbechter.

Déi 4 Aarbechter wou mer elo Salariée soen. Wann do ee reclasséiert gëtt, da kënnt iwwer de Comité mixte

53 RAPPORT

e Reclassement an dat gëtt et bei den Employéen an de Fonctionnairen net. Och iwwer de Changement de statut net.

Elo hat ech déi lescht Kéier gesot, wann also ee Concierge do ass, dee virdrun eng Aarbecht gemaach huet, wou en zum Beispill reclasséiert gëtt, dann heescht dat net, dass e seng Carrière verléiert, dat wier nämlech eng disziplinaresch Mossnam, déi ass am Code du Travail an am Kollektivvertrag nozeliesen.

An dësem Fall si mer an der Situatioun, dass mer do Leit dann op Plaze setzen, déi wou den Aarbechtsmediziner seet, déi dann aménagéiert sinn, si bleiwen an hiere Carrière mä si verléieren déi Primen déi afférent sinn, dat heescht, wann se net méi onregelméisseg schaffen, kréie se keng Prime d’astreinte méi.

Mir hu rechtlech keng Méiglechkeet fir deene Leit hir Plaz ewech ze huelen.

Hei an deem Fall vun deene Leit, déi elo aus gesondheetleche Grënn an och aus anere Grënn gefrot hu fir kënne gewiesselt ze ginn, ass et esou, dass mer déi Leit, déi jo gefrot hu fir eng aner Aarbecht ze kréien an do wollte mer dat just upasse well déi blockéiere jo soss Posten. Ähnlech wéi der et richteg gesot hutt, wann elo zum Beispill eng Infirmière wiesselt, da sëtzt déi Persou jo esou laang op deem Poste bis dass mir eng Solutioun do fannen an ech ginn Iech herno gären am Huis-clos nach Äntwerten och dozou, dat ass guer kee Problem, mä hei ass et net esou, dass et net transparent wier an et huet och net domat ze dinn, dass mer eppes géingen anescht maache wéi dat wat d’Texter eis soen Mà nach gesot, déi heite Leit, ëm déi et hei geet, déi zwee Leit ginn ni méi zeréck op déi aner Aarbecht, well et einfach net indiquéiert ass an hir Pathologie et och net hier gëtt. Mir sinn natierlech net ëmmer sécher wou mer d’Leit kënnen affektéieren, dat ass net kloer mä mir hunn zum Beispill och bei de Fonctionnairen an den Employéëen, do gëtt et och keng Réaffactation externe, dat heescht e Reclassement externe ass net méiglech, also musse mir probéieren, also als Employeur musse mer kucken, dass mer déi Leit an der Verwaltungstruktur esou laang behalen wéi et geet, et sief dann, si géifen zwangspensionéiert ginn, musse mer also probéieren, se nei ze affectéieren.

Michèle Kayser-Wengler (CSV): Do wëll ech nach nohaken. Ass dat hei dann elo de Statut vun engem Behënnerten, also e Poste fir Leit mat Handicap?

Henri Reding (Gemengepersonalchef): Neen, fir e Poste mat engem Handicap muss een eng Reconnaissance de handicap hunn an dat ass et hei net. Dat heiten ass einfach en normale B1, wann een eng Aschränkung, eng Restriktioun huet soss misste mer ausweisen an da wier et ee mat engem Statut de Handicap. Där Leit hate mer, wann der Iech erënnert, am Informatiksservice.

Déi zwee Leit do déi maache jo dee Poste fräi, déi brauche jo net méi nei geschafen ze ginn. Elo stellt Iech vir, déi Leit hu virdrun an enger Struktur geschafft. Elo kënnen se aus Grèenn, déi mer herno kënen erläuetern, op medezinesch Indikatioun net méi do schaffen esou dass se dann dee Moment e Lach op maachen, dat heescht, si mussen do ersat ginn ouni dass mer eng nei Création de poste maachen. Mer kënnen déi Leit jo net einfach entloosse well se krank gi sinn. Dat ass wichteg, et geet net dorëms fir elo nach zousätzlech dee Posten ze kreéieren, grad wéi bei der Infirmière.

Hei ass et esou, an dofir ass déi Operatioun, déi dote mussen irréversiblement gewiesselt ginn an aus deem Grond proposéierte de Schäfferot fir déi Leit do op dee Poste setzen, wou se passen an anerer kënne mat där Qualifikatioun, déi si elo fräi gemaach hunn, nei agestallt kënne ginn. Et ass keng Création de poste.

Dan Biancalana (LSAP – Buergermeeschter): Da géif ech proposéieren, no deen doten Erklärungen zum Vote iwwer ze goen.

Wien ass mat der Créatioun vun deene Posten averstanen? D’LASP an Déi Gréng.

Wien ass enthält sech? D’CSV enthält sech.

Ufank vum Huis-clos.

Enn vum Huis-clos.

54 RAPPORT

9.

ERNENNUNG

ALEX

BODRY

VUM

ZUM

HÄR

ÉIERE-

BUERGERMEESCHTER Dan Biancalana (LSAP – Buergermeeschter): Éierebuergermeeschter vun der Stad Diddeleng gëtt et der schonns e puer, nämlech de Jean Fohrmann, de Birtze Néckel, de Louis Rech, am September 2010 ass de Mars di Bartolomeo zu dësen Éiere komm an ab haut den Alex Bodry, wann de Gemengerot deem och esou zoustëmmt.

“Den Alex Bodry huet dees Funktioun am Fong inne gehat vum 13. August 2004 bis den 11.Dezember 2014 an huet dës Funktioun als Buergermeeschter ugeholl nodeems de Mars Di Bartolomeo als Minister an d’Regierung gaangen ass an den Alex hat gutt zéng Joer a véier Méint hei de Posten als Buergermeeschter an awer och als Député-Maire.

Den Alex huet genau wéi seng Virgänger am Amt sech vir seng Stad a seng Awunner agesat an ech mengen, dass et och ganz kloer säi Verdéngscht ass, dass Diddeleng sech ënnert him weider moderniséiert huet, dass hie Projeten, wichteg Projete lancéiert an och op den Instanzewee geschéckt huet an dësem Sënn, wéi den neien Hartmann, eisen neie Sportskomplex, de Projet am Stadkär, de Projet “Am Duerf”, de Projet Lenkeschléi, deen neie Wunnengsbauprojet an Diddeleng, deen ëmmer méi Form unhält awer och de Projet Nei Schmelz an der Definitioun vum Plan directeur, alleguerte Projeten, déi wichteg Impulse fir dës Stad sinn, déi zukunftsweisend sinn an déi och Diddeleng d’Méiglechkeet ginn, sech weider ze entwéckelen. Ënnert dem Alex war awer och eng zolitt Finanzpolitik, a senger Period war eng ganz wichteg Haushaltspolitik, déi hie gefouert huet an och esou gekennzeechent

war an eis och erméiglecht huet, déi Projeten esou ëmzesetzen, wéi mer eis dat virgeholl hunn.

Ech mengen, dem Alex seng éischt Schrëtt a senger politescher Carrière an der Gemengepolitik, dat war 1982 am zaarten Alter vun 23 Joer, do ass e Gemengeconseiller hei an der Stad Diddeleng ginn, en hat dëse Poste bis 1989 a vun 2000 u bis August 2004 war en éischte Schäffe vun der Stad Diddeleng, duerno ass e Buergermeeschter ginn a wann een den Alex kennt, da weess een, dass hie vu 1984 Deputéierte war awer och eng ganz Rei Ministerposten hat vun 1989 u bis 1999 an ech mengen, dass alleguerten déi doten Erfahrungen, déi hie gesammelt huet op deene verschiddene Posten, der Stad Diddeleng zegutt komm sinn an hie se ganz kloer an d’Gemengepolitik afléisse gelooss huet.

Ech perséinlech muss soen, ech hat déi Chance mam Alex gutt 9 Joer laang zesumme kënnen ze schaffen, dat war am Schäfferot zesumme mam Conny Théobald, mam René Manderscheid, mam Romy Rech a mam Loris Spina an ech mengen, et war eng ganz gutt an eng ganz kollegial Zesummenaarbecht, wou mer Gemengepolitik als Team ugaange sinn. Säit Dezember 2014 konzentréiert den Alex Bodry sech op der nationalpolitescher Bühn an ass do als Fraktiounsspriecher méi wéi jee aktiv an dat ass och ganz gutt esou an dat ass och ganz wichteg.

Den Alex huet eis Diddeleng liewenswäert a mat vill Liewensqualitéit hannerlooss an dat och zum groussen Deel mat der Ënnerstëtzung vum Diddelenger Gemengerot.

Den Alex Bodry ka stolz op den Titel si vum Éierebuergermeeschter, de mer him haut ginn an ech menge ganz kloer hei kënnen ze soen am Numm vun eis all, dass hien sech deen Titel och verdéngt huet.

55 RAPPORT

Merci Alex fir deen Asaz deen s du fir des Stad an hir Bierger an deene leschte Joer gewisen hues an deen Intérêt deen s du has fir dës Stad weider ze bréngen. E ganz, ganz grousse Merci vun eis alleguerten.”

Hunn déi eng oder déi aner Fraktioun nach eng Stellungnahm dozou, wëllt een eppes soen?

Romy Rech (LSAP): Den Alex huet déi Laudatio verdéngt, mir hunn awer déi unerkennend Wierder richtegerweis, wéi d’Kollegin vun der Oppositioun gesot huet, him schon am November 2014 entgéint bruet. Ech wëll just am Numm vun der sozialistescher Fraktioun de Kollegen a Kolleginnen aus dem Gemengerot hei dem Alex Merci soe fir seng wäertvoll Aarbecht, déi hie fir Diddeleng geleescht huet an zwar als Gemengerot, als Schäffen, als Buergermeeschter vun Diddeleng, an ech mengen, hien huet deen doten Titel als Éierebuergermeeschter méi wéi verdéngt.

Hien ass net eraus aus der Politik, dat heescht, mir kënnen nach alleguer an deenen nächste Joeren vu senge wichtege Rotschléi a vu sengen Interventioune profitéieren an ech sinn och iwwerzeegt, dass hien op deenen anere Plazen, wou hien elo Politik mécht, Diddeleng ëmmer an de Virdergrond wäert stellen.

Merci Alex an alles Guddes privat an an denger weiderer politescher Carrière.

Romaine Goergen (Déi Gréng): Also Alex, zwou Säiten hunn ech virbereet. Ech kierzen of, dat Wesentlecht wëll ech der awer soen: Vun eiser Säit als Gréng. Eise Respekt hues de verdéngt dofir, dass de deng villfälteg Kompetenzen engersäits fir eng vernünfteg Gemengegestioun agesat hues, anerersäits war s de awer och op fir Neies a konnt s der spezieller Diddelenger Identitéit neit Liewe ginn.

Eis Sympathie awer hues du verdéngt fir deng léif Aart a Weis fir mat eis Gréngen ëmzegoen, heiansdo op eis ze lauschteren a fir deng Versich, ëmmer zu engem Konsens hei am Gemengerot ze kommen a last not least fir däi konsequenten Asaz fir déi Diddelenger Leit.

Mir soe Merci fir däin Engagement a fir déi gutt Zesummenaarbecht.

Michèle Kayser-Wengler (CSV): Alex, mir haten och schonn am Fong déi léif Wieder der mat op de Wee gi mat engem grousse Merci wéi s de vun hei fort gaang bass. Mir hunn och nach eng Kéier ënnerstrach deng Kompetenz, däi Fachwëssen an däin Asaz fir Diddeleng, dee war rühmlech, ech hunn och gesot gehat, du waars e gudde Sparringspartner fir d’Oppositioun et huet ee geléiert bei dir muss ee sech gutt virbereede fir Argumenter ze hunn an an eng gutt Diskussioun ze kommen, dat hunn ech och perséinlech ganz gutt appréciéiert a mir och alleguerten hei.

Och vun eiser Säit Bonne chance op dengem neie Wee, vergiess Diddeleng net mä ech mengen, dat ass kee Problem, a mir si ganz frou, dass mir mat dir konnten zesumme schaffen. Merci.

Nathalie Haas (Déi Lénk): Déi mécht Wierder goufe gesot. Mir hunn eis net esou laang kannt, ech mengen, ech hu mech awer relativ vun Ufank u wuel gefillt an ech sinn och mat oppenen Äerm hei empfaang gi vu jiddwerengem, dat muss ech och soen, an ech mengen, dofir kann ech am Numm vun de Lénke Merci soe fir déi Zesummenaarbecht, déi mer ëmmer gutt gemeeschtert hunn, oft streide mer net, an och einfach perséinlech vir einfach dat häerzlecht Wëllkomm dat ech hei emfaangen hunn, an ech mengen, esou soll een duerch d’Liewe rocken.

Dan Biancalana (LSAP – Buergermeeschter): Ech hunn hei ganz kloer déi unanime Zoustëmmung eraus héiere fir dem Alex den Titel als Éierebuergermeeschter vun der Stad Diddeleng ze ginn a fir och deem den néidege Charakter ze ginn, wëlle mer dann och am Numm vun der Stad Diddeleng an deem Kader och dem Alex e verbleiwende Cadeau fir déi Mériten, déi en huet, iwwerreechen. Dofir géif ech hie biede bis bei eis ze komme fir dass mer dat kënne maachen.

56 RAPPORT

10. ÄNNERUNGEN AN DE B E R O D E N D E GEMENGECOMMISSIOUNEN

11. VUN

DER

PARTEI

DÉI

GRÉNG

AN

UWENNUNG

VUM ARTIKEL 13 VUM OF GEÄNNERTE SETZ VUM

GEMENGEGE13. DEZEMBER

1988 OP DEN ORDRE DU JOUR GESATE PUNKT BETREFFEND “D’DISKUSSIOUN IWWER DÉI NEI TICE-HORAIREN AN DER GEMENG DIDDELENG” Dan Biancalana (LSAP – Buergermeeschter): Dëse Punkt gouf op den Ordre du jour gesat vun der grénger Fraktioun an dofir ginn ech hinnen elo direkt Wuert fir an deen dote Sujet anzeféieren.

Romaine Goergen (Déi Gréng): Villmools Merci Här Buergermeeschter, mir hunn effektiv de Citybus an d’Organisatioun de Busfahrplang op den Ordre du jour gesat well mer fannen, dass groussen Diskussiounsbedarf ass.

An der Tëschenzäit sinn an der Verkéierskommissioun nei Momenter presentéiert ginn. De Fait, dass eng Ofännerung vun deenen neie Busfahrpläng envisagéiert gëtt, weist elo, dass erkannt ginn ass, dass déi nei Organisatioun vum Busfahrplang net glécklech war.

Et deet mer elo Leed, dass ech nach an d’Wonne wulle muss goen, ech wëll awer onbedéngt meng Kritiken zum neie Busplang presentéieren an och déi Aart a Weis wéi deen Dossier hei behandelt ginn ass.

Also, nach eng Kéier, firwat op den Ordre du jour? Mir fannen dat dréngend noutwenneg well deen neie Busplang ni am Gemengerot virgestallt a an nach vill manner diskutéiert ginn ass.

De Bureau d’études huet eis e Konzept ni duergeluegt an de Schäfferot och net. Dat wär awer dat mannst gewiescht. Iwwer Bushaltestellen ofstëmmen heescht nämlech net iwwer e Konzept diskutéieren.

Am Hild an an der Verkéierskommissioun ware Buslinnen am Dezember 2014 virgestallt ginn, si sinn duerno awer ofgeännert ginn. Déi Versioun vun de Buslinnen, déi an der Tëschenzäit a Kraaft ass, ass eréischt virgëschter an der Verkéierskommissioun diskutéiert an et sinn zum Deel Ofännerungen virgesi ginn.

Mir sinn dann emol gespaant ob mer dës Kéier e Rapport aus der Kommissioun kréien, deen déi Haaptpunkte vun esou enger Sitzung festhält.

Et gouf en Ufank vun enger Biergerbedeelegung woubäi eng eenzeg Versammlung net duergeet besonnesch wann duerno nach Wiesentleches vum Trajet ofgeännert gëtt.

Dofir wëlle mer déi Diskussioun elo nohuelen oder zumindest eng Rei Froe stellen an déi Haaptschwaachpunkten opdecken.

57 RAPPORT

Mir si frou, dass de Bureau d’études an TICE hei vertruede si fir mat eis ze diskutéieren obwuel et vläit schonns e bësse spéit am Dag ass.

richtegen Zentrum a bei d’Geschäfter ze kommen an och herno mat hirem Akaf heemzekommen, immens mühsam.

Keng Angscht, ech wëll keen heibannen erschloe mat Detailproblemer vun deene mir alleguer heibannen, de Schäfferot besonnesch an déi verantwortlech Servicer vun eiser Gemeng an den TICE och, ganz vill ze héiere kritt hunn.

Dann zu de Buslinne selwer an zwar zu deene Linnen, déi de Leit hëllefe sollen, an Diddeleng ze zirkuléieren, also déi eigentlech Citybus-Verbindung mat Esch, déi wëll ech elo mol am Ufank ausklameren. Et ass kloer, dass net jiddereen zu all Moment am Dag viru senger Hausdier kann ofgeholl ginn an et kann ee soen, dass insgesamt déi nei Buslinnen aus all Quartieren an Diddeleng ze erreeche sinn, wat fir verschidde Quartieren eng Verbesserung ass.

Ech hu mech awer beméit, déi Haaptschwaachpunkten opzelëschten.

Eist gemeinsamt Zil ka jo just eng Verbesserung vun der Situatioun sinn.

Dofir direkt zum éischte Haaptschwaachpunkt: D’Fahrpläng fir d’Bierger(innen). Déi sinn äusserst oniwwersiichtlech, et ass keng Erklärung derbäi vun den Nimm vun de Bushaltestellen. Et ass kee Versuch gemaach ginn, d’Ëmsteigméiglechkeeten opzeweisen.

Fir déi meescht Leit waren a sinn déi Fahrpläng onverständlech.

Den zweete Problem stellt sech beim Versuch, d’Diddelenger Gare zur zentraler Busstatioun ze maachen, wou ëmgeklomme gëtt op aner Bussen an net méi op der Gemengeplaz. D’Zil ass natierlech d’Ëmsteigen op den Zuch ze erméiglechen awer déi Plaz vun der Gare ass denkbar schlecht gewielt aus enger Rei Grënn. Et ass eng oniwwersiichtlech Kräizung fir Autofuerer an natierlech och fir Foussgänger(innen). Et ass quasi keng Geleeënheet fir do ze sëtzen an ass och insgesamt wéineg attraktiv.

D’Gare interesséiert d’Leit fir duerchzereesen, ass awer manner attraktiv wéi d’Gemeng fir dohinner ze kommen.

Dat eenzegt, wat do iwwersiichtlech ass, ass déi Infotafel, déi nei an och gutt ass.

Par contre, wou déi eenzel Quaie sinn, muss ee mol sichen. Fir déi Leit, déi net gutt ze Fouss sinn, muss dat en Horror sinn. Esou gär wéi mer all d’Leit wëlle vum Citybus iwwerzeegen, esou kloer ass et awer och, dass grad al Leit a Leit, déi net gutt ze Fouss sinn, drop ugewise sinn.

Fir déi Leit ass d’Ëmklammen op der Gare an d’Waardezäite, déi domat verbonne sinn, fir an de

Vu Virdeel ass och, das déi Kréngele fort sinn an ee méi schnell aus de Quartieren an den Zentrum kënnt, awer eben op d’Gare.

Awer de Véirelstonnentakt, dee grouss annoncéiert ginn ass, ass net fir jiddereen. Just déi Haltestellen, déi an der Kaylerstrooss an zu Butschebuerg vun de Linne 4 a 5 bedingt ginn, kënnen tatsächlech all Véirelstonn op d’Gare an op d’Gemeng fueren.

De Véirelstonnentakt gëtt also innerhalb vun Diddeleng gréisstendeels net erreecht.

Mä et ginn nach aner deklaréiert Ziler, an där Ëmännerung net erreecht.

D’Verbindung mat dem Kär vun eisem Geschäftszentrum ouni Ëmsteigen oder Zefoussgoe besteet net méi awer och d’Verbindung mat eisem Centre culturel klappt net gutt an dobäi geet et jo och drëm, Kanner a Jugendlecher mam Bus an d’Museksschoul ze kréien. Et wär jo noutwenneg, d’Gerenns mam Auto vun den Eltere mat de Kanner zu hire Fräizäïtaktivitéiten ze limitéieren. Hei stelle mer fest, dass dat mat deem neie Busplang jiddwerfalls net gelongen ass.

Ech hu mer déi Deeler fir Diddeleng, déi méi wäit vum Centre culturel ewech sinn, méi genee ugekuckt a stelle fest: Vu Butschebuerg aus an de Linne 4 a 5 ass et an der Rei well do jo Véirelstonnentakt ass, awer do muss op der Gare ëmgestige ginn.

Aus dem Quartier Italien ass et scho méi schwiereg well och erëm op der Gare muss ëmgestige ginn. Ze Fouss iwwer d’Bréck ass do sécherlech eng besser Optioun.

58 RAPPORT

Aus dem Wolkeschdall ass d’Verbindung schlecht well beim Ëmsteigen op der Gare dauert et laang bis d’Linn 8 fir bei de Kulturzentrum kënnt.

A schlussendlech fir d’Kanner vu Biereng a Ribeschpont ass et guer net ze maachen , och wann déi Verbindung an déi aner Richtung gutt klappt.

Déi Remarquen do gëllen och fir d’Erreeche vum Spidol , dat zwar elo ugefuer gëtt vun der Linn 8 awer schwiereg beim noutwennegen Ëmsteige bleift.

Et bleift dann nach d’Problematik vun der Verspéidung zu Spëtzestonnen, beispillsweis op der Linn 4 gutt wouduerch d’Ëmklammen op den Zuch dann net méi geet. Woubäi ech dann och beim Ëmklammen op den Zuch wär an D’Iwwereneestëmmung vun deenen Takter. Hei klappt d’Verbindung seele gutt. Ech ginn Iech just d’Beispill vun der Linn 8, do ass d’Verbindung mat der Gare gutt vun der Schmelz gutt awer net aus der Richtung Ribeschpont.

Bei der Linn 9 vum Boujel op d’Gare geet dat Ëmsteigen och net, fir nëmmen e puer Beispiller erauszegräifen.

Vläit hu mer eis jo zevill vun deem neie Konzept erwaart a vläit ass déi Vermëschung vu Citylinne mat regionale Linnen net esou gënschteg.

Dofir wëlle mir als Gréng nach e puer Froe stellen zum Konzept an zu de Käschte vun dësem Konzept. Wat kascht dat Konzept par rapport zum ale Konzept.? Wat bezilt dovun den TICE? Et ass eis och net kloer, wéi dat neit Konzept zustane komm ass.

Sinn d’Étuden ëmmer vu Komobile gemaach ginn a d’Konzept och an duerno mat TICE ofgestëmmt ginn oder hu vu vireran déi dräi Partner zesumme geschafft, also d’Gemeng, Komobile an TICE? Schlussendlech beschert déi Zesummenaarbecht mam TICE eis d’Verbindung mat Esch an zousätzlech mat Esch-Belval. Mir hunn 8 Bussen an enger Stonn, déi op Esch fueren. Bei aller Sympathie fir d’Stad Esch, et ass leider net déi Destinatioun déi d’Leit am ëftesten ustriewen.

Virun allem ass déi Verbindung och net grad schnell: Vun der Gare Diddeleng bis op d’Gare Esch sinn et 25 Minutten, mä leider muss fir déi meescht d’Ëmsteige jo mat agerechent ginn.

Belval ass a wéineg manner wéi 50 Minutten ze erreechen, wann ee vun der Gare Diddeleng fortfiert.

Domat gëtt de Bus keng Alternativ zum Auto, esouguer net a Spëtzestonnen.

Wann ee sech mol dru gewinnt huet mam Zuch iwwer Beetebuerg ze fueren, dann ass ee wesentlech méi schnell zu Esch op der Gare an och zu Belval. Duerch d’Quaiwiesselen ass dat awer erëm ëmständlech an net fir all Mënsch méiglech.

Erlaabt mer also zum Schluss e puer Conclusiounen ze zéien.

Wien d’Linnen ouni Ëmklamme ka benotzen, ass fäin eraus, soss awer net.

Dat gëllt besonnesch fir déi Leit, déi schlecht ze Fouss sinn.

Fir déi Leit, déi vläit gewëllt sinn, den Auto doheem ze loossen, sinn d’Buslinne kaum méi attraktiv ginn, et bidden sech awer vill Méiglechkeete wann ee bereet ass, de Bus mat Zefoussgoen ze kombinéiere wéi beispillsweis de Site Mobilitéit-lu et oft proposéiert.

D’Reklamatiouen vun deene sëllege Leit deenen hi Problemer ech Iechvirgeluegt, heiansdo och virgejaut hunn, musse sérieux geholl ginn och wann net all Wonsch kann erfëllt ginn.

Mir sinn immens frou ze héieren, das schonns Alternativen um Dësch leien an dass d’Leit nach eng Kéier gefrot ginn, sech dozou ze äusseren.

D’Kräizung vun der Gare muss besser aménagéiert a méi iwwersiichtlech gemaach ginn.

De Busarrêt beim Kulturzentrum ass net méi sécher.

De Bus hält net méi direkt virum Zentrum an et muss een an der Libératiounsstrooss iwwer d’Strooss goen.

Bei dësem Halt brauche mer en Zebrasträife mat Luten.

Op déi Fro, ob dëse Busplang schlussendlech eng Verbesserung fir Diddeleng duerstellt, wëll ech am Moment keng Äntwert ginn. Et kann ee just hoffen, dass en et gëtt wa bei der Linneféierung nogebessert ginn ass. Am Moment gesäit et jo aus wéi wa mer um gudde Wee dohinner wären. Merci.

59 RAPPORT

Claudia Dall’Agnol (LSAP – Schäffin): Ech menge mir hu jo Invitéen hei, déi Iech kënnen eng Äntwert ginn, firwat et grad esou ass an net esou. Ech wollt just ganz kuerz drop agoen: De 15. September hu mer dat doten eréischt agefouert an duerno hu mer eis ee Mount gi fir d’Doléancë vun de Leit ze sammelen a wann ech esou héieren, wat Dir sot a wat mir och héieren hunn, a wann ech mam TICE schwätzen, mir hunn all déi nämlecht Doléancen. Mir kennen alleguerten d’Problemer, mir hunn dat gesammelt a mir hunn eis zesumme gesat fir ze kucken, wéi mer dat dote verbesseren, änneren, sou dass et Satisfactioun gëtt.

Wat ech net wëll am Raum stoe loossen, ass dass dat net virgestallt gouf. Ech war net Presidentin vun där Verkéierskommissioun, ech weess awer dass déi Leit e puermol an der Verkéierskommissioun waren an ech weess och, dass mir eng ëffentlech Virstellung hate fir all d’Bierger den 24.Oktober am Hild. Dat war jo näischt Neits. Ech stelle kuerz de Steve Arendt vir, hien ass den Direkter vum TICE, de Romain Molitor ass de Chef vu Komobile an de Mike Schooss ass Chef vum Mouvement vum TICE an op déi Detailfroe kënne si vläit agoen an och op Är Kritiken a virun allem op déi Doléancë vun de Leit, déi mer all héieren hunn.

werall op der Welt d’Bussen am Aller a Retour fueren, wat natierlech an enger Stad net ëmmer esiu einfach ass wéi vläit iwwer Land oder op grouss Distanzen.

Dat zweet war, d’Quartieren ze erschléissen, déi nach kee Bus haten, do ass zum Beispill och ee Quartier, dat war de Lenkeschléi, dee sollt, wa mer schonn en neit Konzept maachen, mat beduecht ginn, an eis Linnen dann esou ze plangen, dass mer mat de Bussen an dee Quartier erakommen, wann en op geet. Dat ass eng Explicatioun, déi d’Leit net verstanen hunn, déi uewen um Kräizbierg wunnen an ëmmer hir Linn haten, déi ronderëm gefuer ass.

Firwat dat elo eng Linn ass, déi eng Kéier op där enger Säit erop fiert an eng Kéier op der anerer Säit erop fuert, dat war einfach ugeduecht wann dee LenkeschléiQuartier bis op geet, mer mat deem engen Deel vun der Linn 4 op dee Quartier kënne erop fueren a mat der anerer, dat war d’Iwwerleeung firwat déi Linn esou geplangt ginn ass.

De Véirelstonnentakt um Citybus war net als Véirelstonnentakt geduecht mä et war ugeduecht, dass duerch deen Aller a Retour d’Leit dann an där halwer Stonn esouwuel an där enger Richtung an an där anerer Richtung de Bus kënne kréien.

Dan Biancalana (LSAP – Buergermeeschter): Ech ginn dann TICE a Komobile d’Wuert fir op déi verschidde Punkten anzegoen.

Dat war fir mech emol déi allgemeng Info wéi mer geschafft hunn a firwat mer déi Konzepter do haten.

Steve Arendt (Direkter vun TICE): Ech ginn déi verschidde Punkten zwar elo net der Rei no duerch wéi se gestallt gi sinn, mä vläit vun der Logik hir.

Do ware Saachen ugeschwat gi mam Horaire. Ech mengen, mir hunn en Horaire mat 4 Linnen, et kann een net mat all Linn och eng Verbindung op den Zuch kréien.

Dat Konzept ass erstallt gi vu Komobile, déi den Optrag vun der Stad krut, de Citybus ze verbesseren.

D’Quartieren evoluéieren hei zu Diddeleng an et ass drëm gaangen eng besser Erschléissung vu Quartieren ze kréien, déi nach net erschloss waren a si si mam éischte Konzept bei eis komme a mir hunn dat mat hinnen duerchgekuckt.

Dir hutt vun der Linn 8 geschwat: wann een an där enger Richtung den Zuch kritt, déi Linn muss jo och esou organiséiert ginn, dass mer net 5 Bussen do stoen hunn. Dat heescht, eng Linn, déi am Hallefstonnentakt fiert, déi huet am beschten eng Fahrzäit vun ënner 25 Minutten datt wann déi Linn dee ganzen Tracé gefuer ass, nach 5 Minutte Récupératiounszäit huet fir an déi aner Richtung ze fueren. Wann een dann an déi aner Richtung fiert, da kann een net op eemol 10 Minutten iwwersprangen, fir dann erëm op den Zuch ze kommen.

Déi 2 Haaptaufgaben, déi ëmmer eis ginn haten, dat war, mir haten ëmmer eng Réngféierung hei zu Diddeleng, dat ass dat wat der kennt, d’Busse fueren einfach am Tour ronderëm duerch Diddeleng a si hunn ëmmer Virdeeler an déi eng Richtung an Nodeeler an déi aner Richtung.

Dat hu mer versicht, ze änneren andeems mer wéi iw-

Dat ass leider Gottes mat 2 Équatiounen, 2 Inconnuen schwiereg. Mir kënnen natierlech nolauschtere bei de Leit, wou ass méi e grousse Besoin an da kënne mer dat upassen.

60 RAPPORT

Et kënnt eppes derbäi wat am Erschléissungsplang vu Belval dra steet. Et goung iwwer den nationale Réseau, datt eng direkt Linn op Diddeleng soll kommen. Et sinn och Studentewunnengen hei zu Diddeleng an et gouf ëmmer gesot, dass déi Leit, déi hei zu Diddeleng wunnen, eng direkt Verbindung op Diddeleng kréien.

Dir hutt selwer gesot, mir mussen ëmsteigen, dat wëllt keen. National ass awer och déi ganz Mobilitéit bal esou wäit, dass een net alles mat direkte Linnen hi kritt.

Ech fuere selwer hei vun Diddeleng op Belval an ech huelen och den Zuch an ech muss zu Betebuerg Ëmsteigen a vun engem Quai op deen anere rennen. Ech wëll elo net op deen een oder deen anere klappen, mä et ass fir mech onverständlech dass een do heiansdo esouguer den Zuch verpasst.

Ech stoung awer och scho mol 20 Minutten do ze fréieren an op de Bus ze waarde fir zeréck op Esch.

Mir hunn ähnlech Problemer, d’Verspéidunge sinn ugeschwat ginn. Mir maachen villes fir de Bus mä mär hunn hei nach kee Couloir-Bus, do kämpfen ech och an engem Groupe de travail landeswäit, dass mer Couloire maache fir dass mer mat de Bussen duerch kommen.

Et kënnt esouguer elo een op d’Autobunn, ech si ganz frou well do kämpfe mer schonn zënter 5 Joer drop.

Wann d’Leit net nëmme mam Bus méi bëlleg mä och méi séier wéi mam Auto enzwousch hikommen, da kréie mer och nach méi Leit op de Bus. Wa mer hei zu Diddeleng Busspure kréien, ass et bestëmmt net un eis, dass mer dat iergendwéi géifen a Fro stellen.

D’Spidol ubannen, dat hu mer probéiert, ech weess dass den Här Zanussi mer nach gedreemt huet eng Kéier mam Bus an d’Spidol ze kommen a mer hu gesot, et wier gutt wann een an 2 Richtungen op d’Spidol kéint kommen. Verschidde Leit komme besser dohinner anerer net.

An der Hoffnung, dass mer d’Leit nach méi zefridde stelle kennen, et ass awer sou, dass et ëmmer Onzefriddener gëtt. Déi Leit, déi virdrun eng ideal Busverbindung haten an déi net méi hunn, déi jäitzen an dat ass och verständlech.

Ech hunn awer och Leit, déi mer Merci gesot hu fir deen neie Bussystem an dass dat effektiv besser ass oder déi kee Bus haten oder hätte missen an der Schléif fueren.

Dann déi Problematiken, déi mer haten: Wou solle mer déi Busse matenee verkräizen an do ass sat ugeschwat ginn. Am léifsten hätte mer dat gär op der Gare gemeet mä aus geografeschen Ursaachen ass dat net gaangen.

Mir hunn dru geduecht, Trapen ewech ze rappe fir do eng Quaianlag hinzekréien, wat fir eis en zentrale Punkt ass wou d’Linne sech alleguerte kräizen. Mir hunn awer och héiere wéi d’Leit reklaméiert hunn, dass méi e grousse Besoin op der Gemeng ass. Den Espace ass awer do net onendlech a wann ee Buslinnen organiséiert, kann een net ëmmer mat all de Linnen op eng Plaz fueren. Dofir war dee Mix, dass d’Linnen sech op der Gare schneiden an awer och nach op der Gemengeplaz.

Dee Panneau, do hu mer och dofir gekämpft, dee war eréischt virgesinn an 2 Joer fir iwwerhaapt installéiert ze ginn. Déi gi landeswäit installéiert zu Esch stinn se schonns, Ech wollt en do hunn, wou déi meeschte Linne sech iwwerschneiden. Dee Panneau huet am Fong 2 Virdeeler, éischtens gesäit ee relativ gutt wéi ee Bus kënnt awer et huet een och déi Echtzäit-Informatioun.

Et ass déi Zäit an där de Bus an der realer Zäit kënnt.

Dat ass e Fortschrëtt fir d’Leit op de Bus ze kréien.

An der zweeter Phas kënne mer och e Panneau bei d’Gemeng stellen.

Een Deel vun deene Linnen, fir Esch an Diddeleng, déi hunn och e Citybusnetz. Déi regional Linne gi vun de Gesamtgemenge finanzéiert nodeems de Stad an der Konventioun och do en Deel bäigeluecht huet.

Ech war mat deen 4 verschidden Transportministeren zesumme gewiescht an et war keen, dee probéiert huet, den ëffentlechen Transport net ze förderen. Si hëllefen eis ganz vill. Virgëschter hu mer e Budget gestemmt als Syndikat vun iwwer 50 Milliounen am Joer, extraordinäre an ordinäre, da weess een awer wat dat fir en Opwand ass an do gëtt vum Staat 70-75% iwwer d’Conventioun ofgedeckt.

An et ass och dat wat mer zu Diddeleng probéieren, dass mer esou vill wéi méiglech an d’Conventioun mam Staat era kréien. An der Zäit hate mer 4 Linnen hei zu Diddeleng, do hate mer der och 2 an der Conventioun mam Staat sou dass Diddelenger Gemeng just eng Linn bezuelt huet.

Dat hu mer och mat bäi geholl, mir musse bei de Staat goen a soen, dass den Intérêt interkommunal ass an dofir hu mer dann och déi Linn 4, di erop de Kräizbierg geet, dat ass eng interkommunal Linn a gëtt iwwer d’Conventioun mam Staat ofgedeckt sou datt mer hei

61 RAPPORT

just d’Linn 9 hunn, déi op d’Käschte vun der Gemeng ganz alleng geet. Doduerch dass mer déi Linn an 2 Richtunge fueren, brauche mer e bësse méi Leit, sou dass d’Méikäschten an engem Kader bleiwen dee relativ reduzéiert ass an engem Beräich vu 15-20%.

Mir hunn natierlech och e puer Alternativen. Déi Haaptdiskussioun ass dat mat der Linn 4, déi als Stéchlinn op de Kräizbierg fiert, do hum e als Alter dass mer mat der Linn 4 op d’Gemeng fueren an dann eng Schléif all hallef Stonn fuere ab der gemeng, d’Zoufftgerstooos erop op de Kräizbierg an déi aner Säit duerch d’Nic Biever Strooss erëm erof. Dee ganze Quartier, deen am meeschte gejaut huet, kritt domat nees eng direkt Verbindung op d’Gemeng. Wann de Lenkeschléi op ass muss een da kucken, wéi een dee Quartier erschléisse kann oder ob déi Leit dann op d’Strooss trëppelen.

Déi aner Fro war mat deene Linnen, déi hin an hier fueren, do awer da kleng Schléifen ze fueren. D’Linnen 8 an 9 kënne sech an der Mëtt kräizen an et kann en eng kleng Schléif duerch de Quartier maache fir zeréck an den Zentrum ze maachen.

Déi Leit vun der Lauenburgerstrooss wëllen eng Spill Strooss a kee Bus dra mä eis Missioun ass ëmmer nach, derfir ze suergen, das all Strooss e Bus kritt.

Soll de Bus dann do net méi fueren? Et ass ugeduecht, et ass eng Propose, déi Alternativen nodeem mer Iech se virgestallt hunn, einfach och de Leit an de Quartieren déi Alternativ ze ginn an se ze froen, wat se léiwer hunn. An da musse mer op Grond vun de majoritaire Meenungen eng Décisioun treffen. Dir hutt et selwer gesot, mir kréien net all Mënsch glécklech gemaach.

Dat ass eng Saach vun der Onméiglechkeet. Zu Esch hu mer och de Citybus geännert, do hu mer ähnlech Reklamatioune kritt. Mir huelen alleguerten D’Doléancen op a probéieren se ze respektéieren. Et sinn ëmmer déi Leit, déi de Bus gär huelen, déi e gär no bäi hunn an et sinn ëmmer déi Leit, déi de Bus net huelen, déi keen an hirer Strooss wëllen, do kënne mer näischt drun änneren.

mam Bus, wéi et och geometresch geet an dat och getest.

Do war d’Zesummenaarbecht scho ginn an eis Iwwerleeung war, all Quartier an eng lisibel Linn ze maachen, also am Prinzip e groussen X iwwer Diddeleng ze leeën an dann an all Quartier lénks a riets vun der Eisebunn – Ribeschpont, Boujel, Biréng, am Norden, an Italien, Gaffelt, a Greisendall, Spidol am Süden - dat war de Grondgedanken. Wann een dat lisibel huet, dat ass och fir déi Leit, déi geleeëntlech de Bis huele méi einfach ze verstoen.

Zwou Prémissen hate mer och. Mer wollten den Zuch ubannen an de Citybus an den Zentrum. Do hu mer natierlech net ëmmer d’Gemeng als Zentrum ugebonne mä och d’Kierch en vue vum Aménagement vun der Kiercheplaz an d’Proximitéit zu der Niddeschgaass, praktesch an der Mëtt vun där Strooss.

D’Iwwerleeung fir erop op de Wolkeschdall an de Kräizbierg, dat war d’Utilisatioun vun enger Pufferzäit, déi mer konnten notzen an déi mer effizient genotzt hunn andeems mer eng hallef Stonn duerch d’Rue de la Paix an déi aner hallef Stonn duerch d’Zoufftgerstrooss fueren an um Kräizbierg de Quartier Lenkeschléi mat aschléissen. De Problem ass natierlech, wann een déi Stéchlinne mécht, da fiert déi eng Linn als Linn 4 iwwert d’Kaylerstrooss an huet dann éischter en Arrêt fir den Zentrum an der Rue du Parc an dat ass dann net méi direkt den Zentrum. Et gëtt natierlech ëmmer B-Mollen, wann ee versicht, al Parameter ze notzen an och nach spuersam ze sinn. Mir hunn net onendlech vill Suen an dat waren dann déi Iwwerleeungen, dass mer de Rendez-vous op der Gare wou all 4 Linnen zesumme kéimen, geet net wa mer en zousätzleche Bus mussen asetzen. Dat gouf ze deier an den zweete B-Mol ass dass een e versatenen Takt mam Zuch huet. An eng Richtung ass et gutt an an déi aner muss ech méi laang waarden.

Ech kann och nach dem Här Molitor d’Wuert gi fir de Konzept selwer ze erklären oder Saachen ze erläuteren, déi ech elo vergiess hunn.

Dat si Contrainten déi mer versicht hunn ze léisen an alles méiglechst gutt unzebannen. Natierlech sinn do ëmmer erëm déi éiweg Onzefridden

Romain Molitor (Chef vu Komobile): Mir hunn an Zesummenaarbecht geschafft a mir hu schonn am leschte Joer ugefangen, verschidde Linnen auszetesten a mir sinn och vill aner Variantë gefuer mat dem Instrukter

Steve Arendt (Direkter vun TICE): Och vum Horaire hir si mer dervun ausgaang, dass déi Leit am Greisendall keng gutt Zuchverbindung hunn. All di aner Quartieren hu jo mat deene 4 Garen e gudden Uschloss. Dat heescht, di

62 RAPPORT

Linn, déi an de Greisenfall wollte mer esou takten, dass déi en Zuch am Zentrum vun Diddeleng kréien.

Wann d’Leit léiwer de Bus 10 Minutten éischter wëlle kréien, da muss ee wëssen, dass dann aner Leit de Bus 10 Minutte méi spéit kréien. Wann een esou e Fahrplang mécht, dann ass ëmmer dee selwechte Problem an da muss ee soen, dat ass eis Prioritéit. Sou sinn eis Iwwerleeungen, dat hu mer net einfach esou gemaach, wéi mer alles geplangt hunn.

Wat wichteg ass, d’Leit brauchen erfahrungsgemäss ëmmer eng gewëssen Zäit bis se sech un eppes gewinnt hunn an et soll een net alles direkt erëm réckgängeg maachen. Mir huelen alles op, mir maachen eng Propose a wann déi ofgeseent ass, da gëtt dat nei organiséiert.

Den Nodeel vun där ganzer moderner Infrastruktur, et gëtt alle ugesot wa mer op d’Arrête kommen, d’Fahrpläng sin elektronesch dat gëtt an Echtzäit vun der Mobilitéitszentral opgeholl a wa mer Ännerunge maachen, da gëtt déi ganz Organisatioun geännert, 350 Leit kréien dann en neie Schaffplang, all déi Tier mussen nei geplangt ginn, d’Fahrpläng musse komplett nei gemaach ginn, d’Congésplanung gëtt nei organiséiert, sou dass, wa mer eis eens sinn, dass mer déi Modifikatiounen solle maachen, mir mindestens 4 Méint brauche fir dat ëmzesetzen. Dofir ass et wichteg, dass d’Leit eis op Nofro soen, dat doten ass effektiv dat, wéi mir eis dat besser virstelle mam Bus ze fueren. Wa mer dat zesummmen hunn, da setze mir alles drop fir dat esou séier wéi méiglech ëmzesetzen. Wa mer mat engem Bus riets amplaz lénks ëm den Eck fueren, ass dat natierlech keen esou en Opwand.

Jean-Paul Friedrich (CSV): Ech mengen ech hat Gott sei Dank déi Chance an der Kommissioun derbäi ze sinn, well ech hat mer eng ganz Rei Saachen opgeschriwwen, déi elo net méi musse gesot ginn. An der Verkéierskommissioun gouf gesot, dass vill Saachen ugeschwat gi sinn, mäin Telefon ass och doheem waarm gelaf. Et si ganz vill Leit un eis erugetrueden an ech hunn et e bësse schuet fonnt dass Petitioune gemaach ginn, wéi zum Beispill am Altersheim, wou d’Leit net bis op déi Strooss kënne goen. D’Leit ware verluer, wat schuet ass. Et ass natierlech net méiglech jidderengem dat gerecht ze maache mä et muss awer e bësse gekuckt gi fir de Leit et esou gutt ewéi méiglech gerecht ze maachen. Do si mer jo um gudde Wee, mir bannen

d’Leit an, mir maache Modifikatiounen déi d’Leit majoritär virbruecht huet. Déi Haaptprinzipe musse respektéiert ginn a mir mussen d’Leit berouegt kréien. Et sinn och vill Plazen, wou de Bus hält, wou awer Saachen nach net gemaach sinn. Zum Beispill feelen um Kräizbierg en Zebrasträifen an et ass wichteg, dass wann een dat plangt, dass d’Konzept herno passt an dass mer no 4-5 Méint Plange plus ou moins jiddereen zefridde stelle kënnen. Den TICE soll do si fir d’Leit an d’Leit sollen esou vill wei méiglech kënnen dovu profitéieren. Wa mer op dee Wee kommen, dann hu mer alles richteg gemaach.

Michèle Kayser-Wengler (CSV): Ech wëll drop hiweisen, dass d’CSV-Fraktioun beim Bushaltestellekonzept deemools dat Reglement am Géigesaz zu de Gréngen, déi do méi euphoresch waren, net gestëmmt hat, well mir schonns op vill Schwaachplazen opmierksam gemaach haten. Ech muss och soen, mir haten och drop higewisen an där Réunioun iwwer de Citybus-Konzept am Hild, dass d’Leit genee déi selwecht Doléancë virbruecht hunn, déi elo och erëm virbruecht ginn.

Ech fannen et traureg, dass wann déi Gréng dat doten net op den Ordre du jour gesat hätten a wann d’Bierger net massiv protestéiert hätten an net eng Petitioun am Altersheem ënnerschriwwe gi wier, wahrscheinlech guer näischt geschitt wier.

Ech sinn e bëssen traureg dass net am Virfeld dat alles gemaach ginn ass an dass eréischt nodeems een Dag virun dem Gemengerot dee Punkt vun deene Gréngen, vun der Oppositioun op den Ordre du jour gesat gëtt, in extenso driwwer diskutéiert gëtt, dat fanne mir e bësse lamentabel.

Mir hunn ëmmer gesot, dass méi resolut mam TICE muss verhandelt gi fir dass de Bierger Rechnung gedroe gëtt an dass méi op de Bierger muss gelauschtert ginn.

Mir hoffen, dass dat heiten och eng Lektioun fir de Schäfferot ass. Partizipativ Bedeelegung, dat geet net ouni Informatioune korrekt an zum richtegen Zäitpunkt, un déi richteg Leit, un all d’Bierger weider ze ginn an et geet och net ouni ze lauschteren op d’Leit an och op d’Oppositioun heiansdo.

An dofir, wéi gesot, mäin Appel; Verhandelt och! Mer haten déi selwecht Diskussioun mam CFL etc. a mir

63 RAPPORT

krute ganz vill Informatiounen, mä: Gitt Iech net! Mir bezuele Milliounen an den TICE an et sinn awer nach Quartieren wou d’Leit nach ëmmer net frou sinn. Ech weess, dass een net jidderengem et Recht ka maache mä et muss awer méiglech sinn, mat klenge Bussen.

Och déi Quartieren ze desservéeiren, dee vereelst, wou vill al Leit wunnen.

D’tatsaachm dass dat alles net am Virfeld geschitt ass, weist hin op e Mismanagement vum Schäfferot an ech hoffen, dass mer bei deenen nächste Punkte méi prospektiv wäerte schaffen.

Romy Rech (LSAP): E schéint Thema! Fir mech ass dat allerwichtegst an ech maachen en Appel un eis alleguerten, dat ass d’ Versachlechung vun där komplexer Thematik. Dat ass fir mech ganz wichteg aus enger ganz einfacher Ursaach: Ech wunnen 14-15 Stonnen hei zu Diddeleng an de Rescht vun der Zäit wunnen ech an der Stad. Dat heescht, ech schaffen an der Stad. Ech mengen, et sinn der nach eng Partie, déi do schaffen an déi déi selwecht Problematik op zwee verschiddenen Terrainen hunn. Ech muss éierlech soen, wat fir mech hei zielt daat dat ass objektiv, dass mer versichen, d’Leit beschtens mat Bus a Bunn ze transportéieren, an all Quartiere bénéficiéiren a profitéieren ze loosse vun deem performanten ëffentlechen Verkéiersnetz.

Déi zweet Saach ass awer déi, dass d’Realitéit um Terrain, d’topografesch Realitéit um Terrain eng ganz, ganz aner ass. Dat muss een awer och emol eng Kéier betounen. Éischtens , an der Stad Lëtzebuerg, wann ech vun der Gare oder vun Hollerech op den Hamilius fueren, hunn ech dräi Véirel vun der Streck déi an enger Busspur leien. Dat däerf een nun eemol net vergiessen. An dee Bus huet nach Riseproblemer säin Timing anzehalen an virunzekommen.

Weiderhin hu mir hei zu Diddeleng déi Topographie déi mer hunn, a mir hu keng eenzeg Busspur, dat heescht, et ass e bësselchen d’Quadratur des Kreises, ganz éierlech, fir iwwer Optimiséierung ze schwätzen, wann een net och eng Rei vu Saache kann ubidden, déi vläit op anere Plaze méiglech waren duerch déi Risenavenuen, déi se haten, an déi mir hei einfach net kënnen am Moment ubidde well déi Stroossen dozou net gëeegent sinn. Dat ass eng Tatsaach an ech kann et och net änneren. An där vun der Oppositioun, där kënnt et och net änneren an dofir sidd där grad esou traureg wéi ech et sinn. Dat ass awer net dem Schäfferot seng Schold.

Déi aner Geschicht ass déi: Wann engem hei zu Diddeleng dat passéiert wier wat immens villen Utilisateure vum ëffentlechen Transport an der Stad passéiert ass, an ech ginn iech eng Place-clé an der Stad un, nämlech déi bei der Krankekeess zu Hollerech hannert der Eisebunnsbréck. Virun engem Joer: an enger Véirelstonn sechs Busméiglechkeeten. Haut: annerhallef Busméiglechkeeten. An do sëtzt d’LSAP net am Schäfferot an do, léif gréng Kollegen, do sëtzen déi Gréng am Schäfferot. Vu sechs op annerhallef, an deen halwen, dat ass een, deen zweemol an der Stonn kënnt, dee muss och heiansdo iwwer Net-Busspure fueren, de kënnt e mol heiansdo guer net. Dat heescht vu sechs op een. Dat ass d’Wourecht. Just, hei zu Diddeleng an do sinn ech mat iech alleguer d’accord, hu mer eng aner Situatioun an där Hisiicht, dass an der Stad Lëtzebuerg vill Net-Stader-Wieler de Bus mussen huelen an dofir si Lokalpolitiker do manner ënner Drock wéi mir hei zu Diddeleng, well hei vill Résidanten de Bus huelen an och doru gewinnt si präzis servéiert ze ginn.

Also, et kritt een an där doter Geschicht hei vill Méiglechkeeten, wann een och gutt bezilt. Da kann een nach ganz vill Saache méi maachen. Wéi schonns oft hei gesot, mir bezuele Milliounen. Mä, mir bezuelen dat wat mir musse bezuele fir dass Diddeleng beschtméiglech un den ëffentlechen Transport, Bus an Zuch, ugebonnen ass.

An dee kann net duerch al Strooss fueren oder leien ech do falsch. Also muss een hei net nëmme kritiséieren an un déi Leit denken, déi am Moment massiv reklaméieren - och wann ech Verständnes hu fir déi Leit, déi och méi al sinn an de Bus huele fir an de Stadkär ze kommen – mä och déi positiv Aspekter berücksichtegen, a vun all deene Leit schwätzen, déi gëschter kee Bus haten.

Just deen Utilisateur, deen huet een Nodeel, dee mellt sech net, deen ass zefridden. Ech wär frou wa mer dat positiivt mol eng Kéier géifen erausstellen.

Wa mer de Leit souvill méi wëlle bidden, da kënne mer jo och beim Budget beschwätzen, wéi mer dat wëlle bezuelen a wat mer dann an anere Beräicher net maachen an net wëlle bezuelen an dann einfach stoppen, deen dote Choix ass elo kloer an däitlech politesch getraff.

De Choix muss een och bezuelen an dat och do bausse soe wann een an anere Beräicher mam roude Stëft driwwer fiert.

Dee Wee, dee mer elo hei am Gemengerot an och an der Verkéierskommissioun, zesumme mat de Responsabele

64 RAPPORT

wëllen agoen dee richtegen , nämlech dass mer Doléancen vun de Leit entgéinthuelen dass déi notéiert ginn, dass mer kucken, dass mer en einegermoosse fléissenden Iwwergang kréien a mat deene villen Haltestellen et fäerdeg bréngen, dass de Bus och duerch d’Stroossen an Quartiere fiert wou e virdrun net war an dass mer d’Verkéiersnetz fir all d’Bierger optiméiert kréien.

Colette Kutten (Déi Gréng): Eng ganz kuerz Fro zu de Busse selwer, well och d’Chaufferen déi d’Strecke fueren, sinn net ëmmer begeeschtert well déi Stroossen deelweis ze schmuel an d’Bussen ze grouss sinn.

Ginn et dann als Citybussen net e bësse méi kleng Bussen? Dat wier jo méi praktesch fir jidderee wann ee kéint de Bus de Stroossen upassen. An insgesamt fir dem Romy Rech ze äntweren: Insgesamt si mer eis jo alleguer eens datt een net jidderengem alles Recht maache kann; et ass awer esou, dass wann een eng Ännerung vun esou enger Envergure mécht, da soll dat och am Gemengerot diskutéiert a presentéiert ginn. Dat war eppes wat mer do vermësst hunn. Ansonste fanne mer et super, dass d’Leit elo gefrot ginn an datt eventuell dann Nobesserunge kommen. Et verlaangt keen dat Onméiglecht.

Claudia Dall’Agnoll (LSAP – Schäffin): Et hätt ee vläit kéinten en informelle Gemengerot maache wou een dann déi Detailer virstellt. Dat kann ee bei esou Projete maachen. Mir ginn zwar och ëmmer dovun aus, dass wann s de eppes an enger Kommissioun virstells, dat och weidergi gëtt.

Ech wëll et elo nach eng Kéier soen: Wa mer de 15.

September ufänken, eng Linn ze fueren, da muss een de Leit mol Zäit gi fir datt se erausfannen, wa gutt ass a wat net geet. Mir haten eis ee Mount Zäit ginn dofir.

Mir haten e Stand um Maart, mir haten e Stand um Dag vun der Mobilitéit, mir hunn eng Annonce geschalt fir dat d’Leit eis d’Doléancen eraginn, d’Leit hu beim TICE ugeruff an den TICE huet keng Baguette magique, dat muss ofgestëmmt ginn. Eréischt wéi mer bereet waren, mat Léisungsvirschléi ze kommen, hu mer déi Verkéierskommissioun gemaach.

Elo ginn ech nach dem TICE d’Wuert fir iwwer d’Bussen ze schwätzen a mir kënnen och op d’Altersheem zeréck kommen.

Steve Arendt (Direkter vun TICE): Ech ginn dann elo op déi puer Froen an an ech soen och nach eppes aus, wat ech virdru vergiess hat. De 14. September, deen ass och en Datum, deen net reng vun Diddeleng komm ass, dat war d’Ouverture vun der Uni zu Esch,. Dat ass e grousse Moment fir de Süden a mir sinn en Transportsyndikat am Süden, mir hunn dat ganzt Netz op deen Ouverturesdatum vun der Uni ugepasst. Dofir hu mer och alleguer déi Modifikatioune vun Diddeleng matgeholl a mir konnten dee Stéchdatum net méi änneren.

Déi vill Haltestellen, déi Diddeleng an deem kuerzen Zäitraum hi kritt hunn, ech hätt net geduecht, dass der dat fäerdeg géift bréngen. Wa mer nach weider diskutéiert hätten, dann hätte mer vläit och nach aner Léisunge fonnt.

Wat d’Remarque vun der Verkéierskommissioun ugeet, do ware mir derbäi a mir haten de Projet do virgestallt an et gouf vill diskutéiert.

Den ëffentlechen Transport, do versteet all Mënsch eppes dervun, do äussert sech och al Mënsch derzou an et kritt e ganz schwéier, e Konsens well all Mënsch mengt, e misst säi Pefferkär bäidroen. Dat hu mer jo och beim Tram gesinn.

Zu de Busse wollt ech soen, och dat war ënner Zäitdrock a mir hu gëschter technesch Kommissioun gehat a mir hunn 10-Metre.Busse bestallt, di si méi kleng an déi kommen am September an déi ginn haaptsächlech zu Diddeleng agesat. Mir probéieren ëmmer, ze plangen. Wa mer eng Linn plangen, plange mer se esou, dass mer och mat normale Bussen derduerch kommen.

De Problem Altersheem, do war geplangt, dass mer net do era fueren an dat ass déi eenzeg Plaz, wou e Linnebus eragefuer ass. Si sëtze bannen am Préau op hire Bus ze waarden a kommen eraus wann se de Bus gesinn. Mer verléieren och vill Zäit do. Wann do eng Kéier en Auto queesch steet, da komme mer net méi eran an net méi eraus. Mir wollte virun der Dir stoe bleiwen an och net méi era fueren an do war grouss Oppositioun vun de Leit, déi do wunnen. Natierlech versiche mir , eis de Leit unzepassen an dofir fuere mer mat klenge Bussen do bei d’Altersheim eran. Dat sinn déi kleng Mercedes-Bussen a si ginn am September 2016 agesat.

65 RAPPORT

Dan Biancalana (LSAP – Buergermeeschter): Et ass wichteg an Austausch ze hunn, de Wee ass virgezeechent fir e System, dee seng Schwächten huet, wou Adaptatioune gemaach gëtt awer och seng Stäerken, vun deenen net vill geschwat gëtt. Mat der Réckmeldung vun d Bierger wäerte mer de Wee fräi hunn, fir déi Alternativen, déi mer eis hei ginn hunn, an dem gesaten Timing ëmzesetzen an och sécherlech nach eng Kéier eng Diskussioun hei wäerten hunn. An dësem Kader ass et wichteg, sachlech ze bleiwen. Merci eisen Invitéen, déi hei ware fir déi verschidde Punkte mat all hirer Komplexitéit ze beliichten an Erklärungen ze ginn.

12. FROEN UN DE SCHÄFFENA GEMENGEROT Dan Biancalana (LSAP – Buergermeeschter): Mir hunn eng Fro virleie vum Nathalie Haas an eng vum Britt Schlussnuss an dofir wëll ech dem Loris Spina d’Wuert ginn.

Loris Spina (LSAP – Schäffen): Da géing ech emol fir d’éischt virliesen, wat mer vun deene Lénken era kritt hunn: “Heimat erlaben ech mer, iech e puer Froen ze stellen zu engem Virfall an der Sportskommissioun. Wéi schonns an deene leschte Joeren huet d’Sportskommissioun sech mat der Virbereedung vun der Sportleréierung, déi 2014-2015 am November soll stattfannen, befaasst. D’Membere vun der Kommissioun wollten déi éischter méi roueg Veranstaltungen e bësse méi attraktiv gestalten an haten dofir d’Iddi, dass et net méi nëmmen ee vun hinnen, méi zwee Membere sollten duerch den Owend moderéieren.

Ganz am Sënn vun der Gläichstellung sollt et e Mann sinn an eng jonk Fra, d’Carole Thoma, déi säit 2011 fir Déi Lénk Member an dëser Kommissioun ass. Dës ass unanime vun de Memberen ugeholl ginn. Dofir wéilt ech och op de Statut hiweisen, deen an der Reglementatioun fir eis Kommissiounssëtzungen an alle Beräicher besteet, dat ass den Artikel 15 (deen ech awer elo net wäert virliesen, dee fannt der jo erëm) an hier rezenter Sëtzung huet hinnen awer de President de Bob Claude vun der LSAP gesot, dass de Schäfferot hir Iddi vun der Moderatioun verworf huet mat der Ursaach, dass d’Carole Thoma aus parteipolitesche Grënn net op der Bühn erwënscht wier.

Doropshin hätt den Här Claude iech gesot, dass hien oder en aneren dann och net géif zur Verfügung stoen an dir da wann ech gelift sollt derfir suergen, dass eng neutral Persoun dat iwwerhëlt. Ech hunn héiere wéi wann elo soll e professionelle Moderator engagéiert ginn. Wann dat esou ass, dann handelt et sech hei ëm eng manifest Diskriminatioun vum Carole Thoma op Grond vu senger politescher Iwwerzeegung. Zousätzlech ass et en Affront géint déi ganz Kommissioun, di stolz drop ass, gutt, kollegial an iwwerparteilech am Sënn vum Sport ze funktionéiren an dir hätt hir Aarbecht an hir Meenung net respektéiert gehat. Bezüglech dësem Thema muss ech soen, datt et traureg ass, datt esou Diskussiounen opkomme mussen an datt dat sougenannte Parteipolitescht iwwert dat Mënschlecht erausgeet.

Zudeem geet et och dorëm, enger Stéréotypiséierung opgrond vu Meenungsfräiheeten an aner jeeweilegen ethneschen a mënschleche Begrënnungen, déi op enger gesellschaftlecher an hei och politesch faktorescher Indikatioun baséieren, entgéint ze wierken. Dofir stellen sech an dësem Kontext gewësse Froen eraus, déi, wéi ech mat Bedauere muss feststellen, och musse gekläert ginn.

66 RAPPORT

Dofir riichten ech folgend Froen un iech: Hutt dier dës Aussoe genee esou wéi den Här Claude se der Commissioun matgedeelt huet, gemaach? Ass et richteg, dass dir iech eréischt fir e professionelle Moderator décidéiert hutt, nodeems der héieren hutt, wie sollt duerch deen Owend féieren? Kënnt der wann ech gelift matdeelen, wéi héich de finanziellen Opwand fir dës Moderatioun wäert sinn?

An der Erwaardung op séier a kloer Äntwerten op meng Froe verbleiwen ech mat beschte Gréiss, Dat ass emol dat wat mer era kritt hunn, dann elo zu den Äntwerten. Wéini ass déi Diskussioun ugaange mat dem professionelle Moderator? Dat war schonn ugaangen, wéi de Patrick Engel senger Zäit zeréck getrueden ass, do ass dat fir d’éischt an d’Ronn geworf ginn, wou mer diskutéiert hunn ob een net sollt op e professionelle Moderator zeréckgräifen, well et effektiv net ëmmer einfach war, een ze fanne, deen op d’Bühn gaangen ass. Méi konkret ass et gi bei der leschter Championsfeier, wou mer alt erëm festgestallt hunn, dass Diddeleng ganz vill Titelen ewech gedroen huet a fir deem Cachet vun der Sportleréierung nach e bësse méi Valeur ze ginn, hate mer eis do am Fong geholl op de Wee gemaach fir e professionelle Moderator ze fannen.

Deementspriechend ass dat kee ganz neie Moment.

Dat heescht, et ass effektiv e Kommunikatiounsproblem ënnert eis an dem President vun der Sportskommissioun, deen dat esou kloer oder effektiv net matgedeelt kritt huet oder et net verstanen huet. An deem Sënn ass dat, wat hien an der Sportskommissioun gesot kritt huet, e bëssen diffus gewiescht.

Wat elo natierlech de finanziellen Opwand ubelaangt, do ass et jo kloer, dass déi Leit e Cachet kréien. Sou wéi dat an dem Milieu och virgesinn ass an dat ass am Kader vun de Finanzen, respektiv dem Budget, deen déi Kommissioun zur Verfügung huet, ënner ze kréien, sou dass mer do keng Iwwerraschunge mussen erwaarden.

Ech wëll hei nach eng Kéier rappeléieren , dass eng Kommissioun en Avis ofgëtt an dass et nach ëmmer de Schäfferot ass, deen d’Décisiounen hëlt, muss huelen.

Heiansdo ass dat eent zu eent ëmzesetzen, wat den Avis vun der Kommissioun ass, heiansdo eben net an deementspriechend ass dat elo näischt wierklech Iwwerraschendes. Merci.

Dan Biancalana (LSAP – Buergermeeschter): Ech géif dann op déi zweet Fro iwwergoen, wat just eng Verständnisfro ass. Mir féieren elo hei keen Débat.

Nathalie Haas (Déi Lénk): Net verstanen oder net matgedeelt? Dem Bob?

Loris Spina (LSAP – Schäffen): Matgedeelt an net richteg verstanen. Well et vläit och net esou kloer war. Mir hu gesot mir sinn op der Sich no engem Moderator. Et war vläit net kloer fir hien ob mer do schonn ee fonnt hätten oder net.

Dan Biancalana (LSAP – Buergermeeschter): Da komme mer op déi Fro vum Britt Schlussnuss par rapport zu der Diddelenger Fleegestatioun an et berifft sech do op d’Stellungnahm vun Natur & Ëmwelt Enn Oktober 2015 iwwert d’Fleegestatioun zu Diddeleng, am Kader vun deenen Diskussiounen, déi stattfonnt hunn och via Presse tëschent der Professionaliséierung an dem Bénévolat vun Natur & Ëmwelt, deementspriechend och eng Pressekonferenz, Pressebriefing organiséiert hat, berifft sech och op eng Stellungnahm vun der Fleegestatioun, dass effektiv ëmmer méi Déieren do behandelt ginn a freet an deem Kontext, ob déi Verantwortlech vun der Fleegestatioun an deene leschte Joren iwwer den akute Plazmangel sech bei der Gemeng beklot hunn, firwat dass am Kader vun deenen Diskussiounen déi een an der Presse konnt liesen, d’Gemeng sech als Vermëttler proposéiert huet, ob am Kader vun der Zesummenaarbecht tëschent der Stad Diddeleng an der Fleegestatioun och d’Gemeng eng Rei Käschten iwwerhëlt an am Kader vun Diskussiounen, déi och déi iwwer d’Press statt fonnt hunn, wéi d’Ausriichtung ass fir de Site ze vergréisseren a par rapport zum Timing, ob dat am Laf vum Joer 2017 soll stattfannen.

E Kader vun dëser Situatioun ass jo deen, dass d’Fleegestatioun jo vun Natur & Ëmwelt, wat fréier den LNVL geréiert ginn ass an an deem Kader jo e ganz wichtegt Bénévolat statt fonnt huet iwwer de Grënner Jean François, deem säi Meedchen déi Statioun als Bénévol iwwerholl huet an och vill Zäit dran investéiert huet an d’Gemeng deemools, wéi d’Fleegestatioun op Diddeleng komm ass, och en nationale Charakter an hir Wichtegkeet huet, en Terrain zur Verfügung gestallt huet an och en Deel vun de Käschten iwwerholl huet.

67 RAPPORT

Dat war och ufanks 2000 wou eng Délibératioun erfollegt ass, déi och hei am Gemengerot beschwat ginn ass.

Dat heescht, d’Gemeng huet d’Terrainen era bruecht an een Drëttel vun de Käschte vu Bau vum Haus iwwerholl. Deen aneren Drëttel ass iwwer de Ministère gelaf an en aneren Drëttel iwwer Donen. Mir sinn hei an enger Situatioun wou d’Gemeng eng Konviktioun hat mat Natur & Ëmwelt an Natur & Ëmwelt natierlech fir di ganz Exploitatioun vum Site eng Conventioun huet mat dem Ministère, wou si natierlech als Natur & Ëmwelt eng ganz Rei vun Oplagen ebe musse respektéiere fir dass déi Aktivitéite vun de Fleegestatioun kënne stattfannen.

Dat zu der juristescher Form , wéi dat Ganzt funktionéiert. Wat elo par rapport iwwer de Plazmangel ugeet, et gouf mol eng Kéier déi eng oder aner Kéier, phaseweis, en fonction vun der Zuel vun den Déieren.

Déi komm sinn, mol méi, mol manner, gouf der Gemeng zougedroen, dass e Plazmangel besteet, dat war awer ni akut, dat war phaseweis en fonction vun Déieren, déi dohinner komm sinn, an d’Gemeng gouf ugesprach dass d’Iddi vun der Vergréisserung wichteg wär fir zousätzlech Voilière fir Vullen, Gräifvigel, dat wäre Besoinen, déi d’Fleegestatioun hätt, Natur & Ëmwelt fir am Fong d’Déieren no der Verletzung nees fléien ze léiere fir se erëm an d’Natur fräisetzen ze kënnen. Well deen ee Volet ass, wann Déieren, déi verletzt sinn, an d’Fleegestatioun kommen, dat gi se gefleegt an herno ass jo dann d’Iddi dass se erëm fräi gelooss ginn. An dat war de Kader wou virun enger ganzer Rei Méint Natur & Ëmwelt un eis erugetrueden ass fir d’Voilière ze vergréisseren.

Wéi ass et zou där Vermëttlerroll komm? Et war fir d’Gemeng wichteg, déi Propriétaire vum Terrain ass an en Deel vun de Käschte fir de Bau vum Haus iwwerholl hat, déi zwou Parteien un een Dësch ze bréngen an dofir ze suergen, dass se am Dialog bleiwen. Och déi Bénévolen, déi ganz vill Zäit an Energie an dës Saach gestach hunn. Si war haut sécher net dat wat se haut ass ouni d’Aarbecht vun de Bénévolen. Fir weis als Gemeng war et wichteg, och als Stad wou de Bénévolat héich gehale gëtt, och hei de Bénévolat ze stäerken. Den Twist war, dass dees Struktur wëllt professionaliséieren a wat ass de Rôle an d’Plaz un de Bénvolen an där neier Ausriichtung a wéi soll dat ëmgesat ginn. Et war d’Aufgab an d’Propose vun der Gemeng, tëschent deenen zwou Parteien ze vermëttelen.

Kuerz virun der Allerhellegevakanz hate mer eng Entrevue mat de Responsabele vun Natur & Ëmwelt an awer och mat enger Dose Bénévolen, déi do aktiv sinn an di wierklech am Clinch mat Natur & Ëmwelt sinn. Si hunn déi Vermëttlerroll net ugeholl. Wann der an enger Vermëttlerroll sidd, kënnt der keen zwénge sech un den Dësch ze setzen.

Et huet sech erausgestallt, dass déi nei Ausriichtung um Niveau vun der interner Kommunikatioun net alles esou gelaf ass wéi et hätt sollen. Deen Defizit an der Kommunikatioun. D’Bénévolen wëlle méi abezu ginn an d’Charta sol mat de Bénévolen zesummen ausgeschafft ginn. Si wëlle sech och gemeinsam Prozedure ginn an de Message ass deen, dass et ganz wichteg ass, an dëser Struktur de Bénévolat ze stäerke well e soss keng Zukunft huet.

Am Fréijoer 2016 gesi mer nach eng Kier déi Responsabel vun Natur & Ëmwelt an d’Bénévolen an do striewe mer en Austausch hunn.

Wat d’Käschten ugeet, dat war eng aner Fro. D’Gemeng iwwerhëlt hei wéi bei der Société avicole an dem Asyl d’Käschte fir Gas, Waasser an Elektresch iwwerhëlt.

D’Gemeng ass wéi gesot Propriétaire vun den Terrain an do léin nach Terrainen hannert de Voilièren an déi goufe vun Natur & Ëmwelt kaaft an d’Gemeng huet och eng Parzell do leien.

Et geet drëm, den Diddelenger Standuert ze konsolidéieren an der Vergréisserung Rechnung ze droen, well et eng wichteg Institutioun ass. Et ass och wichteg, den Dialog oprecht ze erhalen an där doter Struktur.