Rusnaci u Novim Orahove

пристал, вошли до двора, а Любо го такой понукнул зоз палєнку. Так вони запивали добри два годзини. Владова супруга обачела же Владо пошол до сушеда та пошла опатриц цо же Владо нє приходзи дому. „Та волал ме Любо же би зме пренєсли пняк”, оправдує ше бачи Владо. „Ша, пренєсли сце та можеме тераз дому”. „Та ище зме анї нє почали”, гвари Владо. Дабоме, пняка анї нє було. У ЦЕРКВИ През жиму Рускинї у Новим Орахове предли и ходзели по пияцох предавац цверенки. Цверенки ше найвецей предавали у Чантавире, а там пияц бул внєдзелю та на пияц ишли дзеци. Так єдней нєдзелї хлапци (старосци од 10 до 13 роки) пешо по Чику пошли до Чантавиру. Цверенки розпредали чим сцигли на пияц. Хлапци такой рушели дому, а понеже при пияцу церква, Юлин Ферчов, найстарши медзи нїма, предложел же би вошли до церкви поопатрац. Нукашньосц церкви ошвицовали даскельо швички и нїхто нє шмел войсц. Юлин їх прешвечовал же то у церкви лєм фиґури и нїч нє живе, алє нїхто нє сцел войсц. Юлин вошол сам опатриц, а дабоме мушел шицко и дорушиц. Кед пришол ґу пристолу, а там стої паноцец, у єдней руки трима молитвенїк, а у другей крижик и модлї ше. Юлин го опатра и обрацел єден папер на молитвенїку, а паноцец анї нє клїпнул. Теди, по обичаю паноцец бул цалком лиси и Юлин паноца почал гласкац по глави, а паноцец нїч нє гварел, лєм Юлина дакус моцнєйше черкнул по глави зоз крижиком. Юлин зйойчал и почал сцекац, а пайташе пред церкву питаю ше цо ше случело. Юлин у сцеканю трима ше за главу и кричи: „Сцекайце бо єден нука живи!”. МИЛА МОЯ, БУЛА ШИ ПО МЛЄКО? У Малацковей карчми вше було дружтва. А кед пришла жима, дружтво ше картало и до позно по пол ноци. Же би було интересантнєйше, картали ше на дробни динари. Качмар, бачи Владо ше барз любел картац. Раз ше случело же му нєставало динари. Дабоме, дружтво ше карта, а бачи Владо ше кормаца на карсцелю. Попатра на шанк дзе и каса, алє там шедзи и його супруга Ганя котра нїяк нє виходзи зоз карчми. Бачи Владо ше нє могол дочекац, та ше нараз пита жени: „Мила моя, була ши по млєко?” Дабоме, у карчми ше шицки слатко нашмеяли бо годзина указовала пол ноци. ПАЛЄНКА ПРЕШЛА НА ВОДУ Зарекал ше бачи Владо Бесерминьов же нє будзе вецей пиц алкогол. А и тоту литровку домашнєй палєнки цо на креденцу, гварел жени же може висипац. Андя Мелана кайсовачу засцелєла до заднєй хижи. Кед пораєла видзела же литровка на месце дзе ю и положела. Прешло тому рок. До Бесерминьових наишла кума. Андя Мелана уварела кафу, а знала же кума дакус и попиє та принєсла литровку зоз посцелї. Попиє кума 88