Ирина Папуґа
СЕНКА ПАПУҐА БЕНЧИК* професор класней настави - наставнїк руского язика и литератури СЕНКА БЕНЧИК, народзена Папуґа, 28. децембра 1973. року у Бачкей Тополї (оцец Янко Папуґа, мац Хелана, народзена Фейди), дзе закончела и основну школи. Штреднє образованє педаґоґийного напряму нащивйовала и закончела у Образовним центре „Петро Кузмяк” у Руским Керестуре, а Педаґоґийну академию у Суботици и Учительски факултет у Зомборе. На пестованю руского язика зоз новоораховскима школярами, з потримовку Дружтва за руски язик, литературу и културу, почала робиц ище як студентабсолвент Педаґоґийней академиї 1993. року у Основне школи „Чаки Лайош” у Бачкей Тополї и од теди по тераз их учи. Наставнїца Сенка зоз новоораховскима школярами участвує на Републичним змаганю зоз руского язика од самого початку и на нїм єй школяре доставаю значни припознаня. Новоораховски школяре зоз наставнїцу Сенку участвую на стретнуцох руских школох, а були и домашнї 5. ювилейному стретнуцу 1998. року. Беру учасц на „Червеним пупчецу” у Руским Керестуре, „Костельниковей єшенї” з рецитаторами у Кули, на подобовей колониї “Стеван Боднаров” у Ґосподїнцох итд Сенка порядни учашнїк семинарох з руского язика, член Актива наставнїког руского язика - того року у Новим Орахове потримала и орґанизовала семинар о басни як литературним жанру у руским язик, тиж и три округлих столи зоз прешлосци Руснацох у Новим Орахове, а анґажовала ше и на означованю 60-рочнїци од насельованя Руснацох до Нового Орахова хторе отримане 2006. рок, зоз централну шветочносцу 13. мая 2006. року у Новим Орахове. Сенка ушорює и водзим радио-емисию на руским язику на Радио региї од початку єй основаня. То регионални радио општинох Бачка Тополя и Мали Идъош. Емисия ше емитує уж 2 роки и ма информативни, културного-едукативни и забавни характер. Предсидателька є Подружнїци Дружтва за руски язик, литературу и културу у Новим Орахове у рамикох хторей роби Литературна секция „Штефан Чакан”, активни є член КУД „Петро Кузмяк” у Новим Орахове, предсидателька Совиту месней заєднїци у Новим Орахове и директорка Основней школи „18 октобер”, тиж у Новим Орахове. Добитнїк є награди хтора ноши мено проф. Гавриїла Г. Надя за 2006. рок, хтора єй додзелєна 1. децембра 2006. року у Новим Садзе. *
Зборнїк роботох „STUDIA RUTHENICA” 13 (26), Дружтво за руски язик, литературу и културу, Нови Сад, 2008, б. 306-307.
67