ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
ПОСЛЕ ГОРУЧАВОХ – БУРЯ
■ ДЗИВОЦКА ШПИВАЦКА ҐРУПА КУД „ТАРАС ШЕВЧЕНКО” З ДЮРДЬОВА ЦЕНА 30 ДИНАРИ
Фото: Вероника Вуячич
Фото: О. Живкович С. Саламун
После длугшей горучави у тижню за нами залапела нас нєпогода. У вецей наших местох моцна буря з витром и дижджом одчаковала конари на древох и ношела шицко опрез себе. Окрем же барз гирмело и трескало у Руским Керестуре у парку аж и вивалєни вельки ядловци. Пре бурю нє було струї на вецей заводи и през дзень и вноци, у кратших и длугших интервалох.
РОК LXXV ЧИСЛО 37 (3854) НОВИ САД, 13. СЕПТЕМБЕР 2019.
Фотоґрафия: 0231P
Фотоґрафия: 0024P-b
ОГЛЯДНУЦЕ НА ПРЕШЛОСЦ
У проєкту идентификованя особох и подїйох зоз склєняних плочох фотоґрафох Будински зоз Руского Керестура, котру орґанизує Завод за културу войводянских Руснацох (ВР), а котри уж длугши час обявйовани на остатнїм боку новинох „Руске слово”, потребна векша помоц ширшей явносци. Велї од обявених фотоґрафийох уж идентификовани, алє о даєдних потераз зазначене барз мало податки. На Фейсбук боку Заводу за културу ВР до окремного албуму положени тоти фотоґрафиї, та ше модлї шицких котри дацо знаю о особох, подїйох,
часу, обставинох, обичайох, облєчиве и инши податки хтори вязани за тоти фотоґрафиї же би ше явели. Явиц ше мож прейґ порученя на Фейсбуку або коментару на фотоґрафиї, на имейл zavod.rusini@gmail.com лєбо на телефон 021/548-421. Кажда информация значна. Дзекуюци фотоґрафийом хтори настали у фотоґрафскей роботнї Будинскових, а котри диґитализовани на склєняних плочох, зачува ше шведоченє о живоце людзох и подїйох и велїх податкох цо припадаю културно-историйному скарбу Руснацох на тих просторох.
■ У НОВИМ САДЗЕ ОЗНАЧЕНА 100-РОЧНЇЦА
РУСКОГО НАРОДНОГО ПРОСВИТНОГО ДРУЖТВА