ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
Ó ÐÊÖ îòðèìàíà „Ïàõóëüêà” Школяре хтори уча руски язик з елементами националней култури у новосадских основних школох, вовторок, 22. децембра, у Руским културним центру у Новим Садзе отримали Крачунско-новорочну програму Пахулька. Тогорочна Пахулька була цалком иншака як прешлих рокох. Новосадски учительки Оля Яковлєв и Ана-Мария Рац зоз дзецми отримали роботнї зоз жимску и новорочну тематику. Школяре на креативних роботньох вифарбйовали рукавички, шапочки, правели пахульки и Шнїжка, лїпкали, штригали. У тим шицким придружел ше ґу нїм и Дїдо Мраз, хтори каждому дзецку на одходзе даровал пакецик. Тогорочна програма була прилагодзена епидемиолоґийним миром котри запровадзени пре ширенє вурусу корона, та и дзеци приходзели у двох терминох и по догварки. Програму потримала Городска управа за културу – Нови Сад. В. В.
РОК LXXVI ЧИСЛО 52 (3921) НОВИ САД, 25. ДЕЦЕМБЕР 2020.
ЦЕНА 30 ДИНАРИ
У ТИМ ЧИШЛЄ МУРОВИ КАЛЕНДАР ЗА 2021. РОК
Фото: ш. М. Воротняк
Швето Святого Миколая, хторе ше у вецей наших местох слави по юлиянским календаре, означене всоботу, 19. децембра. Пре епидемиолоґийну ситуацию, того року даґдзе ше Миколая дочекало зоз пригодну програмку и дарунками, а даґдзе лєм зоз молитву, док узвичаєне дзелєнє пакецикох одложене по вигоднєйши здравствени условия. У грекокатолїцкей парохиї святого Йосафата у Кули 19. децембра, Службу Божу на швето Миколая служел парох кулски
о. Дамян Кича ЧСВВ. Такой по Служби пришол св. Миколай, а привитал го школяр зоз винчованку. Потим Миколай подзелєл дзецом дарунки котри финансовали родичи (36), алє и кулска парохия и достали их виронаучни дзеци хтори провадзели Миколая облєчени як ангелки, а пририхтала их вироучителька ш. Михаила Воротняк. У Митровици и Беоґрадзе, церква ше притримовала правилох огранїченого числа особох и дзецох котри пришли до церкви и то зоз Мартинцох, Лачарку, Руми и Митровици,
а други дзеци пакецики од Миколая прияли лєм онлайн, ґу нїм ше приключели и дзеци зоз беоґрадскей парохиї Кирила и Методия и других местох котри припадаю парохиї у Митровици и Беоґраду. Прето и програма була часово огранїчена, та Миколаяйови шпивали и рецитовали лєм тройо дзеци, Молнарово и Петровичово, а после заєднїцкей слики дзеци ше розишли до своїх обисцох. Окрем порядних дарункох, парохиянє назберали и помоц за 20 пакецики котри подзелєни тром фамелийом котри маю по штверо дзеци и шейсц фамелийом дзе ше о дзецох стара лєм сама мац. Окрем старших, свой дарунок у каритасових шкатулкох даровали и дзеци котри пришли до церкви. Швето означене и у церкви Христа Цара у Новим Орахове внєдзелю, 20. децембра. Парох новоораховски о. Владислав
Рац служел Служу Божу. По законченю Служби Божей була пригодна програма котру пририхтали школяре котри виучую руски язик з елементами националней култури у ОШ „18. октобер” у Новим Орахове и ОШ „Чаки Лайош” у Бачкей Тополї. Святи Миколай того року дзецом подзелєл 24 пакецики. На швето св. Миколая, у дюрдьовскей грекокатолїцкей церкви Рождества Пресвятей Богородици всоботу, 19. децембра була Велька Служба Божа. А преславене є и у грекокатолїцкей церкви Святого архангела Михаїла у Ґосподїнцох зоз Вельку Службу Божу котру тиж служел о. Михаил Холошняй. У тих двох парохийох на Миколая того року нє дзелєни пакецики, алє ше члени Одборох и священїк о. Михаил Холошняй порадзели же кед годно, пакецики дзецом буду подаровали на лєтнього Миколая шлїдуюцого року. М. А. / o. В. В./ С. С.
Фото: Мария Афич
ПРЕСЛАВЕНЕ ШВЕТО МИКОЛАЯ
ЩЕШЛЇВИ ШВЕТА!