КУЛТУРА И ПРОСВИТА
ДОБРИ ФУНДАМЕНТ РУСКОГО ЯЗИКА У Рамикох Културней манифестациї „Костельникова єшень” всоботу, 19. новембра у Кули отримане Стретнуце рецитаторох, а домашнї програми у голу ОШ „Петефи бриґада” и того року було РКУД „Др Гавриїл Костельник”. Присутних привитал предсидатель РКУД Владимир Бучко, котри з тей нагоди визначел же з поетским словом прейґ рецитованя, та прейґ шпиваня и других формох у култури чуваме свой язик и национални идентитет. Повинчовал на тим и присутним рецитатором и їх фаховим руководительом у наших школох и КУД, з наздаваньом же нарок на тим стретнуцу будзе ище вецей рецитаторох. Модераторка програми, Амалия Ковач, визначела же ше „Костельникову єшень” того року отримує у знаку 130-рочнїци од народзеня Гавриїла Костельника, а у Кули и з нагоди 20-рочнїци роботи РКУД з його меном. Здогадла на живот и роботу того велїкана нашей литератури, култури и писменосци, визначуюци же др Костельник вдерел добри фундамент „за хижу руского язика” и до нашлїдства нам зохабел вельки капитал. Ковачова пречитала и
РЕЦИТАТОРЕ И ФАХОВО РУКОВОДИТЕЛЄ У младшим возросту рецитовали Лара Сопка з Кули, Леонора Ґайдош з Вербасу, Иван Молнар з Дюрдьова, Филип Хромиш з Коцура, Кристина Дюранїн з Дюрдьова, Мария Жирош з Кули и Катарина Недич з Коцура. У штреднїм возросту наступели Лїляна Кнежевич з Кули, Милица Михальовски з Дюрдьова, Наталия Жирош з Кули, Валентина Салаґ з Дюрдьова, Силвия Маґоч з Коцура, Дияна Канюґа з Кули, Валентина Михняк з Дюрдьова, Дариа Чордаш з Коцура, Микола Еделински з Руского Керестура, Єлена Горняк з Дюрдьова и Матей Шепински з Керестура. У старшим возросту рецитовали Мирослав Малацко за новосадки РКЦ и Тимеа Будински з Керестура. Рецитаторох у Кули пририхтали Амалия Ковач и Александра Лендєр, у Коцуре Славка Чельовски, Снежана Шанта и Весна Дринчич Дїлас, у Дюрдьове Яким Гарди и Мария Самарджич, у Керестуре и Н. Садзе Ивана Дудаш, а у Вербаше Славица Мали.
14 РУСКЕ СЛОВО
єден виривок з Костельникового идилского венцу „З мойого валала”, а на початку програми два руски народни шпиванки одшпивала Мишана шпивацка ґрупа Дружтва, под руководительством Еуфемиї Планкош. На Стретнуцу рецитаторох того року участвовали двацецеро рецитаторе – у младшим седмеро, штреднїм 11еро и двойо у старшим возросту з Кули, Вербасу, Дюрдьова, Коцура, Руского Керестура и Нового Саду. Найвецей рецитаторох було з Дюрдьова, шесцеро (з КУД „Тарас Шевченко” и ОШ „Йован Йованович Змай”), и з Кули, пецеро (з РКУД „Др Гавриїл Костельник” и ОШ „Петефи бриґада”), з Коцура штверо (з ОШ „Братство-єдинство” и Културного центру Вербас). Пре одказованє приходу пре одредзени обовязки, з Керестура того року участвовали лєм тройо рецитаторе, а з Нового Саду єден. За участвованє на Стретнуцу були приявени и два школярки-рецитаторки з Бикичу, но нє пришли, а того року виостали рецитаторе з Нового Орахова, з КПД „Карпати” з Вербасу, прешлих рокох участвовали и Суботичанє и Шидянє... Рецитовани стихи аж дванац наших, руских поетох, медзи нїма найвецей Гавриїла Костельника и Мелниї Римаровей, та Михала Ковача, Дюру Папграгая, Якима Чапка, Михала Симуновича, Меланиї Павлович, Миколи Скубана, Юлияна Папа, Ирини Гарди Ковачевич и Амалиї Ковач. Упечаток же квалитет рецитованя бул дакус лєпши як прешлого року, а и на тот завод ше, у тим поглядзе, визначели рецитаторе котри того року участвовали на висших змаганьох – од зонских смотрох по Републичну, як цо то Дияна Канюґа и Лїляна Кнежевич з Кули, Катарина Недич з Коцура, Валентина Салаґ, Милица Михальовски, Иван Молнар и Валентина Михняк з Дюрдьова, Микола Еделински, Матей Шепински и Тимеа Будински (котра того року була шеста на Републичней смотри) з Керестура, та Мирослав Малацко, Керестурец котри од того року рецитує за новосадски РКЦ. У музичней часци програми Стретнуца рецитаторох наступели Лара Сопка на клавиру и Лїляна Кнежевич на гармоники, обидва школярки Школи за основне музичне образованє Кула. М. Зазуляк 25. НОВЕМБЕР 2016.