ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ НАЙКРАСШИ ЗАГРАДКИ У ДЮРДЬОВЕ
РОК LXXIV ЧИСЛО 38 (3803) НОВИ САД, 21. СЕПТЕМБЕР 2018.
РУСТИКА ПОПРЕПЛЄТАНА ЗОЗ СУЧАСНИМ
Фото: Сандра Саламун
Нїґда нє погришице кед до двора засадзице вецей файти ядловцох, обични, або гевти стриберни, дзепоєдну смреку або сосну и чемпрес, як цо то зробели Кухарово у Дюрдьове. Вше вам обисце будзе крашнє випатрац. Окрем того, вони коло сушедового мура вонконцом посадзели туї, єдну попри другей, а гибискус на концу нє лєм же прикрашел двор, алє и „розбил” нєпреривну монотонию желєнїдла. Єлена, як и скоро кажда ґаздиня, роками задлужена коло квеца, ядлїнових древкох и ушорйованю двора, хтори уж даскельо роки у ретро-стилу и барз крашнє випатра. Вєдно зоз супругом Владом давно обдумали як будзе випатрац їх нє лєм двор, алє и конк, место дзе найволя препровадзиц свой шлєбодни час. Слика наисце гутори вельо вецей од словох, и видно же як єдно сучасне обисце мож оплеменїц з традицийним, рустичним. Окремну красу тому простору у старих цеглох и черепох даваю два менши стародавни кочи, хтори справел, тераз уж покойни, Єленов оцец. Видно же зоз древом знал. У єдним з нїх, квеце, цагаче, алє и други файти крашнє комбиновани. Тото цо тиж барз крашнє випатра кед отворице капурку у Кухарових, то заградка хтора справена так же є видвигнута од жеми, а по нєй окрем спомнутим жимжелєних рошлїнох, розцагани блющ. На стред двора и ядловец, а коло нього вецей файти украсних травох, хтори окреме прикрашую двор. Єлена гвари же су єдноставни за отримованє, а з рока на рок вше красше випатраю, як наприклад пампас трава. Ту и медовина, шаш, беґония, мушкатли и кактуси, як и друге квеце у черепох и жардинєрох, а рустични випатрунок прикрашели и велї романтични деталї о хторих ше тиж остарала ґаздиня. С. Ф.
Фото: В. Вуячич
ЦЕНА 30 ДИНАРИ
ОГЛЯД НУ ЦЕ НА ПРЕ ШЛОСЦ П
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.
Фотоґрафия: 0709P
■ ЛАМАЧКА, ЛАМАЧКА,
А НЇХТО НЇХТО ДО ДО ПОМОЦИ ПОМОЦИ А