ljudze@ruskeslovo.com
биц. Тото ме и трима. Чежко ми же сом сама, син ма свою фамелию, алє ми мило же ше добре злагодзиме, вєдно робиме и радзиме, алє заш лєм лєгчейше кед маш свою пару. Нє завидзим, лєм гуторим же добре тому хто ма когошик при себе – гвари Леона котра кед єй одкажу дацо порадзене, такой ма на розуме цо друге пороби. Вше ма на розуме найменєй два роботи, алє обовязно розлични. Так, нєдавно док робела у кухнї як кухарка у валалскей пицериї, пред тим и после роботи допатрала и варела старшу малженску пару. Часто ше случує же у паузох медзи роботами одбегнє оберац малини. – Тераз робим у єдней фамелиї у Ґосподїнцох котра продукує желєняву и овоц. Пребераме цибулю, обераме яблука, пакуєме мархву, ушорюєме пластенїки и шицко цо потребне. Робим у колективу, правда же зме шицки там старши и спомалшено ше рушаме после роботи, алє кед видзиме автобус котри нас одвожи дому, шицки понагляме – гварела наша собешеднїца котра вше люби пофрантовац на свой рахунок. Дзекуюци богатому искуству може виберац цо будзе робиц, алє лєм прето же би обовязки ускладзела з потребами унука Марка котрого часто чува. У нїм ше цеши, видзи надїю и безусловну любов.
На бини зоз женску жридлову ґрупу у Дюрдьове
ВАЖНЕ ОСЛУХОВАЦ И СЕБЕ И ДРУГИХ Дзешец роки Леона нєпреривно допатра старши особи, шпи при нїх, вари им и пораї, ма сцерпеня, и по тим є добре позната.
До Дюрдьова ше одала 1969. року
16. АВҐУСТ 2019.
Основну школу закончела у своїм родним месце, у Ґосподїнцох
– Нє шмем ше опущиц, так ми ше голєм видзи. Можебуц кед бим мушела, алє я насправди нє знам нє робиц нїч. Єдноставно, нє мам мира. Патрим же бим започате закончела, нє одуставам. У роботи найважнєйше ослуховац и себе и других – гварела Леона котра, на щесце, барз ридко одходзи до дохтора. Пред трома роками робела даскельо мешаци у Словацкей дзе правела шкатули за телефони, док у Польскей прешлого року робела у кухнї, на дзень дзешец, та и штернац годзини. Нє було лєгко, алє як гвари, сцисла зуби и вше закончела тот цо мала. – Нашо дзеци, ґенерациї мойого сина, маю вельо того о чим ми могли лєм шнїц, алє заш анї им нє лєгки живот. Здравє найважнєйше, треба го чувац и злагодзиц ше зоз себе наблїшима и наймилшима, нєзанєдзбац себе и свой розум, робиц и мац плани – гварела Леона, котра гвари же єй, заш лєм, найважнєйше буц добра мац, швекра и баба. ■
МАЛЬОВАЛА МУСТРИ ПО МУРОХ Перши гонорар Леона заробела 1975. року кед мальовала мури зоз мустрами. Ирина Сендеракова ю научела як ше зоз жилетом формую щеточки, трима ленийка и цага з рольку. Робела з єднофарбову, алє и з рольку з дома фарбами. Так каждого року, по тлачидби и копачки, а под час роботи у бостану, мальовала у валалє. Понеже таке мальованє популарне и нєшка, Леону волаю же би ище так билєла, гоч нажаль, уж нє ма рольки и мустри, бо ше єй за телї роки розишли и дотирвали.
РУСКЕ СЛОВО 23