НАШО МЕСТА
■ ЗОЗ ОПШТИНИ КУЛА
ПОРУШАНИ ПРОЄКТ ЗА ПОМОЦ МАРҐИНАЛИЗОВАНИМ ҐРУПОМ Општина Кула у партнерстве зоз центром за социялну ро боту општини Кула и зоз Зруженьом „Белава птица” порушала проєкт „Активни инклузивни сервис Кула” котри ше финансує зоз фондох Европскей униї, а вкупна вредносц проєкта 384 783 долари. Проєкт през три компоненти потримує уключованє и змоцньованє чувствительних ґрупох и представя єдинствени модел социялней защити. Циль того проєкту же би ше посцигло уключованє до дружтва и економске и квартельне змоцньованє марґинализованих ґрупох гражданох оп штини Кула, и то младих котри напущую хранїтельни (кармительни) фамелиї и установи змесценя, особох зоз инвалидитетом и менталнима почежкосцами, женох хтори жер тви фамелийного насилства, як и фамелийох у екстремним худобстве. Проєкт ше состої зоз трох компонентох хтори творя єдинствену систему потримовки хтори ше першираз реализує и представя ориґиналне ришенє и модел за инклузивну защиту марґинализованих ґрупох. През проєкт општина Кула обезпечи 16 квартельни єдинки хтори ше будзе адаптовац, реновирац и котри ше подмири зоз основним мебльом и билу технїку котра потребна за живот тих фамелийох. Тиж, през роботу фахових роботнїкох обезпечи ше и совитнїк за кажду фамелию хтори им будзе помагац водзиц самостойни живот, подучи их зоз схопносцами котри потребни за розполаганє зоз маєтком и з одвичательним биваньом, алє и укаже помоц у находзеню роботи и економскей самостойносци.
У другей компоненти проєкта оснує ше социялне подприємство у хторим учашнїки проєкта буду обучени и заняти, же би могли витвориц приходи за свойо фамелиї. У трецей компоненти општина Кула вироби Стратеґийни план социялней защити, розлични документи у обласци добрей управи и инклузивного дружтва, та на тот способ унапредзи положенє загроженого жительства општини и меха нізми сотруднїцтва зоз локалну самоуправу. През проєкт ше тиж будзе промововац и вкупни модел општини Кула у розвою локалней системи социялней защ ити, хтори єден з найуспишнєйших и найиновативнєйших у Сербиї. Тим того проєкту, хтори творя вецей фаховци зоз општи ни Кула, Центра за социялну роботу, „Белавей птици”, як и вонкашнї сотруднїки, 8. юлия отримали першу схадзку проєктного тима зоз предсидательом општини Кула Дамяном Миляничом и догварени перши крочаї, та так и урядо во почала реализация того проєкта. Ан. М.
У НОВИМ САДЗЕ
И РУСКИ ЯЗИК ПОД КОРУНАМИ НА ШТРАНДУ Перши квиз тогорочного виданя „Под корунами на Штранду” у Новим Садзе отримани з нємецкого язика, у першей половки юлия. Наймладши ма ли нагоду учиц нємецки язик и култу-
6 РУСКЕ СЛОВО
ру подунайских Нємцох, як и о Европскей униї. Перше место овоєл Душан Баришич, друге место Катарина Баришич, а треца була Вася Петрич. У жирию були предсидателька Здруженя БопаиЬгаске № и 8аІ2 Соня Копчалич и Радмила Драґанич з ЕУ инфо центра з Нового Саду. Новосадски дзецински културни центер подаровал „Невен” и „Мали невен” Библиотеки на Штранду и учашнїком на Штранду. Потим, на програми за младшу ґрупу були словенски язик и култура, мини-преподаванє о ЕУ, а старша ґрупа предлужела з ученьом румунского язика. Шлїдуюци бул квиз зоз словенского язика. Пондзелок почала програма з руским язиком и културу за дзеци зоз оводи и основношколски дзеци, и то будзе до конца тижня, зависно и од хвилї, на соботу будзе преверйованє знаня, т. є. квиз з руского язика. Гоч того року нєт тельо дзеци як по други
роки, тоти цо ходза на годзини заинтересовани за поняца на руским язику о хторих ше учи, а то представянє себе, привити, фарби, числа, животинї, а гевтих кус старших интересовало и хто Руснаци, яки маю часописи, институциї, а даєдни виприповедали и у хторих местох були дзе жию Руснаци. Шлїдуюцого тижня на шоре програма за знаковни язик, док интензивни курс за старших на румунским язику тирва през цали тот час. Роботнї ше отримує кажди роботни дзень од 19-20 годзин у Бибилиотеки на Штранду. Вецей информациї єст на Фейсбук боку Под ко рунами на Штранду. Орґанизаторе Херор Медиа Понт, Городска библиотека у Новим Садзе и Центер за розвой меншинских и локалних медийох. Покровитель Управа за културу Нового Саду, а потримовка Делеґация Европскей униї у Сербиї, БопаиЬгаске № и 8аІ2 і ЕсосіуіШаІіоп. М. Г. К. 23. ЮЛИЙ 2021.