Ruske slovo 25

ГЛАСНЇК ПО РУСКИ

і»

имуу.гизкезіоуо.сот ЦЕНА 30 ДИНАРИ

460007

РОК ЬХХУІІ ЧИСЛО 25 (3946) НОВИ САД, 18. ЮНИИ 2021

■ ДОМ И ФАМЕЛИЯ: ТУРИСТИЧНА СЕЗОНА

ДИҐИТАЛНИ ПРОСТОР ПОСТАЛ НАША КАЖДОДНЬОВОСЦ Пише: Ясмина ДЮРАНЇН, редакторка сайту НВУ „Руске слово” и Новинскей аґенциї „Рутенпрес”

П очаток роботи першого сайту НВУ „Руске слово” бул условени з потребу информовац наших читачох о подїйох о котрих уж писане у тижньових новинох, алє пошвидшана диґитализация, од 2005. року надалєй, єдноставно вимагала и од нашей Установи же би свойо змисти почала понукац и на интернету. На самим початку НВУ „Руске слово” мала три одвоєни сайти - перши припадал Установи (на хторим ше находзели дзепоєдни змисти вязани за новини, предплату, реклами и правни акти). Свойо окремни сайти мали часопис за младих МАК и Новинска аґенция „Рутенпрес”. Треба спомнуц же, у тедишнїм чаше, цали процес уводзеня роботи на интернету бул барз вельке виволанє за Установу и колектив. Теди нїхто нє знал як би така презентация роботи мала випатрац, хто би то мал робиц, та ше прето кадри глєдало звонка Установи, з такволаного аутсорсинґу. Розвою сайту окреме допринєсла його єдна часц, алє барз важна - Новинска аґенция „Рутенпрес”. То перша новинска аґенция по руски, основана пре пласованє информацийох медийом хтори робя на руским язику на териториї Сербиї и у реґионє юговосточней и штреднєй Европи. Аґенция урядово почала робиц 15. мая 2006. року, з потримовку Министерства за културу и меди Републики Сербиї. Самим концом 2009. року, Аґенция Ру­ тенпрес урядово реґистрована як порядна дїялносц НВУ „Руске слово” Нови Сад. Ношитель проєкту РУТЕНПРЕС була Новинско-видавательна установа „Руске слово” Нови Сад, а його идейни творителє Владимир Паланчанин и Єлена Перкович, хтора по 3. април 2010. року була и перши главни редактор Рутенпресу. После єй одходу до пензиї, роботу редактора 3. априла 2010. року пребера Михайло Зазуляк, дописователь „Руского слова” зоз Руского Керестура. Зоз своїм професийним одношеньом ґу роботи и витирвалим анґажованьом, утвердзел Рутенпрес як найдовирлївше жридло информованя на руским язику. Михайло Зазуляк тоту роботу окончовал по конєц живота, 4. новембра 2017. року. Треца и терашня одвичательна редакторка Рутенпресу, од 1. децембра 2017. року и редакторка сайту Ясмина Дюранїн. Алє, врацме ше дакус до прешлосци. НВУ „Руске слово” 4. децембра 2014. року презентовалаявносци нови сайт. За презентацию одредзени праве дзень кед пред 90 роками, 4. децем­ бра 1924. року, вишли перши друковани новини по руски, „Руски новини”, а 15. юния того 2014. року, наша Установа означовала 70-рочнїцу иснованя. Нови сайт направени прето же би интеґровал нє лєм Рутенпрес, алє и шицки други виданя - Дзецински часопис „Заградка”, МАК, Часопис за литературу и културу „Шветлосц” и кнїжки на єдно место. Було потребне шицко обєдинїц и помали дриляц напредок. Же би до тей интеґрациї пришло, требало прейсц фахово обуки котри Установа догварела зоз Здруженьом новинарох Сербиї. Даскельо заняти после шейсцмешачней, успишно законченей обуки, шицке здобуте знанє и нєшка применюю у каждодньовей роботи. Так ше шицка роботна моц черпала знука.

2 РУСКЕ СЛОВО

Попри тим цо уж начишлєне, на вецей заводи ше на сайту понукало и други змисти - Мозаїк (рецепти, стари фотоґрафиї, рижни интересантносци и написи зоз „Руски новинох”), Дзе цо будзе (наяви подїйох, манифестацийох, фестивалох...), Язични аларм (кратки поуки о правилней бешеди), Хвиля, Рецепти, а єден час ше и прекладало вистки на сербски язик... По нєшка од шицких спомнутих рубрикох затримала ше лем хвиля. О д 2014. року нови сайт ше поступнє розвивал. Дзепоєдни секциї ше трацели, а други зявйовали. Новини и часописи ше, у складзе зоз периодику виходзеня, од 2015. року кладзе на шветову електронску видавательну платформу І881Ш. Од октобра 2016. року, маме и свою онлайн кнїжкарню у хторей мож купиц шицки доступни виданя, алє и безплатно превжац тоти котри розпредати. На сайту єст и секция з рецептами ко­ тра тиж настала з єдного проєкта - РуСмак - ко­ три тирвал од децембра 2016. по януар 2017. ро­ ку. Познєйше така рубрика под назву „Хладок и горуци тепши” почала виходзиц и у новинох, и постала стаємна рубрика. П ре потреби звекшованя рекламного простору, од єшенї 2020. року на сайту мож поопатрац и мали, и посмертни оглашки котри обявени у новинох. Тот сеґмент роботи ше убудуце будзе розвивац, як и други часци диґиталного маркетингу. Же би ше нє препущело габу диґитализациї, наша Установа ма штири боки на дружтвених мрежох, а од прешлого року и безплатну апликацию за мобилни телефони зоз андроид опе­ ративну систему. Од того року зме ище подученши, орґанизованши и витирвалши у намаганю же би ше диґитализовал наш цали 75-рочни скарб. То вообще нє лєгка, а насампредз нє швидка робота, та уж напредок знаме же будз е тривац єден длугши период. Но, и попри тим, нашо опредзелєнє ясне. У тим напряме уж направени перши крочаї - диґитализовани перши виданя новинох, Заградки, МАК-у и Шветлосци, як и перша кнїжка Миколи М. Кочиша „Крочаї”. Вони уж доступни нашим читачом на сайту у диґиталней секциї и мож их безплатно превжац до своїх рахункарох. Тиж зме розпочали праксу дарованя, та вше коло шветох понукаме лєбо виданя по знїжених ценох, лєбо безплатни виданя у пдф формату котри розпредати и вецей ше нє буду друковац. То важне же би нашо читаче вше мали у оглядзе, кед же жадаю мац у своєй архиви и електронски кнїжки. Шицки безплатни виданя понукнути у онлайн кнїжкарнї. На концу, треба наглашиц же и попри тих сучасних трендох, наша Установа нє сходзи зоз курсу друкованого медия. Гоч ше часто предвидзує же о даскельо роки друковани медиї нє будзе хто купиц, же ше шицко преселї до виртуалного простору, наша Установа ше будзе намагац зачувац и розвивац обидва сеґменти роботи и витвориц ище лєпшу комуникацию зоз нашима читачами, же бизме їх и фахово потреби могли звесц на исту драгу у будучносци.^ 18. ЮНИИ 2021.

ЗМИСТ

УВОДНЇК

РУСКЕ ■ Тижньовнїк 4. Нащива Министерства за людски и меншински права до Заходнобачкого округу

■ Нашо места 8-9. Одруцанє анималного одпаду у Дюрдьове

■ Економия 10. Безплатна анализа води за наводньованє

■ Духовни живот 13. Преславени кирбай у Сримскей Митровици

■ Руске словечко 14-15. Нашо гвиздочки: Мария Сакач зоз Коцура

■ Култура и просвита 16-17. Конєц школского рока

■ Дом и фамелия 19-22. На прагу туристичней сезони

■ Людзе, роки, живот 24-25. Стретнуце: Наташа и Мирко Гайдуково зоз Руского Керестура

■ Информатор 26-32. Мали оглашки и Іп тетогіат

■ Спорт 36-37. Бодибилдер Иґор Шикора зоз Суботици - европске стрибло у Шпаниї

■ Интермецо 38-39. Горуци тепши

Насловни бок: Коцурска КУД „Жатва” на „Юнийским фестивалу” у Вербаше Авторка фотоґрафиї: Оля Русковски

Пише: Иван САБАДОШ, главни одвичательни редактор

ПОМОЦ НА ТЕРЕНУ Роботнї хтори Национални совит Руснацох, односно його Роботне цело Проектни биро од яри орґанизую по наших местох за представительох руских културних дружтвох, алє и других локалних здруженьох гражданох ище єден, а можебуц и єдини способ як премосциц бариєру медзи теорию и праксу хтора постої одкеди у нашим дружтве принцип проєктного финансованя скоро шицких явних активносцох надрилєни як пануюца парадиґма. О теориї вецей нє вредзи трошиц слова. Чи принцип проєктного финансованя сполнює свой основни циль, а то розвой и проґрес у каждим сеґменту дружтвеного живота, чи є лєм нєадекватна и нєбизовна замена за нїґда прежаловани „буджет”, о тим ше за остатнї 10 и вецей роки вельо бешедовало, писало, штудирало и мудровало. Углавним, правила таки яки су, и хто сце остац у бависку, муши по нїх бавиц. М едзитим, на риш ованє хронїчних проблемох у пракси, односно розуменю, почитованю и примени спомнутих правилох проєктного финансованя мож поробиц вельо, а то и задумка и циль тей свойофайтовей турнеї Проєктного бироа хтори потераз нащивел Нови Сад, Дюрдьов, Срим и Керестур, а найскорей предлужи и далєй по руских местох. Як гваря у тим роботним целу, вони анї нє можу, анї им то нє робота, писац проєкти за шицких. Їх мисия помогнуц, посовитовац, обучиц и мотивовац (можебуц тото и найважнєйше) шицких заинтересованих же би ше перше сами одшмелєли на тот крочай, а вец поступнє, през роботу и здобуте искуство и злєпшовали свойо перформанси и портфолия, як ше то гутори у швеце конкурсох, апликованя и проєктного финансованя. Можебуц випатра же позно правиц „перши крочаї” у ситуациї же спомнути процеси тирваю уж длужей як 10 роки, алє нїґда нє позно цошка меняц, кед же уж дотераз нє функционовало найлєпше. Розумлїве и обаванє, алє и одперанє „у бази” ґу писаню проєктох и провадзеню конкурсох, розумлїве аж и чеканє же то пороби хто шка дру ги „ко му то ро бо та”. Нє ре ално обче ковац же осо би хтори активни на терену - чи у култури, чи у спорту, чи у гоч хторей другей обласци аматеризму, попри роботи и професій з хторей жию можу видвоїц ище єден „роботни час” на проєкти и конкурси. Алє реалносц и тото же то нє може поробиц нїхто други место нїх. Прето найлєпша, а и єдина опция, щиро при лапиц помоц хтору понука Проєктни биро.

РУСКЕ СЛОВО

* „РУСКЕ СЛОВО” - гласнїк по руски * Виходзи каждого пиятку * Снователь Национални совит рускей националней меншини * Видава НВУ „Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ „Руске слово”, Футожска 2/ІІІ, 21000 Нови Сад * Редакция: одвичательни редакторе/ки - Олена Планчак-Сакач, Ясмина Дюранїн, Микола М. Цап, Микола Шанта * редакторе/ки рубрикох - Мирон Горняк-Кухар, Александар Паланчанин, Мартица Тамаш, Славица Фейса, Вероника Вуячич * новинаре/ки - Мария Афич, Влада Дїтко, Лидия Кухар, Андреа Медєши, Оля Русковски, Сандра Саламун * лекторка - Блажена Хома-Цветкович * ґрафична редакторка - Люпка Цвеїч * ґрафични дизайнерки - Мария Гудак, Таня Салонтаї * Телефон: 021/6613-697 * Предплата за цали рок: у жеми 1 500 динари, а у иножемстве 100 евра * Жиро-рахунок Вапса Іпїеза а.гї. Веодгагї 160-923244-82 * Девизни рахунок 160-0050870024999-53 * Рукописи ше нє враца * Друкує Друкарня „М ахіта дгаї” Петроварадин * Е-таі1: гегїаксуа@ги§ке§1оуо.сот * ^ е Ь «Не: ^^^.ги§ке§1ото.сот * I88N 0350-4603 * СОВІ88 8К-ГО 15915778 * Друковани тираж 2 000 *

Д иректор др БО РИ С ВАРҐА *** Главни одвичательни редактор ИВАН САБАДОШ

18. ЮНИИ 2021.

Новини „Руске слово” одликовани зоз Орденом братства и єдинства зоз стриберним венцом 1970. року.

РУСКЕ СЛОВО 3

ТИЖНЬОВНЇК

ПРЕДСТАВИТЕЛЄ МИНИСТЕРСТВА ЗА ЛЮДСКИ И МЕНШИНСКИ ПРАВА НАЩИВЕЛИ ЗАХОДНОБАЧКИ ОКРУГ

ОБЩИ ПРОБЛЕМ НЄАКТИВНОСЦ СОВИТОХ ЗА МЕДЗИНАЦИОНАЛНИ ОДНОШЕНЯ На схадзки у Зомборе розпатрани фактични стан у сполньованю и охрани меншинских и людских правох на териториї штирох општинох. Констатоване же єст добри приклади, алє и проблеми у примени законских предписаньох шветочней сали Скупштини городу Зомбора, 8. юния отримана заєднїцка схадзка чолнїкох Заходнобачкого округу т. є. општинох Зомбор, Апатин, Оджак и Кула, представительох меншинских националних заєднїцох и институцийох з обласци социялней защити, и Министерства за людски и меншински права и дружтвени диялоґ, на чолє з министерку Ґордану Чомич. На схадзки участвовали секретар Министерства Олена Папуґа, предсидатель Општини Кула Дамян М илянич и директорка Центра за социялну роботу Општини Кула Ґордана Вакула, а домашнї бул началнїк Округа Ґоран Нонкович. Циль нащиви бул же би ше представело информациї хтори локалним самоуправом оможлївя полне применьованє закона зоз заєднїцкей компетентносци. Министерство тоту нащиву орґанизовало у рамикох обиходзеня 29 управних округох Републики Сербиї, а тиж так и наци­ оналних совитох националних меншинох з тим истим цильом. Як дознаваме од державного секретара Олени

У

Н а заєднїц кей схадзки, а на основи вип олн єти х питальнїкох констатовани и добри приклади у тей обласци, алє и нє почитованє законских обовязкох од локалних самоуправох. У округу жию припаднїки 21 националней менш ини, а заєднїцки нєдостаток то же у трох опш тинох окрем у Зомборе, (хтори єдини ма омбудсмана) оформени Совити за медзинационални однош еня, алє ше анї раз потим нє сходзели и нє поднош ели звити о роботи своїм Скупш тином општини.

МЕРКУЄ ШЕ НА ОБРАЗОВАНЄ Предсидатель Милянич, медзи иншим, визначел одличне сотруднїцтво Општини Кула з Министерством, як и здобутки Општини у тей обласци. Медзи иншим у тей општини витворює ше образоване на мадярским, руским и сербским язику. Дзецом котри у своїм месце нє маю образованє на мацеринским язи­ ку, општина орґанизовала путованє до другого места дзе єст образованє на язику на хторим вони жадаю. Папуґа, скорей як нащивели округи, з Министерства до каждого округу т. є. општинох послати потальнїки хтори ше одноша на почитованє законох цо реґулую права наци­ оналних меншинох и обовязки локалних самоуправох спрам националних и других меншинох у обласци охрани и сполньованя людских правох. Таки питальнїки послани и до Заходнобачкого округу, та ше на заєднїцкей схадзки у Зомборе розпатрало ф актични стан у тей обласци у ш тирох опш тинох. У оцени того стану розпатране присуство омбудсмана, иснованє и роботу совитох за медзинационални одношеня, почитованє службеного хаснованя язика и писма националних меншинох, иснованє образованя на їх язикох, почитованє заступеносци занятих женох, исно­ ванє координаторох и Акцийних планох за ромску националну заєднїцу и други параметри хтори значни у тей обласци права. У тим контексту Заходнобачки округ окре ме знач ни, по не же на його те ри то риї шед зи ска трох националних совитох - руского (Руски Керестур), українско го (Кула) и нємец кого (Зом бор).

4 РУСКЕ СЛОВО

У шицких општинох єст у службеним хаснованю язики и писма националних менш инох, алє є заняганє вш адзи, понеже ше зводзи лєм на форму - виписаних та блох, алє у орґанох ло кал ней са моу пра ви нєт занятих бешеднїкох менш инских язикох як прекладательох. Началнїк Заходнобачкого округу Ґоран Нонкович о тим проблему гварел же убудуце до систематизацийох у орґанох ло кал ней са моу пра ви буд зе унєш е не и знанє язикох хтори у служ беним хаснованю , та обецал же будзе на тото окреме мерковац. На сходзе поведзене же Заходнобачки округ у вецей обласцох охрани правох дош лїдно почитує законски п р е д п и с а н я , а у д а є д н и х є и м е д зи в о д з а ц и м а . Я к окреме добри приклад визначени проєкт о образованю зоз апатинскей опш тини, базовани на добрим со труднїцтве школи и Цен тра за со циялн у ро боту. Началнїк полицийней управи Зомбор Саш а Дмитраш инович визначел же у ш ицких опш тинох звекш ане н аси лство у ф ам елиї, та їх У права орґан изовала обуку полицайох на тоту тему. Тиж так, гварел же активно п ом ага же би п рип ад н їки нац ион алн и х менш инох (односно бешеднїки менш инских язикох хтори у службеним хаснованю на териториї окру­ жних општинох), та и рускей, достали роботу у полициї.^ М. Афич 18. ЮНИИ 2021.

ІІ2піоупрк@ ги5ке5Іоуо.сот

РОБОТНЯ О ПРОЄКТОХ У РУСКИМ КЕРЕСТУРЕ

ВИТВОРИЦ ПОТЕНЦИЯЛИ ЛОКАЛНЕЙ ЗАЄДНЇЦИ У сотруднїцтве Месней заєднїци Руски Керестур и Проєктного бироу Националного совиту Руснацох вовторок, 15. юния, отримана роботня о писаню проєктох за представительох локалних институцийох и здруженьох у Керестуре. Водзели ю членїца Проєктного би­ роу Анита Ґовльова и предсидатель Националного со­ виту Руснацох Борислав Сакач, а учашнїки на роботнї були представителє Месней заєднїци, ЯКП „Руском”, Дома култури, Школи, Канцелариї за локални економски розвой и валалских здруженьох - Конїцкого клубу, Добродзечного огньогасного дружтва, Пакт Рутеноруму, як и Церковного одбору.

- Циль роботньох же бизме дакус видзели хтори то локални проблеми там дзе жию Руснаци же бизме их вєдно могли ришовац през проєкти. Наглашуєм же ва­ жне вєдно робиц, и праве так вєдно проблеми годно и ришиц, а попри тим сцеме указац як то и писац конкретни проєкти. Нам нє циль же би Проєктни биро шицким хто жада писал проєкти, алє же би ше людзе з того места порушали, сами дацо писали, а ми ту будземе як єдна файта фаховей потримовки - наглашела Анита Ґовля, хтора и водзела роботню. Присутни ак­ тивно участвовали у роботнї, та на папер положели свойо потреби, т. є. своїх здруженьох, институцийох, валалу вообще. Начишлєни потреби ше одношели од отримованя просторийох за роботу, и вибудов одредзених обєктох, по ришованє комуналних проблемох у валалє, потим у обласци образованя, у живоце младежи, у церковним живоце и друге. Як визначела Ґовльова, важне свойо идеї и потреби положиц на папер, анализовац их и поставиц прироритети. Вєдно ше потим анализовало яки у тей локалней заєднїци єст предносци, можлївосци, гроженя знука лєбо звонка тей заєднїци же би ше поставени цилї и реализовало. На початку цилї Проєктного бироу представел и предсидатель Националного совиту Борислав Сакач хтори потолковал яки и дзе єст можлївосци конкуровац.

- Видзиме же ше ту конкурує на локалних конкур сох, алє ше указало же и то нє цалком вихасноване. У Керестуре наш Совит нє ма подручну канцеларию, та ше Месна заєднїца наклада як тота цо обєдинює шицки субєкти, алє можебуц нє шицких котри би могли чуц информациї хтори им ми сцели пренєсц. Но Керестур ма вельки потенцияли, нє лєм за польопривреду, алє и у туризме, култури, за младих, итд, цо би могло витвориц и на медзинародних конкурсох т. є. прейґ предприступних фондох Еворпскей униї. За тото нам даваю можлївосц подписани сотруднїцтва зоз сушеднима або другима жемами дзе жию Русини - визначел Сакач. Свойо роботнї Проєктни биро нє могол витвориц прешлого року як плановане, алє су уж реализовани у чечуцим року. Роботнї отримани у Новим Садзе и Дюрдьове, а 12. юния и у Шидзе, дзе ше попри домашнїх зишли представителє наших Дружтвох и зоз Бикичу и Бачинцох, парохове, представителє локалней самоуправи, здруженя женох и други. М. Афич 18. ЮНИИ 2021.

СТАНОВИСКА

Пише: Александар САВАНОВИЧ, новинар

БАВИСКО ЗА ЖИВОТ Паметам, бул 30. юний 1996, ресторан ,Червена ружа” у Руским Керестуре, на телевизиї пренос финала Европского першенства у фодбалу у Анґлиї у хторим ше стретли Нємецка и Ческа. Точнєйше, нє паметам баш шицко, аж сом и точни датум мушел превериц на „Ґуґлу”, алє знам же финале бавене на дзень кед сом зоз новосадским Хором наступел на фестивалу ,Червена ружа”. Було то, иншак, и єдине мойо госцованє зоз спомнутим хором, алє вельке и нєзабутне, окреме у ситуациї кед ше з держави нє могло рушиц без визох и таксох, у живоце под санкциями, та и тима спортскима. Но, най нє ширим приповедку и здогадованя на часи кед лєм младосц и надїя же будзе лєпше давали моци остац жиц ту. Бул ту цали час и фодбал, и окремна емоция хтору коло себе шири тото бависко векше од бависка. Но, та, сом так, у павзи медзи наступами у Доме култури одбегнул прейґа драги, влапиц голєм полчас велького финала. Ресторан полни як око, морйо жимного пива и шприцеру з хторим ше розхладзовала публика пред екраном. З єдного боку, екипа Ческей хтора тих рокох наисце прицаговала увагу фодбалскей явносци, нє лєм з бависком, алє и имиджом цалком иншаким у одношеню на дотеди, покус монотони „восточни” екипи (паметаце, Берґер, Поборски и екипа). З другого, класично силни и зацагнути Нємци. Чехи водза зоз пенала, Панцере виєдначую и, стандардно победзую на концу. Як Бирхоф угнал „златни ґол” за европску титулу, так я скакам зоз карсцеля, розширям руки и обрацам ше доокола, подзелїц радосц зоз другима любителями нємецкей фодбал­ скей машини.., а у ресторанскей сали цихо як при умартому. У моменту ми ясне же сом єдини у тей громади хтори нє на боку „кнедличкох”. Нашвидко сом злял до себе побиднїцки шприцер, та гайд назад на „Ружу”. Цо сиґурне, сиґурне. Кед тераз роздумуєм, нє лєгко єдноставно одвитовац чом сом теди навиял за Швабох и чом их почитуєм як автентичну фодбалску велесилу. Чи пре саме бависко, чи пре їх фодбалску традицию и филозофию, чи пре безкомпромисносц - вше можеш буц сиґурни же буду бавиц з полну моцу, найлєпше як можу, же победза, лєбо вигиню. Окреме же на тим Евру нє могло навияц за „наших” хтори пре санкциї препущели уж друге першенство за шором. Єдноставно, анї нєшка нє можем патриц фодбал лєм так, индиферентно и без вибераня бока, бодай бим го патрел. Так и тераз, 25 роки после дожица на „Ружи”. У нових обставинох, без санкцийох, алє у ковид-реалносци, ознова Европске першенство, ознова без наших. За кого тераз навияц? После стретнуца Данска - Финска и колапсу, дословно клинїчней шмерци пред камерами и реанимованя на терену данского бавяча Кристияна Ериксена, одлучел сом навияц за живот. Факт же нам шицко тото коло корони уз пребарз чежке. Гоч ище єст рестрикциї и огранїченя, крашнє чуц галайк зоз трибинох, бо чечуце Европске першенство и, нє забудзме, нови, епични триюмф Новака Дьоковича у финалу Ролан Ґаросана, на свой способ представяю и врацанє до нормалносци. Старей, чи новей, нє важне, лєм най є нормалносц. Становиска висповени у тим тексту виключно авторово и нє вше одражую ушорйовацку политику новинох „Руске слово ”

РУСКЕ СЛОВО 5

НАШО МЕСТА ОТРИМАНА РОЧНА СКУПШТИНА ЗСР „КОЛЯК”

БУДУ АНҐАЖОВАНИ РИБОЧУВАРЕ На Рочней скупштини Здруженя спортских рибарох (ЗСР) „Коляк”, хтора отримана всоботу, 12. юния, у лєтнїковцу, у Руским Керестуре, представени Звит о роботи и Финансийни звит за 2020. рок. Бешедоване и о планох активносцох за чечуци рок, а окреме визначена идея же би ше анґажовало рибочуварох на Малим бачким беґелю, хтори буду задлужени за приявйованє крадзох и други нєреґуларносци рисутних на Рочней скупштини привитал предсидатель ЗСР „Коляк” М ихайло Пашо, а попри стаємних членох, присуствовали и предсидатель Месней заєднїци Владимир Олеяр, директор ЯКП „Руском” Иґор Фейди, як и числени спонзоре котри помагаю Здруженю. Шицким им П аш о п одзековал на вецейрочним , успиш ним сотруднїцтве, а потим зоз минуту цихосци члени Здру­ женя дали почесц членом хтори нас занавше напущели.

П

МАЮ 120 АКТИВНИХ ЧЛЕНОХ

Од планох за тот рок, на Скупштини окреме визначене же ше нєодлуга планує анґажовац рибочуварох, волонтерох, хтори буду задлужени за контролованє и приявйо­ ванє крадзох и риж них других заувагох на М алим бачким беґелю. По словох Михайла Пашу, за надпатранє Малого бачкого беґелю, окрем трох або штирох Керестурцох, буду задлужени и єден рибочувар у Крущичу и двоме у Сивцу. Предсидатель општини Дамян Милянич вислухал нашо рибарски проблеми и ступел до контакту зоз директором ЯВП „Води Войводини” Срдяном Кружевичом, та вєд но пре на шли та ке ри ше нє же би ше фор мо ва ло рибочуварску волонтерску службу на М алим бачким беґелю. Тот беґель ше пресцера од нашого Широкого,

Визначене же Здруженє ма 120 активних членох сениорох и ветеранох, и 30 пионирох, як и же у прешлим року предате 25 рибарски карти менєй, як у тим року лєм по 6. мешац. Подрозумює ше, як гварел Пашо.

- Скромнєйши рок пошлїдок ковид ситуациї, та ше наздавам же епидемия останє за нами, и же зме у тим року активносци годни поряднє предлужиц - визначел вон. Пашо поднєсол и Звит о роботи за прешли рок, и наглашел же пре настату ковид ситуацию, у прешлим року було релативно мало активносци. У 2020. року були отримани даскельо роботни акциї - вичисованє базена, акция ушорйованя лєтнїковца, у хторей вибетонирани ґарадичи и дражка, поставени три рефлектори, а офарбени и столи и лавочки. Попри тим, члени участвовали и у еколоґийней акциї у хторей ше зберало пластику и найлон у, и коло беґелю, була отримана акция керченя коло беґелю, од моста та по базен з правого боку, а як наглашене, тота роботна акция будзе предлужена. през Кру щ ич и Си вец. Буду ше йсцме або се дем цме рибочуваре на тей длужини, буду исц по терену и шицки ЗАЗНАЧЕ НИ ОКРЕМ НИ РЕ ЗУЛ ТАТИ зауваги буду приявйовац компетентним людзом. Буду и опо ми нац нє со ви сних ри ба рох - як ше шме лапац ри бу, Кед слово о спортских активносцох, члени Здруженя у зоз яким прибором и подобне - визначел Пашо. прешлим року зазначели окремни резултати, понеже на Попри тим, Здруженє планує и - орґанизовац клубски ,Чукияди” у Кули, спомедзи 125 екипох зоз цалей Войво- змаганя у лапаню риби, одход на змаганє до Миклошевцох, ди ни, Здруже нє „Коляк” завжа ло 1. ме сто, а по бид нїц ку участвовац и помогнуц коло орґанизациї спортских бавискох „Яша Баков”, з оглядом на подлу финансийну екипу творели Михайло Костелник и Владимир Гарди. Успишни були и на змаганю у рамикох Спортских бави- ситуацию того Здруженя. Як и дотераз, будзе орґанизована скох ,,Яша Баков” у Жаблю кед ище єдно 1. место освоєли у и Школа рибарства и еколоґийна едукация за пионирох, лапаню риби. Од спортских активносцох прешлого року а Здруженє „К оляк” будзе орґанизатор и у змаганю отримана и ,Чукияда” у Керестуре, як и змаганє у вареню ри- вареня рибового паприґаш у, будзе участвовац и на бового паприґашу, а члени поряднє участвую и на змаганьох ма ни фе ста циї „Днї ке ре стур скей па при ґи”, а тиж и у у Силбашу и Пиньвиц дзе тиж часто освоюю високи места. шиц ких во лон тер ских ак ци й ох хто ри до при но ша Цо ше дотика Финансийного звиту за 2020. рок, приходи крас шому и чи сте й шо му ва ла лу. Здруженя виношели 96 260 динари, а розходи 39 670 динари. По законченю Рочней скупш тини, предсидатель Од членаринох Здруженє мало 49 500 динари, 35 000 динари Здруженя Михайло Пашо поволал шицких членох же би ше достали од спонзорох, а од вареня котлїкох Здруженє приявели за участвованє у змаганю лапаня риби на дугов, заробело 11 760 динари. Прибор за риболов у вредносци хторе ше отрима на соботу, 19. юния, а того року на другей од 50 000 динари остал зоз 2019. року, и будзе додзелєни локациї, на рибалову власнїка Мирка Еделинския.^ як награда на змаганьох у тим року. А. Медєши

6 РУСКЕ СЛОВО

18. ЮНИЙ 2021.

те5Іа@ гизке5Іоуо.сот

,,ЮНИЙСКИ ФЕСТИВАЛ” У ВЕРБАШЕ

ПРОГРАМА ЗА ШИЦКИ ҐЕНЕРАЦИЇ Туристична орґанизация општини Вербас, у сотруднїцтве зоз Канцеларию за младих, пририхтала манифестацию под назву „Ю нийски фестивал” котра була отри­ мана од 11. по 16. юний. Вербас и того року бул домашнї того традицийного фестивала. През шейсц днї манифестациї була пририхтана богата и рижнородна програма, културно-уметнїцки наступи, кон­ церти и роботнї наменєни шицким ґенерацийом. Шицки програми були отримани на Площи Николи Пашича. Перши дзень „Юнийского фестивалу”, 11. юний, бул Дзе­ нь култури котри почал зоз преподаваньом о тамбурки у Городским музею Вербас. Потим, шлїдзело уручованє наградох з нагоди законченя литературного и подобового конкурса Явней библиотеки „Данило Киш”, „Дай ми кридла єден круг”. Дзень култури ше закончел зоз успишним и нащивеним Литературним вечаром зоз Миряну Бобич Мойсилович. Другого и трецого дня фестивалу, 12. и 13. юния, були Днї традициї. През обидва днї бул отримани Етно базар, як и Смотри жридловей и фолклорней творчосци. Пер­ шого Дня традициї зоз етно столом и рижнима сладкима и сланима лакотками на вербаским фестивалу ше представели жени зоз Активу женох КУД „Жатва” зоз Коцура. Гужва коло етно стола коцурских женох и празни танєри були найлєпши знак же нє треба забуц на стари ру-

ски смачни єдла котри рихтали нашо баби. У културно-уметнїцкей програми, дзе ше преплєтали танци, писнї и обичаї рижних ансамблох, як и рижнофарбове народне облєчиво числених учашнїкох, окрем велїх других, нащивителє могли видзиц и коцурских младих зоз Мишаней шпивацкей групи КУД „Жатва”. Вони за тоту нагоду пририхтали и численей публики одшпивали два писнї. По їх словох, барз красне чувство врациц ше на бину, а за наиходзаци манифестациї и стретнуца рихтаю нови репертоар, вибераю нови писнї и з нєсцерпеньом чекаю нове стретнуце зоз публику. Окрем младих з Коцура, наступели и Фолклорни ансамбл Дома култури Сивец, вокални солиста мадярского културного центру „Непкер” з Кули Петронела Феньвеши, як и КУД „Марко Орешкович” з Бачкого Ґрачцу. Пу­ блики ше представели и шпивацки ґрупи КУД „Батайница” з Батайници, КУД „Вук Караджич” зоз Чоноплї и СКУД „Жридло” зоз Станишичох. Штварти и пияти дзень фестивалу були „Весели днї” . Пондзелок, 14. юния, була Програма за дзеци - рисованє по тварох Креативного студия „Русалка Щеточка” з Нового Са­ ду, а потим наступели мали балерини з вербаскей танєчней школи Сгеагіуе Бапсе 8їийіо. Була и представа за дзеци „Цо то рециклажа?” хтору пририхтали школяре ОШ „Петар Пе­ трович Нєґош”, представа „Кеди настали бридки слова?” Душка Радовича котру виведол Дзецински драмски студио Городского театру з Бечею. Того дня Драмска секция ОШ „Бранко Радичевич” з Равного Села одбавела представу „Алє ше дакеди добре єдло”. Вовторок бул Вечар комедиї, кед наступел стенд-ап комичар Срдян Олман зоз „Цо нас то знашло?”, а потим Драмски студио Дома култури „Влада Марянович” зоз Старого Села виведол комедию „Жоржета”. Остатнього дня бул „Дзень уметносци” котри почал з подобову колонию на тему „Мотиви Вербасу” - Городски парк и Виста­ ву малюнкох „Ателє 05”. На концу бул отримани кон­ церт школярох Основней музичней школи з Вербасу. О. Р.

У ОПШТИНИ КУЛА

УТАРГНУТА ПОЗАРЯДОВА СИТУАЦИЯ У општини Кула, 14. юния, утаргнута позарядова ситуация, хтора преглашена 20. децембра 2020. року, а пре те ди по гор ша ну епи де ми й ну ситуацию зоз ширеньом хороти Ко­ вид-19 - одлучене на позарядовей схадзки Ш табу за кризни ситуациї Општини хторей на чолє Дамян М и­ лянич, предсидатель Општини Кула. Така одлука принєшена на основи того як Штаб преценєл ризики, релевантни информациї и зоз обчекованьом розвиваня ситуациї вязаней зоз 18. ЮНИЙ 2021.

ширеньом Ковиду-19. Так позарядо­ ва ситуация утаргнута и на основи звиту Заводу за явне здравє Зомбор же ше остатнї три тижнї число но­ вих особох позитивних на вирус ко­ рони стабилизовал на нїзким уровню, т. є. зазачени 14 позитивни, цо про се ко во днь о во ви но ши ме нєй як єдна особа, односно од 3. по 13. юний реґистрована лєм єдна пози­ тив на осо ба. Як винєшене у Одлуки Штабу, по 13. юний, на териториї кулскей оп­

штини реґистровани 3 291 особа котра була хора од Ковиду-19. Цо ше доти ка иму ни за циї, по 15. юний на те ри то риї Оп шти ни пер шу до зу да єд ней з по нук ну тих вак ци нох прияла 12 081 особа, а ревакциновани 10 748. Медзи нїма и 12. юния ре вак ци но ва ни 170 осо би зоз Ру ского Керестура дзе бул дочасови пункт за вак ци но ва нє у Здрав стве ней амбуланти, а прияли китайску Синофарм вакцину. М. А.

РУСКЕ СЛОВО 7

НАШО МЕСТА ПРОБЛЕМ АНИМАЛНОГО ОДПАДУ У ОПШТИНИ ЖАБЕЛЬ

ВШЕ ЄСТ НЄСОВИСНИХ, ГОЧ УСЛУГИ И ЗАДАРМО Зоз одруцованьом одпаду на адекватне место чува ше животни штредок, здравє людзох и животиньох. Медзитим, у Дюрдьове, як и цалей општини Жабель, вше єст гевтих котри тото нє почитую и нєсовисно одруцую шицки файти одпаду до природи Пишу: Сандра САЛАМУН и Мирон ГОРНЯК КУХАР

купштина Општина Жабель пошвидко по снованю Явного комуналного подприємства ,Чистота” Жабель (у априлу 2011. року) вигласала же кажде ґаздовство виношенє шмеца опрез обисцох муши плациц. Дзекуюци тому, за дакус менєй як пейцсто динари, а за пензионерох дупло менєй, роботнїки ЯКП ,Чистота” два раз до ме ша ца од но ша шме це опрез оби сца у нєогранїченим количестве. З початку ше велї гражданє побунєли пре таку орґанизацию. Медзитим, з часом велька векшина похопела же вона наисце добра и практична. ЯКП ,Чистота” на ве­ цей заводи обезпечовало канти од сто двацец литри за ґаздовства, єдну за мишани одпад, а другу за пластику. Хто их сце достац ище вше ше мож приявиц у тим подприємстве на число телефона 021/2100-429, або 021/2100-431, од седем рано по петнац годзин. Канти задармо, алє ше до нїх муши одруцовац тото за цо су наменєни, у процивним шлїдза кари.

С

У ОПШТИНИ ЄСТ ТРИ ЯВНИ ДЕПОНИЇ У општини єст три явни депониї, у Дюрдь­ ове, Чуроґу и єдна помедзи Жабльом и Ґосподїнцами. Їх роботни час од осем рано по седемнац годзин, а влєце по штернац годзин. Од прешлого року одкладанє шмеца до

нїх ше наплацує. Цени минимални. За шмеце у тракторскей лади наплацує ше 100 динари, за менши прикоч 200 динари, за вельки прикоч 300 динари, а за полни камион одпаду 1 000 динари. Заш лєм, кед же жадаце склонїц будовательни одпад, котри општинске комуналне подприємство нє виноши, гражданє го на депонию можу одвезц задармо. Медзитим, одредзене число гражданох свой одпад одруцую дзе сцигню. Парадокс же го найчастейше вируцую у околїску де­ пониї, на двасто метери од нєй, у Дюрдьо­ ве углавним до Девеньских каналох. ТРЕБА ОНЄМОЖЛЇВИЦ ИНФИЦИРОВАНЄ Окрем мишаного одпаду, мож видзиц здохлїни котри часто одруцени тамаль кадзи преходза людзе и животинї, а то барз опасне пре хороти. У Дюрдьове здохлїни часто руцени до Девеньского каналу зоз шицких бокох валала, окреме на драги Дюрдьов-Ш айкаш. Уж дзешец роки власнїкох животиньох маю обовязку же би їх животинї мали ознаку на уху. Тиж одтеди, їх обовязка кед им здохнє животиня, перше муша наволац ветеринара. По його препатрунку и констан то ва ню при чи ни шмер ци жи во ти нї, ветеринар обвисцує ЯКП ,Чистота”, а по

ИНФОРМАЦИІ О КОМПЕТЕНТНИХ ВЕТЕРИНАРОХ На териториї општини Жабель у сотруднщтве зоз ЯКП ,Чистота” за препатрунок здохнутих животиньох компетентни два ветеринарски служби. У Ґосподїнцох и Жаблю „Вета” доо Жабель - ветеринарски услуги и апатика. У Ґосподїнцох у улїци Краля Петра Першого 287/а, контакт телефон 021/836-500. У Жаблю ше находзи у улїци Святого Николи 28, контакт телефон 021/832-564. Роботни дзень робя од осем рано до осем годзин вечар, всоботу од осем рано до пентац годзин, внедзелю не робя. У Дюрдьове и Чуроґу за таке задлужена Ветеринарска станїца „Борвет”. У Дюрдьове ше находзи у улїци Краля Петра Першого 50, у ней роби ветеринар Душко Михелц, його контакт телефон 063/810­ 9-337. Препатрунок и констатоване прецо животиня здохла кошта 1 200 динари за векшу животиню, а 900 динари за менши, як цо швинї и подобни животинї.

8 РУСКЕ СЛОВО

18. ЮНИЙ 2021

те5Іа@ гизке5Іоуо.сот

тим воно обвисцує компетентне подприємство котре придзе на адресу дзе здохла животиня и однєше ю за­ дармо.

- Нєт анї єдна причина прецо би гражаданє виношели гоч котру файту одпаду на нєадекватне место, або нєпредвидзене место и зоз тим заґадзовали природу и околїско у котрим жию, кед шицко у реґуловане и ушорене у рамикох нашого подприємства. Єст ушорена и добра орґанизована система котра добре функционує и котрей ше векшина гражаднох притримує, медзитим єст и гевтих котри ше нє притримую правилох. Верим же то так лєм прето же су нє информовани - гварел директор Я в­ ного комуналного подприємства ,Чистота” Жабель Радомир Злоколица. Дакеди бул такволани статков теметов на явних депонийох у општини, медзитим, по новим Закону забранєне одруцанє здохнутих животиньох на статково теметови, закопуюци их до жеми на одредзене место. Таке вецей нє до шлє бод зе не пре ве цей при чи ни.

- То так, понеже барз важне знац прецо животиня здо­ хла же би ше, кед здохла од даякей оберацей хороти, хорота нє преношела и ширела. Прето важне же би здохнуту животиню препатрел ветеринар и так констатовал чи потребне применїц мири у тим ґаздовстве пре обераци хороти - гварел директор Злоколица. Вон апелує на гражданох же би чували свойо околїско и природу и на тот способ жили у здравим штредку, алє и же нє дошлєбодзене же би ше шмеце и здохлїни одкладало коло драги, окреме кед оможлївене же би одпад место нїх однєсли гевти котри за тото задлужени. Индикативне же док роботнїки ЯКП ,Чистоти” вєшенї зберали шмеце коло драги, у напряме ґу статковим теметове у Дюрдьове нашли вецей як шейдзешат здох­ нути животинї. Кед тоту часц ушорйовали тей яри, на­ шли седемнац здохнути животинї.

У РУСКИМ КЕРЕСТУРЕ

НАГРАДЗЕНИ ШКОЛЯРЕ НА КАРИТАСОВИМ КОНКУРСУ У рамикох вецейрочного проєкта Каритасу Сербиї под назву „Зменшованє ризику од елементарних нєпогодох”, 9. юния закончени активносци у Основней шко­ ли „Петро Кузмяк” у Руским Керестуре, з уручованьом наградох найлєпшим школяром цо участвовали на литературно-подобовим конкурсу хтори Каритас за нїх розписал на тоту тему.

НАЙЛЄПШИ РОБОТИ ПРОБЛЕМ МЕНТАЛИТЕТА ЛЮДЗОХ Ветеринар у Дюрдьове Душко Михелц гвари же кед дахто сумня же му животиня хора, же здохнє, треба же би ше явел свойому ветеринарови, односно тому хто ше стара о ґаздинству дзе тота животиня. Вец тот ветери­ нар и пише потвердзенє же животиня здохла, кед же ше то случи. Така констатация важна пре евентуално даяку оберацу хороту хтора барз опасна.

- Кед ше найдзе здохлїну, треба обвисциц ветеринара, хтори увидзи чи животиня ма маркицу, лєбо микро чип, же би ше идентификовало чия то животиня. Општина превжала на себе плаценє одношеня загинутих животи­ ньох. Дакеди ше то плацело. Пред можебуц вецей як 10 роками, требало плациц 5-6 тисячи динари же би ше однєсло здохнуту швиню, а за краву да ше нє бешедує. Те­ раз то иншак. Здогадуєм ше же док ше за вакцинованє псох плацело лєм якуш державну таксу 100 динари, а кажда шлїдуюца вакцина була задармо, вец з нагоди чипованя псох, було барз вельки одупераня. Людзе єдноставно, нє сцели вакциновац пси и то нє бул проблем трошок, алє менталитет. Иншак, тераз у Дюрдьове нєт даяки окремени опасносци од озбильнєйшого инфицированя ж и­ вотиньох, з тим же, розуми ше, треба буц осторожни наглашел ветеринар Михелц. ■ 18. ЮНИЙ 2021.

Першонаградзени школяре за подобово роботи у першей класи у обидвох оддзеленьох, Ванеса Няради и Зара Малацко, у другей Ема Венґрин и Дарко Еделински, у трецей Николая Рац, а у штвартей Исак Новта и Иван Будински. Конкурс розписани по отриманих роботньох дзе ше бешедовало о теми елементарних нєпогодох и катастрофох, хтори 20. мая отримани за школярох од 1. по 4. класу, а водзела их координаторка Каритасу Нового Саду Анита Ґовля. Литературно-подобови конкурс мал циль же би дзеци тото цо дознали на роботньох виражели на уметнїцки способ през литературни лєбо подобово роботи. У каждим од 7 оддзелєньох школярох цо участвовали на конкурсу, углавним найвецей з подобовима робота­ ми, наградзени найлєпши три роботи, а вчера автором Ґовльова уручела и награди, школски ташки и прибор, цо обезпечел Каритас. Тиж шицки цо участвовали на конкурсох були наградзени зоз теку и фломастерами. По словох Ґовльовей, керестурски школяре указали наисце вельке знанє, информованосц, и барз активно участвовали на роботньох, цо указали и їх литературно-подобово роботи. М. А.

РУСКЕ СЛОВО 9

ЕКОНОМИЯ І

ПОЛЬОПРИВРЕДНИ ФАКУЛТЕТ НОВИ САД - ДЕПАРТМАН ЗА УШОРЕНЄ, ХАСНОВАНЄ И ЗАЩИТУ ВОДОХ

БЕЗПЛАТНА АНАЛИЗА КВАЛИТЕТА ВОДИ ЗОЗ СТУДНЬОХ ЗА НАВОДНЬОВАНЄ Вода у хторей єст превельо желєза и манґану затика и знїщує систему за наводньованє. Акция безплатней анализи води будзе тирвац до конца рока и Департман потим обяви урядови звит епартман за ушоренє, хаснованє и защиту водох Польопривредного факултета у Новим Садзе оможлївел польопривреднїком же би задар­ мо преверели квалитет води зоз студньох хтори хасную за наводньованє у польопривреди. Роби ше о проєкту чия реализация почала пред трома роками у сотруднїцтве з Институтом „Биосенс”, гутори професорка др Ясна Ґрабич з того Департмана. Бул то менши проєкт правеня филтерох за желєзо, хтори порушани потим як на терену констатоване же польопривреднїки маю реални проблеми, и же приходзи до затиканя системох за наводньованє.

Д

СТРАТЕҐИЯ НАВОДНЬОВАНЯ Прешлого року порушани вельки проєкт на дер­ жавним уровню, хтори ма циль унапредзиц наводньованя у нашей жеми.

- У питаню пейцрочни план розвою системи за навод­ ньованє у Сербиї - Виробок нарису Стратеґиї наводньованя за период 2022-2031. рок зоз пейцрочним Акцийним и инвестицийним планом - гутори др Ясна Ґрабич.

ЯК ДАЦ ВОДУ НА АНАЛИЗУ Акция безплатней анализи води за наводньованє будзе тирвац до конца рока, а Департман потим обяви урядови звит. Кажди польопривреднїк хтори принєше воду зоз своєй студнї достанє информацию о квалитету води за наводньованє, з оглядом на облапени параметри. Безплатно ше анализує штири параметри: желєзо, ман­ ган, пХ (рН) и електропреводлївосц як общи параметри, хтори указую на генералну слику квалитета води. Польопривреднїки заинтересовани за анализи требали би свой прикладнїк води принєсц на Польопривредни факултет у Новим Садзе, до Лабораториї за води. За вецей информациї можу поволац 021/455 770, або 021/4853412. Воду за анализу треба принєсц у чистей амбалажи (фляши) у хторей иншак мож купиц воду за пице и тоту фляшу треба вецей раз виплокац праве з воду хтору сцу принєсц. После того треба наполнїц амбалажу з воду за анализу и цо скорей принєсц. За тоти безплатни анализи досц 0,5 литри води, а кед ше сце комплетну анализу за хасновитосц води за наводньованє, треба принєсц 1,5 литри води и у тим случаю ше наплацує анализу за додатни параметри. Кед же заинтересовани польопривреднїки нє можу такой присц, прикладнїк за анализу може стац у фрижидеру. У винїмкових случайох, кед транспорт проблем, мож воду на анализу послац и по швидкей пошти. На амбалажи обовязно написац мено и презвиско, число телефона и цо точнєйшу локацию студнї, место, адресу, або ище лєпше ҐПС (ЄР8) координати.

10 РУСКЕ СЛОВО

Резултати анализох указую же єст води у хторих єст звекшана концентрация желєза и манґану.

- У таких ситуацийох польопривреднїки треба же би були осторожни, окреме тоти цо сцу войсц до векших инвестицийох за системи за наводньованє, бо звекшани концентрациї можу знїщиц опрему. После длугшей експлоатациї системи, у периодзе од даскельо роки, систе­ ма ше позатика, а кед у питаню система капка по капка, приходзи до дробних перфорацийох. На контактней поверхносци медзи воду у цивох и воздухом приходзи до нагромадзованя желєза и затиканя системи, так же даєдни часци поля буду барз заляти, а други нє достаню во­ ди и вец и рошлїни и польопривреднїк маю чкоду. Нє добре же ше у сезони нє може реаґовац и одстранїц про­ блем - гутори др Ґрабич. ДОСТАНЄ ШЕ ФАХОВЕ ДУМАНЄ Попри желєза и манґану роби ше анализи за анйони и катйони, насампредз мера ше натриюм, калиюм, маґнезиюм и їх одношенє, вец сулфати, карбонати и бикарбонати. На основи анализох по даскельо шветових квалификацийох, дава ше фахове думанє о хасновитосци тей води за наводньованє.

- На основи анализи ми знаме як вода будзе вплївовац на систему за наводньованє и на жем. У Войводини маме барз минерализовану жем, зоз вельо натриюму и приходзи до засольованя жеми, а то барз нє добре. И зоз водами зоз беґельскей мрежи, дзе приходзи до „квитнуца води”, тиж маме проблем за наводньованє и за нїх треба найсц ришенє - гутори др Ґрабич. У плану направиц детальну карту, хтора будзе доступ­ на шицким польопривреднїком, на хторей годно видзиц у хторих реґионох єст критични места, дзе вода зоз студньох засицена з векшим количеством желєза и манґ­ ану. ■ М. Тамаш 18. ЮНИЙ 2021.

екопотуа@ ги5ке5Іоуо.сот

ПРОДУКОВАТЕЛЬ ҐЕРЕҐОХ, ОЛИВЕР ГАРДИ ЗОЗ ДЮРДЬОВА

ТОГО РО КУ БОСТАН БУДЗЕ П О Ж Н ЇЦ Тот рок специфични по тим же потераз було вельо жимни днї и ноци. Було вельо дижджу, а мало слунка, та прето шицки рошлїни на польох зоз свою веґетацию пожня. Ґереґи тиж буду пожнїц, та любителє тей лакотки кус почекаю ардийово зоз Дюрдьова уж трицец роки садза ґереґи, а робота ше преноши з колєна на колєно. Оливер треца ґенерация котра дзечнє ходзи на польо допатрац бостан котри, як гвари, нїґда нє знєверел. Стари людзе гваря же даке­ ди було вельо вецей продуковательох ґереґох, кажда друга хижа, алє як роки преходза, часи ше меняю, так бостану у Дюрдьовским хотаре єст вше менєй. Медзитим, надїю даваю праве таки фамелиї як Гардийова, котрих у Дюрдьове єст надосц, а котра нє дума претаргнуц тоту продукцию та, за тераз, Дюрдьов ше ище вше може споминац по добрих и смач них ґере ґ ох.

- На трох гольтох садзиме дзешец тисячи рошлїни, од того 7 000 ґереґи и 3 000 динї. На нашим полю ше садзи штири файти ґереґох - Васко (Уазко), Колосео (Соїозео), Ко стелейшен (Со§1е1е]§сЬеп) и Ромерия (К отегуа) и два фа йти динї - Полиника (Роїіпіка), Цитирекс (СШгекз). По тераз ше найвецей предавала Ромерия, то файта чарней ґереґи котра людзох прицагує пре свою нєзвичайну чарну фарбу и прето же є сладша од других файтох. Тераз копеме бостан, залїваме и прикармюєме го. Єдну часц зме садзели „спод мотики” директно зоз нашеня до поля, же би плоди пришли кус познєйше, та себе на таки способ предлужуєме час предаваня ґереґох толкує Оливер.

Г

продукция и драга ґереґох од пластенїку по польо. Зоз продукцию почи марцу кед розсадзуєме пресаду ґере­ ґох до пластенїку. Того року зме по­ чали кус познєйше як звичайно пре жимну хвилю, алє зме успишно випродуковали пресаду и зишло нам коло 95 одсто, цо барз добре. Почат­ ком мая, пресаду зме помали почали виношиц на польо, два трецини зме такой винєсли, а єдну трецину познє­ йше. На полю ше перше кладзе сподню фолию, потим ше пресадзує, а вец од горе иду нїзки тунели. О тидзень будземе знїмац тунели же би рошлїна мала места роснуц и розвивац ше. Цала поверхносц, воду достава прейґ системи капка по капка. Води достава кельо єй треба, алє єй хиби слунка - приповеда Оли вер. Ноци затераз ище вше жимни, температури нє преход­ за дзешати ступень, та ше початок сезони резаня бостану тиж од цаг нє, а проду ко вателє гваря же перше резанє мож обчековац аж почат ком юлия. ПЛАСМАН И ЦЕНА Гарди й о во сво йо ґереґи предаваю на драги Нови Сад - Зренянин, як и купцом на велько, а зоз предатим количеством ґереґох, на таки способ, су цалком задовольни. Прешла сезона була до бра, за до воль ни зме. Цена була досц добра през цалу сезону, ґереґи ше рушали од 40-50 дина­ ри, а динї од 70 по 100 динари на мало. За тот рок ше ище вше нїч нє зна, алє обчекуєме же будзе нїзша цена як влонї. Причина тому то увоз ґереґох зоз Греческей и тото же вельки предавальнї и маркети уж у старту зменшали цену на 80 динари, а о мешац будзе ище нїзша - гва­ ри Оливер.■ Л. Кухар

РУСКЕ СЛОВО 11

ДУХОВНИ ЖИВОТ

У КОЦУРСКЕЙ ПАРОХИЇ

ПРИВИТАНИ ПЕРШОПРИЧАШНЇКИ У церкви Успения Пресвятей Богородици у Коцуре, 13. юния, 21 школяре трецей класи першираз приступели до св. Причасци, а дзень пред тим ше висповедали. Службу Божу на 10 годзин служели парох коцурски о. Владислав Рац и капелан о. Данил Задрепко. З тей нагоди привитали 15 хлапцох и 6 дзивчата котри прияли Першу причасц, и визначели же то вираз Божей любови ґу нам, як и нашей любови ґу Богу кед го примаме под видами хлєба и вина. Церква того дня була виполнєта зоз фамелиями и родзину малих першопричашнїкох. По законченю Служби Божей, першопричашнїки участвовали у процесиї коло церкви зоз св. Тайнами, а вєдно з нїма и други дзивчата руцали ружово лїсточка опрез свящ енїка котри ношел св. Чашу. Шицким под зе лє ни па мят ки же би их здо га до ва ли на то ту знач ну подїю за їх духовни живот. За П ерш у причасц школярох пририхтала ви роу чи те ль ка Ксе ния Бесерминї, а помогла єй кан ди дат ка у ше строх Служебнїцох Мирка Цинканич. На шветочносци при су ство ва ли и їх учи тельки Валерия Папуґа, Дюрдїца Полдруги и Єлена Русковски, як и директорка коцурскей Основней школи Сенка Мученски. О. Р.

їм МЕМОКІАМ

о. ДЮРА МАЛЇК (1953- 2021) 1 У Винипеґу (Канада), 11. юния поховани о. Року 1985. дипломовал зоз администрамр Дюра Малїк, котри умар 2. юния у парохициї у бизнису, у Д’па, Манитоба. Як свящеялним доме. Хованє предводзел митропо­ нїк служел у парохийох: Катедрали св. лит Винипеґу Лаврентий Гуцюляк зоз свящЖ Владимира и Олґи, Винипеґ, парохиї Д’ па, енством, а хованє могло провадиц онлайн. * ’ЛТД Флин Флон, Томпсон, потим Етелберт и Дюра Малїк народзени у Коцуре 14. юлия ——▼7,*» *—■ околних парохийох, Сенди Лейк и околних 1953. року. Од 1968-1973. рок бул у українпарохийох, Кенора (Онтарио) и околних скей Папскей малей семинариї у Риме, у парохийох, парохия св. Андрия (Винипеґ, Италиї, од 1974-1976. року у українскей Манитоба) и юго-восточни парохиї. Папскей велькей семинариї св. Йосафата Окрем нєсебичней помоци за вирних у у Риме, а од 1977-1982. року у ВасилиянКанади, вон помагал и Християнски часо­ ским манастире за студиї, у Риме. пис Дзвони, а Беоґрадскей парохиї подаРоку 1982. здобул мастерс (лиценцият) зоз духов- ровал златну чашу за Службу Божу на чим му наша ней теолоґиї, на Терезиянским институту у Риме. Ро­ Церква и народ окреме дзекує и модлї ше за його ку 1983, 23. януара, митрополит Максим Германюк нєсподзиване путованє до вичносци. пошвецел Дюру Малїка за священїка у Винипеґу. о. Я. К./М. Г. К./о. В. В.

1 2 РУСКЕ СЛОВО

18. ЮНИИ 2021.

сІиИоупі@ги5ке5Іоуо.сот

У СРИМСКЕЙ МИТРОВИЦИ

СВЯТОЧНО ПРЕСЛАВЕНИ КИРБАЙ Зоз святочну Службу Божу и обходом коло церкви у Сримскей Митровици, 10. юния вирни тей парохиї и їх госци преславели свойо храмове швето Вознесениє Господнє. Службу предводзел о. Михайло Режак, декан сримски и парох шидски, вєдно зоз ґенералним викаром сримского владичества Едвардом Ш пановичом, єромонахом Романом Кандрачом зоз України, єромонахом и иґуманом Дамяном Кичом ЧСВВ зоз Кули, сримскима паноцами о. Дарком Рацом з Бачинцох и о. Владимиром Е д ел и н ски й о м М иколком зоз Б ер к асо в а, як и зоз о. Алексийом Гудаком зоз Вербасу. Апостол пречитал богослов Филип Суботич зоз Риму, а после евангелиї ґу вирним ше обрацел зоз казаню

о. Владимир з Беркасова. Вон вирних здогаднул на Христово порученє же би ишли и преношели евангелию по цалим швеце, починаюци од своєй фамелиї, на роботи и вшадзи дзе ше находза, та гоч то вельо раз и нє лєгко, нє забуваю ци же Х ристос гоч ше вознєсол на нєбо, занавше остава зоз нами, окреме кед ше сходзиме у Його мено, двойо або тройо. И з тей нагоди велї приступели до святей Споведзи и Причасци, отримуюци так полни одпуст, а на концу була кратка зворушлїва подїя, кед наймладши дзеци, Ходобово и Молнарово, превжали пошвецени нови икони Вознесения, ношели их святочно у процесиї коло церкви и так символично указали же пребераю од своїх предкох обовязку отримовац храмове швето своєй церкви. Окрем домашнїх, пришли и вецей госци зоз Бачкей и Сриму, та и парохиянє з Беоґрадскей парохиї, представнїки М арийового дїла з Беоґраду, представнїки културних орґанизацийох Митровици, як и представнїки Сербскей Православней Церкви. Ш ицким домашнїм и госцом свой поздрав послал и наш владика Георгий, як и други священїки нашей и других братских Церквох. После полудзенку зоз историю Сримскей Митровици госцох упознал богослов СПЦ Ди ми триє, котри их по вод зел по тим, да ке ди цар ским го род зе рим ско го цар ства. о. В. В.

ДУХОВНЕ ДРУЖЕНЄ У КОЦУРСКИМ КАРИТАСУ

З ЧИСТИМ ШЕРЦОМ ҐУ БОГУ У п р о сто р и й о х п арохи ялн ого Каритасу „Марийов дом” у Коцуре, 10. юния, отри ма не ду хов не друже нє на тему „Од гриха до радосци” котре пририхтала и отримала ш. Михаїла Воротняк. На поволанку коор­ динатора коцурского Каритасу Я н к а С ал о н т ая и його чи­ слених волонтерох, орґанизоване стретнуце зоз ш. М ихаїлу и духовни вечар на котрим присуствовали велї валалчанє. К а ж д и у ч а ш н їк н а ти м духовним стретнуцу достал фотокопирани текст, Псалм 50, котри вєдно зоз ш естру М и­ хаїлу читали , анализовали слова и виреченя, понеже, як вона визначела, кед ше дацо нє розуми, нє мож то анї читац, а анї модлїц.

18. ЮНИЙ 2021.

По єй словох, циль того вечара бул одкриц цо нам Бог гутори прейґ того тексту. У век ши ни слу ча й ох заключене же Бог глєда чисте и милосерд не шер цо.

- Було бешеди и о одкриваню велькосци Бога, котри добри, милосердни, котри лю бов. Значи, кед ше одкриє цошка добре и красне, тото цо нє добре теди менше и нє таке важне. Так и ми, нє роздумуєме лєм на своєй гришносци, алє и на велькосц и , п р ето и н а с л о в нєшка й шей те ми „Од гри ха до радосци” - гварела шестра Михаїла. Ш ицки присутни, як заключене на концу, зоз тим друженьом преглїбюю свойо вирске знанє и утвердзую ше у християнскей вири, а и з нєсцерпеньом чекаю но ве ду хов не стрет ну це зоз шестру Михаїлу Воротняк. О. Р.

РУСКЕ СЛОВО 13

Число 40 Пририхтала: Оля РУСКОВСКИ

РУСКЕ

СЛОЙКО

Н АШО ГЗ1ІЗ..ЦОЧКІ]

МАРИЯ САКАЧ ЗОЗ КОЦУРА

МАЛА, А ОДЛИЧНА БАЛЕРИНА, УМЕТНЇЦА И СПОРТИСТКИНЯ Окрем того же є одлична школярка штвартей класи Основней школи „Братство єдинство” у Коцуре и же у дньовнїку зазначує сами петички, Мария Сакач ходзи танцовац до танєчней школи, люби физкултуру, барз крашнє рисує, збера награди и на подобовох конкурсох... Прето и можеме повесц же Мария права мала гвиздочка, о яких и пишеме у нашим Руским словечку. дмалючка Мария була барз активна, швидка и вертка. По словох єй родичох, Дияни и Янка, пред тим як направела перши крочаї, Мария почала бегац на пальцох. Прихильносц ґу физичней култури и активносци вше указовала, а рижни акробациї и ґимнастични рухи каждодньово виполньовали обисце Сакачових. Понеже ю родичи потримовали, ослухуюци Марийово интересованя, пред пар роками ю уписали до танєчней школи,точнєйше на сучасни балет, и єй вертки дух там унапрямели.

- Дас пред трома роками сом почала ходзиц до танєчней шко­ ли Сгеаїіуе Рапсе ЗїиСіо у Вербаше. Там ходза дзеци зоз Коцура, Вербасу, з Кули, Руского Керестура... Подзелєни зме по ґру-

О

14 РУСКЕ СЛОВО

пох, у зависносци од возросту, єст младша ґрупа, стредня и старша ґрупа, а я танцуєм у ґрупи дзе дзивчата од 9, 10 роки. Крашнє ше дружиме на тренинґох, окрем то -о же вредно робиме, а и наставнїца Елизабета ко­ тра нас учи барз добра - з ошмихом приповеда Мария. Тренинґи ше отримую у просторийох того танєчного студия у Вербаше, три раз до тижня, по годзину. Гоч то вимага вельо ча­ су и одреканя, Мариї то нє про­ блем, понеже у каждей проби сучасного танцованя ужива. А обовязки у школи тиж начас позакончує, вредна є школярка, та є и пре свой цалком одлични успих велька пиха сво-м родичом.

- На пробох вежбаме и танцуєме на странску музику, на даяки познати и актуални музични гити.

18. ЮНИЙ 2021.

5Іоуеско@ гизке5Іоуо.сот

З провадзеньом музики, виводзиме одредзени ґимнастични рухи, шпаґи, стоїме на рукох, багинди... То нє класични балет, алє сучасни, а наставнїца Елизабета нам вше зложи интересантни кореоґрафиї. Любим тренирац, танцовац и любим кед наступаме - гвари наша мала гвиздочка. Зоз свою ґрупу наступела у велькей сали вербаского биоскопа „Югославия”, а тераз ше рихтаю за наступ на Юнийским фестивалу котри ше отримує тиж у Вербаше. Концом юния буду участвовац на зма -аню у Беоґраду на фестивалу „Влап ритем”, а потим и на „Змайових дзецинских бавискох” у Новим Садзе. Наступали би и частейше, толкує нам Мария, алє нажаль, пре корону велї плановани наступи нє були отримани. На наступох вше маме даяки нєзвичайни костими, розлични рукави на горнєй часци, розлични ногавки, чати на власох, прикраски, пирка по глави, вшелїяки

18. ЮНИЙ 2021.

ЧАРОДІИНОСЦ СУЧАСНОГО ТАНЦ У Сгеаііуе Рапсе Зіигііо основани 2012. року, и перши є танєчни студио у Вербаше дзе ше можу уписац будуци танєчнїки шицких возростох на класични, лєбо джез балет, гип-гоп, або пилатес. Сгеаііуе Рапсе Зіигііо водзи Елизабета Матич, дипломована балетска танєчнїца и дипломовани спортски тренер фитнесу. Робела як балетски педаґоґ у основней Балетскей школи у Новим Са­ ду, а була анґажована у балетским студию „Дина Миклич”. У тей танєчней школи у Верба­ ше дзеци маю можлївосц звладац основи класичного и джез бале­ ту, як за змагательни, так и за рекреативни ґрупи, а през бависко и танєц розвиваю самодовириє, координацию рухох, правилне триманє цела...

„дранґулиї” - з ошмихом нам указує Мария.

ТАНЦУЄ, РИСУЄ, А ЛЮБИ И СПОРТ Окрем танцованя, наша гви­ здочка люби и рисовац, а то барз крашнє роби. О тим шведоча и велї дипломи и награди котри освоєла на рижних конкурсох у Верба­ ше и Руским Керестуре на котри Марийова учителька Лидия Будински поряднє посила єй роботи. Єй любов то и физкултура, люби спорт, а барз швидко и бежи, о чим шведочи завжате перше и друге место на кросу на котрим участвовала. Вельке жаданє єй же би єдного дня була наставнїца физкултури и шицку тоту любов пренєсла и на други дзеци. Затераз, у физичних активносцох ше ґу нєй найчастейше придружує младши брат Матей, котри школяр першей класи.

- У нашим дворе маме циви ко­ три нам тато направел, та ше и Матей и я там вше обрацаме. Барз любиме скакац и на трамболини, лєбо бегац по дворе, викруцац ше, обрацац циґ ан карики... Так одпочиваме од школи, пририхтуєме ше за тренинґи, и нїґда нам нє допито - гвари вона. У часу котри пред нами, ми сиґурни же ище велї красни наступи, танци, вистки увидзиме и учуєме од тей одличней школярки, бале­ рини, уметнїци и малей спортисткинї з Коцура. ■

РУСКЕ СЛОВО 15

КУЛТУРА И ПРОСВИТА І

У ОСНОВНИХ ШКОЛОХ У РУСКИМ КЕРЕСТУРЕ, КОЦУРЕ И ДЮРДЬОВЕ

МАТУРАНТИ ЗАКОНЧЕЛИ НАСТАВУ Школяре осмей класи ОШ „Петро Кузмяк”, як и шицки мали матуранти у Сербиї, 8. юния мали остатнї наставни дзень, а од шлїдуюцого дня ше починали орґанизовано пририхтовац за Закончуюци испит хтори будзе 23. 24. и 25. юния Н а схадзкох О ддзелєнскей и Наставнїцкей ради, 9. юния розпатрена реализация настави, успих шко­ лярох, констатовани В уково, и окремни дипломи и похвали, а вибрани и ш коляр ґен ерац и ї. Потвердзени и успих 32-їх малих матурантох, та одличних єст 13, од чого тройо маю и Вуково дипломи, 11 школяре посцигли барз добри, а 8 добри успих. Потвердзени и школяре цо достаню окремни дипломи зоз предме­ тах зоз хторих участвовали на даєдним уровню на змаганьох, як и по­ хвали за окремне закладанє у наста­ ви, тиж з поєдинєчних предметох. Вельки матуранти т. є. ґимназиялци, наставу закончели 25. мая,

и то 12 школяре з руским наставним язиком, а 26 у сербским. Два днї потим ш ицки, окрем єдного ш коляра зоз сербского оддзелєня, покладали матурски испит, перше з мацеринского язика, а вец з ви­ борного предмету, док одбрана матурских роботох була од 1. по 7. юний. Матуранти напряму туристичноготелиєрски технїчар наставу закон­ чели 31. мая, а потим по 11. юний покладали матурски испити. Н а 17. ю ния на схадзкох Оддзелєнских радох и Н аставнїцкей ра ди буду утверд зе ни їх по сциг ну ти успихи, а дзень потим, 18. юния плановане шветочне уручованє дипломох.

ШКОЛЯРКА ҐЕНЕРАЦИЇ У КЕРЕСТУРСКЕЙ ҐИМНАЗИЇ АНАСТАЗИЯ КОЗАР За школяра ґенерациї Штредней школи зоз домом школярох „Пе­ тро Кузмяк”, у тим школским року вибрана школярка ґимназиї на сербским язику зоз ІУ-2 оддзеленя, Анастазия Козар зоз Кули. Єй вибор на своєй схадзки 26. мая потвердзела Н аставнїцка рада Ш коли, а по одлуки окремней Комисиї. За титулу школяра ґенерациї, попри Козаровей свойо дипломи прида­ ла и Йвана Баїч, тиж школяр­ ка ґим назиї сербского од­ дзеленя, але на основи бодованя дипломох, дакус вецей боди мала Козарова. Як визначела комисия, обидва школярки цо конкуровали за тоту титулу були активни у ш колских и звонка наставни х активно­ сцох, на зм аганьох, квизох, смотрох, на презентациї шко­ ли, кросох, сотруднїцтвох зоз другима институциями.

16 РУСКЕ СЛОВО

Ґлориян Штранґар

За школяра ґенерациї осмей кла­ си, т. є. малих матурантох вибрани школяр V III б оддзелєня Ґлориян Ш транґар, цо потвердзене вчера на схадзкох Оддзелєнскей и Наставнїцкей ра ди Основ ней школи „П етро Кузмяк” . За тоту титулу конкуровали ище и школярки з истого оддзелєня Андрея Надь и Х елена Новта, док за найлєпш ого ш коляра V III а од­ дзелєня вибрана Теодора Фа. Ґлориян п осциговал замерковани успихи зоз риж них предметох, як природних так и друж твених, т а на змаганьох од школского по м едзиокруж не достал 25 дипломи за даєдно з перш их трох местох. Ґлориян тиж и успиш ни карати­ ста у кулским Гайдуку и на змаганьох од войводянского по держ авни уровень освоєл 16 рижни медалї. М. Афич 18. ЮНИЙ 2021.

киІІига@ гизке5Іоуо.сот

І

У ОСНОВНИХ ШКОЛОХ У РУСКИМ КЕРЕСТУРЕ, КОЦУРЕ И ДЮРДЬОВЕ

ПРЕСЛАВЕЛИ МАТУРСКИ ВЕЧАР Прешлого штвартку, 10. юния, мали мату­ ранти Основней школи „Братство єдинство” у Коцуре означели конєц свойого осемрочного школованя зоз преславу матурского вечара.

Иґор Чордаш

Того року ше у пополадньових годзинох зишли опрез школи и, як то уж традиция, шветочно предефиловали по „Пелетову са­ лу”, дзе була орґанизована преслава. Красна и слунечна хвиля их провадзела, а числени валалчанє, родичи маломатурантох, родзина и товарише их випровадзели зоз аплаузом. Госци школярох на матурским вечару були їх учительки, наставнїки и директорка коцурскей Основней школи Сенка Мученски. За школяра ґенерациї Основней школи „Братство єдинство” у Коцуре у школским 2020/2021. року вибрани Иґор Чордаш, шко­ ляр руского оддзелєна VIII класи. За тото припознанє конкуровали ище двоме школяре, зоз VШ-3 класи Илия Мартич и Петар Рунич, алє на основи приложеней документациї о посцигнутих успихох на змага­ ньох з рижних предметох, потвердзене же Иґор бул успишнєйши - мал вкупно 15 боди. Чордаш бул активни и успишни у автомоделарней секциї, та з предмета Технїка и технолоґия посцигнул замерковани успихи на општинских и републичних змаганьох. Тиж, активно участвовал на змаганьох зоз руского язика и математики, бул анґажовани у школ­ ским карате клубу и зазначел успихи на вецей карате турнирох. Бул член школскей шаховскей секциї, а тиж и член Добродзечного огньогасного дружтва у Коцуре. О. Р.

18. ЮНИИ 2021.

ОСТАТНЇ БРЕНЧОК ЗА ОСМАКОХ Конєц школского року за матурантох то єден чежки, алє источашнє и красни период живота кед ше закончує єдно животне поглавє котре тирвало осем роки, бо почина цалком нове, нєпознате. Велї з нїх уж знаю до котрей школи ше далєй жадаю уписац, а вел ї ше ище вше предумую и роздумую котра би то школа була прави вибор за нїх. За таких школярох котри нєсиґурни до свойого вибору, вше єст фахова помоц психолоґа и педаґоґа у школи котри зоз своїма совитами можу помогнуц школяром вибрац школу котра будзе праве тото цо вони жадаю. У Основней школи „Йован Йованович Змай” у Дюрдьове школяре маю нагоду упознац штреднї школи през рижни презентациї и приповедки о искуствох школярох котри их закончели. Пред тим як цо придзе тот дзень примацих испитох и приношенє таких ришеньох, матуранти сво­ йо осморочне школованє закончую у вешелю. Матурски вечар у Дюрдьове бул отримани пондзелок, 14. юния, у просторийох Школи. З кратким дефилеом по парку опрез Школи, почал матурски вечар котри матуранти длуго чекали, а церемония ше предлужела у школским дворе, на котрей пре епидемийну ситуацию, могли присуствовац лєм родичи.

- Того року маме 65 школя­ рох у штирох оддзелєньох ко­ три успишно закончели осморочне школованє. З радосцу можем повесц же од тих штирох оддзелєньох и єдно руске у котрим дзевецеро школяре „ „ Ксения Вереш успишно закончели осму клаг су. Маме пейцох школярох котри достали Вукову диплому од ко­ трих три школярки зоз руского оддзелєня, а то: Ксения Вереш, М арина Барна и Ясмина Мудри. За школярку ґенерациї вибрана Ксения Вереш котра зоз своїм трудом, знаньом и упартосцу з ко­ тру указала же през свойо осморочне школованє заслужела тоту, наисце важну нагараду - приповеда директорка школи Любица Клепич.

- Можем повесц же чувство барз красне, з початку ми було и кус чудне, нє наздавала сом ше же од шицких школярох будзем я тота котрей припаднє таке важне припознанє. Як час преходзел и як ми шицки наставнїкове и школяре винчовали на тим, помали сом почала буц свидома цо сом достала и барз сом прето щешлїва. Наисце сом ше барз трудзела од першей класи, вельо сом часу препровадзела зоз кнїжку, а тот труд ше на концу виплацел. През осморочне школованє сом ишла на велї змаганя и то зоз: руского язика, биолоґиї, историї и математики, а награда з котру ше окре­ ме цешим то перше место на републичним змаганю з руского язи­ ка - гвари Ксения. Ксения ше планує уписац до штреднєй Музичней школи „Йосиф М аринкович” у Зренянину, одсек Виводзач класичней музики (вокално-инструментални напрям). Л. Кх.

РУСКЕ СЛОВО 17

КУЛТУРА И ПРОСВИТА

ПОЧАЛИ АКТИВНОСЦИ У КПД У ШИДЗЕ И БИКИЧУ

ПРИРИХТОВАНЯ ЗА ЛЄТНИ МАНИФЕСТАЦИЇ Вигодни епидемийни стан пре вирус корона и утаргованє позарядовей ситуациї на подручу општини Шид оможлївели же би после длугшей павзи виволаней пре спомнуту пандемию, ознова почали активносци у наших КПД „Дюра Киш” у Шидзе и „Иван Котляревски” у Бикичу. Шидянє павзу у роботи секцийох Дружтва вихасновали за ушоренє нукашньосци Руского дому. У такволаней малей сали ушорена кухня, а до велькей сали треба ище положиц ламинат. Тиж пременєти и облаки и дзвери зоз сучасним ПВЦ тишлєрайом. Орґанизовани и вецей акциї ушореня, односно пораєня у самим доме и коло дома.

ли од националного значеня по наших местох, як и насту­ пи на манифестацийох на подручу општини Шид - гвари предсидатель Дружтва Златко Манько. Ознова будзе активна и Дзецинска драмска секция, а з дзецми робя Далибор Болдиш и о. Владимир Еделински Миколка, цо збогаци активносци Дружтва. Манько додава же нєдавно отримана роботна схадзка зоз представителями Културно-образовного центру, а у цилю унапредзованя сотруднїцтва. Як Манько наглашує, зоз КОЦ-у порихтани помогнуц коло фаховей помоци за потреби секцийох, а тиж и коло писаня проєктох за рижни конкурси за доставанє средствох. Єдна з инициятивох у Дружтве и же би после вецейрочней павзи була порушана робота фолклорней секциї хтора нє роби прето же нєт зацикавени дзеци. У планє же би ше пробовали и прейґ школох даяк анимировац дзеци же би од септембра могла робиц и фолклорна секция.

- Плануєме концом рока отримац шветочни рочни кон­ церт, хтори зме пре познати прични нє мали у 2020. року кед требало означиц и вельки ювилей 100-рочнїцу од снованя Дружтва так же тераз означиме 101 -рочнїцу Дружтва. Тиж ше наздаваме же буду обезпечени средства за нашу роботу з вецей уровньох - гвари на концу Златко Манько. Робота музичней секциї почала и у КПД „Иван Котлярев­ Як нам гварел Златко Манько, предсидатель КПД „Дюри Киша” зоз пробами почала музична секция, точ- ски” у Бикичу. Женска жридлова шпивацка ґрупа „Бикичанки” нєйше Старша и Младша шпивацка ґрупа як и оркестер рихта репертоар за наиходзацу Манифестацию „Пришли Дружтва. Зоз старшима шпивачами як и скорей роби Сне- нам Русадля”, а пририхтую их Драґана Ґлувня Бабич, рукожана Лазич, а з младшима Наташа Еделински Миколка, водителька ґрупи, а музично их провадзи Боян Бабич. док з оркестром руководзи Драґан Макивич.

- Прешлого року зме мали павзу у отримованю нашей - Робота секциї у полним розмаху и шицки лєдво чека­ Манифестациї „Пришли нам Русадяла”, а тераз ше рихтаме ли шпивац, дружиц ше и на ступац. Перша манифестация же манифестацию отримаме 20 юния. На концерт поволани за хтору ше пририхтуєме будзе госцованє у Бикичу, 20. члени КПД „Дюра Киш”, а тиж и нашо Дружтво будзе мац юния, з нагоди їх традицийней Манифестациї „Пришли свойо точки. Затераз нє плануєме волац госцох зоз иножемнам Русадля”. Тиж порадзене и же би наш Фестивал там- ства. По традициї майово древко зме посадзели 30. априла бурових оркестрох „Мелодиї Руского двору” бул отрима- у центру валала опрез Етно хижи, а после концерта, 20. юния, Вл. Дїтко ни 31. юлия. А вец заш буду шлїдзиц други нашо фестива- го зрубеме - гвари Деян Бобаль.

МЕЛАНИЯ МУДРИ (1933-2021) Дня 14. юния того року у Шидзе ше упокоєла учителька у пензиї Мелания Мудри (народзена Планчак), супруга нашого покойного писателя и наставнїка Василя Му­ дрого. Мелания ше народзела у Руским Кересетуре 1. октобра 1933. року и там закончела основну школу и нїзшу ґимназию з малу матуру, а учительску школу закончела у Зомборе 1953. року. Перше роботне место єй було у Дюрдьове, а вец прешла до Ру­ ского Керестура. Ту ше одала за наставнїка Василя Мудрого и пошвидко прешли службовац до школи при Покраїнским дзецинским шпиталю на Принциповцу при Шидзе. Отамаль, 1962. року преходзи на

18 РУСКЕ СЛОВО

учительску службу до Бикич Долу и там роби по 1975. рок. Теди преходзи до Основней школи „Сримски фронт” у Шид­ зе, а вец до Основней школи „Йован Веселинов Жарко”, тиж у Шидзе, одкаль 1988. року пошла до заслуженей пензиї. Дружтво за руски язик, литературу и културу єй додзелєло „Припознанє Осиф Фа, учитель”, як учительки велїх ґенерацийох школярох у Бикичу и Шидзе, „за длугорочну воспитно-образовну роботу зоз школя­ рами и аматерску културну дїялносц”. После пензионованя и по шмерци супруга Василя остала жиц у Шидзе. Похована є на руским теметове у Шидзе дня, 15. юния 2021. року. Дю. Л.

18. ЮНИИ 2021.

ЧНИОДПОЧИВОК

■<Т* уЦЦІВ>>

. 1 ^

л л а і2

Щ

т.. \

______ _____ ________ А » - « Т і

ш

. Іо іС * а г " » .- .

_

^

:^

. ^

і

Кед єст дзеки, часу и пенєжи, лєгко мож вибрац кадзи ше пойдзе того лєта на рочни одпочивок, бо и у нашей жеми и на познатих шветових туристичних дестинацийох єст вельо шлєбодни места и велї ше змагаю з рижнима вигодносцами прицагнуц туристох ицки зме ше звикли жиц попри Ковиду-19, вельке число гражданох достало и другу дозу вак­ цини процив тей оберацей хороти и порихтани су за путованє на рочни одпочивок. У Сербиї вельке понуканє одпочивку у баньох, на горох, у валалским и етно туризме, на рикох и озерох. Понука ше окрипенє, розвага, нащива и уживанє у природних красох и интересантним околїску, адреналински авантури. Же би ше афирмовало туристичне понуканє у Войводини, 10. юния Привредна комора Войводини додзелєла припознанє „Капура успиху” 29. раз за шором, найлєпшим у погосцительней и туристичней дїялносци. За лауреатох вибрани тоти хтори, по оцени комисиї, и у чежкей туристичней сезони пре пандемию, зазначели успихи и на найлєпши способ представели мултиетнїчну заєднїцу Войводини и допринєсли моцнєню войводянских туристичних понуканьох. У прешлим року нє було туристичного путованя до иножемства, так же шицки цо сцели пойсц на одпочивок, були унапрямени на домашнї дестинациї. Пред­ ставнїки Привредней комори Войводини и Туристич­ ней орґанизациї Войводини и того лєта поволую на патриотски туризем, же би ше помогло розвой и моцнєнє домашнїх атрактивних туристичних дестинацийох. Предсидателька Комисиї за оценьованє квалитета туристичного понуканя Наташа Павлович, иншак пред­

Ш

18. ЮНИЙ 2021.

сидателька Туристичней орґанизациї Войводини, гварела з тей нагоди же туристичне понуканє Войводини єдинствене и досцигує найвисши стандарди кед у питаню културне нашлїдство, мултикултуралносц и ґастрономия. Плакети за квалитет услуги „Капури успиху” до­ стали Специялни шпиталь за рехабилитацию „Баня Канїжа” у Канїжи, Ловарска хижа „4. єленї” у Катю, Ресторан „Пикник” у Новим Садзе, Винария „Маурер” у Гайдукову и „Музей войводянских Словакох” у Бачким Петровцу. З тей нагоди додзелєна и награда „Златне пирко привреди” за особне доприношенє афирмованю войводянского туризма, хторе достал фотоґраф Мартин Цандир. Тоти дестинациї спомнути же би були инспирация за удатни вибор и одпочивок у даєдней з туристичних дестинацийох у Войводини.

ЧЕКА ШЕ НОВУ КВОТУ ВАУЧЕРОХ е ну квоту ваучерох за субвенционованє одпочивку у Сербиї у 2021. року и же заинтересовани гражданє год ни пошвидко придац свойо формулари. Зоз буджетом Сербиї за 2021. рок потераз одобрене 600 милиони ди нари за 120 000 ваучери. Вредносц єдного ваучера 5 000 динари и з нім мож плациц часц трошкох за одпо­ чивок хтори облапя найменєй пейц ноцованя. Пре ве льке интересованє, тота квота барз швидко потрошена. Шицки податки о пребераню ваучерох за туристичне пребуванє и одпочивок и хтори готели, ресторани и дестинациї туризма облапени з можлївосцу хаснованя тей вигодносци, мож найсц на сайту пПрз://то]азгЬца.гз/.

19

ДОМ И ФАМЕЛИЯ УСЛОВИЯ И ЗА ОДХОД ДО ИНОЖЕМСТВА

ДО ДАЄДНИХ ДЕРЖАВОХ СДНОСТАВИИПВИВШ А ДРУГИ МАЮ СТРОГИ МИРИ И ЗА ДЗЕЦИ Велї ше рихтаю пойсц на лєтованє, з тим же пандемия корона вируса уведла надосц нового у одношеню на предходзаци роки, так же одход на морйо на тот завод будзе дакус иншаки, окреме кед у питаню преходзенє гранїци а драгу ше треба добре порихтац и добре треба превериц хтори условия треба сполнїц за уход до жеми до хторей сце плановали пойсц. Условия за преход гранї­ ци ше розликую од жеми до жеми, з тим же ПСР тест потребни шицким хтори путую на авиону.

З

РЕЖ ИМ УХОДУ ДО ГРЕЧЕСКЕИ Державянє Сербиї можу войсц до Греческей на авиону або прейґ драгових гранїчних преходох Евзони (зоз С. Македонию, хтори отворени од 7-23 годзин), Промахонас, Орменио (зоз Болгарску отворени 24 годзини) и Нимфеа (зоз Болгарску, отворени 7-23 годзин). Ш ицки путнїки хтори путую до Греческей муша пополнїц формулар прияви (Ра88еп§ег Ьосаїіоп і Р о гт, електронски прейг сайта \¥\¥\¥.1хауе 1.£ 0 у.£г), * найменєй 24 годзини скорей як войду до Греческей и указац го при З уходу. У тим формулару муши буц наводнена адреI са на хтореіі міс прсбува. ^ число дньох н ми аранжман у ііа.іосші шш.іаііеА іЧ с ми. гомік ііміс. ми (сі кон.

і рак і о вих и

с л о Во

Ш П А Н И Я , ТУ РС К А , ГОРВА ТСКА За одход до Ш паниї дакус благши условия. Тота дер­ жава од 7. юния допущує нашим державяном, хтори до­ стали другу дозу вакцини два тижнї пред путованьом, же би вошли до тей жеми, кед су вакциновани з гоч хтору вакцину, окрем з русийску. За дзеци младши од шейсц роки нєт огранїченя, под условийом же з нїма одроснути вакциновани особи. За уход до Турскей ревакцину треба окончиц минимум два тижнї пред путованьом, а малолїтни особи можу во­ йсц до жеми без ПСР теста, кед су зоз вакцинованима родичами.

їм с с ц с н іо и п ра­

о о овяїкох

у случаю

висшей сили. Тиж муша мац неґативни ПСР тест нє старши од 72 годзини (ошлєбодзени дзеци до 6 роки), або потвердзенє о законченей вакцинациї (з гоч хтору вакцину) найменєй 14 днї пред одходом до Греческей видате од компетентно­ го орґану. Потвердзенє о вакцинациї попри особних податкох, треба же би мало написани тип достатей вакцини и число дозох, а то шицко ма наш диґитални желєни сертификат. Або треба порихтац потвердзенє о прелєжаней хороти 2 до 9 мешаци пред путованьом. Потвердзеня треба же би були видати на анґлийским, нємецким, италиянским, шпанским або русийским язику. Тиж путнїки на гранїчним преходу можу буц и тестирани зоз швидким тестом. Кед тест позитивни, обовязни су препровадзиц у хижней изолациї 10 днї, у обєкту хтори виберу (кед же маю свой квартель), або у гевтим хтори им одредза гречески компетентни орґани (о трошку держави). Тераз у Греческей на моци огранїченя пре зоперанє ширеня зарази з вирусом Ковид-19 и то - обовязне

РУСКЕ

ношенє маски у завартим и на отвореним просторе и за­ брана рушаня у периоду од 01,30 до 05,00 годзин. За од­ ход зоз копна на острова (окрем на Евиє и Лефкаде) тиж треба мац при себе потвердзенє о вакцинованю и неґативни тест (ПСР, швидки, або селф тест). Осиґуранє ше накнадно вибера и облапя ризик од заражованя з Ковидом-19, а Греческа превжала часц лїченя и карантина за сербских туристох.

ДАЄДНИ ДРАГОВО ОСИҐУРАНЯ ОБЛАПЯЮ И КОВИД-19 Того лєта даєдни осиґуруюци хижи у нашей жеми понукаю клиєнтом хтори купя у нїх драгове осиґуранє и покрице хороти Ковид-19, уключуюци: шицки трошки дияґностики, тестираня по препоруки овласценого лїкара, змесценє у изолациї виключно по препоруки овласцено­ го лїкара, трошки врацаня до жеми пребуваня, лїченє у шпиталю, трошки лїкох за лїченє звонка шпиталю и єден контролни препатрунок. Попри тим, кед у путованю почувствую здравствени почежкосци, клиєнтом на розполаганю консултациї з лїкаром асистентскей компаниї, або на фиксни телефон. Ґу тому, клиєнти доставаю и ґратис осиґуранє обисца док пребуваю на одпочивку у иножемстве.

1атеіуа@ги5ке5Іоуо.сот

Цо ше дотика Горватскей, тоти правила ше применює на дзеци младши од 12 роки, под условийом же им родителє або старателє маю неґативни ПСР, або антиґенски тест, або потвердзенє же достали гоч хтору вакцину и же од ревакцини прешло найменєй 14 днї. Т У Н И С И БОЛГРАСКА Дзеци до 12 рокох нє обовязни зробиц ПСР тест за уход до Тунису, а у Болгарскей старосна гранїца за уход без ПСР теста пейц роки. У остатнї час Кипар постал интересантни нашим ту­ ристом, бо до тей жеми можу войсц шицки хтори прияли вакцину гоч хторого продукователя. Дзеци хтори наполнєли 12 роки нє муша мац ПСР тест, а за шицких других нєвакцинованих нєобходни ПСР тест, хтори тре­ ба повториц при приходзе на острово. Тот други ПСР тест роби ше на аеродрому, цена 30 еври, а резултати ше чека коло штири годзини. ЄГИПЕТ Єгипет и далєй ма строги условия за уход, так же тоти цо сцу там лєтовац за преход гранїци муша мац виключ­ но неґативни ПСР тест, нє старши од 72 годзини. Тото правило важи за шицких путнїкох, цо значи и за тих цо достали вакцину и ревакцину. Тестиранє обовязне и за дзеци старши од шейсц роки. Хто тест нє зроби у Сер­ биї, дзе цена 9 000 динари, може го зробиц по виходу з авиона у Єгипту, дзе кошта 30 долари. Важне знац же по врацаню до Сербиї на авиону нєобходне мац ПСР тест нє старши од 48 годзини. У процивним ше вирека мира карантину у хижних условийох дзешец днї. Нїч зоз наведзеного ше нє применює на особи хтори достали обидва дози вакцинох (за Астра-Зенека вакцину досц лєм єдна доза) у Сербиї и хтори маю о тим потвердзенє.

треба информовац о условийох уходу до жеми до хто­ рей ше вибераце пойсц.

- Кажда жем ма право принєсц свойо власни правила и ма право нє виполнїц тоти власни правила - гутори Иґор Вранєшевич, турист-оператер за авионски и гайзибански карти. По терашнїх податкох Министерства вонкашнїх дїлох, державяном Сербиї нє допущене путовац пре туристични причини до 18 жемох:

ЗАДАРМО ПО ДРАГИ ПРЕЗ МАКЕДОНИЮ Од 15. юния на гранїчним преходзе Табановци на уходзе до Сиверней Македониї започало дзелєнє М-смарт карточкох туристом зоз Сербиї хтори путую по Коридору 10. Вредносц карточки 760 денари и служи за плаценє драгарини у обидвох напрямох на авто-драги Приятельство, од Табановцох, по преход Богородица, на гранїци з Греческу. По одлуки Влади С. Македониї, путнїком зоз Сербиї наменєни 200 000 „наполнєти” електронски М-смарт карточки за плаценє драгарини у периодзе од 15. юния по 15. авґуст. Право хасновац тоти карточки маю шицки державянє Сербиї, хтори до С. Македониї путую по Коридору 10, на хторим наплатни места маю опрему за електронске наплацованє преходу. Будзе ше давац по єдну карточку по автомобилу и то буду контроловац Министерство нукашнїх дїлох и Явне подприємство за драги. Карточки останю у тирвацей власносци державянох Сербиї, хтори их годни дополньовац зоз найменєй 300 денари, за шлїдуюци уход до С. Македониї. То ґест подзековносци за донирани вакцини Републи, . - ки Сербиї и сербским гражданом, хтори вше радо дочекани, визначую у Влади Сиверней Македониї.

Н Є М О Ж Д О 18 Ж Е М О Х Е У Тих дньох членїци Европскей униї усоглаша заєднїцки документ за путованя, хтори ше одноши виключно на медицински параметри, хтори путнїк муши мац на єдним паперу. Ту треба же би стало чи дахто вакциновани и же прешло вецей як 14 днї як цо прията остатня доза, чи и кеди прелєжал Ковид-19 и даєдни и антиґенски те­ сти нє старши од 72 годзини. Кед у питаню вакцинованє, углавним ше дума на вакцини хтори припознала Европска аґенция за лїки (ЕМА). За тераз то вакцини хтори продукую Бионтек-Файзер, Модерна, Астра-Зенека и Джонсон и Джонсон. Кед ше ма медицинску документацию, припознаванє або нє припознаванє даєдних вакцинох нє условиє же бисце, наприклад, пошли того року опатриц музей Прадо у Мадриду, або Лувр у Паризу. Вони лєм квалификую путнїка, же кед ма роботи хтори нє мож одложиц, або даяку барз важну подїю, можу пойсц до тей жеми Европ­ скей униї.

- Обяви же даєдни жеми припознаваю даєдни вакцини, а даєдни нє, лєм збунюю путнїкох, гваря предавателє авио-картох и додаваю же ше пред рушаньом на драгу

18. ЮНИИ 2021.

Австриї, Белґиї, Ческей, Данскей, Естониї, Французкей, Финскей, Нємецкей, Италиї, Литваниї, Луксембурґу, Голандиї, Польскей, Портуґалиї, Румуниї, Словацкей, Шведскей и Малти. До тих державох тераз мо­ жу путовац лєм гражданє Сербиї хтори там маю дозво­ лу за пребуванє, пре роботу, або даяки нагли причини Наявене же Нємецка знєє Сербию з лїстини епидемийно ризичних жемох. ■ Гоїо: -тжт. У о ^ о й т а Ігауеі Гоїо: РіхаЬау

ДОМ И ФАМЕЛИЯ

женоблоґ

'Я

Я

и

СТ єдно место у Сримскей Каменїци, а нє преходзим тамаль часто, єдна точка на схили Фрушкей гори, котра ме вше застанови и вше ми вицагнє ошмих на твари. Зоз того места видно Дунай, як ше приблїжує ґу Новому Саду, як километрами чече ґу нам. Кус далєй, лєси, пажици, населєня, поля, у рижнородних фарбох... Окреме вєшенї. И кажде хто жада у тей хвильки стануц и видзиц зоз другима очми тоту видиковцову линию, нє останє ровнодушни. Сиґурна сом до того.

Є

Пише: Ясмина ДЮРАНЇН етаіі: ]азтіпа.фгапіп@дтаіІ.сот №№№.2ЄпоЬІодца.сот

Уж напевно знаце же барз любим природу. И як стареєм, вше сом єй баржей свидома. Свидома сом и преходносци нашого живота. И задумайце яки то дарунок кед посадзице древо котре будзе на тим истим месце стац и роками после вас! Мнє тот факт єдноставно одушевює! Тей яри у нашей и сушедних заградох єст незвичайно вельо птици. Вшелїяки — голуби, тащки, цинки, врани, сойки, и ище єдна файта хторей нє знам як мено. Вчас рано нам шпиваю, джубкаю по дворе хробачки, правя гнізда у околних древох и випатра же одлучелн ту и остац. Най и тото припознам - нїґда сом нє любела кед ми папаґай трепеци з кридлами понад главу. Алє, якошик их розумим. У остатнї час по Фрушкей гори ше барз вельо рубало древа, безправно. Знїщени цали поверхносци и птици остали без

22 РУСКЕ СЛОВО

своїх домох, без поживи и склонїща. Вони пришли до нас же би ше спашели. Прето сом надумала помогнуц им у тим. Приповедам мойому цалу теорию о злодїйстве над нїма, занєшено, од шерца. Осторожно ме вислухал и поставел круциялне питанє: - И, цо я мам зоз тим? Гварим му, як зашалєна членїца Ґрин Писа, же им мушиме поставиц хижку у дворе и кармиц их.

- Ище ше нам нє зводзели птичурини до двора! Маш ти розума?

- Добре, положиме ю коло сушедовей огради, од загради, та нє будзе таке страшне. А ти знаш же вони нє маю цо єсц? Вони ту пришли прето же нє маю дзе прежиц! Шицко порубане и знїщене!

- А зоз чим же их будземе кармиц? Мам им и хробачки куповац, предпоставям... Було ту ище нацагованя, питаня, реторични питаня, зареканя и одмахованя з главу. На концу лєм прекоментаровал: - Нє мам „убодну тестеру” . Глїбоко верим же хижка будзе справена. И же помогнєм голєм даскелїм птицом. А посадзела сом вєшенї и два древа до двора. Нє, нєт шанси да ше ми нє уда. То природа. Природа нас люби баржей як власни мацери. Кед єй ми помогнєме, вона нам тоту любов вецейнїсто враци. Єдноставно, нє приставам на менєй. ■ ©

18. ЮНИИ 2021.

киІІига@ гизке5Іоуо.сот

У РУСКИМ КЕРЕСТУРЕ БУЛ КОНЦЕРТ МУЗИЧНЕЙ ШКОЛИ

ЗАДОВОЛЬНИ И МАЛИ МУЗИЧАРЕ И ПУБЛИКА Концерт з нагоди законченя школского року, Школи за основне музичне образованє з Кули, видзелєного оддзелєня з Руского Керестура, отримани 11. юния у Велькей сали Дома култури. У 27 точкох наступели 28-еро шкояре керестурского оддзелєня од першей по пияту класу хтори представели часц того цо през рок научели, зоз солфедя, т. є. на своїх инструментох, клавире, гармоники, и тамбури. Пририхтали их їх наставнїки Мирон Сивч, Мирко Преґун, Геленка Гарвильчак, Владимир Медєши и Ладислав Тамаши, а на клавире школярох провадзела Кая Мандич-Плавшич. У Велькей сали було огранїчене число публики, алє випатрало же шицки предвидзени м еста були по-

полнєти. Концерт бул праве ошвиженє после вецей як рок претаргнутих наступох и школярох тей школи, пре епидемию ковиду. Як у мено наставнїкох визначел Мирко Преґун, у тим периодзе школа зробела шицко цо могло же би своїм школяром хтори вредно робели и у вименєних обставинох, омож лївела голєм он-лайн наступи. Концерт наживо пред публику, заш лєм найвекш а награди за їх труд хтори видно було и з тей н а­ годи, и попри треми и даєдних хибочкох пре возбудзенє, хтори ше случую у тих початних крочайох младих музичарох. Подобни концерти за конєц школского року отримани прешлого тижня и у Кули, дзе бул и окремни традицийни концерт найуспишнєйших школярох. У медзичаше окончени и упис за шлїдуюци школски 2021/22, та ше до керестурского оддзеляня Школи за основне музичне образо­ ванє ШОМО 5. юния уписали 12 нови школя­ ре до пририхтуюцого оддзелєня и пецеро до першей класи. Вони шицки пред тим прешли и примаци испит, а першокласнїки ше опредзелєли учиц грац - тройо на гармоники, и по єдно на клавире и на тамбурки. М. Афич

ОТРИМАНИ ОКРУГЛИ СТОЛ О ПРАВОПИСУ РУСКОГО ЯЗИКА

ЗАКОНЧУЮЦА СЕСИЯ ЯВНЕЙ РОЗПРАВИ Пията сесия явней розправи Линґвистичней секциї Дружтва за руски язик, литературу и културу, пре звекшованє обсягу терминох хтори вязани за нови осучаснєни Правопис руского язика проф. др Михайла Фейси отримана пияток, 11. юния, у Руским културним центре у Новим Садзе. Уж два округли столи анализуєме духовну терминолоґию, цо и як написац. Тот тим хтори ту дал вельки резултат, а медзи нїма видзелїм мено Гелени Медєшовей, хтора порихтала за нєшка метериял у хторим зведла тото цо зме робели на схадзкох, хтори були пошвецени духовней терминолоґиї. Предложел сом єй же бизме тот Правопис руского язика зоз пра­ вописним словнїком публиковали як коавторе - гварел проф. др Михайло Фейса. На закончуюцим округлим столє розришовало ше звекшого церковну терминолоґию, алє и други термини и правописни проблеми, хтори ше у медзича­ ше зявели як дилеми.

18. ЮНИЙ 2021.

Кед слово о церковней и духовней терминилоґиї, вец важне знац и мац почитованє ґу словом як цо то Бог, Дїва Ма­ рия... Покус розришуєме проблематику котра ше зявює найвецей у писаню, у бешеди ше то нє видзи. Нє шицки людзе єднак чувствую, лєбо су нє дошлїдни у писаню такей терминолоґиї - заключел о. Юлиян Рац парох новосадски. На схадзки присуствовали автор но­ вого правопису проф. др Михайло Фейса, мр Гелена Медєши, коавторка на правопису, о. Юлиян Рац, и лекто­ ре, прекладателє и новинаре з наших руских редакцийох. Предсидателька

Линґвистичней секциї Дружтва за ру­ ски язик, литературу и културу Блаженка Хома Цветкович гварела же на­ шу явносц очекую пременки кед сло­ во о правопису и правописних правилох. Так як цо ше шицко меня, меня ше и наш язик и прето єст на ньго рижни уплїви, зявюю ше нови слова, нє виєдначени су, вельо термини требало прилагодзиц итд. На тих схадзкох ше тоти дилеми розришовало и вельо того розришене и порадзене так, як ше думало же би було найлєпше за наш язик. Вецей ше нє можеме ви­ ключно тримац лєм правилох и словох хтори ше хасновало пред 50 рока­ ми, алє мушиме похопиц же часи у хторих жиєме иншаки, а то вплївує и на язики, та и на наш, руски. Сесия тирва уж пол рока и одвитовала на велї правописни проблеми. Орґанизаторе правописней сесиї Завод за културу войводянских Руснацох, Оддзелєнє за русинистику Филозофского факултета и Дружтво за руски язик, литературу и културу. В. Вуячич

РУСКЕ СЛОВО 23

ЛЮДЗЕ, РОКИ, ЖИВОТ

СТРЕТНУЦЕ: ГАЙДУКОВА ФАМЕЛИЯ З РУСКОГО КЕРЕСТУРА

ОСТАЛИ НА ВАЛАЛЄ, ДОМА РОБЯ И КРАШНЄ ЖИЮ

Пише: Оленка ЖИВКОВИЧ

Часто чуєме же високошколовани, образовани млади людзе одходза до иножемства. Нє видза перспективу у своєй держави, та им одход до иножемства випатра як єдина можлївосц. Заш лєм, єст и младих котри ту оставаю, и нє лєм же оставаю у держави, алє оставаю жиц на валалє. Живот у городзе их нє барз прицагує и кед ше им укаже можлївосц и условия, на валалє робя, сную свойо фамелиї... Єдна з таких и млада Гайдукова фамелия аташа, єй супруг Мирко и штирирочни двойнятка, Сташа и Ема, фамелия хтору зме нєдавно нащивели. Мирко по фаху електроинженєр, закончел и курс за програмованє, жадаюци пременїц фах. На­ таш а у Керестуре у котрим одросла, позната як Катончикова, ма зубну ординацию приватней пракси „С енд Е”.

Н

- Думам же сом ше за тото опредзелєла ище дзеведзешатих рокох прешлого вику, кед моя мац почала приватно робиц зоз Балетичову дохторку у Вербаше. Часто зме з братом и вєдно з ню ишли до Вербасу на роботу. Док мац робела свою роботу, я вше стала при дохторки и припатрала ше. Дохторка ме нїґда од карсцеля нє одґурла. Озда єй робота уплївовала же би сом и сама пожадала буц стоматолоґ. Ч а­ сто сом, уж у седмей, осмей класи помагала мацери у роботи и кед сом ше уписала до медицинскей школи, виучуюци теорию, знала сом як то випатра у пракси. Кед ше требало уписац на факул­ тет, тиж нє було вельо роздумованя. На М едицинским факултету було три напрями: фармация, медицина и стоматолоґия. Вибор бул лєгки стоматолоґия. Пременка нє була велька, бо ше велї мойо пайташки зоз штреднєй школи уписали на исти факултет. Було нове саме студиранє, алє нє и окруженє - гвари вона. После законченя факултета, з оглядом на ситуацию у дружтве и нєзанятосц, родичи жадали помогнуц Наташи же би отворела приват­ ну праксу. Як млади фаховец, почала дома робиц 2011. року, а приватну ординацию и урядово отворела на керестурски Кирбай 2019. року Ж ИВОТИИ СПОКУСИ

ОД Н А РО Д ЗЕН Я У М ЕД И Ц И Н И З оглядом на тото же Наташово родичи робели у вербаским Здравственим центре, оцец як рендґенски технїчар, а мац як зубни технїчар, Наташа ше одмалючка стретала зоз медицину. Прето и єй вибор после законченя основней школи бул напрям зубного технїчара у новосадкей медицинскей школи.

24 РУСКЕ СЛОВО

Наташа ше за свойого супруга Мирка одала 2012. року. Поведло би ше же роки анї нє таки важни у тей приповедки, алє...

- Як и векшина малженских парох и ми сцели такой мац дзеци, но, после одредзеного часу похопели зме же цошка нє у шоре. Завадзало ми кед ше ми людзе опитали же цо чекаме, цо нє маме дзеци, бо роки уж були ту... Я була свидома рокох котри 18. ЮНИЙ 2021.

УисІ2е@ги5ке5Іоуо.сот

сом мала, и знала сом же час нє на моїм бо­ ку, алє сом зачац нє могла. Ш ицки познати и блїзки знали яки маме бриґи. Нїґда сом нє крила и нє була тайна же зме були на звонкатїлесним оплодзованю и добре знам же ми двойо, з моїм супругом, нє допринєсли тому же нє можеме мац дзеци. Вше зме роздумовали же добре тото же постої и таки способ на котри мож помогнуц малженским паром же би мали потомство. Нїхто нє зна чом ше то случело и яка причина - толкує Наташа. Одход до лїкарох, розпатранє опцийох и роздумованє о причинох, шицко то звичай­ не у таких ситуацийох, алє и психично барз напарте. Памета наша собешеднїца же кед першираз були у дохтора, вон им написал тринац можлївосци, кельо ґарадичи єст по тоту остатню - звонкатїлесне оплодзованє. Випатрало им далєко, процес потирвал, алє заш лєм станули и на тоту ґарадичу.

- Єст людзох хтори упарти и вельо вецей раз пробую, алє мнє тотеди випатрало як вичносц. Длуго зме чекали дзвичата, бо требало чекац док ше шицки коцочки нє поскладаю. Психично сам процес досц чежки, бо ше му­ ша зробиц велї анализи, инсеминациї. Вельо раз сом плакала, одуставала, а нїхто ми нє могол помогнуц док я у своєй глави нє ришела же лєбо идзем далєй, лєбо про­ буєм далєй жиц без дзецох. Теди ми то було барз стра­ шне, а тераз, уж кед шицко прешло и нашо дзивчата ту, жиєме єден звичайни фамелийни живот - здогадує ше Наташа на спомнути днї. На початку яри, у марцу 2017. року, народзели ше двойнятка, Сташа и Ема. На питанє як то после велїх рокох нараз постац мац двойнятох, Наташа ше нашмеяла: - Нормално, бо я такой мала двойо! Думала сом же ше то подрозумює. Жили зме зоз супругом Мирком обок при моїх родичох и вше кед сом ше нє могла сама зоз нїма вибориц, мац пришла о два минути и помогла. И мойо и Мирково родичи нам помагали и тераз помагаю. На самим початку єдни родичи варели, други топели, знаходзели ше, приповеда далєй Наташа.

- Було ту и нервози, як и вше кед чловек нєвиспани, алє пошвидко сом почала робиц, дас о мешац, мешац и пол, по годзину дньово. Дома сом була нервозна, бо дзе­ ци у тим периодзе часто плакали, та сом ше змирйовала

18. ЮНИИ 2021.

КО Н ТРО Л А Б АРЗ ЗНАЧНА Наташа ма пациентох зоз Керестура, з Лалитю, Крущичу, Липару, Кули... При старших ґенерцийох, кед слово о охореньох зубох и яснох, частейше ше завюе запущеносц зубох, док при дзецох ест барз вельо погубени зуби. По Наташовим думаню, тому виновате часте шедзенє за комютером або екраном кед ше ровно еднак заеда, а зуби ше не чуха и то главни виновнїк, вєдно зоз адитивами котри ше находза у тих намирнїцох.

- Зуби треба чухац голем два раз дньово - рано и пред спаньом. Нашо людзе не звикли ходзиц на контролу, а то барз значне. Так и кед настане даяке охорене, мож го на час одклонїц. Дзеци потребно одмалючка учиц о гиґиєни, та и же одход до зубара нїч не страшне. Млєчни зуби треба оправяц, прето же вец дзецко одмалючка ма звикнуце одходу до зубара и не бої ше. За таки зуби тераз ест и пломби у фарбох, та вец и дзецом интересантнейше присц до зубара толкуе наша собешеднїца.

на роботи. Похопела сом же сом лєпша ґу нїм кед дакус пойдзем до ординациї, як кед бим цали дзень була з нїма. Шицко було ту, дома, та ше було лєгко зорґанизовац. П РИВАТНА РО БО ТА М А Д О БРИ БО КИ Сташа и Ема того року наполнєли штири роки. Як и векшина занятих родичох, и Наташа и Мирко ришели же дзивчата пойду до яшелькох. Думаю же колектив добре ришенє, бо ше дзеци праве там починаю скорей старац о себе. Сцу, наприклад, пойсц ґу дзецом, а єдна з нїх кус ганьблївша, док друга шмелша, та помагаю єдна другей. Досц су зависни єдна од другей, повязани и вше су вєдно, толкує Наташа. Научели єдна зоз другу и знаю ше вєдно забавиц. Розлични су, нєєднаки су анї по характе­ ру, анї по випатрунку, алє єдна другу потримую. Наташа гвари же єй робиц у приватней пракси вельо лєпше як у державней, нє лєм пре роботу, алє и пре фамелию. Може ше подполно пошвециц и роботи и фамелиї. Живот на валалє єй одвитує и анї кус нє банує же остали у Керестуре. З другого боку, гвари же у валалє потребни стоматолоґове, и гоч є нє сама зубарка у вала­ лє, дума же шицки маю надосц роботи. ■

РУСКЕ СЛОВО 25

іггїогтаІог@ ги5ке5Іоуо.сот ОСТАТНЇ ПОЗДРАВ Дня 10. юния ме после краткей и чежкей хороти зохабела моя мила супруга

ОСТАТНЇ ПОЗДРАВ Дня 2. юния после краткей и наглей хороти, у далєкей Канади, у Винипеґу, упокоєл ше у Господу наш мили брат и бачи,

СМУТНЕ ЗДОГАДОВАНЄ Дня 13. юния наполнєли ше 40 днї як нас зохабел наш мили

священїк

о.

ЛЕОНА ДОРОКХАЗИ народзена Пап (1937-2021) з Коцура У найкрасших памяткох остава ми наш заєднїцки живот. Супруг Силвестер Дорокхази Спочивай у мире Божим! ОСТАТНЇ ПОЗДРАВ Дня 10. юния нас после краткей и чежкей хороти зохабела наша мила мац, швекра, баба и прабаба

ЛЕОНА ДОРОКХАЗИ народзена Пап (1937-2021) з Коцура

мр ДЮРА МАЛЇК (1952-2021) з Коцура Памятку на це буду чувац брат Юлиян зоз супругу Нелю и дзецми Антоньом, Андрийом и Марту Спочивай у мире Божим!

ВЛАДИМИР САЛАҐ (1960-2021) зоз Беочину Найкрасши памятки на це чуваю тета Сена и шовґор Михал зоз дзецми з Руского Керестура Спочивай у мире Божим!

ОСТАТНЇ ПОЗДРАВ Преселєла ше до вичносци наша мила

п ■у

ЛУ

З любову хтора ше нє претаргує будзеш жиц вично у наших шерцох и паметаню. Дзивка Сенка, жец Нандор, унучата Андреа и Дарио и праунучата Филип, Лена, Александер и Дуня Спочивай у мире Божим!

СМУТНЕ ЗДОГАДОВАНЄ На наших милих Прешли 40 боляци и жалосни днї як вецей не з нами нашо мили родичи, баба и дїдо

ТЕРЕЗКА КАНЮХ (1949-2021)

Од бачика Леонтина зоз дзецми: Славком и Оленку и їх фамелиями зоз Канади Най спочива у мире Божим! ОСТАТНЇ ПОЗДРАВ Нашей милей тети

ТЕРЕЗКИ КАНЮХОВЕИ (1949-2021)

Од Марчи Бруґошовей и єй дзецох: Ясминки и Владка зоз фамелия­ ми зоз Швайцарскей Спочивай у мире Божим! Єй фамелиї щире сочувствиє ОСТАТНЇ ПОЗДРАВ Дня 8. юния 2021. року занавше нас зохабела наша мила

ВЛАДИСЛАВ ПАШО (1933-2021)

МАРИЯ ПАШО (1937-2021)

Поцихи вєдно сце пошли зоз того швета и вєдно предлужели вични нєбесни живот. Най вас чуваю нєбесни ангели, а ми вас чуваме у наших шерцох. Дзивка Геленка, жец Славко и унук Алексей Спочивайце у мире Божим!

26 РУСКЕ СЛОВО

ТЕРЕЗА КАНЮХ (1949-2021)

Нєсподзивала ме вистка о твоєй шмерци. Дзекуєме ци на твоєй доб­ роти, на твоїм благим ошмиху и друженю зоз нами. Най це навики чуваю ангели, а ми це вично будземе чувац у наших шерцох. Остала лєм цихосц и пражнїна, ожалосцена фамелия Гербутова Оля, Саша, Маряна, Давид и Адам Вичная памят!

18. ЮНИИ 2021.

іггїогтаІог@ ги5ке5Іоуо.сот ОСТАТНЇ ПОЗДРАВ

ОСТАТНІ ПОЗДРАВ Дня 13. юния 2021. року занавше ше преселела до вичносци моя мила пайташка

Нашому братнякови

ЙОВҐЕНОВИ ЧАПКОВИ (1956-2021) з Руского Керестура З любову и почитованьом у красних памяткох навики го буду чувац Рацпетийово - Владимир зоз супругу Оленку и дзецми Най спочива у мире Божим!

СМУТНЕ ЗДОГАДОВАНЄ На нашу милу и добру Иринку

МЕЛАНИЯ МУДРИ - учителька народзена Планчак у Руским Керестуре (1933-2021) Цали свой роботни вик препровадзела у Бикичу и Шиду

ИРЕНА МИКЛОШ (1943-2019) з Нового Саду Икуш моя, порадо и поцешене мойо, нїґда вецей, а так нам хибиш. Твоя шестра Ксения зоз дзецми и твой син Срдян зоз свою фамелию Най спочива у мире Божим!

Мила моя Меланко! По доброти Це паметаме и зоз почитованьом споминаме. Наш живот то лем хвилька и здогадоване на прешлосц. Твоя щиросц, любов ґу каждому, пошла зоз Тобу, а нам остали лем, памятки на Тебе. Най це у цихосци вичного мира, при своїх милих, провадзи наша любов. Твоя Иринка Олеярова, учителька зоз унуками и праунуками Спочивай у мире Божим!

СМУТНЕ ЗДОГАДОВАНЄ

ОНУФРИ ПРЕҐУН (1930-2016)

ЯРОСЛАВ ПРЕҐУН (1962-1998)

ОСТАТНІ ПОЗДРАВ

ИРИНА ПРЕҐУН (1936-2021) Спочивайце у мире Божим!

Вашо наймилши 18. ЮНИИ 2021.

РУСКЕ СЛОВО 27

іггїогтаІог@ ги5ке5Іоуо.сот

СМУТНЕ ЗДОГАДОВАНЄ Дня 19. юния наполня ше шейсц мешаци як не зо мну моя мила и любена супруга

др МАРИЯ ХОМА народзена Семан (1953-2020) з Руского Керестура

Непреривно думам на тебе и подзековни сом за шицки прекрасни хвильки хтори зме ведно препровадзели. Твой Владимир Спочивай у мире Божим! СМУТНЕ ЗДОГАДОВАНЄ Дня 19. юния 2021. року наполня ше шейсц жалосни мешаци як нас занавше зохабела наша мила андя Марча

МАРИЯ ХОМА (1953-2020) з Руского Керестура Марчо, чежко нам похопиц же ши вецей не медзи нами, але красни памятки на твою любов, щиросц и весели ошмих будземе паметац. Браца и шестри Хомово зоз фамелиями, як и Марча Бруґошова и Юлинко зоз фамелию Спочивай у мире Божим!

28 РУСКЕ СЛОВО

др МАРИЯ ХОМА народзена Семан (1953-2020) з Руского Керестура Пошла ши несподзивано и охабела нас у глїбоким смутку. Занавше будземе паметац твой попатрунок, поцилунки, мудри слова и совити. Дзекуеме ци за шицко. Твоя дзивка Марияна зоз супругом Иґором, твой син Мижо зоз супругу Наташу, и унучата: Еван, Леана, Димитри и Амелия Спочивай у мире Божим! СМУТНЕ ЗДОГАДОВАНЄ Дня 19. юния 2021. року наполня ше 6 мешаци як ше преселела до вичносци наша мила шестра и нина

др МАРИЯ ХОМА народзена Семан (1953-2020) з Руского Керестура Ти вецей не при нас, але ши вше з нами. Твой брат Мижо зоз супругу Терезию и София Най спочива у мире Божим!

18. ЮНИИ 2021.

іггїогтаІог@ ги5ке5Іоуо.сот

ОСТАТНЇ ПОЗДРАВ Дня 18. юния 2021. року наполнели ше 6 жалосни мешаци як ше до вичносци преселел наш мили оцец и дїдо

Дня 28. юния 2021. року наполня ше 6 жалосни мешаци як ше до вичносци преселела наша мила мац и баба

ЮЛИЯН СЕМАН (1945-2020)

АНКИЦА СЕМАН народзена Шеґо (1944-2020)

з Руского Керестура Мили нашо, пошли сце сциха и несподзивано. Вашу доброту и любов хтору сце нам давали вично будземе чувац и паметац у наших шерцох, думкох и молитвох. Дзивка Даниела зоз супругом Деяном и унучата Алекса, Ана Мария и София Сопково Спочивайце у мире Божим! ОСТАТНЇ ПОЗДРАВ Дня 18. юния 2021. року наполнели ше 6 жалосни мешаци як ше до вичносци преселел наш мили оцец и дїдо

ЮЛИЯН СЕМАН (1945-2020)

Дня 28. юния 2021. року наполня ше 6 жалосни мешаци як ше до вичносци преселела наша мила мац и баба

АНКИЦА СЕМАН народзена Шеґо (1944-2020)

з Руского Керестура Мили нашо родичи, навики будзеце у наших шерцох и молитвох. З любову и почитованьом найкрасши памятки на вас будземе чувац. Дзивка Оливера зоз супругом Любом и унуки Даниел и Никола Накичово Спочивайце у мире Божим!

18. ЮНИИ 2021.

СМУТНЕ ЗДОГАДОВАНЄ Дня 20. юния наполня ше 40 жалосни днї як нас занавше зохабела наша наймилша

КСЕНИЯ НАДЬФЕЇ народзена Олеар (1951-2021) з Коцура Час преходзи, але наш боль за тобу остава. Слова не можу описац кельо нам хибиш, але ти жиеш у наших шерцох и красних памяткох. Ожалосцени супруг Силвестер, дзивка Иринка и син Силви Мила наша, най це ангели чуваю! Спочивай у мире Божим! СМУТНЕ ЗДОГАДОВАНЄ Дня 11. юния ше наполнело штири смутни роки як нас занавше зохабела наша мила дзивка и шестра

ТАНЯ КЕРАВЧИН народзена Тамаш (1969-2017) зоз Деспотова Прешли штири боляци роки як ши не з нами. Хибиш нам барз! Хиби нам твой ошмих и красни слова хтори ши мала за шицких нас. Памятку на це у своїх шерцох буду чувац вично ожалосцена мац Амалия и брат Юлиян зоз свою фамелию Спочивай у мире Божим!

РУСКЕ СЛОВО 29

іггїогтаІог@ ги5ке5Іоуо.сот СМУТНЕ Дня 18. юния наполнюю ше 12 роки як нє з нами наша мац, баба и прабаба

ЗДОГАДОВАНЄ Дня 11. новембра ше наполня 7 роки як нас занавше зохабел наш оцец, дїдо и прадїдо

СМУТНЕ ЗДОГАДОВАНЄ Дня 23. юния будзе 6 мешаци як нас охабел наш най­ милши

ЙОВҐЕН ВИНАЇ АМАЛИЯ ВИНАЇ (1925-2014) народзена Джуня (1928-2009) з Руского Керестура Цали живот и кажда хвилька препровадзена з вами збогацовала нашо животи зоз краснима памятками. Вашо дзивки: Амалка Планчакова и Марча Пристойкова, унуки: Марча з мужом Пиштом Франичово, Марча з мужом Славком Папуґово, Владимир и Сузана Пристойково, и праунуки: Стево зоз супругу Сашку, Желько, Андрейка, Славко и Владко Спочивайце у мире Божим! СМУТНЕ ЗДОГАДОВАНЄ Дня 15. юния наполнєли ше 8 роки як ше преселєл до вичносци наш мили

Дня 10. юлия наполня ше 28 роки як ше преселєл до вичносци наш мили

ЯНИ ВАРҐА (1951-2020) з Коцура

ЗВОНИМИР ЕДЕЛИНСКИ МИРОН ЕДЕЛИНСКИ (1966-2013) (1938-1993) з Руского Керестура З любову и почитованьом красни памятки чуваю на нїх їх наймилши Спочивайце у мире Божим! СМУТНЕ ЗДОГАДОВАНЄ Дня 17. юния наполнєли ше 40 жалосни роки як вецей нє з нами наш мили оцец, дїдо и прадїдо

ДЮРА ПАПУҐА (1933-1981)

Дня 25. юния наполня ше два роки як вецей нє з нами наша мила мац, баба и прабаба

АМАЛА ПАПУҐА народзена Еделински з Руского Керестура (1932-2019)

Мили нашо родичи, ваш ошмих, любов и вельку пожертвовносц навики будземе ношиц и чувац у своїх шерцох и думкох. Вашо дзивчата - Ната, Гена и Веселка з фамелиями Спочивайце у мире Божим! СМУТНЕ ЗДОГАДОВАНЄ Дня 4. юния наполнєли ше штернац роки як нас занавше зохабела на­ ша мила мац и баба, а 20. юния наполня ше двацец шейсц роки як нас занавше зохабел наш мили оцец и дїдо

Пошол ши там дзе нєт болю и патнї. У обисцу остала лєм цихосц, плач и пражнїна за тобу. Най це Бог ошвици и приме там дзе панує радосц нєбеска. Памятки на це чуваю - супруга Леона, дзивки Моника и Валерия, жецове Йовґен и Драґан, унуки: Алберт, Маринка, Едвард и Бошко, и швекра Ґубашова Спочивай у Божим благослове!

СМУТНЕ ЗДОГАДОВАНЄ Дня 23. юния будзе 6 мешаци як ме зохабел мой мили брат

ЯНИ ВАРҐА (1951-2020) з Коцура Брату охабел ши ме без поздраву и жалованя же це дацо болї, а були зме вєдно у болници. Остало ми лєм паметац злагоду медзи нами у фамелийним доме з родичами. Твоя шестра Илона, шовґор Сава и їх синове Желько и Драґан зоз Равного Села нїґда це нє забуду. Най це ангели чуваю! СМУТНЕ ЗДОГАДОВАНЄ Наполнюю ше 15 роки як ше преселєла до вичносци наша мила супруга, мац и баба

РУСКЕ игж иґ.гизкезіоуо.сот

0ГЛАШ0ВАНЄ ВИТОМИР (1932-1995)

БОДЯНЕЦ

ОЛҐА (1934-2007)

з Руского Керестура З любову и почитованьом памятки на нїх чуваю їх наймилши

30 РУСКЕ СЛОВО

МЕЛАНИЯ НАДЬ народзена Шимко (1935-2006) з Руского Керестура З любову и почитованьом найкрасши памятки на ню навики чуваю єй наймилши Най спочива у мире Божим!

е-маил: шіогтаіог@шке8Іоуо.сот роботни дзень од 9-14 годзин число телефона 069/673328 021/6613-697 У 18. ЮНИЙ 2021.

іггїогтаІог@ ги5ке5Іоуо.сот Република Сербия Автономна П окраїна Войводина П окраїнски секретарият за образованє, предписаня,управу и национални мен­ шини - национални заєднїци Булевар М ихайла Пупина 16, 21000 Нови Сад, Тел: +381 21 487 4604, оип2@уо]уойіпа.доу.г8 На основи члена 15. Покраїнскей скупштинскей одлуки о покраїнскей управи („Службени новини АПВ», число 37/2014, 54/2014 друге предписанє, 37/2016, 29/2017, 24/2019 и 66/2020), члена 6. пасус 3. Покраїнскей скупштинскей одлуки о установйованю награди Автономней Покраїни Войводини и покраїнских припознаньох («Службени новини АП Войводини», число 54/2018), члена 4. и члена 5. пасус 2. Покраїнскей уредби о поступку за додзельованє покраїнских припознаньох („Службени новини АП Войводини”, число 6/2019), Покраїнски секретарият за образованє, предписаня, управу и национални меншини - национални заєднїци, посила

ЯВНУ ПОВОЛАНКУ за подношенє предкладаньох за додзельованє покраїнского припознаня у обласци людских и меншинских правох - Припознанє „ЛЮ ДЕВИТ МИЧАТЕК” Покраїнски секретарият за образованє, предписаня, управу и национални меншини - национални заєднїци посила явну поволанку шицким заинтересованим правним и физичним особом зоз шедзиском у Автономней Покраїни Войводини, за анґажованє и посцигнути резултати у обласци защити людских и меншинских правох, унапредзенє толеранциї, єднакосци и ровноправносци - Припознанє „ЛЮДЕ­ ВИТ МИЧАТЕК”, яке ше додзелює за резултати посцигнути у 2020. року. Право предкладац кандидатох за додзельованє покраїнского припознаня у обласци людских и меншинских правох маю правни и физични особи. Право на покраїнске припознанє ма физична або правна особа з местом биваня, односно шедзиском у Автономней Покраїни Войводини. Предкладанє ше доручує у писаней форми з обгрунтованьом, податками о кандидатови и резултатох його роботи яки посцигнути у 2020. року. Ґу предкладаню ше доручує и одвитуюцу документацию, хтору ше после одлучованя о додзельованю покраїнского припознаня нє враца предкладачови. Одлуку о додзельованю покраїнского припознаня приноши Комисия за додзельованє Покраїнскей награди и покраїнских припознаньох. Подношителє предкладаньох обовязно доручую шлїдуюцу ПОТРЕБНУ ДОКУМЕНТАЦИЮ: 1. Формулар - предкладанє за додзельованє покраїнского припознаня у обласци людских и меншинских правох - Припознанє „ЛЮДЕВИТ МИЧАТЕК”, яке ше додзелює за винїмково резултати хтори посцигнути у обласци людских и меншинских правох - мож превжац на сайту ’№№№.рита.У0_]У0ГЇіпа.£0У.г§, 2. фотокопию особней леґитимациї, односно одчитану особну леґитимацию за кандидата хтори физична особа, односно вивод зоз одвитуюцого реґистру за правну особу, як доказ же кандидат ма место биваня, односно шедзиско, у Автономней Покраїни Войводини, 3. фотокопию потвердзеня о порцийним идентификацийним чишлє - ПИЧ - за правни особи, 4. доказ о посцигнутих резултатох у обласци людских и меншинских правох у 2020. року, 5. професионалну биоґрафию и 6. фотокопиї НАЙЗНАЧНЄЙШИХ наградох и припознаньох. Термин и способ доручованя предкладаня: Явна Поволанка за подношенє предкладаньох за додзельованє покраїнского припознаня у обласци людских и меншинских правох - Припознанє „ЛЮДЕВИТ МИЧАТЕК” тирва по 31. октобер 2021. року. Предкладаня ше доручує по пошти препоручене з назначеньом: „Явна поволанка за подношенє предкладаня за додзельованє покраїнского припознаня у обласци людских и меншинских правох Припознанє „ЛЮДЕВИТ МИЧАТЕК” Покраїнскому секретарияту за образованє, предписаня, управу и национални меншини - национални заєднїци, Булевар Михайла Пупина 16, 21000 Нови Сад. Покраїнске припознанє у обласци людских и меншинских правох „ЛЮДЕВИТ МИЧАТЕК” ше додзелї 10. децембра 2021. року. Покраїнске припознанє ше додзелї у форми дипломи и у пенєжней нето суми 100.000,00 динари з припадаюцима порциями и доприносами. Додатни информациї мож достац у Покраїнским секретарияту за образованє, предписаня, управу и национални меншини - национални заєднїци на телефон 021/487-4604 або по електронскей пошти: ^ап.£ге£игіс@У0_]У0ГЇіпа.£0У.Г5 Покраїнски секретар, Жолт Сакалаш

V 18. ЮНИЙ 2021.

_________________/

Република Сербия А втономна П окраїна Войводина П окраїнски секретарият за образованє, предписаня, управу и национ ални м енш ини - национ ални заєднїци Булевар М ихайла Пупина 16, 21000 Нови Сад, Тел.: +381 21 487 40 35, +381 21 487 43 30 оип2@уо]уойіпа.доу.г8 уо]іп.]оуапееуіе@уо]уоДіпа.доу.г8 догапа.кикоЬаІ@ уо<]уойіпа.доу.г$ На основи члена 15. Покраїнскей скупштинскей одлуки о покраїнскей управи („Службени новини АПВ”, число 37/2014, 54/2014 - друге предписанє, 37/2016, 29/2017 и 24/19), члена 6. пасус 3. Покраїнскей скупштинскей одлуки о установйованю награди Автономней Покраїни Войводини и покраїнских припознаньох („Службени новини АП Войводини”, число 54/2018), члена 4. и члена 5. пасус 2. Покраїнскей уредби о поступку за додзельованє покраїнских припознаньох („Службени новини АП Войводини”, число 6/2019), Заключеня Комисиї за додзельованє награди Автономней Покраїни Войводини и покраїнских припознаньох, число: 137-404-87/2019-04 од 30. октобра 2019. року, Покраїнски секретарият за образованє, предписаня, управу и национални меншини - национални заєднїци, посила

ЯВНУ ПОВОЛАНКУ за подношенє предкладаня за додзельованє покраїнского припо­ знаня у обласци образованя - П рипознанє „Дьордє Н атош евич” Покраїнски секретарият за образованє, предписаня, управу и национални меншини - национални заєднїци посила явну поволанку шицким заинтересованим предшколским установом, основним и штреднїм школом, воспитачом у предшколских установох, наставнїком у основних и штреднїх школох и педаґоґом и психолоґом у тих установох у Автономней Покраїни Войводини, же би ше приявели за Припознанє „ДЬОРДЄ НАТОШЕВИЧ”, хторе ше додзелює за винїмково резултати хтори посцигнути у 2020. року у воспитно-образованей роботи. Право предкладац кандидатох за додзельованє покраїнского припознаня у обласци образованя маю правни и физични особи. Право на покраїнске припознанє ма физична або правна особа з местом биваня, односно шедзиском у Автономней Покраїни Войводини. Предкладанє ше доручи у писаней форми з обгрунтованьом, податка­ ми о кандидатови и резултатох його роботи яки посцигнути у 2020. року. Ґу предкладаню ше доручи и одвитуюцу документацию, хтору ше по одлучованю о додзельованю покраїнского припознаня предкладачови нє враца. Одлуку о додзельованю покраїнского припознаня приноши Комисия за додзельованє награди Автономней Покраїни Войводини и покраїнских припознаньох. Подношителє предкладаньох обовязно доруча шлїдуюцу ПОТРЕБНУ ДОКУМЕНТАЦИЮ: 1. Формулар - предкладанє за додзельованє покраїнского припознаня у обласци образованя - Припознанє „ДЬОРДЄ НАТОШЕВИЧ”, хторе ше додзелює за винїмково резултати яки посцигнути у воспитнообразовней роботи мож го превжац на сайту ’№^’№.рита^0^0ГЇіпа.§0^г5 2. фотокопию особней леґитимациї, односно одчитану особну леґитимацию за кандидата хтори физична особа, односно вивод з одвитуюцого реґистру за правну особу, як доказ же кандидат ма место биваня у Автономней Покраїни Войводини, 3. фотокопию потвердзеня о порцийним идентификацийним чишлє ПИЧ - за правни особи, 4. доказ о посцигнутих резултатох у обласци образованя у 2020. року, 5. професионалну биоґрафию и 6. фотокопиї НАЙЗНАЧНЄЙШИХ наградох и припознаньох. Термин и способ доручованя предкладаня: Явна Поволанка за подношенє предкладаня за додзельованє покраїнского припознаня у обласци образованя - Припознанє «Дьордє Натошевич» тирва по 31. октобер 2021. року. Предкладаня ше доручує по пошти препоручено з назначеньом „Явна поволанка за подношенє предкладаня за додзельованє покраїнского припознаня у обласци образованя - Припознанє „Дьордє Натошевич”, Покраїнски секретарият за образованє, предписаня, упра­ ву и национални меншини - национални заєднїци, Булевар Михайла Пупина 16, 21000 Нови Сад. Покраїнске припознанє у обласци образованя - Припознанє „Дьордє Натошевич” ше додзелї 25. новембра 2021. року. Покраїнске припознанє ше додзелює у форми дипломи и у пенєжней нето суми 100.000,00 динари з припадаюцима порциями и доприносами. Додатни информациї мож достац у Покраїнским секретарияту за образованє, предписаня, управу и национални меншини - национални заєднїци на телефон 021/487-4035, 021/487-4330 або прейґ електронскей пош ти: Vо^ іп ^ 0VапсеVІс@V0^Vогїіпа. §0^г§ або §0^апа.кик0Ьаї@V0^V0^іпа.§0V.^5 ПОКРАЇНСКИ СЕКРЕТАР, Жолт Сакалаш

V___________________________________________________ >

РУСКЕ СЛОВО 31

іпТогтаІог@ ги5ке5Іоуо.сот

Ь$ецо будзе* Ьуецо будзе* ПОЧИНАЮ СХОДИ ЗА СТАРШИХ У КАРИТАСУ У РУСКИМ КЕРЕСТУРЕ На штварток, 17. юния, на 10 годзин, у просторийох Каритасу знова почню сходи за старши особи, котри пре епидемийну ситуацию, були претаргнути. Волонтере Каритасу поволую шицких заинтересованих, як и младших, же би приведли своїх родичох, баби и дїдох. За тих котри нє можу нїяк присц, обезпечени превоз, лєм ше треба явиц волонтерком Каритасу - Мариї Виславсковей, Верунки Пашовей, або Сонї Алексичовей.

ШКОЛЯРСКИ ДЗЕНЬ У ВОДИЦИ На нєдзелю, 20. юния, у Марийовим святилїщу Водици, будзе означени Школярски дзень, подзекованє за успишно закончени школски рок. Служба Божа будзе на 11,30 годзин, а поволани шицки школяре, студенти, їх родичи и други вирни. Городска управа за защиту животного штредку на основи члена 20. Закона о преценьованю вплїву на животни штредок („Службени глашнїк Републики Сербиї” число 135/04 и 36/09), обявює

ОБВИСЦЕНЄ о принєшеним ришеню з хторим дата согласносц на Студию о преце­ ньованю вплїву на животни штредок Ношитель проєкта Дрина Вукович зоз Нового Саду, улїца Атар число 2, поднєсла вимогу за одлучованє о потреби преценьованя вплїву на животни штредок проєкта „Вибудов комплекса станїци за обезпечованє зоз горивом” у улїци Новосадска драга число 106, на катастерских парцелох число 3485/20 и 3485/21 К.О. Ветерник, Город Город Нови Сад. Комплекс ма будинок за тарґовину на вельо и мало, закрица и укопаних резервоарох за чечне ґориво велькосци 2х60м3 и за чечни нафтови ґаз велькосци 10м3. После запровадзеного поступку, Городска управа за защиту животного штредку дня 9. юния 2021. року принєсла ришенє число УІ-501-309/21 же нє потребне преценьованє вплїву на животни штредок. Увид до предметного ришеня мож окончиц у просторийох Городскей упра­ ви за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку ЄПУІГОПОУІ5а^.ОГ§.Г5. Процив того ришеня мо порушац управни суд пред Управним судом у чаше од 30 днї од дня обявйованя обвисценя о принєшеним ришеню у средствох явного информованя.

Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ о принєшеним ришеню же нє потребне преценьованє вплїву на животни штредок Ношитель проєкта „СООТШЕШАЬ АОТОМОТІУЕ 8ЕКБІА” БОО Нови Сад улїца Народних геройох число 3, поднєсол вимогу за одлучованє о потре­ би преценьованя вплїву на животни штредок проєкта „Вибудов продукцийного комплекса за електро часци”, Римски шанчеви бб у Катю на катастерских парцелох число 4469, 4468, 4467, 4466, 4465, 4464, 4463, 4462, 4461, 4460.

4459, 4471, 4472, 4473, 4474, 4475, 4476, 4496/1, 4497/1, 4498/1, 4499/1, 4500/1, 4501/1, 4502/1, 6627, 6628 и део 6626/1 К.О. Кать, Город Город Нови Сад. Продукцийни комплекс за продукцию електронских склопоха/часцох за автомобилску индустрю состої ше зоз: продукцийно пословного обєкта, портирнїци 1, портирнїци 2, технічного будинку , магазину гемикалийох и опасних одрукох, отвореного магазину, газификацийней станїци за чечни азот, резервоар води за огнї, цивового моста, реґулацийней станїци за меранє, приключно разводного пошореня, транспортней драги, манипулативного платоа и паркингу. После запровадзеного поступку, Городска управа за защиту животного штредку дня 16. юния 2021. року принєсла ришенє число УІ-501-376/21 же нє потребне преценьованє вплїву на животни штредок. Увид до предметного ришеня мож окончиц у просторийох Городскей упра­ ви за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку •№№№. ЄПУІГОПОУІ8аГЇ.ОГ£.Г8. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орга­ ну.

32 РУСКЕ СЛОВО

г

МАЛИ ОГЛАШКИ

^

ДИХТОВАНЄ облакох и дзверох. Щици од витру, жими, праху, галайку, инсектох. МОНТИРАМЕ: ■ РОЛЕТНИ

■ ГАРМОНИКОВО ДЗВЕРИ ■ ПАНТЛЇКОВО ДЗВЕРИ ■ МРЕЖИ ОД СУНЬОҐОХ ■ ВЕНЕЦИ ЯНЕРИ ■ ОПРАВКИ Телефон: 025/5827-710, 060/5088-433

РЕПУБЛИКА СЕРБИЯ АВТОНОМНА ПОКРАЇНА ВОЙВОДИНА ГОРОД НОВИ САД Городска управа за зашиту животного штредку Руменацка 110 а 21000 Нови Сад Телефон: 021/421-109

розпоредзене до роботного места самостойни совитнїк -1 окончователь на нєодредзени час, окончователь за защиту и унапредзенє природи и природних маєткох, хторе розпоредзене до роботного места совитнїк -1 окончователь на нєодредзени час и окончователь за правни и нормативни роботи, хторе розпоредзене до роботного места совитнїк -1 окончователь на нєодредзени час Тексти явного конкурса за пополньованє наведзеного роботного места мож превжац на интернет презентациї Городу Нового Саду: Ьіїр://’№№№.пОУІ5агї.г§/. Городска управа за зашиту животного штредку

ОБВИСЦЕНЄ О обявйованю Явного конкурса за пополньованє окончуюцих роботних местох на нєодредзени час у Городскей управи за защиту животного штредку Городу Нового Саду Роботне место: помоцнїк началнїка за защиту и унапредзенє приро­ ди и природних маєткох, хторе

Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ о поднєшеней вимоги за одлучованє о потреби преценьо­ ваня вплїву на животни штредок Ношитель проєкта „Телеком Сербия” а.д.Таковска 2, Беоґрад, поднєсол вимогу за одлучованє о потреби преценьованя вплїву на животни штредок проєкта базней станїци мобилней телефониї

„НС290 СУ290 НСЛ290 НС0290 НС - Готел §ЬегаІОп”, у улїци Полґар Андраша 1, на катастарскей парцели число 7840/3, К.О. Нови Сад ІІ, Город Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110а, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду.

Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ о принєшеним ришеню же потребне преценьованє вплїву и о одредзованє обсягу и змисту студиї о преценьованю вплїву проєкта на животни штредок Ношитель проєкта „8ТЕЕЬ-ІМРЕХ” БО О Сримска Каменїца Вихорска 35, поднєсол вимогу за одлучованє о потреби преценьованя вплїву на животни штредок проєкта „Звекшанє капацитета маґазинованя нєопасних одруткох и уводзенє третману - ознова хаснова­ нє нєопасних одруткох на локациї „8ТЕЕЬ-ІМРЕХ” БОО - МПП Победа Иидустриал ДОО” у улїци Раде Кончара 1, на катастерских парцелох число 496/1, 496/40, 496/41, 496/42 и 496/43 К.О. Петроварадин, Город Город Нови Сад. После запровадзеного поступку, Городска управа за защиту животного штредку дня 14. юния 2021. року принєсла ришенє число УІ-501-328/21 же потребне преценьованє вплїву и о одредзованє обсягу и змисту студиї о преценьованю вплїву проєкта на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку ^^№ . епуіюпОУІзагї.Огд.гз. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.

18. ЮНИИ 2021.

5рогІ@ гизке5Іоуо.сот

ЗАКОНЧЕНИ 5. ЮНИОРСКИ КУП НАЦИЙОХ У БОКСУ

ШТИРИ МЕДАЛІ РЕПРЕЗЕНТАЦИЇ СЕРБИЇ Зоз шветочним дефилеом спортистох зоз 16 державох учашнїцох, а потим и з уводнима борбами, у Вербаше 8. юния почал V Юниорски куп нацийох у боксу. У рингу, у Центру за физичну културу „Драго Йовович”, шиц­ ки схопносци племенїтого спорту ука­ зали борци у хлопскей и женскей конкуренциї зоз Зєдинєних Америцких Державох, Русиї, Казахстану, Летониї, Румуниї, Болгарскей, Кипру, Италиї, Польскей, Албаниї, Греческей, Чарней Гори, Босни и Герцеговини, Сиверней Македониї, Горватскей и домашнї Сербиї. После числених борбох, всоботу, 12. юния, зоз финалнима борбами закончени V Юниорски куп нацийох у бок­ су. Борби тирвали пейц днї, а за екипни и поєдинєчни титули борели ше вецей як 110 млади змагателє и змагательки зоз 16 державох Европи, Азиї и Сиверней Америки. У рингу ЦФК „Драго Йовович” могло видзиц одлични дуели даєдних з найталантованших юниорох и юниоркох швета. У екипней часци у хлопскей категориї, титулу побиднїка однєсла репрезентация Казахстану, друге место освоєла Польска, а треце репрезентация Румуниї. За найлєпшого юниора преглашени боксер зоз Чарней Гори Мирко Шарчевич, найлєпши странски боксер Виктор Литвинов зоз Казахстану, а найлєпши домашнї боксер Машан Никчевич, док титула на­

йлєпшого технїчара припадла Ловрови Павчецови зоз Горват­ скей. У екипней часци у женскей категориї найлєпши були репрезентативки Русиї, друге ме­ сто завжали Кипранки, а треце Италиянки. Титула найлєпшей учаснїци на турниру припадла Ренати Мингалимовей зоз Ру­ сиї, найлєпша странска боксерка Лаила Абдулатиф зоз Кипру, а найлєпша домашня Анастасия Бошкович, док найлєпшу боксерску техніку демонстровала Карина Коробова зоз Русиї. При позна нє за на йлєп шо го судию на тогорочним Юниорским купу нацийох у боксу достал Валдемар Кукереану зоз Румуниї. Репрезентация Сербиї на тим Купу освоєла штири медалї у хлопскей категориї - два стриберни и два бронзово, и три ме­ далї у женскей категориї - єдну стриберну и два бронзово. Подзекованя з боку организаторох того року достали стаємни партнере и потримовка организатором V Юниорского купу нацийох у боксу - општина Вербас, Дом здравя „Велько Влахович” Вербас, Полицийна станїца Вербас, Червени криж Вербас и фоторепортер Бора Милич. О. Р.

КОГУЦИКИ И ПИОНИРЕ ФК „РУСИН”

ФЕР И КОРЕКТНЕ БАВИСКО ПРОЦИВ ЗОМБОРЧАНЬОХ Наймладши фодбалере Фодбалского клубу „Русин”, когуцики и пионире, и того викенду внєдзелю, 13. юния, були активни, та на домашнїм терену одбавели штири приятельски стретнуца процив ФК „Жак” зоз Зомбора. На домашнїм терену, по два змаганя одразу, фодбал бавели дзеци народзени од 2009. по 2014. рок, хторих тренираю Сани Колошняї, Зденко Шомодї и Деян Йолич. Наша екипа когуцикох, дзеци народзени 2012, 2013, и 2014. року, одбавели нєришено процив своїх парнякох зоз Зомбора, з резултатом 2:2 (1:1), а голи дали Марко Илич и Урош Плавшич. По словох їх тренера, Сания Колошняя, було то потераз найкоректнєйше змаганє, а процивнїцка екипа указала як ше бави праве фер приятельске бависко. Перши гол за Русин дал Марко Илич зоз соло акциї, хтори перше предриблал аж трох бавячох, намесцел себе лабду и потрафел гол з правого боку, коло самей греди. Бависко одлично почало, борбено и ангажовано, но процивнїки после Иличовей акциї нєодлуга виєдначели. У другим полчаше, зоз єдней наруценей лабди, гол дава Урош Плавшич, хтори зоз прецизним бицом звекшує резултат на 2:1. Зомборчанє нєодлуга ище раз виєдначую и то бул конєчни резултат.

18. ЮНИЙ 2021.

Було ище надосц шанси за русиновцох, потрафена була и статива и греда, но лабда анї єдней екипи, до голу вецей нє вошла. За Русин наступели - Тони Колошняї, Никола Рац, Николина Петкович, Тони Чижмар, Йован Бошкович, Леон Колошняї, Тони Надь, Марко Илич, Лазар Плавшич, Урош Плавшич и Даниел Фейди. Истого дня, пионире Русина одбавели три змаганя, у хто­ рих дзеци народзени 2011. року, односно дзеци 4. класи, страцели од Зомборчаньох з резултатом 3:1, дзеци 5. класи одба­ вели нєришено 3:3, а найстарши, односно дзеци 6. класи, госцох победзели з резултатом 2:0. У трох екипох Русин наступел у составе - Провчи, Фа, Штрангар, Гарди, Колошняї, Чапко, Настасич, Гайдук, Чизмар, Вуйович, Виславски, Джуня, Стойков, Илич, Кочиш, Малацко, Надь, Плавшич, Планчак, Будински. По два голи за Русин дали Теодор Штрангар и Иван Планчак, а по єден гол дали Тадей Виславски и Давид Надь. Шицки три змаганя дзеци одбавели ровноправно зоз своїма парняками, и очиглядне же екипа Русина постава вше лєпша. Вше лєпша охрана зоз хторей шлїдза вше частейши контранапади, указує на тото же зоз каждим тренингом и змаганьом, екипи евидентно напредую. Ан. М.

РУСКЕ СЛОВО 33

СПОРТ ПОДРУЧНА ФОДБАЛ СКА ЛИҐА СУБОТИЦА

БОД ЗА КО НЄЦ СЕЗОНИ Бачке Добре Польо: Сут’єска - Искра 2:2 Ґоли за Искру: Милош Чурґуз и Душан Бокан ИСКРА: Ступар, Човс, Барович, Сталевич, Дя кович, Пердух, Лукич, Иван, Чурґуз, Бокан и Дакич. Внєдзелю 13. юния закончена сезона у Подручней фодбалскей лиґи Суботица, котру у коцурским фодбалским клубе жадаю цо скорей забуц. У остатнім колє Искра госцовала у Бачким Добрим Полю, дзе процив домашнєй Сут’єски одбавела општински дерби котри закончени зоз нєришеним ре­ зултатом. Искра на змаганє до Бачкого Доброго Поля пошла ослабена без даскелїх бавячох и без тренера, та екипу на тот завод зоз лавки водзел, розуми ше, Здравко Бабич. Обидва екипи змаганє почали осторожно, понеже за обидва екипи пораженє би було и ризик од випадованя з лиґи. Домашнї на почат­ ку мали частейше лабду у ногох, а таке бависко им принєсло резултат уж у 8. минути, кед центарфор домашнєй екипи вихасновал єдну добру шансу и Сут’єскей принєсол предносц. Прияти ґол дакус таргнул фодбалерох Искри, котри после достатого ґола почали шмелше бавиц и до виєдначеня дошли у 30. минути, а стрилєц за Искру бул найискуснєйши Искров бавяч, Милош Чурґуз. Медзитим, фодбалере Искри нє отри­ мали нєришени резултат по конєц першого полчасу, прияли ґол у остатніх минутох и на одпочивок Сут’єска пошла зоз предносцу од єдного ґола. Павза медзи двома полчасами помогла Искровим фодбалером же би ше консолидовали, ошвижели, и то було видно такой на початку другого полчасу. После 5 минутох бависка, у другим полчаше, найлєпши Искров бавяч у тей сезони, Ду­ шан Бокан, виєдначел резултат на 2:2. Як ше змаганє приблїжовало ґу концу, так ше обидва екипи вше вецей концентровали на охрану свойого ґола, же би нє достали ґол и страцели и тот єден бод. У тим периодзе публика нє мала нагоди видзиц вецей анї єден ґол, а и нагоди за ґол було барз мало. На концу, Искра сезону закончела на 12. месце на таблїчки, односно 5. од сподку таблїчки. Таки пласман єй вироятно обезпечел оставанє у лиґи лєбо бараж за оставанє, котри, кед ше случи, будзе процив Єдинства зоз Бачкого Петрового Се­ ла, котре було перше у Медзиопштинскей лиґи Бачка ТополяМали Идьош-Вербас-Бечей-Србобран. Кельо екипи на концу випадню и хто будзе бавиц бараж, завиши од того хто випад-

нє зоз Войводянскей лиґи „Сивер”, и чи ше Препород зоз Но­ вого Жеднику през бараж пласує до Войводянскей лиґи. Но­ ви шампион Подручней фодбалскей лиґи Суботица, екипа Сенти, котра прешвечлїво освоєла перше место и указала же є и у орґанизацийним уровню, и по квалитету вельо опрез екипох з тей лиґи.

ФК „Искра” - ФК „Слоґа” (Ада) 1:1 Коцур: стадион ФК „Искра”. Ґол за Искру: Бокан ИСКРА: Ступар, Ваяґич Л., Сталевич, Дякович, Перк дух (Ваяґич Д.), Човс (Барович), Стоянович, Колошняи (Дакич), Дюрич, Иван и Бокан. Тидзень пред тим внєдзелю 6. юния, любителє фодбалу у Коцуре мали нагоду одпатриц єдно интересантне змаганє ко­ тре заш лєм закончене без побиднїка. Фодбалером Искри би побида процив екипи АФК у вель­ кей мири помогла виполнїц циль, а то оставанє у Подручней лиґи Суботица. Свидоми того, вони од початку бавели аґресивно, борели ше за кажду лабду и були лєпша екипа на терену. Таке бависко принєсло резултат уж у 15. минути кед То­ ни Иван з лабду вошол до каребного простору, а єден бавяч зоз Ади направел над нїм фаул, и судия оправдано указал на билу точку. Медзитим, Боканов пенал ґолман з Ади одбранєл, та остало 0:0. Кара за препущену шансу могла сцигнуц у 30. минути, алє Искра мала щесца, понеже лабда после єдней шанси госцох потрафела стативу У другим полчаше обидва екипи предлужели бавиц у истим ритме. Шанси було на обидвох бокох, а до предносци перши дошли домашнї фодбалере. После єдней наруценей лабди, найвисши у скоку бул Бокан, та после його бица лаб­ да закончела у ґолу екипи АФК. Ґол фодбалером Искри дал кридла, та публика чекала же домашнї даю и други ґол и зазнача важну побиду После даскелїх препущених шансох ушлїдзела кара. Єден бавяч Искри безпотребно направел фа­ ул на коло 20 метери од ґола, а центарфор госцох добре виведол шлєбодне бице и виєдначел резултат. Потим як прияли ґол, госци превжали бависко и по конєц могли и цалком обрациц резултат, алє Искров ґолман одбранєл даскельо барз добри шанси и зачувал свой ґол. З. К.

ШАХ КЛУБ „ОМЛАДИНЄЦ”

ВАЖНА ПОБИДА ПРОЦИВ МОРАВИЦИ У рамикох 4.кола Войводянскей шаховскей лиґи ґрупа Суботица, коцурски Омладинєц зазначел важну побиду процив екипи Чаки Йожеф зоз Старей М оравици, а резултат бул 3,5:2,5. Побиди на тим змаганю зазначели - Карло Бала, Никола Тадич и

34 РУСКЕ СЛОВО

Ґоран Попович, реми одбавел Тихомир Пушкаш, а страцели Стеван Перич и Споменко Павичевич. Змаганє процив екипи Чаки Йожеф було остатнє у ярнєй часци сезони котру Омладинєц закончел на 4. месце на таблїчки, а освоєл 6 боди З. К.

18. ЮНИИ 2021.

5рогІ@ гизке5Іоуо.сот

ПОДРУЧНА ФОДБАЛСКА ЛИҐА ЗОМБОР

ДЮКАНОВИЧ ЗАКОНЧЕЛ ФОДБАЛСКУ КАРИЄРУ ФК „Русин” - ФК „Славия” (Пиньвиц) 1:4 (0:0) ФК „Русин” наступел у составе - Калинич, Тома, Голик, Ланчужанин, Кочиш, Вуйович В., Вуйович Ф., Будински (Чонка), Дюканович (Па­ влович), Кулич, Джуджар. Ґол за Русин дал Янко Кулич. За фодбалерох Русина, внєдзелю 13. юния, закончена борба за боди у Подручней фодбалскей лиґи Зомбор. У остатнім змаганю пред своїма навиячами, фодбалере Русина ше нє преславели, у першим шоре пре високе пораженє, гоч бависко на терену нє бу­ ло анї таке подле. Найкрасша хвилька случела ше на початку змаганя, кед ше од активного бавеня фодбалу одпитал вецейрочни бавяч Русина, Срдян Дюканович. З тей нагоди предсидатель Русина, Ти­ хомир Медич, у мено клубу, Дюкановичови медзи иншим подаровал фодбалску лабду и Русинов дрес, зоз подписами русиновцох, после шейсцох рокох заєднїцких акцийох на терену. Перши полчас прешол у надосц акцийох, хтори „пахли” на ґол, гоч ше початни резултат нє менял. Треба надпомнуц даскельо одлични бица Кулича, Дюкановича и Владана Вуйовича, алє углавним лабда закончовала понад горнєй греди госцуюцого ґолмана. Госци як кед би ше „чували” за други полчас кед почала права канонада ґолох на їх хасен. Покус нєозбильне бависко случело ше такой на початку другого полчасу, кед госци зоз двох полунагодох дали два

ґоли, и озбильно указали же им боди ище як потребни. На­ дію же дойсц до ґолох нє будзе так лєгко, дал Янко Кулич, кед у 16 метерох финтирал двох одбрамбених бавячох и з прецизним бицом зменшал резултат. При самим концу змаганя, госци дали ище два ґоли, а после трецого ґолу, Русинов ґолман оштро реаґовал на нєозбильне бависко у охрани. И на тим змаганю, дакедишнї русиновец Давидович, у шорох Славиї, бул найзамеркованши поєдинєц, як орґанизатор бависка, так и як ґолґетер, а дал и єден ґол. Зоз тим пораженьом фодбалере Русина од 4. места спадли на 9. место на таблїчки, на хторей аж пейц екипи маю по 50 боди, док Русин освоєл 49 боди. Ан. М.

ПОДРУЧНА ФОДБАЛСКА ЛИҐА НОВИ САД

БАЧКИ ШЕ УДАЛО ОСТАЦ У ЛИҐИ ФК „Фрушкоґорски партизан” (Буковац) - ФК „Бачка 1923” 3:1 (3:1) Буковац: Главни судия змаганя бул Неманя Николаш зоз Футоґу, а помоцни судия бул Урош Радинович зоз Беочину БАЧКА: Неманя Иґнїч, Душан Чеґар, Владимир Радишич, Никола Балоґ, Ратко Чирин, Стефан Сивчевич, Неделько Тривунович, Милан Роґич, Тодор Тривунович, Стефан Максимович, Стефан Топчиов У остатнїм колу першенственого зма­ ганя Новосадскей лиґи, дюрдьовски фодбалере госцовали у Буковцу, дзе ше стретли зоз домашню екипу ФК „Фрушкоґорски парти­ зан” . Зоз кус вименєним составом Бачка ше на тим зма­ ганю борела по сам конєц, алє нєдостаточно, бо дома­ шня екипа на терену указала векшу схопносц и порихтаносц победзиц. Домашнї бавяче до бависка вошли зоз 18. ЮНИИ 2021.

швидкима акциями, цо и резултовало зоз першим ґолом уж у 17. минути. Шицки штири ґоли дати у першим полчасу, а Бачкей ше поспишело дац свой перши и остатнї ґол на тим змаганю у 40. минути, хтори дал Милан Роґич. Змаганє закончене зоз резултатом 3:1 (3:1). Орґанизаторе гваря же змаганє прешло у найлєпшим шоре, а шицки ґоли посцигнути на фер и коректни способ. На концу того Першенства, Бачка ше находзи на 10. месце у таблїчки зоз 47 бодами. Тренер Бачкей гвари же є задовольни зоз посцигнутим резултатом, а окреме ше цеши зоз тим же ше Бачки уда­ ло остац у Лиґи после чежких и напартих змаганьох ко­ три мала. Л . Кх.

РУСКЕ СЛОВО 35

СПОРТ БОДИБИЛДИНҐ - ИҐОР ШИКОРА ЗОЗ СУБОТИЦИ НА ЕВРОПСКИМ ПЕРШЕНСТВЕ

ОСВОЄЛ СТРИБЕРНУ МЕДАЛЮ У ШПАНИЇ Найлєпши резултати у кариєри 2. место на Европским першенстве и 4. место на швеце, а то и найлєпши сениорски резултат у остатнїх 30 рокох Пише: Мартица ТАМАШ

НАЙВЕКШИ УСПИХИ ПОТЕРАЗ Найвекши успихи Иґора Шикори то стриберна медаля на Европским першенстве урядовей ІРББ федерациї (ІпіегпаііопаІ Регіегаііоп ої ВогіуЬиіІгііпд), 4. место на швеце ІРВВ, абсолутни шампион Войводини и абсолутни шампион Сербиї ір В в , освойовач Мистер универзума МРР (Другей федерациї по моци). У наймоцнєйшей ІРВВ федерациї член постал 2018. року, док є у МРР, МВРР и у ІВРР федерацийох од 2011. року. Иґор Шикора ма абсолутну потримовку ІРВВ Союза Сербиї и задовольни є зоз сотруднїцтвом.

36 РУСКЕ СЛОВО

вропске перш енство у бодибилдинґу и фитнесу за хлопох и жени, за возрост юниорох и ве те ра нох отримане од 13. по 17. май у С анта Сусани при Барселони у Ш паниї. На тим змаганю , хторе важи як наймасовнєйше у швето вих ра ми кох, на сту пел по други раз и єден з найпознатших серб ских боди бил де рох на ин тернационалней сцени, репрезен тати вец Сер биї, Иґор Шикора зоз Су бо ти ци, а по поход зе ню зоз Кули. П осле ЕП 2019. року, на хторим сом освоєл 8. место и 2020. року, кед зме пре ситуацию з пан де мию вра це ни зоз аеродрому на дзень одходу, одлучел сом ше порихтац за наиходзаце Европске першенство. На поволанку селектора Зорана Стоїча, хто­ ри ми три роки дава максималне довириє, одволал сом ше и пошол на змаганє - гутори Шикора. Абсолутни є шампион Войводини и Сербиї и побиднїк велїх змаганьох, наступа за Бодибилдинґ и фитнес клуб „Спартак”, чий є и снователь. Понеже мал найлєпш и сениорски резултат у остатнїх 30 рокох - 4. место на швеце, Иґор Ш икора ошлєбодзени од квалификацийох за репрезентацию. Квалитет доказал на Европским першенстве, дзе у конкуренциї од 15 змагательох завжал одличне 2. место цо, попри 4. м еста на

Е

шве це, його на й векш и резултат у кариєри. тир вали 18 тижнї и одлучел сом наступиц у будуцей олим пийскей дисциплини „О аш ез с1а88Іс ЬогіуЬиіІгііпд” , хтора вше под строгу контролу А нтидопинґ аґенциї. Тота катеґория ноши правило же на мою висину (187 цм) нє шмем мац вецей як 92 кг. Барз сом задоволь­ ни з участвованьом и пласманом , а окреме сом щешлїви же сом мал на­ году представяц клуб и город Суботицу. Подзековал бим и ИФББ Сою­ зу Сербиї на максим алней потримовки и селекторови репрезентациї хтори верел до мнє, Спортскому союзу Сербиї и спортскому центру СРЦЕФ у хто­ рим тренирам - гварел Шикора. РОБИ ЯК ФИТНЕС ТРЕНЕР И М ЕНТОР КОСТИРАНЯ Иґор вязани и за нас Руснацох, и за Українцох. Мац му Геленка народзена Мудри (М инарова) з М иклошевцох, а оцец му Никола Ш икора зоз Кули. Иґор у Кули закончел основну и штредню школу, а вец и школованє и тренинґи предлужел у Суботици.

- Бодибилдинґ сом почал тренирац 13. новембра 2008. року у Кули, у терховнї „Титан” у М илована М арчетича, чловека хтори ме нагварел же бим участвовал на змаганьох, пре хторого сом полюбел 18. ЮНИИ 2021.

5рогІ@ гизке5Іоуо.сот

спорт и хтори мои приятель и нєшка. Змагам ше од 2010. ро­ ку и потераз сом ше змагал за клуби „Титан” Кула, „Дориан” Вербас и „Спартак” Суботица - гутори Иґор. У Суботици Иґор Шикора жиє од 2013. року, дзе 2016. року на Факултету за тренерох и воспитачох закончел за фитнес тренера и роби як особни тренер и онлаин мен­ тор костираня и тренинґох преИґ интернету. У тим городзе после участвованя на Шветовим першенству, 2019. року, порушал снованє Бодибилдинґ клуба „Спартак” .

- З людзми робим од 2014. року, барз успишно. Потераз при мнє прешли вецеи як 300 клиєнти. Робим и з професийнима спортистами, алє и з тоталнима початнїками. Спортистом, у зависносци з хторим спортом ше занїмаю, препоручуєм же би свойо костиранє прилагодзели ґу свойому спорту, а рекреативцом най ше тримаю основи и умереносци. Рекреативцом совитуєм же би нє правели нагли пременки у своїм способе костираня, та и живота - толкує Иґор.

ПРИЄМ У г о р о д с к е й СУБОТИЦИ

З нагоди освойованя стриберней медалїна Европским першенстве у Шпаниї у Городскей хижи у Суботици 2. юния Иґора Шикору прияла и повинчовала му на успиху, членїца Городскей ради задлужена за спорт и младих Наташа Алексич. Вона з тей нагоди гварела же ше наздава же його медаля будзе популаризовац бодибилдинґ у Суботици и же будзе стимуловац ґенерациї младих змагательох же би ше и вони намагали витвориц успихи на таких вельких змаганьох. Иґор з тей нагоди гварел же є задовольни з успихом и же през период пририхтованьох „ишол зоз шерцом”, так же му ше удало зняц кили, цо було предусловиє же би ше могол змагац. За тот и за други успихи хтори витворел, гвари же напарто и дисциплиновано тренира и кед нє сезона.

ПРИРИХТУЄ ШЕ ЗА Ш ВЕТОВЕ ПЕРШ ЕНСТВО Зоз наступом на ЕП у Шпаниї Иґор закончел змагательну сезону, планує направиц павзу же би ше одпочинул пред по­ чатком пририхтованьох за Ш ветове перш енство, хторе будзе 2022. року у Румуниї, дзе, на тим планетарним змаганю, планує освоїц медалю за перше место.

- Поряднє вежбам зоз куля­ ми 5, 6 днї у тижню 45 до 90 минути. Кардио тренинґ з вонка сезони робим кед ми одвитує, а у периодзе пририхтованьох за змаганє кажди дзе­ нь. Костиранє ми ше базує 80% на нємасним билим месу з курчеца и рижних заградових рошлїнох, а 20 % єдзеня то вайца, рискаша, цеста, овоци, здрави, на жимно цадзени олєй. Самодисциплина, по моїм, ключ за успих у шицким у живо18. ЮНИИ 2021.

хижи у

це. Рихтам ше 2022. року пойсц на Шветове першенство и вжац медалю, наздавам ше найшвицацшу - гутори Иґор Ш икора.^

РУСКЕ СЛОВО 37

ИНТЕРМЕЦО

Практични полудзенок у єдней тепши у хторей єст и меса и желєняви Досц порихтац шалату и полудзенок на столє. До зомлєтого меса положиц пошекану цибульку, цеснок и присмачки и добре шицко зєдинїц. По­ ложиц до помасценей тепши и поприцискац. Натрец бундавку, мархву и порезац парадичи на коцочки, шицко вєд-

^

^ ;

г УщН' ■ "іі Г>- 1

у'

>і ■ ‘*1

Подлога: ■ 500 ґрами млєти петит кекси ■ 200 ґрами масла, лєбо марґарину ■ 200 милилитри млєка Фил: ■ 600 милилитри млєка ■ 2 ванелийово пудинґи ■ 4 ложки цукру ■ 300 милилитри шметанки за шлаґ Шлаґ за премасцованє: ■ 150 милилитри шметанки за шлаґ Од горе декорация: ■ 150 ґрами билей чоколади ■ 50 милилитри шметанки за шлаґ

38 РУСКЕ СЛОВО

потребне за месову часц: ■ 500 ґрами гоч хторого зомлєтого меса ■ главка цибулї ■ 3 струча цеску ■ ложичка солї, пол ложички попру и ложичку мелкей паприґи

но премишац и висипац на месо. Шицко заляц зоз вайцом помишаним зоз йоґуртом. На концу, по верху, же би було декоративнєйше, положиц колєчка зоз парадичох и печиц у зогратей релни на 200 ступнї ЗО минути. После пол годзини пече­ ня, виняц на хвильку же би ше посипало зоз натартим трапистом и пе­ чиц док ше трапист нє розпущи и почне кущичко червенїц. Порезац на коцки и служи ц.

Потребне за мишанїну зоз желєняви: ■ бундавка штреднєй велькосци ■ 2 парадичи ■ 2 потарти млади мархви ■ дакус солї и попру Прелїв: ■ ■ ■ ■

2 вайца 2 деци йоґурту 100 ґрами траписту пошеканого копру

Лєпше'од^ладоляду Нєт печеня и зогриваня кухнї у горучавох и тот колач идеални влєце. _ Поступок правеня: Загнєсц подлогу и поприцискац прейґ тепши. Увариц пудинґ у млєку зоз цукром, а окреме вимишац шметанку. Кед ше охладзи, пудинґ зєдинїц зоз шметанку и висипац на под­ логу. Витрепац шлаґ и премасциц прейґ пудинґового филу и од горе преляц зоз розпу­ щену чоколаду и шметанку. Колач охладзиц у фрижидеру.

18. ЮНИИ 2021.

ГОРУЦИ ТЕПШИ

Пририхтали: Лю. Цвеїч и Т. Салонтаї

Милана Младеновски (инстаґрам соокіпд.\л/ііГі.^е_тт)

Пита зоз бундавку О чисциц и Потребне: натрец бундавки. Посоі кила бундавки лїц их и охаі 5 вайца биц же би і 250 ґрами дробного стали дас 15 минути. По­ сира тим их треба і 100 ґрами шметанки добре одцаді 6 ложки ґризу зиц. Витреі 2 ложки муки пац вайца, і пращок за печенє додац сир, і соль, попер шметанку, і дакус олєю ґриз, муку пращок за пе­ чене. Премишац и положиц солї и попру по смаку. Усипац до подмасценей огньоодпорней судзини лєбо меншей тепши и печиц у зогратей релни на 200 ступні док нє почервенї.

Мария Бауцал, Вербас

Кромплї увариц и добре поджамиц. Додац вайцо, солі и муки тельо „кельо приме” же би нє бу­ ло барз тварде. Розогнац цесто и порезац на коцки, на кажду коцку до штредку положиц

Потребне: і кила кромплї і вайцо і ложичка солї і мука і отрушини

ложичку маджуну и позберац цесто до лабдочки. Увариц ґомбовци у води хтора вре (кед виплїваю на поверхносц вец су уварени). Одцадзиц их у жимней води. Отрушини попражиц на дакус олєю и вец положиц ґомбовци и додац цукру по смаку.

18. ЮНИЙ 2021.

РУСКЕ СЛОВО

39

ИНФОРМАТОР, ОГЛАШКИ, ИНТЕРМЕЦО

ф от оґрлф ш я 0322Р

ф от оґрлф ия. 0540Р

ф от оґрлф ия. 0418Р

оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботП нї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґ­ рафиї, модлїме Вас же бисце явели до Заводу за културу войводянских Руснацох на число телефона 021/654-65-34, лєбо на мейл: гауогі.ги5ІпІ@атаІІ.сот.

Даєдни фотоґрафиї обявюємє вецей раз, понеже за нїх дотераз нєт нїяки податки.

Завод за културу войводянских Руснацох ма нове число телефона 021/654-65-34

V